ياناشدن عني ورا شعبه انصاب=عند
الامير ابن
الملوك السعودي
نسل
الملوك موردن كل من هاب=اللي على غيره بطيبه يزودي
للحيل ذباحن وللنار شباب=دمثن جنابه للمراجل يرودي
اسمه على جدن فتح للفخر باب=جدن حكم كل الجزيره وزودي
عبد العزيز اللي تعلا بمرقاب=من هيبته تخضع جميع الاسودي
قضى على الفتنه وثبت بالاطناب=ثبت قواعد ديرته والحدودي
من حقل ليا نجران ليا راس مشعاب=والحره السودا وكل النفودي
السيف يقضع بالجماجم والارقاب=لين اصبحت كل الجزيره مهودي
وراح ابو تركي والخلف ذيب وعقاب=وانمور وافهودن مجاذب فهودي
منهم هديب الشام ماعنه مجناب=عبد العزيز اللي يكود ويجودي
حلحيل ماينحال للطيب كساب=يفتل وينقض مبهمات العقودي
له مجلسن مدهال عكفان الاشناب=زحول الرجال اللي تحفظ العهودي
منهم غنيم اللي مجيي له اسباب=وفراج ابن شبلان ماني جحودي
لوغاب عبدالله ترا النجم ماغاب=النار تقدح من خشوم الزنودي
والمدح يبقى في عريبين الانساب=والبيت مايبنى بليا عمودي
عند الامير ابن الملوك السعودي
العرض العادي
