السلام عليكم
:
:
:
كل ماثقلت وواجهت صعبات الامور
وأنحرجت من الزمن والمهمات الكبار ..
أذكر أني من ظهر شايبٍ شرْه وجسور
جابه الدنيا مجابه بطل هاك النهار ،
خاضها صبر وصلابه وميقافٍ غيور
دون وجهه لجل مايفك بابٍ للصغار ..
أنهكت حاله بلا شك لكنه صبور
لفت ودارت معه بس مالف ولا دار !
ساقها على النقا والنقا ممشا السرور
يوم ماطاعت ماطاع وضربها فالجدار
وأنتشي قوه تقطعني السبع البحور
قوةٍ اشرب وراها لذيذ الانتصار ..
أسري الغدرا وأصبّح على وجه السفور
وأكسر الياس ولا وقّف عشان الانتظار ،
التحدي يمكن أحيان يكسرك وتبور
بس مهما صار تبقى محط الاعتبار ،
كابد بوجهٍ نقي ماوسم فيه الفجور
ولا تدور لك عذر بعض الاعذار إحتقار ..
كون من لا شي وأعبر محطات العبور
تبتسم لك سود الايام وتزيدك وقار ..
والمنازل لاصل ماهي المباني والقبور
فـ الحقيقه هم نُزلين ( ياجنه يانار !)
محسن حمود
شعر مدري شعور ،
العرض العادي
