حبيب::
سلامي يا خوالي يا خوال الشايب الـمـرحوم
عـسى الله يبقي الحـيين واللي مات فالـجنه
حضوري عندكم واجب وانا في واجبي ملزوم
لـزومن تلـزم الرجال يوفـيها بـلا منـه
سعيد::
هـلا يا مرحب بك يا ابن آخينا زمان اليوم
لعـلـك فالعـلوم الماضيه ما تخلف الظنه
بعد طول المغيبه هات لي علوم واخذ علوم
عـلمون مع طريق الحق ماتطلع ورا السنه
حبيب ::
انا ماغير النيه ولا أخضع تحت راي القوم
لـيا طـال النهار ودخنت واحترت الكـنه
علومي يـا سعيد مثل خـط العالم المرسوم
تسمع فـي الجمال من الحمايل جالها حـنه
سعيد ::
تقوله يا حبيب وانت منته خالق المعدوم
لـيا منه بدا سـبارها فـي عالي القنه
لـيامنك دخلت البيع معنا بيع ولا سوم
وقلبك لا يطق من الحماقه طـقت البنه
حبيب ::
لابدالفرس تاخذ درس لمن صفت جيوش الروم
وابو سنين عوج طقـه حمـاقه واقـلعت سنه
انا راضي على حالي وانا راضن على المقسوم
وامـيز فـالعرب ثـلثـين ولا ثلث مـنجنه
حبيب ::
اقـوله يا سعيد وانت جيد مار صح النوم
علامك كل ما قـابلتني جريت لك ونـه
عصى موسى قديمه والجديده هوعصى سلوم
ولو سلوم يرفعـها يجـي في رفعـها لنه
سعيد ::
لـيا منا حضرنا فالمواقف طيح ولا قوم
عـيوني ماسرقها النوم وعيونك سرقهنه
عصى موسى قديمه مار سيفي فاللقا ملحوم
عشها النمر الاشهب ما يداني مرنقط الزنه
حبيب ::
ليامنا حضرنا فالمواقف ماش حب خشوم
تحيمر لي عيونك مار هرجك فآخره غنه
انا لن شفت لي رجال ما يبغى السلوم سلوم
ابـا احده وابا رده وابا قـنه وابا صنه
سعيد ::
تقوله يا حبيب وانت في وسط البلد محكوم
علاك الحكم ماضي والمراسم كيف يمحنه
نشوفك تنفخ الجمر الحمر فالبرطم المشروم
على صفق الهوى يابو جرس دن الجرس دنه
بين حبيب العازمي - وسعيد عيد القحم
العرض العادي
