هبوب الشمال

17-11-2014, 02:33 PM

لا تحركين المواجع ياهــبوب الشمال
الصدر يكفيه ما به من هموم الحياه

الصـــدر مليان من جور السنين الثقال
الله يعـــــــينه على الـدنيا وزايد عناه

عــــــزاه ياقلب همه مـع ليالـيـه طال
زادت طعــــــونه لعل الله يجبر عـــزاه

والصبر عدى حدود الصـــبر والاحتمال
والهم بين الحنايا العوج شــــــيد بناه

والعـزم ثابت على الشده قوي لايزال
صامد ولا شـفت ما يثبت بلحظه رداه

لولا النسانيس تعطي للهموم المجال
وتعـــــيد للبال طاري صاحبه ما نسـاه

وان مرت القلب يبدا القلب بالاجــتوال
من خلف حدب الضلوع اللي تحده وراه

دايم ليا نسنس الغربي يجي فالخيال
ذكرى قديمه ولكن القلب تبحث خفاه

ودي بريح الشـمال ولكــــــن ياهملال
لا ذعذعت نودها جابت لصدري شقاه

يالله جمل علي بالصـــبر في كل حال
يارب عــــونك لا حل الهم تومي عصاه

،،
الغانم