قصيدة في قبيلة البقوم؟؟؟؟

https://www.youtube.com/watch?v=v5mJrihFxd4
[poem=font=",7,white,bold,normal" bkcolor="teal" bkimage="" border="none,4," type=1 line=0 align=center use=ex num="0,black""]
سلام يا قوم ٍ لهم شان واحســــــــاب=والهم مفاخر بين كل القبائــــل
لا قيل منهم قلة عربين الانســـــــاب=قبيلة ٍ تزها المدح والجمايـــــل
ملبوسها جوخ ٍ حمر وقت الانشـــاب=هم البقوم اللي لهم فعل طايــــل
اشهد شهادة حق ماني بكـــــــــــذاب=في مدحهم ماني براعي هزايــل
اورد الجزلات في مدح الاصحــــــاب=بيض النوايا والفعول الجزايـــل
فيهم مضارب طيّب وزينات الالقــاب=هذي صفات ألقابهم والدلايـــــل
منها السمو بقوم والنجم ما غــــــاب=فوق النجوم وفوق كل الحمايــل
من السمو سبع المفاخر لهم كــــــاب=تاج ٍ لهم في المجد ماله بدايــــل
وايضا سهوم ٍ للمنايا وحــــــــــــرّاب=يوم الحرايب يا بسين البلايـــــل
لا جاء نهار ٍ فيه طالب وطـــــــــلّاب=يرسون مثل طويق وجبال حايـل
يوم العزاوي ستر تلعات الارقـــــاب=ظهور السواني كاسبين الجلايــل
قبيلة ٍ تضد عكفان الاشنــــــــــــــاب=على ظهور الخيل بحد السلايـــل
يردون حوض الموت شجعان وذياب=رجالهم يصد تسعين عايــــــــــل
يثني وراء حرش العراقيب ما هــاب=دوس الخطر والزند يقدح فتايــل
وكل البقوم ابطال ورجـــــــال الاداب=هم سادة العرّاف وهذي خصايـل
فيهم وفيهم زود بالطيب واحبـــــــاب=للي عليهم ما يشيل الغلايــــــــل
وعدوهم بالهم والخوف منصــــــــاب=كنه يصالا فوق حرْ الملايـــــــل
وقت الشدايد نزحوا كل الاجنـــــــاب=دقلاتهم تشبه حقوق المخايـــــــل
قبيلة ٍ مهيب عوجا وترتـــــــــــــــاب=ولاهيب تنزل في طمان المسايـل
تنزل رفاع الارض وللضيف ترحـاب=يقفاه هيل وعود وتقديم حايــــــل
فوق الصيانا والشحم كنه ثيـــــــــاب=ابيض من المروّ في عز القوايــل
والجار ما كنه غريب ٍ من اغـــــراب=في ضفهم يدله ويلقى كمايـــــــل
ماجوبه اللي بينهم عز ما غـــــــــاب=وادخيلهم يامن بسلم وفعايـــــــل
وخويهم ما جاه ميلات وعتــــــــــاب=اصدورهم وكفوفهم له ظلايـــــل
وشيوخهم ما مثلهم بكل الاقطـــــــاب=راسين وادهاه وحماة الذلايــــــل
وقفاتهم ما حال من دونها حجـــــــاب=ترفع لهم اعلام من فوق طايــــل
ودقلاتهم يا زينها كنها هضـــــــــــاب=بسلة قبيلتهم خذوا الاوايــــــــــل
في كل كون ألهم مفاخر ومضـــــراب=في سلّم الامجاد هذي مثايـــــــــل
مسجله يا بقوم والشعر له بـــــــــاب=فتحت بابه والفكر له وسايــــــــل
في مدحكم قدمت ما لذ واطـــــــــــاب=يا هل الوفاء وَموردين الصمايــل
واختامها تزهون مدح ٍ له اطنــــــاب=امثبته لافعالكم ما تمايـــــــــــــــل[/poem]
وسلامت الجميع000
الشاعر/مشعل بن صنت العصيمي __DEFINE_LIKE_SHARE__

ونعم بـ قبيلة البقوووم
وصح لسان شاعرنا القدير مشعل العصيمي __DEFINE_LIKE_SHARE__

تستاهل المدح قبيلة البقووووم
صح لسانك ملايين يا مشعل ع القصيده الرااائعه
تقبل تحياتي

__DEFINE_LIKE_SHARE__

يستاهلون البقوم يامشعل وصح لسانك __DEFINE_LIKE_SHARE__

يستاهلون المدح
صح لسانك يامشعل على هالجزله الرائعه
اشكرك __DEFINE_LIKE_SHARE__

صح لسانك مدد بلا عدد اخوي مشعل العصيمي
يستاهلون قبلية البقوم من غير قصور في كل القبايل
تحيتي __DEFINE_LIKE_SHARE__

يستاهلون البقوم
دره من الجمآل هي كلمآتك
صح لسآنك وعلآ شآنك
ننتظر المزيد __DEFINE_LIKE_SHARE__