اعذرينے حمد البريدي

. اعذريني !! .. لو ضحكت وضحكتي موجوعه **********
**********دامني .. عايش بوقتي بين
هم ولوعه !! .

. ايه .. انا رجال .. ﻻ‌ منه حكى ما جامل**********
**********ما يهمش ﻻ‌ حكى في فكره .. وموضوعه .

. واسمحيلي لو تكلمت بصراحه .. جدا (ن)**********
**********عن سخافات الزمن و( العالم
المخدوعه) !! .

. ناس تضحك في مجالسها .. وهي طربانه**********
**********والغرير .. اللي فقد أمه .. غريق دموعه !! .

. الزمن ماهو زمان .. مصفيين النيه**********
**********كيف .. والطيبه من قلوب البشر ..
منزوعه .

. ذكريات اﻻ‌مس .. راحت !! .. والرجا فالمقبل**********
**********وكلن يدور على مصلحته .. ومنفوعه .

. ناس تضحك لك بوجهك .. من تشوفك**********
**********واﻻ‌صح كبودهم من جيتك .. مفقوعه !! .

. ليه .. ﻻ‌ صار الرجل ماهو يجامل ربعه**********
**********اكرهوه الناس .. واولهم .. قريب .. ربوعه !! .

. وليه ﻻ‌ منه حكى صادق محد يسمع له**********
**********والكذوب وهو كذوب وكلمته ..مسموعه .

. شي ﻻ‌ يمكن عقل يستوعبه... واﻻ‌غرب !**********
**********انها عند العرب .. فاتورة (ن)مدفوعه .

. صارحيني بالحقيقه .. حتى لوهي .. مره**********
**********واخمدي نار النزاع بحيرة (ن) مفجوعه ¡¡ .

. ريحيني .. وانطقي لي كلمة واحيده ..**********
**********وقولي (احبك) .. ترى نفسيتي مفزوعه !! .

. واسمعي ياللي خذيتي الفكر مني كله**********
**********ثم سكنتي وسط قلب .. المهتوي ..وضلوعه .

. ما عشقتش يا هواي إﻻ‌ وانا مختارش**********
**********فاعشقيني واعشقي رجل فريدبنوعه !! .

. واتركيني اكتشف بش نظرتش وأبعادش**********
**********يا براءة اﻻ‌ختراع بداخل الموسوعه .

. آه يا عمري لو انش من بنات اعمامي**********
**********كان في .. ذمتي ذمه ..ان قدش مقروعه !! .

. ان فقدتش ما يعوض غيبتش انسانه**********
**********وان لقيتش تعزف اللهفه لنا مقطوعه .

. عانقيني واحضنيني في دفاتش ساعه**********
**********الزمن بارد .. وقربش منتهى في الروعه !! .

. سلسبيلش شهد .. والرقه تثير اسلوبش**********
**********مايعه واﻻ‌قرب .. انش ناعمه ..
ميووووعه .

. فاتركيني في سكاتي واستبيحش عذرا**********
**********لو دخلت بهالطريقه .. اللي ,, ﻻ‌
مشروعه !! .

. واعذريني لو رأيتيني .. كذا .. متهور**********
**********ما اقدر استحمل جمال .. الترفه .. (الدلوعه) .

. ماني مصدق عيوني !! .. لو اشوفش فيهم**********
**********لين يشبع بي الغرام .. اللي طفش من جوعه .

. حمرة خدودش .. ليا ناظرتها توحي لي**********
**********كنها حمرة خدود الجاهل المصفوعه !! .

. يسعد الله لي صباحش ,, واولوية حاجه**********
**********ﻻ‌ سقيتي بالمرشه وردة (ن) مزروعه!! .

. ويسعد الله غرفتش .. وعيونش الذباحه**********
**********والسرير الوردي .. وترتيبته ..وشموعه !! .

. وكتبش المتناثره ومبعثرات هناك وهنا**********
**********والورق .. والعلك .. والسماعه المرفوعه .

. والعطور اللي على تسريحتش واغراضش**********
**********والهدايا والصور... والتحفه
المصنوعه .

. وﻻ‌ انتهى اليوم الطويل وانتهت ساعاته**********
**********نبتدي نقراء بقايا ( القصه الممنوعه ) .

. ﻻ‌قتربتي واقتربت .. وذبت وانتي ذبتي**********
**********واشتهي الضامي .. شروب الماي من ينبوعه .

. ايه .. آحبك واعذريني بآتعدى حدي**********
**********يمكن ان وقتي تركني .. خارج المجموعه .

. مشكلتي .. آقول ما في خاطري والمعنى**********
**********واحد (ن) عفوي وﻻ‌ هو يستعير
طبوعه .

. فقولي آحبك .. وانا بعد بقول آحبش**********
**********واحفظي لي ذكريات .. ( القصه الممنوعه ) .

__DEFINE_LIKE_SHARE__

صح لسان شاعرها
وتسلم يمينك على روعة الانتقاء __DEFINE_LIKE_SHARE__

مابه حيله البريدي

صح لسانه وصح فكرك الذوووق

آبيااات للقلب وربي

طبتِ __DEFINE_LIKE_SHARE__

الله الله الله

قمة الذوق والروعه

تسلم يميينك ع النقل الجمييل..

وصح لساان الشاعر المبدع حمد البريدي

ودمتي متميزه ومبدعه
شكرآ لك
تحيااتي.. __DEFINE_LIKE_SHARE__

ابدعتي صامله ونقل مميز من شاعر مشاء الله عليه

صح لسانك ولسان الشاعر

ماننحرم من جديدك حبيبتي

تقبلي مروري __DEFINE_LIKE_SHARE__

صح لسان شاعرها
وتسلم يمينك __DEFINE_LIKE_SHARE__

صح لسان الشاعر ويعطيك العافيه __DEFINE_LIKE_SHARE__