جديــد سداح العتيبي بصوت عبدالعزيز العازمي...

غلا العتيبي · 02-12-2011, 12:53 AM

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

هذه القصيده من كلمات الشاعر :سداح العتيبي

وأداء الشاعر:عبدالعزيز العازمي (الرمح )

إليكم القصيده .....

عتيبيّه .. عريـب ٍ ساسهـا .. ومعرّبـة جدّيـن=سنام المجد منها ومتسلسل من سلايلها

مغنّ أصل وفصل ومرددّه ما جات بين .. وبين=يحق لي التفاخر كلّ ما عدوّا تسلسلها

حفيدة كاسبين الأوّله بالسيف أبو حدين=من أسياد العرب تحسب ومن خيرة قبايلها

عليها من شعوري ما يزيل الشكّ والتخمين=محبّتهـا فـي قلبـي ثابتـه محـد ٍ يزلزلـهـا

لا عوّد حبّ نسوان العرب .. حبحب على السكّيـن=لهن زيف الشعور اللي في صدري .. والصحيح إلها !

خضع قلبي وراحت دقّته تتبع هواها لين=غلاها فـي عروقـي قـام يجـري ويتورسلهـا

أي والله .. ثم أي والله .. غاليه وأغلى من الغالين=تدللنـي علـى وضـح النقـاء الطاهـر وأدللها

في قلبي حبّها حاجز رقم واحـد .. ورقـم إثنيـن=ولـو بدلّـت قلبـي مـن معاليقـه مـا أبدلّهـا

بنظرة عيـن تحجزنـي .. وتطلقنـي بنظـرة عيـن=وأنـا خافـض جنـاح الـذل وعيونـي تغازلهـا

أجيها لو عليّ من الهموم الجايره طنيّن=تجلّت كل ضيقه في دقيقه يوم أقابلها

و ليا قابلتها قمنا نتسابق بالكلام الزين=عسى ربيّ يجمّلني مثل ما هو مجمّلها

تقول الله يحفظك لي مـن الدنيـا .. وأقـول آميـن=وأمازحـهـا وأدلّعـهـا وأداعبـهـا وأقبّلـهـا

يا ما أحلى زولها كلّه من الهامـه ليـا الرجليـن=يا لبيّه وعسـى عمـري فـدا خصلـة جدايلهـا

ألا يا سيّدة سادات روحي يا عسى تبقين=رعاك الله من جور السنين ومن هوايلها

جعل يومي قبل يومك يا يمّـه كيـف أردّ الديـن=جمايلـك الكثيـره فـوق متنـي جيـت شايلها

http://www.youtube.com/watch?v=UXZv0kcsXLQ

ودي لكم

منبع الروووح

[/ALIGN][/CELL][/TABLE1][/ALIGN] __DEFINE_LIKE_SHARE__

غلا العتيبي · 02-12-2011, 12:56 AM

جعل يومي قبل يومك يا يمّـه كيـف أردّ الديـن=جمايلـك الكثيـره فـوق متنـي جيـت شايلها

الأم شيء عظيــــــم وتستاهل كل ماكتب فيها ومهما كتتبنا لن نوفيها حقها,,,

__DEFINE_LIKE_SHARE__