مساحه خاصه لتغريدات شعرائنا الأفاضل

يا قلب يلي فوق داره تلفّت
يمكن تشوفه وانت فوق بسماها
لين اعرضت قله ترى الروح جفّت
بتموت لو ماهو بشوفه سقاها
قلّه ترى اهل الشماته تشفّت
واركت على العرق الحمر من لضاها
في ونتي هلّت وغنّت وزفّت
تصفق كفوفه كن ربي عطاها

__DEFINE_LIKE_SHARE__

قلب(ن) سقيته ما تراعي ظروفه
شبيت نار البعد لامن تبخر
تسمع ونين القلب قصدي تشوفه
من فوق خدي لون سيل(ن) تحدر

__DEFINE_LIKE_SHARE__

النار في صدري وانا ما سريتك
وشلون يا ليل الغرام اكتويبه
لا ما لقيته عقب ما انا لقيتك
ساسك جوى والسدم اكبر مصيبه
خلف الضلوع الحدب كني طويتك
ما ثاب قلبي عن سنا النار طيبه
خلك معي و اوعدك لني نسيتك
ابكيك لين الكل ينسى حبيبه

__DEFINE_LIKE_SHARE__

خيري وشري داخلي نار بركان
مع مزنة(ن) غيم الرضا بي نثرها
وادري هبوب الريح صاحب وخلان
ذا شب ناري وذاك سايق مطرها

__DEFINE_LIKE_SHARE__

يا سعود قلط دلة الكيف يا سعود
لا تلحق القلب المعنى حسايف
ما ينعدل الا الغضي لنحنى العود
خذها من اللي شايف وزود عايف
يا سعود لا تغفا على كبد ملهود
ولا تقتني باغراض بيتك خفايف
لا هفها الذاري تجي بيضها سود
والتجربه تكشف ترى كل زايف

__DEFINE_LIKE_SHARE__

والله لطوع هاجس الحرف الجزيل
واطربك بالقــول واسعـــد خافقك
مادمت بالقمة ولي فعل(ن) جميل
شوشي فكـــر ولا غرور بعاشقك

انتي هنا بالقلب واضلوعي مخيل
فــي كل وقـــت يلـــوح منه بارقك
دمتــــي ودام الحب والدنيا مقيل
وامـــوت واحياء بك وصعب افارقك



*********
قولوا لمن يغتاب ناصر بظهره
تبطي ولا توصل لمثقال اقدمه
ماظن به شئٍ على شان اخسره
غير الذي قد مات ربي يرحمة



***********
تبغوا تشوفوا الدمع . فـ عيون رجاااال
شووفوا دموع العين عقب الذي مات
حــــزني عليه الدهر .. كله ولو طااال
وان حد يقول انساه . هيهات هيهات



*********
كل العرب تعشق وتهوى الصبايا
وانا عشقت الدار والدار والدار
شفها هنا تاخذ جميع الزوايا
في خافقي والصدر بيمين ويسار __DEFINE_LIKE_SHARE__

إحتفظ بالحب لاتبت يداك
المحبه ماتبي راسٍ عنيد
قدر اللي في حياته مانساك
وأنت عنده غالين واعلى رصيد
لاتحده للجفا سبة جفاك
ولاتذاكا تحسب ان قلبه بليد
الضمير الحي مايمشي وراك
ولايجي لك مثل ماتحب وتريد
كان ماصنته غنين عن غلاك
وش يبي في قلب بارد كالجليد

__DEFINE_LIKE_SHARE__