ديوانـ الشاعر : عبدالله العليوي

[align=center]أيام ضاعت

لو ترد أيام ضاعت في رجاك
ماسهرنا في غيابك نرتجيك

داري بالجرح جرحي ماخفاك
تدري ان الحل والله في يديك

خل جرح القلب يرفع مستواك
غيرتنا مثلك الدنيا عليك

بالجفا والصد يوم الله بلاك
ليت ربي بالموده مبتليك

لا تعاتب والخطا كله خطاك
بعت منهو في حياته مشتريك

ابتعد لو كان قلبي مانساك
قلتها مجبور ابعد مانبيك [/align] __DEFINE_LIKE_SHARE__

[align=center]طول ليلك


ياللي علينا تشتكي طول ليلك
ياما سهرنا ماشكينا لك الليل

ياما تحملنا عذابك وميلك
وياما زرعنا مارجينا محاصيل

دامك تقول إن الجفاء هد حيلك
هذا الجفاء ياللي تظنه تعاليل

منول أنت الروح منهو بديلك
عن هالخطايا كنت أشبهك باسهيل

من يوم شفت العين ظاقت بشيلك
عذرتها شافت من أيامك الويل

ماعاد تخدعني بشلال ليلك
لا عاد من حبٍ ولا عاد من ليل [/align] __DEFINE_LIKE_SHARE__

[align=center]لا تعتذر فات الأوان


لا تعتذر فات الأوان
ما عاد أبي نظرة حنان

مليت من كثر الحلول
ما باقي إلا نفترق

مكتوب نبعد عن بعض
وش فايدة لو نعترض

مليت من كثر الحلول
ما بقى إلا نفترق

طالت مشاوير العذاب
ماشوف داعي للعتاب

مليت من كثر الحلول
ما باقي إلا نفترق

أول بدايتنا خطاء .......
وأخر بدايتنا خطاء

خلاص ملينا الحلول ......
والحل لازم نفترق [/align] __DEFINE_LIKE_SHARE__

[align=center]ردتني الشوفه

ردتني الشوفه إلى زمان أول
أيام كنا صغار وأحلامنا أصغر

ردتني الشوفه إلى بيوت الطين
وعيال حارتنا والدور والبسطه

أيام كنا صغار وقلوبنا بيضاء
ردتني الشوفه إلى زمان أول

يوم الزعل مايوم بقلوبنا طول
كنا لبعض نشتاق من غير ماندري ..

ردتني الشوفه لسوقنا الضيق
وتفكيرنا المحدود تفكيرنا الضيق

أيام كنا صغار وقلوبنا بيضاء
ذيك السنه تدرين مانعرف الغيره

والحب ما جاله في بالنا سيره
ردتني الشوفه ورديت للماضي

لقيت نفسي غصب تبكي على الماضي ...
تذكري في يوم قلتي نبي نرحل

نبي نروح بعيد نبعد عن الحاره
وصرخت دون شعور وشلون لا رحتي

ياشين هالحاره هذا وحنا صغار
وأحلامنا أصغر يوم الرحيل أذكر

نزل علينا السيل ولا فرحنا به
أول إلا جاء السيل كلن فتح بابه

اليوم صرنا كبار دار الزمن فينا
صار العذاب اكبر زاد العناء فينا

اليوم صرنا كبار وعذابنا أكبر
تغيرت فينا ملامح الطيبه

نقول جيل اليوم وقلوبنا سوداء
من زيفها سوداء حتى بعز الشمس

ادروبنا سوداء فينا الوفاء ضايع
فينا الأمل ضايع حتى الزمن ضايع

ونقول جيل اليوم ياغاليه تدرين
وش اللي غيرنا الوقت هو بالنفس

واليوم مثل الأمس حنا على اللي فات
اللي تغيرنا ياغاليه ياليت

يرجع لنا الماضي نرجع لدار ( الطين )
للدور والبسطه لأيام كنا صغار

وقلوبنا بيضاء [/align] __DEFINE_LIKE_SHARE__

[align=center]لو تكرمت

حاول تقدر موقفي لو تكرمت
من شان ماض راح تسمع دفاعي

قبل الزعل ليتك لوضعي تفهمت
ما بيننا عشرة عمر لو تراعي

تراك في حكمك علينا تسرعت
خلك حليم ولا تصير اندفاعي

كان الخطى مني فأنا لك تعذرت
قلبك عطوف و ما يسرك ضياعي

دامك بقلبي من إسنين تحكمت
ما شوف لهروج تجي منك داعي

كل الهموم أنساه لا من تبينت
أهواك أنا مهما تكون اندفاعي [/align] __DEFINE_LIKE_SHARE__

[align=center]قلبي لقى غيركم

قلبي لقى غيركم شخصٍ يهلي بي
يشفق علي وأنا بالحيل مبلي به

أرجوك لا تعتذر يكفيني اللي بي
والله يسامحك منك العذر مالي به

من واهجٍ بالحشا شقيت أنا جيبي
ومن لامني بالهوى يصلى لواهيبه

لولاك للناس مابانت عذاريبي
يا ما تجاهلت حبي وأنت تدريبه

يوم أنت مرتاح في همي وتعذيبي
ماقلت لك يوم ... تفقدني وتبكي به

يازين ماشوف لك عندي مطاليبي
حبيت غيرك وحبك ويش أسوي به [/align] __DEFINE_LIKE_SHARE__

[align=center]بعيد هناك يالغالي

بعيد هناك يالغالي
بعيد ... وين أنا وياك

أنا وش عاد
وش بيدي

ما غير أشكي ما غير أبكي
على قلبي على حبي

على ذكراك
كلام الناس يالغالي ...

يعذبني ويجرحني
إلا قالو ... نساك وراح

شغل بالك وهو مشغول
عنك بواحدٍ ثاني [/align] __DEFINE_LIKE_SHARE__