 |
|
| |
المشاركة الأصلية كتبت بواسطة بروق الصيف
مليت ياالشعر قيفانك مع ألحانك=مليت منكوسك ومسحوبك أشقاني
مليت صوتي وأنا أجره على أوزانك=اكتب قصايد تحاكي الناس بأشجاني
دفاتري تشتكي من خط ألوانك=ماغير الأزرق عليها أي شي ثاني
ياالازرق اش فيك ماوسعت لأخوانك=في دفتري يرسمون الهم وأحزاني
خمسة عشر عام في صفحاته أوطانك=خمسة عشر عام أشكي ظلم الاوطاني
أشكي وليفٍ واقلة ليش هجرانك=واشكي صديقٍ بعد مااوفيت له خاني
أشكي زماني واقله ليش حرمانك=وش جاك مني تجازيني بحرماني
وأرثي عزيزٍ ولا توفيه قيفانك=اللي توفا ويوم الموت بكاني
الشايب اللي لعينه راكب حصانك=نهار توي بديت أصوغ قيفاني
منه تعلمت اقودك واطلق عنانك=علمني أشياً كثيره يوم رباني
رحلة ربع قرن أنا وياه لا هانك=والله ما يوم زعلني وغثاني
واليوم ياالشعر أنا مليت وديانك=مليت بحرك ومن شاطيك زهقاني
مليت شيطاني ومليت شيطانك=اللي متى يلتقون أبات سهراني
ياكم معاهم قضيت الليل سهرانك=والنتيجة قصيد أشكال وألواني
والبارح أمسيت ساهر بس من شانك=أحسب عدد ذالقصيد وعدّه أعياني
ميتين وسبعين إنتاجي من جنانك=لا والله الا أنا اللي فيني جناني
لو نمت أنا الليل ما دقيت بيبانك=واقوم أنا الصبح واسرح مثل الاخواني
اسعى لرزقي وانادي ياالله احسانك=قد كان أنا اليوم عندي موتر ألماني
وبنيت فله ولاهي مثل بنيانك=فلّه على الواقع أبنيها ب سيساني
واتزوج أحلى مره وتشوف بأعيانك=واقول هذي تراها سيد خلاني
واعيش مرتاح من وزنك ودندانك=والكاش منه رصيدي حيل ملياني
أما أنت مليت قلطاتك وديوانك=خمسة عشر عام في صبح ومسياني
صح الله لساني وصح الله لسانك=صح الله بدانك وصح الله بداني
تعبير ياكثر ماتسمع به أذانك=وانا بعد دايما تسمع به أذاني
برستيج وان زاد قالوا يعتلي شانك=وأقول آمين يالله يعتلي شاني
|
| |
|
الله عليك ياشاعرنا المبدع الاخ القدير محمد المصعبي صح السانك حتى ترضى
بيض الله وجهك على النص الجميل وجزالة المعاني الراقيه
تحياتي وتقديري لشخصك الكريم
رد: صح الله لساني....محمد صالح المصعبي
العرض المتطور
