أنا عتيبيه وعزووتي رووق وبرقااا المناعير ,,,

سلام من ســــــــاااروونه
==============================
هذي قصيده كتبتها من وقت طويل في وحده اعتقدت انها صديقه ولكن للأسف !!
واللي خلاني اطلعها من الارشيف هوو احد الاشخاص اللي حاول يسيء لي واحب اقوول له
(واثقُ الخطوةِ يمشي ملكآً)
اترككم مع القصيده
.
.
.
.
البــــال سج ونوخ ركاب التعابيــــر
والقلم فــز والقرطاس مباريآ لــــــــه
/
والعقل محتــــار من كثر التفاكيــــر
والـ ..... كنها على جــــــال ملــــه
\
ياراكب اللي لاإنطلق يطوي السيـــر
أسرع من لمح البرق في ضويتن له
/
عليه وسم مثـــــل وسم المغاتيــــــر
وسومه هي أرقامه إللي تتصل لـــه
\
مايتعب من الركض وكثر المشاوير
مضمونه في رساله يامن تفتهم لـــه
/
يضمن المرســــول يوم يعطي تقاريـر
ويأخذ على التقرير عشــــر هلل لـــه
\
مضمونه عن الـ ..... ياطوال الأشابير
إللي طبــــاعه ماينعـــرف لهــا ملــــه
/
طبعن مالــــه مع العقــل تبريـــــــر
أزريت أميز يالربع هي من أي شله
\
فيهــــا من الحسد والغيــره قناطيــر
ونفسهــــا للشـــــر دايــــم مستهلـــه
/
تـــراعي للنــــاس بغـــل ومحاقيـــــر
وكلن بعين طبعـــه يــراعي لخلـــــه
\
والرديء مايطيب لو قيل له : يأمير
وش عاد لو يملك ملاييــــن وفلـــــه
/
يبقى بعين الناس بلا حشمه وتوقيــر
يعيش سويد وجهن وأخلاقه أمخله
\
راعي الردى يشدي من ينفخ الكير
كلن يبي بعده وفعوله دايم تذلـــــه
/
وراعي الطيب له عند الأجواد تقدير
كلن يبي وده وفعوله دايم تجلــــــه
\
والنت يجمــــع الشـــــر والخيـــــر
به من كــــل العلوم دقـــه وجلـــــه
/
ومن هاش بالقول ماأبي فيه تشهير
أبريه من أوجاعه كان يشكي العله
\
والله عطانا في سورة النـــور تنوير
قذف المحصنات مايجـــــوز أبــد لله
/
وإللي قال بي قول كذبن وتزويـــــر
أطلب عسا الرحمن لسانه يشلــــه
\
قلتها وأنا من لابتن يهدون الطوابير
تاريخهم في نجــــد كلن فطن لـــــه
/
تاريخهم أوضح من أبانات والنيــــر
لاقيل عتيبه ؟ هي طب القلوب المغله
\
أنا عتيبيه وعزوتي روق وبرقا المناعير
وأفتخر بالهيلا هل المراجل والطيب كله
/
ذبـــــاحة الحايــــــل مزبنين المقاصيـــر
لطـــــامة العايــــــل قربهم محدن يملــه
\
تشهد لهم قحطـــان مع حرب ومطيـــــر
وشمر وبني وايــــل هل الفعول المدلــه
/
وتشهد لهم حدب السيــــوف البواتيـــر
فعل على قول والحمايــــل شاهدن له
\
تم قولي يالملا والعذر كان فيه تقصير
وصلاتي على المعصوم من كل زله
.
.
وسلامتكــمــ

مشاركة هذا الرد في Google Facebook Twitter Digg

أنت معجب بهذا.