كـل السنـيـن جـروح...وآمـال يـافـي=ماتت...قـبـل تلـقـى بعـمـري مـنـاهـا
عـمـرك سمعـتـي مـيـتٍ يـنـدة لـحـي=روحــة مــن الدنـيـا كـثـيـرٍ شـقـاهـا
البارحـة فزيـت فــي خـاطـري شــي=وفــزت قصـيـدة والمـعـانـي مـعـاهـا
والشعـر فينـي كـنـة الـنـور والـظـي=والشـمـس والقـمـرا بعـالـي سمـاهـا
يروي ظماي من العطـش كنـه المـي=لآ خـابـت الهـقـوات بـالـلـي هـقـاهـا
وجرح الندم ياهو كوى ظامـري كـي=وشـرهـة نشـامـا مــا لحقـنـا مـداهـا
(مطعون)في خنجر زماني من(ايدي)=طعنة...وساقـت الـف طعـنـة وراهــا
ليـن أظلمـت دنيـاي وأمسيـت مبلـي=وصبـرت ليـن الصبـر قطـع رجـاهـا
ومـن لآ نفـع حـالـه بيمـنـاه يمـسـي=بـيـن اللـيـالـي والسـنـيـن وعـنـاهـا
لـي لآبـةٍ دايــم مــن الـجـود تعـطـي=مــن خلـقـة الـدنـيـا كـبـيـرٍ عـطـاهـا
ديـوانـهـم مــدهــالٍ لــكــل نـشـمــي=وتاريخـهـم طـيـب المـراجـل رقـاهــا
واليـوم اببـدي لأهـل الجـود عــذري=بأبـيـات شـعـرٍ يفـهـم الـلـي قـرآهــا
عشـر السنيـن اللـي تعـدت بعـمـري=ونـار النـدم يحـرق خفـوقـي سنـاهـا
يمة...دخيلـك سامحينـي وانــا أدري=أنــك أمــل دنـيـاي...وأنـك رجـاهــا
راكـــد الرويــلــي
(شموخ الجرح)