منتديات عيال الحمايل - مصافحتـــــي لكـــــم

السلام عليكم ورحمة الله وبركاته

مدى عشقي ..!

وأقول ..

سكنت بقلبك الطاهر عطيتك حب ماله حدود
وقلت الله عوضني بعد ماضاعت أيامي

عشقتك فوق ماتعرف وعشقي كل يوم يزود
ودعيت الله يجعلها حقيقه فيك أحلامي

عرفت أصدق مشاعر ود معاك ولا به أي ردود
تمنيت البشر تعرف أحاسيسي ولا تنامي

أحس بدمع في عيني ، تذكرتك بليّا قيود
تذكرت الحدث لو كان بشر انهار قدامي

"أنا بتركك لجل (.....) أخاف عليك من مردود
وأخاف الموت وفراقك أكيد بلحظة أعلامي"

خساره كلش بلحظه يموت ولابه أية فود
ولابه من أمل يرجى بعده قلوب تنظامي

ولا أدري ليه أنا للحين أعيشه والأمل مفقود ؟
ولا أدري ليه أنا أتبسم اذا هو مر بأحلامي ؟

حقيقه وربي الشاهد وربي أعلم الموجود
مابين النفس يذبحها حزن ينساب لأبهامي

مانام الليل من همي وأكابر حزني المعهود
وألم بيديه يعصرني وجسد تعبان ايلامي

وأقول اني أعيش بخير وأنا من هالحزن مهدود
يمر الوقت من دونك دهر ماكمله عامي

على كثر الذي منك وعلى قل العطا والجود
لو ان براحتك موتي ، لألمـّس يدك عظامي !!

أعشق الرمل من تحتك ولا أدري من هو المحسود
غلاك بشـعـــر توجته .... ولاّ لانك إلهامي

ولكن مع كثر عشقي لو تلقيت منك صدود
ابفرح لك لو انه صار في يديك اعدامي

وقلبك لو عشق غيري رجيتك خلني مطرود
وقول الها بأنك كنت زلة وقت بأعوامي

ابفرح لك عسى عمرك هناء وبنثر خطاك ورود
وبنثر لك عمر روحي وبدوسه معك بأقدامي

لجل تعرف غلا روحك فرحت وغيرتي بشدود
وانا ساعتها من يعلم بحال الجرح والدامي

رثيت النفس من بعدك بحزنٍ زود المنقود
جمعت الباقي من عمري بقايا روح وركامي

أبعزف لك على القيثار لحن طفل غدى موؤد
ولا يدري وش اللي منه حصل ويبرر الرامي

بصدره قلب ماينبض في عينه دمعة وركود
في جوفه عبره يخنقها وهو معذور ينلامي !!

ويقولون الطفل وش فيه وهو قبل أمس لك مولود !؟
عسى ماشر دموعك ليه عسى ما شيء اجرامي !!؟

وقلت إلهم غلا قلبي وعشقه بالحشا مزيود
عجزت أوقف مدى عشقي وكنه صار إلزامي

ومن حبي أقول انه غدى بي حلمي المنشود
هذاك اللي أحبه حيل جزاة الصبر بصيامي

وأخفي عبرتي فيني ودعيت الخالق المعبود
ياربي بداخلي جرح عجز لايطيب برمامي

ياربي نظرتي صارت دموع ف الليالي السود
وصرت أنظر لهالدنيا جرح دمع وقهر ظامي

ياربي كم دعيت بليل سهر والعالمين رقود
ياربي تسعده بعدي ،، وحزن أطويه بختامي

لكم كل احترامي

لوعة الشوق