ياقسوة الوقت غني بالحشى غني
 

[table1="width:100%;background-image:url('https://phoneky.co.uk/thumbs/screensavers/down/misc/alone_t7l1t2ls.gif');"][cell="filter:;"]




قصيدهـ من إبدآع الشآعر / تركي سعد السبيعي
_______________________

ياقسوة الوقت غني بالحشـى غنـي
خليني اقدر اواصل عـزف وجدانـي

كم لي وانا ارقّص احلامي على ضني
واطرد هذيك الاماني بس .. ما امداني

كل السنين العجـاف اللـي توطّنـي
ماضرني جورهـا يـوم الله انجانـي

اشكر ضروف الحياه اللـي تعرقلنـي
من كثر ماطحت صرت مفتح اعيانـي

واشكر هذيـك الليالـي يـوم بكنّـي
وخلتني اشـوف احبابـي وعدوانـي

وباقـي سنيـن العمـر لامايهمّنـي
بعيشها بيـن هاجوسـي وقيفاني

ولو الليالـي تنسـي كـان نسّنـي
نسّني اسمـي وتفكيـري وعنوانـي

نسّنـي الجـرح والغربـال والونّـي
نسّنـي طبعـي وعاداتـي وجدانـي

يانبرة الجرح كم لي ماضحـك سنـي
كم لي وانا في ديار الحزن وحدانـي

اتبع هجوسي ولا ادري ويـن ودّنـي
واليا نسيت الحزن صـوّت ونادانـي

صوت الحزن حيل يشغلني ويذهلنـي
تهزنـي نغمتـه وتقـول ينخـانـي

ماغيرها شـي مزعلنـي ومحزنـي
متى تهب الصبـا وابعثـر احزانـي

يانغمة الحزن صوت الحـزن جننـي
زادت جروح السنين وطال حرمانـي



[align=center]
[/font][/align][/cell][/table1]

رد: ياقسوة الوقت غني بالحشى غني
 

صح لسان شاعرها وسلم ناقلها -
شاكرلك على النقل -

رد: ياقسوة الوقت غني بالحشى غني
 

ابووليد
صح بدنك نيابه عن شاعرها
وشاكرة لك حضورك العطر
تحياتي لك
هوى

رد: ياقسوة الوقت غني بالحشى غني
 

قصيده راااائعه
صح لسان شاعرهااا ملايين
سلمتي هوى روحي ع الانتقاء
تقديري

رد: ياقسوة الوقت غني بالحشى غني
 

الصامد
صح بدنك نيابه عن شاعرها
وشاكرة لك حضورك العطر
تحياتي لك
هوى