تحيّه طيّبه لكم .... t11t59

قصيده .. من قديم الفكر .... تتأمل بكم التجديد ...

يا " حب " عشرتك .. هانت .. قول : وش جابك ؟ = وش ذكّرك قلب عافك .. واعلن التوبه ؟؟
ميّت من سنين لا تحسبني احيا بك = سنين لآخر نفس فالروح محسوبه
يا " حب " عشتك زمان وكنت طلاّبك = جيتك .. وسلّمت بامري .. لامر محبوبه !
قلت الهوى دلّني يا قلب لاحبابك = قوم لهواك .. احتفل .. وافرش له دروبه !
احلى الغنادير .. يا قلبي على بابك = رقه .. وزين .. ودلع .. واحساس .. وعذوبه !
جتني فرح .. واغنيات .. ولحن متشابك = جتني مقادير باصدق وعد مكتوبه !
قلت ابشري والقصيد العذب هلا بك = والفكر هايم .. وروحي منك مسلوبه !
العيش ما طاب لي في عمري الا بك = والدرب قبلك .. مشته خطاي مغصوبه !
ما احلى من عيونك الا فتنة اهدابك = ما بعد ضحكتك .. غير الصوت وطروبه !
يا بنت عشقي .. كتبني لاخر ترابك = آموت بك ما غفرت الحب وذنوبه !
طواني اصدق غرام بصفحة كتابك = ما خفت .. والا .. حسبت الوقت وغيوبه !
كنتي تقولين .. اخاف بلحظة عتابك = تنسى .. واقول العتاب .. مضيّع اسلوبه !!
وآروح افكّر واخاف آتخيّل غيابك = والقاك .. واسمع كلامك .. سحر واعجوبه !
ازعل .. وازعّلك .. واترضّاك .. وارضا بك = واطيع قلبك .. والبّي .. كل مطلوبه !
آمنت بك .. واعتكفت .. بركن محرابك = وافنيت عمري .. بسلم العشق .. وحروبه !
لين التهيتي بدنيا غيّرت ما بك = وضعك تبدّل .. واحاسيسك بغيبوبه !
حاولت الاقي سبب .. واعذرك والقابك : = تفسير للحال .. واثر الحال .. مقلوبه !
لبستي ثياب .. والله ماهي .. ثيابك = لا الغدر طبعك .. ولا ثوبك على ثوبه !!
واليوم وينك .. ووين اللّي تغنّا بك = ما باقي الا .. رماد قلوب مشبوبه !
خنتي .. وبعتي .. وخلّيتيني اشقا بك = يا حسرة القلب ... من يتحمّل تعوبه ؟
لا انتي .. وفيتي .. ولاني اللّي تهنابك = سنين والجرح .. له رايات منصوبه !!
والحين عذرك معك .. تكفيني اسبابك = اعذار .. واسباب .. وحكايات . ملعوبه !!
لا .. والف .. لا .. خلّك بناسك .. وباصحابك = وش ذكّرك قلب .. ملّك واعلن التوبه ؟؟؟!
حبّك .. من سنين .. ميّت .. كيف يحيابك = وسنين حبّك .. حشا .. ماهيب .. محسوبه !!!

10 ــ 10 ــ 2003 م

المشاركة الأصلية كتبت بواسطة أنسة قلم (المشاركة 222444) حبّك .. من سنين .. ميّت .. كيف يحيابك وسنين حبّك .. حشا .. ماهيب .. محسوبه !!! ::: :: : الله الله عليك يا شاعرنا "منســــاب" ابيات جزله وقويه صح لسانك مليون على هاالرائعة تقبل اعجابي وتقديري ,,

المشاركة الأصلية كتبت بواسطة ابن شعلان (المشاركة 222664) ابيات جزله وقويه صح لسانك مليون على هاالرائعة

المشاركة الأصلية كتبت بواسطة حلوه وشقيه (المشاركة 222677) صح لسانك ولاهنت

المشاركة الأصلية كتبت بواسطة ابن الشيوخ (المشاركة 222708) صح لسانك وعلا شانك

المشاركة الأصلية كتبت بواسطة عبدالرحمن مازن العطاوي (المشاركة 222792) . . يا بنت عشقي .. كتبني لاخر ترابك آموت بك ما غفرت الحب وذنوبه ! طواني اصدق غرام بصفحة كتابك ما خفت .. والا .. حسبت الوقت وغيوبه ! جزل ورائع مرور للفائده يامنساب صح لسانك ملاييين ولاهنت تحيتي لك . .

المشاركة الأصلية كتبت بواسطة عــ الهوى ــز (المشاركة 222797) صح لسانك اخوي منساب ولاهنت على القصيدة الجزلة الله يعطيك العافية والله تحياتي لك

المشاركة الأصلية كتبت بواسطة سلطان الفرم (المشاركة 223065) صح لسانك يامنساب قصيدة روعه لاهنت