عــ الهوى ــز
08-12-2005, 12:28 AM
قال انه في قديم الزمان ...امراه متزوجه لرجل شهم وشجاع وافي فيه كل خصايل الرجوله والبطوله
وكانت تحب فيه شجاعته وقوته.... في يوم من الايام راح هاذا الزوج فزعه مع احد القبايل
اللي نخته... وكان كل مره يرجع مرفوع الراس لكن هالمره مات فيها هاذا الزوج وحزنت زوجته عليه حزن
شديد ... بعد كم سنه جاء اخو زوجها يخطبها يبي يتزوجها... وافقت عليه واخذته تبي تعوض فيه ((كود انه
يصير مثل اخوه)) بعد ما اخذته جاء واحد ينتخيبه ولا لقاله اجابه واكتشفت انه مهب مثل اخوه علما" مع
انهم نفس الشبه ومتربين بنفس البيت..... وقالت وهو يسمعها هالابيات....
يا الله ياعايد على كل مظمــاه
يا محــــيي ألارض الهشيم المحايل
إنت الكريم ورحمتك مـــــا نسيناه
تروف با اللي دوم عينه تخـــايل
تلطف بمن لـــن عيـــنه مداواه
اللي بقلبيـــه حــاميات الملايل
ألوج مثل أيوب من عظم بلواه
واسهر إلى مـــــــايصبح النجم زايل
على حبيبٍ كل مـــاقلت ابا انساه
لذكـــره تفطنّي من الهجن حــــايل
إلى نسيته ذكـــرتني بطــارياه
شيب ظهـــر من عاصيــات الجدايل
يلتاع قلبي كــل ما اذكــر ســواياه
كمــا يلوع الطـــير شبك الحـــبايل
لا واحبيبي سبعــة سنين فرقاه
عليـــه انـا قصيــت كــل الجدايل
لا واحبيبي يتلف الهجن ممشاه
الــى بــغــى لــه نيـــه مايسايل
لا واحبيبي يرعب الهجن بغناه
من كثر مايوحيه ليل وقوايل
لا واحبيبي كل قوم تنصاه
تلقى ربوعه طيبين القبايل
لاواحبيبي تدفق السمن يمناه
ياما ذبح مابين كبش وحايل
لاواحبيبي وافيات سجاياه
عليه غضات الصبايا غلايل
لاواحبيبي دوم للعفن متقاه
ياما كلنه مدمجات الفتايل
لاواحبيبي بين ذولا وذولاه
خلي بوجه معدلين الدبايل
لا واحبيبي طاح يوم الملقاه
بنحور غلبا فوق قب السلايل
لا واحبيبي طير شلوى تعشاه
قطاعة المهجه سنا عيس حايل
ياعارفين ((وديد))ياطول هجراه
ياليتني بوديد مابغا بدايل
اخذت اخوه ابي عوض ذاك من ذاه
والبيت واحد من كبار الحمايل
عندي مثيله واحد ٍ كنه اياه
عليه من توصيف خلي مثايل
الزول زوله والحلايا حلاياه
والفعل ماهو فعل وافي الخصايل..
ورد عليها وقال (( وش تقولين))
قالت الزول زوله والحلايا حلاياه
والفعل ماهو فعل وافي الخصايل
وبعد ماسمع البيت الاخير ركب خيله واخذ سيفه وراح يفزع للي انتخابه ومن بعدها صار احسن من اخوه
وصار يضرب به المثل.....
منقول
تحياتى
وكانت تحب فيه شجاعته وقوته.... في يوم من الايام راح هاذا الزوج فزعه مع احد القبايل
اللي نخته... وكان كل مره يرجع مرفوع الراس لكن هالمره مات فيها هاذا الزوج وحزنت زوجته عليه حزن
شديد ... بعد كم سنه جاء اخو زوجها يخطبها يبي يتزوجها... وافقت عليه واخذته تبي تعوض فيه ((كود انه
يصير مثل اخوه)) بعد ما اخذته جاء واحد ينتخيبه ولا لقاله اجابه واكتشفت انه مهب مثل اخوه علما" مع
انهم نفس الشبه ومتربين بنفس البيت..... وقالت وهو يسمعها هالابيات....
يا الله ياعايد على كل مظمــاه
يا محــــيي ألارض الهشيم المحايل
إنت الكريم ورحمتك مـــــا نسيناه
تروف با اللي دوم عينه تخـــايل
تلطف بمن لـــن عيـــنه مداواه
اللي بقلبيـــه حــاميات الملايل
ألوج مثل أيوب من عظم بلواه
واسهر إلى مـــــــايصبح النجم زايل
على حبيبٍ كل مـــاقلت ابا انساه
لذكـــره تفطنّي من الهجن حــــايل
إلى نسيته ذكـــرتني بطــارياه
شيب ظهـــر من عاصيــات الجدايل
يلتاع قلبي كــل ما اذكــر ســواياه
كمــا يلوع الطـــير شبك الحـــبايل
لا واحبيبي سبعــة سنين فرقاه
عليـــه انـا قصيــت كــل الجدايل
لا واحبيبي يتلف الهجن ممشاه
الــى بــغــى لــه نيـــه مايسايل
لا واحبيبي يرعب الهجن بغناه
من كثر مايوحيه ليل وقوايل
لا واحبيبي كل قوم تنصاه
تلقى ربوعه طيبين القبايل
لاواحبيبي تدفق السمن يمناه
ياما ذبح مابين كبش وحايل
لاواحبيبي وافيات سجاياه
عليه غضات الصبايا غلايل
لاواحبيبي دوم للعفن متقاه
ياما كلنه مدمجات الفتايل
لاواحبيبي بين ذولا وذولاه
خلي بوجه معدلين الدبايل
لا واحبيبي طاح يوم الملقاه
بنحور غلبا فوق قب السلايل
لا واحبيبي طير شلوى تعشاه
قطاعة المهجه سنا عيس حايل
ياعارفين ((وديد))ياطول هجراه
ياليتني بوديد مابغا بدايل
اخذت اخوه ابي عوض ذاك من ذاه
والبيت واحد من كبار الحمايل
عندي مثيله واحد ٍ كنه اياه
عليه من توصيف خلي مثايل
الزول زوله والحلايا حلاياه
والفعل ماهو فعل وافي الخصايل..
ورد عليها وقال (( وش تقولين))
قالت الزول زوله والحلايا حلاياه
والفعل ماهو فعل وافي الخصايل
وبعد ماسمع البيت الاخير ركب خيله واخذ سيفه وراح يفزع للي انتخابه ومن بعدها صار احسن من اخوه
وصار يضرب به المثل.....
منقول
تحياتى