كما يليق بحزننا .. ( ديوان الشاعر متعب التركي ) هنا

[ღعظيم الجرحღ]

http://www.moveed.com/data/media/10/cananim1.gif














هو دائماً هكـذا ..
.......................... يأتي بلا مقدمات ..!


.
.
هو ( متعب التركي ) بكل تفاصيله ومحاصيله
دعوه للمرور على جروحنا .. بألم صامت .
.
.

قبل اسافر




قبل اسافر وتنسى جيت اسلم عليك
جيت ابي عمري اللي اكتشفته غدى

ضاعت اجمل سنيني من عمايل يديك
اكذب ان قلت راحت لاجل عينك فدى

فرصة العمر قالوا لا غدت ما تجيك
جتني اكثر فرص عمري وضاعت سدى

جرب الخوف مره حس به يعتليك
وارفع الصوت ماتسمع لصوتك صدى

تدري اللي ذبحني قولتك ما ابيك
مابقالي لثاري لو بغيته مدى

ما هقيت المشاعر كلها ترتجيك
قل لها بالمفارق منهو اللي بدى

هاك دمعة عيون(ن) باكيه تشتكيك
هاك ريح ضمير(ن)ما استراح وهدى

ما تناظر عيوني زول هذي وذيك
ما يهز المسامع اسم ريم وهدى

قلت ماعادلي رغبة وشوفات فيك
قلت يا نفس طيبي يفرحون العدى

قلت عايف ونفسي بالخفا تشتهيك
عزة النفس تدري طيب ماهي ردى

خل عينك تهل دموعها وش عليك
انت خدك ورود ودمع عينك ندى

[ღعظيم الجرحღ]

لاتنشغل فيني


.
.




لاتنشغـل فينـي أنابحالـي ادرى
قلبٍ تعلّق فيك ينسى مع الوقـت

اكثرمن اللي صارلي ويش يجـرى
بين الرجاوالياس فكـري تعلّقـت

مثلي ولوشفته عن همومه ازرى
ماقال ليتك في جروحـه ترافقـت

هاك القصايد لاتضايقـت واقـرى
شف وشكثرفيها لبسماتك اشتقـت

أثرالوفا ينبـاع عنـدك ويشـرى
ماكنت اصدق فيك واليوم صدّقـت

يامشتهي فرقا المواليـف حـذرى
تبعد وأنا من سكرة الحب مافقـت

لاطافت الفرصه تحريت الاخـرى
وتروح ماكنـي عليهـا تشوقـت

ساري لو إن الليل مافيه قمـرى
اشيل من حمل الهوى فوق ماطقت

لاصارحـظ أقشروالايـام قشـرى
مافيه احد عاقل يلومك إلياضقـت

صحيح بعض الناس فرقاه بشـرى
وبعض البشرلاغاب ليله تضايقـت

ليتك خذيت بليل الاحباب مسـرى
غربت من كثر الطواري وشرّقـت

السيل يبقاله على القـاع مجـرى
ويبقالك التذكار لو كنـت فارقـت

اشوف لك من وين مارحت ذكرى
ولاشفتها صديـت عنهـا ودنقـت

ماكل جـرحٍ لاخـذا أيـام يبـرى
بعض الجروح يزيد شره مع الوقت

[ღعظيم الجرحღ]

قالوا حبيبك يسمع الشعر قلت إيه
لولاه حتى طاري الشعـر مابيـه
هو روح شعري وامنياته وماضيه
اكتب لغيره والقصايد تجـي فيـه
هذاك لامنه زعل قمـت اهاديـه
يمكن لوانه يلمس الجرح بيديـه
ابطى وهو غايب وزلت حراويـه
هو مادرى اني في غيابه محاتيه
واقلبي اللي توه افلـت عراويـه
عجزت ارده كن مانـي براعيـه
يبسن عروقه لكن اللـي يعزيـه
خافوا من الله لاتجيبـون طاريـه
لو كل غالـي جابـه الله لغاليـه

[ღعظيم الجرحღ]

ماقلت لي شي وش خليت ماقلته
لوغيرك اللي يسولف ماتحمّلته
للحب مفهوم عمرك ماتخيلته
هذا الفراق الطويل وهذي أسئلته
ياما وياما عليك البال طولته
حتى طريق الفراق اللي تساهلته
اصبرلي شوي لودمي تثاقلته
الحب ضحكة بعينك بس ماطلته
القلب لوماخفق لك كان ماشلته
هذا قصيدي بعينك لو تجاهلته
العام طاري غيابك ماتقبلته
لاتعتذرلي وابنسى كل ماقلته

[ღعظيم الجرحღ]

مرفوض ياللى بعت غيره عشانه
مابي لك أكثر سد باب الميانـه
مادام مالى وسط قلبـك مكانـه
أنا مثل خيـال خانـه حصانـه
غرّه مع المركاض وارخى عنانه
لو كنت وافى ماتخـون الامانـه
ذاك الهوى لو ماشعرت بحنانـه
شاعر تزلزل من فراقك كيانـه
لو كان قلبك صافى الود خانـه
أحدٍ يخون وواحد الوقـت خانـه

[ღعظيم الجرحღ]

مزيدا من الوجع .




كل حاجه طعمها مر فى هذا الزمـان
المكان اللى عرفناه ماعـاد المكـان
صاحبى حتى أنت ماعاد تستاهل حنان
البكا فى مثل هالحال نوع من الهوان
صاحبى لو كان للناس والدنيا أمـان
خل عنك علوم الاحباب واللى كان كان
كلما تظما لياليك قمت أكتـب عشـان
الكلام الموحش يخاف نور الشمعـدان
من زمان أكتب علشان نقرا من زمان

[ღعظيم الجرحღ]

حسي بلوعات الليالـي والاحـزان
بعديـن حسـي بالهـوى لا بغيتـي

وش به يهمك لو يقولـون زعـلان
لو فيك ذره مـن الغـلا ماجفيتـي

يالي تقولين الخطـأ زلـت لسـان
في زحمـة الايـام ليـه اختفيتـي

خطاي وان جا مدري الذنب وش كان
ليـه انتهـى ذاك الغـلا وانتهيتـي

وقفت في وجه الزمن قدر الامكـان
وانتي جنح فيـك الخيـال وغفيتـي

غلطان انا في كل الاحوال غلطـان
اسرجتلك خيـل القصيـد وسريتـي

جيتي وقلت الجرح يوم اقبلت هـان
وانتي على الجرح القديـم ارتكيتـي

قلتي لي ان الحـب لابـد ينصـان
واليـوم ماكنـك دقايـق هويـتـي

شافوك حساد الهوى شوف الاعيان
يومك على رجم القصيـده رقيتـي

ما بان شي ولا بقا شي مـا بـان
بس انتي اللي غافلـه مـا دريتـي

العام لك طاري بقلبي ولـك شـان
واليوم احـس بغلطتـي لا طريتـي

وان قدر المولى وعشتي بحرمـان
ومن حر لوعـات التجافـي بكيتـي

تذكري قلب(ن) له سنيـن شفقـان
شوفي بحقـه ياكثـر مـا خطيتـي

كل القصيد اللي اقوله علـى شـان
تهزك الذكرى عقـب مـا نسيتـي

[ღعظيم الجرحღ]

البارحه مدري وش اللي خذانـي
جيت اتكلـم بـس عيّـا لسانـي
الله يسامح من ذكـرت ونسانـي
عانيت وادري كل طيـب يعانـي
ياما خذوا منّي ولاحـدٍ عطانـي
عـزاي لامنّـه تجهـم زمانـي
واللي يبي قربي وبعـدي لقانـي
مرات احس انك معي شخص ثاني
لاتفرح انك دجت بيـن المحانـي
عشان ماضيك الجميل وعشانـي
ماني على خبرك حبيبـي ترانـي

[ღعظيم الجرحღ]

توديع الأحباب مثل الموت له سكره
.......................ادمى جروحي وشق الصدر منيّـا

والقلب طير ضلوع الآدمي وكـره
.......................لا شاقـه الطلـع لاسلـم ولاحيّـا

مصير الأحزان تنساني وتفتكـره
.......................ماكل الأيام بيض وسمحـة محيّـا

قل غيرها ماأنت لامجبر ولامكره
.......................لاصار ماهي غلا ماأبي لك حميّـا

لو في يدي شي ماقلت الوعد بكره
.......................حزمت حدب الضلوع وقلت لك هيّا

لو كل غالي يجي دايم على ذكـره
.......................ماصرت اشوفك هنااااااااااك وحبك هنيّا

ياليتني لابغيت اكره قدرت اكـره
.......................ماكان قلبي ليا جيت اكرهك عيّـا

مادامك معيف رح لكن على فكـره
.......................ماقلت لي ليه دمعـك سـال منيّـا

[ღعظيم الجرحღ]

http://skins.hotbar.com/skins/mailskins/img/Weathe/Weather_Sun_reflection_prv.gif





يوم طاب السهر عيّت تطيب النفوس
جت من الله وانا كم كنت محتاجها
كنها من حلاها كل ليله عروس
خايفه من عيون الناس واحراجها
حى هالطول يازولٍ عساه محروس
من عبث لوعة الايام وازعاجها
تزعل نفوس والا تمتلى غيظ روس
من يقرّب لها وضلوعى سياجها
لامتى وانت ياشوق القلوب محبوس
طالب السالفه وابطيت بعلاجها
جعل قلبٍ على نار الغياب محموس
يحترق بين صاليها ووهّاجها
من خبر له غلا بين الضلوع مغروس
غرسةٍ كلبو شعرى من انتاجها
لاتقرب لك الفرقا هذيك الهجوس
من متى والبحور تفارق امواجها
لازم اصبر على وجه الزمان العبوس
لين سود الليالى يضحك احجاجها
من بغى يقطع الفرجه يعاف الجلوس
لين ياصل نهاياتها ومخراجها
كان شعرى قصر ماطال شمس الشموس
تستريح القصايد داخل ادراجها

[ღعظيم الجرحღ]

ياوسيـع البـال ضيّقـت الصـدور
رحت ماعلّمتنى ويـن أنـت سـارى
فى غيابك مـال خلـق الله حضـور
وفى حضورك مالهم بالبـال طـارى
ليـه ماتختـال يـابـدر الـبـدور
والقصايد لـك وصيفـات وجـوارى
لـك بنـات الفكـر ربـات الخـدور
يكشفن لثامهـن والجـرح عـارى
جعل قلـبٍ مامـلاه الصـدق نـور
عند وجه الريـح مايلقـى مـزارى
التغاضـى عجـز لاطـال القصـور
ليـه أدارى وأنـت بالـوضـع دارى
الزمان (ا ) قصيـر والدنيـا تـدور
كل يوم يضيق فـى عينـى مـدارى
صاحبى محتاج لك شعـر وشعـور
وإحتياجـى شـى ماكـان إختيـارى
من متى والغصـن يختـار الطيـور
من متى والبـال يختـار الطـوارى
لاتسمـى صمتـى البـارح غـرور
انكسارى خلف هالصمـت متـوارى
فى غياب الشمس وش ذنب الزهور ؟
والمطر لاشح وش ذنب الصحارى ؟
اللقـا لحظـات والغيبـه شـهـور
تقصر الخطـوات ويطـول إنتظـارى
لو قريت المنكتـب وسـط السطـور
ماكتبـت لغلطـة العمـر إعتـذارى
صمت هالمينا مثـل صمـت القبـور
مارسى مركب ولا لاحـت صـوارى

[ღعظيم الجرحღ]

/
\
/







مدرى البارحه ويش إفتكرت وسرحت
هى طوارى او ان هموم قلبـى ثقـال

هى طرتلى قديم الذكريـات ولمحـت
زول والا الحكايـه كلبوهـا خـيـال

هجّن ركاب فكرى بالمشاعر وصحت
منهو اللـى تغافلنـى وفـك العقـال

ضقت والبال عمس ومنقلب فوق تحت
هى من شوى يوم تفوح صفر الـدلال

ودى افرح ومن مبطى انـا مافرحـت
ودى القا عن شموس الحبايب ظـلال

كم سنه عقب مركوز النهـد مافتحـت
قلبـى ولا عيونـى للغـلا والجمـال

لو بغيت انتهز فرصات واجد ربحـت
كانت اجمل فرص عمرى تنادى تعـال

ماهـو بعيـب لازلّيـت والا جنحـت
منهو اللى بلـغ فينـا حـدود الكمـال

وانت ياللى عن حدود المحبه نزحـت
كل ماشد لـك حيلـى تشـد الرحـال

ماشكيتك لو انى من جفـاك انذبحـت
وانت شف حكمة الخالق ذبحك الدلال

لا تقول انك بذاك التصـرف مزحـت
يوم سويت فى هاك النهـار احتفـال

ماهجيتـك ولا كنـى ابـد مامدحـت
كلبوهن عقب هالعشره اكبـر محـال

صاحبى دام انا منك وعليك انجرحـت
لاتجينى على درب الخطـا والخمـال

تدرى انى تحمّلت الكثيـر وسمحـت
خابر ان التسامح من كريـم الخصـال

ليه تفهم غلط وشفيـك لبعيـد رحـت
ماطلبتك تشيـل الهـم يابـن الحـلال

ماشغل بالـى الا يـوم افكـر بنحـت
القصايـد واحفّظهـا قلـوب الرجـال


قالوا انى بترويض القوافـى نجحـت
قلت اجل كيف لو بزعل وامس الحبال

لو تخوّفت من درب الخطر مافلحـت
مايهـاب الصعـاب الا ردى العيـال

عكس تيارهم شفنى جزمت وسبحـت
ماحرصت انى اترك للتراجع مجـال

لو طموحى قريّب من زمااان استرحت
مير خابر محلى فـوق روس الجبـال

[ღعظيم الجرحღ]

.
.

والله ان البكاء ممتع هنا

.
.


مرت سنه وشهور وشويـة ايـام
على غياب اللي حلاهـا شمالـي
كم قلت في نفسي قبل عيني تنـام
يارب جبها عند ما أصحى قبالـي
تعبت ادور بيـن حزنـي والالام
عن صبري اللي ما بقى منه تالي
يابنت خليت السوالـف للاقـلام
يكفيك لا عـز الكـلام انفعالـي
من صارت الدنيا حسابات وارقام
وانا عجزت استوعب اللي جرالي
ضحيت بالواقع على شان الاحلام
وضحيت بالغالي على شان غالي
حتى الغرام اللى كسر قلبي العام
ماني بحاله كـان ماهـو بحالـي
ما بنحسب عمر البنادم بالاعـوام
بعض السنين نعيش فيهـا ليالـي
وجه التشابه بين قلبـك والايـام
القلب خالـي والليالـي خوالـي

[ღعظيم الجرحღ]

ذكراك لاهبت يجـي عطرهـا صلـف
واستنشقـه بالصـدر مثـل الخزامـى
إي والله إن غيابهـا مكلـفٍ كـلـف
إي والله ان عـروق قلبـي تـوامـى
رمش النواعس والحجاجيـن والزلـف
ياماخـذن قبلـي قلـوب النشـامـى
أمضى من المصقول واسبق من الشلف
سهم الهـوى لوكنـت عنـه اتعامـى
لا يخدعك صبري على الجرح ماخلف:
هالشعر غيـر جـروح قلبـي تدامـى
لي خاطر بينـه وبيـن الشقـا حلـف
ياماعثـت فيـه المقـاديـر يـامـا
من عاش هالدنيا بلا صاحـب وولـف
عزالله إنـه عـاش عيشـت يتامـى
خل السوالـف والمشاريـه والحلـف
مبطي وأنا علـى الجـروح اتسامـى
قلب(ن)يضيق بذكريات الهـوى جلـف
وقلبـي مثـل جـرد القفـار يترامـى

[ღعظيم الجرحღ]

جابتني الذكرى على الماضي كتاف
سجيـت كنـي تونـي مكتشفـهـا

سرى بي الهاجس ومريت الاطراف
دوجت حـول الساعتيـن بطرفهـا

نعم تذكرت الزمـان الـذي طـاف
غديت مثـل اللـي عيونـه طرفهـا

لي في غرام(ن) فات كلمه وميقـاف
لولا خفوقي هـام بـك مـا وقفهـا

اول غيابـك قلـت مابـي خـلاف
واليوم شف حالـي غيابـك تلفهـا

تجهل جروحي ياللي جروحك خفاف
معذور لو قلبك جهـل مـا عرفهـا

ياليت مجروح الهوى جرحه يشـاف
لقول قرب مـن جروحـك وشفهـا

شفها بعينك كانـك مـن الله تخـاف
حـاول تصلـح غلطتـن مقترفهـا

العمر لامنـه خـلا منـك ينعـاف
في حال والا حـال غيـر تعرفهـا

قدام عينـك لـو تطلعـت وخـلاف
تلقى الخفايا خاطـري لـك كشفهـا

خايف ومن مثلي معه حق لو خـاف
تبعـد ونفسـي ماتحقـق هدفـهـا

ماللهوى عندك مواثيـق وانصـاف
ماكـنـه الا لعبـتـن محترفـهـا

اليوم لو ذكراك ترجع بـي خـلاف
محبتـك سيـل التهايـم جرفـهـا

[ღعظيم الجرحღ]

يطول الجفا وتشاغل الخاطر المكسور
ويبقى مع الايام طاريك بلساني
اشوفك بعيني مع غياب وطلوع النور
ذكرني خيالك يوم قلبك تناساني
تذكرت يوم اني معك راضيٍ مسرور
وسجيت مدري هاجسي وين وداني
تخيلتك وفزيت طولي بدون شعور
اثاريه طيفك صار له وقت ماجاني
طرتلي ليالي لو تذكرتها معذور
لو الوقت يرجع كان انا جيتها عاني
يداعب نسيم الليل مجدولك المنثور
تغطيه عني والهوى يكشفه ثاني
تفوح الجدايل مسك مدري عطر وزهور
تعنيك في طولها والشوق عناني
اثر من تولع لو سمع مايطيع الشور
هو اللي يشوف وباقي الناس عمياني
نسيت الليالي ذيك وشلون يامغرور
انا كنت اغالط من يقولون تنساني
هذيك اليالي وين..؟ اثر الزمان يدور
رجح في عيونك ذيك الايام ميزاني
انا كيف ابنسى خابرن قلبي المجبور
لو اني نسيتك ماني بناسي احزاني
زمانٍ مضى له دور واليوم غيره دور
انا اليوم مالد النظر لو تعداني
كفى ماجرى ما فيه داعي تجي مشكور
غرام الليالي ذيك خله على شاني

[ღعظيم الجرحღ]

.
الساعه .. 3:46
وحيداً هنا مع متعب التركي واوجاعه .
.





نسيتنـي علّمنـي شْلـون ابنسـاك
وشلون لامرّت على البـال ذكـراك
وشْلون لاقالوا لي الناس وش جاك ؟
وشْلون اعيش اللـي بقالـي بليّـاك
لو قلت اداوي جرحي اللي تباطـاك
اعلنـت حبـك ليـن كـلٍ تمنـاك
لو لي مثل قلبـك تمنيـت فرقـاك
حلـوه عذاريبـك وحلـوه مزايـاك
كنّ الليالي ودهـا تكسـب رضـاك
في ذمتي ماهـي غريبـة خطايـاك
سهلة على من كان مثلك وشـرواك
علمني اكـره ذكرياتـك وطريـاك
ولاني بقايل عقبهـا ويـن ابلقـاك ؟
ولاّ القصايد جعلها مـن فدايـاك ؟
باكر على المخطي يدورنّ الافـلاك

[ღعظيم الجرحღ]

ويزداد صدقه عندما يكون الحديث عن الموت :

.
.





الموت هيـن و البـلا وش ورا المـوت
باكر نمـوت و تصبـح قبورنـا بيـوت
في جوف الارض و كل من حولك سكوت
يارب يـا منجـي نبيـك مـن الحـوت
باكر ليا جينـا علـى داعـي الصـوت
ندعي و حنـا بيـن باكـي و مبهـوت
يـا رب تهدينـي قبـل لحظـة الفـوت
اشكيك هـم ٍ داخـل الصـدر مكبـوت
ان لاذ بك من كـان طايـع و مبخـوت
يا رب يـا قـادر علـى كـل طاغـوت
رحماك لا منـا صحينـا مـن المـوت

[ღعظيم الجرحღ]

.


ضايـق البـال مايستانـس لحالـه
وأنت لاغبـت عنّـي كنـي لحالـي
جتـك الأشـواق ر جليـة وخيالـه
غير الاول تحمـل عشقـي التالـي
ليت من قال متعـب خابـت آمالـه
شاف بعيونـك الخـدرات منزالـي
واحـد فيـك ماهـو منشغـل بالـه
أشهد إنه بها الدنيـا هـو السالـي
راوي العـود يزهالـك وتزهـالـه
عاد من يقـدر يلومـه ليـا مالـي
صاحبـي والقصايـد فيـك مختالـه
وانت لك حق فيهـن يـوم تختالـي
دام نفسـك لحـب الشعـر ميـالـه
ليه مااصير شاعر وانت في بالي.. ؟
من تمنّـاك لاتنشـد عـن احوالـه
كيف عقب العسل يستطعم الحالي.. ؟
عقبك النفـس مذعـورة ومهتالـه
سود الايام هـزت برجـي العالـي
لكن القلب مـن يمـك علـى حالـه
في تناسيك ليه اكذب علـى حالـي
قلت لك : نعمـة النسيـان زوالـه
ذكرياتـك بعضهـا قـام يبـرالـي
كـل مامرنـي طيفـك علـى فالـه
قلت : يامرحبا فـي ريحـة الغالـي
شلت همك وهمـي ماحـدن شالـه
كن قلبك غـدى ياصاحبـي خالـي
ابتعدنـا وكلـن راح فـي حـالـه
بيـن هالنـاس لكـن كنـي لحالـي

[ღعظيم الجرحღ]

اخر اللي سمعته فـي نهـار الـوداع
دقت القلب مدري صوت عجل الخطاوي
نايف الطول وش سوابـي الانقطـاع؟
صار بين الضلوع القلب كنـه فـداوي
بيني وبين ضحكـات السعـاده نـزاع
كني اللي قضى عمره طريـدٍ جـلاوي
لا تلوم الذي سـوى لـك المستطـاع
خف من الله وخل جروحنا بالتسـاوي
عن هذيك النواعس ليه شلت القنـاع
الحيا وين يلي طول عمـرك حيـاوي
كن في خدك الطاهر بـروق وشعـاع
اثرها رحمةٍ للناس بعـض الغشـاوي
وش يفيدك عذابي ياغريـب الطبـاع
ليه دايم على الملتاع سيلـك نحـاوي
امتلي غيض وازعل يوم وارجع بساع
راعي الجرح يستحمل عذاب المـداوي
غالطوني وقالـوا ليـش هالاندفـاع
ادوخوني عليـك مكثريـن الحكـاوي
عذربوك بوجـودي بالجفـا والخـداع
فيك حلو الوصايف صوروها مسـاوي
التزمت السكوت ورأيهم فيـك ضـاع
لين قالوا ترى متعب على البعد نـاوي
ميت القلب عرضـت الغـلا للضيـاع
والله اني على قطع الرجا بك مـراوي
ماتغيرت ليـن انـك لويـت الـذراع
تحسب اني على الهجران ماني بقاوي
لوتقول انت ماعقب الفـراق اجتمـاع
عندي اليوم كل اللي تقـول متسـاوي
ولو يقولون صار يخاف قلب الشجـاع
من هك الليله وبيت القصيد امتهـاوي
بين شقر الجدايل والعيـون الوسـاع
اذكر اني فقدت القلب في هالحـراوي

[ღعظيم الجرحღ]

لو قلت مرتـاح مانفسـي بمرتاحـه
غير التعب في غيابـه مانـي بلاقـي
من عام الاول وقلبي تنزف اجراحـه
ضاقت على الوسيعه والفضا ضاقـي
لا بال مرتاح لا فرحـه ولا راحـه
كم لي سنه وانتظر غيبـات سراقـي
ارجيه عقب البطا لو طال مرواحـه
كانه على هقوتـي ماخـان ميثاقـي
قلبن يذوق الهوى من يكبـح اجماحـه
خلوه يرتـاح دامـه بالهـوى شاقـي
اضحك وقلبي مع اللي عجة ارياحـه
لا قلت ياقلب طالت قـال وش باقـي
اللي عيونـه وسـاع سـود ذباحـه
ازريت اداري غلاه بخافي اوراقـي
ساكت وعيني ولو ماقلـت فضاحـه
حتى القصايد تخون وتفضح اشواقـي
لو ما بغيت الهوى صابتني ارماحـه
ماجاه دون اللحـم ساتـر ولا واقـي
مثل البحر كم غرق به ناس سباحـه
تضيع مع قوَ موجـه هقـوة الهاقـي
خبري بقلبه صدوق الشـوق يجتاحـه
عندي خبر فيه مايقوى علـى فراقـي
اتعب وغيري يجي وياخذ على الراحه
من حظ غيري وانا اللي زارع وساقي

[ღعظيم الجرحღ]

نتابع مع الشاعر \متعب التركي.
.





ليه وطيت عن خيل القصيد السروج
ليه مديت لي عقب القراح الهمـاج

لاتكملي الغلطـات والعـوج عـوج
يضحك حجاج ولاينعقد لـي حجـاج

إصبرشوي وشعلمك تهوج وتمـوج
ميت القلب مثلك مايعـرف الهيـاج

ماتعودت اجامـل معتليـن البـروج
الزم العلم قبل يصير هرجك سمـاج

المشاعر تجي مثل المعاصيرهـوج
وانت مالك على هوج الرياح احتجاج

جيت وقلوب حسادي تهيج وتـروج
لاصفا جوهم ساعه قفـاه العجـاج

ابتسملك وهمي فوج يقفـاه فـوج
من يحبك لزوم يصير مثلك هجـاج

بس قلي وانا غلطان لك ومحجـوج
وين يلقون لجروح النواعس علاج!!

القمرغاب وأنت اطفيت نور السروج
قلت يكفيك نورالوجه لا اصبح سراج

كن بين الضلوع العوج صفقات موج
يوم فاض الغلا والشوق والقلب هاج

ضيقة الصدر لو بين المحاني تلـوج
كل ضيقه لها عند الكريـم انفـراج

ماهوالغيظ سبة كل ابـو هالهـروج
بس مالي على بعض السوالف مزاج

[الدلوٍوٍعه]

صح لسان الشاعر متعب
ولاهنت ياعظيم الجرح ع الديوان الرائع
مجهوود طيب منك تشكر عليه
يعطيك العافيه

[ღعظيم الجرحღ]

شاكر ومقدر تواجدك اختي الكريمه هنا

والله لايهينك


دمتي بخير

[الحــلا كله]

http://www.up7ml.com/upfiles/lnB46711.gif (http://www.up7ml.com/)

[انسياب الفكر]

صح لسان الشاعر...

وشكرا لك عظيم الجرح...

[ღعظيم الجرحღ]

صح لسان الشاعر...
وشكرا لك عظيم الجرح...


شاكر ومقدر مرورك هنا اخوي

والله لايهينك



دمت بخير

[نــجــم]

صح لسان الشاعر
ومشكور اخوي عظيم الجرح المجهود الرائع

[ღعظيم الجرحღ]

شاكر ومقدر مرورك هنا اخوي

والله لايهينك



دمت بخير

[شيهانة نجد]

ماقلت لي شي وش خليت ماقلته
لوغيرك اللي يسولف ماتحمّلته
للحب مفهوم عمرك ماتخيلته
هذا الفراق الطويل وهذي أسئلته
ياما وياما عليك البال طولته
حتى طريق الفراق اللي تساهلته
اصبرلي شوي لودمي تثاقلته
الحب ضحكة بعينك بس ماطلته
القلب لوماخفق لك كان ماشلته
هذا قصيدي بعينك لو تجاهلته
العام طاري غيابك ماتقبلته
لاتعتذرلي وابنسى كل ماقلته
..

متعب التركي .. متعب الشعر كما يحب جمهوره تسميته
صح لسآآآآآآنه مليووون

مبدع كعادتك عظيم الجرح .. أمتعتنا بهذا الديوان
لك تقديري ,,

[شارد الذهن]

صح لسان الشاعر متعب الشعر مليووون

ديوان رائع اخوي وتسلم يمينك على نقله لنا

لك الود

[منســـآب]

متعب الشعر والشعور

واحد من أجمل وأصدق الشعراء على مر عصور الشعر الشعبي


شكراً " عظيم الجرح " ـ،،،،،،،،،،،،

[فتى مليح]

شكرا لك ...

يعطيك ألف عافية

[الجوهره]

ديوان رائع واضافه جميله
مشكوور .. لاهنت

[ღعظيم الجرحღ]

ماقلت لي شي وش خليت ماقلته
لوغيرك اللي يسولف ماتحمّلته
للحب مفهوم عمرك ماتخيلته
هذا الفراق الطويل وهذي أسئلته
ياما وياما عليك البال طولته
حتى طريق الفراق اللي تساهلته
اصبرلي شوي لودمي تثاقلته
الحب ضحكة بعينك بس ماطلته
القلب لوماخفق لك كان ماشلته
هذا قصيدي بعينك لو تجاهلته
العام طاري غيابك ماتقبلته
لاتعتذرلي وابنسى كل ماقلته
..
متعب التركي .. متعب الشعر كما يحب جمهوره تسميته
صح لسآآآآآآنه مليووون
مبدع كعادتك عظيم الجرح .. أمتعتنا بهذا الديوان
لك تقديري ,,


هلا وغلا فيك اختي هنا

والله لايحرمنا من تواجدك


دمتي بخير

[ღعظيم الجرحღ]

صح لسان الشاعر متعب الشعر مليووون
ديوان رائع اخوي وتسلم يمينك على نقله لنا
لك الود


هلا وغلا فيك اخوي هنا

والله لايهينك على تواجدك


دمت بخير

[ღعظيم الجرحღ]

متعب الشعر والشعور
واحد من أجمل وأصدق الشعراء على مر عصور الشعر الشعبي
شكراً " عظيم الجرح " ـ،،،،،،،،،،،،


هلا وغلا فيك اخوي هنا


والله لايحرمنا من تواجدك


دمت بخير

[ღعظيم الجرحღ]

شكرا لك ...
يعطيك ألف عافية


هلا وغلا فيك

والله لايهينك

دمت بخير

[ღعظيم الجرحღ]

ديوان رائع واضافه جميله
مشكوور .. لاهنت

هلا وغلا فيك اختي هنا

والله لايهينك

دمتي بخير

[منادي]

صح لسان الشاعر المبدع متعب التركي
وتسلم يمينك ياعظيم الجرح على الديوان الرائع
اشكرك .. الله يعطيك 1000 عافيه

و

تحية اعجاب لمن يستحق الاعجاب
منادي

[ღعظيم الجرحღ]

شاكر ومقدر مرورك اخوي


والله لايهينك

[ملاكــ]

صح لسان الشاعر متعب
ولاهنت ياعظيم الجرح ع الديوان الرائع
مجهوود طيب منك تشكر عليه
يعطيك العافيه

[فهد المالكي]

الله صراحه شاعر مبدع ورائع واعتزاله الشعر خساره كبيره لنا ز

تجولت في هذا الديون قراته مرات ومرات ومرات

تعلمت منه الكثير

وانت

اخوي المبدع العذب والجميل

اشكرك من اعماق قلبي

على هذا الديوان وعلىسرد قصائد هذا الشاعر المبدع


تقبل مروري

[برنس]

مشكور يعطيك الف عافيه يسلمووو

[محمد الميموني]

أهنيك على جهدك القيم والمتميز

وـإختيارك الرائع

وجمعك لدرر وجواهر الشاعر الجميل/ متعب التركي

":":" عظيم الجرح ":":"

الله يعطيك العافيه

وجعلك ماتهون

تقبل تحياتـ ودمت ـي وخالص ـإحترامـ فالوجود ـي

[جهز العطاوي]

يعطيك العافيه يا عظيم الجرح

مجهود راااائع ,,, وصح لسان الشاعر

[عطـــر الرفـــوف]

متعب التركي..

في رأيي ومن وجهة نظري..
اجمل شعراء الخليج اللي يكتبون
من قلب
سهل ممتنع..
شاعر بمعنى الكلمة..
الشعر يفخر فيه وامثاله.. سعد الحريص
وقبلهم البدر.. المعلم الاول

اشكرك
يا كل الذوووق

[هوى روحي]

يسلم يدك روعة

تحيتي لك

[يارا العامرية]

صح لســـــــــــان الشاعر ولاهنت عظيم الجرح ع الاختيار الرائع
عافاك الباري وأسعدك
لك ودي

[عشآنك]

عظييم ومن لا يسسمع لــ متعب التركي الشاعر الذي توجه بقصيده الان الى الدين والاخلاق النبيله ،، وحسب علمي انه الان في فترة نقاهه بعيد عن الشعر من مصادر موثوق بهااا ،،
صصح اختيارك وصصحيت كلّك ،،

[العنيــــدهـ]

صح لسااان شاااعرهااا وتسلم يمناااك ع الإنتقاااء الراائع
أشكررك ويعطيك 1000 عااافيه

[اساور وأغصان]

صح لسان الشعر وصح ذوقك استاذي :)