السنافي
17-12-2005, 07:25 PM
الا يالله عفـوك لا معـي بيجـر ولا جــوال ـــــــ ولا عنـدي وضيفـه والتجـاره فاشـلٍ فيهـا
ولاعنـدي شهـاداتٍ ولاحرفـه تسـد الحـال ـــــــ ولا حـظٍ كبيـر لا اخطـت الجـره يقديـهـا
مخابي الثوب تومي مادخلها من زمـان ريـال ـــــــ بهـا فاتـورة الكهـرب ولا يمدينـي اقضيهـا
علىذيك العراوي تتعب الحادي مـع الجمّـال ـــــــ ثلاث اشهـور فالورشـه وشهريـنٍ مغطيهـا
ابيها لو تجمّـل يـوم واجلبهـا علـى الـدلاّل ـــــــ يجيهـا واحـدٍ حظـه مثـل حظـي ويشريهـا
نصيت العسكريّه يـوم قالـوا للنظـام رجـال ـــــــ وقدّمـت الملـف وصـورةٍ متشخـصٍ فيهـا
خذا الاوراق مني واحدٍ مـا عنـد ابـوه دلال ـــــــ سلوم الناس واهل المعرفه والطيـب مخطيهـا
قراها في دقيقه والتفـت عجـلٍ علـي وقـال ـــــــ شهادتك العظيمه يا ولـد ويـن انـت مخفيهـا
هزّيت الراس ماعندي تقول اني مـن البنقـال ـــــــ وقمت احـب خشمـه واطلبـه بالله تمشّيهـا
حذفها من يده شين الطبيعـه والنبـا والفـال ـــــــ وقال ازيـن تعـوّد صـوب نوقاتـك تعشّيهـا
تناوشته من الكرسي وعفت الحـل والترحـال ـــــــ وضربته بالبياله عقـب مـا بيّحـت شاهيهـا
خذوني للسجـن لا نيـب لا ظالـم ولا محتـال ـــــــ مجـرّد واحـدٍ جـا يكحـل عيونـه فيعميهـا
ويوم اني خرجت اقفيت لارض الله وسيع الجال ـــــــ علـى بـرٍ هـواه يـداوي العلّـه ويبريـهـا
ادوّر قصعة الجربوع والظـب الفتـي يختـال ـــــــ والارنب يا شفاة الروح ما احلاهـا وطاريهـا
بـلا كهـرب ولا بيجـر ولا غـازٍ ولا نـقّـال ـــــــ قوانين الحضـاره لا تبـي شوفـي ولا ابيهـا
ولاعنـدي شهـاداتٍ ولاحرفـه تسـد الحـال ـــــــ ولا حـظٍ كبيـر لا اخطـت الجـره يقديـهـا
مخابي الثوب تومي مادخلها من زمـان ريـال ـــــــ بهـا فاتـورة الكهـرب ولا يمدينـي اقضيهـا
علىذيك العراوي تتعب الحادي مـع الجمّـال ـــــــ ثلاث اشهـور فالورشـه وشهريـنٍ مغطيهـا
ابيها لو تجمّـل يـوم واجلبهـا علـى الـدلاّل ـــــــ يجيهـا واحـدٍ حظـه مثـل حظـي ويشريهـا
نصيت العسكريّه يـوم قالـوا للنظـام رجـال ـــــــ وقدّمـت الملـف وصـورةٍ متشخـصٍ فيهـا
خذا الاوراق مني واحدٍ مـا عنـد ابـوه دلال ـــــــ سلوم الناس واهل المعرفه والطيـب مخطيهـا
قراها في دقيقه والتفـت عجـلٍ علـي وقـال ـــــــ شهادتك العظيمه يا ولـد ويـن انـت مخفيهـا
هزّيت الراس ماعندي تقول اني مـن البنقـال ـــــــ وقمت احـب خشمـه واطلبـه بالله تمشّيهـا
حذفها من يده شين الطبيعـه والنبـا والفـال ـــــــ وقال ازيـن تعـوّد صـوب نوقاتـك تعشّيهـا
تناوشته من الكرسي وعفت الحـل والترحـال ـــــــ وضربته بالبياله عقـب مـا بيّحـت شاهيهـا
خذوني للسجـن لا نيـب لا ظالـم ولا محتـال ـــــــ مجـرّد واحـدٍ جـا يكحـل عيونـه فيعميهـا
ويوم اني خرجت اقفيت لارض الله وسيع الجال ـــــــ علـى بـرٍ هـواه يـداوي العلّـه ويبريـهـا
ادوّر قصعة الجربوع والظـب الفتـي يختـال ـــــــ والارنب يا شفاة الروح ما احلاهـا وطاريهـا
بـلا كهـرب ولا بيجـر ولا غـازٍ ولا نـقّـال ـــــــ قوانين الحضـاره لا تبـي شوفـي ولا ابيهـا