ديوان الشاعر // سعد ابن جدلان الأكلبي [الأرشيف]

مطيري وربي الله

13-03-2006, 12:18 PM

اخواني واخواتي عيال الحمايل...اول مشاركاتي وهي ديوان لشاعر الكبير سعد ابن جدلان

اتمنى ان تنـأل رضاكم ومن لديه فلايبخل علينا بهااا

ذا الجلال اللي عروشك فوق واملاكك حدر=ومهماً تسامت به عروشه مستحيل يطولها
يا حي يا قيّوم يا ذا الأنافة والكبر=ما نافسك في عظمتك مكر العباد وهولها
وما نافسك من عمّر بيوته على سطح القمر=واللّي ترسي فوق اقاليم المياه سطولها
ما انته بحاجة من عبد ولا بحاجة من كفر=ولا بحاجة ثابت الدنيا ولا منقولها
أنت السميع لمن حمد وأنت المزيد لمن شكر=واللي ما يشكر نعمة المنعم عليه تزولها
ياذا الجبروت العظيم ويا القدير المقتدر=تفزع لنا في معضلات ما نريس حلولها
تلعب بنا خلاّن فرغتنا كما لعب الكور=أن اقبلت صاحوا لها وأن دبّرت صاحوا لها
لا هبّنا الطايف بعض الأحيان في فية عصر=شهب الليالي من ورانا يسحبن ذيولها
أنت السلام اللي لك الإسلام وانت المشمخر=اللي عجايب قدرتك في المعجبين ذهولها
سلام يا محمد رسول الله راعي الوجه الأغر=وسلام يا روح ملائكة السما صلّوا لها
سلام يا بو بكر يا عثمان يا علي وعمر=وسلام يا سبع الآفاق أطلالها وسفولها
سلام يا صدق النوى سلام يا وسع الصدر=سلام يا مفتاح بيبان الفرج وقفولها
وسلام يا شمس الضحى تشرق على بر وبحر=وتشرق على كل الديار جبالها وسهولها
وسلام يا غر السحاب اللي تبجح بالمطر=وشم الجبال اللي تبجح بالسحاب قذولها
وسلام يا هوج الرياح اللي عطاها مستمر=مهما خذوا منها من الحسنات ما ردوا لها
ليت الرحاب اللي لنا بوجيهها حق وقدر=ما تضمحل من الزمان ولا نشوف سمولها
و ياليتنا لاما سرحنا اليوم الأبيض من فجر=تبطي عبات الليل ما تضفي عليه سدولها
ولاّ ليامنها ضفن سدولها يطلع بدر=يا صل ضياه اللي على الكوره تطق طبولها
المعتبر يآخذ على الدنيا دروس من العبر=والناس يكـسبها معاملها بقد عقولها
أحيان تصدف لعبة الشاطر مع غلطة عمر=مره .. لكن لا عدت الغلطة ما عاد ينولها
حنا عرفنا كلنا ما طال من شيء قصر=والأحلام ماتوا قبلنا شرهين ما وصلوا لها
حتى الجمال اللي تحمّلها الهقاوي بالصبر=يالله بحملتها تقوم وتدّرج بحمولها
والحب سيسان العبادة والعبادة بالجهر=ان ما قدرت تقولها وجه الصحيح يقولها
يسرون عميان المحبة تيه في غدرا الغدر=للي تحد سيوفها واللي تعن خيولها
ولا تفكر في غناة ولا تفكر في فقر=وتشفع لبيضان الصدور احضوضها وفعولها
واهل التكلف بالمعرفة والتصنع بالبشر=والله ما هي حول الصحيح ولا الصحيح بحولها
اللي يفضّل ما يقيم بو ميه من بو عشر=حتى الفضولية عن الفاضل بطل مفعلوها
اللي تخبره لحيته ذا ..طولها يصبح بزر=واللي تخبره بزر يصبح لحيته ذا ..طولها

مطيري وربي الله

13-03-2006, 12:19 PM

يالله ياحامل مفاتيح الارزاق=المعتني في رزـق نفس خلقها

عن الخفايا ما على عينك رواق=واذنك عن الاسرار ماهي بصقها

تجعل نفسي من غضب وجهك اعتاق=وبيديك علق الامور ووفقها

اغسل قلوب اهل التباغض والاشقاق=وهون مسالبها وريح شفقها

سبة مروجة النمايم بالاسواق=اللي ما يملى الناس غيض شلقها

خيل النزاهة ما ورا الغايب سباق=وان قابله فهو عليها صفقها

وقام يتمذلق قدام وجهك تمذلاق=واليا نشدت في جنب غيره لصقها

مطيته مطلاع تحدى وتنساق=وتركب عرو وان شد حمله وثقها

ومعمر روض التسالي له ارفاق=ترفع كباريها ويحفر نفقها

سبّاية الغرات قطّاعة الساق=اعراض خلق الله ليا غابت هتكها

وعشّيق للروضة مغرم ومشتاق=بئس العشيق وبئس باللي عشقها

مايلتم لو التفت الساق بالساق=وتقسم الارزاق والله فرقها

احد يقدم له حميم وغساق=واحد بروضة سلسبيل وغدقها

ما قاله القايل الا بواد طقاق=لو صكت ابواب العرب ما طرقها

منقاد للعالم مقانيص وسباق=ثارت شوازنها وهدت سلقها

اهديت باقة ورد من ضمن الابواق=ولا اقول لحد خذها ولا اقول ذقها

تجيب الانفس كلها اصحاب واصداق=ولا اخشى عقايبها ولا ارجي مذقها

الآدمي لولا المكارم والأخلاق=كالحنظلة من عرقها ليا ورقها

مطيري وربي الله

13-03-2006, 12:20 PM

الا يالله ياللي تحت هيبة سلطنتك اسلمت= لك المسلم يسبح لـك بحمـدك ولـك الاسلامـي
احمدك واشكرك واثني عليك بما علي انعمت=تزودني وفا قدر العشير ووصل الارحامي
ولجك الفجر ياليل الذهول اللي علي اضلمت=يعرضك واقع الماضي بعيني عرض الافلامي
ولهتك يالنديم اللي على صافي وفاك اضرمت=بصفحة ذكريات العام واللي من ورا العامي
بعد تقرير مشوار التجارب نجحك واجزمت=بان السيف سيفي والعصا والمحزم احزامي
عطتني عزلة اخلاصي معك نسيان من نادمت=كتبتك وانطوت صحفي عليك ورفعت اقلامي
اباهي لا ابالي واتبيسط كل ماقدمت=اشب النار قدام العرب واشيد اخيامي
نهاري حر شمسه يستحي منها لسان الشمت=وليلي ترقب نجومه ملامة كل من لامي
على ضو الكلام اللي كشف عنا ستار الصمت=عرفت اني تحت برق الامل في روض الاحلامي
احسب انك تيمم با اتجاهي وين ما يممت=واثر ما انت بورايه في الطريق ولانت قدامي
مصيبه لاتدنت قيمتك في عين من قيمت=يشوفك بالسهل وانته تشوفه بالسما السامي
كثر ماحن قلبي للونيس وكثر ما درهمت=فجر صدري حنيني واتعب الاقدام درهامي
عيون الصد وعيون التجافي حول مهما اكرمت=تشوف المجتهد كـسلان والبناي هدامي
مدام ان جانبك شام لجنابي وانت عني شمت=كثر خيرك وانا مانيب لاجايع ولاضامي
اشوف انه علي واجب ليا مريتكم سلمت=مرور اكرام تربطه الكرامه عند الاكرامي
على شان الخفوق الليِ على عرشه قعدت وقمت=حجب عنك الدجى لين اشرقت لك بيض الايامي
ختام السالفه ياطيب العشره كرمت ودمت=هذا حقك علي وحق شرهاتي على اوهامي
مصير الوقت يشرح لك دروسه وان غفلت ونمت=يصحيك الزمان اللي يصحي كل من نامي
تذكرني لامنها خابت اوهامك فمن وهمت=وشفت الفرق في حب الخشوم وحب الاقدامي

مطيري وربي الله

13-03-2006, 12:20 PM

إله إلا القدير المعطي الوهابي =الخضوع لسلطنته وكبرياه ونوفه
كل ما تحته على وجه التراب .. ترابي =المعزه والمذله من رجاه وخوفه
تب علي وأنت الودود الغافر التوابي =وأحمني من كل زله منطقٍ مزهوفه
في السوالف والقصايد سلبي وإيجابي =وفي ردود أفعالها محموده ومأسوفه
والطبايع في الأوادم للحياة أغرابي =والتصادم في مفاهيم العرب مسلوفه
في طرفها المرء لا يسعد ولا يرتابي =والمنافع والضررعفويه ومهدوفه
يعني ما تحكم على الصادق من الكذابي =من عدم صدق النوى والغاية المكشوفة
أحداً ما يدخل الحسبان بأي حسابي =وأحدٍ يؤخذ كلامه وصفةٍ موصوفه
والسهوله للنفوس أقرب من الصعّابي =والطبيعية مداها أبعد من المزيوفه
طارق أبواب العرب تفتح عليه أبوابي =من فتح باب الضيافة يكثرون ضيوفه
وفالنفوس اللي لا تشبع بي ولا تروا بي =ليل هقواتي طويل وشمسها مكـسوفه
كل ما ضنيت ضناً في كنفها غابي =عندها أوهامي ضحاياها ضحايا الكوفه
أحسن أجيها زهابي في ظهور اركابي =لا تكلفني وهي عنّي ماهي مكلوفه
لأجل ما يسبب قلق فكري وحرق أعصابي =وإنشغالي من قويين الدهر وضعوفه
والوفاء والصدق للصدّيق والخطابي =والظفر لإبن الوليد بعزوته وسيوفه
والجناب اللي وداده جهر ماهو غابي =تصلح ضروف الدهر والا تشين ضروفه
من وجودي يسفهّل .. وينشغل بغيابي =كل منّا غايته مع صاحبه معروفه
فيه بسطي الأحمديه إمتداد إرحابي =والطموح الماجدي والفطرة المألوفه
الإنبساط والإنسجام وقمّة الإعجابي =والله أن كنّه يقدمها علي بكفوفه
تكثر أصحابي علي والا تقل أصحابي =المهم إن ماني بمرتاح لين أشوفه

مطيري وربي الله

13-03-2006, 12:21 PM

يالهبـوب البـاردة عجـلـي هـبـي=على جاش من قامـت هواجيسـه تلوبـه
انـا مـرةٍ اصـحـى ومــره يغيـبـي=واسـرح معـا كثـر الطـواري بغيبوبـه
الا يادهـر مـا هـو بـحـقٍ تلاعـبـي=وخليتـنـي لمـقـرد الخـلـق لعبـوبـه
عـبـادٍ مغفلـهـا الـزمـان وتعجـبـي=يحسبون قـل المـال فالرجـل عذروبـه
وانـا قانـعٍ باللـي علـي كاتبـه ربــي=ومؤمـن بمـقـدوره وقـانـع بمكتـوبـه
ولا ابغى عمـى الاريـا برايـه يجربـي=وهو ما عرف ماجوب ربي ومـا جوبـه
هدور المجالس راعـي المـدح والسبـي=وهو بالخلا لو جـاه بنـتٍ خـذت ثوبـه
يقولون لي تـب مـن تصرفـك وتحبـي=وهي توبتي مـن مجتمعهـم هـي التوبـه
ديـار الوبـا مـن طبهـا راح متـوبـي=وقرابة الجربـا علـى الحـول مجروبـه
انا عارفٍ منصـاي ليـا مـن بـدا نبـي=وعارف طريقـي والـذي باتجـه صوبـه
وانا اعرف من اعادي وانا اعرف من احبي=وبـه نـاس لاتعـرف ولاهـي بمحبوبـه

مطيري وربي الله

13-03-2006, 12:22 PM

ون أبن جـدلان مـن لايـعٍ لاعـه=كن فـي كبـدي دوافيـر صناعـي
ألعـب المنكـوس وأحـب روباعـه=مملٍ في الوقـت والوقـت خداعـي
مادريت أن ضحكة الوقـت خداعـه=شفت مدخالـي ولاشفـت مطلاعـي
لابغيـت أسـج والا انبسـط ساعـه=دق قلبي من وراء حدب الأضلاعـي
كن مابيـن الضلـوع آلـة طباعـة=تشتغـل لانمـت وأقـوم مرتاعـي
هـم قلـبـي مايـفـرق تجمَـاعـه=غير جر الصوت والنـاس هجاعـي
فاقدٍ لـي سلعـةٍ وأكبـر أبضاعـه=سلعـةٍ تشـراء ولاهيـب تنبـاعـي
رفقـة الطيـب ليـا غيـر أطباعـه=أشهد أنهـا كيـةٍ توجـع أوجاعـي
راكب إلي صممه صاحب أصناعـه=جمس بيك أب من حديثات الأنواعي
الغريب الـي جديـدٍ مـن أنواعـه=حوض رفرف مايبي شد وشراعـي
لا أونس البنزيـن عجـلٍ تفرقاعـه=مخطرٍ من سرعتـه يقلـع أقلاعـي
لاتحرك شفت في القـاع مشلاعـه=والتواير تظهر المـاء مـن القاعـي
ينعـش القلـب الحزيـن أبتهملاعـه=لامشـا قـام يتهمـلـع تهمـلاعـي
لاوطى الأرض العتش كن تهزَاعـه=بنت شيخٍ طامـحٍ مـن ولـد راعـي
في رجاء الغايب تحَـرا لمرجاعـه=تنقـد العشـاق وتطـق الأصباعـي
نفسها من جملـة النـاس منصاعـه=ماتبـي إلا واحـدٍ ذكـره أيشاعـي
ينحر اللي يأخـذ الطيـب بذراعـه=الصديق الصافي الصامـل الواعـي
الوفـاء والطيـب ساسـه ومنباعـه=يوم بعض الطيـب تقليـد وصناعـي
لاوصلتوا فأخبروني عـن أوضاعـه=وأخبروا راعي السمارا عن أوضاعي
أنشـدو ويـش السبايـب بمهزاعـه=لاعلـي ناقـص ولا أبيـه فزَاعـي
ودَنـا نرضيـه ونحـاول أقنـاعـه=كان بن مهمل بعـد يسمـع الداعـي
كـان يبغـا حـق للحـق قطَـاعـه=نقنعـة والحـق ماعنـه مجزاعـي
وكان مبغضٍ فـي الرياجيـل بتَاعـه=لايجـي ناقـد ويلحقنـي أريـاعـي
لصَديـق نخلَـي النفـس خضَاعـه=مانـوريـه الجـفـا والتمطَـاعـي
الصداقـة عندنـا ذخـر وطمـاعـه=صحبـةٍ ماهيـب صحبـة تمتاعـي
حـد جدتهـا علـى البـرق لماعـه=وإن خذت يومين مفعولهـا ضاعـي
إن تليمنـا علـى العـز والطـاعـه=وأن تفرقنـا فجـوج الله أوسـاعـي
ما أطرد المقفي ليا صفـط أشراعـه=مخبـل اللـي للمقفـيـن تبَـاعـي
من يحط أذنـه علـى كـل سماعـه=جـاه فرقـاً مابعـدهـا تجمَـاعـي
والزباد أختـام هرجـي ومطلاعـه=يدفعه من ريحـة المسـك ذعذاعـي

مطيري وربي الله

13-03-2006, 12:23 PM

الشدايـد يـا جميلـه بالازمـات اختبـار=ينعرف فيها الظلال الطويل مـن القصيـر
كل ما اذكر حالتك بين غـار وبيـن نـار=راحت الدنيـا بعينـي عبـوسٍ قمطريـر
تحسبٍ حبـك محـاه التشـدد والحصـار=التشـدد فالمحبـه هـو الشـر الشريـر
شغلهم ضدي وضدك يعمّـر لـك وقـار=في ضميرن ما سكن فيه قدامـك عشيـر
زارعٍ لك بخشةٍ من الزرار إلى الـزرار=نبتها بالمسـك والعـود الازرق والعبيـر
شد حيلك لا يصيبـك فشـل والا انهيـار=لا تصغّر قيمتك وانت فـي عينـي كبيـر
لذة صبّار الهـوى مثـل لـذة الانتصـار=لا تصدّق من يقول الحسـد مافيـه خيـر
لا تغيرب ما جرى من قنـا مثلـك يغـار=كل شـيٍ ينشفـا فيـه ميصالـه عسيـر
الذهـب دونـه حراسـه وبيبـانٍ اكبـار=والدرر من دونها هيبـة البحـر الغزيـر
غير لا تيّس وتكتب علـى نفسـك قـرار=يدفعك سوء التصرف إلى بـاس المصيـر
لولا شحّي فيك جيتك اجهار مـن النهـار=غير ما يصلـح مقـامٍ بـلا رايٍ بصيـر
فرصتي ويقت حرارٍ على ماكـر حـرار=مـا يعـوّد فالمكـان الربيـب الا البعيـر

مطيري وربي الله

13-03-2006, 12:24 PM

عيوني على سهر آخر الليل حدتني=تولع بها سهر الليالي وضريتبه
همومي عن الرقده من النوم جزتني=وقلبي هواجيسه مع الهم لعبتبه
وليّ حركت دقات قلبي تشاوتني=وغنى لها الشيطان صوتٍ تلاحتبه
على مركب الاوهام والهم شالتني=وعلى سيف بحر الياس ركّت ورستبه
ولي صورت خلي على الطيف نبتني=ولي قمت مغير الخيال اتلفتبه
الا يا وليفي سيطرتكم تولتني=كتب حبكم في القلب وموضحٍ كتبه
اشهّد على حبك ملوكٍ على متني=ويشخط ضميري من ونينٍ تنهتبه
اراعيك بالذكرى وذكرك يقوتني=ولي غاب ذكرك ويش عاد اتقوتبه
ولامن بغيت اسج عن صورتك جتني=مع الطيف والا علمك الناس ما جتبه
عليك الضمير مهايمٍ وانتها حتمي=هبوب الشمال من المعاليق هبتبه
احيى على ذكرك وبعدك يموتني=ولا لي بغير لا معاشٍ ولا رتبه

مطيري وربي الله

13-03-2006, 12:24 PM

يا راكب إلي صممتهـا الولايـات=الي أمريكـا فالمصانـع أتصبـه

تصميم شركة كلهـان الخواجـات=ومورده من يون يـرك ونصبـه

أكبر مكينـه صقطـت للونيتـات=خمسه صفر واحـد ودبـه ودبـه

ما يصدر إلا عن طريق الوزارات=حتى أسبيراته تجي فـي صطبـه

بالجدول السري خذتـه الوكـالات=مديرهـا وقـع وعاهـد بـربـه

صدفه طلع بالواصطه والحيـالات=ثم قيل يـا سواقـه أخـذه وغبـه

أذهن تراه أمخصـصٍ للقطاعـات=نوع أسبشل ما كـل خبـلٍ لعبـه

فتش عليه إلا الطيـس والمرايـات=تحت المراتب قـال يسعـدك نبـه

ساعة فتح بابه عطوه السويكـات=شغل وللماء مـع أقـزوزه يكبـه

قام أيتسمع وش تقول القـزوزات=لهي تقـول أبغـاك مامـه وببـه

داس السريتر والتفت في المرايات=لهت تقول أصويحبك وين مربـه

طلع يقول الزين هي هات هي هات=العلم لا يدرون بعض العـرب بـه

الله ر////نـي بالذهـب والجنيهـات=لكن أنا هالحين ويـن أهـرب بـه

وقلنا تعال أحمل كـلام وتحيـات=محلا الكلام إلي يجي في مصبـه

يا شوق خشفٍ ذيره كثر الأصوات=يرعى نبات القفر في وسط خبـه

عاف البشر ما يبغي إلا أنت بالذات=أبـو خـديـدٍ بالقـلـم ينكتـبـه

نصه زبـون الجاذيـه والوليـات=اللـي إربوعـه فاللـوازم تحبـه

ثم قل لبن عدلان جاني محسـات=الوقت كبـر قـدم خطـي مطبـه

إليا بغيت أرقد من الليل ساعـات=لو هو يجيني فـي منامـي أمنبـه

وليا انتبهت إلا الهواجيـس لمـات=على مثل مـوج البحـر مطلحبـه

مطيري وربي الله

13-03-2006, 12:25 PM

البارحة عنزت للراس كفي=ونيت من باب الشرس والحماقه
حبيت ابين من خفوقي واخفي=ملامحٍ عن الاصدقاء والرفاقه
صديقي اللي لسانه يرفي=ولي صملت مني نوى لنسراقه
احسن يقفي عن طريقي واقفي=مستغنيٍ الله والا ذي الصداقه
ورفيقي اللي ما يوقف بصفي=لا يمتكن بيني وبينه علاقه
فرقاه ربح وجيته ما تشفي=الا الذي ماله على الشي طاقه
والا بعضهم للعلوم متلفي=لي جاه علمٍ حط فوقه وساقه
كبير قلبٍ في الحياة متعفي=راسٍ خلقه الله في جسم ناقه
لا مولعٍ نارٍ ولا هو مطفي=من حيث ما يصفق به الموج ساقه

مطيري وربي الله

13-03-2006, 12:26 PM

آه يـا قلـب ياللـي دايـمٍ فـي ذهـول=والله انـه ثقيـلٍ ليـن جــوه الثـقـال
يـا قطـاة العبيّـه يـا هـيـام الـذلـول=يـا عيـون النـداوي يـا رقبـة الغـزال
نور وجهك على من شاف منـك القبـول=نور صبـحٍ تبسّـم فـي رهـاد الجبـال
كنّي اقـرا علـى طـرّت جبينـك تقـول=انـا قلبـي يحبـك يـا حبيبـي تعـال
كان قدّمـي حـدٍ فالحـب راح امهبـول=والله انـه خطيـرن لا يجينـي اهـبـال
المحبـه جملهـا مـرسـلٍ وامعـقـول=لعنبـو مـن يقـول ان المحبـه اخـبـال
والذي ليلـة الاسـراء عـرج بالرسـول=ان حبـك لحـال وحـب غيـرك لحـال

مطيري وربي الله

13-03-2006, 12:27 PM

يازين الجميحي لاسرا والعباد أخفوت =يبي لازم متغانمه قبل لايفوته

لامنه أنعس السالي وسجوا هل البيلوت = وقم يتمخلص تحت رجلك تقول حوته

يقوس مع الهويات كنك تشوته شوت =يشادي المظلي لانزل في براشوته

حماره تحت نور القمر كنه الياقوت = يداوي القلوب اللي من الحزن منحوته

لادقت هواجيس المعنا وجر الصوت = يعد النجوم المرقبه فوق كبوته

وخوة صديق مخلص معك حتى الموت= ماهوب ايتسمع هرجة فيك مشموته

يداري على سمعتك من هرجة السربوت = وخطاياك عنده داخل البحر مزتوته

يعرف الذي يخطر بقلبك لو كان اسكوت = ولا منه غنا يجلي الهم من صوته

مطيري وربي الله

13-03-2006, 12:27 PM

انا ويـن ابلقـا يالاجاويـد فاعـل خيـر=حريـصٍ علـى سـر المحبيـن لرسلتـه
امن اول لو اصبر عام ما بان بـي تأثيـر=وهالحين حتى صبر يوميـن مـا احتلتـه
انـا مثـل صقـارٍ تولّـع بحـب الطيـر=ولف قلبـه افـروخ الصواريـم وهبلتـه
تولعت في فـرخٍ قضيـبٍ يتـل السيـر=ابي لمحـةٍ مـن نظـرة الحـر وإسبلتـه
صغيرن ب سنه غير عندي ماهوب اصغير=يا مغلاه فـي قلبـي ويـا كبـر منزلتـه
اجمع سمان الهرج خوفٍ مـن التقصيـر=والى جيت ابشرح له كلامـي تهيزلتـه
يجيني منه هيبة محبه.. سحـى.. تقديـر=اقابلـه عنـدي علـم واروح مـا قلتـه

مطيري وربي الله

13-03-2006, 12:28 PM

يالجّ صدري مثل لجّة حيام الطرش=على عيلمٍ فالقيظ ميرادها فرزه

على الليّ بحبّه بارش ٍ الضماير برش=وحبّه بصندوق الضماير طبع حِرزه

حياتي بدونك يالغضي ماتساوي قرش=تكلّم على المكشوف فالنيّة الجرزه

محبّة نظيفين الضماير نظاف الفرش=مايحتاج فيها لاتخفيّ ولا برزه

عسى دعوتي يفتح لها الله باب العرش=يعاقب عبادٍ ماعرفنا لها خرزه

مطيري وربي الله

13-03-2006, 12:29 PM

الله يرحم بوك و امك و يلحقك بهواك=كلنـا للـي تقوليـن آذان صاغـيـه
أنت مطغيك البها لين حدد مستـواك=يعني أكبر مجرمة حب و أكبر طاغيه
شوفتك للي فؤاده مريض في حـراك=جنة ما ينسمع فـي طرفهـا لاغيـه
أنا يوم أغليك و اجيك وادور رضاك=باغيه نفسي و لا أدري و شنهي باغيه

مطيري وربي الله

13-03-2006, 12:29 PM

ودنا بالطيب بس الدهر جحـاد طيـب =كل ما تخلص مع الناس كنـك تغشهـا
يدك لامدت وفاء لاتحرى وش تجيـب =كان جاتك سالمه حب يـدك وخشهـا
كل ماشبيت نار المحبـه مـع حبيـب =قام يسحـل فـي مشاهيبهـا ويرشهـا
وكل ما واجهت لك فالزمن وجه غريب =مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب =جعل قشاش الحطب لاسـرح يقتشهـا

مطيري وربي الله

13-03-2006, 12:30 PM

لعـل ربٍٍ جمـع يـوسـف ويعقـوبـي=يلّمـنـي مــع وليـفـي واتهـنـابـه
اللي من اجله ما غيـر احسّـب اذنوبـي=والقلـب كـنّ الدبـا الحنّـان يرعـابـه
احتل طيش المشاعـر واخلـف اسلوبـي=وجميـع مـا مرنـي مـنـه اتهجـابـه
الكلمـه الطيّـبـه لا قطـهـا صـوبـي=والا نظرلـي بنظـرة عطـف جـذّابـه
فرحت فرحـة صـلاح الديـن الايوبـي=ساعة تولّـى علـى المقـدس وصلابـه

مطيري وربي الله

13-03-2006, 12:31 PM

يا كثر الاصحاب يوم اللعب والدشره = يـوم المـلاهي تـدوّر مـن يلهيها
مـن اول شقـتي بالنـاس محتشــره =يوم العـزوبية الي كنت مغـليهـا
واليوم لا عـاد لا خـوه ولا عشـــره =الله ولا رفقة هــذي تــوالـيــهـا
ناس مع المصلحه عشره على عشـــره = وان حــدك الوقت حدة لك جنابيها
اللي حـياته مـع البيلوت والنشره = واللي يحـب الدشــوش ولاهيٍ فيـها
واللي على الخط دايم فاغر الكشره =سمّاعـته طـول ليـله مـا يوطّـيـها
واللي مزاجـه مع القصات والبشـره = ماله هـدف والنصـايح ما يدانيـها
واللي مع الناس لا يفـقه ولا يشـره =شقـراً مع الخيل لا هجّت تباريـــها
ذي عيّنه في شباب اليـوم منتـشـره = عسـىالذي جابهـا من الارض يـمحيها
اهـل المصالح معرّفتهم كماالقشـره =لا نظّف الراس بالصــابون ينهـيهـا
هـذا كـلامٍ علينا واجــبٍ نشــــره = وما تحـرق الجمـره الا رجل واطيها

مطيري وربي الله

13-03-2006, 12:33 PM

الأكلبي وعناد المطيري 000

موكب مراسم للشاعر/ سعد بن جدلان الأكلبي :-

ياعنا القناص بالصيـد المدسّـم=ياكتاب الشمس وكتاب الطلاسـم
أملك اعصابي ولاشفتـك تبسّـم=تسن تكويني على القلب بمياسـم
كن حمارك من بياضك لاتقسـم=عارضٍ في وجنتك موكب مراسم
حبكم سيطر على قلبـي ورسّـم=مثل ماسيطر على بغـداد قاسـم
ياعنا القناص بالصيـد المدسـم=ياكتاب الشمس وكتاب الطلاسـم

وهذه مجاراة عناد المطيري للأكلبي :-

ان تعكر خاطري والجوعسـم=رحت لأحلى ثغرفي دنياي باسم
كن صوته عود بالحفلة يقسـم=صاغة لعبدالمجيد حسين جاسم
له جمالٍ يشبه الماس المجسّـم=من غلاه وندرته ماله مواسـم
لو ابن جدلان شافـه ماتنسّـم=مالحق حتى الدفاتر والمراسـم
فيه لاقي ٍ كل ما كنت متوسّـم=مرةٍ هيّن وبعض مرار حاسـم

مطيري وربي الله

13-03-2006, 12:33 PM

الراس الاصقع للدهر والعواوين=من سو حظه مايخاطيه قبعه
ولايرشّك ياكبود الضمايين =الا شراب يبرد الكبد نبعه
بضرب على هاتف صفر واحد اثنين=واضرب ثلاثه واربعه صار سبعه
هاتفك ياعبدالعزيز ال ابو اثنين =شيخ ٍ شهر عند الاجانب وربعه
متسلسل من راس شيخ الجمالين =قمة جبل ماهي دهاليس ضبعه
مع الكرم الاخلاق والجانب الزين =عز الله ان طبع الاجاويد طبعه
بعض العرب لو كان يملك ملايين=مامنه ري ولامنه شبعه
نقص ٍ على الدنيا ونقص ٍ على الدين=واخير من زوّد الحكي فيه جبعه
والر//// عند الله وكيل الثقالين =مفتاح قفل ابواب الارزاق تبعه

مطيري وربي الله

13-03-2006, 12:35 PM

ياهل الvxrحطمتوا كيانه"="بالفرنجي والكمنجة والزلافي
لاتهينونه عساكم للاهانه "="ياهل التفحيط ياصفر الكوافي
كل منكم حاط في فمه لبانه"="خطكم واحد ماقبيل مقافي
كل سلعه غالية تحتاج امانه"="والعسل لا جا على الصافي يعافي
الشراييني طلع خيرة اخوانه"="خص الاحمر راع الابواب الخلافي
فتحه اسبيرين مكره واسطوانه"="يستوي وافي الخصايل عند وافي

مطيري وربي الله

13-03-2006, 12:36 PM

يا زين المشي فالروض الخضر لا شعشع المخضار = يا زين الديره اللي من حقوق الوسم ممطوره
يريح البال سيح فالفياض الخضر والمسيار = سعادة للقلوب اللي من السلوان مسروره
متى عيني تشوف اللي على قلبي ربيع ودار= أشاهد للسعادة في حياة المجتمع صوره
لا هلت مزنتين فوقهن تنعومتين صغار = على ذيك اللباب اللي من الرضوان مغموره
لا منه اصحى سما غر المزون وشعشع النّوار = ورجاه ادلى سدوله والقمر متجلّي نوره
اشاهد لي بروق دونها ربانها تندار = تقول اكباس غاز من ورا شلال نافوره
سبح ماهر خيالي فالخباري والبر والنار = وأشوق الجمر فوقه دلة الرسلات منحوره
هذاك المنظر اللي ما تشوفه فالحياة امرار= على شوفه سبابيح الخيال تموت مقهوره
حرام إني ما أهنّي راع المليون والمليار= ولا أهنّي عربسات الفضا دوره ومقدوره
اعيش بعالم طول المدى يبقىلها تذكار=عليّه بالحرام انها حياة ٍ مالها جوره
هذا وجه الصحيح ولا على وجه الصحيح غبار=حقيقه ويمتنعها اللبيب بكامل شعوره

مطيري وربي الله

13-03-2006, 12:36 PM

أنا عشت بالشدات ماعشت بعنايه = وصحيح إني ابدوي لياقلتوا إبدوي
عطاني زماني من تجاريبه اكفايه = وعرفت الخطأ والصح والنقص واللّوي
وبرق لي على الضيحة كما برقة مرايه = وورّدني سراب من طمع فيه ما روي
وبراني كما يبري القلم وسط برّايه = ونزع مني أخلاقي وخلاني بدوي
فترى الناس ما كل يبي ينوخذ رايه = ولا كل من جاب المواريد ما غوي
ولا كل حيد تنقله يصلح ابنايه = ولا كل جدد لا تراكيت به قوي
ولا كل من صادقت تبدي له الغايه = ولا كل من يضرب فجوج الخلا خوي

مطيري وربي الله

13-03-2006, 12:37 PM

كل دار أرجعت وأنا ســــــــــــناوي = عزتي للي سواتي عزتي لــــــه

زادت الحمى فرحنا للمـــــــــــداوي= والمداوي زود الحمى مليلـــــــــه

ياجميله كن يطوي الحال طـــــاوي = والله ان كبدي على شوفك عليله

والله ان قلبي على شوفك شفاوي= غير لا بيدي ولا بيديك حيلــــــــه

سجليني في بحر حبك فــــــداوي = انا مجنونك بعد مجنون ليلـــــــــه

يارقبت الخشف ياعين النـــــــداوي = ياسراجيف الذلول المستحــــيله

يامناة تنقصر عنها المـــــــــــــناوي = ياخيار الدهم يالقبا الاصـــــــــيله

لعن بوك انتي مكاسر عود جاوي= ملبسك سندس شرابك سلسبيله

لو تمرين الشيوخ اهل الفـــــتاوي = عودو مثلي يجرون الطـــــــــــــويله

من هوا شرواك والا لايهــــــــاوي = التقيد من بعض الاشيا فضـــــــيله

مطيري وربي الله

13-03-2006, 12:38 PM

ترى الخير له كتاب و الشـر لـه كتـاب =و كل من الكتـاب لـه نشـرة و اعـلان
نديمك على الدنيا ليا طاب و قتـك طـاب =و لا شان وقتك شان و ان زان و قتك زان
يظما لك و يخرمك لك و من وحشتك يرتاب =علـي الحـرام إن الخـرم للنديـم ادمـان
و الصحبة توجها وفـا معشـر الاصحـاب =مثل المسعري مبخوت و لا مثـل حثـلان
اللـي مـا يسـوي مثلهـم بالوفـا كـذاب =لو انه يتمظهر بالمظاهر ما هـوب انسـان
اللي ما يقابل هرجـك بلـب و استيعـاب =ما يمديه يعرف قيمـة الحـب و الكرهـان
يا ذات اللبيب اختار ما نلت منـه اعجـاب =و الباقي يسجل تحت توقيـع بـن جـدلان

مطيري وربي الله

13-03-2006, 12:39 PM

ولي عوده لاكمل ديوان هذاا العملاق

تحياتي

اخوكم

مطيري وربي الله!

الشلاحي

13-03-2006, 05:32 PM

استاذي مطيري وربك الله

حيالك الله في منتديات عيال الحمايل

وشكراً لك على مجهودك الواضح

صح الله لسان الشاعر سعد بن جدلان

فهو شاعر معروف وغني عن التعريف واشهر من نار على علم

لاهنت يا الغالي

الشيخـه

14-03-2006, 01:00 AM

يعطيك العافيه اخوي مطيري وربي الله على النقل
وجهد تشكر عليه
تحياتي

الشيخه

مطيري وربي الله

14-03-2006, 02:15 AM

اهلأ سهلأ يالشلاحي ...وسعد ابن جدلان تطربنا قصائده...

تحياتي

اخوك

مطيري وربي الله!

مطيري وربي الله

14-03-2006, 02:15 AM

الله يعافيك يالشيخه وماسويناا شي

تحياتي

اخوك

مطيري وربي الله!

منادي

14-03-2006, 03:46 AM

راااائع استاذي مطيري وربي الله
ديوان لشاعر غني عن التعريف
اشكرك على جهودك الرائعه .. ويستحق التثبيت
الله يعطيك 1000 عافيه

و

تحية اعجاب لمن يستحق الاعجاب
منادي

نايف ابو طفره

14-03-2006, 03:47 AM

مطيري وربك الله
الله يعطيك العافيه

مطيري وربي الله

15-03-2006, 01:57 AM

الله يعافيكم اخواني

تحياتي

مطيري وربي الله!

سلطان الفرم

15-03-2006, 03:07 AM

صح لسان الشاعر الكبير ابن جدلان ومشكور أخوي مطيري وربي الله على نشر الديوان الرائع تسلم والله وماقصرت يالذيب

مطيري وربي الله

19-03-2006, 02:18 AM

صح ابدانك ياسلطان..ولاشكر على واجب..وهذا اقل شي نقدم للأ؟عضاء المنتدى الرائع

تحياتي

اخوك

مطيري وربي الله!

ماجد بن عبدالعزيز

12-04-2006, 02:55 AM

دخلت فالحب تصنيفه ورد اعتبار=واجتزت كل المراحل مرحله مرحله
غلطان توي دريت المحبه دمار=تأثر على حاظر العاشق ومستقبله
عودت مثل العرب في حرب قندهار=ان حاربوا مشكله وان عودوا مشكله

ماجد بن عبدالعزيز

12-04-2006, 03:03 AM

ياراع العيون السود ياناعس الخمري=علي الحرام اني على شوفتك ضامي
جمال الخصال اليوسفيه يغلب امري=عذاب على من حج لله ومن صامي
ياراسي وياصلب اعظامي وياعمري=يجيني بلا لاشفت صورتك قدامـي
اشوف الحياه الي يغنيلهـا القمـري=على حاجبيك السود في دمك الشامي

ماجد بن عبدالعزيز

12-04-2006, 03:13 AM

ولنا رده

ارق التحااااااااايا

مطيري وربي الله

12-04-2006, 04:09 AM

الله يبيض وجهك يأبو فلأح ولاتحرمنا من قاصائد ابن جدلان اذا عندك زياده

تحياتي

اخوك

مطيري وربي الله!

عطر الليل

18-04-2006, 04:40 PM

لاهنت يا مطيري على الديوان
وشاعر جزل

المايسترو

13-06-2006, 02:31 PM

راااائع استاذي مطيري وربي الله
ديوان لشاعر غني عن التعريف
اشكرك على جهودك الرائعه .. ويستحق التثبيت
الله يعطيك 1000 عافيه

فيصل الدويش

16-06-2006, 03:19 AM

الله الله الله

لاهنت ياكحيلان وبيض الله وجهك

وتقبل تحياتي

اخوك

مفاااااااااارق

B a D e R

11-07-2006, 08:53 AM

يعطيك العافيه اخوي مطيري وربي الله على النقل الممتاز
وجهد الكبير اللذي تشكر عليه
تحياتي

السامر

30-07-2006, 01:06 AM

الله يعافيك على ما نقلت
تسلم ويسلم راسك

الرحال

30-07-2006, 01:23 AM

اخوي مطيري وربك الله

شكراً لك على مجهودك الواضح

صح لسان الشاعر سعد بن جدلان

فهو شاعر معروف وغني عن التعريف واشهر من نار على علم

لاهنت يا الغالي

أحــ العين ــمر

07-08-2006, 03:21 AM

الله يعطــــك ألــــــــــــــف عافـــيـــة

أستاذي : مطيري وربي الله

وبيض الله وجهك

أحــــــ العين ــــــمر

t1t5

صمت البوح

21-08-2006, 10:14 AM

ون ابن جدلان من لايعن لاعه

ون وفي قلبه دوافير صناعه

هـــو111وي

02-09-2006, 05:43 AM

مطيري وربي الله

يعطيك العافيه

تحياتي

عآشق المرجله

01-12-2006, 03:47 PM

صح لسان الشاعر سعد الأكلبي

الله لايهينكم على الديوان الرائع

فهاد

03-12-2006, 12:03 AM

الأخ مطيري وربي الله
بيض الله وجهك
وجهد تشكر عليه
طال عمرك
أخوك

الجوهره

08-12-2006, 01:55 AM

يعطيك العافيه

إمرأه من السماء

23-01-2007, 01:46 PM

يعطيك العافيه عالمجهود الرائع

دمت بخير عزيزي

الدلوٍوٍعه

24-01-2007, 05:12 AM

صح لسانه
ديوووان راااااائع
ولاهنت اخووي ع هالمجهود الطيب
الله يعطيك العافيه

كلك حركات

28-01-2007, 03:09 PM

الله لا يهينك اخوي مطيري

ديوان شعري رائع

لشاعر الحكمة

يعطيك الف عافيه

الشلاحي

31-01-2007, 03:20 PM

ديووان رائع ..

ونقل اروع ..

تسلم استاذي على النقل والجهود الرائعه ..

ويعطيك الف عافيه والله ..

ساروونه

03-02-2007, 07:02 PM

تسلم أخووي على هالمجهوود الطيب

مشكوور و..
دمت بوود

الرايق

28-03-2007, 10:39 PM

اخواني مشرفي وزوار منتدى عيال الحمايل
لعل جميع مانذكره هنا وفي اي مشاركه يحوز على رضا الجميع
واليكم هذه القصيده المتواضعه للشاعر سعد بن جدلان الاكلبي ويقول فيها
كم مفــــرق كل ماجيتـــــــــه تعديتــــــه
اشوف خطه ولا اقـــــرا ويش لوحاته
ياكود مفرق رقبة العطــــــف لاجيتــــه
يفرض علي التــــــــلفت والتنهاتــــــــه
في حشمة اللي مصافيني وصــــــافيته
ومن خلقتي مــــــاحد(ن) سوابي اسواته
مايسمح البال لين اقف على بيتـــــــــه
واضرم له اضرامة الزيدي على قـــــــاته