قلب الذيب
23-02-2006, 10:09 AM
بسم الله الرحمن الرحيم
(تعبير عما يحوي الضمير)
هو الشاعر صحن بن قويعان بن عواد الجبلي المطيري
ولد سنة(1348) وينحدر من فخذ المقالده أحد فروع الجبلان من مطير
من صفاته شديد التواضع وصاحب رأي سديد ..
له علاقات كثيره مع الشعراء وبالأخص مع الشاعر الكبير محمد الخس فهم كانا ولايزالا روحين
في جسد ولهم رديات عديده تدل على مدى صداقتهم ومعزتهم منها..
أخذنا خمسين حجه ماهي ادون = يبدي هوا نفسي وشفي على هواه
وأنا ماتهنا في منامي وهو مشحون = تفرحني أفراحه واشاكيه في شكواه
وكذلك قال الشاعر الكبير محمد الخس يذكر مدى هذه العلاقه الأخويه..
ياصحن لو يذكر دواك بالصيني = كان جبته لو يقولون بأقصاها
حيثك أغلا من عيونٍ تقديني = ورفقتك يابو قويعان ماأنساها
وبعد هذه النبذه عن حياة شاعرنا نبدأ بكتابة الديوان الأول له (تعبير عما يحوي الضمير)
(قصيده بالأمير بندر بن ماجد الدويش)
عندما زار شاعرنا الأمير بندر ابن ماجد الدويش فسأله الأمير عن أحوال جماعته فقال كل شي على مايرام ولا ينقصهم سوى الكهرباء فقام الأمير وارسل مكينتين كهرباء لصحن وجماعته
ياشعاق نورنا بيوت الجماعه = من جود من جدنا بفضله وجوده
قامت تشب أنوارها كل ساعه = ومراوحٍ بالحر تعطي بروده
ماسقت فيها من حلالي بضاعه = من مال بندر لاعدمنا وجوده
هو الأمير اللي جنابه طماعه = علي معروفه تعدى احدوده
هداج تيما بالكرم والشجاعه = ابا امدحه لو كان يزعل حسوده
امدح طويل الباع سبع السباعه = قهار حسرات العدا في كبوده
اقطع من المصقول عند اندفاعه = واحلى من الغند المصفى ركوده
من رام شمخات العلا وارتفاعه = يفعل مثل بندر وتظهر شهوده
لا صار ماطيب الولد من ذراعه = لايفتخر في ورثته من جدوده
الورث بالبل والنخل والزراعه = والطيب كلٍ قدحته من زنوده
ماحدٍ يخل الطيب لأبنه وداعه = لاصار باعه قاصرٍ عن عدوده
خله يقوم بقدرته واستطاعه = ماله ومال المرقب اللي يكوده
بدرٍ كسفبه مايسفر شعاعه = والحنظله ماغير السيل عوده
عسى البقا بأهل الندى والبتاعه = اللي لهم في عسر الأيام نوده
نطاحة الكايد ليا مال صاعه = لاولعت شهب السنين بوقوده
يلقون بأيام السنين المجاعه = العفن مايندى ولا حدٍ يروده
ماحدٍ يبي قربه ولا شوف قاعه = من جاء محله نوبةٍ مايعوده
قلته جزاء معروف ماهو خداعه = الطيب من بندر وهذي ردوده
(قصيدة مدح في الأمير بندر بن ماجد الدويش)
ياالله عسى من طالنا منه معروف = يطول عمره في حياة السعاده
وردانا في كنة القيض هفهوف = بمكيفاتٍ نلتحف عن براده
الناس يلهبها الظما بوسط الجوف = وحنا أسود الما مالنا فيه راده
وأنوارنا يجذب سناها عن الشوف = من شافها وقع لقولي شهاده
من مال من يعطي قويين وضعوف = مسيارهم من كل ديره مراده
ليا ضاق ديوانه مسايير وضيوف = هذا طرب قلبه وهذي عياده
مل المقهوي بين مقعاد ووقوف = في متبعاةٍ مابيذر قناده
خلافهن كبش ليا جيب منسوف = على فقاره مثل قطن الوساده
بندر ليا زادوا هل البنك بولوف = يزود من غالي حلاله نفاده
لولا هروج مكذبة كل مشيوف = ابديت ما كنيت عندي زياده
ببن الذي يمن ذراهم عن الخوف = ليا جاهم المطلوب هم راس ماده
دوشان مقطع حقهم ببو حنوف = عنهم سيوف الهند تعطي الأفاده
يشهدلهم بفعالهم شلف وسيوف = وقبٍ لهم في ماقف الضيق عاده
عاداتهم دقمت شبا كل منحوف = من شيخ قومٍ مايسند جواده
اجيب عن تاريخهم رمز وحروف = والهرج يكفي عن كثيره وكاده
(قصيدة مدح بالأمير بندر بن عبدالعزيز بن ماجد الدويش)
ياالله يالمطلوب تقبل سؤالي = ياكافيٍ ماغيرك أحدٍ يكافي
سلم لنا راع العطايا الجزالي = اللي لنا ليا غثرب الوقت صافي
ليا اونست من شد الليالي ميالي = خلا ثقايلها عليه خفافي
دايم يعديني حمولٍ ثقالي = لا لحقت الغارب حذفها خلافي
ليا جيت ناجاني عن اسرار حالي = برفا فتوقٍ مايرافيه رافي
علي من معروفه أول وتالي = شيٍ يجي خافي وشيٍ يشافي
جاب المكاين يم بيتي تشالي = اللي لهن فضلٍ على الربع ضافي
والجمس جاني ماشريته بمالي = شوفوه قدم البيت ماهو بخافي
جاني عطا من واحدٍ مايبالي = جزل العطا اللي بالمواعيد يافي
ليا جود المفتول حزم الريالي = مصروف بندر تغتنيبه اضعافي
ماينكس المحتاج مخباه خالي = ولهو على المد الزهيد متشافي
وليا شلهب الوقت والزاد غالي = بيته لدسمين الشوارب ملافي
يلقون حيلٍ فوقها السمن سالي = في بيت ابوعبدالعزيز السنافي
بيتٍ على من يلتجيبه ظلالي = جعله عمارٍ مايجيه اختلافي
ذرى لنا من ماضيات الليالي = من شاف ناره وامنس مايخافي
افعل جميل ويشهدون الرجالي = واللي يكذب طيب غيره عوافي
الدرب ممدي والليالي طوالي = والطيب بين مايلفه لفافي
ومدحي لبندر مايبيله جدالي = الصدق ماينفاه بالكذب نافي
تمت وصلوا عد ذاري الرمالي = على رسولٍ كمل الحق وافي
(قصيدة مدح بالأمير هزاع ابن عبدالعزيز بن ماجد الدويش)
عزالله اني ناون الصبح مطلاع = وابا اجحد اللي مونسه في عظامي
ابطيت ماعايدت بندر وهزاع = فرضاً عليه مثل فرض الصيامي
لوٍ بندر جابرٍ دونه القاع = اجيي محله حشمةٍ واحترامي
عسى البقا بااللي بقا وافي الباع = اللي وقف عقبه وشد الحزامي
اللي هقينا ببو نواف ماضاع = قام بلوازمنا عزيز المقامي
حلو النبا جزل العطا زين الأطباع = ابذكر اللي فيه ماني بكامي
ليا جنب المخطي عن الدرب جزاع = اللي يحس بخاطره مايسامي
من هيبته مايقربه كل خداع = ومن جا بضفه وامناً مايخافي
وان جاه راع الحق ماهو طماع = يعطيه حقه كاملٍ بالتمامي
العام بين كل ناقص وبتاع = بان الكريم وبان بخل الخمامي
شفناه غير اللي سمعنا بالأسماع = شرطان شعاره تبث العلامي
أحدٍ لربعه مد كفه واما طاع = وأحدٍ غشا وجهه سواد وملامي
راع الردا يحسب كثير العطا ضاع = والله عوينٍ لليدين الكرامي
ينفق على المنفق عن المد بالصاع = اللي كفل رزق البشر ماينامي
والبخل مايفوز به كل جماع = لو يجمعه كثر الجراد التهامي
في حاجة المحتاج ماهو بنفاع = ومالٍ يقصر في حقوقه حرامي
(قصيدة مدح بالأمير ماجد بن محمد بن بدر الدويش)
هات القلم واكتب كلامي وانا امليه = ابيات شعرٍ تعجب اللي قراها
مثايلٍ من شايبٍ في بناخيه = ماقلتها فيه اتحرا جزاها
والله ماقلته ولي مقصدٍ فيه = لا حاجةٍ عندي ولا في رجاها
لا شك يعجبني ليا اوحيت طاريه = حرٍ صعيبات المراقي رقاها
يفعل فعولٍ تتعب اللي يماريه = ماهي هينةٍ على من بغاها
ابا امدحه والمدح قده وزاهيه = ماهي سوالف واحدٍ ماقداها
ماقول قولٍ لين ابين معانيه = ماضيع الكلمه بغير معناها
امدح بها مزعل خصيمه ومرضيه = اللي ليا مالت رفع مستواها
يزعله ليا منه اخطا مماشيه = ويرضيه ليا جت من بعيد التقاها
يشره اللي يفهمون المشاريه = ويسنع اللي ماتسنع خطاها
ماجد حكيم الراي دامت لياليه = ليا شقها غيره برايه رفاها
مفراص ماصٍ ماتعقد مثانيه = ماتوخذ القاله وهو من وراها
حيدٍ يذري من قعد في مذاريه = عقب الفهود اللي يذري ذراها
ماغواه تيار الجهل في مباديه = مشى الدروب اللي محمد بغاها
رسم حدود الدار واسس مبانيه = وسكانها ارضاها وطور ابناها
وختم الكلام الله على الحق يهديه = ويكفيه شر اشرارها واحسداها
(قصيدة مدح في الأمير مهاوش بن مشل الدويش)
الله يجزاك يامهاوش بالأحساني = ويذكرك بالخير ياريف الفداويه
جيته وانا مامعي للحق برهاني = مثل العمى ماعرف وش تقضب يديه
وشتال عني ثقيل الحمل واعفاني = وادركت شيٍ من اسبابه ماهو ليه
أخذ شهر كل يوم موتره عاني = ماحسب النقص والروحات والجيه
وان صرت حاضر معه وان غبت كفاني = لين انقضى لازمي وانهى مقاضيه
لولا كذا مافرق واحد عن الثاني = اللي يبا الطيب مايبخل على شيه
قولة نعم ماتهيا كود بأثماني = برخاصة العمر ولا أرخاص ماليه
وايدامها قومةٍ في خمس الأركاني = عليك الأجهاد بالأخلاص والنيه
من غر منها بليا شك خسراني = مالٍ وراه الفنا والعمر عاريه
لابد من ساعةٍ يطوى بالأكفاني = من خزنة البنك مايدفن معه ميه
(قصيدة مدح بالأمير بدر بن هايف الفغم)
أنا ليا مني بغيت الأناسه = سيرت يم اللي دعاني من الراس
الله يعدي سو الأيام راسه = مدام له في ساحة العز مرواس
بدر ولد هايف خبير السياسه = عوق الخصيم اللي براسه تعنطاس
كسار باس اللي بنفسه حماسه = وحلالها لاصار بالحبل لولاس
ماقدمه راس القلم والدراسه = من راس هايف محتمي قب الأفراس
لا لبسوا الفرسان درعٍ وطاسه = ملبوسه الجوخه على ثوب قرطاس
فكر مثل تركي برايه وداسه = لينه على بيض الصحاري بنى ساس
ساس على الميزان يوخذ قياسه = لين اجتمعبه كل جنسٍ من الناس
هش بشوشٍ مابنفسه شراسه = يابعد فرقه عن ثقيل الأنفاس
ليا جاهم العساس عاف العساسه = مثل المحل مراعيه يباس
ماينسمح بالي ويغدي عماسه = ألا مع اللي فيه شيمه ونوماس
وان شفت في خطو الرفيق انعكاسه = صديت عنه وقلتله ماترى باس
ماهين نفسي في دورة الحاسه = ولاني على فرش المهونه بجلاس
الرزق لامني بغيت التماسه = طلبت ربٍ منه مانقطع الياس
ماطلب عطاء ناسٍ هدفها الرياسه = ناسٍ على الحروه تلمس تلماس
أخبث من الهربيد وخدود فاسه(2) = اللي على ريح المرق يطبخ الفاس
(2)الهربيد: رجل من شمر يطبخ الفاس لولده
(قصيده في حسين بن عادي الله يرحمه)
هذه القصيده قالها شاعرنا وذلك بعدما جائته جارته تشتكي له وتطلب منه ان يساعدها بأطلاق سراح ولدها وذلك بعدما القوا القبض عليه في تهمه وهو بريء منها فقال هذه القصيده يطلب فيها من امير الحفر سابقاً (حسين بن عادي )ان يساعده في اطلاق سراح جاره
يابو علي نكبات الأيام مره = تصير مع طول الدهر والشهوري
جتني عجوزٍ جيب ثوبه تقره = عليه من ميلات بقعا دبوري
الشرطي أقفا في ولده يجره = وجتني تصيح ودمع عينه يفوري
الله بلاها وابتلتني بشره = وعاداتنا بدخيلنا مانبوري
ابا ابدي المجهود باللي يسره = وأنا بلا فزعتك تدري بأموري
مالي من المقدور مثقال ذره = أما هداك الله بحملي تثوري
العلم يصدر منك وأنته مقره = وان ماقضيت الشان منته معذوري
يوم اني احرج موقفك واتشره = بلاي هرجة قاصرين الشبوري
أخاف من قولة رفيق وغره = ناسٍ على عوج السوالف تدوري
والله لو أذكر فيه علمٍ يضره = لا قول خل الحوت بقصى البحوري
جعله مهف امقيط من راس حره = يوم انطلق برشاه هوي الطيوري
وبعد القصيده أخرج حسين بن عادي السجين واطلق سراحه ورجع شاعرنا وجاره الى هجرة الحيراء وهم يهوبلون بغمارة الجمس:12:
(قصيدة مدح في الجبلان)
عديت راس ابرقٍ من بين عرقيني = في حد حير العصل من ماقف ابوابي
وقمت اتذكر ابراسه وانشد العيني = يوم انعمس خاطري في راس مرقابي
ياعين وين الربوع اللي توديني = ماشوفهم لو رقيت مع املطٍ نابي
ياحيف يالابتي سقم المعاديني = متيهت بالوسامي جرد الأرقابي
نزالت القفر من بين الحفيفيني = يوم العرب تسطفق والقفر ينهابي
والناس ماهفيلهم حظ ٍ وموازيني = مير ان ربعي بهم شارتٍ اتعابي
قهارت الورد عن وجه المحيليني = الأجنبي لاعرفهم عاف الأقرابي
والضيف لاضافهم بادوه باليني = لادش بأرباعهم عن الكدر غابي
من دارهم بالموده واجه الزيني = ومن دارهم بالقشر جوله نسم دابي
احلى من الغند لاصبوه بالصيني = وامر من حنظل الكنه اليا شابي
ربعي اطوال الخطا ماهم خفيني = هوماتهم مايهومه كل كسابي
جبلان يدعابهم لو هم بعيديني = كم جمبتن صبحوها دونها اجنابي
هذا قضا مامضا جاء دورهم شيني = كلٍ بناله عشيش وحطله بابي
اميرهم عشته بين القليبيني = تشدي اشراع الجنب بأمراح عزابي
ياالله عساهم ابمنزلهم عزيزيني = من حبله منزلٍ في خاطره طابي
وانا مدام اني القا من يباريني = ابنزل البر الأصبح والله اولابي
اليا ناض برقٍ على خدٍ يشهويني = قلت اطون البيت وزونه بالطنابي
ودنيت من وارد الفرتات ستيني = من كسب اخويه ماهو من سوق الأذنابي(1)
ماعاش جدي على المسحاه والطيني = اليا نوى الله برزقٍ جاله اسبابي
رزقي على اللي خلقني مايخليني = معطي العطايا بليا منّ واحسابي
والخاتمه ياالله انك تنصر الديني = واتمن احدود العرب من كل طلابي
(1)اخوه هو نضاد بن قويعان الله يرحمه
(قصيده في الماضي)
يازين شب النار وسط المسيلي = قدام كسر البيت ينهض عموده
في وسط جوٍ واسعٍ للنزيلي = فروحٍ مرضه عليك محدوده
عشبه من الوسم المبكر جليلي = وعليه من تالي العقارب بروده
تفرقوبه مبعدين الرحيلي = كلٍ يبا زين المضحى لذوده
الفقع يجنونه بوسط الشليلي = من جود من عم المخاليق جوده
أناستٍ لو ما مداها طويلي = العود يابس والليالي معدوده
أخير من قصرٍ دفيٍ ظليلي = راعيه روحه يم جاره تكوده
يقوم مرضانٍ وفتران حيلي = من كثر ماياكل وكثرة ركوده
ومجالسٍ من بين قايل وقيلي = ناسٍ تجيب الهرج وتاخذ ردوده
كثر الحسد من بينهم والنقيلي = العلم لو هو كذب تظهر شهوده
تصور الكذبه من المستحيلي = منهم كبود الصابرين مغدوده
دنيا تقلب بين عدلٍ وميلي = تضحك حدٍ وأحدٍ تبيح سدوده
الذيب فيها من ثعلها ذلبلي = والداب ياقفله على الدرب دوده
واللي يعد النور فيها قليلي = تبلش ليا ناظرت نقصه وزوده
شفنا من أقوال المصدق دليلي = زودٍ من الناقص تعدى احدوده
المال يكثر في يدين البخيلي = وأقوال ترك الصلاه محموده
ينخاف فيها بين صبحٍ وليلي = الله على السلام يضفي ركوده
ويعز حكامٍ تشيل الثقيلي = من دون العرب والدين تبذل جهوده
(قصيده في الماضي)
ياهل الونيت اللي تبون المظاهير = ان كانكم عجلين مروا عليه
ياحبني لمدورين المشاوير = خصٍ به اللي يركبون معفيه(3)
خلوه يسرح يالوجيه المسافير = يمة مغيب سهيل وأيمن شويه
جمسٍ يثور بالدبادب معاصير = ويله يشق القاع لو هي قويه
يبعد هموم مقزر الليل تقزيز = أسهر وأنا ما وأنس بعمري شكيه
لو أن ماجاني من الدار تقصير = قلبي يحب البر وأغلي نديه
أهل بيوتٍ يتعبون المداوير = يضويلهم مع كل فجٍ رعيه
يازين لجتهم ليا غرد الطير = كلٍ يبا المغباش يسبق خويه
مضمين والبارح اغشان وشخاتير = وهجوٍ على نقع الصفا والحجيه
ياكثر أناستهم ليا جم مصادير = كلٍ روى ذوده وملى رويه
وصكم ابيتٍ مدهلٍ للمسايير = يصبح عليه الصبح والنار حيه
عسى مراويح السحاب المباكير = تزي وطنهم كل صبح وعشيه
لين ايتساوا قشعها والنواوير = وتصير مثل سنينها الأوليه
ماوسطها كود أشقح الريم ومطير = ماطبها الشاوي مربي طليه
يرعونها بمراوزات المقاهير = وحدودها من كل صوب محميه
من دونها جماعة الشر والخير = على جميع الناس عسرٍ مجيه
واليوم فيها مثل وردٍ على بير = تلقابها من كل سبع اللغيه
أقولها عن ضيقة الصدر تعبير = ولا الدهر مادبرته في يديه
العبد ماعنده لدنياه تدبير = ماعنده ألا مايدبر وليه
(معفيه): دبايه في الدبدبه
(قصيده في الصمان)
ظهرت ابا اخذ لي مع البر جوله = قصدي وناسة خاطري وانشراحي
ابرقب اللي باقيٍ من تلوله = وامد شوفي مع وسيع البراحي
ولقيت برٍ مابقا الا سموله = قشعه وسدره عقب الأمحال ماحي
برٍ نحبه لو تقافت محوله = اروحله لو ما يونس مراحي
ممشاً مع الصمان همي يزوله = ديرة مطير مخضبين الرماحي
امشي وادوج في منازل انزوله = عليه بانيتن ذواري الرياحي
ماكنهم داجو هكا الناس حوله = ولا وحيت فيه مودهن لطياحي
ياما جزم من خايعٍ ورجعوله = قفرٍ أدعوبه ماظربها المتاحي
عشبه يساقيه المطر واطلوله = فيه الظبى واجوال برقا جناحي
من أولٍ محدٍ يذوق محصوله = واليوم كلٍ حل به واستراحي
أشوفبه من كل ناسٍ حموله = متقاسمينه مثل قسم الشحاحي
اليا ذكرت اللي مضا من حلوله = الدمع من عيني ردعته وفاحي
وعينٍ تبا هكا السنين مهبوله = ماشافت اللي قدمها وين راحي
حطتهم أيام الفنا في حثوله = ومن راح ما رده طويل الصياحي
من يامن الدنيا وهذي فعوله = تزي الذحاحي عقب شرب القراحي
مندوبها يشعب ورانا ذلوله = اما هجد والا يصبح صباحي
ياالله يا باعث بحقه رسوله = تكتب لنا يوم الحساب النجاحي
يطلبك عبدٍ عاف قصره وطوله = مذنب ويرجي رحمتك والمباحي
ماله سوى رحمتك عذرٍ يقوله = ليا دهدموه مجودين المساحي
(قصيده في الماضي)
ياهل البيوت اللي على الماء محاظيب = هذي عوايدكم بماضي الليالي
لامنها يبست جلود الدغاليب = كلٍ نزل فوقه وخلا الحلالي
يرعونها الرعيان شرقٍ وتغريب = وليا ورد قدمه عيالٍ بدالي
يعطونه الماء من طويل المجاذيب = من عيهلٍ بين السهل والجبالي(4)
ثلاثة أشهر ثابتين المناسيب = وليا مضا الرابع نوو بالمشالي
البرد حل وزل حر اللواهيب = وشافوا على المنشا طخاف الخيالي
معاد يبقى للمدور معازيب = كلٍ نصا خدٍ من الصيف خالي
ما دفق الشاوي بوسطه مغاريب = من يوم كفوا عنه ماجاه والي
اللي يبا اللامه عوى دونه الذيب = يرجي مع الطرشان رد السؤالي
جاهم من القبله خيالٍ مهاضيب = ملا فياضٍ ما هواه البعالي
على جغبقا حولن السراديب(5) = والعوده الدنيا رقت كل جالي
تلقالهم حول الدعيله مظاريب(6) = لبيوتهم والصلب للبل مفالي
مدهال شقحٍ علقوها الدباديب = دايم هي اللي من توالي الشمالي
ترعى بفرسانٍ تروي المغاليب = لفعالهم بين القبايل مجالي
يرعونها الجبلان كسابة الطيب = أهل بيوتٍ مدهلٍ للرجالي
الجار يلقا زين جانب وترحيب = والضيف يقلط فوق حيلٍ جزالي
وهوماتهم تاصل ديار الأجانيب = يومٍ بالأفعال طامن وعالي
كم جو قومٍ سهجوه المكاسيب = في مال الأقصى يسهجون الموالي
هذا الذي في لابتي من عذاريب = وعندي على ذلك أولاد الحلالي
وصلاة ربي عالم السر والغيب = على الرسول اللي مشى بالعدالي
4..العيهل: عد أو بئر تسمى اللصافه بين الدبدبه والصمان
5..جغبقا:مكان لتجمع الماء ويسمى خبرا
6..الدعيله:فيضة سدر
(ديرة الجبلان)
زين ممشى الجمس مع خطٍ يدله = كل ما محته على صوبٍ عطاني
عارفٍ دربه وأدل الخد كله = لو محاه الريح عقبي ما خفاني
ناصٍ اللي قربهم ماحدٍ يمله = مير تصريف الدهر عنهم حداني
جعل ودان المزون المستهله = في وطنهم تنثر الماء الريهجاني
وكل ماجا سبعة أيام] تعله = لين يشبع طرشهم بين المباني
ديرة الجبلان قلبي مستهله = عن خفي القلب يخبركم لساني
ربعي اللي دارهم للضيف فله = يذبحون الحيل لا شان الزماني
وكل نشميٍ ليا جيت بمحله = تمضي الساعات تحسبها ثواني
ضيفهم مع جارهم مدموح زله = كل من جاء في طرفهم مايهاني
يزعلون عيالهم كلٍ أرضله = ومجلسه ببيوتهم بأحسن مكاني
والمحيل اللي حلاله فيه خله = لا ورد لعدودهم شرب اسمهاني
قولي اليا قلت كلٍ شاهدله = الدقاق بما ذكر فيهم كفاني(7)
7..الدقاق:شاعر من شعراء قبيلة مطير قد مدح الجبلان في هذه الأبيات..
ليتني زبنت بشياهي حموله = ناصن الجبلان يوم الوقت جاني
حاشمين الجار لو تزلق انعوله = جارهم يقدم على كل المعاني
بـــــــــــــــاب الغــــــــــــــزل
(البارحه)
البارحه ما ذاقت النوم عيني = لين الثريا وايقت والسفر بان
أسهر الين الصبح نوره يبيني = وأمسك على فنجال بنٍ ودخان
من هم يومٍ خابره مقتفيني = تطوى البيوت ويفترق شمل الأضعان
أحدٍ يروح ايسار وأحدٍ يميني = بدوٍ تمارى في منازل وقطعان
ياليتهم دايم على الماء قطيني = والا يصيرون المحبين جيران
حتى ان كلٍ خاطره ما يشيني = ولا حدٍ يذوق من العناء مثل ماكان
يامن يودي صاحبي كلمتيني = مدام أنا وحماية البيت عدوان
ماحرزت أجيه ولاتهيا يجيني = أغديه يرحمني على قد الأمكان
قلبي اليا أبعد طار عنه اليقيني = يدكبه عن لذة النوم شيطان
يجمع علي هموم قلبي قريني = الحب بلوى والمخاليق قشران
ان كان طاوع هرجة المبغضيني = مالي مع اللي يدهل البيت صدقان
عندي خبر من غاية الذاهبيني = شفت الجفا من يمهم سر وأعلان
أونس خطاهم واجحده لايبيني = من شان ملهوف الحشا خدر الأعيان
أبو عيونٍ تسحر الناظريني = والخد برقٍ في مراويح الأمزان
يسوقني حبه لمن لايبيني = لولاه مالي في هل البيت غرضان
قربه ربيعي والعرب ممحليني وبعده يضيع قو صبرب والأيقان
مالي على فرقاه قلبٍ متيني = واللي يعدّل مولع القلب غلطان
راع الهوى مايسمع العاذليني = عنده طريقه سمح لو فيه ظلعان
لادرك من المطلوب ربع الثميني = ماهو على تعذيب الأيام ندمان
(عجايب)
يامسايير لاجيتم عجايب = سلمولي على موضي النحريا
سلمولي على موضي الترايب = عد وبل السحاب اليا انتثريا
منه جرحي ترا ماهو بطايب = كان جيتوه ودوه الخبريا
اسهر الليل وجروحي عطايب = اتصبر وانا حدر الخطريا
جابه الله وأخير أسمه عقايب = لي أنا خص من بد البشريا
لا حلف لي بعمره والقرايب = ذاب قلبي لونه من صخريا
ذوب القلب منسوع الذوايب = باشقر الراس والخد العفريا
يامصيبه علي أكبر مصايب = من عشيرٍ يحيربه النظريا
ان طلبناه من دونه طلايب = وان تركناه قلبي ماصبريا
من يخلص شرابيك النشايب = اكثر الشر بوجيه القشريا
حسبي الله على العجز الحدايب = حوفرن للغم لين انفجريا
دايم العجز للفتنه سبايب = اظهرن سرنا لين انتشريا
(يامل قلبٍ)
يامل قلبٍ كل ماهف شفه = يزوع من بين الضلوع المهاديف
اليا جاء غروب الشمس واقبل مهفه = مرتاح لين ابدي طويل المشاريف
اليا ذكرت اللي بغيته بعفه = مضيت يومي بين ممشى وتوقيف
ارقى على روس الهضاب المشفه = واخيل نشر مشلف القلب تشليف
راعي اشقرٍ من فوق الأمتان ضفه = شليل شقرٍ هزته بالحاريف
والعين نجلا مايغطيه كفه = والعنق عنق اللي تقود المخاشيف
حبه لجا بين قلبي وجفه = كنه على جوفي يشب المراضيف
ليته يطاوعني ليا قلت طفه = بيديك ياراعي الثمان المراهيف
خف العنا في وصل الأقدام خفه = الوصل طبٍ للقلوب المواليف
قدام تاخذ فينا الأيام لفه = مافي يدينا من قدرها تصاريف
اليا دقرت ماكل حيٍ يدفه = ماعدلوها أهل المهار المزاغيف
(وين أهل زين الاوصاف)
يابو سعيد وين أهل زين الأوصاف = علميبهم قبل تطيح المشاريع
يومٍ كل القيظ في حسبته طاف = راحت ظعاينهم تزاعج مع الريع
من جال عدٍ يدهله خمسة أسلاف = حامين حده بالسيوف القواطيع
ترعى الخطر في ظفهم حم الأشعاف = وجنوبها معترضتن للطماميع
يغذالها من درها كل مزغاف = حتى تباشرها بسرع المفازيع
ليا صاح صياحٍ على راس مشراف = ركبم عليهن مهملين المصاريع
فيما مضى يشهدلهم كل عراف = واليوم أمان وتاركين المطاميع
تفرقوا يرعون ريمه بالارياف = وأنا قضى صبري ولا لي مدافيع
يسقى ليا نشف ثرى كل هتاف = ويبست حبوب العشب عقب المرابيع
اظن يجمعهم على العد مصياف = يجيبهم حره لما هم مرابيع
واشوف من فتخ ايديني بالأحلاف = اللي مضيعني عن الناس تظييع
أغليه لو أنه مسومبي اسراف = وليا عذلني عاذلي قلت ماطيع
ياعاذل العشاق منته مع انصاف = ماذقت من لذات حبه قراطيع
ليتك تشوف اللي نواني بلاتلاف = اللي جرح قلبي بليا منافيع
تشوف شقراً شرعاً فوق الأرداف = وسودٍ هدبهن فوق خده مشاريع
أغديك تبلشبه من اليوم واخلاف = وتسامح اللي يشتري فيه ويبيع
(عديت)
عديت في رجمٍ طويلٍ يباين = أخيل نشر مبعدين المراحيل
أخيلهم لين اتقن الظعاين = يتلون جرة ذاكر العشب والسيل
أقفم وعيني في سنعهم تعاين = ينحون واثنات الجمال المحاميل
اشوف من تالي دبشهم عواين = من بعدها تسمى سوات السماليل
ماهمهم شف القلوب الحزاين = يتلون شف مراوزات المخاليل
ياصاحبي ليتك فتشت الظعاين = حتاك تدري انك عليه غرابيل
أسقيتني كاس الطنا والغباين = وانته تواعد بالليالي المقايبل
ليا قمت تضحك بالثمان الرزاين = حطيت لك بفلوج قلبي مداخيل
أودعت مني قاسي القلب لاين = وحمست كبدي حبس بن المعاميل
الكون كونك ياعطيب الكواين = والأمر للي يولج الصبح بالليل
أرقابنا حدر الموده رهاين = وأعتاقها بيدين من يعتق الميل
صحن بن قويعان
(تعبير عما يحوي الضمير)
هو الشاعر صحن بن قويعان بن عواد الجبلي المطيري
ولد سنة(1348) وينحدر من فخذ المقالده أحد فروع الجبلان من مطير
من صفاته شديد التواضع وصاحب رأي سديد ..
له علاقات كثيره مع الشعراء وبالأخص مع الشاعر الكبير محمد الخس فهم كانا ولايزالا روحين
في جسد ولهم رديات عديده تدل على مدى صداقتهم ومعزتهم منها..
أخذنا خمسين حجه ماهي ادون = يبدي هوا نفسي وشفي على هواه
وأنا ماتهنا في منامي وهو مشحون = تفرحني أفراحه واشاكيه في شكواه
وكذلك قال الشاعر الكبير محمد الخس يذكر مدى هذه العلاقه الأخويه..
ياصحن لو يذكر دواك بالصيني = كان جبته لو يقولون بأقصاها
حيثك أغلا من عيونٍ تقديني = ورفقتك يابو قويعان ماأنساها
وبعد هذه النبذه عن حياة شاعرنا نبدأ بكتابة الديوان الأول له (تعبير عما يحوي الضمير)
(قصيده بالأمير بندر بن ماجد الدويش)
عندما زار شاعرنا الأمير بندر ابن ماجد الدويش فسأله الأمير عن أحوال جماعته فقال كل شي على مايرام ولا ينقصهم سوى الكهرباء فقام الأمير وارسل مكينتين كهرباء لصحن وجماعته
ياشعاق نورنا بيوت الجماعه = من جود من جدنا بفضله وجوده
قامت تشب أنوارها كل ساعه = ومراوحٍ بالحر تعطي بروده
ماسقت فيها من حلالي بضاعه = من مال بندر لاعدمنا وجوده
هو الأمير اللي جنابه طماعه = علي معروفه تعدى احدوده
هداج تيما بالكرم والشجاعه = ابا امدحه لو كان يزعل حسوده
امدح طويل الباع سبع السباعه = قهار حسرات العدا في كبوده
اقطع من المصقول عند اندفاعه = واحلى من الغند المصفى ركوده
من رام شمخات العلا وارتفاعه = يفعل مثل بندر وتظهر شهوده
لا صار ماطيب الولد من ذراعه = لايفتخر في ورثته من جدوده
الورث بالبل والنخل والزراعه = والطيب كلٍ قدحته من زنوده
ماحدٍ يخل الطيب لأبنه وداعه = لاصار باعه قاصرٍ عن عدوده
خله يقوم بقدرته واستطاعه = ماله ومال المرقب اللي يكوده
بدرٍ كسفبه مايسفر شعاعه = والحنظله ماغير السيل عوده
عسى البقا بأهل الندى والبتاعه = اللي لهم في عسر الأيام نوده
نطاحة الكايد ليا مال صاعه = لاولعت شهب السنين بوقوده
يلقون بأيام السنين المجاعه = العفن مايندى ولا حدٍ يروده
ماحدٍ يبي قربه ولا شوف قاعه = من جاء محله نوبةٍ مايعوده
قلته جزاء معروف ماهو خداعه = الطيب من بندر وهذي ردوده
(قصيدة مدح في الأمير بندر بن ماجد الدويش)
ياالله عسى من طالنا منه معروف = يطول عمره في حياة السعاده
وردانا في كنة القيض هفهوف = بمكيفاتٍ نلتحف عن براده
الناس يلهبها الظما بوسط الجوف = وحنا أسود الما مالنا فيه راده
وأنوارنا يجذب سناها عن الشوف = من شافها وقع لقولي شهاده
من مال من يعطي قويين وضعوف = مسيارهم من كل ديره مراده
ليا ضاق ديوانه مسايير وضيوف = هذا طرب قلبه وهذي عياده
مل المقهوي بين مقعاد ووقوف = في متبعاةٍ مابيذر قناده
خلافهن كبش ليا جيب منسوف = على فقاره مثل قطن الوساده
بندر ليا زادوا هل البنك بولوف = يزود من غالي حلاله نفاده
لولا هروج مكذبة كل مشيوف = ابديت ما كنيت عندي زياده
ببن الذي يمن ذراهم عن الخوف = ليا جاهم المطلوب هم راس ماده
دوشان مقطع حقهم ببو حنوف = عنهم سيوف الهند تعطي الأفاده
يشهدلهم بفعالهم شلف وسيوف = وقبٍ لهم في ماقف الضيق عاده
عاداتهم دقمت شبا كل منحوف = من شيخ قومٍ مايسند جواده
اجيب عن تاريخهم رمز وحروف = والهرج يكفي عن كثيره وكاده
(قصيدة مدح بالأمير بندر بن عبدالعزيز بن ماجد الدويش)
ياالله يالمطلوب تقبل سؤالي = ياكافيٍ ماغيرك أحدٍ يكافي
سلم لنا راع العطايا الجزالي = اللي لنا ليا غثرب الوقت صافي
ليا اونست من شد الليالي ميالي = خلا ثقايلها عليه خفافي
دايم يعديني حمولٍ ثقالي = لا لحقت الغارب حذفها خلافي
ليا جيت ناجاني عن اسرار حالي = برفا فتوقٍ مايرافيه رافي
علي من معروفه أول وتالي = شيٍ يجي خافي وشيٍ يشافي
جاب المكاين يم بيتي تشالي = اللي لهن فضلٍ على الربع ضافي
والجمس جاني ماشريته بمالي = شوفوه قدم البيت ماهو بخافي
جاني عطا من واحدٍ مايبالي = جزل العطا اللي بالمواعيد يافي
ليا جود المفتول حزم الريالي = مصروف بندر تغتنيبه اضعافي
ماينكس المحتاج مخباه خالي = ولهو على المد الزهيد متشافي
وليا شلهب الوقت والزاد غالي = بيته لدسمين الشوارب ملافي
يلقون حيلٍ فوقها السمن سالي = في بيت ابوعبدالعزيز السنافي
بيتٍ على من يلتجيبه ظلالي = جعله عمارٍ مايجيه اختلافي
ذرى لنا من ماضيات الليالي = من شاف ناره وامنس مايخافي
افعل جميل ويشهدون الرجالي = واللي يكذب طيب غيره عوافي
الدرب ممدي والليالي طوالي = والطيب بين مايلفه لفافي
ومدحي لبندر مايبيله جدالي = الصدق ماينفاه بالكذب نافي
تمت وصلوا عد ذاري الرمالي = على رسولٍ كمل الحق وافي
(قصيدة مدح بالأمير هزاع ابن عبدالعزيز بن ماجد الدويش)
عزالله اني ناون الصبح مطلاع = وابا اجحد اللي مونسه في عظامي
ابطيت ماعايدت بندر وهزاع = فرضاً عليه مثل فرض الصيامي
لوٍ بندر جابرٍ دونه القاع = اجيي محله حشمةٍ واحترامي
عسى البقا بااللي بقا وافي الباع = اللي وقف عقبه وشد الحزامي
اللي هقينا ببو نواف ماضاع = قام بلوازمنا عزيز المقامي
حلو النبا جزل العطا زين الأطباع = ابذكر اللي فيه ماني بكامي
ليا جنب المخطي عن الدرب جزاع = اللي يحس بخاطره مايسامي
من هيبته مايقربه كل خداع = ومن جا بضفه وامناً مايخافي
وان جاه راع الحق ماهو طماع = يعطيه حقه كاملٍ بالتمامي
العام بين كل ناقص وبتاع = بان الكريم وبان بخل الخمامي
شفناه غير اللي سمعنا بالأسماع = شرطان شعاره تبث العلامي
أحدٍ لربعه مد كفه واما طاع = وأحدٍ غشا وجهه سواد وملامي
راع الردا يحسب كثير العطا ضاع = والله عوينٍ لليدين الكرامي
ينفق على المنفق عن المد بالصاع = اللي كفل رزق البشر ماينامي
والبخل مايفوز به كل جماع = لو يجمعه كثر الجراد التهامي
في حاجة المحتاج ماهو بنفاع = ومالٍ يقصر في حقوقه حرامي
(قصيدة مدح بالأمير ماجد بن محمد بن بدر الدويش)
هات القلم واكتب كلامي وانا امليه = ابيات شعرٍ تعجب اللي قراها
مثايلٍ من شايبٍ في بناخيه = ماقلتها فيه اتحرا جزاها
والله ماقلته ولي مقصدٍ فيه = لا حاجةٍ عندي ولا في رجاها
لا شك يعجبني ليا اوحيت طاريه = حرٍ صعيبات المراقي رقاها
يفعل فعولٍ تتعب اللي يماريه = ماهي هينةٍ على من بغاها
ابا امدحه والمدح قده وزاهيه = ماهي سوالف واحدٍ ماقداها
ماقول قولٍ لين ابين معانيه = ماضيع الكلمه بغير معناها
امدح بها مزعل خصيمه ومرضيه = اللي ليا مالت رفع مستواها
يزعله ليا منه اخطا مماشيه = ويرضيه ليا جت من بعيد التقاها
يشره اللي يفهمون المشاريه = ويسنع اللي ماتسنع خطاها
ماجد حكيم الراي دامت لياليه = ليا شقها غيره برايه رفاها
مفراص ماصٍ ماتعقد مثانيه = ماتوخذ القاله وهو من وراها
حيدٍ يذري من قعد في مذاريه = عقب الفهود اللي يذري ذراها
ماغواه تيار الجهل في مباديه = مشى الدروب اللي محمد بغاها
رسم حدود الدار واسس مبانيه = وسكانها ارضاها وطور ابناها
وختم الكلام الله على الحق يهديه = ويكفيه شر اشرارها واحسداها
(قصيدة مدح في الأمير مهاوش بن مشل الدويش)
الله يجزاك يامهاوش بالأحساني = ويذكرك بالخير ياريف الفداويه
جيته وانا مامعي للحق برهاني = مثل العمى ماعرف وش تقضب يديه
وشتال عني ثقيل الحمل واعفاني = وادركت شيٍ من اسبابه ماهو ليه
أخذ شهر كل يوم موتره عاني = ماحسب النقص والروحات والجيه
وان صرت حاضر معه وان غبت كفاني = لين انقضى لازمي وانهى مقاضيه
لولا كذا مافرق واحد عن الثاني = اللي يبا الطيب مايبخل على شيه
قولة نعم ماتهيا كود بأثماني = برخاصة العمر ولا أرخاص ماليه
وايدامها قومةٍ في خمس الأركاني = عليك الأجهاد بالأخلاص والنيه
من غر منها بليا شك خسراني = مالٍ وراه الفنا والعمر عاريه
لابد من ساعةٍ يطوى بالأكفاني = من خزنة البنك مايدفن معه ميه
(قصيدة مدح بالأمير بدر بن هايف الفغم)
أنا ليا مني بغيت الأناسه = سيرت يم اللي دعاني من الراس
الله يعدي سو الأيام راسه = مدام له في ساحة العز مرواس
بدر ولد هايف خبير السياسه = عوق الخصيم اللي براسه تعنطاس
كسار باس اللي بنفسه حماسه = وحلالها لاصار بالحبل لولاس
ماقدمه راس القلم والدراسه = من راس هايف محتمي قب الأفراس
لا لبسوا الفرسان درعٍ وطاسه = ملبوسه الجوخه على ثوب قرطاس
فكر مثل تركي برايه وداسه = لينه على بيض الصحاري بنى ساس
ساس على الميزان يوخذ قياسه = لين اجتمعبه كل جنسٍ من الناس
هش بشوشٍ مابنفسه شراسه = يابعد فرقه عن ثقيل الأنفاس
ليا جاهم العساس عاف العساسه = مثل المحل مراعيه يباس
ماينسمح بالي ويغدي عماسه = ألا مع اللي فيه شيمه ونوماس
وان شفت في خطو الرفيق انعكاسه = صديت عنه وقلتله ماترى باس
ماهين نفسي في دورة الحاسه = ولاني على فرش المهونه بجلاس
الرزق لامني بغيت التماسه = طلبت ربٍ منه مانقطع الياس
ماطلب عطاء ناسٍ هدفها الرياسه = ناسٍ على الحروه تلمس تلماس
أخبث من الهربيد وخدود فاسه(2) = اللي على ريح المرق يطبخ الفاس
(2)الهربيد: رجل من شمر يطبخ الفاس لولده
(قصيده في حسين بن عادي الله يرحمه)
هذه القصيده قالها شاعرنا وذلك بعدما جائته جارته تشتكي له وتطلب منه ان يساعدها بأطلاق سراح ولدها وذلك بعدما القوا القبض عليه في تهمه وهو بريء منها فقال هذه القصيده يطلب فيها من امير الحفر سابقاً (حسين بن عادي )ان يساعده في اطلاق سراح جاره
يابو علي نكبات الأيام مره = تصير مع طول الدهر والشهوري
جتني عجوزٍ جيب ثوبه تقره = عليه من ميلات بقعا دبوري
الشرطي أقفا في ولده يجره = وجتني تصيح ودمع عينه يفوري
الله بلاها وابتلتني بشره = وعاداتنا بدخيلنا مانبوري
ابا ابدي المجهود باللي يسره = وأنا بلا فزعتك تدري بأموري
مالي من المقدور مثقال ذره = أما هداك الله بحملي تثوري
العلم يصدر منك وأنته مقره = وان ماقضيت الشان منته معذوري
يوم اني احرج موقفك واتشره = بلاي هرجة قاصرين الشبوري
أخاف من قولة رفيق وغره = ناسٍ على عوج السوالف تدوري
والله لو أذكر فيه علمٍ يضره = لا قول خل الحوت بقصى البحوري
جعله مهف امقيط من راس حره = يوم انطلق برشاه هوي الطيوري
وبعد القصيده أخرج حسين بن عادي السجين واطلق سراحه ورجع شاعرنا وجاره الى هجرة الحيراء وهم يهوبلون بغمارة الجمس:12:
(قصيدة مدح في الجبلان)
عديت راس ابرقٍ من بين عرقيني = في حد حير العصل من ماقف ابوابي
وقمت اتذكر ابراسه وانشد العيني = يوم انعمس خاطري في راس مرقابي
ياعين وين الربوع اللي توديني = ماشوفهم لو رقيت مع املطٍ نابي
ياحيف يالابتي سقم المعاديني = متيهت بالوسامي جرد الأرقابي
نزالت القفر من بين الحفيفيني = يوم العرب تسطفق والقفر ينهابي
والناس ماهفيلهم حظ ٍ وموازيني = مير ان ربعي بهم شارتٍ اتعابي
قهارت الورد عن وجه المحيليني = الأجنبي لاعرفهم عاف الأقرابي
والضيف لاضافهم بادوه باليني = لادش بأرباعهم عن الكدر غابي
من دارهم بالموده واجه الزيني = ومن دارهم بالقشر جوله نسم دابي
احلى من الغند لاصبوه بالصيني = وامر من حنظل الكنه اليا شابي
ربعي اطوال الخطا ماهم خفيني = هوماتهم مايهومه كل كسابي
جبلان يدعابهم لو هم بعيديني = كم جمبتن صبحوها دونها اجنابي
هذا قضا مامضا جاء دورهم شيني = كلٍ بناله عشيش وحطله بابي
اميرهم عشته بين القليبيني = تشدي اشراع الجنب بأمراح عزابي
ياالله عساهم ابمنزلهم عزيزيني = من حبله منزلٍ في خاطره طابي
وانا مدام اني القا من يباريني = ابنزل البر الأصبح والله اولابي
اليا ناض برقٍ على خدٍ يشهويني = قلت اطون البيت وزونه بالطنابي
ودنيت من وارد الفرتات ستيني = من كسب اخويه ماهو من سوق الأذنابي(1)
ماعاش جدي على المسحاه والطيني = اليا نوى الله برزقٍ جاله اسبابي
رزقي على اللي خلقني مايخليني = معطي العطايا بليا منّ واحسابي
والخاتمه ياالله انك تنصر الديني = واتمن احدود العرب من كل طلابي
(1)اخوه هو نضاد بن قويعان الله يرحمه
(قصيده في الماضي)
يازين شب النار وسط المسيلي = قدام كسر البيت ينهض عموده
في وسط جوٍ واسعٍ للنزيلي = فروحٍ مرضه عليك محدوده
عشبه من الوسم المبكر جليلي = وعليه من تالي العقارب بروده
تفرقوبه مبعدين الرحيلي = كلٍ يبا زين المضحى لذوده
الفقع يجنونه بوسط الشليلي = من جود من عم المخاليق جوده
أناستٍ لو ما مداها طويلي = العود يابس والليالي معدوده
أخير من قصرٍ دفيٍ ظليلي = راعيه روحه يم جاره تكوده
يقوم مرضانٍ وفتران حيلي = من كثر ماياكل وكثرة ركوده
ومجالسٍ من بين قايل وقيلي = ناسٍ تجيب الهرج وتاخذ ردوده
كثر الحسد من بينهم والنقيلي = العلم لو هو كذب تظهر شهوده
تصور الكذبه من المستحيلي = منهم كبود الصابرين مغدوده
دنيا تقلب بين عدلٍ وميلي = تضحك حدٍ وأحدٍ تبيح سدوده
الذيب فيها من ثعلها ذلبلي = والداب ياقفله على الدرب دوده
واللي يعد النور فيها قليلي = تبلش ليا ناظرت نقصه وزوده
شفنا من أقوال المصدق دليلي = زودٍ من الناقص تعدى احدوده
المال يكثر في يدين البخيلي = وأقوال ترك الصلاه محموده
ينخاف فيها بين صبحٍ وليلي = الله على السلام يضفي ركوده
ويعز حكامٍ تشيل الثقيلي = من دون العرب والدين تبذل جهوده
(قصيده في الماضي)
ياهل الونيت اللي تبون المظاهير = ان كانكم عجلين مروا عليه
ياحبني لمدورين المشاوير = خصٍ به اللي يركبون معفيه(3)
خلوه يسرح يالوجيه المسافير = يمة مغيب سهيل وأيمن شويه
جمسٍ يثور بالدبادب معاصير = ويله يشق القاع لو هي قويه
يبعد هموم مقزر الليل تقزيز = أسهر وأنا ما وأنس بعمري شكيه
لو أن ماجاني من الدار تقصير = قلبي يحب البر وأغلي نديه
أهل بيوتٍ يتعبون المداوير = يضويلهم مع كل فجٍ رعيه
يازين لجتهم ليا غرد الطير = كلٍ يبا المغباش يسبق خويه
مضمين والبارح اغشان وشخاتير = وهجوٍ على نقع الصفا والحجيه
ياكثر أناستهم ليا جم مصادير = كلٍ روى ذوده وملى رويه
وصكم ابيتٍ مدهلٍ للمسايير = يصبح عليه الصبح والنار حيه
عسى مراويح السحاب المباكير = تزي وطنهم كل صبح وعشيه
لين ايتساوا قشعها والنواوير = وتصير مثل سنينها الأوليه
ماوسطها كود أشقح الريم ومطير = ماطبها الشاوي مربي طليه
يرعونها بمراوزات المقاهير = وحدودها من كل صوب محميه
من دونها جماعة الشر والخير = على جميع الناس عسرٍ مجيه
واليوم فيها مثل وردٍ على بير = تلقابها من كل سبع اللغيه
أقولها عن ضيقة الصدر تعبير = ولا الدهر مادبرته في يديه
العبد ماعنده لدنياه تدبير = ماعنده ألا مايدبر وليه
(معفيه): دبايه في الدبدبه
(قصيده في الصمان)
ظهرت ابا اخذ لي مع البر جوله = قصدي وناسة خاطري وانشراحي
ابرقب اللي باقيٍ من تلوله = وامد شوفي مع وسيع البراحي
ولقيت برٍ مابقا الا سموله = قشعه وسدره عقب الأمحال ماحي
برٍ نحبه لو تقافت محوله = اروحله لو ما يونس مراحي
ممشاً مع الصمان همي يزوله = ديرة مطير مخضبين الرماحي
امشي وادوج في منازل انزوله = عليه بانيتن ذواري الرياحي
ماكنهم داجو هكا الناس حوله = ولا وحيت فيه مودهن لطياحي
ياما جزم من خايعٍ ورجعوله = قفرٍ أدعوبه ماظربها المتاحي
عشبه يساقيه المطر واطلوله = فيه الظبى واجوال برقا جناحي
من أولٍ محدٍ يذوق محصوله = واليوم كلٍ حل به واستراحي
أشوفبه من كل ناسٍ حموله = متقاسمينه مثل قسم الشحاحي
اليا ذكرت اللي مضا من حلوله = الدمع من عيني ردعته وفاحي
وعينٍ تبا هكا السنين مهبوله = ماشافت اللي قدمها وين راحي
حطتهم أيام الفنا في حثوله = ومن راح ما رده طويل الصياحي
من يامن الدنيا وهذي فعوله = تزي الذحاحي عقب شرب القراحي
مندوبها يشعب ورانا ذلوله = اما هجد والا يصبح صباحي
ياالله يا باعث بحقه رسوله = تكتب لنا يوم الحساب النجاحي
يطلبك عبدٍ عاف قصره وطوله = مذنب ويرجي رحمتك والمباحي
ماله سوى رحمتك عذرٍ يقوله = ليا دهدموه مجودين المساحي
(قصيده في الماضي)
ياهل البيوت اللي على الماء محاظيب = هذي عوايدكم بماضي الليالي
لامنها يبست جلود الدغاليب = كلٍ نزل فوقه وخلا الحلالي
يرعونها الرعيان شرقٍ وتغريب = وليا ورد قدمه عيالٍ بدالي
يعطونه الماء من طويل المجاذيب = من عيهلٍ بين السهل والجبالي(4)
ثلاثة أشهر ثابتين المناسيب = وليا مضا الرابع نوو بالمشالي
البرد حل وزل حر اللواهيب = وشافوا على المنشا طخاف الخيالي
معاد يبقى للمدور معازيب = كلٍ نصا خدٍ من الصيف خالي
ما دفق الشاوي بوسطه مغاريب = من يوم كفوا عنه ماجاه والي
اللي يبا اللامه عوى دونه الذيب = يرجي مع الطرشان رد السؤالي
جاهم من القبله خيالٍ مهاضيب = ملا فياضٍ ما هواه البعالي
على جغبقا حولن السراديب(5) = والعوده الدنيا رقت كل جالي
تلقالهم حول الدعيله مظاريب(6) = لبيوتهم والصلب للبل مفالي
مدهال شقحٍ علقوها الدباديب = دايم هي اللي من توالي الشمالي
ترعى بفرسانٍ تروي المغاليب = لفعالهم بين القبايل مجالي
يرعونها الجبلان كسابة الطيب = أهل بيوتٍ مدهلٍ للرجالي
الجار يلقا زين جانب وترحيب = والضيف يقلط فوق حيلٍ جزالي
وهوماتهم تاصل ديار الأجانيب = يومٍ بالأفعال طامن وعالي
كم جو قومٍ سهجوه المكاسيب = في مال الأقصى يسهجون الموالي
هذا الذي في لابتي من عذاريب = وعندي على ذلك أولاد الحلالي
وصلاة ربي عالم السر والغيب = على الرسول اللي مشى بالعدالي
4..العيهل: عد أو بئر تسمى اللصافه بين الدبدبه والصمان
5..جغبقا:مكان لتجمع الماء ويسمى خبرا
6..الدعيله:فيضة سدر
(ديرة الجبلان)
زين ممشى الجمس مع خطٍ يدله = كل ما محته على صوبٍ عطاني
عارفٍ دربه وأدل الخد كله = لو محاه الريح عقبي ما خفاني
ناصٍ اللي قربهم ماحدٍ يمله = مير تصريف الدهر عنهم حداني
جعل ودان المزون المستهله = في وطنهم تنثر الماء الريهجاني
وكل ماجا سبعة أيام] تعله = لين يشبع طرشهم بين المباني
ديرة الجبلان قلبي مستهله = عن خفي القلب يخبركم لساني
ربعي اللي دارهم للضيف فله = يذبحون الحيل لا شان الزماني
وكل نشميٍ ليا جيت بمحله = تمضي الساعات تحسبها ثواني
ضيفهم مع جارهم مدموح زله = كل من جاء في طرفهم مايهاني
يزعلون عيالهم كلٍ أرضله = ومجلسه ببيوتهم بأحسن مكاني
والمحيل اللي حلاله فيه خله = لا ورد لعدودهم شرب اسمهاني
قولي اليا قلت كلٍ شاهدله = الدقاق بما ذكر فيهم كفاني(7)
7..الدقاق:شاعر من شعراء قبيلة مطير قد مدح الجبلان في هذه الأبيات..
ليتني زبنت بشياهي حموله = ناصن الجبلان يوم الوقت جاني
حاشمين الجار لو تزلق انعوله = جارهم يقدم على كل المعاني
بـــــــــــــــاب الغــــــــــــــزل
(البارحه)
البارحه ما ذاقت النوم عيني = لين الثريا وايقت والسفر بان
أسهر الين الصبح نوره يبيني = وأمسك على فنجال بنٍ ودخان
من هم يومٍ خابره مقتفيني = تطوى البيوت ويفترق شمل الأضعان
أحدٍ يروح ايسار وأحدٍ يميني = بدوٍ تمارى في منازل وقطعان
ياليتهم دايم على الماء قطيني = والا يصيرون المحبين جيران
حتى ان كلٍ خاطره ما يشيني = ولا حدٍ يذوق من العناء مثل ماكان
يامن يودي صاحبي كلمتيني = مدام أنا وحماية البيت عدوان
ماحرزت أجيه ولاتهيا يجيني = أغديه يرحمني على قد الأمكان
قلبي اليا أبعد طار عنه اليقيني = يدكبه عن لذة النوم شيطان
يجمع علي هموم قلبي قريني = الحب بلوى والمخاليق قشران
ان كان طاوع هرجة المبغضيني = مالي مع اللي يدهل البيت صدقان
عندي خبر من غاية الذاهبيني = شفت الجفا من يمهم سر وأعلان
أونس خطاهم واجحده لايبيني = من شان ملهوف الحشا خدر الأعيان
أبو عيونٍ تسحر الناظريني = والخد برقٍ في مراويح الأمزان
يسوقني حبه لمن لايبيني = لولاه مالي في هل البيت غرضان
قربه ربيعي والعرب ممحليني وبعده يضيع قو صبرب والأيقان
مالي على فرقاه قلبٍ متيني = واللي يعدّل مولع القلب غلطان
راع الهوى مايسمع العاذليني = عنده طريقه سمح لو فيه ظلعان
لادرك من المطلوب ربع الثميني = ماهو على تعذيب الأيام ندمان
(عجايب)
يامسايير لاجيتم عجايب = سلمولي على موضي النحريا
سلمولي على موضي الترايب = عد وبل السحاب اليا انتثريا
منه جرحي ترا ماهو بطايب = كان جيتوه ودوه الخبريا
اسهر الليل وجروحي عطايب = اتصبر وانا حدر الخطريا
جابه الله وأخير أسمه عقايب = لي أنا خص من بد البشريا
لا حلف لي بعمره والقرايب = ذاب قلبي لونه من صخريا
ذوب القلب منسوع الذوايب = باشقر الراس والخد العفريا
يامصيبه علي أكبر مصايب = من عشيرٍ يحيربه النظريا
ان طلبناه من دونه طلايب = وان تركناه قلبي ماصبريا
من يخلص شرابيك النشايب = اكثر الشر بوجيه القشريا
حسبي الله على العجز الحدايب = حوفرن للغم لين انفجريا
دايم العجز للفتنه سبايب = اظهرن سرنا لين انتشريا
(يامل قلبٍ)
يامل قلبٍ كل ماهف شفه = يزوع من بين الضلوع المهاديف
اليا جاء غروب الشمس واقبل مهفه = مرتاح لين ابدي طويل المشاريف
اليا ذكرت اللي بغيته بعفه = مضيت يومي بين ممشى وتوقيف
ارقى على روس الهضاب المشفه = واخيل نشر مشلف القلب تشليف
راعي اشقرٍ من فوق الأمتان ضفه = شليل شقرٍ هزته بالحاريف
والعين نجلا مايغطيه كفه = والعنق عنق اللي تقود المخاشيف
حبه لجا بين قلبي وجفه = كنه على جوفي يشب المراضيف
ليته يطاوعني ليا قلت طفه = بيديك ياراعي الثمان المراهيف
خف العنا في وصل الأقدام خفه = الوصل طبٍ للقلوب المواليف
قدام تاخذ فينا الأيام لفه = مافي يدينا من قدرها تصاريف
اليا دقرت ماكل حيٍ يدفه = ماعدلوها أهل المهار المزاغيف
(وين أهل زين الاوصاف)
يابو سعيد وين أهل زين الأوصاف = علميبهم قبل تطيح المشاريع
يومٍ كل القيظ في حسبته طاف = راحت ظعاينهم تزاعج مع الريع
من جال عدٍ يدهله خمسة أسلاف = حامين حده بالسيوف القواطيع
ترعى الخطر في ظفهم حم الأشعاف = وجنوبها معترضتن للطماميع
يغذالها من درها كل مزغاف = حتى تباشرها بسرع المفازيع
ليا صاح صياحٍ على راس مشراف = ركبم عليهن مهملين المصاريع
فيما مضى يشهدلهم كل عراف = واليوم أمان وتاركين المطاميع
تفرقوا يرعون ريمه بالارياف = وأنا قضى صبري ولا لي مدافيع
يسقى ليا نشف ثرى كل هتاف = ويبست حبوب العشب عقب المرابيع
اظن يجمعهم على العد مصياف = يجيبهم حره لما هم مرابيع
واشوف من فتخ ايديني بالأحلاف = اللي مضيعني عن الناس تظييع
أغليه لو أنه مسومبي اسراف = وليا عذلني عاذلي قلت ماطيع
ياعاذل العشاق منته مع انصاف = ماذقت من لذات حبه قراطيع
ليتك تشوف اللي نواني بلاتلاف = اللي جرح قلبي بليا منافيع
تشوف شقراً شرعاً فوق الأرداف = وسودٍ هدبهن فوق خده مشاريع
أغديك تبلشبه من اليوم واخلاف = وتسامح اللي يشتري فيه ويبيع
(عديت)
عديت في رجمٍ طويلٍ يباين = أخيل نشر مبعدين المراحيل
أخيلهم لين اتقن الظعاين = يتلون جرة ذاكر العشب والسيل
أقفم وعيني في سنعهم تعاين = ينحون واثنات الجمال المحاميل
اشوف من تالي دبشهم عواين = من بعدها تسمى سوات السماليل
ماهمهم شف القلوب الحزاين = يتلون شف مراوزات المخاليل
ياصاحبي ليتك فتشت الظعاين = حتاك تدري انك عليه غرابيل
أسقيتني كاس الطنا والغباين = وانته تواعد بالليالي المقايبل
ليا قمت تضحك بالثمان الرزاين = حطيت لك بفلوج قلبي مداخيل
أودعت مني قاسي القلب لاين = وحمست كبدي حبس بن المعاميل
الكون كونك ياعطيب الكواين = والأمر للي يولج الصبح بالليل
أرقابنا حدر الموده رهاين = وأعتاقها بيدين من يعتق الميل
صحن بن قويعان