ديـوان الشاعر / ضيدان بن قضعان العرجاني

[محمد بن سعود]

أعضاء وزوّار منتديات ( عيال الحمايل )
أسعد الله جميع أوقاتكم ...
http://www.t7mel.com/Files3/77095722a6.gif
هذا هـو / ضيدان بن قضعان
الذى كثيرا ما رددنا قصائده ورددها الكثير من متابعى الساحه الشعريه.
شاعر السهل الممتنع وأحد عمالقة الساحه الشعريه ,فرض نفسه بشعره وأسلوبه ولقاءاته المتميزه بالطرافه, كوّن مدرسه بإسمه (المدرسه القضعانيه) , وتبعه الكثير من الشعراء..وشهد له شاعر المملكه العربيه السعوديه الشاعر الكبير( خلف بن هذال )حين سئل عنه فإمتدحه قائلا:

هيّضتنى يا مصوّغ الغيـد ضيـدان=شعر النبـط متربـعٍ فـى فحولـه
يا زين شى(ن) تكتبه يا ابن قضعان=تقـول شـىٍ صفّتـك مـا تقولـه
أشتهر بقصائد الفخر والاعتزاز بالنفس حتى لقّب بالمتنبى, وهو الذى قال يفخر بقبيلته :

إنى لمن قوم(ن) يعز عليهم =قتل الرعاة ودمعة الحسنائى
وقال أيضا :

وأنا من اللى مجدهم على ظهور المسرجات=قوم(ن) مهيب تشد لا جاها من القوم النذير
نترككم اخوتى أعضاء منتدي عيال الحمايل وزواره
مع قصايده
، ،
،
(لي على الدنيا30وكفاني )

(لي على الدنيا30وكفاني )
/
الله الــــواحـــــد ولا الله ثـــــانـــــي=وحــده عـبــد سـجــد قـلــب وعـقــيــده
مـومــن يـصـبــر لـيــا جــار الـزمـانــي=فـي رجـا الـلــي مـدتــه تـغـنــي عـبـيــده
وان تـحــدانــي زمــانـــي و احــتــدانــي=لـلــدروب الــعــوج والــكــف الـزهــيــده
شـمـت عـن بـاقـي حـيـاتــي فــي ثـوانــي=والـجـســد لابــد مــا لـلـدنـيــا تـبـيــده
مـا خـلـقـت اعـيـشـهـا عـيـشــة هـوانــي=يــا عـســى روحــي وروح ابــي شـهـيــده
ولا يــامـــا روح الــلــيــل وســـرانـــي=و كـم سـريـتـه غــي و احـلامــي سـعـيــده
و كـم خـذا مـنـي الـزمــان و كــم عـطـانــي=و كـم قـصــر يـمـنــاي عــن شــي اريــده
مــا سـألـتــه لــو بـعــد جــار و خـذانــي=الا عــن عـمــر غــدا وشــلــون اعــيــده
لـي عـلــى الـدنـيــا ثـلاثـيــن وكـفـانــي=مـنـهــا الـعـشــر الاخـيــرات الـشــديــده
عـلـمـتـنــي كـيــف اوقـــف ولا دهــانــي=مــا دهــى سـعــدون فـعـقــاب وعـضـيــده
عـلـمـتـنـنـي كـيــف لا مـاتــوا اخـوانــي=و مـات ابـي و الـكـف مـا تـصـفــق وحـيــده
كـيــف اوقــف و اتـشـهــد فــي مـكـانــي=و اثـبــت بـيــوم عـســى الله مــا يـعـيــده
يــوم لـحــق الـعـلــم الاول عـلــم ثــانــي=والـحـق والـحـظ...الـفـقـيــده بـالـفـقـيــده
آه مــن شــي عــلــى قـلــبــي كــوانــي=لـيــن وقـــف دم قـلــبــي فـــي وريـــده
والـشـجــاع الــي وطــاه الـلــي وطــانــي=عـزتـي لــه لــو بـنــي عـمــي عـبـيــده
يـابـنــي عـمــي عـريـبـيــن الـمـجـانــي=يـاهــل الـوقـفــات والاريـــاء الـســديــدة
يــا سـلايــل مــن يـــروون الـسـنــانــي=لا قـــدح حـــد الـحــديــدة فـالـحــديــده
عـلـمـوا الـسـبـع عـن سـهـيـل الـيـمـانــي=الـفـريــد الـلــي مـطـالـيــعــه فــريــده
وعـلـمـو الـلـي يـحـسـبـن ضـيــدان وانــي=يــا عـويــنــه كـــان ذا حـــده وجــيــده
وقـولـوا انــي فـالـرفــاع مــن الـطـمـانــي=وكــل درس مــن حـيـاتــي مـسـتـفــيــده
ان ثـقـل حـمـلـه فـانـا الـهـرش الـعـمـانــي=وان تــربــق فـالـقــيــود افـــك قــيــده
و عـلـمـوا الـلــي لاصـفــت الايــام جـانــي=وفـالـرخــا يـســوى ثـلاثـمـيــه بــديــده
وان قـســت الايــام شـفـتــه مــا يــدانــي=مـتـرف مـالـه عـلـى الـرمـضــا كـبـبـيــده
وعـلـمـوا الـلـي يـوم زانــت لــه نـسـانــي=لا يـحـسـب انـي لـيـا مــن صـحــت مـيــده
يـوم اصـيـح ...اصـيــح لـلــي لا غـشـانــي=نـفـحــه مــنــه تــذكــرت الـقـصــيــده
وان تـنـاوشــت الـقـلــم والـلـيــل دانـــي=مـاغــدا لــي مــن شـرايــدهــا شــريــده
والله ان اغـلــى الـقـصـايــد فــي كـيـانــي=فـالـمـلـك عـبـدالـعـزيـز ...وفــي حـفـيــده
الـكـريــم اكــرم كـريـمـيــن الـيـمــانــي=الـشـجــاع الـلــي لــه امـجــاد تـلــيــده
الـفـعــل هــو عـنـتــره والـغـيـهـبـانــي=والـكــرم هــو حـاتـمــه وابــن مـهــيــده
ابـلــج مـــن دون ســيــاه الـحـســانــيرايـتــه عـلــيــا ونـظــراتــه بـعــيــده
أذكـــره لا لـفــنــي الــوقــت وطــوانــي=واعـتـزيــت وكــل قـلــب صـــار حــيــده
واتـذكــر لا قــســى الــوقــت و رمــانــي=فــي دروب الـتـهـلـكــه والـــدرب ســيــده
اتـذكــر بـسـمــتــه و الـعــمــر فــانــي=وجــود كـفـيــه ومـسـاعـيــه الـحـمـيــده
ذاك ابــو عـبـدالـعـزيــز الـلــي كـسـانــي=بـالـجـمـايــل مــن قـديـمــات و جــديــده
أشـهــد انــه قـصـرنــا زيــن الـمـبـانــي=مــن حــداه الـوقــت شـوفــه يــوم عـيــده
درعـنـا الـلـي فــوق الامـتــان امـتـحـانــي=ضـافــي هـجــل مـقـاضـيــبــه جــويــده
وسـبـفـنـا الـلــي لا تـولــى الـضــد لانــي=فــي نـهــار يـاقــف الـضــد لـضــديــده
عـدنــا هـــداج لا اجـــدب كـــل ســانــي=كــن مـورادنــا عــلــى جــالــه تــزيــده
الـفـخـر لـلـفـيـصـلــي ريــف الـعـوانــي=خـالــد الـلــي يـكـســب الـطــالات بـيــده
يـاهــل الـتـاريــخ جـزلـيــن الـمـعــانــي=يـالـرجــال الـلــي مـصــادركــم وكــيــده
انـشـدوا مـنـهـو الـحـصـان ابـن الـحـصـانـي=ومـن زعـيــم الـطـيــب ولا مــن عـمـيــده
عــن حـفـيــد مـوحــد الـدولــه وبــانــي=مـجـدنـا الـلـي بـاربـعـيـنـه مـسـتـعـيــده
اشـهــد ان الـجــد شــرف يـــوم بــانــي=واشـهــد ان الـعــود عـقــب لــه ولــيــده
يـاطـويــل الـعـمــر وقــف لــي تــرانــي=كـان مـا وقـفــت لــي طـحــت لـنـضـيــده
مـوقـفــك مــا هــوب لـفــلان ـفــلانــي=وعـن مـقـام الـذيــب مــا يـغـنــي ولـيــده
بـيــض الله وجــه مــن وقــف عـشــانــي=سـاعــه كــل طــرف بـشــتــه قـعــيــده
والا انـــا لــلــه شــكــري وامـتـنــانــي=ثـم مـلـكـنـا ثــم حـكـومـتـنــا الـرشـيــده
سـيــدي يــا سـيــدي لــو كــان اعـانــي=مـــا درت الاذن الـقـريــبــه والـبـعــيــده
وان وصــل صـوتــي لـصـقـهــان الاذانـــي=كـيـف اصـب الـعـلـم فـقـلــوب بـلـيــده ؟؟؟
فــي كـتــاب الاصـفـهــانــي لـلاغــانــي=خـيـر مـمــا فــي الـمـجـلــة والـجـريــده
و الـشـعـر لـو مــا تـحـاكـيـتــه حـكـانــي=مـوهـبــه مــن واحــد يـصــدق وعــيــده
ان بـغـيــت ادلــعــه قــمــت و زهــانــي=و ان بـغـيــت أطـوعــه عـمــه و ســيــده
وان بـغـيــت يـقــال : صــح الله لـســانــي=سـعـد مـن خـالـد عـلـى الـدنـيــا رصـيــده
( ياوجودي كل ماهب نسنـاس الشمـال )

( ياوجودي كل ماهب نسنـاس الشمـال )
/
ياوجودي كل ماهب نسنـاس الشمـال =وجد من حدّه زمانه على اللي مـا يبيـه
وياوجودي كل مااغفيت ثم مال الظلال =لاغفت عينـي ولاذقـت شـيٍ مشتهيـه
وجد من قفّى وهو في رجا كلمة تعـال =والتفت من عقب مااقفى ولحدن لـدّ فيـه
وياعذابي لادنا الليل من روس الجبـال =وانتهى يومٍ من العمـر ماعـاد ارتجيـه
وانتي ابعد من سما الحلم ووصالك محال =يابعد من هلّ دمعي ضحى الفرقـا عليـه
ياغناتي لاتحسبين دمعـي يـوم سـال =ضعف والاّ خوف والاّ كـذا والاّ كذيـه
والله اني من رجالٍ يضـدون الرجـال =لكن الحظ الـردي سـاق دمعـي كلبيـه
ووالله اني كل مـادار حوليـك الجـدال =قمت كن الموت يشر على قبـري يإيديـه
ووالله ان قد لي وانا اصد لاجالك مجال =صدّت اللي لاتضايق تذّكـر قبـر اخيـه
ومن سألني قلت مدري واذا عاد السؤال =قلتله تكفى سؤالك تـرى ماهـو وجيـه
وش تبيني اقول عماََ ترى ذبحي حـلال =والخطا منها علي صرت احبـه واهويـه
عذرها لو ماتعذر مثل واضرب مثـال =واحدن مايعرف الحر الأشقـر يشتويـه
وان رجعنـا للتواصيـف لله الكـمـال =لا انتهى ليـل المزاييـن جاتـك تبتديـه
كنها غفلٍ مع البـدو طاويهـا الحيـال =ما يميز وصفهـا الاّ نبيـهٍ مـن نبيـه
واهني اللي وصلها وذاق امـن الـزلال =رشفةٍ مع غفلة النـاس مـن فيهـا لفيـه
واعزتي للي سواتي عشق ما لا يطـال =ويوم طاله ضيع الحلم بين أمـه و ابيـه
يااول احلام الطفوله على حـد الخيـال =الرجا بللي حمى البيت من حملـة بريـه
حال دونك سيف عنتر وتاسع حول حال =باثر حولٍ حال دونك وانا ادعي هيه هيه
هيه يللي غرك الحسن واطغاك الجمـال =والله ان اموت ماشفت لاوصافـك شبيـه
لو يسام الحسن والتيـه بجنيـه وريـال =مابقى في سوق غيرك لا ريال ولاجنيـه
كيف اهدك للمقابيل وانتـي راس مـال =راس مال ومال والماال مايعطى السفيـه
حافظك حفظي لعيني ورمشي لك جلال =وانتي تشحّين بالمـا وانـا شفّـي مويـه
شايفن ظلمك وساكت وطال الليل طـال =لاتركتي طعن قلبي وانـا ماقلـت ليـه ؟
لو بقا للهيل صبرن على فـوح الـدلال =مابقى للقلب صبرن علـى شـيٍ يجيـه
كنت احسب ان الغلا زال واثره لايزال =في الحشا ماكنه الا دخيـلٍ فـي وجيـه
ساقني حبك على الموت وسنيني هـزال =والظروف اقسى من الظلم للعرض النزيه
وانتي تسوقين عقلي على حـد الهبـال =تحسبين ان من بغى شي يقـدر يشتريـه
والاّ انا ياوجد حالي وجـودن مايقـال =وجد من ضحى بغاليـه لرضـا والديـه
وياوجودي يااول العمر قبل ألبس عقال =وجد من باع آآخر العمر في رغبة ذويـه
وياوجودي كل ماهب صوتش من شمال =وجد من حدّه زمانه علـى اللـي مايبيـه
( ولا يجيبه بهبهاني ولا وضيـحي قطر )

( ولا يجيبه بهبهاني ولا وضيـحي قطر )
/
راكـــب اللـي ما تجيــبه وكــالة بالبيـــد=ولا يجيبه بهبهاني ولا وضيـحي قطر
ادهمٍ وســم الجميــح على جنبه جديــــد=مهبل اللي يوم عرض يحسبنه شـــفر
جمــس شكــمانـــين ملقبينه بالوليـــــد=من سرابه ما يغبط القصيـبي والجـبر
كاتبينٍ في ضمــانه حديــــــده ما يبيـد=تمرةٍ قــاري عليـها حفيــد ابو بـــــكر
كن وجهه لا نطحته تشعشع صبح عيــد=وان قفيته كنه السيــل لا سـال وحــدر
وان عرضلك في مزاياه من عنق الفريد=وان ركبته تحسبنك على سطح القمـر
دقتــه نغمـة عبـادي علـى ســلم فريـــد=لا عزف الاول وجاوب على عاشر وتر
لا شتغل قالت شكامينه اركــد ياحديـــد=والقـــزوز تقول لــلقاع روح يا فــــــقر
كن الشكمان الايمن صدى عبد المجيد=وكن الشكمان الايسر صدى نايف صقـر
والبلوف تقول للكـهربه هل من مزيــد=والســـيور تقـــول للمروحه اين المفــر
تحت كبوته من الفـن طيران وعبيــــد=ما يغنون المسافه ولا طــــال السـفـــــر
كل اغانيهم على الدرب واصل ياعنيـد=لين تلفي قصر شيـخ على العليا شهـــر
سايقه من صلب ربعي وله باس شديد=ما يخاف البعد والليــل والموت الحمــر
من صناديد ال عرجاء هل العلم الوكيد=لابةٍ من جـن تمشي على هيئة بشـــــر

(تذكـرت احلـى ليالينـا مـن اولهـا لآخـرهـا )


(تذكـرت احلـى ليالينـا مـن اولهـا لآخـرهـا )
/
يمر القلب من دار وراء الخفجـي طريـق ودرب=وامرك يالطريـق اللـي لـك اقدامـي مصخرهـا
واذا مريت مع ذاك الطريق اللي يجي مـن غـرب=ذكـرت أحلـى ليالينـا مـن اولـهـا لآخـرهـا
ومريت الحشـى بالونـه اللـي ماجذبهـا طـرب=ومريـت العيـون بعبرتـن لـلـدرب ذاخـرهـا
وشفتك في خيالي بيـن طيـات الدفـى والقـرب=وناديتـك فديتـك خــل ايديـنـك لا توخـرهـا
عفى الله من ظميان حصل الماء في الطريق وشربوعفى الله عـن ليالـي ماجهلنـا فـي اواخرهـا
عقلنا وألتطـم حـب المواجـه يالعفيـف الـذرب=كما مـوج لطـم فـي غبـة واغـرق بواخرهـا
وسقت الرجل صوبـك ياحبيبـي والليالـي جـرب=ولا اهتميـت فـي نـاس تبـي ترفـع مناخرهـا
حبيبك ياحبيبي مـن سلالـة اهـل دروع وحـرب=ولايعشق مـن اصنـاف الجواهـر كـود فاخرهـا
تفاخـر يابعـد مـن حطلـه بيـن الحنايـا درب=تفاخر وأفتخر واغلـى القصايـد فيـك اصخرهـا
واذا مريت مع ذاك الطريق اللي يجي مـن غـرب=تذكـرت احلـى ليالينـا مـن اولهـا لآخـرهـا

[محمد بن سعود]

يالشاعر الشعبـي


البارحة يوم شمس الشعر تسطع بـي=وأنا أتحرى لشمس الله مـن الشرفـه
وألعي على واحـد قبلـي تولـع بـي=مايوم غنى ولا أسهر للهـوى طرفـه
الين حتـى تولـع بـي وولـع بـي=نار من الشوق صاليها لحـق طرفـه
من بعدهـا ياشقـى حالـي وياتعبـي=نفسي عن الشعر وأهل الشعر منصرفه
مانيب يم الشعـر يالشاعـر الشعبـي=يابتوع مش عارف!!وشي ما أعرفه!!
تبـي تهـز الجبـل بمسـدس لعبـي=والناس من وارد المنصـور منجرفـه
لاتستفـز القصيـد ولا ترفـع بــي=الشعر ماهوب مهنـة لأجـل تحترفـه
وان كان يامحترف تقدر علـى لعبـي=خلك على جنب لين أشوف لك صرفه
ما أحد عبالك ولا لـك عندنـا معبـي=ياكود باب مـداه اكبـر مـن الغرفـه
وأنا من النـاس ياسهلـي وياصعبـي=بحر تشوفه ولا تقـدر علـى غرفـه
مسكون بالشعر من راسي ليـا كعبـي=والشعر ملكي وكـل النـاس معترفـه
أنا(الملك) مير يوم أصبحت من شعبـي=حذفت تاج القصيـد وصابنـي قرفـه


ياعظيمـه


ياعظيمه كـل شـيٍ لـه حدودولـه نهايـه=لكن انتـي ماوقفتـي عندحـدّك ياعظيمـه
استلذّيتـي بطعناتـي واخذتيهـا هـوايـه=كن مالـك حربـةٍ توجـع وطعنـاتٍ أليمـه
آه ليتـك ماتماديتـي بطعـنـات لبـدايـه=لين صار لكل طعنـه فالحشـا معنىوقيمـه
الله يبيحك ولكن كيف فـي أغـرب روايـه=تكتبين الحب كذبـه والهـوى دقّـه قديمـه
وانتي اللي كل مالـدّت عيونـك فالمرايـه=مالمحتي الااليتيم اللي خـذت قلبـه يتيمـه
واليتيمه فاليتامـى مالهـا حـق الوصايـه=الوصيّـه عودهاالغـض ونوايـاه السليمـه
لكن انتي صار لك حق الوصايـه والولايـه=واستبدّيتي وشدّواالبدو واضحيتـي مقيمـه
مارحلتـي ليـن حطّمتـي بمافيـه الكفايـه=عاقلٍ حب الجنون وصوت نارك في مشيمـه
استبحتي حرمة المجنون بـادراك وعنايـه=والتفتّي له بعقلك وارتكزتـي فـي صميمـه
امتلكتي غايته لوكـان مالـه فيـك غايـه=وانتصرتي في عيونه واعترف لك بالهزيمه
من كثرمايعشقك ماقال لـك بالحـب رايـه=خايـف الأيـام لاتطلـع عواقبهـا وخيمـه
في طريقك كل ماكنّـه لمـس درب الهدايـه=تـاه ودروب الحياةالمستقيمـه مستقيـمـه
تايهٍ بصري ومـن جابـه لبيـت الله تايـه=عذر من غمّض بعين وعينه الأخرى كريمه
فدوتك مافات من ليّام واللـي عـاد جايـه=يا بعدعمرٍ مخاسيره معـك عنـدي غنيمـه
أنتي الفارع بقـد وجـد واسمـاء وكنايـه=من عشق مثلك يجوزمن الهوى وشداد ريمه
ليه لا وانتي بحسنك في ذوات الحسن آيـه=لاذهب لاماس لاياقـوت لااحجـارٍ كريمـه
شاعرٍله مع هل الرايـات فالمرقـاب رايـه=كـل ماهبّـت هبوبـك فلّهـا قدروحشيمـه
سامحك من ألف باء الذنب الى مالا نهايـه=واستباحك عن خطاه وكـل طـقٍ بتعليمـه
يوم قلتي أعطنـي حرّيتـي أطلـق يدايـه=ما ذخرعن وجهك الا طعنتينٍ فـي صميمـه

مثـل فـرق الابتسامـه عـن الكـشـره . !!!


إنعسـت عيـن الـغـلا والـهـوى هــدا = خـانـت الأيـــام والـمـلـح والـعـشـره
وابتـديـت تـشـوف نفـسـك وتـتـحـدا = وأنــت مــا كـنـت تغـلـى ولا تـشـره
كنت مجروحي وصـرت الـدوا والـدا = كـنـت أه وصــرت أهــات منـتـشـره
غلـطـة الـلــي بالمـحـبـه أخـــذ وأدا = واعترف لك بالغلا وأبصمت عشـره
الـهـوى جــاب الـغـلا والـهــوى ودا = وأنت وجروح الزمن بالحشا خشره
يابـعـد مــن بـعـد جـــا ومـــن هـــدا = ويابعد من ساج روض الحشا نشره
يـوم صـار الحـب جـزيـه ولــك تــدا = والقصيـد أسهـل مـن كتابتـه نـشـره
خــذ قصـيـدي يـاشـذا الــورد لانـــدا = وانتبه لـي واستمـع موجـز النشـره
والله انــــك بـالـغــلا فــــارق جــــدا = مثـل فـرق الابتسامـه عـن الكـشـره

[محمد بن سعود]

وهذي قصيده ضيدان بن قضعان يقول شريت لي طير وسألت صاحبه عن إسمه فقال اسمه دهام يقول ضيدان غيرت اسم الطير إلى فواز لغرض شخصي عندي وعندما أردت ان أعشي الطير
ناديت له بأسمه الجديد فواز فواز .... فالتفت الطير على ضيدان وقال له :
ضيدان أنا أسمي دهام ما هوب فواز
.........................أما أدعني يا دهام ولا بلاشي
ما هوب حق تغير أسمي بلا أرماز
.....................وأنا عذاب الخرب لا أقبلت حاشي
فرد عليه ضيدان قائلاً :
لعيون بعض الناس سميت فواز
...................أسم يشابه لاسم صعب المناشي
اللي غلاه بثومة القلب حزاز
.....................تقبل له طعوني وتقفي عطاشي
فرد الطير :
ما أرضى تسميني عليها ولا جاز
......................تغيير الإسم إلا بذبح الكباشي
إذبح تميمه وأقلب الإسم فواز
...................إذا ذبحت الكبش ما صار ماشي
فرد ضيدان :
قلت فواز تكفى فكني بالتلعواز
...................الحل عندي وأسمع العلم كاشي
لازم تشوف اللي لها القلب ينحاز
.................عقب (ن) تجي فواز ولا شلاشي
فردالطير :
يالله مشينا والعمر يبغي إنجاز
....................يا ما نجز بالهدي ولا عراشي
قم جهز اللي ذاخرينه وممتاز
................وعلي الطلاق إن عزبته من معاشي
وعنما وصلا الا التي سمي الطير عليها شال ضيدان البرقع عن الطير وقال له هذي اللي سميتك عليها فقال الطير :
أنا أشهد إني يابن قضعان فواز
......................واني بعد فواز جاني خراشي
ياحظ قلبك يوم في حبها حاز
.......................كحيلة ما عاشرة كل لاشي
ياليتني رجلٍ لو أمشي بمعكاز
...................وأنخاك وأنخى مبعدين المعاشي
وأنهض لطيف الروح وأجلا لشيراز
................وأقضي بقايا العمر ما أحتر جاشي
في شرع أبن حنبل بتأكيد ابن باز
..................معروف راعي الحب قلبه هشاشي
وأنا لوصل ملوع الشيخ معتاز
....................أعوز من فراق السبوق الرواشي
أبا أتمنى والتمني به الغاز
..........................ياليت جنحاني لخلك فراشي
أو ليتني بيجر على الورك هزاز
..........................ولا قلم بين الجسد والقماشي

[بن ضيغم]

شاعر جدا كبيييير

وديوانه الصوتي قمممممه

وبالاخص ياعظيمه

تُشكر ياابن سعود ولي عووده .....

[محمد بن سعود]

يامرحبا ترحيبة


يامرحبـا ترحيـبـةٍ كلـهـا لــش=تكسيش من راسش ليا حـد ماطـاش
من قلب مهيـومٍ بحبـه صفـا لـش=يلعب به الغربي ليـا سمـع طريـاش
يفرح ليا مـن قالـش كيـف حالـش=ولولا غلاش وحشمتش كان ما جـاش
وان قلتي انه غايتـش شـف بالـش=كأنه ملك يعرب من الطـاش للطـاش
يابري حالـي كيـف مالـي ومالـش=لا والله الا لي ولـش لعنبـا الـلاش
من هامتي لي محزمي لـش حلالـش=بيتش فديتش واسكني وسـط الجـاش
اما ابتلشتي بي وانـا فيـش بالـش=غديت كأني من شـرى علتـه كـاش
انا في وجه امش وابيـش وخوالـش=ما اجيش لي حاجه واعود على ماش !


البارحــه


البارحه راسـي تصافـق طواريـه=والنوم مالـه يمـة العيـن حـروه
يلعب براسي صوت صلف المشاريه=ذيبٍ عوى يبغي عشا أمه و جـروه
وأنا على الدنيا مـن الهيـه للهيـه=ماهمني شهـره ولا جمـع ثـروه
همي وغمـي واحـدٍ يـوم الاقيـه=كني عليل وشوفتـه محـو قـروه
ياتل قلبي فالهـوى مـن عروايـه=تـل الرشـا دلـوٍ ثلاثيـن عـروه
يتله اللي حامـي القيـض حاديـه=يسقي لـه إبـلٍ مارعاهـا بكـروه
عشرٍ شريدة كثرهـا مـن غواليـه=اقفت كما يقفي مـع الجـم مـروه
واللي بقا عشرٍ وصاتـه مـن ابيـه=من دونها لو يصبح الصـدر فـروه
قلته وكل إنـاء ينضـح بمـا فيـه=وفالعمـر يـومٍ يبلـغ العـز ذروه
واليوم هذا يـا أولـه ويـن تاليـه=والنوم مالـه يمـة العيـن حـروه

[محمد بن سعود]

يارشيـــد


سبحانك الله لا اله ألا أنت ياكرم الأكرمين=يا عالم أحوال الأوادم ياكفيل أرزاقها
أستغفرك يارب وأسجد لك سجود الخاشعين=سجود عبد" دمعته من خشية الله راقها
وفي جلسته من سجدته صلى على طه الأمين=وأهل المبادي حبها وأيمانها بأعماقها
وعلى رسول الله خاتم الأنبياء المرسلين=أفضل سلامي مابدت شمس الضحى با شراقها
والبارحه يا رشيد وين النوم وين النوم وين=وسمر السحايب في سماها ما فصل براقها
يا رشيد قل للطيبين المؤمنين الغافلين=الايام فالدنيا شوي ويتكمل غلاقها
وأصحاب الأمس اللي نسونا الغايبين الحاضرين=علمهم أني ما لتفت لغصنها وواراقها
علم وقل للحاضرين يعلمون الغايبين=ان الأمم أخلاق تبقى ما بقت أخلاقها
والله لولا الله ثم حشمت وجيه الطيبين=اللي على الشدات ترخي للحمول اشناقها
لعلم الغاوين كيف العب على بليس اللعين=لاكني أكبر من جلال علومهم و ادقاقها
و ان سادت الفوضى المدينه في عيون الحاسدين=هديت لعبي والمدينه عامره با سواقها
يا رشيد قل للشاعر اللي كان مين وصار مين=اللي بدا يعرف بعيرتها ويعرف ناقها
لو يجتمع شعر الفرزدق مع ادب طه حسين=ما ترتفع روس" تلفتها سبب دناقها
وقل لليتيم اللي يطالبنا على غزوة حنين=اللي يحسب أن كل غفوه لا غفاها فاقها
لا يحسب انا لا تجاهلنا الجهاله جاهلين=الجهل جرين في نحاء الدنيا لشلة ساقها
واللي جهل لابد يتعلم على مر السنين=ولا يميز طعمها يارشيد من لا ذاقها
وانا ترى يا خيك ما عندي يسار و لا يمين=وأن كذبة علقتها يارشيد في معلاقها
عرفان معروف أعترف وسيد العارفين=ما فيه داعي أفتح الشاشه وعيد أغلاقها
يارشيد انا عذري مثل تكرم مدينه لجل عين=ولفت انتباه الناس عندي غير لف اعناقها
وذكر الحيا والطيبين يبين واللي ما يبين=ما لا حدث او صار في الدنيا على أطلاقها
وإسلم وسلم والسلامه ياعشير الغانمين=والله يخلي للبلاد إحجابها و رواقها

[سلطان]

محمد سعود ..


اشكرك على الديوان الرائع لشاعر اروع والله يعطيك الف عافيه







لاهنت ..

[منســـآب]

محمد بن سعود ..

مشكور يا الغالي على الجهد الطيّب والإختيار الجميــل لشاعر عملااق ومبدع مثل " ضيداان "



لك تحيــــــــــــــاتي ،،،،،،،،،،،

[شيهانة نجد]

الله عليك يا محمد ..

عرفت من تختـــــااااااااااار .. لي عودة بمزيد اذا سمحت لي

دمت بخير و سعادة

[منادي]

بيض الله وجهك استاذي محمد
ديوان رائع لشاعر غني عن التعريف وجزل
ننتظر المزيد .. الله يعطيك 1000 عافيه

و

تحية اعجاب لمن يستحق الاعجاب
منادي

[محمد بن سعود]

فمـان اللـه . .!!!


فمان الله يا أول من سكن بيـن الضلـوع العـوج=عسـى دربـك سفيـر و ياعسـى الله مايخلينـي
توكل لا تـوادع عسـى درب الجفـا المسهـوج=يصـادف درب فرقـى عقبهـا ماتلمحـك عينـي
سمحت من الهوى و من القصيد و من زراق الموج=ورميت أغلى مجاديف الغـرام و جيـت بيدينـي
أبغرق في هواك الا رحلـت و يصبـح المنتـوج=قصيـد فـي حياتـي سلوتـي وان مـت يرثينـي
وإذا هبن بنات الريـح بالذكـرى بـدون سـروج=ابسرج مهرة النسيـان و أبرحـل مـن عناوينـي
وأبنسى لين أسج وارسـل الونـات فـوج وفـوج=وابنسى دمع عيني و ابنثره وانسـاك مـن حينـي
صبور أي والله انـي ماثنيـت العـزم قبـل أدوج=بريضان الجفـا و رمـال الوصـل ليـن تسقينـي
شجاع إي والله إني ماعرفت الـذل قبـل اسـوج=قـدم رجلـي علـى دربٍ لبيـت أهلـك يودينـي
كريم أي والله إني ماعرفـت الشـح قبـل تـروج=دموعي في عيونـي ثـم أشـح بحسرتـي فينـي
أحبك حسبي الله ليت مالـك فـي سمـاي ابـروج=ولا لك في البسيطـة كـود شـي بينـك و بينـي
دخيلك لا تلفـت رح بفالـك و اتـرك المرجـوج=تغانـم مابدالـك و الا أنــا مـاعـاد يمديـنـي
فمان الله سق ركبك علـى درب السنيـن العـوج=لكـن طالبـك الا اقفـيـت عـنـي لا تخليـنـي

[محمد بن سعود]

والرديات لها مكان في الديوان

سوف أكتب لكم القصائد التي سجن من أجلها
الشاعرين الكبيرين ضيدان بن قضعان العرجاني وسلطان بن وسام الهاجري
وكل ما حدث بينهم من مساجلات شعريه
وقصيدتي محمد الحارثي وبندر الودعاني



أولاً قصيدة الشاعر سلطان بن وسام والتي كانت موجهه لضيدان عندما سافر لدولة الأمارات :

بالله يأهل دبي ولا هل العين
من قال تبشر به عطيته بشاره

قرناس عشر سنين وأربع وعشرين
الله وش فيه من الوفا والقشاره

وأن قام يدرج عينه يسار ويمين
مثل الخفير الي مداقش خفاره

يا شيب عيني لا كفخ بالجناحين
أسبق من طيار الآباتشي طياره

ما هاجر الا بين خظر البساتين
في ضيافة الي ما يحسب الخساره

يخلي مراحين ويملى مراحين
بيمنى من صدوف الليالي مجاره

يمنى الكريم مبدل العسر باللين
نعم نعم فزاع نمر النماره

أشهر أبراج العام الأول وذالحين
برجين برج أيفل وبرج التجاره

وضيدان يكرم في ضيافة كريمين
كنه من آل مكتوم والدار داره

فندق جميرا بيتش ومالية حمر عين
من مر منهم قام يمسح جداره

واليوم يا ضيدان وينك وأنا وين
خليتني مابين تاره وتاره

أشيل ما شالت ظهور البعارين
وأصد غاره وآتصدى لغاره



وهذه القصيده التي رد بها ضيدان على سلطان :

البارحه في الدور واحد وخمسين
شبيت من راس الفتيل الزقاره

وكنيتها لين أمتلن الشرايين
لعلها تطفي لهيب الحراره

ولفتها والدمع في محجر العين
والدمع ماسال لكنه رهين الأشاره

أقرأ وأعيد الخط مره وثنتين
وأقول من صدرً تحطم عباره

لبيه يا سلطان لو نازح البين
يزوي سرابه ويتركز غباره

غربة حاديني من الفقر والدين
ماحد أبو عرام يجلب قشاره

ونصيت ربي ثم نصيت السلاطين
اللي تحفظ لكل رجل وقاره

ومن فضل رب البيت مابين عدين
بين أحمد وحمدان والعلم ساره

في فلةً في دبي ملكي ودورين
تعلم البدوان فن الحضاره

قدامها لنكن وكدلك ورنجين
وفي البر عزبة وفي المدينه عماره

وأن طعتني روح علي ياأحمر العين
بشت الغناة ولا بشوت الأماره

ومن لاعشق له وحدة من هل العين
عز الله أن باقي حياته خساره



وهذه قصيدة محمد الحارثي التي يهجو فيها ضيدان وسلطان :

في عامنا الخامس بعد عام الألفين
كم هاجسن حامي جيني زياره

اليا أحتمى الهاجس وجينا محامين
مثل الزناد الي تقادح شراره

كلام أبن وسام مابين قوسين
زود مرارته القديمه مراره

وكلام مسلط شيخ كل الجمالين
كله بياض وفيه رمسه سماره

يا أثنين يالي بالقصيد متواصين
شطار لكن غيركم بالشطاره

شاطر شطير الحد ما ينتهي لين
يديركم بين الفلك في مداره

مير أسمعوها زبده الهرج يأثنين
يا أصحابنا الي تعشقون الأثاره

نعمين يأهل دبي والعين نعمين
يا أهل المقر الي يذري جداره

بأفعالكم كل الخلايق مقرين
ولا ينجحد طيب النشاما وكاره

الي كتب فيكم من المدح بيتين
مدحه تجاوز وأختلف عن مساره

من وين يا ضيدان وموجهن وين
عفت الأماره راغبن في التجاره

ترى الملوك الي على الخف والقين
ثارت على البيداء بعز وجداره

خلو لك خدود ولغابيب وبطين
يا حيف ياناسي معاريف داره

يا ما نصيت قصورهم تشكي الدين
وحدن تعذر لك وجاك اعتذاره

وسافرت تشكي فقر يا ساكن بين
قوم تمد ولا تحسب الخساره

منهم يا أبن قضعان يكفيك ثنتين
يوم أن شخصك يحسبون أعتباره

قصر على سطحه علم راية الدين
وجيب شعار الداخلية شعاره

وصفت نفسك عقب رحلتك للعين
سواة من بذ العرب بالخطاره

وأن كنت عايف من وطن نجد ذالحين
سلم جوازك لا وصلت السفاره

والمركز الي من ورى جوده يمين
لازم حكومتنا تعجل قراره

ويصدر بعد تعيين ضيدان تعيين
لملهي تسلم ختوم الأماره

ضيدان ما دامك على الراس والعين
ثوب لبسته لا تقطع زراره

ونرضيك لو تزعل بحاشي وشاتين
وأن طولة بالحيل ددسن غماره



وهذه قصيدة الشاعر بندر الودعاني وهي عباره عن اعتذار بأسم ضيدان وسلطان :

واجهت في وسط الجزيره ذلولين
وحده لأبن وسام ووحده لجاره

محمله عذر الرجال العزيزين
اللي لهم في ساحة العز غاره

مرسولهم سلطان شيخ السلاطين
الي فعول الطيب دايم شعاره

يمناه أم الخير والعطف واللين
ما نانفست يمناه الا يساره

والهاجري وضيدان أول وذالحين
قصيدهم دايم ثقيل عياره

وفي ملوكنا كل الصحف والدواوين
تفخر بهم بين البدو والحضاره

على العهد باقين باقين باقين
بكل ما تعنيه هذي العباره

وأن كان أخطو ما تخل الموازين
كبوة جواد ولا تغير مساره

ولا نيب أقيم من تهز الميادين
اللي لهم في الشعر بصمه وشاره

لكن حاديني على القول بيتين
من شخص قام يهف فوق الشراره

ماهوب داري لكن الناس دارين
أن كل قوم ينتقدم خياره

وأن أعرف ان الشعر سيف بحدين
وبعض الشعر يرجع عماره دماره

هذا وأنا من صلب جد الوداعين
الي يمد الجار سبة جداره



وهذه الرديه بين سلطان وضيدان عندما كانا في السجن :

ضيدان
مرحبا في حلةً دونها عشرين باب
المراوح فوقها والهبوب تفرها
الحرار الي مواكيرها روس الهذاب
حولة في نقرتن ما يقارب حرها

سلطان
البقى يا صاحبي ما وراه الا العذاب
والجريره حسبي الله على من جرها
صاحبي ضيدان غرب ولا أدري ويش جاب
يوم حصل خيرها ما كفاني شرها

ضيدان
ما يبرك للحمول الثقال الا الركاب
أحتمل وجنود الأسلام لله درها
وأن سرى ثلثين ليلك ونجم الجدي غاب
سل عيوني ليه حلو الكرى ما مرها

سلطان
الفخر والعز بين الثريا والسحاب
والمطر لو ما يضر الدير ما سرها
مير قلي وش فرق المشالح والثياب
أن سبحت ببحرها أو مشيت ببرها

ضيدان
فرقها فرق أزرق الجم عن ضوح السراب
السراب يوهق الضامية ويغرها
البلا من شعلتن ما حسبت لها حساب
واحدن منا قدحها والآخر كرها

سلطان
ما بقى في حوض الأجرب لا طعام ولا شراب
والجنوب من الجرب كل ليل يعرها
لا تعاتبني عليها خطا ولا صواب
في ذرى روس مطار الهوى مغترها

ضيدان
كلبينا لقمة بين ضرس وبين ناب
مير يا سلطان دك الركاب وسرها
وأضرب أم جلال بالهرش يا مال الذهاب
لقحة أم جلال ولا الجمل ما ضرها



وهذه قصيدة سلطان التي يعتذر فيها للأمير سلطان بن عبد العزيز ويطلب عفوه :

الله ولا بعض السوالف والعلوم
تحمل الرجال ملا يقدره

ما من وراها الا المشاكل والهموم
ياعنك ما فيها من الله خيره

عسا غضب خطلان الأيدي ما يدوم
وعسا عمار الطيبين معمره

يا سيدي سلطان قومني وأقوم
وأرجو من الله ثم منك المعذره

وأنا عن الزلات مانيب معصوم
والعفو يا كحيلان عند المقدره

أنا حفيد الي يسدون اللزوم
يوم أنها كان عبوس وغبره

والبيرق الخفاق من بين الرجوم
وحدب السيوف مورده ومصدره

بقيادة الي وحد الدولة عموم
شق الطريق ووحد الله ونصره

عبد العزيز الي اليا شن الهجوم
من صف عدوانه تضيق المقبره

اليا صفق له خشم من بين الخشوم
من قوة الصفقه يطيحن عشره

واصل على خوض المعارك بالعزوم
وتقطعت عوص النجايب في ثره

لين العلم رفرف على روس الرجوم
في ضل حدب بالدمي معطره

وحنا ما غيرنا العوايد والسلوم
الي خلق فينا الولاء ما غيره

معنا الولاء يزداد يوم بعد يوم
في صدورنا حتى ولو ما نقصره

وحكي الرخوم الي تروجه الرخوم
والله ما غير في محبتنا شعره

يا سيدي وأن راحت الأصحاب قوم
أحد يسند علم وأحدن حدره

فأنا دخيل حماك يا العبد الرحوم
لا تستمع فينا ولد ولا رجوى مره

يا مفرج الكربات يا قوي العزوم
ملاج لمن ضامه زمانه وعسره

أنت الذي عن زلة الجاهل تشوم
واليا كسرت العظم محدن جبره

محاسنك غيم ماهو مثل الغيوم
اليا اصطفق برقه يسابقه مطره

غيثن دومه حي يا حي القدوم
يروي الفياض الجرد اليا الله أومره

ويا سيدي محدن من الطيب محروم
قلت نعم عن الرجال مدوره

ولا أنت مثل طويق من بين الحزوم
كلن تذرى في حيوده وشجره

تبي الحقيقه يا عسى عمرك يدوم
شعر ما يكتب فيك ما فيه ثمره

وعفا عنهم الأمير سلطان وتم الأفراج عنهم



وهذه قصيده الشاعر سلطان رداً على الشاعر محمد الحارثي :

أضرب على قوقل وعطني علومه
مالك ومال مجمعين الكلامي

واليا غدى لأسما الرياجيل حومه
فالمعمعه مثل الجراد التهامي

أحدن يبيع رخيص وأحدن يسومه
تحصل أسمي مع كبار الأسامي

بشعر اليا مر الخشوم معرومه
يطيح من عوج الخشوم العرامي

وقل للمغفل لا يواصل هجومه
ترى نضامه يختلف عن نضامي

ما بيني وبينه نقاش وخصومه
مخاصم الجهال عيب وحرامي

لعل جسمه يسترنه هدومه
ويجوز عن طرد الهوى والغرامي

شعره يغذيه الترف والنعومه
أرهف من النسمه وريش النعامي

وشعري بحر ما كل رجل يعومه
أنشد خلف وأنشد رشيد الزلامي

قل منهو الي ما تثنى عزومه
اليا أحتمى الميقاف والشعر حامي

مثل السحاب الي ترادم غيومه
من يحتمي دوره عداه الملامي

في موقف محدن يخلي لزومه
كلن تلفت للفشق والحزامي

أحدن تفاخر به ربوعه وقومه
وأحدن مع الزحمه عليه السلامي

هذي رساله مبهمه ومختومه
مع جزيل الشكر والاحترامي

[محمد بن سعود]

وهذي القصيده قالها ضيدان عندما تعرض لحادث في المصرعيه
بالقرب من مزرعته وقـال :

يقول من وقع علـى تنـدت الجيـب=عصر الخميس بفيضـة المصرعيـه
عزي لمن جاففـوه روس المعازيـب=واضحت يدينه مـن حزامـه خليـه
ياوجد حالي وجد شالح علـى ذيـب=على طويـق اللـي ركونـه ذريـه
وين أنت ياريف الخوي منبع الطيـب=يـوم ولـد الـلاش يضهـد خويـه
ياعين لاتبكيـن تـرا البكـا عيـب=حتـى ولـو صكـات بقعـاء قويـه
ويارجـل لـو جبارتـك للعراقـيـب=ابدايـة المشـراف حقـك علـيـه
لابد ماتجبر اكسـورك وأنـا أطيـب=بـإذن الله الرحـمـن رب البـريـه
وأبدي عصيـر بنايفـات المراقيـب=وأجر صوتي عادها الشمـس حيـه
وأن كان ماهيضت غيـري فلانيـب=كفـوا تلاحـي صوتـي الراعبـيـه
من طلعتي لين أمتلا عارضي شيـب=وأنـا ورا الهقـوات عينـي شقيـه
أرقى بلعبي فـوق لعـب اللواعيـب=ومـن المطالـع طلعتـي عالمـيـه
أغوص غبات البحر نكـس وأجيـب=غنـاة نفـس مـن صباهـا غنيـه
مانيب من يقنـع بهـزل المكاسيـب=ولانيب من يجزي الحسانـي بسيـه
القلب غير الحب مرتـاع أصاحيـب=والنفس غيـر العـز ماهـي دنيـه
والكف غير الجـود تنـدا مواجيـب=والراس غير الشعـر يقـدح حميـه
عادة هل السمراء هل الشيخ وعضيب=لادخنـت يـردون حـوض المنيـه
وإن ساقت الدنيا السرايـا مراكيـب=تنطـح سراياهـا سريـه سـريـه
علـم لمرواسـه تسـاق المناديـب=ولا تجـيـه الصـبـح وإلا قفـيـه
وأنا ولد منصور عطـب المضاريـب=اللـي كفوفـه فـي الشدايـد نديـه
لويالـدن مـع الخشـوم الرعابيـب=ماجابـن اللـي جابـت الجابـريـه

[محمد بن سعود]

بحـر جــده . !!!


حزين اي والله ان قلبي حزين وخاطري مكسور .= لو اضحك واتظاهر بالسعاده يا بحر جده

وانا يا بحر يوم اصد واخفي دمعتي معذور=لك الله يا بحر صديت والصده هي الصده

اخاف تقول عني يا بحر ضيدان بن منصور = وقف في يوم من الايام ودموعه على خده

وانا مانيب حي الله بشر يكشف لك المستور = انا رجلٍ يموت ولا درت لامواج عن سده

ولا اقف ماقفٍ ماهوب قدي لا طغى المغرور = انا قد الكلام وماقفي قدي وانا قده

اباقف وابتسم لوني حزين وخاطري مكسور = الين الله يفرجها علينا يا بحر جده

[محمد بن سعود]

سكـر الخــط .!!!



سكـر الخـط صبـري وصـل حــده=او تراجـع لــو الخـاطـر كسـرتـه


صـرت تلعـب بقلـب مـنـت قــده=غربلتـه الليـالـي وانــت بـورتـه


عقـب ذيـك المـوده صـرت ضــده=ولـو تجاهـلـت حـبـك مانصـرتـه


بيـن مـزح الزمـان وبـيـن جــده=لا قبـلـت الـغــرام ولا نـفـرتـه


كنـت اقــدر غــلاك وكـنـت اوده=قـبـل سـاعـات لكـنـي خسـرتـه


حتمـا انسـى الغـلا لـو بعـد مــده=وان ذكـرتـه نسـيـتـه مـاذكـرتـه


شـي عـادي وسـد الـخـط ســده=يلعـن الليـل كـان أنــي سهـرتـه


ويلعـن الحـب ويلعـن جــد جــده=انتهـيـنـا وسـعـيـك ماشـكـرتـه

[محمد بن سعود]

وانـا يـديـنـي فــي فــم الـحـــيّـه ورجــلــي فـوقـهــا .!!!


يا صـاحـبي غـابت عـلـي الشــمـس بـاطــراف الـنخــيـل =وامـسـيـت اشـوف الـباسـقـات الـلـي تمـيل عـذوقهـا

وانــا عــلـي بـشـتٍ حــسـاوي لا قـصــيـر ولا طــويــل =والـمــزنه الـغــــرّا عـلــى راســـي تـلــــوح بــروقــهــا

والـعـالـم الـلـه يدرك العـطــشــان مـنها سـلسـبيل =والا يــوقّـــف يــومــــه المـوعــــود قـــبـــل يـذوقـهـا

يا صـاحـبي .. يا ناس .. ياللي فوق .. يالوزن الثـقيل =لـد الـنظـــر لـلــعــالــم الـلـي مــا تـبـل حــلــوقــهــا

والــعـمـر مــرّه والـقــلــوب الـبيـض مـا تبغـي دلـيـل =والـناس اذا طــابت نـوايـاهــا . . تـطـــيـب وفـوقـهـا

لـو كـل مـن سـمّـا نبيل يصـيـر مـثـل اســمـه نبيل =ســمّـيتهـا لـيلـى عـلـى لـيلـى وانــا مـعــشـوقـهــا

كـذا . . كـذا يا حـرفـة الـتمـويـه في نعـش الـقـتيل =يا صـاحـبي غــمّــض عـيـونـك وادفـنـه فـي مــوقـهـا

وانـا تـعـبـت مـن الـحــجــاج السـمـح والكـف البخـيل =ولا عـاد عـندي حــل اعــالـجــهـا واخـــيـط افـتـوقـهـا

صــحــيح انـا مـمـكـن أسـوّيهـا واسـوّي المـسـتحـيل =لكـن رجـلـي فـي هـوى نـفـسي مـاعــاد اسوقــهـا

وشـلـون ابرّر مـوقـفـي واجــزا جــمـيـلـك بالـجــمـيـل =وانـا يـديـنـي فــي فــم الـحـــيّـه ورجــلــي فـوقـهــا

[محمد بن سعود]

وهـذي قصيـده لـ الوزن الثقيل : سلطان بن وسام الهاجري

ويقـول فيهـا :

راكب اللي حسها تسمعه من كل صوب
****مثل زلزال الرعد بلمزون المضلمه

كنها يوم استدارت وضاقن الدروب
**فرخ شيهان على الطلع ينهض مقدمه

تلها جورج الخواجه ونطحها الدروب
****واعلنو بأطفا الزقاير وربط الاحزمه

من سلايل شايب ماجمع غير الذنوب
****والديانه عكس الاسلام ماهي بمسلمه

مايعرف يقول هاذي شمال وذي جنوب
****دليله بوصله والحروف مترجمه

واهني اللي على رحلته يلقى ركوب
****ان رجع ولا توفى عسى الله يرحمه

ان نوى في مشرق الارض ولا بلجنوب
**** المهم ينفذ الازم اللي يلزمه

فاقد لي شيخ قوم عزيز ومحسوب
****محزم في الضيق ياسعد منهو محزمه

والجفا من بين الاصاحب عيب من العيوب
****والصداقه من بنا بيتها مايهدمه

والغلا والكره ماتسكن الافي القلوب
****بس مابه قلب فيه الاثنين مخيمه

والرجل لاصار بيته مذرا ومحجوب
****استوى عند النشاما وجوده وعدمه

اتحمل مزح الاصحاب عذبين السلوب
****واتخير واكل التمر واطش اعجمه

واعرف الكذبه لاجت من فم الكذوب
****لاقعد يرفع لسانه ويرخي برطمه

والطرب لا ما جرفني مع اللحن الطروب
****انسف البيت المدمدم على اللي دمدمه

واقفل الجوال عن راعي الغوج الهذوب
****وافصل التعميم عن بيجري واعممه

زله الطيب ما تجرح متينين الجنوب
****عقب اللي زله من صحيبه تفحمه

ايه ياضيدان والناس حارب ومحروب
****والأعادي كل واحد بحبره وقلمه



وهذه مرد الشاعر ضيدان فقـال :

راكب اللي كنها البرق في عرض النصوب
****دارب مسرى الليالي عليها معلمه

بكرة كن خف يدها على الارض مغصوب
****لا عقلها اللي عسيفه ماهي بمخزمه

وان تساوت واستعدت لها وصفا عجوب
****كنها تدي القسم عند قاضي المحكمه

وان جذب ركابها الصوت باسلوب عذوب
****ازجلت ماكنها الا هنوفا محرمه

وكنها قشعا تزبر على صدر الجذوب
****لاخذت في صحصح البيد سك ودرهمه

ماشريناها من السوق من جيز الجلوب
**من سلايل جيش جدي ذلول مكرمه

تنحر اللي كل ماتبت عيا يتوب
****صاحب اغليه جدا واعزه واحشمه

صاحب من لابة ما يهابون الحروب
****بني هاجر فخر الامجاد كفو الملحمه

مثل ماتجمع شبابه عتيبه والحروب
**** بيننا حلف وعهود وعقود مبرمه

كان ياسلطان ناسيه وصياحك طنوب
**** مرحبا بك وانتبه والدروب ملغمه

والجفا من بين الاصحاب يا الصاحب ماهوب
****عيب لاكن غيره العيب ياللي تفهمه

والصداقه كنز ماهي بتسمل سمل ثوب
****وللصديق ان صار ماصار ماذوق لحمه

له علي ان حده الوقت بلشدات انوب
**ولي عليه ان كره صاحبه لا يضلمه

والرجل لاصار بيته حجر والسور طوب
**** ماعليه من المنافق ليا رز اعلمه

عادني من دون روحي ليا شبت شبوب
****ولا كم وكم دهاني رموز مبهمه

وكم نواني من الاصاحيب رجال لعوب
****يبي ياخذ خيرت ابلي وانا اخذت غنمه

ومعرفه بعض الاصاحيب ذنب من الذنوب
****علة من علته اووف يامثقل لادمه

علته ماهيب تنشاف بالميكروسكوب
****ودك احيانا ليا طال صوته تكتمه

والرجل لا صار شيخ عزيز ومحسوب
**** استوت زلة لسانه وزلات قدمه

ايه ياسلطان والناس غالب ومغلوب
*****ولا عادي من تحاكا حثينا في فمه



ملحــوظه / هنـاك رديات كثيـره , ولكنها غير صالحه للنشر

وتكفي هذي الرديه عن الباقي .

[محمد بن سعود]

نجــوم الصبـح . .!!!



بانت نجوم الصبح واللي في عيوني من عَصر=ما هوب دمعٍ لا تضايقت آتنهّتْ واسكبه
لا والله الا حلم شيخٍ عن طموحه ما قِصَر=لو قصّرت سود الليالي من يمينه وشْنبه
وانا لو اني ما تعلّمت الهزيمه والنصر=ما كان ذقت من الهوى القتّال مرّه واعذبه
شاعر وعصري فاتني واعيش في أغرب عصر=لا الوقت وقتي والزمن ما بيني وبينه شبه
لكن هنوفٍ مثّلتْ دور العزيزه في مصر=قدّتْ قميصي واسرفت في وصلها قبل انتبه
يوم انْتبَهْتْ استشهدت ضدّي بحرّاس وقصر=قلت ارحمي عزيز قومٍ ذل وارخى منكبه
ماني نبي الله اقاوم حسن خصرك لا انهصر=انا بشر عبدٍ ضعيف وكل برقٍ يجذبه
قالت وهي تُوّي تثنّى كنْ ما فيها خصر=الشعر يا ضيدان ورث جدود ولاّ موهبه ؟!
قلت الشعر سحرٍ يسخّر لي القلوب ويختصر=عمر المسافات الطويله والسنين المجدبه
والحب شيٍ لو حصرته في ضلوعي ما انحصر=يطغي على حدْب المحاني لين ابيحه واكتبه
وان علّمتني الفاتنه وشلون اسير ابلا بصر=علّمْتَها الفنجال وشلون اتحدّى واشربه
وعلّمْتَها إنّي كذا طال الزمن ولاّ قصر=وان اعذب الحب اصدقه وان اعذب الشعر اكذبه

[محمد بن سعود]

بري حــآآآلي . .!!!



يـــا صـغـيـر لا تضيـعـنـي بـنـظـرات الـبــراءة=وانـت مـا تعـرف مـدى تأثيـر نظراتـك بحـالـي
آه يا لبيه .. يـا بشويـش .. يـا هـدي الاضـاءة=للجـفـول الـلـي مــن جفـالـه يجفلـنـي ظـلالــي
فـز بسـم الله علـيـك مــن المـضـرة لـلأسـاءة=وارقد آمن في عيوني واسهر آمن في خيالـي
يـا صغيـر والـذكـي مثـلـي الـيـا خـانـه ذكــاءه=مـا لـه الا يعشـقـك ويصـيـر لعيـونـك شمـالـي
قم فديتك وانت حـر مـن الـف بـاءه ليـن يـاءه=ما عطاك الا الله اسـرف واستبيـح ولا تمالـي
سو مـا يرضـي غـرورك وأد مـا تهـوى أداءه=الحشا لك بيـت حاتـم وانـت غالـي عنـد غالـي
قم تمخطر في الحشا وانسى الكتابة والقراءة=وحـل واجـب شاعـر مـا حلـتـه ســود الليـالـي
وعلمـه وشلـون تتعـدى علـى خــط اسـتـواءه=وعلمه وشلون كيف وهل يضيعـون الرجالـي
وكيف يجني خلف سور الجامعة ذنب الكفـاءة=سـاعـة نــادى ابلـيـس وقـالـه مـالـك ومـالــي
وانت يشفع لك صغر سنـك ونظـرات البـراءة=بـري حالـي كـل مـا لـديـت يـمـي بــري حـالـي

[محمد بن سعود]

عيــون البنــات . !!!


يقـول مـن عــدا عـلـى روس الـطـوال النايـفـات=مــن ضيـقـة بالـصـدر كانيـهـا وحزتـهـا عصـيـر
يالله يـا اعظـم مـن الاسمـا واجـل مـن الصفـات=يالله يالله يـاغـفـور ويـــا سـمـيـع ويـــا بـصـيــر
يارب اجرني مـن عـذاب القبـر مـا بعـد الممـات=واغفر لبـي وابيـه واخوانـه واجرهـم يـا مجيـر
يـارب انـا عبـدُ خلقـتـه مــن تــراب وطـيـب ذات=ونفخت فيه الروح وانـت الـذي علـى ذلـك قديـر
يا رب انا ما اخترت اكون الشاعر الي قاسيـات=الطـرق يطرقهـا وتصبـح لـه ارق مــن الحـريـر
انــت الــذي خلـقـت كـائـن حــي غـيـر الكائـنـات=الحمـدلـك والشـكـر والمـنـه بـفـضـل الله كـثـيـر
يـارب انـا شاعـر واهيـم بكـل وادي مـن شتـات=واقوا مالا افعل وانا مؤمـن ولـي قلـب وضميـر
شاعـر ويتبعنـي مــن الغـاويـن كـثـر الغـاويـات=اذنيهم وان غـررو بـي صـرت اقـل مـن الغريـر
والشعر مثل السيف ابـو حديـن وعيـون البنـات=ياليتهـا كانـت مـدى الشـاعـر ومـرسـاه الاخـيـر
مـا كـان جبـت العيـد والعـذر البـنـات المتـرفـات=والعالـم الله وش نـوى قـلـب المـقـدي للضـريـر
البارحـه هبـت علـي الـريـح مــن كــل الجـهـات=حتـى عرفـت ان اليـالـي غـيـر والوقـفـات غـيـر
وقمـت اتلفـت فالسنيـن الـي غـدت مـنـي فــوات=وآمنـت بـان العمـر مهمـا طــال فالدنـيـا قصـيـر
كلن يموت وينتهـي والوقـت يمضـي هـات هـات=ولا عاد يبقى الا الذكر ان كان شر او كان خيـر
والشاعـر ابـقـى بـعـد مـوتـه بالعـلـوم الطيـبـات=او عكسهـا والـوقـت يـاخـذ والقصـايـد تستخـيـر
اقـرب دلـيـل الــي لـهـم فالبـيـت سـبـع معلـقـات=راحـو ولا زالـت قصايدهـم كـمـا الـبـدر المنـيـر
الاعشا وعمر وطرفه بن العبـد والعبسـي ثبـات=والنابغـه وابـن ربيعـه وابـن ابـي سلمـى زهيـر
والشعر فضل شاعره عن من سواه وله سمات=فضل ابو الطيب وهـو سقـى وابـي فـراس اميـر
والشعـر مهمـا فضـل الشاعـر مـقـام ودرجــات=مـا فضـلـه بالفـعـل فالـيـوم العـبـوس القنطـريـر
لقولهـا وانـا اعـرف انهـا مــا تلحفـنـي العـبـات=الي طرفها فـي يـدي واكمامهـا فـي ايـد الوزيـر
لكـن علـى الله يـا متـم الصـوم ومقيـم الـصـلات=تدفـا الكفـوف البـاردات ويجبـر العظـم الكسـيـر
ياصاحبـي ياحظـي المكتـوب يـا اغلـى الامنيـات=يا اجمل الصدفات لو مـا جـات يالسهـل العسيـر
من صيف عامه ما خذاني عنـك بعـد ولا سبـات=وانت اتجاهلني وانا وضعي مـن اسبابـك خطيـر
والـحـب ذنــبُ مــا يكـفـره التجـاهـل والـسـكـات=واجه فديتك واحسم الموقـف يصيـر الـي يصيـر
ولا تعـلـقـنـي عــلــى امــــل نــجــومُ ســاريـــات=وابقى على قول البـدو لـولا الامـل مـات الفقيـر
يا صاحبي يا اغلى السنين المقبله والماضيـات=يا اعز واغلـى مـن علـى الدنيـا برجلينـه يسيـر
لا تحسـب انـي جاهـل ُ بعـض الامـور الخافيـات=الـي تحـدك وانـت مالـك عـن مـدى قلبـي مطيـر
ادري واقـــدر واتـحـمــل واتـحـاشــا الانــفــلات=ولا تراني في بعض الاحيـان مـا اطيـع الشويـر
والصـبـر مفـتـاح الـفـرج والـقـل جــراح اللهات=وسهيـل يبـدي فالسـمـا ويهـيـج فالـقـاع البعـيـر
وانا مـن الـي مجدهـم علـى ظهـور المسرجـات=قـومً ماهـي بتشـد لا جـاهـا مــن الـقـوم النـذيـر
وش عادنـي حـيً علـى شانـه وش لـي بالحيـات=ان كـانـي لسرجتـهـا مـافــرق الـجـمـع الغـفـيـر
لعيون من حبه رسى مرسى الجبـال الراسيـات=واليا اصطفق ماكنـه الا المـوج فالبحـر الغزيـر

[محمد بن سعود]

الهنـوف اللي سـرت . .!!!



الهنوف اللي سرت من نجد وامست بالحويه= ضيقت صدرالرياض وسافر الطايف وجاها

وانثنى غيم الحجاز لخـد نجـد النرجسيـه= يوم جاته من زعلها كنها تقصـر خطاهـا

زعلوها ورحت واخلت قصـور الفاخريـه= والحقتني شرهة الزعلان واخطاني رضاها

سافرت والله ماخبر اللـي يزعلهـا عليـه =واستباحت لله الخيره سهر عينـي وماهـا

ليتها يوم استباحت دمعـة العيـن الشقيـه= ماستباحت دم قلبي من خلاها فـي خلاهـا

سامح الله ضلمها واطعونها الخضر النديـه=والله يسامح خناجرها ويعفو عـن خطاهـا

عرضتني للهبايـب والظمـا والمهمهيـه=واتركتني للزعل والشوق والكبر وغلاهـا

والغلا ماهوب فيديها ولا هـو فـي يديـه=الغلا شي من الله واشهـد ان الله عطاهـا

من غلاها لو توردني على حوض المنيـه=كنها تسقيني الشهد المصفى مـن شفاهـا

ومن حلاها ماتوصفها الحـروف الابجديـه=كيف توصف وردة يبري من العله شذاهـا

الورود تغـار منهـا مزهريـه مزهريـه=وان تباهات عذرها معها يحق لهـا تباهـا

مايشابههـا شبيـه ولا يحاليهـا حلـيـه=جل رب يوم صورها فرقها عـن سواهـا

لاقبلت هيجنت وان اقفت جذبت السامريـه=واعذابـي لاعطتنـي وجههـا والا قفاهـا

ان بدالي وجهها يسعد صبـاح اليوسفيـه=وان غشتني نفحة من ليلها يسعد مساهـا

درّه بالموت محروسـه وبالبحـر محميـه=البحر من دونها والموت الاحمر من وراها

دونها ماغليت وسم اهلي ولا اشداد المطيه=مرخص فالقاع عمري والثريا في سماهـا

لايمي يبلا بحب الحضـر بعيـون بدويـه=في ظروف مايقـارن مستـواه بمستواهـا

الله اقوى يافقير القلب ابـو نفـس غنيـه=مالك الا الصبر والجنه لقاها مـن لقاهـا

والهوى اللي يطرح الرجال فيديـن اجنبيـه=علة بالجـوف لاتبـرا ولا يلقـى دواهـا

والهنوف اللي لرد الثار تاخذهـا الحميـه=شفتها بالعين في قلبي وهي تاخذ قضاهـا

وشفتها تشتاق تطعني بـلا ذنـب وخطيـه=كثر ماتشتاق لاعماقي وانا اشتاق لدفاهـا

كل ماعرقـت بميسمهـا تحريـت لخويـه=والحقت الميسم الميسم كذا...على عماهـا

عااااقبتني كل يـوم تلحـق الكيـه بكيـه=واتعبتني وادركتني والحقت نفسـي مداهـا

وان تمادت جهزو قبري وانا باكتب وصيـه=باكتب الله لايعاقبها ويرضـى لـي علاهـا

العمـر تلفـه الايـام والدنـيـا مـديـه=والسنين اتلفني والنار تحرق مـن وطاهـا

علموها تلحق الباقي مدام الشمـس حيـه=واتغانـم مابقى منـي وماتطلـب فـداهـا

لاتمادا فـي جفاهـا والريـاح الموسميـه=ماتقدر وقفـة الاشجـار وتثمـن عطاهـا

وعلموها مابقى لي غيـر ادن الهاشميـه=كان ترضاها علي ولاتهـون مـن جفاهـا

واتصحوها لاتحمـل نفسهـا نفـس بريـه=وذكروهـا بالقبـر لاعلهـا والا عساهـا

وعلموهـا علموهـا لاتطـول بالحـويـه=ديرة ماهيب ديرتها لـو اعجبهـا هواهـا

[محمد بن سعود]

لبــا عيــونك . .!!

لبا عيونك ولبا خدك وخاله = ولبا المحيا ولبا الليل والشفه
فديت عمرك بتجريحه وغرباله = لوتشربه الارض غبره والبحر جفه
هلي كما البدر غيضي كل حفاله = وسجي عن الليل لايلهيك في صفه
وهزي على صوت رجف القلب وهباله = الطار قلبي وكف توجعه شفه
ياشفه العين قبل تجين جماله = وجيتي ولاشفت غيرك لو رفع كفه
كنك لحالك حضرتي الحفل في الصاله = ولاشفت غيرك بشر ياقمه العفه
انتي زعيم رفع للقوم فنجاله = وكل تعذرشروبه ليله الزفه
انتي بيمني الحلا والناس بشماله = ثقيله العقل فيك الدم اخفه
احيي فقيد بغيت ابكي على اطلاله = في غيرك يموت لو احييه وازفه
وان عودت للغلا غلاك بلحاله = انتي بكفه وباقي الناس في كفه

[الجوهره]

ديوووان راااائع لشاااعر ارووع

مشكووور اخوووي

[محمد بن سعود]

في النهايه
أتمني أن نال علي عجابكم هذا الديوان المتواضع
لـ شاعرنا / ضيدان بن قضعان
وأضـع لكم بعض من قصايده الصوتيـه
تفضلـوو
اطراف النخيــل (http://6rbtop.com/downram.php?song_id=19238&type=au&q=hi)
اعطينـي حريتـي (http://6rbtop.com/downram.php?song_id=19239&type=au&q=hi)
البـلاد النائـي (http://6rbtop.com/downram.php?song_id=19240&type=au&q=hi)
الذنـوب (http://6rbtop.com/downram.php?song_id=19241&type=au&q=hi)
زعلـوهــا (http://6rbtop.com/downram.php?song_id=19243&type=au&q=hi)
يامرحبـا ترحيبـة ٍ كلها لـش (http://6rbtop.com/downram.php?song_id=19249&type=au&q=hi)
أخــوكم / محمد بن سعـود

[محمد بن سعود]

شاعر جدا كبيييير
وديوانه الصوتي قمممممه
وبالاخص ياعظيمه
تُشكر ياابن سعود ولي عووده .....


أهلا وسهـلا

يابن ضغيـم

العفـو أخـوي ، نـورت الديوان بحضـورك

وتسلم علي المرور

وحياك مره ثاني

[محمد بن سعود]

محمد سعود ..
اشكرك على الديوان الرائع لشاعر اروع والله يعطيك الف عافيه
لاهنت ..


سلطـان

العفـو أخـوي . ماسويت إلا الجـواب


الله يعافيك ، وتسلم علي مرورك

ولاأنـت

[محمد بن سعود]

محمد بن سعود ..
مشكور يا الغالي على الجهد الطيّب والإختيار الجميــل لشاعر عملااق ومبدع مثل " ضيداان "
لك تحيــــــــــــــاتي ،،،،،،،،،،،


منســاب


العفـو ياخـوي . بـلا شـك شاعر عـذب وجـزل

وحبيـت أني أضيف في هالمنتـدي الرائـع

وتسلم علي مرورك

[محمد بن سعود]

الله عليك يا محمد ..
عرفت من تختـــــااااااااااار .. لي عودة بمزيد اذا سمحت لي
دمت بخير و سعادة


شيهانه نجـد

حياش الله

شي أكيد ، شاعري المفضـل :)

ووانتي بـ مثله . ومرحبا بعـودش مره ثانيه

[الثريـــا]

محمد بن سعود
احسنت الاختيار
الشاعر ضيدان بن قضعان شاعر كبير غني عن التعريف
صح لسانه ملاييييييييييييييين على ماكتب من حرف
وتسلم يمينك ع المجهود الجبّار..........

[الدلوٍوٍعه]

ديوان راائع ومجهود ارووع
لشاعر جزل وغني عن التعريف
مشكوور اخووي والله يعطيك العافيه

[كايدهم بقوة]

محمد سعود

لاهنت يالغالي على الديوان الحلو

[شارد الذهن]

محمد سعود

لاهنت يالغالي على الديوان الحلو

[بلاك]

«®°·.¸.•°°·.¸¸.•°°·.¸.•°®»محمد بن سعود .. «®°·.¸.•°°·.¸¸.•°°·.¸.•°®»

×?°مشكور يا الغالي على الجهد الطيّب والإختيار الجميــل لشاعر عملااق ومبدع مثل ضيداان×?°

[الملتاع]

الله يعطيك العااااااااااااااااااااااافيه

[جبــــنة]

ديون رائع .. معطر بأجمل المفردات الشعريه

صح لسان الشاعر ضيدان العرجاني


ويعطيك العافية على انجاز هذا الديوان واخراجه بشكل رائع

[مصيره لاذكر يشتاق]

يعطيك العافيه

[مروان]

يعطيك العافيه

[♥ sergio-roms ♥]

يعطيك العافية

تقبلووو مروري

[ذهب]

اختيار رائع

يعطيك العافيه يالغلا

[فجر]

ديوووان راااائع لشاااعر ارووع

مشكووور اخوووي ...)

[ريــــم]

محمد يعطيك العافية كفيت ووفيت

[swalyf]

بيض الله وجهك يابن سعود على المجهود بس عندي طلب لو سمحت ابي قصيدة الخبر اذا تقدر

[سهــم]

لاهنت على المجهود


لك كل التقدير

[فيصل الفيصل]

ليا سلم ضيدان باق العرب هان ************* عض الحصا من له علينا طليبه

الشاعر حنيف بن سعيدان


والله ضيدان العرجانى قامه شعريه يجب الوقوف عند ما تكتب والحقيقه انه من كبار الشعار بالخليج وهو من الشباب الرائعين والحق يقال انه وصل بطرحه الى قلوب شعار المملكه امثال خلف بن هذال شاعر الوطن ويحق له وكذلك شاعر مطير محمد الخس ابو خلف والشاعر العلم عبدالله بن عون ورشيد الزلامى وكثير من القامات الرائعه بالخليج وشكرى

فيصل الفيصل

[نــجــم]

صح لساان شاعرهاا

ويعطيك العاافيه على ايراد الديوان الرائع

تقديري لك ..

[بنت السعوديه]

صح لسان شاعرها وسلمت يمين ناقلها
جل التحايا

[كليم الليل]

صح السانه شاعر كبير ومعروف

وشكرا على إيراد ديوانه

[سـعـود]

يــعــطــيــك الــعــافــيــه عــلــى الاخـتــيــار الــرائــع

تـحـيـاتـي و تـقـديـري

http://www.albdoo.com/vb/images/smiles2/..a..gif

[يارا العامرية]

صح لساان الشاعر ضيدان
واشكرك ع الايرااااد
والله يعطيك العافية
تقديري

[بروق الصيف]

بيض الله وجهك لاهنت

[سـعـود]

يــعــطــيــك الــعــافــيــه عــلــى الاخـتــيــار الــرائــع

تـحـيـاتـي و تـقـديـري

http://www.albdoo.com/vb/images/smiles2/..a..gif

[عاشق المزيونه]

ديوان رائع .. شكراً ليك