ديوان الشاعر عبدالله الحضبي السبيعي

[عبدالله الحضبي]

عبدالله سعد الحضبي السبيعي
كاتب وإعلامي سعودي
عضو بنادي الطائف الأدبي الثقافي
صدر لي عدة مؤلفات منها:
بلادنا آثار وتراث
الخرمة
معالم الخرمة عن نادي الطائف الأدبي
بكاء الليل مجموعة قصصية عن نادي الطائف الادبي
متاهات ديوان فصيح عن نادي الطائف الادبي
سوالف الطيبين خمسة أجزاء
هموم الليل والدمعة

[عبدالله الحضبي]

بردة المجد

غابت بليلٍ وفيها القلبُ مغلولُ= متيمٌ بالهوىفيها و متبولُ
توهج العشقُ في أدنى منازلِها= الركبُ مرتجلٌ والجفنُ مسدولُ
هل لي ببردة مجدٍ تزدهي قمراً = في شرفةٍ بالعلا والبابُ مقفولُ
كي أعتلي في رحابٍ طاب منبرُها =أشكو وتبكي على حزني تواسيل
تفتحت وردةُ الأمجادِ في أفقي = ورْدُ الرياحينِ والتعبيرُ أكليلُ
النهرُ يهمي بحزنٍ نحوَ ساحلِه= والشط في ولهٍ والنبضُ معسولُ
ياضيعةً قد تزيد الجرحَ في كبدي= في ظلمةِ الحزنِ مافي الدار قنديلُ
ما اتعسَ الركبُ والمرؤوسُ في خطرٍ= أجسادُه تشتكي والزرعُ مأكولُ
ماذا دهى العربُ في دينٍ ومعتقدِ= قد اعترى مجدَهم في وقتهم غولُ
عواصفٌ أشهرت بالظلمِ فانخلعت= أبوابُ بيتِ المنى والسيفُ مسلولُ
عبدالله الحضبي

[عبدالله الحضبي]

سراب الولع


أفكر وأعاني من عنا الملهمه وآفيق=وحلمي يصاحب مغرمٍ في الهوى ضامي
لأن الأماني في هموم الحزين تليق= تناجي جريحٍ يحرجه جرحه الدامي
على السلهمه بأشكي من الرمش والتحديق= وعلى أحمر شفاته بشتكي زفرة إلهامي
وعلى الضحكة الخجلا بنادي صباح الريق=من البسمة اللي ترسل رماح وسهامي
ولكن عرفت الفرق في لحظة التصديق=وتاهت معاناتي على صفحة أحلامي
سراب الولع جاله على النايفه تبريق=وضاع الخيال اللي توهمت قدامي
رسمت الأماني في ضميري بلا توثيق =ووقعت للآخَر قرارات بابهامي
وما زلت في دوامة خلفها تحقيق=صدوف الليالي دورها في الزمن حامي
زمان التخلف والألم والقهر والضيق=وعصر التبختر والتكبر والأوهامي
طغى فيه حب الذات مع نبرة التنميق= وجوهٍ تلمع نفسها بلا هدف سامي
وضاع الحزين بموجته تايهٍ غريق=يصارع زمانه مع مقادير الايامي

عبدالله الحضبي السبيعي

[عبدالله الحضبي]

قلت هذه الأبيات لموقف يثير الشجون والأحاسيس
:

سمعت الحمامه ترفع الصوت يوم تنوح= تجر الهديل ومن سمع صوتها ناحي
تلاحي لها ورقاً قبل مايبين الضوح= حنين الحمامه زوّد الهم وجراحي
علام الحمامه عند عذق النخيل تبوح= أبي مثلها مير العزا والصبر باحي
همومٍ على قلب الشقاوي تجي وتروح= وزوّد عناي.. البعد في خاطري لاحي
مضى الوقت والقلب المعنى يزيده فوح=ومالي جدا غير أومي بسلك مسباحي
ألا يالحمامه كان لك في اللحن مصلوح= تراني بجر الصوت والصوت فضاحي
وأغنِّي بموالٍ يجي من عروق الروح= عسى الهم من عقب المناجاة ينزاحي
ألا واهنيك خاطرك دايم مشروح= ليا ضاقت الدنيا تخَفْقِين بجناحي
تروحين في جوٍ خلا ماتجيه سروح= بعيدٍ عن هروج العياره والأمزاحي
وأنا في عذابي مغرمٍ تايهٍ مجروح= بهاذيل قلبي جنـنـتـني وأنا صاحي

عبدالله الحضبي السبيعي

[عبدالله الحضبي]

جزل المعاني

حلاة الشعر في جـزل المعانـي =سلامة فكر مع روعة طـوارق
يتوه الشعر في معنى الاصالـه=وبين الغث واجمل شعر فـارق
وكل فيه يبغـى لـه مكاسـب=لكن الطايلـه لاهـل البيـارق
تضيع القافيـه لا صـار فيهـا=معاني غامضه والرمز غـارق
وتعز القافيـه لا صـار فيهـا=جزالة لفظ ولا اسلوب شـارق
وحلاة الشعر في وصف المكارم=يجيله في المراجل وصف حارق
انا في موقف الجـزلات مغـرم=عسفت القاف عسف ام العشارق
اخذت امجاد ابوي ومجد جـدي=على العليا ملكنا طيـب بـارق
وحزنا كـل روعـات المثايـل=علامات الفخـر والمجـد وارق
انا واللي بعـد مثلـي نجيبـه=ونرمي المهزله وسط المحـارق

عبدالله الحضبي السبيعي

[عبدالله الحضبي]

السجايا الفاضلة

الرجل لا منّه بغى عــز نفســه= المرجله يرقا بعالي قممها
في الطيب والشيمه وجزل المعاني= يشيــــل بيرقها ويرفع علمها
كل السجايا الفاضله يهتـــــويها= ونفسه عن دروب المذله فطمها
كم من عزيز لابغـيته لقيــته=يفز لك وليا ندبـــــــته فهمها
وكم من صديق جاهل مايفيدك= تبغــــى المسره مير يوْلِع فحمها
راع المكارم والوفا والحمـــــيه=مهوب مثل اللي تردت ذممها
ابشر بعزك في ظروف اللـيالـي=تسعـــد بفعل نادر من شيمها
في كل معنى طيّبٍ للجزاله=تلقاه ثابــــت فــوق عالي هرمها
الطيب والمعروف مبدا طريقه=وكل العلوم اللـــي تنومس حكمها
ولا ترتجي من حاقد علم غانم=ولا تقرب الحــــيه ولو ربط فمها
واللي يعزك لا توريه سيّــه=رد الجمـــــايل يافتى واغتنمها
ولا ضعيف النفس ماله مكانه=نفــسه ضعـــيفه مايعالج ورمها
أنا اشهد إنـــه عالةٍ في حياته= ماكل مــن يبغى الشكاله لزمها
الدين والتقوى رمــــوز السعاده=وأخلاقك وطيبك يزوّد هممها
الطيب بين في رجال الشهــامه=يبـين للغالــين مركز كرمها
أبوك له طاعه وتقدير واجب=ودوّر رضا أمـك لو تقبّل قدمها
واخوك عزك لا جفتك الليالي=واختك على طول الزمان احترمها
آخر كلامي قلت جملة معاني = أبيات من شاعر حكـــيمٍ نظمها
وصلاة ربي عد رمل الذواري= علـى نبيٍ سن حجّــة حرمها


عبدالله الحضبي السبيعي

[عبدالله الحضبي]

مساجلة بين عبدالله الحضبي وعبدالله الزهراني
قال الحضبي

الطرف من فرقا المحبين ساهر=ليل وسهر وأحزان واوجـــــــاع راسي
كل الملامح تختفي والمظاهر=لا صار فيها نوع بعــــــــــــــض المآسي
الفكر مشغولٍ على وضع قاهر=ومن لوعة الفرقا تزوّد اعمـــــــــــــاسي
جرحي عطيبٍ من سبايب جواهر=مايحتمل صبري يكود الرواسي
واللي حصلّي صار بيّن وشاهر= أسباب شخصٍ في المواصيل قاسي
والله لولا إني نبيهٍ وماهر= وعندي عـــــــــــزوم وقو سلطـــــــه وباسي
إني لوضّح ماجرالي واجاهر= واشرح معانـــــــــاتي لربعــــي وناسي
يمكن يجي حلٍّ سريعٍ وزاهر= يخفف هموم الضمـــــــير ويواسي
واليوم صار الوضع والعلم ناهر= شربت من مر العنا وسط كاسي
لكن ابااصبر والفرح نور باهر=ينْــتابني هم وملامـــــــح احساسي

رد عبدالله عطية الزهراني

طوّلت ، ماطوّلت لأن المحابر . =...جفّت ..ولاهو من طباعي التناسي ..
لكن يـــ بو عابد مثل ماانت شاعر .=. .لك لحظتك ، والامر هذا اساسي ..
تقدر تقول اني انا مااخاطر .= .واكتب اذا مشغول قلبي وراسي !
قريت نصّك او شربت المشاعر . =." القرب فرحة والمفارق مآسي" ..
وكيف انّ ربّ العشق مهما يسافر. =..يبقى الغريب بلا وطن ، لا مراسي !
واصعب حكاية / ..عشق من هو يكابر .=. .في الوصل والهجران ،مرتاح ناسي .
وتلقاك ياالعاشق وربّ الدفاتر ..= ...صنعت له من قلبك اغلى الكراسي..
وان غاب وان ماغاب ..لاشك حاضر.. =.. وان سبب اوجاعك ،ولاجا ..يواسي .
اعانك الرحمن ياقلب صابر .= .والشوق وسطك كالجبال الرواسي...
لايأس ، مهما يصبح الحظ عاثر. .=.. فـــــــــــــ الما يجينا احيان من صخر قاسي !

[عبدالله الحضبي]

قال الشاعر والصديق عبدالله الزهراني الابيات اتاليه




شــهـــادة الــحـــق لـلــرجــال مـــــن فـعــلــه=يشهـد بهـا الشاهـد الشرقـي مـع الغربـي
إذا نبـت طيـب مــن عـرقـه ومــن فصـلـه=قـالـوا لــه الناس(ونـعـم) عـشـت يـاذربـي
بـاوجــز فـــي الـقــول وأرد الــوفــا لاهــلــه=وآقـول بيـت(ن) خــرج مــن رابـعـة قلـبـي
إن كان تبغى تعرْف الطيب وش شكله؟=شف صورة الطيب في عبدالله الحضبي

فقال عبدالله الحضبي السبيعي





أقـــول تـحـكـم عـلــى الـرجــال مـــن نـبـلـه=أخـص مــن هــو فـخـر فــي أمّــة العُـربـي
شـهـمٍ بــرع فـــي مـعـانـي شـعــره الـجـزلـه=من روس زهران( ثم من) خيرة الصحبي
عـبــدالله الـلــي عـطــاه الله مــــن فـضـلــه=انـا اشهـد إنـه علـى فعـل الـوفـاء طـربـي
طـيّـب ولــه فـــي الـمـكـارم رايـــه وشـعـلـه=رجـلٍ ، حكيـمٍ ، عزيـزْ ، وشاعـرٍ شعبـي
يسـتـاهـل الـلــي تــحــط الــشــال والـدبـلــه=بـنـت النشـامـى هــل النـامـوس والحـربـي

[عبدالله الحضبي]

كسرات

يابحر انا اليوم محتاجك = الجو في الوقت ذا صافي
ارجوك خفف من امواجك = يجيك منبــوز الاردافي
مابغى اهانتك واحراجك= وضـحت لك بيّن وخافي
* * *
ياعيوني خفن مواجعكن = حسبي على شخصن ابكاكن
الحزن حمّر مدامعكـــــن = كثر البكا زاد مـــــــن ماكن
الدمع ماعاد ينفعــــــــكن= الوقت قام يتحــــــــــــداكن
غالي وطاريه ينفعـــــكن= بعيد وهو وسطـــكن ساكن
• * *
خلاص ياللي هجـــــرتونا =من بعد هذا نسينــــــاكم
حنا اشترينا وبعتــــــــونا = اليوم بانت نوايــــــاكم•

[عبدالله الحضبي]

هذه وصية لإبني الصغير ماجد


ماجد أنا بوصيك مني وصيه = يابوك يوم إني على الخير راجيك
حافظ على دينك بنفسٍ رضيه= عز القريب وعز ضيفك وعانيك
وأمك لها فضل عليك وحميه= وأختك تراها تعتزي بك وترجيك
وأخوك له تقدير صبح وعشيه= تراه هو عزك ومجدك وحاميك
خلك عزيز يصير لك مقدريه= أخلاقك وطيبك تحب العرب فيك
ويمناك للجزلات دايم سخيه= وأكرم عزيزٍ يافتى الجود ناصيك
واللي يعزك لا تبديه سيه= إبذل معاريفك .. وربك يجازيك

[عبدالله الحضبي]

أنا والذيب


ياذيب الشقا ليه أنت هيضتنـي بعـواك=وصوتك شعى قلبٍ من الهجـر قزانـي
حنين المولـع لا تذكـر عنـا شكـواك=تهيض شجونه بين لوعـات وأحزانـي
مع الصبح لاجرّيت صوتك على مبـداك=يزيد الولع في القلب باشكـال والوانـي
أنا أقول يم الضلـع ياذيـب وش وداك=صدى الصوت ذكرني بهاذيـل خلانـي
ألا واعذابي لاقبل الليـل فـي رجـواك=تزايد همـومٍ سببـت دمـع الاعيانـي
تجدد جـروحٍ عذبتنـي بعـد مسـراك=وصوتك يخفف لوعة تحـرق أجفانـي
بسوي سواتك وأقنب الصوت وأخذ وهاك=من الغيض واللوعات والحزن واشجاني
ولي رغبةٍ ياذيب فـي ملتقـى نجـواك=أبي منك تشرح ماجرالك علـى شانـي
ترا اللي جرالي.. ياصديق الخلا قد جاك=تعاني من الويـلات والبطـن جيعانـي
وأنا في همـومٍ عذبـت مغـرم حليـاك=عذاب يزيد اللي على الوصـل هيمانـي
حسين المحيا ،ناعم العود ،غصن الراك=عُذيب اللمى، منبـوز الارداف، ريانـي
ذبحني وأنا فـي عالمـه فاقـد الادراك=تعلقـت بـه مابدلـه واحـدن ثـانـي
لأنـه هـو اللي حطنـي داخـل الشـبـاك=ملك مهجتي وأصبحت تايـه وحيرانـي

عبدالله الحضبي السبيعي

[عبدالله الحضبي]

عزيز النفس

قليل من ينفع بوقت الشدايد = وقليل من يمشي على اوصاة جده
قد قيل في الاجناب واللي نوايد= ماخبر به معروف 000 يرجع لضده
وراع النمايم 00 والهروج الزوايد = كلن يسبه مايبي له موده
يعيش وحداني00 ويجلس محايد= محدن يلد اله النظر او يعده
وبعض البشر دايم حياته نقايد= اسلاحه النمه على الناس حده
يشبها بين القرابه وقايد = ولامن بغيته حبل وصله يلده
*************
قالوا هل الحكمه علوم سدايد= باب يجيب الريح فضل مسده
************
رفقة عزيز النفس مكسب وزايد= واما ضعيف النفس مامنه شده
ابعـد انـا عـن ديـرة اهـل النقـايـد=وابنـي بـيـوت فالـخـلا مجـرهـده
اروح عنـد الـلـي كثـيـر الفـوايـد =وأكسب منـه معـروف وعلـوم عـده

عبدالله الحضبي السبيعي

[عبدالله الحضبي]

اهجريني

اهجريني ياحياتي واسعَــدي = واعلَمي أنّي سجينُ الأبدِ
كيف أنساكِ وقلبـــــي هائــــمٌ = دائماً يشكــو حياةَ النكدِ
إنني من حزن قلبي أشتكي = سهمَ حبٍ غائرٌ في جسدي
حبي المفقودُ قد عشــــتُ بهِ = بعيونٍ غُشيــــت بالرمـــــدِ
أين حبّي أين ألقَى سلْوتي = أين يومي أين أمسي وغدِي ؟
طاف بي حلمي وآمالي سدى = تهتُ قسراً وأنا في بلدي
مولع بالعشق منهوك القوى = لهفتي جذلى ووجداني صدي
إنني في عالمٍ يشكو الجوى = نالني منــــهُ عذابٌ سرمدي
وهمُومي زادت الجسمَ أسى = رعشةٌ طالت نواحي جسدي
أوقدي جرحي وآلام المنى= حطّمي كاسَ الأماني في يدي
جئتُ للذكرى وقد اشقى بها = لهفةً من حسرةٍ لم تخمدِ
ويضلُ الشوقُ فواحَ الشذى = إنْ تعودي لي تجددْ مولدي


عبدالله الحضبي السبيعي

[عبدالله الحضبي]

صرخة التحرير
قال الشاعر عبدالله الحضبي السبيعي

تبسم فرح طفلٍ رماله حجر وارتاح = سمع صرخة التحرير دايـــــم تناديله
رماهم بقوة عزم ماهمه الارواح= صمود انتفاضة شعبٍ النصر يــــــــومي له
بغى ثار أخوه اللي توفى بدون سلاح = قهر والقهر ينجب بطــوله وتبسيله
نظر في يمينه ثم شاهد زميل طاح= ونظر في شماله وأحرق الدمــــــع منديله
وشاهد عجوز تلطم الوجه بالمسباح= تجر الونين وترفع الصوت تشـــــكي له
وشاف اليهودي يكسر الناس بالألواح = والآخر رصاصه يحرق الناس باشعيله
وكل الشوارع مظلمه بالألم وصياح= قنابل ودبابات ضخمات ومـــــــــــهيله
ولبس له عمامه واحتزم ناوٍ المرواح= حياته خساره والمناصيــــــب وشهيله
وشارك مع أبطال الحجاره بكل كفاح= عسى الله يعينه لين يلحـــــق مواصيله
تحسّب على اللي حط وسط البلاد أشباح= وبنى دولة الصهيون بالغدر والحيله


فأعجب بأبياته الشاعر المعروف محمد بلقفص العمري فقال :




سطورك بها ريح النفل يازميلي فـاح=برغم إنها ترسم حدث بـان تفصيلـه
تمعنت في قافك وشفته بكـل ايضـاح=رسم ملحمة شعـبٍ تلوفـه بهاذيلـه
وحنا نناضر سطوة الغاشـم السفـاح=مثيل الـذي تابـع مسلسـل تماثيلـه
ويا الشاعر الحضبي عسى همهم ينزاح=ويفزع لهم ربـي بنصـره وتعجيلـه
ويبقـى عـدو الله يتجـرع الأتـراح=وتلقاه صرخات المآسي وتجـري لـه
ويرتاح طفـل هكـذا حالتـه ياصـاح=و يبرز شعار النصر والكفـر ياويلـه
وتهدى عجوزٍ سدها من عناهـا بـاح=ويسقط زعيم الكفر من بعـد تبجيلـه
يضل الفرح يمسي بهم والسعد سـراح=ويلعب حزين الأمس يكثـر مووايلـه
وتظهر فلسطين الأبيه بزيـن وشـاح=ويكسر صليب نعنبوا مـن يغنـي لـه
وتظهر عليها نعمـة الـرازق الفتـاح=بعد ما سقاهـا ظلـم لنـذال حنظيلـه

[عبدالله الحضبي]

المدينة المنورة


سلام الله على دار النبوه معقل الاسلام= على ديرة هل التوحيد واهل الدين واركانه
ديار عزت الاسلام في وقت مهم وهام= مشى فيها نبي الخير واسس نهج قرآنه
على طيبه واهلها كل يوم وكل شهر وعام=تحية من يكون الصدق والتقدير عنوانه
عشقت رجالها اللي في المواقف طيبين اكرام=رجال يسعدون اللي شكا من لوعة احزانه
ليا مني ذكرت السيح هاج القلب بالاحلام=وقبا والعنبريه والمناخه وارض سلطانه
ذكرت الحره اللي جالها عندي غلا وهيام=ونفسي في ربوع العزهيمانه وطربانه
وفي وادي العقيق اجمل معاني روعة الانسام =طبيعه رائعه في وسط شعبانه وضلعانه
سقا الله طيبه ارض الخير والمعروف والسلام=سقاها من حقوق الوسم ربانه وهتانه
على ذيك البقاع يعمها خير وفرح وانعام=وتطور وازدهار شيدت بالعز بنيانه
في ظل الدوله اللي للمعالي ترفع الاعلام=حكومتنا الرشيده حققت للعدل ميزانه
حكم عبدالعزيز اللي على الشرع الحنيفي قام=زعيم حقق الامن وبنا التاريخ بايمانه
وجاء بعده عياله بالوفاء هم صفوة الحكام=هل العوجاءحماة الدار واهل الدين واعوانه
عبدالله الحضبي السبيعي

[راعي الاوله]

عبدالله سعد الحضبي السبيعي
كاتب وإعلامي سعودي
عضو بنادي الطائف الأدبي الثقافي
صدر لي عدة مؤلفات منها:
بلادنا آثار وتراث
الخرمة
معالم الخرمة عن نادي الطائف الأدبي
بكاء الليل مجموعة قصصية عن نادي الطائف الادبي
متاهات ديوان فصيح عن نادي الطائف الادبي
سوالف الطيبين خمسة أجزاء
هموم الليل والدمعة


والنعم ‘
اسم معروف نجم في سماء الساحه الادبيه ،
متابع لك ويعجبني طرحك بشكل عام على الساحه ،
اتمنى لك التوفيق وسعيد بنجاحك على الساحه ،
تقبل تحياتي

[يارا العامرية]

صح لسسسسسانك ملاين شاعرناا ..

[ابو راكان]

كم نحن في منتدى عيال الحمايل. ..ع وحه العموم.
وفي قسم الهمس ع وجه الخصوص. .
محضوضين بوجود شخصيه فذه. .
لها مؤلفات وكتابات ادببه في الساحه العرببه.
.وانا ذلك لهو من نصيبنا الجميل. .
بأن تكون اخوي عبدالله احد اعضاء منتدى عيال الحمايل. .
فمنك نستفبد. .ومن ادبك وشعرك ..
نتشرب روائع الاحساس فبه وجمال وتفرد الكلمه
ذات وقع كالحلم الجميل والخيال الاليم في. .
وصف المشاعر والاحاسيس الفياضه. .

عبدالله الحضبي. .
هنيئا لنا بك ..وهنيئا لك بمنتدى. . يضم ببن جوانحه اعضاء هم تواقين للادب. .
تغمرهم قمة التقدير والاجلال لشخصيه في مثل مرتبتك الادبيه. . .
ارجوا لك التوفبق. .ولنا ايضا في سماء الابداعات الادببه. .

[هوى روحي]

شاعرنا الراقي
صح حسك وهمسك
ودام بوحك المرسوم بوفاء
حرفك
تحياتي لك ولي عودة
هوى روحي

[نــجــم]

صح لسانك

[عبدالله الحضبي]

جرح الضمير

أنا تراني في حياتي نائي =اشكي من الهجران ومعنيني
الطب مايعرف يعالج دائي=بين الألم محتار باللي فيني
طفّت هموم العشق قو اضوائي=ياويل حالي من عذاب سنيني
من حالتي كل الملا مستائي =يشفق على اللي صار ويواسيني
جرح الضمير ازداد في أحشائي=باسباب خل في الهوى ناسيني
كلي عطش ضامي يزيد أعبائي=مافادني حزني و دمعة عيني
ياكثر طعن الغدر من أعدائي =حتى فراغ الذات جا يطويني
لكنني بصبر على بلوائي=والله يوفق من صبر ويعيني
عبدالله الحضبي السبيعي

[عبدالله الحضبي]

سيرة وعنوان


من يرسم البسمهْ على شِفَّة انسان ؟=ومــن يـرْحـم الـلـي رافـــعٍ لـــه يـديـنـه ؟
ومن يعطي المحروم من دمع الأعيان=مــــن بــعــد مـايـفـقـد حَــــدا والـديــنــه ؟
والــورد لا مـنّـه شـكـى جـــور الازمـــان=مــن يقـطـف ازهــوره بـعــد ياسمـيـنـه ؟
واللي مسافر فـي البحـر وقـت الأكـوان=مـن يسعفـه ساعـةْ جنـوح السفيـنـه ؟
والخـافـق الولـهـان فــي وقــت الأحــزان=مـــــن يـســعــده ولاّ يـــعـــزّز حـنـيــنــه ؟
والـلـي تـنـكَّـد مـــن بـنــي عـــم واخـــوان=مـتــى يـحـصِّـل لـــه يـديــنٍ أمـيـنــه ؟!!
ومـن تـاه فـي صـحـرا تعـاسـه وحـقـران=مـــتـــى يـــعـــوّد لـلــبــلــد والـمــديــنــه ؟؟
ومـن عـاش فـي فقـرْ ومطالـيـب ديّــان=مـايـهـتـنـي فـــــي الــنـــوم ذِل وغـبـيــنــه
ومــن يفـعـل الحسْـنـات يـجـزى بغـفـران=ويــعــيــش مـــرتـــاحٍ بــبــاقــي سـنــيــنــه
وتـرى القناعـه كنـز فـي كـف عطشـان=مهـيـب مــن بــان البـخـل فـــي جبـيـنـه
والصـادق اللـي مخلـصٍ قـلـب ولـسـان=والــلــي فــعــل مــعــروف ربــــي يـعـيـنــه
ولاّ ضعـيـف النـفـس جـاهــل وخـســران=والــجـــزل مــداتـــه بـالأشــيــا الـثـمـيـنــه
وراع الــكــرم لـلـمـجـد ســيــره وعــنـــوان=والــرجـــل يـســعــد لا تـحــصّــن بـديــنــه



أخوكم عبدالله الحضبي

[عبدالله الحضبي]

هذه أبيات قلتها في احدى المسابقات عن الفتنه



مانسـتـمـع هـرجــة ضعيـفـيـن الـنـفـوس=أهــل الحـسَـد وأهــل العـقـول الضـايـعـه
والفتنـه اللـي سبـبـت بـغـض وهـجـوس=مالـلـفـتـن غــيــر الـضــعــوف الـخـايـعــه
كـــم واحـــدن مـافــاد عـلـمـه والــــدروس=مــاغــيّـــرت دنــــيــــاه مــــــــن طــبــايــعــه
هـذاك يحسـب مـن حسـابـات الهـيـوس=نـفـســه عــلــى فــعــل الـمـكــاره طـايــعــه
الـطـيـب يــرفــع صـاحـبــه ويــعــز روس=والــجــود مــثــل الــعــوده الــلــي ذايــعـــه
ماكـل مـن يـزرع كسـب زيــن الـغـروس=ولا كـــل مــــن يــرمــي كــشــف وقـايـعــه
أحــدن كـسـب ربــح وقـرامــات وفـلــوس=وأحــدن جـنــى خـســران مـــن بضـايـعـه
واللي كسب في الطيب باقات وكؤوس=مـهــوب مـثــل الــلــي حـيـاتــه صـايـعــه
راع النمامـه مـثـل عــودن فـيـه ســوس=وراع الـــجـــزالــــه تـــــابــــــع شـــرايــــعــــه

[عبدالله الحضبي]

http://im72.gulfup.com/xPwrLt.jpg (http://www.gulfup.com/?sxOqLp)

أبيات على الطرق القديم


ول ياقلب قسى مالتفت ليه= حط له بين المعاليق مسكاني
انتكاس الجرح مافيه ماويه= ساعة لا ناظر بخدر الأعياني
أرسل سهوم على القلب مبريه= وزادها هم وبهاذيل وأحزاني
والله إني في الهوى مخلص النيه= كيف يجزاني بصد وهجراني

عبدالله الحضبي السبيعي

[عبدالله الحضبي]

http://im72.gulfup.com/HuS8Xg.jpg (http://www.gulfup.com/?sdO4ir)

خذ ورده وعطني حنان وتباشير=ولا بعد خذ وردتين وسعاده
تكفي من الغالين ضحكات تعبير= احساس يكتب لحظة الشوق عاده
أبغاك دايم تفعل الطيب والخير= تعطيني الذكرى وأنا أعطي زياده


تعال نحرق عشقنا بالتناهيت= وتعال نرسم بسمة الورد في الخد
وتعال خل النبض يرتاح لا جيت= وتعال خل الجيد يثبت على القد
لاجل السعاده تشرح اللي لك أخفيت= وحتى تعلم وش سبب آهة الصد
هات الأمل واشرح لي اللي تمنيت=خل الخيال اللي نسيناه يشتد

عبدالله الحضبي