ماجد بن عبدالعزيز
19-01-2006, 01:14 AM
الكرم لله والشح للكف الشحيح=والرديه ماتجمل وراعيها ردي
وانت مدحك لي مذمه وذمك لي مديح =وادري اني منك ماني مبشر بسعدي
يابساط الريح هل الوداع بساط ريح=لفني بأطيب مبادي وخذني من يدي
اتحشا غيبة الناس والسب الصريح=واستخير بعيش يومي ولاانشد عن غدي
في مجالس راعي الهون ماني مستريح=اشتري فرقاه لو عشت عمري وحدي
له سموعي صم لو صاح والا مايصيح=وشيمتي عن خط سيره حدت رجلي حدي
لو بدا وجه حسن داخله وجه قبيح=جعلني ماحتد صوبه ولاصوب جهدي
لو يضيق البال ماضقت يالكون الفسيح=وكل غصنٍ في ذرى الوصل لصحابي ندي
انتشي ياريحة المسك ولساني فصيح=والفضل للي جمع مابين روحي وجسدي
لاتجي مع درب مترديه والا نطيح=ارتفع لمعانق سهيل والا للجدي
خلها ريحة خزامى وريحانه وشيح=وخلني ذيبٍ تعاوى ضلوعه ويعدي
الروايع دمها فوق سكيني يسيح=ينتقيها راعي الصنف يقول بعدي
ودام ربي ماكتب لاتحرى لي مطيح=والرجى في خالق الكون ذخري وسندي
شف طويق كان مازاحه الله مايزيح=والهقاوي في ربيع الجحازيم تغدي
لو نظرت بعين طبعك غدا المسلم مسيح=والهداية لمن لاسوى هديه هدي
اوعدك ماعاد لي فيك هقوه والصحيح=والله ان اموت واحياء وانا عند اوعدي
الشاعر // عوض ابوفقايا
وانت مدحك لي مذمه وذمك لي مديح =وادري اني منك ماني مبشر بسعدي
يابساط الريح هل الوداع بساط ريح=لفني بأطيب مبادي وخذني من يدي
اتحشا غيبة الناس والسب الصريح=واستخير بعيش يومي ولاانشد عن غدي
في مجالس راعي الهون ماني مستريح=اشتري فرقاه لو عشت عمري وحدي
له سموعي صم لو صاح والا مايصيح=وشيمتي عن خط سيره حدت رجلي حدي
لو بدا وجه حسن داخله وجه قبيح=جعلني ماحتد صوبه ولاصوب جهدي
لو يضيق البال ماضقت يالكون الفسيح=وكل غصنٍ في ذرى الوصل لصحابي ندي
انتشي ياريحة المسك ولساني فصيح=والفضل للي جمع مابين روحي وجسدي
لاتجي مع درب مترديه والا نطيح=ارتفع لمعانق سهيل والا للجدي
خلها ريحة خزامى وريحانه وشيح=وخلني ذيبٍ تعاوى ضلوعه ويعدي
الروايع دمها فوق سكيني يسيح=ينتقيها راعي الصنف يقول بعدي
ودام ربي ماكتب لاتحرى لي مطيح=والرجى في خالق الكون ذخري وسندي
شف طويق كان مازاحه الله مايزيح=والهقاوي في ربيع الجحازيم تغدي
لو نظرت بعين طبعك غدا المسلم مسيح=والهداية لمن لاسوى هديه هدي
اوعدك ماعاد لي فيك هقوه والصحيح=والله ان اموت واحياء وانا عند اوعدي
الشاعر // عوض ابوفقايا