قصآئد الشآعر : جزآء البقمي

[يارا العامرية]

http://www.kshmlk.com/vb/image.php?u=2741&dateline=1257157982





قصيدة انفلونزا الخنازير واللقاح الجديد

من كثر حزني وانعزالي والالام
صرت اتقهوى ( قهوة الصبح ) ساده !
ومن جور صلفات الليالي والايام
مالوم راس ٍ حاربته الوساده !
قلب الشقي مجروح / والا الخلي نام !
يغض عين ٍ مثل عين الجراده
لنّ الخبر .. متأزم وعاجل وهام
والجرح : ( ماله غير كف الضماده ) !
ماهيب لحية .. كيف تحقيق الاحلام ؟
ولا هيب لحية .. وين درب السعاده ؟
لا والله ألا بين بايع وسوّام
تخطيطها المرسوم وفق ( استفاده ) !
اكبر من حدود التوقع والإلمام !
واقسى من خضوع التقي وانقياده !
وانجس من يدين التشرذم والاوهام !

[يارا العامرية]

قصيدة بطاقة منفذ الإغتيال الغاشم

الشعر ياهل الشعر حانت فاقته
ولا خير في شعر ٍ على غير اتجاه

اتعب على بدعه .. وانقي باقته
لو كنت اجيبه من نحت صم الصفاه

اكبر من طروق الشعر وسياقته
ما شفت من جرم الغدر عند الطغاه

شرذمة ٍ دم الوطن اراقته
دستورها تكفير مدّين الصلاه

لو كان تجهل طعم جرم ٍ حاقته
ماكان وجه الليل يسترها دجاه

لعبت على خبل ٍ .. جحد علاقته
غاوي دليل ولا درى ويش السواه

قام يتمايل من طرب طقاقته
كرس لها بين المهالك ما جناه

خاوي فكر .. لو تجذبك لباقته
مثل الضرير اللي فقد نفعة عصاه

اعّيا طبيبه .. من بلا حماقته
وازهق حياته من خبث فكر ٍدعاه

نوّخ بعيره .. يوم ضيّع ناقته
لفت عليها ام الكباير من رداه

ام الكباير من رداها ساقته
في ذمتي من ساقته يلعن ثواه

ماهوب منّا .. كنسلوا بطاقته
ملعون خيّر من نكث بيعة ولاه

جعله فدا راس الوفا وعماقته
اللي على درب الوفا عطر ٍ نباه

روح الامن .. امن الوطن في ساقته
حامي بلاده ما توانى من وفاه

حر ٍ مواكير المعالي تاقته
يشلع لها يوم الردي تقصر خطاه

لا ما تخاذل .. ما يوّفر طاقته
لين خضعت روس الاعادي من دهاه

وجه ٍ تباشير السعد طلاقته
غنالها من زود ما ردت صداه

رايه سديد .. وميزته / حذاقته
يعطيك نبذه عن مفاهيم الحياه

ليث ٍ تدابير العدا ما عاقته
يسوق روحه فوق كفه من صخاه

هذا ( محمد ) .. من طغى بشقاقته
السيف الاملح كان ما عوّد دواه

من راس شيخ ٍ سيرته سبّاقته
تاريخ مجده .. منْحصر عند الرواه

( نايف ) .. نواميس الفخر عشّاقته
سيّد مقاديم العرب واده الدهاه

مزبان .. من كف الشقا .. طرّاقته
يبشر بعزه لا زبن منها ذراه

حاكم .. حكيم ..الطايلات .. شفاقته
شيخ ٍ مداغيش الوغى ترجي رضاه

وحنّا على عهد الوفا وثّاقته
ما نختلف مدامنا قيد الحياه

في ظل ابو متعب نعيش بساقته
اقولها والسيل ما يلحق ثراه

[يارا العامرية]

قصيدة البقوم



يا راسي المنّطنخ .. بالعز والهابه !!
سريتني من غلا الديره واهاليها !!
وبعض المواقف على الرجّال .. غصابه !!
يتعب علشانها .. ويجيك ناويها !!
سلام .. باول كلامي .. واتحفّابه !!
بالجمعه .. اللي على العزّه .. دواعيها !!
سلام .. باحلا طروق الشعر .. نبدابه !!
تسليمةٍ .. باسعد اللحظات .. نلقيها !!
يا لابة ٍ .. حيها والله من لابه !!
بين القبايل .. عزيزه .. وافتخر فيها !!
اهل الشرف .. والفخر .. للطيب كسابه !!
كسابة الطيب .. باولها وتاليها !!
في ساعة الضيق .. ل لارواح جلابه !!
وتقصر عن حدودها .. خطوة معاديها !!
عدوهم / نوم عينه .. ما تهنابه !!
يرتاع .. لوحى فعايلهم .. وطاريها !!
رجالهم / لو يشوف الموت .. ماهابه !!
نفسه .. على الموت بالشدات يرميها !!
سيف ٍ بحدين ما ينخاط .. مضرابه !!
ما يرحم الروس .. لا طالت يوطيها !!
كم من عقيد ٍعليه القبر وترابه !!
ما تمسي الليل .. من فقده نواعيها !!
يا سعد منهم .. بني عمه .. وله لابه !!
يذري ذراهم .. ليا هبت ذواريها !!
هم .. درع جنبي .. ذرا للراس وعصابه !!
ملجاي .. لانزّلت بقعا بلاويها !!
هم .. سيفي .. اللي بكفي .. دايم نصابه !!
خيره للاصحاب .. والعدوان يعميها !!
لا بان ميل الزمان وكشّر انيابه !!
وقفاتهم .. ترفع الروس .. وتعليها !!
يوم الجهل .. فالجزيره .. عاثي ٍ دابه !!
وصكات بقعا .. امبيّنة ٍ مواريها !!
والجوع .. والموت .. فيها كالح ٍ نابه !!
والنار ما تحرق الا رجل واطيها !!
سياسة الموت .. في تشريعة الغابه !!
تقضي على روس .. من فيها وتفنيها !!
ويوم الحرايب .. وكل ٍ يفتل اشنابه !!
ربعي .. لهم عزوة ٍ يرتاع موحيها !!
في ساقة اللي عليه الناس منسابه !!
على ابن غنّام .. محميه تواليها !!
شيخ الكرم .. والفخر .. والطيب وآدابه !!
من ماكر احرار .. معروفه مجانيها !!
والبيت .. عزّه عموده .. وزعة اطنابه !!
والمجد في صفحة التاريخ .. زاهيها !!
واليوم .. ولّى الجهل .. وانقشعت انشابه !!
وعم ّالفرح .. قاصي الدنيا ودانيها !!
وشعشع شموخ الفخر .. وانفتحت ابوابه !!
وعيّنت ناصر .. تغنى به .. قوافيها !!
كف الصخا .. والندى .. والجود .. وهابه !!
ما تنثني لو شحيح الوقت .. يلويها !!
عظيم فعل .. وسوار الدار .. وحجابه !!
لا كبرت المعضله .. بالجاه ينهيها !!
من راس شيخ ٍ نهار الكون يدعابه !!
لا عوّدت بين بايعها وشاريها !!
بينه .. وبين الموحد .. خط وكتابه !!
محفوظة ٍ .. بين كاتبها وقاريها !!
هذا ولانا .. خليط الغدر .. ما شابه !!
يشهد على صحته .. توثيق راويها !!
ينسى صويب الليالي .. كل ما صابه !!
لاصار له لابة ٍ تعرف عزاويها !!
افخر بفعل القبيله .. واتسموابه !!
بين العرب .. كلها حضر وبواديها !!
اسم البقوم .. افتخربه .. واتعزوابه !!
على الشرف لابة ٍ ترفع مبانيها !!
بالطيب .. حنّا هل المعروف واصحابه !!
والناس من دون واجبها وعانيها !!
ليا زبنّا غريب الدار .. قمنا به !!
مقام ٍ .. يفرّح عيونه .. ويرضيها !!
والجار .. نرفع مقامه .. ونتقصوابه !!
عاداتنا .. والعوايد .. ما نخليها !!
نتبع .. رضا الجار .. ما يرضيه .. نرضابه !!
حنّا هل الجيره .. ونعرف معانيها !!
الجار .. والضيف .. رب البيت وصابه !!
واوامر الله .. نتبعها .. ونمشيها !!
وخوينا .. لو تروح الروح .. باسبابه !!
ما يونس الزله .. شعوره نراعيها !!
ندمح له الزله .. ولا نكثر عتابه !!
مخوة اهل الوفا .. بالمال نشريها !!
ومن يمسح الجوخ .. بالله ويش نبغابه !!
علته .. عله عجز فيها مداويها !!
لو كان .. من كان .. ما فكرت في حسابه !!
سقطة متاع ٍ على الجرّه مواطيها !!
ومن طق باب العرب .. بيحصل اجابه !!
وهذا جوابي على الموضوع وانهيها !!
قلته .. وانا من رجال العز والهابه !!
لاد الحميدي .. ليا صوّت مناديها !!
تمت بذكر الذي ما تغلق ابوابه !!
الواحد اللي جميع الخلق محصيها

[يارا العامرية]

قصيدة يا وجه الله كان هذه سواتك


ضاق صدري .. وانت .. قاطعني ( شهر ) !!
والصبر .. لو طال ( قلّي ) ويش جاب !!
الله اكبر .. ويش باقي ما ظهر !!
دام في ظهر الوفا .. مغروس ناب !!
سقت لك عمري .. على كفي .. مهر !!
ودست .. من شانك .. على روس الصعاب !!
ولا كسبت .. إلا دموعي .. والسهر !!
ولا شكيت .. إلا تباريح العذاب !!
ولا زرعت .. إلا من اشواقي .. زهر !!
ولا جنيت .. إلا مشاريه العتاب !!
الجفا .. في حق من حبك .. دهر !!
والوفا .. في حق من حبك .. سحاب !!
وكف جورك من طعوني ما طهر !!
وصدك المعتاد .. لازم ( يستتاب ) !!
الشتا .. لا غبت .. شدّبي .. الظهر .. !!
واستلذ .. عيون .. شوقي لك .. وذاب !!
واستباح .. ضلوع صدري .. وانصهر !!
وانفتح له .. في ضلوع الصدر باب !!
يوم شفته .. في ضلوعك .. مزدهر !!
لا يغيب .. ولا يموت .. ولا يهاب !!
جف شوقك .. يوم شوقي لك .. نهر !!
واستوى .. عندك .. حضوري والغياب !!
وكان .. ودك تعرف .. اشمعنى ( القهر ) !!
القهر : ( لاصرت تطرد لك سراب ) !

[يارا العامرية]

قصيدة يا كبر حظ النوم


يا كبر حظ النوم .. لازار عينك !!
يكفيه من عينك .. ( معانقة الاهداب ) !!
مالوم .. لو دنّق .. وقبّل .. جبينك !!
لنّه .. مثل قلبي .. على ضمتك ذاب !!
مانيب قايل : من ضنا الشوق .. ( وينك ) !!
لنّك .. بنيت بداخل الصدر ( محراب ) !!
قلبي .. وعيني .. من غلا .. محتوينك !!
وروح الغلا .. تهديك .. ( حله وجلباب ) !!
كن ّ .. الشهد مسكوب في شفتينك !!
شوف .. النحل .. وشلون من حوله احزاب !!
سلهامة عيونك .. ( فضيحة كنينك ) !!
فكت .. على خافي معاليقك .. الباب !!
حتى عرفت انك : تبادل رهينك ..!!
نفس المشاعر والغلا .. قلب واحباب !!
شوف الغلا .. وشلون بيني وبينك .. !!
يكتب .. على نبض المعاليق .. ترحاب !!
غنيت له : من صادق الود .. لينك .. !!
قمت .. اترنم لي .. على صوت الاعجاب !!
غمّض عيونك .. ثم قرّب يدينك .. !!
من صدري اللي كن يصلاه .. شباب !!
ابيك تشعر .. كيف يشعر .. ضنينك !!
لا دورك .. بين المحاني .. والاهداب

[يارا العامرية]

قصيدة امنيه لم تتحقق


يا كثر ما قلت الليالي تجيبه
واثر الليالي .. للجفا روحت به !!
وكل ٍ على ما قيل ياخذ نصيبه
وما جات به سود الليالي .. غدت به

[يارا العامرية]

قصيدة يا مترفه


يا مترفه .. قلب المحبه .. ذاب لك !!
و طرف الرضا .. لاشتاق لك .. يشتاق لي !!
مالوم .. ترياق الغلا .. ينساب لك !!
يسكب .. عليك .. من الغلا .. ما لاق لي !!
اهرام شعري .. لو تعانق .. بابلك !!
ما كان .. صدر السالفه .. قد ضاق لي !!
ما قلت لك : جو الاقامه .. طاب لك !!
لو قلت لك : ليت الغلا .. ينساق لي !!
وما قلت لك : بحر الهوى .. وش جاب لك !!
لو قلت لك : ساحل عيونك ..راق لي !!
رمش الجفا .. من كثر صدك .. شاب لك !!
لين ارتسم .. في محجره .. ما تاق لي !!
يبكي قهر.. قلب الغلا .. لا غاب لك !!
قلب ٍ ..( صدا صوته ) يقول : اشتاق لي !!
صدري ورق .. دم الوفا .. كتّاب لك !!
( ليت العنا .. من عالمك .. ما واق لي ) ..!!
يا مترفه .. ليت الوله .. يغتاب لك !!
قلب ٍ سكر .. من غيبتك .. ما فاق لي ..!!
يدن .. رعّادك .. ويشهق .. وابلك !!
وسمعي .. من حقوق السحابه .. باق لي !!
انا كذا .. في كل .. حاله .. قابلك !!
( دام الوفا .. لاشتاق لك .. يشتاق لي ) !!

[يارا العامرية]

قصيدة الجاذبية و الغيم


الله اعلم .. وش اللي .. صار بين المحان !!
من سبايب هنوف ٍ ساقت ركابها !!
المشاعر ترازم .. والقصايد لسان !!
واللقا منتظر ... والشوق غنّابها !!
جادل ٍ تستميل الغيم من حيث كان !!
لين صدر الغمام .. اشتاق لترابها !!
الولا .. والوفا .. والحب .. والامتنان !!
كلها .. ترسم الضحكه على اهدابها !!
والغلا .. ينتشي .. والشعر يزهر عشان !!
يسرق عيونها .. ويزين باعجابها !!
اطهر من النقا .. وازكى من الزعفران !!
واصدق من الشعور اللي تهقوابها !!
لو تبسّم .. يضيع الشيح .. والقحويان !!
و لو تضيق .. اغلقت شمس الرضا بابها !!
تحتويني محبه .. واحتويها حنان !!
وا تعنّى لها .. واموت واحيابها !!
لو تهون المحبه .. حبها ما يهان !!
ولو تزيد الجفا ... باموت باسبابها !!
ولو يقولون .. مال الحب عهد وضمان !!
قلت انا ادري .. ولكن قلبي ادرابها !!
ولو تطول الليالي .. لو يشين الزمان !!
لو يدين الجفا تهوي بمخلابها !!
في خفوقي غلاها .. ما يزعزع مصان !!
دونه ضلوع صدري ..ساتر حجابها !!
احتريها .. على كف اللقا .. والمكان :
( بين روح المحال وبين جلبابها ) !!

[يارا العامرية]

قصيدة عسى الله ما يخليني


شكت عيني .. تباريح السهر .. في حزنها المنقاد .. !!
على خد المواجع .. دمعة الحرمان .. تنهيني .. !!
يثور الصمت في وجه المحال .. ويكسر الاصفاد .. !!
وانا بين الرجا والياس .. اجامل غربة سنيني .. !!
تضج .. عروق .. معلوق .. الحنايا .. والصبر .. مافاد ..!!
واداري .. دمع حرماني .. عسى .. ما تذرفه .. عيني !!
واحاول .. بس .. الملم .. ما بقالي .. و الزمن .. ماجاد .. !!
على .. باب النجاة .. الريح .. تنثر ما يعزيني !!
انا .. مدري .. ولكن .. بيني .. وبين العنا .. ميعاد ..!!
ولا ادري ويش سوّى .. مير تبقى حسرته فيني .. !!
غفيت ولا غفيت .. إلا على صوت القهر يزداد .. !!
صحيت ولا صحيت الا .. على ضيعة عناويني .. !!
اقول : الحزن ما يبطي !! واثار الحزن ماله ماد .. !!
على جرهد سباريت العنا الموحش يوديني !!
على تابوت حلمي .. تنسج البسمه .. ثياب جداد ..!!
تعيش .. ولا يعيش اللي على الدنيا .. يعنيني !!
يقولون : العرب .. ماعاش من فارق ( اهل وبلاد ) .. !!
وانا اقول : البلا .. لا صارت الغربه .. تخاويني !!
تبعثرني .. هواجيس الظنون .. وشرهة النشاد .. !!
واشوف .. اف / بارق عيون الظلام .. ( الغيم يبكيني ) !!
نديمي .. والزمان اللي .. حرمني .. بالشقا معتاد ..!!
يصبحني .. على نزف الجروح .. ولا يمسيني ..!!
دخيلك .. بس .. يكفيني ..انا .. لو قلت لك .. وش عاد ..!!
ابسكت .. وانت لا تشره .. عسى الله ما يخليني !!

[يارا العامرية]

قصيدة فيصل الرياحي القلب يحزن والعين تدمع


الحزن .. من يومين .. للعين .. دارق ..
.. كنّه .. وكن الدمع .. فيها متواصين
كنّه .. غدى .. في محجر العين .. وارق ..
قام .. يتطاولها .. كما ( حد سكين )
والقلب .. يحزن ..والمدامع .. تغارق ..
.. وحنّا .. على فرقا .. الرياحي .. مصابين
انا اشهد ان الفقد .. موجع .. وحارق
كسرة ظهر .. لا والله .. الا عمى عين
راح .. وترك .. من خلفه .. الشعر غارق
من .. عقب .. ماله .. يطربون الملايين
شعرٍ .. يخلد .. فالمواقيف .. شارق
( تبكي .. عليها .. المحبره .. والدواوين )
رمز القبيله .. ذايع الصيت .. فارق ..
تشهد على مااقول ..( كل الميادين )
بيرق .. فخر .. ماهوب .. مثل البيارق
في كل .. ماقف .. تكبر القاله ..! يبين
ويا رب .. يارب .. النجوم .. الطوارق
يا منزل .. الانفال .. والطور .. والتين
يا رب .. إلك .. تسبيح .. راعد .. وبارق
ومن هيبتك .. صم الحجاره .. لك .. تلين
تفتح له .. ( ابواب الرضا ) .. جاك ( طارق )
( فيصل ولد منصور ) .. ياربي . ( امين )
وتكسيه .. سندس .. ويتركّى النمارق
بين .. الصحابه .. والرسل .. والنبيين
العمر .. ظل .. وصاحب العمر .. مارق
وآخر .. حدود الظل ..( خامه ومترين )
قد قيل .. عاشر .. تاليتها ( امفارق )
من طين تخلق .. واخرتها .. الى طين

[يارا العامرية]

قصيدة قبلة الوداع من منتظر ل بوش


بالله يا محمد .. ابي ترفع الصوت !!
خلّه يلعلع .. والفعايل لها شان !!
هذا الصحيح .. ودوك ذا العلم مثبوت !!
علم ٍ صريح .. وله دلايل وبرهان !!
( تسلم يمين .. اللي ضرب بوش بالبوت ) !!
.. سلّم عليه .. وحب خشمه .. ولاهان !!
شاته من اليمنى .. على جبهته .. شوت !!
انا اشهد انّه صاحي الراس .. صنيان !!
عبّر .. عن اللي بين الاضلاع .. مكبوت !!
( شحنة غضب ) .. تفجرت مثل بركان !!
كنّه .. يقول : الوضع ( مزري وممقوت ) !!
صرنا .. طعام جحوش .. يا طير حوران !!
وكنّه .. يقول : النصر .. في عين جالوت !!
يوم ان .. جيش العز .. مافيه من خان !!
وكنّه .. يقول : الغلّ فالكبد مفتوت !!
حتى غدينا .. بين مطرق وسندان !!
غصن الصبر .. يا صاحبي .. صار محتوت !!
وحمامته .. جرت قهر .. صوت الاحزان !!
( دينك .. وعرضك .. دونها .. لازم تموت ) !!
و.. ( بلادك اللي ضمتك بين الاحضان ) !!
الصوت .. ما ينفع .. ليا فاتك الفوت !!
والعز .. في سطوة مناعير .. وسنان !!
إليا متى .. نبلع .. إهانات .. وسكوت !!
ونار العرب .. من غير .. شعله ودخان !!
( تكريت .. والبصره .. وبغداد .. والكوت ) !!
تبكي قهر .. في كل ليله .. علشان !!
حل الدمار .. وشعب دجله .. بلا قوت !!
وكلب السكك .. يعتاش من جثة انسان !!
امراض .. واغلب شعبها ماله .. بيوت !!
وشاشاتنا .. تنقل .. وننظر بالاعيان !!
يا بوش .. مالك عندنا .. غير .. تابوت !!
عليه نكتب : ( ذا جزاء كل شيطان ) !!
اكبر خنازير النصارى .. وطاغوت !!
مفسد .. على الدنيا .. ومجرم .. وخوّان !!
كلب المجازر .. تنشر الحرب والموت !!
بغداد عانت منك .. وبلاد الافغان !!
والقدس تشكي منك .. تشكيك بيروت !!
وجيش اليهود .. يبيد غزّه ولبنان !!
في خاتمك .. ( نص السياسات ) منحوت !!
انشد .. وتلقى علمها .. عند الالمان !!
ويا ( منتظر ) .. وش تنتظر .. قدمك ( الموت ) !!
لكن .. غسلت العار .. يا ذرب الايمان !!
قلت .. وفعلت .. وكل خلق الله .. اسكوت !!
وانا اشهد انك .. صاحي الراس .. صنيان !!

[يارا العامرية]

قصيدة جذع السالفه


العمر طرقه .. والمنايا راحله !!
والصبر لو غنيت به ما زادني !!
يم المواني .. ما قبلني ساحله !!
لو لي تظاهر بالفرح .. مارادني !!
كني عليه من الشقا لا ناح له !!
تضحك عيون العاصفه لا صادني !!
ليت المساء لا رتادني .. ينزاح له !!
شي ٍ على صدر الجفا ما فادني !!
مير البلا .. صدر الجفا .. ما فاح له !!
اشعر بضيقه ..لا بدا يرتادني !!
ولا كل من نال الرضا .. ينباح له !!
شي ٍ من هموم الليالي .. كادني !!
لو هز جذع السالفه .. ما طاح له !!
غير الذي من ضيقتي .. ما بادني !!
واللي تلجلج فالضلوع الناحله !!
ما اشحن عيون اللي عليها .. قادني !!
جرد المحاني .. من عتابه .. ماحله !!
وانا على رجوى المخايل .. عادني !!
يا صاحبي لو قلت لك : مرتاح له !!
ما قلت لك : لا وحيت صوته نادني !!

[يارا العامرية]

قصيدة مشاعري ع الحديده


الحزن بيت ... وصادق الدمع شباك !!
واليل خيّم فوق صدر القصيده !!
والهم شعله .. والمعاذير تنباك !!
منها ضلوع الصدر راحت وقيده !!
طعنت ظهر الحب .. وزداد الارباك !!
ولا فيه علم ٍ جاي من تحت حيده !!
وحاولت ادراي غلطتك واتحاشاك !!
واثرك من الله ودك ابها نكيده !!
مدري وش اللي فيه قصرت .. وش جاك !!
مصدوم منك .. و صدمتي بك شديده !!
مدري اقول : انك على البال وابغاك !!
والا غديت لمخلب الكره صيده !!
اتعبتني من كثر ما ودي ارضاك !!
وضحيت من شانك .. باشياء عديده !!
و كثر الخطا من عين مغليك وطاك !!
من عقب .. مانت براس ماله .. رصيده !!
صحيح / أحبك .. واعشقك .. واتمناك !!
لكن .. سجين الصدر / فكيت قيده !!
دفتر معاذيرك .. شكى من سواياك !!
ماعاد باقي فيه صفحه جديده !!
تعبت اجمّل فيك .. وادمح خطاياك !!
ياخي .. ترا مشاعري ع / الحديده !!
ماعادني .. يا صاحبي بترجاك !!
فارق .. ترا لا رحت ما انت بفقيده !!
مانيب قايل : عذّب القلب فرقاك !!
بالعكس من بعدك حياتي سعيده !!

[يارا العامرية]

قصيدة يقولون يا لبّى قلب لميس


في تركيا كل الصبايا مزايين
حتى العجايز عندهم مسفهلات
عجوزهم .. فتاه في بحر عشرين
تمشي على الموضه وفن الموديلات
ولميس هزت شعب كامل بثنتين
دلالها الطاغي .. وسود ٍ كحيلات
بنت ٍ عليها الزين من وين لوين
ياخذ بها في عالم الحسن جولات
من فوقها البلور .. وخدودها التين
وباقي جسدها .. من حلا الشهد يقتات
ماهوب قولي .. ( ذا كلام المجانين )
اهل العقول الضايعه والسخيفات
بناتنا .. بالعز .. والطهر .. والدين
عن كل ما يخدش حياهن عفيفات
من دونهن حنّا .. نهار الوغى الشين
نسوق ما نملك اليا صار ميلات
يشهد لنا تاريخ مؤته وحطين
ويشهد لنا تاريخ عصر الفتوحات
فالمملكه بس البنات المزاييين
اللي عليهن يفخرن العبايات

[يارا العامرية]

قصيدة لا والله ألا راحت


تضيق في عيني الدنيا .. وتشعاها !!
لاصار ليلي يغط النور مجدوله !!
وافك ازارير ثوبي .. واتحراها !!
ومن ضيق صدري .. خفوقي ضاق به جوله !!
الجادل اللي كوتني يوم فرقاها !!
خلت عيون الرضا بالهم مكحوله !!
اغفى ..على صوت طاريها.. وملفاها !!
واصحى .. على شهقة التحنان .. وذبوله !!
ادري بغلايه ..ولا كن ويش خلاها !!
تقطع حبال الهوى .. ويضيع مفعوله !!
لا صار ما جا خفوقي من شقا جاها !!
( وش خانة الحب دام الصد بيطوله ) !!
ودام القصص .. جابها من كان وداها !!
تسلم يمين البطل .. ويصح منقوله !!
من عقب .. ما مالت الكفه وشلناها !!
والسالفه .. عند راويها ومدلوله !!
راحت .. وقلبي حلف مايوم ينساها !!
راحت .. وقلبي عليها تقرع طبوله !!
الجادل .. اللي يتل القلب طرياها !!
اللي لها في ضلوعي .. صوله وجوله !!
راحت .. وعيني عليها منتثر ماها !!
وامال قلبي .. من التوديع مقتوله !!
راحت .. وانا في رجا الله ثم رجواها !!
لا تذبح الخافق اللي عنه مسؤوله !!
راحت .. وصوت العتب .. لا صحت نداها !!
( غيبتك طالت .. ترا ماهيب معقوله ) ..
راحت .. وانا مالي إلا طيف ذكراها !!
لا ارخى علي الظلام الهم بسدوله !!
راحت .. وكن الجفا ماعاد يبغاها !!
كنه يقول : الخطيه منك مدبوله !!
راحت .. وخلت جديد الشعر يرثاها !!
من عقب ماكان فيها يجتمع لوله !!
راحت .. وخلت عروق القلب تظماها !!
من عقب ما غيثها فالصدر هملوله !!
راحت .. ولا عاد خلت غير لاماها !!
وخلت عروش الخفوق وباقي الدوله !!
ومني لها .. بيت واحد بس وعفاااها !!
ابيه .. لا اشتاق لي خفاقها تقوله !!
جايز : يدين الكريم المال ما اغراها !!
بس الاكيد : البخيل يديه مغلوله !!

[يارا العامرية]

قصيدة مافيه حي ٍ مات من صدته حي


الليل .. ياخذ مابقى من سهادي !!
والعين .. من كثر القهر مابها ( مي ) !!
يصعب علي ّ ابكل شي انقيادي !!
والليل يقتل ظلمته واهج الضي !!
يا صفحة النسيان .. غاية مرادي !!
القى على يدينك ( لتقيّلتي ) في !!
إليا متى .. كثر الخطا والتمادي !!
ماعاد يجدي نفع .. قول ( اصبر شوي ) !!
بذلت لاجل الحب جل اجتهادي !!
وقدمت معلوقي على راحة ايديّ !!
احيان يحداني على الحب حادي !!
واحيان اقول : انّ الهوى عالمه غي !!
وياللي نسيت الحب .. وين انت غادي !!
تلوي ذراع الحب في خافقي لي !!
لا صار مال الحب عندك مبادي !!
ان جيتني لاشي .. وان رحت لاشي !!
غيبتك عندي لو تغيب .. امر عادي !!
غيب .. وتشوف اشلون ما اثرت في !!
الله معك .. ماعاد لك في فوادي
ذرة غلا .. مالك سوى جرحك الني !!
بنساك .. والمعذار ( كبوة جوادي )
وبستأصلك .. واطويك من واقعي طي !!
لاصرت تبغى .. الصد والابتعادي !!
الله معك .. لكن اباقول لك شي !!
مانيب ميّت لا قطعت الودادي !!
مافيه حي ٍ مات من صدته حي !!

[يارا العامرية]

قصيدة < علموها >


ضاقت دروب الوصال المجرهده !!
في عيون اللي من الضيقه .. سراها !!
عزتي .. للي زمانه صار ضده !!
وش بقى .. لا كفّت الدنيا يداها !!
خالفه وقته .. وللضيقه يحده !!
ثوّر البندق وثارت في خباها !!
راح عمره .. ما تحقق ما يوده !!
وديمة همومه على صدره غثاها !!
شانت اطباع الزمن .. هزله وجده !!
وزلة الوافي .. كبيره عن سواها !!
ومن يقول الصبر ينهي كل شده !!
ما تحس النار رجل ٍما تطاها !!
ومن يفصّل ثوب لا ماهوب قده !!
لا يضيق .. ان كان نفسه ما كساها !!
هيه .. ياللي تستحي من هرج بده !!
لا تقول .. الناس ما ترحم عصاها !!
ادري ان اللي على درب الموده !!
يكتم الحسرات صدره .. ويتباها !!
لو ضحك .. مقهور والفرقا تهده !!
كلمتين .. وجابت عيونه مداها !!
في مشاوير الغلا روحه ورده !!
منتهاها .. مبتداها .. منتهاها !!
والهنوف اللي سطت فالقلب مده !!
لايجي في بالها .. تقصر خطاها !!
جادل ٍ في حكم قلبي مستبده !!
ليتها ترفق على قلب ٍ هواها !!
كنّها .. من حكم هتلر مستمده !!
استباحت دم قلبي من غلاها !!
ايييه .. ابا وقف جفاها عند حده !!
لين .. تدري ويش سوابي جفاها !!
قلبي اللي من غلاها فاح نده !!
كيف تجفى من خفوقه في رجاها !!
بعد ما جارت على قلبي تقده !!
كيف راحت من خلاها في خلاها !!
اييييه .. قلبي من غلاها باح سده !!
واييييه .. عيني من جفاها هل ماها !!
علموها .. لا تزيد الصد .. صده !!
لا تعلقني .. على رجوى لقاها !!
وعلموها .. ما بقى فالحيل شده !!
تلحق اللي راح قلبه من جفاها !!

[يارا العامرية]

قصيدة الهلال الهلال الهلال نادي البطولات


تاريخك الحافل على بيض الاوراق
يشهد بأنك تستحق الزعامه
لك في قلوب الشعب عهد ٍ وميثاق
وكسبت حب الشعب فوق احترامه
ارضيت يا ناد البطولات الاذواق
ولك من سنام المجد عالي سنامه
كنك معاهدنا على بذل الاشواق
تزرع ونجني من حضورك فخامه
خصمك على الميدان قافيه الارهاق
يتعب ولاله مكسب الا الندامه
لنك على مجد البطولات تواق
مابه غرابه كل شخص ومقامه
تتعب على ذلك ودرب الذهب شاق
ومن يعشق القمه يزيد اهتمامه
عينك على كسب النواميس تشتاق
هامه على مجد البطولات هامه
ينساق لك جمع الجماهير ينساق
ياللي لك الجمع الغفير احتدامه
هذا الهلال اللي له الكاس ينساق
هذا الزعيم ويستحق الزعامه

[يارا العامرية]

قصيدة نحورنا دون نحرك يا رسول الله


ويش عذري يا قصيدي يوم حان الوقت حانا
ويش عذري يا قصيدي والنبي سبوا جنابه
ويش فودك يا القصيد ويا الرصيد ويا اللسانا
كان ما ذبيت عنّه باللحون وبالكتابه
يا قلم سجّل كلامي سجلّه لا لا توانى
والمشاعر ثايره والقول في محكم كتابه
كيف عرض المصطفى في تالي الدينا يُهانا
حسبي الله يا كلاب الشر وجحوش العصابه
من حدود الصين لين النيجر ونهرين غانا
يا رجال الدين هبوا يا حصونه يا حجابه
من يدافع عن رسول الحق والدعوه سوانا
يا الاسود ويالنمور ويالصقور ويالذيابه
ويش نبغى بالحياة ان كان عرضه ما يُصانا
يوم عبّاد البقر سبوا وزادو في سبابه
ما رضينا له شتيمه ما رضينا بالمهانا
نور نبراس الشريعه زاد دربه مع شرابه
يوم تجريد السيوف ويوم تخضيب السنانا
ما تكاسل عن طريق ٍ بالرساله قد مشابه
يوم كان الجهل سايد بان نور الحق بانا
شي بيّن في كتاب ٍ قد قرابه من قرابه
نفتديه بكل غالي قمة الحب وغلانا
بعد حب الله نحبه جلّ قدره والمهابه
بان حقد الحاقدين وصار واضح للعيانا
ولا بقى فيها كلام ولا بقى غير المجابه
والتكاتف صار مطلب لاجل صد اللي غزانا
صف واحد اييه واحد مثل ما صف الصحابه
في تضرع يالهي في سكينه ذا دعانا
شل يمنى اللي رسم واللي تطاول في خطابه
ديننا دين السلام وهدي طاه يا هُدانا
رحمة العالم محمد سيف قول الله نصابه
يا صلاة الله عليه إعداد ما سارت خطانا
وعد مالبى حجيج وعد ما هلت سحابه
قلتها باسم الجميع وما خفى صادق ولانا
باسم اهل الدين كله قلتها عنهم نيابه
نحمد اللي عن طريق الزيغ للحق اجتبانا
نحمده رب الجلاله صادق الوعد بكتابه

[يارا العامرية]

قصيدة ل ناصر الفراعنه ل سبيع ل لوطن ل لشعر


اللازمه !! تلزمني ابذل ما وراي من الجهود !!
لو اعتذر !! مالي عذر يا صاحبي من دونها !!
لا صار مالي عن هل الميقاف صده يا حمود !!
لا بارك الله في رجال ٍ ما تسد ديونها !!
الله يقبّح من بخل بالجاه !! والا بالنقود !!
ولا خير في رجل ٍ يعد السالفه ويخونها !!
سلام تسليمة وفا لاهل الوفا ,, إبلا قيود !!
لو يختلف لون الزمن ,, تبقى ويبقى لونها !!
والوقفة اللي جمّعتنا .. ما يزعزعها حسود !!
ما دامها وقفة وطن .. على الشرف مضمونها !!
وقفة ظفر .. لا ما تضام !! ولا لنا عنها صدود !!
حنا يديها لا قبلت ,, بالحال حنا متونها !!
وقفة فخر .. وقفة عطا .. من الحدود إليا الحدود !!
على سلوم العز والرفعه نجّر لحونها !!
نضرب على الكايد بحول الله !! ولابه ما يكود !!
تشهد لنا سود الليال ,, اللي برق مسنونها !!
ما بيننا عادات .. وسلوم .. و مواثيق .. وعهود !!
من عهد بقعا !! والقنا والشلف تفتك كونها !!
لا عدوا ابطال الوطن .. ( ناصر ) على الفور امعدود !!
شاعر وطن .. دون الوطن قصيدته وفنونها !!
باسم الوطن .. حنا معه ,, حنا معه ,, يرقى سنود !!
لا تشحنه بعض الخشش لا كشرت بسنونها !!
لا لا تشيل الهم يا ( ناصر ) وحنا لك عضود !!
والفاتنه في ذمتي ذمه تبا فرعونها !!
كسبت حب الناس .. والعالم على ذلك شهود !!
كنّك خذيت الرايه ,, وحايز على مليونها !!
الرايه اللي رفرفت بالعز في راس العمود !!
في ذمتي لدّت على قصر الحكم بعيونها !!
اللازمه !! تلزمني ابذل ما وراي من الجهود !!
لو اعتذر !! مالي عذر يا صاحبي من دونها !!
الله يقبّح من بخل بالجاه !! والا بالنقود !!
و لا بارك الله في رجال ٍ ما تسد ديونها !!

[يارا العامرية]

قصيدة وزارة التربية والتعليم وحقوق المعلمين والمعلماات


اشكي على الله موجعات الهمومي
اللي تدك ضلوع صدري وتشعاه
حتنّ عيني من قهر ما تنومي
داريت لكن ما تفيد المداراه
وسكت لين انباح سد الكتومي
اللي كتم غيضه ولا بث شكواه
واليوم مابه غير فرك الخشومي
بضربّها والرزق في يدين مولاه
وبثني لها ساقي واشن الهجومي
وابيّن المستور وابحث خفاياه
كبدي من الكذب الملفّق تحومي
وادبل كبد اللي سمع ما سمعناه
اليا متى كذب الوزاره يدومي
اللي حدت قلب المعنّى على اقصاه
الكذب والتظليل سلم الرخومي
اللي على التعليم جرّت معاناه
ما عمهم فيهم عزيز محشومي
مير الغثا بذّ الخفا لين جزّاه
سلب الحقوق ابرز صفات الظلومي
والظلم يوم البعث راعيه يلقاه
حق المعلم بيّع من غير سومي
بيعة بخيص وعارف ٍ ربح مسعاه
الحق والتحسين صارت حلومي
حلم المعلم في حياته ولا جاه
حق المعلم ما لقاه مهضومي
ولاله جدا غير الدعا والتأوّاه
بيبطي عظم ويعضّ راس البهومي
ما جاه تحسين ٍ ولا ذاق مشهاه
حوادث التعليم في شكل يومي
تحدث ولكنّ الوزاره تحاشاه
اميه وستين الف صاحو عمومي
تكفى يا ابو متعب ترا الوضع مأساه
وامعلمات بكل ليله ويومي
على طريق الموت ويدين مظماه
اقرب لهن من باليات الهدومي
وكل ٍ تقول اليوم عيني تحراه
وياكثر من راحن الاف الرقومي
يصعب علينا حصرهن لو جمعناه
راحن ودمع اطفالهن بالكمومي
وحلم النقل معهن دفنّا بقاياه
في غبة الموت المحقق تعومي
سفينة التعليم واللي بغيناه
اميه وستين الف صاحو عمومي
تكفى يا ابو متعب ترا الوضع مأساه
من بعد ربي يا قوي العزومي
على يديك الحلم تصدق روياه
انت الوحيد اللي عليها جزومي
يا حر يا ابن احرار نجد المسماه
يا سيدي هاذي حمايض علومي
الوضع مزري بس في يدينك ادواه
اميه وستين الف صاحو عمومي
تكفى يا ابو متعب ترا الوضع مأساه

[يارا العامرية]

قصيدة حسن بن راشد ابن الذيب


سلام من هاجوس شاعر كنّها ريح الزهر
في خايع ٍ تشتاق له عيني وبالي يطربه
او كنّها غر المزون اللي تخيل ابها المطر
او كنّها هيبة سمو الشيخ لا جا موكبه
تسليمة ٍ من صادق شعور المغنّي تختصر
اللي يدور بخاطره حبر القلم ما يكتبه
على الرجال اللي لها في قمة العليا مقر
اهل الفعول اللي على كسب الجميل مدربه
من بعدها جا للقصايد دور والشاعر حضر
والله يبارك بالقصيد اللي يحقق مطلبه
يقول عيدين السنه ( عيد الفطر عيد النحر )
وذا الليل عيد وشوفة اهل الطيب غاية مكسبه
الشعر ديوان العرب والموج لا هاج البحر
والوقت كشّاف الخفا لو قلت حامض يا عنبه
مابيني وبين القصايد حب وإجلال وفخر
اصوغها صوغ الجوهرجي ليا صاغ ذهبه
والماقف الغصّاب مالي عنه مجناب وعذر
ولا خير في رجل ٍ يخلي لازمه يجنبه
ماجابني من دار ابو متعب ليا دوحة قطر
إلا غلا من حاز مجده مرتبه في مرتبه
لفيت يابن الذيب واللي جابني حب وقدر
لك يا سليل المجد يا دمث الجناب ومنسبه
راع القبال السمح والصيت المذاع المشتهر
متسلسل ٍ من راس عود ٍ فالمعالي مرقبه
طلق الحجاج ومزبن اللي جار وقته وانقهر
وتشيل حمل اللي شكى من ثقل حمله منكبه
ابن الرجال اهل القنا واهل النقا واهل الظفر
تاريخها مثبوت مايبغى كلام مجربه
حمّاية الابل من قديم الوقت في خوف وعسر
يوم الزمان الشين والضيم المقدّر ونشبه
يوم العرب ماماتت إلا عند حسكات الوبر
ومن لا ارتدع بالطيب سيف اهل المواجه يلهبه
ما دونها ألا ساطي البارود والدم الحمر
ولا دونها ألا كل قرم ٍ حط عمره مزهبه
اعمار طلقين الوجيه اللي تساق لها مهر
وما راح فدوه دونها ما فيه شي ٍ تحسبه
عجمان يوم النار والبارود والشطه دهر
في ذمتي تارد حياض الموت ماهي ترهبه
مزبان من حده زمانه لا شكى ضيم وفقر
في ظلها يامن شرور الوقت يا من مخلبه
لو قلت وألا قلت يا ابن الذيب مجد ٍ ما انحصر
شي ٍ يفوق الشعر والتاريخ وحروف كتبه
وانا من اللي مجدهم تاريخ وفعول وذكر
سمو البقوم اهل الكرم والمعجزات المعجبه
وكل القبايل نعم وألا الطيب ماهو بالحكر
ويستاهل التقدير رجل ٍ ما تغيّر مذهبه
ماجابني من دار ابو متعب ليا دوحة قطر
إلا غلا من حاز مجده مرتبه في مرتبه
والماقف الغصّاب مالي عنه مجناب وعذر
ولا خير في رجل ٍ يخلي لازمه ويجنبه
لفيت يابن الذيب واللي جابني حب وقدر
لك يا سليل المجد يا دمث الجناب ومنسبه

[يارا العامرية]

قصيدة بيّض الله وجه صلفات الليالي


اتنقّى من فريد القاف غالي
عادةٍ لي يوم جا للبدع فاقه
من فرايد شعري ابدع ماطرالي
بيني وبين الشعر فن وعلاقه
كنّي الشايب وكنّه من عيالي
ومن غلاته ضفت انا اسمه فالبطاقه
يا ابو فيصل مابقى فيها مجالي
وانت تدري وش مواجيب الرفاقه
يا ابو فيصل مابقى فيها احتمالي
والصبر لو طال مر ٍ في مذاقه
انت تدري عن خفايا ما يقالي
وانت ما تجهل حديث ٍ في سياقه
الجمل يبرك ويشتال الثقالي
والبحر لو ديس ما يخلف زراقه
والمراجل ماهي بخشم الريالي
والدوا قد قيل ما فاد الحماقه
ماجرالي يا ابو فيصل ما جرالي
صك طاقه تنفتح مليون طاقه
خاب ظني فالبعيد وفالموالي
ومن يطيح يهاب درب الانزلاقه
ادري ان اللي ضحك لي مابكالي
ماتبي يا مسندي فهم وحذاقه
بيّض الله وجه صلفات الليالي
علمتني ويش مفهوم الصداقه
ايه والحر يتعلا فوق عالي
ما يعيقه شي لا حان انطلاقه
ماكره يا مسندي روس الطوالي
ما عليه من الغراب ولا نعاقه
علّم اللي وده يزيد انفعالي
المنافق بان للعالم نفاقه
طاح من عيني بعد ما كان غالي
مثل تمثال العراقي في عراقه

[يارا العامرية]

قصيدة مزاين عتيبه الهيلا


سلام والسالفه ماهيب محفوفه
لا والله ألا على العالم بنعلنها
تسليمة ٍ من رصيد القلب مصروفه
للابه اللي دعتني في مزاينها
مزاين ٍ هال عيني يوم انا اشوفه
شيٍ يهول العقول وما بدى منها
لولا افتتاحه باقول انّ هذه بروفه
سبع العجايب وعن ذاه ثامنها
لابة فخر من قديم الوقت معروفه
مع قمة المجد معلنة ٍ تضامنها
لا ثار عج الرمك واختلطت صفوفه
تارد على نارها لا ثار داخنها
يوم انّها بالقنا والشلف محيوفه
امجادها شامخه والوقت بيّنها
على الكرم والحميّا طيب مشغوفه
والشّح والبخل فيها ما تعيّنها
تمد ما خشيت من الوقت ونكوفه
لا ضامها الوقت ما صكت خزاينها
واللي حداه الزمان وشانت ظروفه
عليه بعتيبه الهيلا ويزبنها
بيامن من الوقت والفاقه ومن خوفه
ويعيش محشوم والدنيا بيامنها
انا اشهد انه بينسى كثرة حسوفه
في حلة اللي محكحكة ٍ معادنها
ومن يزعل من الحقيقه يضرب الطوفه
اهل الدوادي علوم الطيب تحزنها
اقولها من صميم الذات وحروفه
قامت تبهاها عن الهزلات صاينها
وانا من اللي اليا زاد الزمن حوفه
ما عيّنت خير قوم ٍ ما تواطنها
عيّنت الاتراك يوم الحرب وكلوفه
كثر الجثث ما لقت شخص ٍ يدفنّها
لا هب فيها الهوا سمعت معزوفه
صوت الاظافر يجلجلها يدندنها
وياكم شيخ ٍ على يدينا لقى حتوفه
من ضربة ٍ قاضيه ما عنّه وعنها
اصواتنا فالدبايل قيل معيوفه
سمو البقوم وفعايلنا تبرهنها
امجادنا من حدود البيش للكوفه
يشهد لنا الوقت والتاريخ دوّنها
واليوم حنا جنود الحاكم سيوفه
للدوله اللي كتاب الله ديدنها
لا من زهمنا نهار الحرب وعصوفه
جينا ملبين والارواح نرهنها
لا جاء نهار فيه الانظار مخطوفه
يبشر بنا قبل ما تذن مأذنها
وختامها سالفه ماهيب محفوفه
لا والله ألا على العالم بنعلنها
اللي حداه الزمان وشانت ظروفه
عليه بعتيبه الهيلا ويزبنها

[يارا العامرية]

قصيدة إمام المسجد وجماعته


البارحه بيني وبين المناما
مثل الذي بين العرب واليهودي
مافيه غير النار مابه سلاما
ماعادبه توثيق رسم الحدودي
عفت المناما وعفت ريش النعاما
ومن بار بالميثاق ماله عهودي
ماطب عيني والخلايق نياما
سهران واهل البيت حولي رقودي
اعيّد مسرح ما جرا باهتماما
ماهيب دبلاجة مسلسل سعودي
لا والله ألا ما يجّب العظاما
اقولها من بعد بيّح سدودي
يا محمد المنعور دوك الكلاما
يالصاحب الغالي وسيع البنودي
ان قلت وشلونك باجيبك تماما
وانا في صدري مثل قدح الزنودي
لقحت وجابت يا محمد اتواما
مير البلا يا ابن السلاطين سودي
ومحظور شرعا ً اكل مال اليتاما
وألا انت تدري وش يبّل الكبودي
والمسجد المذكور يبغى إماما
وجماعة المسجد عليهم شهودي
قامت تخاطفهم طيور الظلاما
ولا لا يغرك لو يطول السجودي
ناس ٍ عن الحق المبيّن تعاما
والمشكله لا صار بالجهل زودي
لا صار تخلط بين حل وحراما
وش عاد باقي يا عريب الجدودي
تبث منهجها بشرق ٍ وشاما
شرذمة ٍ تنقاد لا ما تقودي
في صفها تقسيم ألا انقساما
والبيت ما يبني بليا عمودي
ولّي يا دنيا شاب منها الغلاما
وما فات حي ويمكن انّه يعودي
والله يا وقت ٍ يذل النشاما
يوم الردي رزته حمر النقودي
يعل جنسه للفنا والعداما
لا صار ما يجزع ولا فيه فودي
ومال الرقاب الا صقيل الحساما
والله يعز الدين وآل السعودي

[يارا العامرية]

قصيدة ارتفاع الاسعار نار في نار والشعب انهار


يالله .. يالمعبود .. يالنافع .. الضار
ياللي على امرك تستخيل المخيله
بامرك تسوق الريح خيرات وامطار
تحيي هشيم القاع ويسيل سيله
يالله .. بوجهك عن صودايف الاقدار
يالواحد اللي كلنا نلتجي له
يالله .. تلطف ستر سترك يا ستار
ما عاد باقي في يديني وسيله
افكار .. تقبل بي وتقفي بي افكار
ولاهو بغادي فالطريق الدليله
صدري غدا به مثل نقطه ودوار
هموم تقفي عنه .. واخرى تجي له
كني على تفصيل الاخبار رادار
سمعت واللي شفت انا اشيا مهيله
كله سبب زود المعيشه يالاخيار
والزند يقدح فوق خشم الفتيله
لا والله الا ولعت نار في نار
عزي لكم ياهل الفلوس القليله
لعبه محاكه بالخفا بين تجّار
وعذر الموزّع .. ( زاد سعره وكيله )
من عقب الاسهم .. ضاع مشروع الاعمار
وقصرت يدين اهل اليدين الطويله
ضحايا الاسهم ..( نصهم ) راح للشهار
(والنص الاخر ) .. عاش عيشه ذليله
والشعب هلّ الدمع مدرار .. مدرار
كنّه على وهّاج حام المليله
ما عاد يقدر يدفع قسوط واجار
والهمّ .. ياكل ما بقى من حصيله
ماهيب ملّي صارت القصه امتار
وكبد المعنّى من غثاها عليله
حتى البهايم تشتكي رفع الاسعار
زاد ( الشعير ) وين تلقى مثيله
تكفى يا ابو متعب ترا شعبك انّهار
وضعه تردّا والغلا شد حيله
قايد مفدّى عند شعبك وبيطار
يالقايد اللي ما رضينا بديله
يا حر ياللي جاذبك ماكر احرار
مالك مكان إلا براس الطويله
لا جات عندك تنتهي كل الاشوار
يصنع لك الممكن من المستحيله
عاين بعين العطف وتشوف الاضرار
شوف الغلا اللي مبتلينا بميله
يا سيدي حنا لكم وقت الاخطار
عون ٍ على الشدّه .. سيوف ٍ صقيله
حنا قبايل .. بس لا ثوّر غبار
من دوم عرض الدار نصبح قبيله
من دونكم حنا متاريس وجدار
يوم العميل يخون رفقة عميله
والله يديم الامن وطوال الاعمار
والله يحفظ الدار واهل الفضيله

[يارا العامرية]

قصيدة لا مكان ولا زمان


حرفنة فكر ومشاعر زان فيهاا الليل زان
جتني اجموع المعاني في محلي بالآلوف
كان ودك تعرف اللي صار في وسط المحان
عطني اذنك واستمع قول المعاني والحروف
يا فلان الهم خيّم في فؤادي يا فلان
وشن غاراته عليّ وجيشه يسل السيوف
ما قضى دينه يا كيف الداين يصير المدان
والحمول الجايره ما زمّها فوق الكتوف
مال حظي في زماني وين بالله اتزان
وين بالله اتزان الحظ والدنيااا تلوف
لاصبح الثعلب يجر الذيب و يجر الحصان
لا على الدنيا ملام و ولا على الدنيا حسوف
منة الوقت الغبيه زادت الصابر هوان
واستوى في نظرته اقبال وقته والنكوف
تصفيه لحساب شين الوقت والمكتوب حان
دفتر الصادر بوارد مل من صك الرفوف
هات ما عندك وانا يا وقت باجيب الضمان
ماخذ الميثاق منّه ما تفرقنا الظروف
حط معدالك وانا بحط معدالي رهان
واثق ٍ بالقول مرّه ما على الواثق حلوف
لو يصيرالمستحيل الكايد العسرالجنان
لو تجيه الخلق تمشي في صفوف وفي صفوف
لو يطيح المرتفع ويصير في واد الطمان
لو يضيع الطيب ويعيش الملا دون امعروف
لو يدور الكون وتصير العشر عنده ثمان
باقي ٍ حبي بقلبه مثل شوك بوسط صوف
مستحيل يهون عنده حب خله ما يهان
ومستحيل يهد حب العز ظرف ٍ ما يروف
انقشع زيف الظلام وبان فيه الحق بان
وافترش حبه عروقي وازهر القلب الشغوف
استمديت الحنان ومنه يا زين الحنان
اسمه بقلبي مسجّل باقي الخلق امحذوف
ما ذبحني غير قوله لا تكلّم وش كمان
ولا تلخبط في كلامه لا تفوتك لا تطوف
تل قلبي مبسمه لا لاح برّاق الثمان
وانتثر شلال ليل ٍ حوّل يدك الردوف
لو تجي عينه بعيني صارت الساعه ثوان
ولو تجي يدّه بيدّي ما بقى شي ٍ كلوف
حبي بقلبه كثر ما يلجم الخيل العنان
وحبه بقلبي كثر ما فاز بالعليا قروف
إنكسر مجدافي اللي كنت اجدف به زمان
وصار قطعه في يدي والثانيه راحت عيوف
يشتكي قل التعامل شعر ما قاله لسان
ويشتكي بيض الورق نزف المحابر والكفوف
ما جهل جور المخاوف غير من عاش بامان
وما عرف قيمة امان الروح شخص ٍ فيه خوف
مثلما قال المثل في سالف ايام الاوان
سوف يظهر ما خفا دهرك ولكن لا تعوف
ما رفعت الصوت يا عيني ويا ليلي لا دان
ما رفعت الصوت رايق آه يا عيني و اوف
أن حصل شوفة حبيبي سيّد البيض الحسان
طاب فال المهتوي والليل عينه ما تشوف

[يارا العامرية]

قصيدة مشاريه الغلا


مع نسانيس الصباح ومع تشعشاع الشروق
مع براد النسمه اللي تشتكي جور الرياح
انكسر راس القلم بين المحاني والعروق
وانتثر وسط المحاني حبر هالصدفه وساح
النخل لو مات ظامي ما شكى جور العذوق
والشتاء لو زاد حره ما شكى شمس الصباح
والفتى لو زاد جوعه ما رضى يدّه تبوق
والاسد لو شان حظه ما يعوّد للنباح
كم شجاع ٍ في دروب المرجله دايم سبوق
و كم سجين ٍ كل همه لو يفكون السراح
والكذوب اللي تكلّم صار في هرجه صدوق
يوم صار الكذب عنده مثل وقعات السلاح
يوم مرت من يهمه كذبته عيّى يروق
لا هو اللي ثار فيه ولا هو اللي استراح
والكريم اللي يدور حاجته عند الهطوق
عزتي له يوم صارت حاجته عند الشحاح
والوفا لولا الوفا ما كان صدري به يتوق
والفشل لولا الفشل ما صار فالدنيا نجاح
والعنا لولا العنا ما كان في جوفي حروق
والبطا لولا البطا ما كان في قلبي رماح
والغلا لو زاد عندي له مشاريه وحقوق
والسهر والنوح والمسرى على درب الكفاح
والعرب لو كان منها ما رضت منهو سروق
وانت سارق بالغلا قلبي وزدته باجتياح
ما سرقت إلاّ حلالك ما طعنت إلا ّ خفوق
ما رضيت إلا ّ رضاك وما زعلت إلا ّ سماح
نعنبو جد القصايد ما تغنّى لك طروق
وانت سيد الحسن كله جد ما فيها مزاح
كل حرف ٍ من حروفي لو تغنّى فيك شوق
ما وصف غاية مرام القلب لو غنّى وصاح
منزلك وسط المحاني منزلك في وسط موق
عيني اللي من غلاتك ما تناظر فالملاح
تبرق بعيني واشوف الليل تتلاه البروق
لا نتثر شلال شعرك فوق خدك ثم طاح
ما بغيت إلا ّ حنانك بالمشاعر لو يفوق
لو يصير الوصل قايم ما بقى فيها جناح
نتفق في شي واحد لو بنا عدة فروق
الغلا يبقى غلانا والخفايا ما تباح

[يارا العامرية]

قصيدة استنادا الى ما حدث كانت الضرورة الملحة


يا سنين الحب مدري يا شهوره
وين راح اللي إليا ضاقت نصيته
المشاعر غيم واحساسي زهوره
والمحاني سور والخفّاق بيته
لاجل عينه منهك الشعر وبحوره
هيض مدري غيض لكنّي بديته
دورة الدنيا على السالين دوره
مابكوا حي ٍ من الفرقا بكيته
غاب وغيابه تحاوم بي طيوره
وخافقي ما بين يعلّه وليته
الهلال يغيب والمقبل ظهوره
والمصيبه كان طوّل ما رايته
ما يصلي غير من تمّم طهوره
قالها اللي يوم لبّاني دعيته
كان فالدنيا لقلبي من ضروره
هو ضرورة خافقي إلاّ فديته
كن وقتي ذاب في روعة عطوره
وكن ليلي قبل عرفه ما سريته
وكن قلبي رجم وضلوعي اسبوره
اتحرّى جيّته وان غاب جيته
يوم هاج الموج في صدري شروره
حط صدره فوق صدري واحتويته
اه واللي قد ذبحني في حضوره
ضحكة ٍ خجلا تبين إليا التقيته
واه يا لبى عناده مع غروره
يكفي اني من عناده قد خذيته
اتحاشى زعلته واشري سروره
واتساقط له رطب لو ما جنيته
سلسبيل الثغر لو برشف خموره
اكتفي به عن كلام ٍ ما حكيته
صار صدري دولته والعوج سوره
والمشاعر من غيابه مستميته
اتيمّم قبلته لانشع نوره
دون عينه حس قلبي ما نهيته
مني فروض الغلا واحمي ثغوره
ودون وجهه ما ذخرت اللي قنيته
من تفاصيل الغلا بعطيه صوره
دفتره داخل ضلوعي ما طويته
اه لو يقرا حروفي في سطوره
يجزم اني في غيابه ما نسيته
ادري ان الحب محفوف بخطوره
ويدري اني غير صده ما شكيته
وكان مل وبان في عينه فتوره
لا يظن اني على الفرقا حديته
وكان قلبه قد نوى صده وجوره
لايجي في باله اني قد نويته
وكان قلبه ما يعبّر عن شعوره
يكفي اللي في عيونه قد قريته
بعتذر له لو يطوّل في قصوره
لام من لايدري اني قد هويته
بس يكفيني على هذه مروره
لا قراها يدري اني ما نسيته

[يارا العامرية]

قصيدة مجلس خيال الفكر


لاظلم الليل وبدى نور القمر والليل طال
واستوى ليل القصايد بين رفضه والقبول
اقبلي يا شمعة حروفي ويا عين المقال
مرحبا بك كل ما جيتي على قرع الطبول
مرحبا بك في حنايا صدر شاعر لا يزال
يسال بصوتٍ تحشرج يا متى تصحى العقول
يا متى يصبح علينا فجر مافيه ابتذال
ويامتى يقطر ندى ورد ٍِ تغشاه الذبول
ويا متى نقدر نواجه من غدر فينا وجال
وانتهك حرمة مشاعرنا وشيطانه يصول
وانتهز فرصة تعاطفنا وقرر ثم صال
واصبحت كل الذياب الجايعه فينا تجول
اتضرع لك آلهي في دعائي ببتهال
تنجي اهل الكهف من وزر المآسي والحمول
ويا حروفي يا حروفي كان ما جالي مجال
باخذك بالعفرته غصبٍ على خشم العذول
وبرفعك فوق النجوم وفوق هامات الجبال
ماكرك فوق الغيوم ودونه الكاسر يحول
توسونامي بجعلك في عصرنا الحالي مثال
من راى قوة دمارك صابه احساس الذهول
واكرمك من طيب ذاتي والكرم عند الرجال
شيمه وقيمه لمن مثلك على فعله صمول
واجعلك في عين من يكره ( معالينا ) اخلال
ترهبينه مثل ما رهب شيخ بغداد المغول
قد اكون الشاعر اللي قال شيئا ً لا يقال
او كما يبدو بأني كنت شاعر بالشمول
ارتوي من فيض شعري ما يكفيني زلال
واتمادى بالطلوع ولا يخوفني نزول
اعشق الصعب وعلى ما اشوف يصبح راس مال
من يفكر بالخروج اشلون يبدا بالدخول
كيف اضيّع مزهب الرحله وحالي مثل حال
شخص مضنيه السفر رجلي ّ ولا حصّل ذلول
امتلا مجلس خيالي من شغاميم العيال
واستوى فنجال كيفي والحقايق ما تزول
عود ٍ ازرق يستدير ونار في جال الدلال
والسوالف تدرج بين النشامى والزحول
خوة اهل الطيب مكسب مابها شك وجدال
والمعاني واضحه والقول يثبت بالفعول
لكن الضيقه سرت بي يوم نادوني تعال
غصب عنّي رحت هذا شي ما عنّه عدول
جاء على بالي غزال ٍ مايشابه له غزال
لا حشى ماله شبيه وما طلب منّي ينول
يجفل ليا شاف عالم او تحرك له ظلال
كنه الظبي وبأسم الظبي سميته جفول
جل من صور جماله جل ربي ذا الجلال
ويش تبغاني اوصف ويش اخلي ويش اقول
لا طويل ولا قصير ولا دقاق ولا جلال
كامل ٍ بالزين عرض وكامل ٍ بالزين طول
كامل مكمل تكمل بس لله الكمال
يحرسه ربي من الحسّاد والنذل الختول
لا قبل الحسن الفريد الزين يا زين القبال
قلت بسم الله عليه ويا عسى عمره يطول
ولا ستدار الموت كله لا تمايل ثم مال
اخذ اللي طاح منّه في تمياع وخمول
مشيته مشية زعيم ٍ فاز في ساحة قتال
وضحكته ضحكة صغير ٍ ما يبي ذولا وذول
ونظرته نظرة عديم ٍ ماكره فوق الطوال
وجلسته جلسة امير ٍ حوله الخدّام ضول
والقوام الزين كله ويش هيفا وش نوال
جسم رويان ونعومه والخجل يا هوو خجول
خده الثلج المسمّى وجنته نار اشتعال
لاقوت ناره تذيبه اقوى ثلجه شعول
نوض خده مثل برق ٍ انقشع وسط الخيال
والبلا ليل ٍ تحدّر فوق ردفينه يهول
والعيون السود زادت قلبي الحاني خبال
ارسلت لي جيش كامل بالسلاح وبالخيول
مكحله بالحسن خلقه ماهي بحال اكتحال
ارتويها شوف واسكر دون خمر ولا كحول
والرموش العكش مركب والحجاجين الهلال
والشفايا جمرتين وتحتها عقدين لول
ضيق مبسم وسع عين وجبهة ٍ ناضت تلال
وحلو منطوق ٍ كما غيث ٍ غمرني في هطول
والحسام اللي نصف وجهه يمينه والشمال
مثل سيف القايد اللي لا خفيف ولا عجول
اه يا نحر ٍ سباني وآه يا حلو الخصال
وآه يا ردف ٍ شكى من جور مشكاته رجول
وآه يا غرو ٍ سلبني بالمحبه والجمال
وآه يا ورد الربيع وآه يا عطر الفصول
مرتوي غنج وبراءه مرتوي طيش وهبال
اشهد اني صرت في حبه مثل قيس امْهبول
كامل ٍ في كل حاجه بس عمره يا طلال
عشرة سنين وثمان وست نقْصها بحول
يحتفل فيه المكان اللي يجيبه احتفال
زينة الملبوس حتى لو لبس خرقة همول
غير عن كل الخلايق شي ما يخطر فبال
كيف يا قلبي بجيه وكيف تحقيق الوصول
عشق أهل الباديه سيل ٍ يجيهم يوم سال
وعشقه بقلبي ترى ماهوبسيل ألا سيول
ما بغيته بالحرام ألا بغيته بالحلال
وفق ماسنّه آله الكون والهاد الرسول
اتركه انساه هذا ياملا والله محال
كيف ابنسى من غدى رغبة فؤادي والميول
ما بغيت إلا هاذيك العين لحقها بدال
ويهتني عاشق بعاشق وافرح بشوف الزعول
امتلكني بالمحبه وامتلكني بالدلال
لين خلاني اقرر بين كفيه المثول
واساله من زود حبي له وابي رد السوال
الهوى شي ٍ جميل وله قوانين واصول
كيف يتركني كذااا من دون ايّات اتصال
والمشاكل يوم زادت ما تبي غير الحلول
كان شعري ما يرده هذا صكي باعتزال
كل بيت ٍ قد كتبته حتى لوانّه فضول

[يارا العامرية]

قصيدة هذه المشكلة ,, وينك يا حل


يا قلم في وجهك الليله تخليني وحيد
اترك المجنون يضرب في بقاياه الزناد
وين انا وين السعاده خاب ظنك يا سعيد
كيف تستحلي عنايه والحبايب في بعاد
كان هذا هووو كلامك كيف اجل قول البعيد
اترك المجنون تكفى لا تزيد الهم عاد
قالوا العّراف مالك يالحديد إلا الحديد
ما علي من الليالي والسيوف اصلا ً حداد
ما يذوق الهم غير اللي من الجنه طريد
بعد ما ذاق العوافي مع نسانيس البراد
دهوره شيطان ٍ احمق في دهاليزه مريد
ولا تركْه ابد ٍ بعد ما صار تحقيق المراد
والعميد اللي وصل اعلى مراتبْه العميد
ما وصلها غير بالدعم المكثف واتحاد
موهبه مع فن واخلاص ٍ على راي ٍ سديد
خلته بالقمه لحاله على ظهر الشداد
والجديد اللي تقوله يا فؤادي من جديد
في سبيلك عابر ولا لك سوى كومة رماد
والغرام اللي يزيد ولا وصل حده يزيد
ما تركني لو دقيقه صار شرب ٍ لي وزاد
ثورته في وسط قلبي كسّرت سطح الجليد
وحرّك الساكن بعد ما كان معلوقي جماد
صار سلطان المشاعر والمشاعر له عبيد
يشهد الله ثم يشهد خلق ربي والعباد
ما تمنى قلبي السيد المبجّل غير سيد
سيّد الاسياد سيدي سدت يوم الله اراد
طهْر مريم متحد مع عقل هارون الرشيد
وزين يوسف مكتمل مع طيب عصبة شهرزاد
من صفر وانا عيوني تنتظر ليل ٍ مجيد
ولا اكتمل ليلي معك يا كود في ثاني جماد
ان جفيت اعرف بأني وسط ذا الدنيا زهيد
وان لفيت اعرف بأنه في حياتي شي زاد
انت في عيني زياده ما عليك امن البليد
شب قلبه يوم شافك عن دروبه دوم صاد
وانت صرت الموطن اللي فيك يا حلو النشيد
عاصمة حبي بنيتك بالتعب والاجتهاد
وانت في قلبي سكنت وحبك يغذ الوريد
وانت في دنياي واحد قدت قلب ٍ ما يقاد
وانت اسمك في لساني كل ما قلته يعيد
نشوة الاحلام في ذكرك على بالي تعاد
فالحنايا دولتك عمرتهالك حيد حيد
ولاجل عينك هاض قافي بالطواريق الجداد
دنيتي لو غبت عنها لو دقيقه يا عنيد
ماتت عروق الحياة وزارها لون السواد
لو يموت الابن قبل الجد ما يارث حفيد
قول ربي في كتابه نعْم ما قال الجواد
راس مالي حبك ولالي سوى حبك رصيد
ثروتي وزعتها مابين أحفادي وكاد
ما سلكت الدرب خايف لو جوانبها تقيد
والله اني باللقا صامل ولالي بالشراد
بالنقا والعز وسلوم الاوادم ما نحيد
بين قوسين القضيه كاد ياصل كاد كاد
الهوى مثل المعارك من سقط فيها شهيد
من مشايخة الهوى جتنا الفتاوي بالجهاد
خضت حربي في هواك بقوة الباس الشديد
واتحد في وجهي الصمت ولياليك الشداد
كيف تبغاني اقاوم جور همك بالجريد
وانت خابرني خضار وغارة همومك جراد
اتصالك يوم جاني بعد غيبه يوم عيد
بعد ما ذوقتني كاسك على مرّ السهاد
من غيابك يا حبيبي بنشدك وش تستفيد
اسالك بالله جاوبني تراني معك جاد
الغياب اللي تغيبه يقتل الحب ويبيد
اترك الغي ودروبه واسلك دروب الرشاد
با ختصار انا حياتي في يدينك يا فريد
فارض ٍ حكمك على قلبي لوحدك بنفراد
يا تصون الروح وإلا دوك ذا العلم الاكيد
كان ما تذكرحقوقي حان تسليم السداد

[يارا العامرية]

قصيدة بدهان الشمري ,, تكفى يا قبلان


بسم الله المعبود رب البريات
رب ٍ خلق خلقه ومحصي عددها
رب ٍ تعلاّ فوق سبع السموات
رافع سمواته بليا عمدها
يعلم خفايا ما خفا من خفيّات
ويعلم خفايا طيبها من حقدها
ومن بعدهابشرع بترتيب الابيات
ابيات شعر ٍ من ضمير ٍ نقدها
ماهي بلحية هات وش هات من هات
لا والله ألا زاد جاير نكدها
قضية ٍ هزّت جميع المجالات
يبست عروق كبودنا في ضهدها
والصوت ما ينفع إليا فايته فات
والناس لا تذخر عليها جهدها
والادمي يفنى والايام عجلات
والمرجله ما كل رجل ٍ وجدها
تكفون يا هل الطيب واهل المروات
يالفزعه اللي فرّحت من نشدها
مليار نعم تخصكم يا الشرارات
انتم مقر النخوه انتم سندها
اهل القنا والخيل واهل الصقيلات
وراس الطويله طيبكم قد صعدها
وانتم هل الطالات واهل الجمالات
رجالكم كل المكارم حصدها
وقبلان يا نسل الكرم والبطولات
يا بن الحرار اللي ينومس هددها
مالوم صدرك لو يزيد التنهات
ومالوم عينك لو تزايد سهدها
حتى و لو عانيت لوعه وضيقات
ضيقتك ذكر الله يبدد لهدها
وقبلان يا قبلان زبن الونيات
تنخاك شمر ترتجي بك ولدها
اعفو طلبتك ثم سو المفاجاة
وقّع وثيقة عفوكم واعتمدها
اعتقه لاجل الله لله بالذات
وابشر بجنه ويش تبغى بعدها
تلقى ثوابك يوم نشر السجلات
يوم الشقي محروم لذة سعدها

[يارا العامرية]

قصيدة للقلوب النقية فقط اخوها يصير خال ولدي


انتشر حبك بجسمي لا وحتى بالعظام
واختلط حبك بدمي فالمعاليق يعدي
يا هيام ٍ في هيام ٍ في هيام ٍ في هيام
يا ضياعي يا اتجاهي يا دروب المهتدي
لو تذوق النوم جفني ما تهنّى بالمنام
طاوله فيك الغرام وطاوله فيك سهدي
لك حبيبي في ثنايا جوف هالقلب احترام
لك حبيبي قولتي لبيه آمر يا بعدي
كيف اصبحك بسلام وكيف امسيك بسلام
وانت في مجرى وريدي مع سواقيه تغدي
لك عيوني لك حياتي لك سنيني لك مقام
لك حلالي لك فؤادي لك ورودي وشهدي
فوق كفك دق حنّا والبلا فعل الزمام
والحلا ليل ٍ تسلل فوق الامتان اجعدي
لا طويل ولا قصير ويا حلو زين القوام
جلّ من صوّر جمالك في غرامك مولدي
ما لقينالك شبيه ٍ في غتادير الشوام
وما لقينا لك شبيه ٍ في بنات الاحمدي
انت دانه وانت ايه وانت عشق المستهام
وانت نادر في عيوني يا عيوني وسعدي
وانت والله يا صغير الحب من قبل الفطام
ما قصرت الفكر دونك لا ولا ضاع جهدي
وانت امسي وانت انسي وانت جرحي والختام
وانت والله يا حبيبي شمعة اليوم لغدي
وانت غاية مقصدي يا روح روحي والغرام
وانت شف البال والله وانت غاية مقصدي
احسد البرقع عليك ولا حسدت الا لثام
كيف ما يخجل وليله ما غدى عنه اجودي
فوق خدك حب خالك وازعلوا منه العمام
كيف يقدر يستبيح الخد يا خد ٍ ندي
ترتدي ثوب الشرف والعز من فوقه وسام
كيف ما يصبح وسامك وانت عزه مرتدي
بنت شيخٍ ما توانى ما يفك الا الزحام
فزعة اللي ينتخي ويصيح تكفى يا سندي
والحظيظ اللي قرب حظه من حظوظ الكرام
ما خشى شر الزمان ولا خشى الحظ الردي
اترك الواقع واعيشك في خيالي بنسجام
واربط الواقع باحلام الخيال السرمدي
ما بغيتك فالظلام ولا بغيتك بالحرام
ما بغيتك غير بالعز الشريف المقتدي
ما بغيتك بالتلاعب مابغيتك بالكلام
ما بغيت الا اخوك يصير خال ٍ لولدي
لك جنوني لك ظنوني يا حبيبي والسلام
وانت غالي ثم غالي ثم غالي يا بعدي

[يارا العامرية]

قصيدة اكبر مذله للعروبه والاسلام


واعيني اللي شافت اشيا مقيته
زادت جروح الوقت لوعات والالام
شي ٍ يحز بخاطري ما كنيته
صار العرب عند العجم مثل الانعام
كل ٍ نهار العيد ذكّى ضحيته
والغرب ضحوا يا ملا براس صدام
ميته ولاهي يا ملا باي ميته
اكبر مذله للعروبه والاسلام
الحاكم اللي ذاع فالناس صيته
اوعز على ردع المعادين الاحكام
صحيح طاغي لكن اللي رايته
شي ٍ يذل ويجعل الحر ينضام
من اقصى المحيط الاطلسي لين كيته
ومن سد مأرب لين تاصل الى الشام
عراق .. جلباب الكرامه رميته !
والا على صدرك دناميت والغام
عاش البطل فيك وفداك وفديته
ما ارخص ثراك بحق مخصوص او عام
وقلوب شعبك باللقا مستميته
خلت عدوك باللقا كومة ركام
سنتك تبكي قايدك وان بكيته
ما تنفع الدمعه على حكم الاعدام
ليته وليته ليت ليته وليته
لكنّ ما يجدي بها لوم لوّام
ماهمني لو قالو انك رثيته
ليت العرب فيهم ثمانين صدام
استجمعك قوه وحزنك محيته
وارجي لك الوحده بعد جور الايام
يا خوف قلبي من قرار ٍ لقيته
فيه الخطط ترقص على حبر الاقلام
علم ٍ مؤكد لكن انّي نفيته
اخطاب سري ما ظهر عند الاعلام
من تحت مجهر عاكساتي قريته
كنّه يقول العلم قدام قدام
اذكرْه دايم لا حشى ما نسيته
تقرير سري صادر بعشرة اختام
حديث متواتر وعنهم رويته
حنّا بعين الغرب :( مجموعة اقزام )
اخلاصة الموضوع واللي بغيته
شي ٍ ضروري واجزم انه لكم هام
كل ٍ يجوّد يا عرب سور بيته
من قبل لا يصبح للاغراب خدّام

[يارا العامرية]

قصيدة الهنوف وليلة الفرقا


ين صلفات الليالي والظنون المستريبه
وبين لوعات الفراق وحسرة النفس وقهرها
جمرة الفرقا بوسط الجوف والخافق تذيبه
واللهيب اللي تناول عوجها حره صهرها
مابقى شي ٍ على كف القضيه يلتوي به
والقصور العامره لو شان حظه ما عمرها
ولابقى حكي ٍ على كف الكتابه يبتدي به
غير بسم الله على ليل ٍ جحدها ما شكرها
اييه يا هم ٍ تلجلج ف الضلوع المستصيبه
هم ٍ يسوق القضيه في خفوقه ما قبرها
اه يا شين الرجل لا حس باحساس الغليبه
وقامت الدنيا تلوفه بالصواديف وقشرها
بين نار وبين غار وبين شك وبين ريبه
وان بدى عيبه على المقفين من جوده سترها
والهنوف اللي سرت في ظلمة الليل الرهيبه
ما درت بان المواجع في معاليقه خطرها
ساقت جيوش الموادع من كتيبه في كتيبه
ولا بقى غير الجنايز يوم عدت في اثرها
استباحت ما بقابه يوم ملّته الرحيبه
والفرج ماله مواري والعنا حزنه نصرها
الله اكبر يا ثقيل الهم والفرقا كئيبه
يوم راحت ما قوت ترفع على عينه نظرها
صاحت عروق المحاني يوم قلبه في نحيبه
وجدّد الحزن المواجع دون صدره ما قصرها
عاد له عشرين ليله والعجيبه يا عجيبه
يحتريها بالعروق وكل عرق ٍ به جررها
ما بقاله غير حزنه والمحاني تصطلي به
والليالي تشتكي من عقب ما غيّب قمرها
مومن وعارف بان الرجل ماله عن نصيبه
لو تدلا ما تدلا من معاليقه ثمرها
(والنصيب يصيب والدنيا تجيب اللي تجيبه )
والوقايع فوق حد الوصف واحساسه نشرها
ما شكى غير الصدود ولا شكى غير المغيبه
ولا قدح قافه يكود الحزن من صالي شررها
الجفا ذنب وعقوبه واللقا اصبح مصيبه
والقهر طم الضلوع وفرحة العاشق دمرها
يا هجوس الشعر عنيّت المولع وش تبي به
ما كفاك ان العباير من جفا خله نثرها
ماسك ٍ فيك الخفاره والقصايد في حبيبه
ما تذوق النوم عينه لو تريده من سهرها
ساق قيفان العتب بالطيب والا بالغصيبه
ولا حسب للفود فود وكل همه في ضررها
والهوى ماله ضمان وكل شي وله ضريبه
والليالي ما تدوم ولا تخبر عن قدرها
وكل درب وله نهايه .. كل جرح وله طبيبه
والموّلع لو تناسى صادق المعنى ذكرها
دامني صرت الغريب اللي شكى فرقا غريبه
يحتريها كل ليله لو خفوقه ما عذرها
ودامها من فوق عرش القلب واللي تعتلي به
ليتها عن واهج الفرقا تمسيني مطرها
ابعدت عني وانا اللي كنت احسبنّها قريبه
يوم سلسال المحبه يحتويني في نحرها
والطموح اللي رسمتها في لقاها صار خيبه
والمصيبه كان طول في عنا الدنيا سفرها

[يارا العامرية]

قصيدة سوق الاسهم مابين الانتكاسه ومفهوم السياسه


السوق روّح يا ملا في خبر كان
شي ٍحصل ماشفت له أي تفسير
النفط غالي والوطن امن وامان
والاقتصاد العالمي وضعه بخير
لكن مدري وش حصل فيه من شان
ينزل نزول ٍ ماله ايّات تبرير
صحيح مابه نار من غير دخان
وصحيح شي ٍ يجعل العاقل يحير
سوق الاشاعه بالاشاعات مزدان
ولا ما يفيد اللوم والا المحاذير
يطلع وينزل ما يحدده ميزان
لعبه على كيف الطغاة الهوامير
فيه الهوامير الكبيره لها شان
ما قصرت فينا ولا فيه تقصير
واللي تبيه الشعب حافي وفقران
تمشي على منهج سياسات تفقير
سياسة المنهج لديهم بعنوان
شدالسهم تاكل فطيرتك وتطير
ولا لا يهمك شعب جاهل وهلكان
خل الخشاش تعيش منه العصافير
وكل ٍ يحلل صار بالسوق فهمان
وحنا على الشاشات نمسك طوابير
قول المحلل بث فيني طمئنان
وحطيت مالي بين مكه وتعمير
وطاحن سوا واللي طلع بس جيزان
واثر المحلل يخرط بدون تفكير
غلطان ياللي تدخل السوق غلطان
اسمع كلام ممتر السوق تمتير
اول يفيض المال والبنك مليان
ولا شلت هم ضيوف والا مسايير
صيفيتي ما بين بيروت عمّان
والدفع بالليرات والا دنانير
طاغي ومعي فلوس فاضي وفسقان
ولاهمني فالدرب كثر المشاوير
واليوم وضعي سي مفلس وطفران
وادور الميه مع صوير وعوير
ولا عاداداني شوف طرقي وديّان
وان شفتهم صدفه عيوني مطايير
عزيمتي شرهه ولا هيب صفطان
والياتعذّر قلت دربك مسافير
انا اشهد انه سوق دجه وخسران
تكفون ياروس الرجال المناعير
وايت بجنب الفين راس ٍ من الضان
والا بكار ٍ منتقيها مغاتير
والا عماره بين شقه ودكان
اخير من سوق ٍ كلته الهوامير

[يارا العامرية]

قصيدة سم طاش ما طاش


راسي اللي من هل الموقف يشوش
وفكري اللي قال ف الابيات عاش
يوم صارت ف المعاني قلت خوش
ابتدى للناس ترتيب النقاش
شي واضح ما بدا فيه الرتوش
ابتدى بالعقل ماهو بالهواش
العلوم اللي لفتنا ف الدشوش
خلت العاقل من القصه يداش
طاش وإلا جعل عمره ما يطوش
حقنة الفكر الخبيث وسم طاش
ما ذبحنا غير صفران الطروش
استباحت حرمة المسلم وشاش
و ما غبنا غير تصريح الجحوش
وماش من زود الغبينه ماش ماش
النفوس اللي تغيرها القروش
الله انّه لايبارك ف المعاش
تبت ايدي من ينوش الدين نوش
كيف دين الله من الساقط يناش
كيف يالساقط على العالم تهوش
والله انّه شي يقهر كل جاش
وكيف تخدش عالم الدين بخدوش
يوم بعت الدين من اجل العراش
اللحى زينة هل الوجه البشوش
والنوايا لونهامن لون شاش
الله اكبر هزت كبار العروش
سببت في عالم الكفر ارتباش
ديننا دونه طوابير الجيوش
ما يزعزع ركنه الثابت خشاش
يالمغفّل بارد الوجه الغدوش
استمع لي زين يا مال الخراش
ما ذكرت الموت والدنيا حروش
تبرد الاطراف من عقب الرعاش
وما ذكرت الحشر والعالم تطوش
صابهم من هول هالمنظر غباش
ليت تذكر من تحوش الناس حوش
كنهم من حولها مثل الفراش
والله انك غير فعلك ما تحوش
ودينك اللي اقترضته صار كاش
قبل لا تطلع حياتك بالفشوش
لا يجي في بالك الدنيا بلاش

[يارا العامرية]

قصيدة وجهة نظر من زاوية اخرى


يا مناحي المقنع ترا القاف ناصيك
ما عاد باقي يا السنافي بقايا
من نجد في نجد العذيه توافيك
وانته لها يا ذيب ذيب السرايا
يا صاحبي : ما تشتري بيضة الديك
اللي تردد في قديم الحكايا
يمكن تحصل ما يفيدك ويغينك
الناس راحت بالذهب والهدايا
الحق ترا ما اظنه اليوم يمديك
ضبط امورك ثم سوق المطايا
سوق القدم ويجيك شيك ٍ ورا شيك
حرّك لسانك كان تبغى العطايا
وعاين يمين يسار عاين حواليك
شوف الجموع وشوف وضع السبايا
هتلر على العالم يقود الصعاليك
وحزب التحالف رابض ٍ فالزوايا
دارت رحاها والنتيجه تهاليك
والحرب بوابه لحوض المنايا
اسلاك منحله وتحتاج تشبيك
وافعال تكشف عن سواد النوايا
واللي حكالك اعرف انه حكى فيك
هذه سواة اهل الردى والوشايا
يضحك بوجهك تحسب انه مصافيك
ومن نظرة عيونه تبين الخفايا
من لا صفى قلبه حشى كيف يوفيك
يالله عفوك لا وقفنا عرايا

[يارا العامرية]

قصيدة المعتقل حميدان التركي


الدمع في وسط العيون الحزينه
اهات من حزن المظاليم وطعون
دك الخبر روس الرجال الذهينه
اللي نهار النايبه ما يغيبون
هذا زمان الضيم قهر وغبينه
الغرب قادونا على ما يريدون
ادبر زمان العز واقبل بشينه
على ضمير اللي من الهم مغبون
قالوا حميدان الفخر ... ساجنينه
وشلون يترك يا مخاليق وشلون
ابن الوطن رمز الوفاء عارفينه
لا والذي خلقه عشانه يصلون
ثابت ثبات طويق ما فيه لينه
بحلوبه العدوان ما عاد يدرون
ما حصلوا تهمه عليه وتدينه
وحطوا عليه من التهم كيف يبغون
لنه دعى لله مخلص لدينه
لو كان منها شاف ضيقات وشطون
حكومة التخريب تبغى تهينه
عزي لمن عند المعادين مسجون
عشرين من فوق الثمان وسنينه
مابين جدران ومساجين وحصون
شكواه للي ما غفت يوم عينه
الواحد اللي باسمه الناس يدعون
ثم شكوته لك يا مجوّد عرينه
ياللي على سقم المعادين طاعون
يا سيدي ما فيه غيرك يعينه
من بعد رب الناس والطير والكون
ياللي نهار المعضلة ذاخرينه
وياللي سلب حبك معاليق وعيون
لك ماقفٍ بالعسر هم خابرينه
وقف مهازلهم وشف وش يسون
وافرح قلوب اللي غلا محترينه
خمسة صغارٍ كلبوهم ينادون
يمه ابونا وينه اليوم وينه
وتكتم قهر دمعاتها لا يهلون
وعودٍ رفع في جوف ليله يدينه
ودموع عينه فوق خده يسيلون
ينخاك ياللي مد كفك ثمينه
بعد الولي فيك الامل انت مقرون
يا قايد النهضه ورب السفينه
ما قام بيتٍ دون سيسان وركون
فك السجين اللي تبيه السجينه
عاش السعودي بالمعزة ولا يهون
حب الوطن في قلوبنا شايلينه
وحبك في وسط ارواحنا در مكنون

[يارا العامرية]

قصيدة ابتهال سلطان المطيري


البارحه ذبيت راس الطويله
وبقعا تسوق الهم فالشعر ليّه
والله كني جالس ٍ في مليله
ومن زود همي قمت افرّك يديّه
والحزن خيّم مابقى فيه حيله
والنار في وسط المعاليق حيّه
والصدر بيدا والعنا ساق خيله
باقصى الضلوع العوج عسّكر سريّه
لاجل ابتهال اجر صوتي واشيله
بنتي ولو كانت علي ّ اجنبيّه
وابليس فالانذال يومي شليله
شيطان انس وبالفعايل حليّه
اهل الردى والشر واهل الرذيله
وكر الخراب ومجتمع به خليّه
روح البراءه في يديهم قتيله
وعيون اهلها من سببهم شقيّه
ما كنّها غابت عن البيت ليله
إطيوفها فالبيت صبح وعشيّه
والوالد المصدوم مهدود حيله
ما عاد يدري كانها اليوم حيّه
وماجد دموعه فوق خده هميله
ما صاب حاله كنّه اليوم فيّه
والام من جور الهموم الثقيله
صارت تشوف الهم حوض المنيّه
تنخى الوطن كله قبيله قبيله
تكفون ردو نور عيني عليّه
وتنخى زعيم ٍ بالسيوف الصقيله
حامي حدود الدار مافيه زيّه
سلمان يا سلمان شوق الجميله
يا ابو فهد بيديك حل القضيّه
يا معدل الميزان عن كل ميله
وعز الخوي اللي غدربه خويّه
ويالقايد اللي فالخطوب الجليله
لك وقفة ٍ يا شيخ بيضا جليّه
كثّف جهود الامن بيّت وسيله
وانت الحكيم ولا توصى بذيّه
ويالله ياللي كلنا نلتجي له
يالواحد المعبود ناصر نبيّه
يوم ابرهه مجتاح مكه بفيله
ارسلت له طير ٍ قتل فيه غيّه
اسالك بسّماك وصفات الفضيله
ترد بنت ٍ خطفت إبلا خطيه

[يارا العامرية]

قصيدة صرخة هدى والتخاذل العربي


البارحه ما لجلج النوم فالعين
من علم شفته في قناة الجزيره
صرخة هدى هزت عروق وشرايين
ولافيه شخص من العرب ثار غيره
تنخى عمر تنخاه باول وهالحين
يوم العرب عييت تقود المسيره
وتنخى صلاح وتحتري يوم حطين
يوم الركايب والخيول المغيره
تبكي قهر تبكي اسف وينكم وين
يوم اليهودي قام يجلب حميره
راحو اهلها ضمن ناس ٍ كثيرين
راحو ضحايا وا لضحايا كثيره
هدم البيوت وجرف خضر البساتين
والعالم الغربي عيونه ضريره
قصف المدافع والقنابل وتأمين
احدث سلاح وجاهز ٍ بالذخيره
والشعب الاعزل عاش مابين ناريين
نار الحصار ونار جور الكسيره
من شان (جلّعاد) اليهود الملاعيين
شنو هجوم ٍ من خفير لخفيره
صار اليهودي قيمته عن ثمانين
مسلم وقيمتنا بوزن الشعيره
يوم العرب عند الهوى والمزايين
وكل ٍ على ليلاه يشعب بعيره
شوف الشباب اشلون شوف المحبين
ما بين دينا مع مواويل ميره
وشوف المساجد كيف قل المصلين
وقت ٍ بلاّنا شر وانكف بخيره
وشوف المراقص كيف وضع المغنيين
ما بين هز ارداف واكواب بيره
تخدير للامه بسمّ الثعابين
فعل اليهود وخطة ٍ من خبيره
بغداد راحت يوم راحت فلسطين
وصارت على وجه العرب وصم عيره
فينا الخيانه طبع من عام خمسين
من يوم بعناها بعشرين ليره
جيد العرب ياناس ما بينهم بين
واهل الكراسي زادو الشعب حيره
وشلون ننسى يا ملا عام تسعين
يوم الجوير احتل ديرة جويره
صدام شن الحرب في صفه حسين
وراع اليمن شاور وأرسل شويره
وإذاعة الخرطوم ترسل رياحين
وجاك الخطاب اللي يشيله سفيره
حتى الفلسطيني نسى خيرنا سنين
وارسل خطاب الحرب وارسل سفيره
خل العرب تبقى على وعد تشرين
لين الجيوش تحل شبه الجزيره
تعداد الامه ما يقدّر... ملايين
لكنّ مابه شخص مهدود طيره
والجمله اللي واضحه بين قوسين
باقولها قدم الجموع الغفيره
( السن بالسن وترى العين بالعين
والحرب حلّ وجاك دقّاق زيره)
صدورنا ضاقت وكنّ البراكين
شبت بوسط الصدر نار وسعيره
تكفون يا روس الرجال السلاطيين
الذلّ حلّ بكل دار ٍ و ديره
إليا متى نبقى على الذلّ راضين
والعمر واحد مالنا عمر غيره
امّا حياة العزّ وإلاّ تموتين
يا نفس دون الحق موت المغيره
وياللي تشرّع للسلام القوانين
دوك الكلام وفي عباره قصيره
الحق حق ولو غدى لازم يبين
مصير مجد العٌرب يرجع مصيره
ما دامنا فوق البسيطه مقيمين
من دون دين الله حجاب وستيره
ويا خادم البيتين يا حامي الدين
يا القايد اللي ما تغيّر ضميره
يا مسند الامه على العسر واللين
حنّا جنودك بالليال العسيره
جاك الولا والعهد وافيين وافيين
والدار من دونه سيوف ٍ شطيره
الله يمد بعمرك سنين ودنين
يالقايد اللي ما تغيّر ضميره

[يارا العامرية]

قصيدة موت رزان


رزان ماتت لكن الحق ما مات
هذه الحقيقه جد ياللي تشووفون
ابشع جريمه شفتها فالمحطات
ادمت قلوب الخلق وابكت له عيون
اخطا اطبا صايره مع طبيبات
وإليا تكلمنا نبيهم .. ( يقولون )
حنا بشر لا تحسبّن بالالات
يعني كفايه بس ياللي تلومون
مات الضمير الحي مابه مراعاة
متى على الله بس يا هيه تصحون
إهمالكم يا كم سبب وفيات
وإليا حصل منكم خطا ما تبالون
طفله صغيره جسمها صار ليّات
فيها التجارب كل يوم ٍ لها لون
ما زال باقي صوتها فالممرات
انا فدى للدار ياللي توحّون
ماتت ولكن باقي اليوم صرخات
الله يسامحكم على ما تسوون
رزان راحت ما بقى غير بسمات
طيف ٍ يزور البيت والاهل يبكون
في وجه ابوها شفت ضيم ٍ وحسرات
كنه يقول اشلون ياناس وشلون
وشلون في دار السعود المسماة
دار الحنان وعون من يطلب العون
تموت طفله والسبب فالمعدات
واهمال دكتور ٍ نسى شاش كرتون
انكان هذا دام مابه سلامات
الحال سي دون من دون في دون
الوضع ياهل العرف يحتاج وقفات
تكفون ياهل العرف تكفون تكفون
نظرة تمعّن في جميع الوزارات
تنهي جميع اللي على الشر باقون
يا ناس نبغى ناس تحمل شهادات
تعمل بجد وتتقي خالق الكون
اهل الوسايط ما نبيهم على ايّات
تقدير صادر او على حال ٍ يكون
نبغى رجال ٍ عندهم فكر .. خبرات
ناس ٍ تفرّق بين مظهر ومضمون
ما همّهم شكل المواتر وسهرات
والا رصيد ٍ زاد فاليوم مليون
تكفى ياابو متعب يا زبن المهمات
يالقايد اللي عز شعبه ولايهون
يا فزعة اللي ذاق ظلم ٍ ولوعات
واصبح يعاني من همومه ومغبون
ويالقايد اللي زدت شعبك كرامات
لين اصبحوا في كل الاوقات يدعون يحفظك رب الكون من كل ميلات
وحبك غدى فقلبوهم در مكنون
يا سيدي ما عاد فالوضع سكتات
جور ٍ علينا زمرة الشر يطغون
ماظنتي يا سيدي انت بالذات
ترضى تشوف الشعب منهم يعانون
ماضاع حق ٍ عند مثلك ولا فات
لاصرت تشبه فالخلافه لهارون
رجل ٍ نصرت الحق في كل الاوقات
حق ٍ اقوله والمخاليق يدرون
ما دار في فكري نظمته بابيات
هذا الصحيح وقولوا اللي تقولون 0

[يارا العامرية]

قصيدة العقد المشوه مجاراة الذاهبه


يا حزين الحظ المقفي والسعاده من وجدها
دام قلبي يا السنافي مات حبه في يدينه
كان ودك تسمع القصه وتعرف من سردها
قرّب الدفتر وسجّل قصة الحب الدفينه
ذاهبه راحت ولا به شخص واحد قد فقدها
غير شخص ٍ في ثنايا جوف قلبه مستكينه
دارت الدنيا ودار الكون والدنيا بعدها
مثلما العقد المشوّه بعد ما كانت تزينه
ليلة العاشق بعد فرقى حبيبه ما رقدها
ذاق مر وذاق هم وزاد وقته بالغبينه
لمّلم الوقت البواقي من سواليف وجردها
في جدار الصمت يوم الصمت يشكي من ونينه
والمراسي والبواخر والسواحل في بلدها
تشتكي حر الفراق وتشتكي جور المدينه
والعواطف والمشاعر والاحاسيس اف كبدها
والمعاني والمواني تنتظر عود السفينه
والهقاوي والمناوي والغناوي من جددها
ان رفعت الصووت صاح القلب يشكي من ضنينه
والصواعق في عروض المزن لاصفّق رعدها
يمتطي صهوة جواد الحزن فارس من حنينه
يكتب ابياته على رمل الصحاري وان قصدها
هلت العبره على ذاك المكان وساكنينه
رحت ادور فالمقابر والقبور اشفق لحدها
جيت عند القبر يوم النْعش قفوا شايلينه
الله اكبر كيف صار الدود يرعى في جسدها
بعد ما كانت تشيل الورد عنّابه وتينه
راحت اللي من حلاها ومن غلاها ومن شهدها
صاح قلبي من عذابه صاح فرقاها لعينه
راحت اللي في فوادي ساكنه بس لوحدها
ساكنه وسط المحاني وردة العمر وسنينه
راحت اللي كانت الدنيا وكانت من رغدها
تستحي من الورود وتحتويها ياسمينه
راحت اللي عن مشاريه الغلا قلبي نشدها
كيف تسري في سكات وفي خضووع وفي سكينه
عشقها كثر النجوم وكثر ما قلبي هجدها
في ظلام الليل ساري والقمر بيني وبينه
ودمعة العين الحزينه فوق خدي يا نكدها
يا نكدها فوق خدي دمعة العين الحزينه
طالت الغيبه ولاني ذاكر سنين وعددها
دام قلبي لا تذكرها يضيع ابخفقتينه
سجّل ابياتي على وجه المعاني يا سندها
يا حزام الجنب فالشدات ربعي ذاخرينه
قالوا العرّاف من يسعى ورى الحاجه وجدها
قول كاذب والحقايق ما تجمل قايلينه

[يارا العامرية]

قصيدة تكفى تكفى لا تنساني


ليتك تدري باللي جاني
من هموم ومن احزاني
غبت شوّهت والمحبه
إبلا سبه او برهاني
غبت وعيني ما سكنها
غير طيفك بالاجفاني
غبت ولا عرفت اللي لك
وسط قلبي يا فتاني
حبك حبك جوا صدري
عمّر حصون ومباني
حبك هيرون المشاعر
وانا طايح فالادماني
خافي حبك ما شكيته
خافي حبك فالمحاني
وهاتفك اللي ما جهلته
دقيت وقالوا غلطاني
مدري جد اللي سمعته
او اني فعلا وهماني
يا اخي ليه الغيبه هاذي
وانته خابر ما يخفاني
تاصلني علومك دايم
بالبخشيش وبالمجاني
ليتك ترحم قلبي اللي
ما يجي له غيرك ثاني
عوّد لا تزيد الطينه
بله ويضيع العنواني
هاذي والله المصيبه
كانك همّشت المعاني
تايه درب وجيتك جيتك
جيتك جيتك لا تجفاني
جيتك وانا حظي عاثر
ليتك ترجع على شاني
جيتك وانا صدري فايح
واردد بيت الشيباني
تكفى تكفى تكفى تكفى
تكفى تكفى لا تنساني
اقسم باللي قد جمعنا
ما نسيتك لو ثواني
وكانك قررت القطيعه
المجني طلاب الجاني

[يارا العامرية]

قصيدة الرساله


راح ليل الشعر مابين المعاني والجزاله
في عيون الشعر دور الحرب بارود وسريه
شعر شاعر بالمشاعر شاع شعره واستواله
كيف ماجات القوافي جرها بالسامريه
اتزان الحظ واضح لو بدا عيب اختلاله
وانحلال الوصل جارح لو بدا سن الثنيه
ماتت عروق العنب والتوت يرثي مابقاله
والنهايه فالبدايه والحكايه سرمديه
انجرح وجه المساء والكون يصرخ من خلاله
وانتحى فكر ولحى من دون مضمون القضيه
والشفق قبل الغسق لو يدفق الحمره سراله
بإتفاق الاختراق وبإنطباق الجاذبيه
والنكد بعد الرمد مثل الردى بعد الشكاله
والنخل لا مابخل لو شحت عروق ٍ نديه
والنقا روح التقا عند الشقا وإلا زواله
والاوادم لو تنادم مابقى نفس ٍ شقيه
والعيوب ذنوب والجاني على راس العداله
والحروب دروب صوب الموت ويدين المنيه
والجفا بعد الوفا بعد الصفا جرح ونكاله
والامور تدور من قبل العصور الاوليه
حسب تقدير الاله المعتلي رب الجلاله
خالق الخلق ومليكه عالم السر وخفيه
والرضا حين القضا بالمقتضا شرط ودلاله
والعفو عند اقتدار المرء من طيب السجيه
والفتن جرح الوطن وقت المحن فعل الجهاله
والخطا رد العطا جهل وسطا وسط البريه
والهوى لامن ضوى ماله دوى ياشين فاله
راعي الحب ودروبه ماتجيب الا الاذيه
وافتراض الاعتراض أدى الى سرد المقاله
والحقيقه مابقى غير الحروف الابجديه
اسمعوني وافهموني وصلوله ذا الرساله
كان باقي للهوى في قلب محبوبي بقيه
علموه اني شربت الحب من صافي زلاله
وعلموه اني نذرت العمر من اجله هديه
وعلموه اني سكرت من الهوى حد الثماله
وعلموه انه جعلني عن هجير الشمس فيه
وعلموه انه كتبني شعر في دفتر خياله
وعلموه انه وضع شمس المحبه في يديّه
وعلموه انه غزى الخفاق وأسرف باحتلاله
وعلموه انه تمكن بالحشا وال الرعيه
وعلموه انه عطاني وعد في مقبل لياله
مايروح ولا يبوح ولو تفوح الشاذليه
وعلموه اني ابسهر في رجا رن اتصاله
وعلموه اني برجوى يا هلا يالله حيه
وعلموه اني احبه حب ما يخطر في باله
وعلموه اني احب مشاهده لو هي شويه
وعلموه ان القصايد من يمينه في شماله
فدوة ٍ لعيونه الثنتين مع زاك التحيه
وعلموه ان المشاعر كلها مني حلاله
وعلموه ان الخوي دايم على هقوة خويه
علموه وفهموه وصلوله ذا الرساله
والوصيه وسط مظروف الغلا نص الوصيه
شاعره لو غاب مادور على شخص ٍ بداله
مال لغيره في خفوقه شف وإلا قابليه

[يارا العامرية]

قصيدة نهاية ام


أشملت بي بنت فكري يوم سندتوا جنوب
مع هواجيسٍ تسوق العقل لحدود الهبال
من شروق الشمس لين الشمس يأخذها الغروب
والمشاهد قدم عيني ياعضيدي ماتزال
أرمله عاشت تعاني من صواديف الكروب
شايله هم الزمان وشايله هم العيال
إنفطر قلبي عليها والحزن فيها يذوب
عايشه من تحت خط الفقر يابرد الشمال
كل أملها في إلهي عالم اسرار الغيوب
ثم في مشعل ضناها يكسب الكسب الحلال
إبتدى مشعل يشق الدرب في عوج الدروب
لين حقق ماتبيه أمه وجاب إلها الريال
كوّن الثروه وجاب المال فاضن الجيوب
وإضحكت ساره وحصه وإنبسط منها طلال
قصر واسع / مجد عالي/ عزٍ أصبح به طروب
مال عمّال وخدم وأعمال ماتخطر في بال
لكزس/ولنكن/وجيب من أفخم انواع الجيوب
ماركة عبداللطيف اللي تشدّ إلها الرجال
صاحب المال إن تغيّب عن حلاله من ينوب
عنه دامه ساب ماله واتضح فيه اختلال
هس عن دربه وبان بدربه الواضح عيوب
وابتدى يلعب على نفسه بشئ ٍ مايقال
طاح فالشرب اللعين وبئس هذاك الشروب
شي يذهب عقل من شربه وحاله شين حال
من شرابٍ في حشيشٍ في تعاطي في حبوب
إنلحس عقله وصابه نوع من نوع الخبال
مابقى يملك من الدنيا سوى غتره وثوب
ضيّع الثروه وضيّع رأس ماله فالخمال
أجبر أمه تحمل البقشه وبالشارع تجوب
كل حاره كل حيّ ولابقىشي ٍينال
حالها يبك العيون وحالها يدم القلوب
تايهه في دربٍ أقشر مال فيه الحظ مال
كل ماجاها ريالٍ عقب مجهودن تعوب
صاح مشعل هاتي اللي جاك يا مال الزوال
يأخذ فلوس اليتامى غضب بإسلوبٍ كذوب
كل مره يأخذ إلا هذي المره محال
سل رشاشه وجاها وين بالله الهروب
وسط مطبخها لفاها مادرت ويش السؤال
بصوت حاني قال يمه ودّرج خطوه بدوب
إضحكت يامرحبا بك ثم لدّت له تعال
صابها رعشه وشافت موتها في كل صوب
وإنطلق مخزن سلاحه منتثر في كل جال
خمس طلقاتٍ في صدرٍ كان له درٍ حلوب
وخمس طلقات في بطنٍ كان له ظل وظلال
طاحت أمه قدم عينه وانكسر بالقاع كوب
عينها تنظر عيونه دمعها بالخد سال
كل قطرة دم فيها تنتثر منها تروب
كنها تحكي عن اللي فات من ماض الليال
شلتك إفبطني وضميتك وهذا لك وجوب
ليش هذا هو جزايه وين تحقيق العدال
إقترف ذنبٍ عظيمٍ غير عن كل الذنوب
ذنب من جوره تزلزل قاع هامات الجبال
وإلفظت انفاسها والحزن هبت به هبوب
لفّ ذاك البيت كله / رحمتك ياذا الجلال
عل قبرٍ حطو اللبنه عليها طوب طوب
يغسله رب السما من غرّ مردوم الخيال
تصطلي نار الجريمه وسط قلبي بالشبوب
قصةٍ شبت عليّه لين جتكم في مقال

[يارا العامرية]

قصيدة زائرة الليل


جاتني في ظلمة الليل وعلى حروة معاده
عيطوس ٍ .. عيطبول ٍ .. ثم ألقت لي التحيّه !!
ثم قالت لي : كلاما ً .. يشحذ احساس الإراده
ويح ُ شعر ٍ لا يُجسد يا فتى حزن البريّه !!
كيف تبقى هَهنا .. يا شهوة القلب ومراده
هل تركتَ الناس َ من اجل الحياة النرجسيّه؟
ما الذي يبقيك في ذاك الظلام وفي سواده !
وما الذي تجنيه من تلك الرياح الموسميّه
والسعاده وين تلقى يا الهواوي هالسعاده
وانت خابر كل مالك دمعتين ومزهريّه
ما تسل السيف من مده وسيفك في غماده
وانت تهواك المعارك والحروب الطائفيّه!
والتعب بان بعيون اللي سهر واقفى رقاده
ما يذوق النوم جفنه والليالي سرمديّه
والنخل لا ثمر يموت ليا تركته في حصاده
ما ينولك منه خير ولو ينولك منه فيّه !
يا فتى : ترْبت يداك َ الحمْل لا يرضى الزياده
كلما زاد ارتفاعا ً قل دور الجاذبيّه!
قلت : من قلب ٍ يذوق الضيم في باقي رماده
وش جابك ؟ يا عيون الشر ويدين الأذيّه
آه .. ويش اللي لفابك يا مدورة القراده
ليت ربي ما لفابك ما بقى لك قابليّه!
والعقيد اللي ترجل عن ظهر صهوة جواده
ما نسى ذاك الحزام ولا نسى هالبندقيّه
من غرابيل الزمان السود غنيت النكاده
عل ّ قافي لا نظمته يفرح النفس الشقيّه !!
تبت ايدي من يقولون الهوى بحر ٌ مداده
صف أبيات القوافي من قصائد عاطفيّه
الهوى كون ٌ فسيح ٌ انعزل واعلن حداده
بعد ما ذاق الأمرين وبكى تلك الخطيّه
بعد ما ظنيت همي مات في ربطة مهاده
جات من صحّت همومي غصب ولاّ مقدريّه
عشتها ليل ٍ سهرته فوق مركاي وشداده
جال ضو ٍ تصطلي في برحة ارض ٍ جرهديّه
حينما قلطتها صدري على زل ووساده
وحينما ضميت يدها من ذهولي في يديّه!
قلت هاك العلم مني زبدة العلم ووكاده
ارجو الانصات فيما سوف اتلو يا صبيّه !
الجنون احيان رشد .. وغاية العقل ورشاده
كلمتين ٍ قالها المجنون والنيه مطيّه
لا انتي الزام ٍ عليّ ولا انتي فرض ولاعباده
ان دعيتك طيب مني وان تركتك ما عليّه!!!

[يارا العامرية]

قصيدة إتزان الاعوجاج


بين تحقيق المحال .. وبين تضييع الوصال
ضاع قلب ٍ كان يحمل طيب هالكون العظيم ..
وبين تهميش العقول .. وبين تسليط الهبال
زوّد الضحك الوصي في يوم ودعّه اليتيم ..
وبين تحديد الحلول .. وبين تكرير السوال
انتثر دمع المحاجر .. وان فتح باب الحجيم ..
وبين ترديد الفراق .. وبين تزييف الليال
صاح جرح ٍ يحترق في وسط شريان الصميم ..
وبين تغميض العيون .. وبين تحقيق المحال
والكليم اللي تكلّم ما سمع صوته كليم ..
وبين تحجيم المعان .. وبين تاسيس الدوال
ضاعت علوم المدرس !! واصبح الطالب فهيم ..
وبين صيحات المحب .. وبين نظرات العيال
قرّر المقفي يروح ولا على الدنيا حليم ..
وبين فزعات العمام .. وبين صكات الخوال
ضاع طفل وضاع طفله .. والسبب هرجة غشيم ..
من (جنون الحرف) لين الحرف في(عين المثال)
من (جنون العقل) لين العقل في (جن السقيم) ..
كمّل الحزن المعاني والمعاني فاضمحال
وابتدى فيني (غروب الحب) يا حب ٍ عقيم ..
يا ضياع ٍٍ في ضياع ٍٍٍ في ضياع ٍ في خبال
يا خبال ٍ زاد حدّه من غريم ٍ في غريم ..
لا سكات ٍٍ فيه خير ! ولا بقى غير الجدال
والبلا صار الجدال ! ولابقى فالصمت تيم ..
لا وصلت اللي ابيه ! ولا تحقق لي منال !
لا ضحك وقتي ثواني انقلب طبعه لئيم ..
نال قلبي من حبيبه نال قلبي نال نال
نال هم ! ونال حسره ! نال ضعف ! ونال ضيم ! ..
يا حبيبي كيف صارت دنيتي عندك زوال؟
كيف شمسي في سماك ولا حجبها غير غيم !! ..
كلمتين ولا سمعنا غير شي ٍ ما يقال
طعنتين ولا توجّّع غير قلب ٍ مستهيم ..
دمعتين ولا عرفنا ويش معنى الانهمال ؟
ليلتين ولا بقى شي ٍ من الحب القديم ..
احتمال الصح وارد .. والخطا فيه احتمال ..
يا اتزان الاعوجاج ..ويا عوجاج المستقيم ..
ما يميل الحمل والجعبه تشيل الاعتدال
ولا ذكرت السين صارت في نهاية حرف جيم ..
لا تثنّى عود موز ٍ ساقه الغربي ومال
مال قلبي والليالي همّها فيني مقيم ..
يا خطوط العرض زاد الشك في عرض الطوال
والعدود الساقيه .. ما ذاق ماها غير هيم ..
لاتقرّب غاز ظنك من شكوك الاشتعال
و ( المشاكل ) ما تخلّي لا خليل ولا نديم ..
ما قصرت الباع خوف ولا خشيتك في نزال
والخصيم ليا تفرعن ما يجيه إلاّ خصيم ..
محتويني عز مجد ٍ معتلي كبر الجبال
معتلي فوق النجوم ولا على الدنيا زعيم ..
ما ذخرت إلاّ قصيدي فالليالي راس مال
ولانحنى راسي لغير الواحد الفرد الكريم ..
الله اكبر يا زمان ٍ .. زاد به( قهر الرجال)
والله اكبر يا زمان ٍ .. زاد به (كيد الحريم)..
قول من قالوا: يقول .. وقول من قالوا : تعال
قول عذّال ٍ تكلّم ما خشى يوم ٍ عظيم ..
قصتي وياك قصه .. مثلما غنّت ( نوال )
ام إحساس المشاعر جرة الصوت الرخيم ..
هذا قول اللي سعى لك ما بغاك إلا ( حلال )
يوم (غيره) كل همه ( قصة الليل البهيم ) ..
يحترق قلبه عليك ..ليا تطاولك المجال
ويدمح الزله يسامح .. صاحب القلب الرحيم ..
كان غيره هزّ فيك الحب يا حبه وسال
لا على الدنيا سلام .. ولا بقى فيها سليم ..

[يارا العامرية]

قصيدة طلاسم في طلاسم


يا ابو داحم كان تنشد عن سبايب هل وسمي
افتح العنوان من قوقل وشوف اللي جرابه
حرّك الفاره وسجّل يالسنافي كامل اسمي
وكلمة السر تعرفها رقم واحد امتشابه
وحين تفتح صفحتي لا لا توانى واانت نشمي
وجّه النظره لصندوق الرسايل والكآبه
شوف احدث ما وصلني وانت تعرف ليش سقمي
شي ما يخطر على بالك ولكن ما لفابه
غير حظ ٍ ما صفالي من عرفت الحظ عتمي
لو صفالي يوم واحد انقطع وبل السحابه
بعد ما حطيت توقيعي وصكيته بختمي
في سجل المؤتمر في حين تسجيل انتخابه
لا حشى ما دار في ظني ولا هو حد فهمي
تأخذ الدنيا عبث هاذي الغرابه يا غرابه
كان وضعي بث تجريب وغدابه بث رسمي
حينما ضميت غزّه قمت في وجه الذيابه
دونها وقْفت صامل جازم ٍ بالله جزمي
من تقدم شبر واحد شاف موت ٍ ما درابه
دامها صارت فراشي من عطايا الله قسمي
جيتها جيّة صلاح الدين في ساعة خطابه
جيتها فخر بتواضع جيتها ثوره بحلمي
جيتها بحر الحنان اللي تلاطم في عذابه
جيتها تشريع صادر من تخصص قسم علمي
جيتها عنوة شجاع ٍ حط حيله فالعصابه
جيتها عقل الجنون وحرب في ميدان سلمي
جيتها مدة كريم ٍ تعشقه دار الغلابه
شي واضح يا ابو داحم لا حشى ما هوب وهمي
ارتباطي في غلاها مثل حرفٍ في كتابه
اسهم الشوق اتناقص ما طلع يا كود سهمي
انهيار السوق ما ضر المولّع والصبابه
ماهي إرسال امتماثل لا حشى إرسال رقمي
احدث انواع التقدم في مجالات الصلابه
دونها حرب البسوس ودونها عنّيت خصمي
بالكلام وبالقصيد وبالسلاح وبالمجابه
لين حققت إنتصاري واصبح الموضوع حتمي
وانسحب جيش المعادي في نهار ٍ ما رضابه
شوفها في دفتر اشعاري ولوني وسط رسمي
شوفها بين الحروف وفي مفاتيح الكتابه
حد علمي في لقاها يوم راحت حد علمي
يوم كان الوضع ما بين الكأبه والرتابه
وحد علمي بالذنوب وبالخطايا وسط حلمي
يوم صار اعظم من الذنب المخيف امر ارتكابه
وحد علمي بالاماني يوم كانت تحت حكمي
يوم كان الصوت ناي وبحّة العاشق ربابه
وحد علمي بالسعاده يوم كانت نور قدمي
يوم كان الوصل جنّه والمشاعر من زهابه
وحد علمي بالحراره يوم كانت وسط جسمي
قبل جور البرد يكسر شوكتي حضرة جنابه
زبدة الموضوع يا ابو داحم او باقول دحمي
كم شخص ٍ لاجل غزّه قد لفاني سم دابه
ومن تحلوالي في وجهي ما يضر لو زاد شتمي
ما يضر لو زاد شتمي من غيابي في غيابه
دام لا منّه لفاني فزّ لي بيحب خشمي
لا حشى ما همني قوله ولا كثرة طلابه
وكان ابن سحمان ما يدري وش اللي عند سحمي
يسمع الراي ويهوّن عن طريق ٍ قد مشابه

[يارا العامرية]

قصيدة غارة الشعر


جريت قافي في دجى الليل موال
من زود مونس في ضميري حراره
مابين مخراج القصايد ومدخال
بيت القصيد المنحبك شب ناره
في جال ضوه شف معاميل ودلال
كيفي قصيد وسطوة الشعر غاره
شربتها فنجال فنجال فنجال
واخذتها بصرار فكر وشطاره
والقول واضح والمفاهيم تنقال
اياكي اعني وافهميها يا جاره
ما كل من يركب على الخيل خيال
ولا كل رجل ٍ يستحق الصداره
ولا كل رجال ٍ يبدل برجال
والحر يفهم بس تكف الاشاره
ويا تاج راس الحب تفداك الانذال
ويفداك من روج كلام وأثاره
اهواك واحبك واعشْقك ولا زال
حبك بجسمي شوف كيف انتشاره
يا روح روحي يا منى العين والبال
حب ٍ يجيني غير حبك خساره

[يارا العامرية]

قصيدة القصاص


يا فلاح الهم خيّم فوق قلبي يا فلاح
كيف تبغاني اسولف وانت خابرني عليل
ويش قولك في عليل ٍ في حياته ما ستراح
تنتثر دمعة عيونه لاظلم الليل الطويل
حالته لا ما تباعد حال ( سلطان الرباح )
بالخطا راحت حياته والخطا ماله مثيل
كان ويّا صاحبه اثنين في أرض ٍ براح
يطردون الصيد دايم من صبح لين المقيل
اجمعتهم صحبة الدنيااا على جد ومزاح
ما يهابون الليالي والحمول اللي تميل
ما قتل عامد ولكن ثوّر ابليس السلاح
بالخطا ثار السلاح وين يلقى له دليل
انعقد سجنه .. وربعه تنتظر فك السراح
والاكيد انه سجين وما رضووا ربع القتيل
هل دمعه يوم صلّى ركعتين فالصباح
في نهار الجمعه اللي من ثقيل ٍ في ثقيل
هلّل وكبّر .. ونفسه تذكر اللي راح راح
كان في ربعه عزيز .. وذلّه الوقت الذليل
(لا محمد لا تهاني لا سعود ولا صلاح )
كلهم كانوا على باله وهمّه في ( هديل )
طفلة ٍ ما كمّلت عامين صايبها كساح
وانتثر دمعه وحاله من سبايبها نحيل
حان تنفيذ القصاص .. وغطوا الراس بوشاح
وجاك سيّافه يشيل السيف ابو حد ٍ صقيل
ارتخى راسه .. وزاد الموقف الحامي صياح
بين نوح وبين دمع وبين صيحات وعويل
وارتفع صوت الحشود .. وزاده محمد وصاح
يا يبه تكفى دخيلك تستمع قول الدخيل
يا يبه وشلون نصبر كيف نهجع بارتياح
وانت من دنيااا عيالك ماخذك مر الرحيل
يا محمد .. هاك علمي واحفظه قبل المراح
انتبه لاخوانك وبالك عليهم لا تعيل
والله الله .. فالصلاة وفالصيام وفالصلاح
والله الله .. ف( امكم ) والله لكم بعدي كفيل
غمّض عيونه ونفسه تطلب الله السماح
رافع ٍ سبابته .. ( مظلوم ) والله الوكيل
سل سيّاف الصفا سيفه ودقه ثم طاح
راس (سلطان المراجل ) وانتثر دمه يسيل
غسلوه .. وكفنوه .. وفاح طيب السدر فاح
وبالمصادف صار قبره جنب قبر ( ابن العقيل )
يا فلاح .. الكارثه ما هي سوالف يا فلاح
خلني ساكت ودوّر غير هالقصه بديل

[نــجــم]

شكراً على الطرح ,,

تقديري ..

[يارا العامرية]

شاكرة لك روعة حضورك ..
تقديري ,,
http://www.lamst-a.com/vb/images/icons/rose.gif

[منادي]

صح لسان الشاعر وتسلم يمينك على الديوان الرائع
اشكرك يارا.. الله يعطيك 1000 عافيه
و
تحية اعجاب لمن يستحق الاعجاب
منادي

[نجمة الصباح]

http://img105.herosh.com/2010/12/30/417522652.gif (http://www.lylmd.com/vb)


شكرا لك
مجهود رائع
والله يعطيك العافيه
http://img105.herosh.com/2010/12/30/417522652.gif (http://www.lylmd.com/vb)

[سلطانة]

http://www.halauae.com/uploads/images/alsaher-9350248a5a.gif

[يارا العامرية]

منادي
شاكرة لك روعة حضورك ..
تقديري ,,
http://www.lamst-a.com/vb/images/icons/rose.gif

[يارا العامرية]

نجمة
شاكرة لك روعة حضورك ..
تقديري ,,
http://www.lamst-a.com/vb/images/icons/rose.gif

[يارا العامرية]

سلطانة
شاكرة لك روعة حضورك ..
تقديري ,,
http://www.lamst-a.com/vb/images/icons/rose.gif

[العنيــــدهـ]

صح لسسسان الشاعر
وسسسلمت يميناك على رووعة الإنتقاء
يعطيك العافيه
!..❥

[شبيه اللول]

.
.

سلمت يمنأك على مآْحملتيه لنأ اشكرك جزيل الشكر على هذا الطرح
وانتظر جديدك القادم بشغف
لروحك الجوري
http://upload.wikimedia.org/wikipedia/commons/thumb/b/b3/Red_Rosa_damascena_%D9%88%D8%B1%D8%AF_%D8%AC%D9%88 %D8%B1%D9%8A.JPG/300px-Red_Rosa_damascena_%D9%88%D8%B1%D8%AF_%D8%AC%D9%88 %D8%B1%D9%8A.JPG

[كاتم العـبرات]

ديوان رائع


سلمت ولاهنت


دمت بود

[فادي الشلاحي]

صح لسان شاعرها وصح نقلك,,

[أمـــيرة الـــورد]

http://www.osrah.net/forum/uploaded/1763/51266881541.gif

ديوان راقي ورائع
تسلم يمينك
مودتي وأمتناني ،،،
http://www.osrah.net/forum/uploaded/1763/41266881541.gif



http://forum.mu4arab.com/images/smilies/smilie14.gif

[عــذبـة الـروح]

ديوان فعلا رائع

تسلم يمينك على الانتقاء

يعطيك الف عافية

دمت برضى الرحمن

[يارا العامرية]

شاكرة لكم روعة حضوركم ..
تقديري ,,
http://www.lamst-a.com/vb/images/icons/rose.gif

[غلا العتيبي]

تسلم يمينك ع النقل الرائع

[يارا العامرية]

شاكرة لك روعة حضورك ..
تقديري ,,
:m-49:

[دانــه]

صح لسسسان الشاعر
وسسسلمت يمناك على رووعة الإنتقاء
يعطيك العافيه ع الديووان الراائع ...

[يارا العامرية]

شاكرة لك روعة حضورك ..
تقديري ,,
:m-49:
</B></I>