.. { ديوان الشاعر بشير اللوويش ~ [الأرشيف]

العنيــــدهـ

11-06-2011, 04:13 AM

الحية الرقطا
هناك بعض القصائد لا تحتاج لمقدمه ، لكونها قصيدة موقف / مواقف

فمعناها في مثناها ... وهنا علها تحوز على رضاكم

....

..

.

الحيّة الرقطا

..
.

الحيّة الرقطا علامه ما تتوب
من وين ما وجّهت جتني بالدروب

قامت تطوّا والحيا ما من حيا
ترقص على المزمار لا هب الهبوب

يا المفتنه والناس ما تاوي لاحد
خوفي على نفسك من النار الشبوب

إن كان ما عمرك لقيتي ما يهاب
الشمري ما هو ترى ضمن القروب

الشمري لا من طنا / طنا / طنا
استوت دنياه شمسه والغروب

الشمري لا من ثنا / ثنا / ثنا
يا عز منهو ينتخيبه بالحروب

الشمري لا من نوا / نوا / نوا
يارد على حوض المنايا والكروب

يبهج القلب المعنـّا لا فعل
وما يراقب غير ربّه بالوجوب

مسيرته بين الامم دايم بياض
لو زيّف الحاسد عليها والكذوب

( لا حكوا بالحق حيين الضمير )
ينبون عنـّه في شمال وفي جنوب

بالسلم والاسلام والسيف الحدب
بالطيب والنوماس والصدر الرحوب

حقيقة ٍ تبقى على مر العصور
من غير قاصر بالقبايل والشعوب

اقولها واضرب على الموت الحمر
يوم إن مثلك للتولي والهروب

هلوسة تفكيرك الغاو / المريد
ما تفيدك لا وقف نبض القلوب

( إتقي شر الحليم إذا غضب )
والويل كل الويل للي ما تتوب

أدري بأن القرم يصبر فالبلا
بس البلا كثر الخطايا والذنوب

وإن ما نفع يا الحيّة الرقطا كلام
ما من خلاص وتالي العمر محسوب

العنيــــدهـ

11-06-2011, 04:15 AM

مـعـانــاة اللـقـيـطـ

الشعـر طـرح ٍ والمياديـن قرطـاس = وانـا عقيـد الخيلـهـا والركـايـب
خص ٍ ليامن هاجسـي دق الاجـراس = ابحر مـع الطـاروق مانـي بهايـب
يامـا علـى شانـه تمركيـت كـرّاس = فـي ليـلـة ٍ أشجانـهـا كالكتـايـب
فكـره ودافـع والاحاسيـس جــلاّس = مـدّة كريـم ٍ مـد جـزل الوهـايـب
هبايب ٍ تعصفبـي اخمـاس واسـداس = في سِكّتـي والفكـر وسـط الهبايـب
موقف غريب ٍ شدّنـي هـز الانفـاس = خلا شعوري بيـن مخطـي وصايـب
طفل ٍ رضيع وصرخته وسط الاكيـاس = وقت السحر والحزن بالصـوت ذايـب
وقّفت لاجله لحظـة ٍ مـا لهـا قيـاس = صامت عقل .. والصمت في عقل شايب
ماله أهل مثلـي وانـا آقـول لابـاس = أمر ٍ جـرى والـرب ماهـو بغايـب
يدري بأنـي كـل مـا هـب نسنـاس = تذرف دمـوع العيـن منّـي سكايـب
حزن وأسى .. آهات هـم ٍ وهوجـاس = من وين ما وجّهـت جتنـي غصايـب
أحمل قضيّه سجنهـا عـوج الاقـواس = (( حنّـا يتامـى والديـن وقرايـب ))
الله واكبـر يابشـر ويـن الاحسـاس = باللي جرى بالمجتمـع مـن مصايـب
أحد ٍ علـى ذنبـه كفـوف ٍ ومـرواس = واحـد ٍ يحـس ويدعـي الله تـايـب
فعلا ً مصيبه ( ضربة الفاس بالراس ) = يا حسرتي ويـن الأهـل والحبايـب ؟
ماهو بذنبي وضعي اليـوم يـا نـاس = والمشكلـه وحـدي دفعـت الضرايـب
إثنين راحوا واتركونـي علـى سـاس = ذكرى ألم .. والجرح ماهـو بطايـب
انـا اللقيـط وشـارد العقـل محتـاس = من واقـع ٍ ضاعـت حقوقـه نهايـب
مـا همّنـي بالنـاس عـاذل وبـلاّس = فينـي طمـوح ٍ للنـجـوم الرقـايـب
أبقى كذا ،، والديـن منهـج ونبـراس = واتلا العمر ما بيـن عـوج النصايـب

العنيــــدهـ

11-06-2011, 04:19 AM

مســــ افات الدهر ،،

ومرّت علي احداث .. وفصولها فصول=تطوي مسافات الدهر في شبابي

تحمل عذاب انسان ماهـو بمعقـول = والصبـر عيّـا لا يتحمّـل عذابـي

متصوّب ٍ والجرح ينزف من الهول = والمشكله // جتني سبايب صوابـي

جتني من اقصى البعد وعيونها تقول = قلّي .. عسى ماطال فينـي غيابـي

ما تدري ان الشوق لا صار مسئول = ياخذ حقوقـه لعبـة ٍ فـي شبابـي

شغلة فكر واصلا ً على طول مشغول = من يوم ما راحت وفكـري غدابـي

في جرهد ٍ مافيـه نبـت ٍ ولا زول = من غيرها بالناس يصبح زهابـي ؟

غندورة ٍ تامر على القلـب وتطـول = عرش ٍ بقلبي فيه كـل مـا تهقابـي

اسمى الظنون الطيّبه تصبـح فعـول = لا من تثنّة ،، والقسـى قـال مابـي

اجمع شتات الفكر وانظم لهـا لـول = جزل القصايد واسمها فـي كتابـي

شوقي / حياتي / ملهمتني على طول = محبوبتي .. وان كان همّي سرابـي

هذا انا .. والاسئلـه مالهـا حلـول = باقولها ،، وما همّني مـن حكابـي

قلبي وطن .. والقلب ماهو بماهـول = الا بنجمه ،، واكتفـي فـي جوابـي

ارقى لها بالحب .. ما اقبـل نـزول = لـو شانـت الدنيـا وزاد الشقابـي

يكفي ابوسلطان في حبهـا فصـول = كل السنـه نيسـان زهـرة شبابـي

العنيــــدهـ

11-06-2011, 04:20 AM

عـالــم الكــبت ،،!!

ماهو بضروري تتصل بي إذا غـبت = لكـن إذا طـولـّـت .... يبـقـى ضـــروري

لا تمـوّت الاحـساس في عالم الكبت = لمـْـلم شتـات الشـوق .. قــدّر شعــوري

لا تعـتــذر بالـوقـت دامـــك تســبّبت = فـي حــالة ٍ صعــبـة تلـخــبـط امـــوري

الله يـانــا ،،، فـي غـيـابـك تـعــذّبـت = حـتـّى كـسـى حـزني مـلامـح ســروري

ودّي معـك في حـضرتك وان تغرّبت = خـذني معـك دايم ،، وسجـّـل حـضوري

ما دامني من جــرح الايـام ما طـبت = فعــلك يطلعـنــي عـن حــدود طــــوري

كل ما ذكر انـّي في وصالك تصوّبت = أشــره عـليــك وانتـشـي فـي غــروري

لا هبْهب الغـربي وميـّـل به النـبت = لا تنشــد الــتربه عـن اوفـى جــــذوري

عـلــى أمــل لـقيــاك واقـف تصلـّبت = يكفـي انتـظـار ... وطـوّف الحـظ دوري

متـى تجــيني كالنــدى لا تطـيـّـبت ؟ = ومـن الفـرح يمـّـك اســابــق طيـــوري

عـلــّك تحــن ان كــان فـعـلا ً تثبـّت = إنـّي بعــد فـرقــاك ضـيّـعــت شــــوري

وآقــول تكـفى تتصــل بـي اذا غبت = تكفــى ضــروري تتصـل بـي ضـروري

تكـفينـي الحـسرات في عـالم الكبت = لمـْـلم شتـات الشـوق .. قــدّر شعــوري

العنيــــدهـ

11-06-2011, 04:22 AM

قرم المراجل

مزنٍ تهادي بالنظر له شناخيب = دلاّ يترادم من جنوب وشمالي
برق ورعد يصفق بعوج المحاديب = ياما هطل هتّانها بالخوالي
عل المشاعر بين شرقٍ وتغريب = عذب القصايد مالها اول وتالي
من هاجسي .. وافرح لياقلته يجيب = طنخة طنا .. منها تمايل عقالي
حروفٍ تسابق من يميني بترتيب = مضمارها ماله حدود ومجالي
يامرحبا باللي لفا بالمكاتيب = جزل القوافي .. والمعاني جزالي
جاني قصيد خليف ذرب الاتاريب = ابن ونس.. نبراس كل العيالي
شاعر جزل له منزلٍ بالمراقيب = يقدح زناده في ظلام الليالي
شاعر ولامن قال قافٍ لّه يصيب = أسمى المعاني .. دقّها والجلالي
لاقال .. قوله وافيٍ دون تكذيب = له هقوةٍ فوق النجوم العوالي
قرمٍ ولد قرمٍ .. ولابه عذاريب = من روس قومٍ كل ابوهم رجالي
خريصات .. شمّر .. دون شكٍ ولاريب = أهل الصخا .. أهل النقا والدلالي
تشهد لهم .. وقفاتهم بالمصاليب = لاجال مجال معرّبين الخوالي
ماهمّهم لو هلهلن الرعابيب = لو يقحمون الموت وقت القتالي
وتشهد لهم .. بالوقت ام الدبابيب = ترعى رياض العشب وسط المفالي
أفرح لياجاني شعر ومناديب = وآعن قاف الشعر لامن طرالي
بلسم قصيده .. للجروح المعاطيب = فيها الشفا .. يشبه لمي الزلالي
فيه أفتخر مابين كل الاصاحيب = والا الردي .. ياناس .. ماله ومالي
آفز للمطنوخ .. راع المواجيب = اللي على الطولات شد الحبالي
اللي شمخ بالجود عن كل مايعيب = النادر .. الوافي .. بعيد المدالي
يالله عسى شمسه تبطي ولاتغيب = يالله طلبتك ياعزيز الجلالي
وازكى التحيه .. ريحة المسك والطيب = فايح شذاها من عبيرٍ صفالي
مرسول منّي والغلا بالمحاديب = مثل الجبال الراسيات الثقالي
مزنٍ تهادي بالنظر له شناخيب = دلاّ يترادم من يمين وشمالي

منادي

11-06-2011, 04:31 AM

صح لسان الشاعر وتسلم يمينك على الديوان الرائع
اشكرك العنيده .. الله يعطيك 1000 عافيه
و
تحية اعجاب لمن يستحق الاعجاب
منادي

العنيــــدهـ

11-06-2011, 04:34 AM

الأم ابلغ من حروف القصيدة

لا .. يابعــد منهـو عـلى الكـون يـمّه = الحــال ولّـت ،،، والهــقـاوي صعــايب

مـن شـاف حـالي يمّــه اليــوم ذمّـــه = يشفـق عـلى يحّــول من هـــ المصايب

فينــي هـمــومٍ .. كـايـداتٍ .. مطـمّـه = جــتني تتــالا .. دون ذنـب وسـبــايـب

أجـهدنـي الهـوجــاس يـاشــين هـمّه = منـه العـقــل مــابــين حــاضـر وغايب

ياللعـجــب هـــ الــوقـت مـافـيـه ذمّه = شـــان اللـغــى مــابين اهــل وقرايـب

صــدق العــواذل هــرجـهـم بالمـذمّه = نــقّـــالة الهــرج الـــردي والـشــوايـب

يمّـه وصــاتــك فــي عـيـوني مهـمّه = كــالـبسـمــله بـالــدين مــابـه عـجـايب

عهــدٍ عــلـي والله لـــ صـعــد لقــمّه = فــيـهــا حـــيـاة الـعــز مــانـي بهــايـب

وان طـال عـمري بالمواقـف لاهمّه = بكـسـب المعــالـي ،، والعـلوم النجايب

العــمـر واحــد بـــين كــفّه وكــمّــه = واتــلا الـعـــمـر مـابين عـوج النصايب

يمّــه غــــلاتـك فـي ضلــوعـي ألمّه = بـــين المـحــــاني دون شــك وغـرايب

مـعـك المـشــاعــر عـلّها عذب جمّه = بلـســم حــيـاتـي .. مهجـتي والحـبايب

لـرضــاك رجـلـي سقـتهـا بكــل يمّه = مـاهـمّنــي لــو صــار فـينــي مـصـايب

ودّي بحـضنك .. أرتمي به واضمّه = يــاقــاك رب الكـون .. جــزل الوهـايب

العنيــــدهـ

11-06-2011, 04:40 AM

فرحــة العيــد

العيد ،،، ماهو معايد الناس للناس = شوفة عيونك في عيوني هو العيد

يامالكه كل المشاعر والاحساس = ماجت لي الايام في حسب ماريد

هذا خفوقي .. كل ماهب نسناس = نبضه تزايد شوق ويزيد .. ويزيد

ماكنّه الا دف ،، طار ٍ ومرواس = والا كما تصفيقة الايد ... بالايد

ليتك قريبه .. والتهاني من الراس = لكن ظروفي قيـّدت حظـّي بقيد

العذر منـّي .. والعفو منك لاباس = وفيك الامل ماخاب قدر ٍ وتمجيد

ضلوعي حطب والبعد اصبح لها فاس = وآنا وشعري ،، بين زفره وتنهيد

أنثر والم الحرف .. لولو والماس = طوق ٍ على عنقك يلاعب هاكالجيد

يامالكه كل المشاعر والاحساس = عندي كلام ٍ واختصاره بتحديد

مبروك عيدك يابعد كل هــالناس = وعسى حياتك كلـّها عيد في عيد

العنيــــدهـ

11-06-2011, 04:44 AM

ليلة الـــــــ( ش \ د )ـــمــع !!

للشـمـع نـــار ،، وللدمـوع المنـاديل = وللـحـب ذكـرى بـين الاضـلاع تـمـثــال

فـايـح شـذاهــا نكهـة الــبن والهيــل = تحـرق شعــوري في جـزيــلات الامثال

في وحدتي جالس على شِـفـّـة النيل = متعزّب ٍهمـّـي ... وسحـر الثـغــر طــال

اصدق معَ نفسي من الحزن والويـل = واكـذب عـليهـا وادري الـكــذب قــتـّـال

وشــ حيلتي لاصار ماعاد بي حيل ؟ = وشــ حيلتي والصمت بالجوف زلزال ؟

ملـّـيت من لـيـل السهـر والمـواويـل = الـيـاس مـوحــش والأمـــل فـيــك لازال

يمـّـي تجـينـي كالمـطـر والهـمـالـيل = تسـبـق دقـايــق سـاعـتـك مثـل الاطفال

يمـّـي تجـينـي كـالـفـرح والتعــاليــل = تسبـق جـديــل ٍ فــوق الاكـتــاف شـلال

يمـّـي تجـينـي والـوسـط كـنـّـه يميل = تسبـق بعـضـك وينصهـر فيـك سـلسـال

ثم آتـشـتت ،، واشتـعـل فيـك قنـديل = وافـهـق ظــلام ٍ ينـكـسـر فـيـه رجـّـــال

وانـسـى همـوم ٍ كنـّـهـا دربكة خيـل = صهيلهـا بـالـقـلـب .. والـوقــت خـيـّـال

ياصاحـبي ملـّـيت هـــ الحـط والشيل = بـسْ الحـقـيـقـه بـاخـتـصـرهـا بالاقـوال

أحـلا العـمر بـين الحـبايب مـواصيل = في سـاعــةٍ تسـوى مــلايــين الامــوال

ماهـي عـلى تكـفى وفـزعة رجاجيل = وماهي عـلى مـا قـيـل تمْـييــلة عــقــال

للشـمـع ذات ،، وللمحـبه غــرابيــل = ذكــرى وتبـقـى بـين الاضـلاع تـمـثــال

العنيــــدهـ

11-06-2011, 04:48 AM

اللـــ( تجـــــارب )ـــيـــالــي !!

العـلم نـور ،، وعـقـل الانسـان مـيزان = والـوقـت رحـلـة ،، والليـالـي تجــارب

والجود لا بان الرجـل وقـت الاحـسـان = خـص ٍ ليـا مـن الــردي صــار هــارب

مـوقـف رجـولـه مــا يبـي أي بـرهــان = فـي أزمـة ٍ ،، ما بين مـرخـي وكـارب

ومن لاعرف وضعه مع الناس غلطان = في سـاعـة ٍ يمـشـي بعـكــس العـقارب

سـيره وتبـقـى عــــبر الايــام عـنــوان = عـنـد البعـيــد ،،، وبـين كـل الاقـــارب

لابــد ... مـا تـحـكى سـوالـيـف خــلان = لا قــرّب الضميـان صــوب المـشـارب

ما قـلت انـا فـاهــم عـلـى كـل مـا كـان = لكــن ،،، مــع تجـّار الاسهـم اضــارب

حـتى لقـيت الخـلــق خـــادم وسلـطـان = ومنهم ظهـر مـن كـان لحـيه وشــارب

صعـبه على بعـض الرجـاجـيـل تنهـان = ويا صعـبهـا لاصار هـــ الوضع خارب

واجـب عـلى الرجـال لا صـار خـسران = مـا يـحـسّـب الاربــاح دامــه مـحــارب

قـرم ٍ طـمـوحـه مـا يجـي دونه انسـان = يـســوى مـشـــارق دارنـا والمـغــارب

امـا حـيـاة العــز ،،، لـولـو ومـرجــان = والا الـوفــاه ... ولا يجـينـا مـتـــوارب

من بعـدها،، لو قـالـوا الناس غـلطـان = مـا يهـمـنــا ،،، دام اللـيــالـي تـجـارب

العنيــــدهـ

11-06-2011, 04:50 AM

الموج الأزرق " الهلال " ونواف التمياط !!

"""

"

الموج الازرق قال .. ووفّى بقوله = هي عادته لاقال .. وفّى بالاقوال
هز الملاعب .. كل .. صوله وجوله =من مبطيٍ والفوز منهم ولازال
سيرة بطوله .. عز .. ياما شهدوله = شيٍّ موثّق في سجلات الابطال
الكاس مابه غيرهم من ينوله = لو قالوا العذّال .. يبقون عذّال
الفن كل الفن عرضه وطوله = حظ الهلال .. مأكدينه بالاقوال
ماخيّب الجمهور وجاب البطوله = غصبٍ على كل النوادي و....
عندي نصيحه وودي اني اقوله = لحدٍ يشجع .. غير .. ذربين الافعال
الموج الازرق هاج ونفسه زعوله = عند النهائي .. لعبهم صار زلزال
نوّاف
نوّاف .. شال الكاس وهذي فعوله = كابتن هلالي معرّب الجد والخال
الموج الازرق قال .. ووفّى بقوله = هي عادته لاقال .. وفّى بالاقوال
هز الملاعب .. كل .. صوله وجوله =من مبطيٍ والفوز منهم ولازال

العنيــــدهـ

11-06-2011, 04:57 AM

الراية الخضـــرا ..

الله خلق خلقه لحكمه واسباب = فيها المواعظ للنفوس السقيمه

ربٍ خلقنا واصلنا مي وتراب = وكمّل جمال الخلق صوره سليمه

لاجل العباده وانزل الشرع بكتاب = ومنهو تبع شرعه يحصّل نعيمه

الخير في سيرة محمد والاصحاب = اهل الخصال الوافيه والكريمه

نبراسنا لاصار للحق طلاّب = اللي خذوا بالدين قوّة عزيمه

والرزق بالدنيا له دروب وابواب = وبدروبها نسعى لكسب الغنيمه

نكبح جماح النفس ونقفّل الباب = عن كل دربٍ له نهايه وخيمه

نرعى حقوق الناس وندين الارهاب = وننكر فعل أهل الردى والجريمه

اسم السعوديه على راس مرقاب = للراية الخضرا .. معزّه وقيمه

في ظل منهو ماتوانا .. ولاهاب = لامال دربٍ للمخاطر يقيمه

قايد مسيره .. شهم .. للنار شبّاب = شرعٍ .. وسنّه واضحه في صميمه

ضد المعادي فهْدنا .. وشعبنا أصحاب = بينه وبين الشعب صحبه حميمه

الوقت يمضي وعمر الايام بحساب = وبعض البشر داله وناسي جحيمه

واجب علينا طاعته بأخذ الاسباب = يكفي عطانا العقل نعمه عظيمه

العنيــــدهـ

11-06-2011, 05:02 AM

الجـــوال ... والمــوتـــر ... (( قصيده حــورنيه )) .

..

يقوول الشاعرر :قصيده .... متواضعه ... تحمل .. معاناتي ... وهي .. معاناة الكثير ... الكثير

وهذي المعاناه تظهر كل نهاية شهر .... الأولى ... رسائل شركة الجوال المتضمنه وصول الحد

الإتماني لجوالي ومطالبتهم لي بتسديد المبالغ المترتبه عليه

الثانيه .... عطل سيارتي المتكرر ... عند اقتراب الراتب الشهري .. وموالفتها للسطحات المختصه

بنقل السيارات المتعطله

....................... إليكم ... كما هي ...

...

..

أوذاني الجوال بكثر الفواتير = وانا رصيدي للأسف كلّه أصفار

والبوك حتّى البوك مابه دنانير = مابه سوى الإثبات وأوراق الاشعار

غلبان .. والغلبان من وين مايسير = يسرح خياله بالعنا وين ماسار

جتني الرسايل واضحه بالتقارير = تطلبني آسدد .. وتنذرني إنذار

وين المصاري ؟ هاتها دون تاخير = والا فصلنا هاتفك عبر الاقمار

وندّون إسمك بالسجلات وتصير = فــ..بلاك لست وعقبها مامن اعذار

وآقول ياعالم .. وماهي معاذير = اقسم قسم بالله علاّم الاسرار

لو عندي الاموال مثل الهوامير = لآخذ على نفسي تعهد وإقرار

إني لسدد كاش .. من دون تقصير = وأمشي على ماريد في كل الاقطار

أبي مع الصحرا على كفّي الطير = في نزهةٍ مابين عذفا ... وسنّار

مستانسٍ في روض عشب ونواوير = هذا هواي .. وموتري جيب فكسار

لكن ظروف الوقت .. والراتب يسير = أقصاط في أقصاط .. ورويتبي طار

بين الهموم .. وبين ظروفٍ طوابير = واللي بقى مافيه ينٍ ودولار

اللي بقى معروف في قاعة البير = للموتر اللي عادته وقفت القار

الموتر اللي بلّشن بالمخاسير = في كل مرّه له مواقف وتذكار

مرّه من الكهرب .. ومرّه من القير = ونوب .. يتهزهز .. تقل يرقص على الطار

لامن نويت الدرب وقّف .. كما العير = تشهد اللي السحطه لياقيل " كومار "

هذا نصيبي بين هم وتفاكير = ياويل حالي ... آآآه من هم الافكار

كنت أتصل من شان ماضرب مشاوير = واليوم لازم اطوي الدرب مشوار

وشــ..حيلتي ؟؟ والوضع ماعاد به خير = وشــ..حيلتي ؟؟ مادام صار الذي صار

وشــ..حيلتي ؟ والوضع يحتاج تغيير = آنا بدار ... وصاحبي دونه ديار

ومادامني فقري .. وماملك دنانير = ماملك سوى الاثبات وأوراق الاشعار

مابه ورى الجوال كود المخاسير = هذي الحقيقه ماتبي كثر الاشوار

العنيــــدهـ

11-06-2011, 05:08 AM

يكفيني إنّي من ضنا حاتم الطي ...

الغي .. غلطه .. سكّته دوم ظلما = ياسيّدي وشفايدة سكّة الغي ؟

الدرب موحش والمسافات مرمى = للهاجس اللي بصمته كنّها كي

جفّت عروقك والمشاعر بتظما = والخِرج فاضي .. دون زادٍ ولا مي

كانك تبي ترحل .. بكيفك وانا اكْما = اللي حصل كنّه ،، وكنّه ولاشي

عادي

easy

عادي ومهما رحت ياصاح مهما = لابد مايومٍ تجي ... تقبّل إيديّ

كلّك ندم .. والدمع واضح وأدمى = نون العيون اللي روت همّها ري

وآآآآقول كلمه ... كل ماجيت كِلْما = لا ..لا.. تقول أرجوك .. لايابعد حي

إن جيت وإن ماجيت أبلغ وأسمى = ويكفيني إنّي من ضنا حاتم الطي

الشمري نسناس لديار سلمى = مصيفنا لاهبْهبت نسمة الفي

وإنتَ مصيفك ديرةٍ .. دوم ظلما = خلّك كذا .. ياسيّدي مووووت بالغي

العنيــــدهـ

11-06-2011, 05:24 AM

فقيد الأمه (( فهد ))

مل الورق ياحرف .. والشعر مقتول = في ناظري حتّى القوافي شهيده

ياويل حالي .. أصبح الفكر مشلول = من هول مامرّت .. ظروفٍ شديده

موجة حِزن .. وشراع الأحزان مفلول = في لجّةٍ ظلماء .. تروح وتعيده

من واقعٍ مؤلم ،، وحقٍ ،، ومقبول = أمرٍ من الرحمن باللي يريده

مرحوم ياخادم مليكٍ ،، ومجبول = اللي وقف للجار يوم المكيده

للحق سيف .. بوجه الأشرار مسلول = سطّر له التاريخ سيره فريده

تبقى معي حولٍ .. وحولٍ بعد حول = بصمة تميّز ،، والمواقف أكيده

قايد مسيره للمعالي على طول = في كل محفل .. له مكانه تليده

أفشى السلام .. وكلِّ محتاج مشمول = برْعايته .. وسط الليال العنيده

خادم بيوت الله ... واقع ومأمول = خِدمة فخر .. ماكل شخصٍ يجيده

لله درّه .. شهم .. أصبح ولايزول = مضرب مثل راع الخصال الحميده

تبكي عليه الناس بالعرض والطول = وتبكي على فرقاه حتّى القصيده

وتبكي عليه أقلام جفّت عن القول = حتّى الفكر ضاقت عليه البديده

فقيدةٍ .. ياناس .. يبقى على طول = أقسم قسم .. عزالله إنه فقيده

.................

.......

..

احاسيس مشتاقه

11-06-2011, 05:33 AM

صح لسانه ويعطيك الف عافيه على الايراد

العنيــــدهـ

11-06-2011, 06:25 AM

حبك بوادي .. و .. الخلايق بوادي

شبه المطر عشقي من أقصاك لادناك = وماكنّه الاّ .. سيل حدّر بوادي

ياما حمستك شوف لين آتقهواك = حتّى يطيب البال كيف المبادي

وآعن لك جزل القصايد بيمناك = شعرٍ .. يتوه بعالمك ياودادي

ليلك بحر ياسيّدي .. وين مرساك ؟ = وأزرق نهارك صار ماهوب عادي

طيفك معي .. من وين ماروّح ألقاك = من وين ماروّحت طيفك ينادي

جيتك مشاعر همّها اليوم لاماك = جيتك طموح .. وفيك غاية مرادي

جيتك بلاد ٍ حدّها ضيم منفاك = جيتك من المنفى تعب يابلادي

وسط الليالي ولّع الشمع ذكراك = في زحمة الافكار حلّيت بادي

في ذمّتي من دوووون .. ذولا .. وذولاك = إنت الوحيد اللي عطيته فؤادي

بين الحنايا مجلسك حط مركاك = ماغير .. أنا.. وإيّاك .. والجو هادي

فل الحجاج وأطرب اللي تمناك = مالك .. ومال الناس .. حضر وبوادي

أبغى ارتفع فوق المجرّه والافلاك = واقطف ورود الحب من كل وادي

وتقول إكتبني .. وانا آقول أبقراك = حرف القصيد اللي عليه اعتمادي

إن جيت .. وإن ماجيت والله فلا أنساك = في غيبتك كل المناظر سوادي

ياسيّدي :.. عطر القصايد تنصّاك = بسمك قصيدي ريح مسكٍ وكادي

الشاهد اني قلت في ليل فرقاك = حبّك بوادي .. والخلايق بوادي

العنيــــدهـ

11-06-2011, 06:26 AM

الرقص على الأطلال !!

بعض المواقف .. ماتبررها الاعذار = لو تعتذر مليون مرّه نسيتك

لا.. لاترجّى .. يوم صار الذي صار = أخطيت في حقّي .. ويكفي نهيتك

ماقلت لك .. لاتحرق الجوف بالنار = ماقلت لك .. لاتبيع دامي شريتك

خلاص وانسى مامضى صار تذكار = قرّرت أبرحل .. من حياتي محيتك

موّل على فرقاي واضرب على الطار = وارقص على اطلال ساحات بيتك

لكن ،، تذكّر اني امرار وامرار = باحلا المشاعر من خفوقي عنيتك

ياما على شانك تحدّيت الاخطار = وياما على شانك بروحي فديتك

وياما على شانك تجرّعت الامرار = وياما بصدقي من حناني سقيتك

وياما فرشت الدرب في وجهك ازهار = ياما ،، وياما ،، من عيوني عطيتك

واليوم .. مدري !! كيف ؟ وشلون ؟ وشصار ؟ = خيّبت ظنّي فيك .. وشفني نسيتك

العنيــــدهـ

11-06-2011, 06:27 AM

تسبيحة .. تهليلة .. والدي ( 1 )

أصل الحياه أوراق ،، وفتّح زهرها"="للـمـؤمـن اللّـي مـاتذمّر نـدامـه

والضيقه اللّي طـوّلـت فـي دهـرهــا"="تبطي عظم والمـوت دون الكرامه

غـيمـة أسـى ،، عـنّي تجـلاّ كدرهـا"="يومٍ رحـل هـمّـي وحـالك ظـلامــه

كِـن الفـرح مــزنـه وهـلّــة مطـرها"="في جـرهـدي قـفـرٍ تمـنّى الغـمامه

كِـن الشـعــر بنتٍ وفـلّــة شـعــرهـا"="ميّاسـة الميـدان .. عِــز وزعـامه

وسـط الــورق قـامت تنـثّر دررهـا"="فيها الجـزالـه قـامـةٍ فــوق قـامـه

ليه العجب ؟! والعين قفّـى سهرها"="يـوم إن ابـويـا بـشّــرتـه السـلامه

مـن عِــلّةٍ طـالـت .. وطوّل خطرها"="رفـقة عمر مثل الغصن والحمامه

فـزعـة ولي الـكـون واضـح أثـرهـا"="بالمـؤمـن اللّي مـاتـذمّـر نـدامــه

عـبـدٍ شكــر ربّه ،، ويدّه شهـرهــا"="تسـبيحـةٍ .. تـهـليـلـةٍ وابـتسـامـه

العنيــــدهـ

11-06-2011, 06:28 AM

الخوف .. في سكّة الخوف !!

زلْزِل كيان الخـوف في سِكّـة الخوف = وانْــثر ورود الـحــب فـي كـل سِـــكّه

لاتهِِـمّـك الدنيا .. ولاتهـِمّـك ظـروف = غــرّد شـذاي .. وباب الافـكار صِــكّه

خـلْ العـنـا والهـم ... يـاسـيّـدي روف = مـن صبْحـك الميّاس .. هـالليـل فِــكّه

لاتحـرِمـه حـرّيـتـه ... ودّي آشــوف = طـلّة جـبـيـنـك … والـسبـايـك تـلِــكّه

دلّـِع جـديلك ،، بين طـيران وكـفـوف = جــو المحــبّـه صـافــيٍ … لاتعِــــكّه

الصـد منكـر .. واللـقـا فـيـه معروف = والوقت قلعه … والخـطـاوي تـدِكّــه

لمْلِـم شتـاتـي في عـنـاوين وحـروف = صفحـة بيــاضٍ .. مابها ايـّات شِــكّه

لك وحـشـةٍ في ذمّتي تشعـل الجـوف = نـارٍ تـوقـّد ... والـصــدر فـيـه تِــكّــه

مِـن واقــعٍ مـؤلِـم .. مأسـيّـه سيـوف = يلعــن أبــوه الـحــظ … كِــنـّه بلِــكّه

ياسيّـدي .. لاتضيّـع الحـب بالخــوف = ولاتضيّع " الـراسـي " مع كل سِــكّه

العنيــــدهـ

11-06-2011, 06:29 AM

بعض البشر .. حيٍّ وصيته توفّا .. وبعض البشر .. لو مات صيته بقى حي ..

أقبل عليّ الصبح والليل قفـّا = والفكر شحّ ولا وصَل فكري لشي

لاهب سنا الافكار بالحيل دفـّا = جوّ المكان اللي شكا بارد الفي

في رحلة الأيام والموت صفـّا = ناسٍ على عدلٍ وناسٍ على غي

بعض البشر حيٍّ وصيته توفـّا = وبعض البشر لو مات صيته بقى حي

وافَ الخصال وبالفعايل موفـّا = ما كنـّه الا نجمةٍ تشتعل ضي

قال المثل " بالفعل كفا ووفا " = مدّة يمينه كنـّها لحاتم الطي

نارٍ تأجّج يوم غيره مطفـّا = تشهد له الايام والزاد والمي

سيرة فخر لوّ الليالي تشفـّا = يبقى بياضه مرتوي منـّها ري

واقع حقيقي حاصلٍ ما تخفـّا = علامةٍ بالوقت .. ظاهر كما الكي

أقبل عليّ الليل والصبح قفـّا = وانا وفكري ما اتفقنا على شي

بعض العرَب حيٍّ وعلمه توفـّا = وبعض العرَب لو مات علمه بقى حي

العنيــــدهـ

11-06-2011, 06:30 AM

شوق و راس القلم حاد

ماهي غريبه نلتقي دون ميعاد = بس الغريبه نفترق دون تلميح
ثم ننتظر لعل الايام تنعاد = وبين الرجا والياس نبقى مجاريح
كيف الورق يشره وراس القلم حاد ؟ = والذنب ذنبي ،، والورق ماهو مريح
زاد الالم ... والبوح في ذمّتي زاد = شرهة عتب والشعر مااضنّه يبيح
حلمٍ تبدّد ،، والسبب غربة بلاد = ياما رفعت الصوت بإسمك وانا آصيح
يكفي أسى ،، آهات ،، يكفيني عناد = واضح صوابي يكفي القلب تجريح
شوفي ضلوعي ماتبي قدح وزناد = جمر الغلا ولّعْ .. وولّعْ به الريح
يعني كذا .. مافيه داعي للإبعاد = ومافيه داعي يصبح الورد كالشيح
ومافيه داعي يفرح اليوم حِسّاد = دام الخطا وارد ويحتاج تصحيح
ماعاد فيها صبر منّي .. ولاعاد = للصبر حدْ وآخر العمر بقريح
يالله تعالي ،، خلّي الحظ ينقاد = ودّي آعيش الوقت واقف ولآطيح
ولاهي غريبه نلتقي دون ميعاد = بس الغريبه نفترق دون ميعاد

العنيــــدهـ

11-06-2011, 06:32 AM

جرح الغياب

والله لــصــبــر واصــبـــر الــيـــوم بــعــنـــاد
ولـو حـاربـت ســود الـلـيـالــي عـنــادي

ولالـــد فــكـــري لــقـــول عــــاذل وحِــســـاد
أمـشــي عـلــى مــاريــد راي الــســدادي

نــــــــــــــــــــــفـــــــــــــــــــــــســ ـــــــــــــــــــــي عــــــــــــــــــــــــــــــــــزيـــــــــــــ ـــــــــــــــــــــزه

نــــــــــــــــــــــفـــــــــــــــــــــــســ ـــــــــــــــــــــي عــــــــــــــــــــــــــــــــــزيـــــــــــــ ـــــــــــــــــــــزه

نــــــــــــــــــــــفـــــــــــــــــــــــســ ـــــــــــــــــــــي عــــــــــــــــــــــــــــــــــزيـــــــــــــ ـــــــــــــــــــــزه

نــفــســـي عـــزيـــزه دايــــــم الــــــدوم تــــــزداد
وعـلـى الـنـقـا مـخـلـوق شـربـي وزادي

إلى قلبها

......... بعد غيابها

............... اليها ... وحدها

وينك ؟ تعالي بدّلي ظلمتي ضي = طال البطا تكفين يالله تعالي

آموت انا في شوفتك يابعد حي = لالا .. تقولي .. لاتحرّى وصالي

جرح الغيابْ بخاطري منكوي كي = والله يعين اللي كوته الليالي

بعدك طواني الهم طيٍّ بثر طي = يالعنبو همٍ بوقتي برالي

ينْده لك الخفّاق ماتكتب يدي = روفي بحالي يابعد كل حالي

مابالتغلي فايده هدّي شوي = ردّي علي أرجوك ياراس مالي

من غيرك الدنيا بعيني ولا شي = وشفايدة دنيا بها الحظ مالي ؟

ياغاليه ماسار مركب بلا مي = وصعبٍ يكون الحب في بِعد غالي

مادامني بالوقت أصبحت لك في = عهدٍ علي والله يبقى ظلالي

يالله تعالي بدّلي ظلمتي ضي = طال البطا تكفين يالله تعالي

العنيــــدهـ

11-06-2011, 06:38 AM

شرهات الأصحاب .. و طعون السكاكين

الوقــت يمضي واكثر الـخـلق سالين = وحــنــّا نتحــرّى هــالوفــا بالـصـداقــه
والــلــه ورب البيت ديـنٍ بثر ديـن = إن الـــلــيــالــــي حيل مــــرٍ مـــذاقــــه
ســـود الـلـيـالـي ماتـبـي زود تـلــويـن = ربــي عـطــاهـا الـلــيـل كـلـّه وســاقـــه
رحّـــال انـا بالهـم يـطــويـنـي الــبـين = يــالــعــنــبــو هــمٍ عــشـقــنـي عــشــاقــه
من بد خلق الله لقــاني عـلى الدين = عــدّل مــزاجـــه بـــــي .. كيــف ورواقــه
كـنـّه يهودي.. صـرت انا له فلسطين = ظــالـم حـكمـني ظــلم .. وحـكّـم وثـاقه
فــعـلاً حـقـيـقــه واضـحــه بـالـعـنـاويـن = أصبـحــت انـا مـثـل الـسـراب وزراقــه
من وين ما عاهـد على اليـسر واللـين = خــان الـعـهـد حتّى الـمـواثـيـق بـاقــه
يــامــا دعــيــت بــربِ طـــه ويـاســـين = يعـتــق قـيــود الـقــلب مــنّــي عـتــاقــه
رد بغـضـب مـرسـوم في نـاظـر العـين = يـقـول : انا في عنق حـظـّك خـنــاقـه
وردد علــي يالـيــل ماطــولك يـاعين = وقـبــلــه أمـرنــي .. ردد بـكـل طــاقــه
ياللــيـل .. ياللـيـل الشـقـى والـمــجانين = الـهـم عـــانـقــنـي ... وطــوّل عــنــاقــه
دام الصـــداقـــه صــار فيــهـا طواعين = كــلٍّ ذكـــر مــاعـــاد فـيـهــا عـــلاقـــــه
الجــرح دامـي…ياطعون السكاكين = كــل الالم بالنــفــس والنـفـس ضــاقــه
حنّا مع الـوقــت الـردي دوم ماشـين = نتـعــب وتتــعـبـنـا الـعـلـــوم الــدقــاقــه
الخــوف لاصــار الـوفـا يشـكـي الـبين = والخــوف من شخــصٍ تناسى الرفاقه
مــاللـعــذر بالـــذات قــولٍ وتـخــمين = شــيٍ تـــعــدّى هـــالادب والــلــبــاقــه
القــلــب شــرهــاتــه على ناس غالين = نمــوت ونحــيــا والــصــداقــه صــداقه
نشـره عـلى اللـي دايم الدوم وافــين = والعــكــس والله مــاعــلـيـهـم شــفــاقـه
الوقت يمـضي واكثر الخــلق سـالين = والخوف من شخصٍ تناسى الصداقه

العنيــــدهـ

11-06-2011, 06:43 AM

الطنايا ... وواحد من الناس

صاحت إجا لعيون سلمى ورمّان = وردد لها سنجار صيحه قويّه

ثار الطنا في كل ساحه وميدان = يالعن ابوها فزعةٍ شمّريّه

ماهمّنا عذّال صنعاء والاخوان = ولاهمنا كيد النساء الكاوليّه

مانلتفت للخلف لو كان ماكان = نظراتنا قدّام بين البريّه

أفعالنا أفعال في كل الازمان = يعني كذا بالظبط ميّه وميّه

الموت والله عندنا خير ديّان = نقدم على الموت الحمر دون جيّه

تشهد لنا كل النواحي بالاوطان = أصغر ولد منّا زبون الونيّه

فوق النجم منزالنا صار عنوان = من دوننا حالت مسافه مديّه

واللي نوا السيل العرمرم " كوينان " = وشعاد يلقى بالمنايا حذيّه

تايه دليله ... ضيّعه شور غلبان = رفّع له الشيطان بحضرت سميّه

غرّه زمنه وضحكة السن لابان = كنّه تناسى الوضع وضع المطيّه

حتّى لفاه الشمري ذرب الايمان = نسل الطنايا والكرم والحميّه

ميّل عقاله وافتخر رمح وسنان = كل الفخر والله قبضة يديّه

دام الطنايا فزعته طير حوران = كنّه ملك والشعب عنده رعيّه

العنيــــدهـ

11-06-2011, 06:45 AM

الحر الجرودي ..سمو الشيخ محمد آل خليفه

هجرس لي الخفّاق من الشعر موّال = مزنٍ تهادي بناظري له مخاييل

برق ورعد يصفق من الجال للجال = وسط الحنايا له حنين ومواويل

فج المحاني ودم الاشعار بي سال = لين ارتوى من عرقها صافي النيل

كن الشهب من روعته تشعل اشعال = واستغفر الله لو اباقول ترتيل

قافٍ نظمته عِقد لولو بسلسال = باللي يزين المدح به والتماثيل

اللي وقف بالجود مع كل رجّال = قرمٍ زهى القيفان بين الرجاجيل

يشهد على ماقول جزلات الافعال = للفعل كيف .. وكيفه البن والهيل

ويشهد له الْفيْ ان دنى واقبل اللال = والليل يشهد له ويشهد له سهيل

وان جيت ابوفي ماتوفّيه الامثال = في ذمتي والله ولو قيل ماقيل

محمد عريب الجد والعم والخال = صيته علم بالجود جيلٍ بثر جيل

له فزعةٍ كنه من المزن همّال = في صحصحٍ يفرح لياعلّه السيل

حرٍ جرودي ماكره فوق الاجبال = له هدّةٍ لاهد ماهي اقاويل

لاقال يفعل ،، وان فعل فعله هبال = في كل مجلس له معزّه وتجليل

طيبه حقيقي مايتغطى بغربال = يقدح زناده بالكرم تالي الليل

قرمٍ ولد قرمٍ ولاقولٍ يقال = من روس قومٍ كل ابوهم حلاحيل

ستر العذارى لالفى القوم ولوال = عز الصديق اللّي شكى الهم والويل

اخوٍ عزيزٍ للشديدات حــّلال = باسمه قصيدي صار هيل وفناجيل

فيه يتباهى القاف والقاف يختال = وانا بجنابه والله اختال بالحيل

العنيــــدهـ

11-06-2011, 07:10 AM

أنا أشهد انه يالطنايا فقيده

انا اشهد انه يالطنايا فقيده = موتة طلال الضيغمي عرب الانساب

ولاينفقد بالوقت كود الوليده = والا الردي ماينفقد بين الاقراب

عزوا بعضكم بالليال الشديده = وعزوا الشعر والجود واللي بالاصلاب

وعزوا المراجل والخصال الحميده = وعزوا الصقر والصيد واقلام كتّاب

وعزوا الوفا واهل الدروب السديده = وعزوا النوايا البيض بقلوب الاحباب

يكفي جنابه بالنفوس الزهيده = مالك غلاها عند فتلات الاشناب

قرمٍ تربى والطنا في وريده = من روس قومٍ ماطلع فيهم غراب

حرٍ جرودي والمزايا عديده = صيته علم مابين ربعه والاجناب

يالله عسى مثواه جنه فريده = مع النبي الهاشمي هو والاصحاب

وانا اشهد انه يالطنايا فقيده = جته المنايا وانقفل دونه الباب

العنيــــدهـ

11-06-2011, 07:12 AM

أحمد ياسين وملح الحبيبه

القدس صاحت وارتجف كل منبر = في ليلةٍ ظلماء وكانت كئيبه

كبّر بها المسلم ،، وهلّل وكبّر = في لحظةٍ حلّت ،، وحلّت مصيبه

أحمد شهيد وكل شيَّ مقدّر = طلقة غدر ياناس ماهي غريبه

زلزل كيان الشرك عودٍ مكسّر = كافح ،، وكافح في مواقف عصيبه

شيخٍ تربّى بين ساحه وعنبر = تشهد ملامح سيرته ريح طيبه

سطّر له التاريخ .. سطّر .. وسطّر = أسمى المعاني للعقول اللبيبه

حتّى علا فوق المعالي وعبّر = في صفحة التاريخ بصمه رهيبه

ليه العجب والحزن ؟ ليه نتعبّر = دام الشهاده فخرها من نصيبه

ودام اليهودي عاش وقته مصغّر = لابد ماالاسلام يدفن صليبه

يعني كذا بالفعل شيكٍ مجيّر = للي نوى الجنه بيدفع ضريبه

ماتدفع الأصوات ظلمٍ مدبّر = ماتدفعه ياكود قوّه نجيبه

تكبح جماح اللي غزانا وعزّر = كل الوطن .. كلّه جروحٍ عطيبه

كيف الصبر بالله ؟ كيف نتصبّر ؟ = وملح المدافع صار ملح الحبيبه

كيف الصبر والموت شيَّ مقدّر = وأحمد شهيدٍ راح قصّه كئيبه

القدس صاح وداعي الموت عبّر = في لحظةٍ حلّت .. وحلّت مصيبه

العنيــــدهـ

11-06-2011, 07:13 AM

وشـــ ... تنتظر ؟؟!!

لا .. لاتحرى جيّتي يمك اليوم = يلعن أبوه إن كان قلبي عصاني

إبعد بعيد هناك والهرج مفهوم = والله إن تموت ولايجيلك حناني

الله ولاعشرت مذلّه مع رخوم = دام الطنا بعروق دمّي زهاني

أبشرك ياهيه ماني بمهموم = أنا الحظيظ .. ونلت كل الأماني

عقب الأسى ياصاح والزيف واللوم = عشت الهنا كنّي وحيد بزماني

الله عطاني الحب والرزق مقسوم = والحمدلله ربي اللي عطاني

خلٍ سكن ذاتي مقدر ومحشوم = رحّب به الخفاق يومٍ لفاني

بالحب ملكني مايبي ربح وسهوم = مهجة حياتي بين قاصي وداني

أصدرت له أمرٍ وزاري ومرسوم = غيرك حبيبي .. ماسكن بالمحاني

أشتاق له بالحيل يومٍ بثر يوم = وآآآموت لامن غاب عنّي ثواني

والا أنت يا(... ) لاتقرب الحوم = إبعد وتلقى مثل طبعك أناني

يكفي حبيبي وافيٍ لي على الدوم = الصاحب اللي صار لاجلي مواني

العنيــــدهـ

11-06-2011, 07:15 AM

شـرهـة الجـدي وسـهـيـل

نامت على كف الغلا كذبة ابريل = حتى غفت عيني على صمت عينك

في موجها ابحرت فعيونك النيل = مستسلم ،، ومجداف عمري يمينك

في نظرتك شرهة عتب للمواصيل = كل العتب يشره واشوفه يدينك

في موقفي حيره لكل الرجاجيل = الصمت يرعبني وانا ابغى حنينك

خانتني العبره وماعاد بي حيل = أطلب يعود الوقت بيني وبينك

كيف الجدي يشره على معانق سهيل ؟ = رغم المسافه والفضا في سنينك

مجنون شعري كل ماهوّد الليل = آسج بك ،، وآسج وآصيح وينك ؟

واستأسر الخفّاق طق المواويل = ألحان دبكة ميجنا مع سجينك

ليت الدقايق صدّقت كذبة ابريل = لحظة سكون الليل طلة جبينك

جابت ثواني حضرتك سكة الويل = حتى غفت عيني على صمت عينك

العنيــــدهـ

11-06-2011, 07:16 AM

الشيخ مثقال الربع ،،، راعي العليا

يابوسند يالقرم تكفى وقل تم = خل الطنا بركان دامي نخيتك

يامعرّب الجدين والخال والعم = انا وهمّي والقصايد لفيتك

ياراعي العليا

ياراعي العليا لك الله ما اهتم = حيثك ذخر للكل وايضا نصيتك

لك عادةٍ يالقرم لاقلت لي سم = أبشر بعزّك كل مالي عطيتك

مثلك فخر للجود ،، والكل يعلم = ساس الكرم والعز والله بيتك

فيك الوفا معروف بالكيف والكم = بدّد ظلام الوقت ليل وسريتك

يالله عساك من الصواديف تسلم = ياخيّرٍ بحروف شعري عنيتك

ولو اكتب القيفان بالشد والظم = في ذمتي ،، في ذمتي ماوفيتك

العنيــــدهـ

11-06-2011, 07:17 AM

بــيــــض الــنـــوايــــــا ..!!

قصيدة ،،، موقف

الوقت يمضي وأكثر الخلق سالين = وحنّا نتحرّى هالوفا بالصداقه

والله ورب البيت دينٍ بثر دين = ان الليالي صار مرٍ مذاقه

1

2

3 قـــــــــــــــــــصـــــــــــــــــــيـــــــــ ـــــــــــدة ،،، مـــــــــــــــــــــــــــــوقــــــــــــــــــ ـــــــــــف

الـوقـت يـمـضـي وأكـثـر الـخـلـق سـالـيـن وحــــنّـــــا نـــتــــحــــرّى هـــالــــوفــــا بـــالـــصـــداقـــه

والله ورب الـــبــــيــــت ديــــــــــنٍ بـــــثــــــر ديــــــــــن ان الــــلــــيــــالـــــي صــــــــــــــار مـــــــــــــــرٍ مــــــــذاقــــــــه

،،،،،،
،،،،،،،، بــيـــــــض الــنــــوايـــــــــــــا ،،،،،،،،،،،،

انا اشهد اني لااظلم الوقت نايف = في موقفٍ من جاه صد بذهوله

أمشي على ماريد ماني بخايف = والعمر واحد ،، والليالي عجوله

الحق واضح مثل بيض الصحايف = وابن الحموله لازم انّه يقوله

حروف القوافي كالسيوف الرهايف = تقطع جلاميد الصفا لو تنوله

يقدح شراره بالجبال النوايف = مثل المزن لاهل وابل سيوله

من روس قومٍ بالسنين السلايف = افعالهم بالكون جوله وصوله

عاداتهم بالجود علم وطرايف = تطرب لها ياهيه نفسٍ زعوله

ولا استبيح الحق في علم زايف = وكلٍّ على حقّه يسرّج خيوله

والشعر له جمهور ،، حزب وحلايف = من مبطيٍ بالوقت دقّوا طبوله

فيهم ثقيل العقل وفيهم خفايف = واحلا المواقف لاتبيّن اصوله

للشعر ساعاتٍ ،، وسلم وطوايف = والغيث ياماحلاه لحظة هطوله

ومايحجب المشراق لبس الغدايف = والشعر ماتثنيه نبره خجوله

العنيــــدهـ

11-06-2011, 07:18 AM

عـذبة الجـم ..

الجم لو ماعلّني عذب جمّه = ماعلّني عن سلسبيل الغلا جم

يابعد قلبٍ حتّى لو كان يمّه = لي مركبٍ ماردته موجة اليم

قافٍ لفاني بالعلوم المهمّه = يامرحبا به عد مالشعر ينظم

يامرحبا بالقاف واللي متمّه = اهلاً هلابه عد ماينطق الفم

من راس شاعر فيه عزمٍٍ وهمّه = احمد عريب الجد والخال والعم

قرمٍ وطبعه للشدايد يزمّه = عساه من كل الصواديف يسلم

عند المواقف منزله راس قمّه = بالفعل يصعد يوم غيره تكلّم

شعره جزل في كل شدّه وضمّه = شاعر ولايبحل ببيت وتلعثم

وافي بحقوق الطيب ... شيٍ يهمّه = راسي وغيره بالفعايل تحطّم

افرح ليامن جاء قصيده واخمّه = مثله عزيزٍ نفتخر به وننعم

شاعر يقول القاف ياخوك سمّه = ابيات تطرد اسود الهم والغم

يشكي علينا وقت كلٍّ يذمّه = راح النقا واصبح لنا الشر بالدم

يالقرم ضمّ الصدق بالجوف ضمّه = من كمّك الايسر ليا ايمن الكم

واصبر عسى المعبود ... خيرٍ يعمّه = بارض الوطن يزهر لنا الخير ويعم

وإن كان به شخصٍ يحب المذمّه = يوم الفقر والكل يطعنك ويذم

خلّه عسى التفكير دايم بهمّه = ويضيق به قبرٍ وحيشٍ ومعتم

واعرف ترى لازال بالناس ذمّه = شرواك لامن جيت قام يتبسّم

يفداك لاشٍ مهبداني ورمّه = وابقى انا وايّاك من دون نهتم

امشي معك ياصاحبي بكل يمّه = آنا رفيقك افتخر فيك واهتم

تنثرني الاشواق يمّك والمّه = متى اشوفك ؟ يابعد حيّ قل تم

وهذا سلامي تالي القول اتمّه = من جاش ببحور المعاني تلاطم

العنيــــدهـ

11-06-2011, 07:20 AM

رفحاء ،، الشمال

ناض الخيال وهبّ للنود ذعذاع = مزنٍ تهادى له رفيف ومواويل

محلاك يالرشراش في كل مرباع = محلاك يامزنٍ حدته المخاييل

والغيم كنّه لك ذلولٍ ومطواع = والا المطر صوته كما حافر الخيل

كنّ المطر عاشق .... ومعشوقته قاع = يبكي وعلى خّده نثر دمعه السيل

وازهربه النوّار واخضر نعناع = وغرّد به البلبل ... سهر لاجله الليل

محلاك ياديره لها من الكرم باع = في صحصحٍ يحلا السهر والتعاليل

رفحاء لها من العشق في وسط الاضلاع = ومن الغلا لرفحاء تغنّابه القيل

المملكه بحرٍ ورفحاء لها شراع = المملكه كيفٍ ورفحاء لها الهيل

من طيب اهلها صيتها بالفضاء شاع = اهل الكرم والجود ذبّاحة الحيل

ولوهي بكيفي ... لو الوقت ينصاع = والله لخلّد سيرته لتالي الجيل

العنيــــدهـ

11-06-2011, 07:23 AM

لـعـنـة اللـيــل !!
.

روح البياض ،،، دلال ودلعنه

انتي طلبتيني قلت : حاضر وممنون = هذا خفوقي جاب كل ماطلبتي

بس آمري والصعب لعيونك يهون = ياشيخةٍ للعقل والله سلبتي

كل المشاعر والاحاسيس وعيون = حتّى وصلتي الفكر ومنه اقتربتي

،،،،،،،
،، لعنة الليل ،،،،،،،،،

اشتقت لك يلعن ابو ليل فرقاك = الله وكيلك ياحبيبي لك اشتقت

حطّمتني من يوم تشّر بيمناك = كذّبت في أمرك وهلحين صدّقت

ان الفراق يصير لكن فلا انساك = لو طالت المدّه لشوفك تشوّقت

بس آتسلا بالقصايد بذكراك = لو تسمع الابيات للشعر صفّقت

سطّرت اسمك بين ذولا وذولاك = باسمى معاني الحب للقلب حقّقت

خلتك سحاب ومبطي الروح تضماك = ويزود شوقي لالمحتك وبرّقت
عل المشاعر في وصالك ولقياك = وخذني معك من وين مارحت بالوقت

بعدك حياتي وصلّت حوض الادراك = افزع تراني ياحياتي توهّقت

ماقلت لك يلعن ابو ليل فرقاك = اشتقت لك في ذمتي والله اشتقت

العنيــــدهـ

11-06-2011, 07:24 AM

عقد لؤلؤ زهابك ،،

زاد الـوله يا بــنت ولازلــت مـشــتاق = وانا الغريب فـ حظرتك وفـ غـيابك

في حــظرتك اهيم في بحـر الاشــواق = وفـ غـيبتـك ماغـير اطارد سـرابك

حــيـثـك حـيـاتي ياحـيـاتي بـــالاوراق = قـافٍ نظـمـته عـقـد لـولـو زهـابك

حـبك سـطى يابنت في وسط الاعـماق = وهـذا مـكـانك فيه حــطـّي ركـابـك

اهـلا هـلا باحـلا المـشاعـر والاخـلاق = حـتـّى خـفـوقـي صـاح اهـلا هـلابك

انـتـي هـوى اللي بك لقـى كل الاذواق = وانا الحـظـيظ وحـظـي اليـوم جـابك

ديـمـــومـــةٍ لك بالســمـاء كل بـــراق = يلـوح والـبيـداء تـمـنـى سـحــابك

الوقـت ضـدي صـار واصبحت منعاق = وهــذا قـصـيدي فيـك واقـرأي كتـابك

عـسى السعـاده في حياتك لها اشراق = يبــقـى سـنـاهـا دايـم ٍعـنـد بـــابك

يـابـنت باســم الــرب قــسـام الارزاق = عــهـدٍ عــلي يبقـى لـذيـذٍ شــرابك

والله لـ حـط الورد في عـنقـك اطـواق = والله لخــلـّي العـيد يـزهـى شـبـابك

واوفي معــك من دون عـهـدٍ ومـيثاق = واعطيك قلـبٍٍ يـوم حــب وشـقـابك

جـمـر الـغـلا يـابـنت بـالـجـوف حــرّاق = متى اشـوفـك ؟ واهـتني في جـوابك

يــابـنـت انـا والله مــشــتاق مـشــتاق = وانا الغريب فـ حظرتك وفـ غـيابـك

العنيــــدهـ

11-06-2011, 07:26 AM

الشمال والليالي السود !!!

وين السعادة وشمس الاحـزان بشـروق = يـا لقرم والله ذقـــت حـامي سـنــاها

ركّز بـلاهــا داخــل العين والـمـــوق = لا والـلـه الا صــار بـــيّن عـــمــاهـــا

عـايـش مـع الافكار والبـال مــحــروق = ودّي وعـــــيّـــا ود قـلــبي يهــنــاهـا

فـكـّرت بالـدنيا ولا شـفـت ... مخـلـوق = حــظـّه تردّى مــثل حــظـي ... بـرداهـا

قلبي مثل حـــرٍ برجـلـيـنـه سـبـوق = يبــي المــطــير وعـاجـزٍ عــن مـنـاهــا

كـن الهـقــاوي داخــلـه الــف طــاروق = مـن عــلّةٍ والــله عـــارف بــلاهـــا

في وســط ذاتي له مــشـــاريه وحــقوق = باقـصـى الشــمال الدار زايـد غــلاهــا

زودٍ عـلـى شــوقــي لهـا فينـي الـشــوق = في كــل وقــت القـلب ســاري معـاهــا

تــذكـارهـا طــوقـنـي طــوقٍ بـاثر طــوق = يا لعــنـبـو قــلـبٍ يصـــد ونـسـاهــا

في نـاظــري كـنـّه مصـابيح زمــلــوق = فـي جــرهـدي بكـرٍ ولا حــدٍ وطـــاهــا

عـسـى عـليها المـزن هتّــان و بــروق = يــضـرب عــلـى داري ويـســقـي ثـراهــا

والــورد لاهــب الهـوى حـب رقـــروق = كن المـطـر خــاط الخـضــار وكـســاهــا

يا خوك والله شـمــس الاحــزان بـشــروق = غــاب الامـل ثـم ذقـت حـامـي ســناهــا

وماراق لي بــالٍ ولا ظـنـتـي يــــروق = الا بـــداره ثـم شــمّــة هــواهـا

يـاشــبـه حــرٍ لا كفـخ بالسـما فــوق = مـواري الــعـــز ان تــعــلاّ ســمـاهــا

قـلّّـي متى يبــ.. يـصـبح الـقـلب معـتـوق = تقـفـي الليـالـي بالـســواد.. وشـقـاهــا

العنيــــدهـ

11-06-2011, 07:27 AM

عجاف يوسف

مثل السراب اسوار بيني وبينك = مهما عبرت السور ما نت بمعايا

ومهما تحاول ما شـفع لك حنينك = اطهر فعولك في عيوني خطايا

عشت السنين السبع فيها سجـينك = حكم المحـبّه حاكمن للنهايا

اشبّهه بعجـاف يوسف سنينك = كل القهر والظيم فيهن شقـايا

مـن شاف حالي قال ربي يعـينك = يشفق علي يا حول من ها لبلايا

مـن عـقب مانا في المحبّه رهيـنك = كن السعـاده نجمةٍ في سمـايا

يا للاسف غـيّرت عـطفك وزينك = اليـوم بانت منك سـود النوايا

سبـايب العـذال نظرات عينك = اهـل المصـالح ناقلين الحكايا

زيف الطبايع مع مساوي يقينك = طاعون صابك مانفع به دوايا

اسم السعادة انكتب في جبينك = وانا النكد مكتوب وسط الحنايا

لكن … عـسى تنـدم وربي يهينك = وجروح الخيانة في حياتك ظمايا

ارحـل عـسى زيف النوايا ظنينك = واترك جروح القلب تبقى معايا

وان كان زودك فيـه ناسٍ تعـينك = اناحياتي عـزّ وربعـي طـنايا

ارداهـم اللي لو درابك يدينك = والعـذر ماله شرهـةٍ للوصـايا

وهـذا الزمن اسوار بين وبينك = شاهد على مـاقول مانت بهوايا

العنيــــدهـ

11-06-2011, 07:29 AM

ماهي حسايف !!

مـاهـي حـسـايف لا ولاهـي حـسـايف = ولا انـدم على حـبه ولا قلت ياحـيف

حبه ربـا وسـط الضـلوع النحـايف = باقصى المحاني بالضلوع المهاديف

مـنزالها بالقـلـب روس النـوايف = ماله شريك(ن) فيه بالكـم والكـيف

راسـي هـوانا بـلا عـهـود وحـلايف = مهما جـرى لو هـب فيها عـواصـيف

صـارت هـوايـا بين كـل الطـوايف = " معشوقتي " من دون كل المواليف
اسم(ن)على مسمى .. تعن الوصايف = عن القحـوم النـادره بالتـواصـيف
لا
لا
لايـابعـد مـاشـفت نـاس(ن) ولايف = تفداه عين(ن) بالسهر حافهاالطيف

لعيـونهـا عـمري يـزم الـكـلايف = مـاهـمني لـو صـار دونه صـواديف
من قبـلهـا والقـلب لايـفـه لايف = انـا معـّزّب والهـواجـيس لي ظـيف

يوم السـنين الماضـيات السـلايف = مثل السـراب اللي تولع به الصيف

من عـقبها صـارت حـياتي طـرايف = فيها آتسامى بالشـرف زود تشـريف

معها اعيش اليوم همـس الشـفايف = وهـذي حياة الحـب من دون تزيـيف
نبقى ويبقى القـلب ماهو بـ عايف = سـامي غـلانا دون شـك(ن) وتحـريف
و
و
وماهـي حـسـايف لا ولاهي حـسـايف = ولاندم على حـبه ولاقـلـت يـاحـيف

حبه نشا وسـط الضـلوع النحـايف = باقصى المحاني بعاليات المشاريف

العنيــــدهـ

11-06-2011, 07:31 AM

علم الحزن ... رثاء
رثاء بالشيخ / عبيد بن بايق الثنيان ... شيخ آلزميل من سنجاره

علمٍ لفـاني كـدّر البـال تكـدير = عم الحزن بالدار… لاوآشقايا

وقعه بصدري كالسيوف الشواطير= من زود وقعه صرت اجهل بلايا

حلْ القدر وصارت علينا مخاسير= من ربنا المعبود رب البرايا

أمرٍ جرى وماعاد فيها تدابير = في لحظةٍ صابت سهوم المنايا

الشيخ زيزوم الرجال المناعير = النادر الوافي عقيد السرايا

شيخٍ يفك المعضله والمعاسير = صيته علم مابين حضر وقرايا

ياما سعى بالصلح ينوي على خير = شوق البنات المترفات الصبايا

قبله رجالٍ بالملاقى هوامير = منهم وفيهم تفتخر هـالمزايا

ماهو من اللي شيخته بالدنانير = تشهد له سيوفٍ…رجال ومطايا

هو شيخنا في ساعة الشر والخير = سبعة جموعٍ قادها للنهايا

قومٍ لهم بين الملا كل تقدير = أولاد الزمل عزوتي بالطنايا

مهما اقول الشعر قولٍ وتسطير = كل المعاني في وصوفه دنايا

يالله تيسر مابقى خير تيسير = وتجبر عزانا في حميد السجايا

في رحمتك نوّر له القبر تنوير = وتكتب له الجنه عظيم العطايا

ويبقى سعدنا بالوجيه المسافير = الشيخ ابوفرحان ذخر السبايا

والشيخ ابوفيصل بعيد المشاوير = طيور الهداد… شيوخنا بالطنايا

علمٍ لفاني كدّر البال تكدير = فيني حزن يروي جميع الظمايا

العنيــــدهـ

11-06-2011, 07:33 AM

قالوا حظيظ

قالوا : حــظـيظ وقلت : ربّي عطــاني = والحـظ مايعـطى من انسان لـ انسان

ياعـاذلـيني ... منكم الـهــرج جـاني = ماهو غريبٍ... طـبعكم طـبع شيطان

والله مافكّرت باللي هجاني = لعيونها ماهمّني كاينٍ كان

دامي عـزيز النـفـس عــالي مـكــاني = "طـنخـة طـنـا" بالـراس نـارٍ وبـركـان

وان كـان وقـتـي بالمـهــالك رمـاني = ماعـذربوني دامـهــا كـبـوة حـــصـان

رجّـال .. وابقى ما بكــيت الامـاني = ولاني ضعيـفٍ غارقٍ وسـط الاحـزان

لي هقوةٍ ماتنثني لو ثناني = من دونها دربٍ عسيرٍ وخوّان

انا كذا يابنت ماني اناني = اعطيك قلبٍ فيه ودٍ وتحنان

والسالفه ... دامي عـريب المجـاني = إنّي لـــ خـلـّدها عـلى طـول الازمان

أنسـج واصـب زلال حـلـو المـعـاني = من اصل غـيـمٍ بالوفـاء جـاك هـتــّان

شعرٍ ليامن مد قل يالمواني = ترى البحر مابين لولو ومرجان

حقيقتي فيها نطق لك لساني = تبختري بالحب في كل ميدان

هذي لـيـال العـمـر صهوة حـصـاني = عــسـفـتـهـا لـرضـاك في رمـح وسـنــان

يفداك قلبٍ فيه فايض حناني = ياوردةٍ منها الشذى صار بستان

تـزهر غـلا من بين حـدب المحاني = واصغر غـلاها داخـل القـلب سلطان

ودّي اعيش الحب .. بـاقي زمـاني = نــشـوة غــلا بالــروح ما بــين خـــلان

شـوق وولـه والشـوق يمـّك خـذاني = هذي حـياتي واضحـه دون عـنـوان

ولو قالوا العذال ربي عطاني = الحظ مايعطى من انسان ل انسان

العنيــــدهـ

11-06-2011, 07:34 AM

جتني تصيح

جـتني تصيح وتـنـتــخـى بــالـرجــاجـيل=اهــل النـقــا اهــل الــوفـا والحمـيّه

اهــل الكـرم والـعـرف ذبـّاحــة الـحــيــل= بالطيب طبتوا بالسنين الرديّه

يـوم الـفـقـر والـجـوع ومعــايش الـويـل=حـاتـم ذبـح خـيـلـه لـظـيـفـه هــديّه

فـي صـوتـهــا حــزنٍٍ يـجـر الـمــواويــل=ظـاهــر حــيـاتـه بــين لـيـّه و لـيـّه

تـقــول : يالــراسي حـيـاتـي غــرابـيـل=وكل مــاانـفـتح لي باب زادت عليّه

قلت : ابشري لو مـطلبك هـامـة سـهـيـل=والله لـجـيـبـه ورب كــل الــبــريــّه

عـن صدقـنا.. للفـعـل بالـفـعــل تحـلـيــل=يـوم النـخــاوي بين اخــتٍ وخـيــّه

شـومي لـنا مـن جيل في جــيل في جيل=وليـاعــتزيتي يصـبح العـمـر هــيـّه

نـشــوم شــومـات الـرجـال الـحـلاحـيــل=اصـغــر ولـد مـنـّا زبــون الــونـيـّه

هــذا الـوفــا يــابـنـت مــافـيــه تمــثـيــل=ناقـف مـعــك وقـفـات ما فـيـه زيـّه

انتــي مـقـامـك دونه الـسـيـف والـخـيـل=يبــقـى عــزيزٍ .. لــو وردنـا المنيّه

وبـصـدورنـا لــك الـمـعــزّه وتــجــلـيــل=تـزهــر حـيـاتــك بـالــورود النـديـّه

قــولـي لهـن : يــا لابـسـات الـخـلاخـيل=مـوتـن قـهـ ما بـين روحـه وجـيّه

وخـلّي الـحــزن .. لاتـذكـرين الـبهـاذيـل=انسـي هـمـومــك والحـياة الشـقـيه

خـوذي الــفـرح يابـنت هيل وفــنـاجـيـل=من واحـدٍ ســاق البـشـايـر مـطـيـّه

وابني صــروحــك بـاللــيـال المـقــابيــل=عـسـى السعـاده في دروبك خـويـّه

مـثـلك لـبـيـبـه تعـرف الـعـدل والـمـيـــل=حــسـن النـوايا فـيك طـبع وسجـيّه

ولابـد مـايـجـري عــلى الـحــال تبــديــل=تـصـبّري والـحــق يـنــور بـضــيـّه

قـالـت : هـنيـّي بالـرجــال الــمـشــاكيـل=هـي مـنـوتي مـنكـ ولآنـا اجـنـبيـّه

=اقفت تقول :

=اقفت تقول :

اقـفـت تـقــول : الـلّـه واكــبر بتـهـلـيــل=يــاحــظ مــنهـو عـزوته شــمــريـّه

اقـفـت تـقــول : الـلّـه واكــبر بتـهـلـيــل=يــاحــظ مــنهـو لابته شــمــريـّه

العنيــــدهـ

11-06-2011, 07:36 AM

بساتين وزهور

يالطـرس سجـّل قصة الظيم بسطور = وعـن واقعـي دوك الالـم والنـكايد

احـاول انسى وان ذكرته على الفور = اذكــر رمـاحٍ طـعـنهــا حـيــل كايد

يـوم الشـقـا والهـم والغــم والـجور = مـالي رفيقـن عــنـد وقـت الشدايد

وينك حـبيبي اصـبح الحال مخـطور = كـل الجــروح الماضيه بي جــدايد

حلّ الاسى ياصاح والطيف محـظور = وانا بغـيابك ذقـت سـوء الحـصايد

الوقت ولّى وخـاطـر الجــو مكسـور = وجمر الغـلا بالجـوف شب الوقايد

حـبـك بقـلـبي شــدّ دورٍ عـــلى دور = فـيه الـوفـا والصـدق عـلـمٍ وكـايد

كنّك امير وصرت لك شعب ..جمهور = حـكمك حـبيبي داخل الجوف سايد

آمــر تــدلل قـلـتهـا الـيـوم مـغــرور = دامــك حـياتي لـتـلـع الجـيد قـايد

في حـظرتك ماهمني غــيرك حـظور = تسـوى العــذارى بين كـل البــدايد

وفي غــيهبي ذكراك تبقى لي النـور = نجمٍ اخيله بالنجوم البعايد

يسطع شعاعه من ورى كل ديجـور = يضوي سمــايا في دروب السـدايد

عـسى حـياتي في بسـاتـين وزهـور = بارضٍ ربيعه من اول الوسـم زايد

اسـلا مع الخــلان والبـال مـسـرور = كن السعـاده بعـنـق صـبري قــلايد

تـبـقـى كـذا بالـورد والـدر مــنثـور = حـيثك غـناتي ولا بـغـيرك فـوايد

العنيــــدهـ

11-06-2011, 07:37 AM

الجهات الأربعه

أرجوك شفني من عـنا الوفت ملتاع = حـتى الصـبر ماعـاد لي فيه حـيله

فينـي همـوم وحـزن وطعـون واوجـاع = وكـل الجـهـات الاربعـه مسـتحـيله

وانتي وانا والحـب يـابنت بصـراع = والنفـس في عـزه ولاهـي ذليـله

الحـب واحـد ماله اشكـال وانـواع = مـن خـلقـة الدنيـا وهـذا سبيـله

وصـدق المشـاعر اصلها حلوالاطباع = نبراس باق الحـب لازم تجـيله

ولبّست قلبي عن هـوى الغير بقنـاع = والخـل وشـ .. يسـوى بليّا خليله؟

والقلب ماهو عن عـطا الحـب جـزّاع = خـذ الكـثير ...وهـات باقي قليـله

زرعت لك في " روضة القلب مرباع = وسـقيت روض الحـب من سلسبيله

تثمر بساتين الغلا وسـط الاضـلاع = كلّي امل ياشـوق اجني حـصيله

يمكن يقـوم الحـظ مره وينصـاع = وان مات يبقـى الحـب ذكرى جميله

يابنت انا من قاسي الوقت ملتاع = حتى الصبر ماعاد لي فيه حـيله

فيني هـموم وحـزن وطعـون واوجـاع = ومـن وين ماوجّهـت روحـي عـليـله

العنيــــدهـ

11-06-2011, 07:41 AM

لحظات غربال

حزّة غروب الشمس لحظات غربال = الكون مظلم والسماء فيه حالك

اراقب سهيل الجنوبي ولازال = كنّه يناديني وانا قلت انا لك

يانجم قلّي..قلّي ارجوك بالحال = لاتحسب إنّك بالمجره لحالك

النجم واجد ليه وشفيك تختال = كانك تبي هالود ابشر بفالك

وإن كان به شيٍّ لك الصدر مدهال = قلّي عسى مافيه شيٍّ غدالك

والله لفزعْلك وانوّخ لك جمال = شفته ضحك قال :إنتبه من عقالك

هوّن عليك من الطنا يابن الابطال = إقصر مشاريه الغلا في سؤالك

شفتك تفوّح بالمحبه لك دلال = ولاسقت فنجالك على من عنالك

إلا على من هي تفاخر بالامثال = بنتٍ تمنّى شوفتك مع قبالك

غيره وداع ولابها شي ينقال = إلا عسى بالوقت تبقى بجالك

قلت الشكر لله علاّم الاحوال = ياهيه ياللي كل ماملك فدالك

ياكل شوقي ياحياتي والآمال = اجمل ليال العمر لحظة وصالك

وان غاب زولك مابقى عندي ازوال = جداي اسامر من حنيني خيالك

وكان القدر في حكمته صرت رحّال = ابغاك انا ولازلت مابغى بدالك

لا
لا

لا...لايهمّك كان وقتي على مال = راسي وابرّك معضلات المهالك

إبحر مع الاشواق في كل الاميال = فيك يتباهى القاف لاجى مجالك

لعيونك الثنتين ...قدرك والاجيال = انظم جزيل الشعر وآصف جمالك

أسود جديلٍ فوق الامتان شلال = والموووووت لامنّه تنثّر بشالك

بالوصف تقصر عنك جزلات الاقوال = سبحان منهو كمّلك في دلالك

الحق واضح .. لازم الحق ينقال = بشير

بشير

بشير وقلبه والقصايد حلالك

دام الحنايا لك مقرٍّ ومنزال = في ذمّتي كل المشاعر عيالك

العنيــــدهـ

11-06-2011, 07:42 AM

مطنوخ شمر

قصيده اهداء الى ..محمد بن سميّان الجعفري الشمري .

*****

لاجا مجال الجود بين الرجاجيل = يعرف به الطيّب لياجا مجاله

يضوي نجم صيته مثل نجمة سهيل = مطنوخ شمر لاتمايل عقاله

محمد زبون اللي بلته الغرابيل = نوماس ربعه وعز منهو لجاله

يفرح جنابه للنشاما الحلاحيل = وفلّة حجاجه لاذبح من حلاله

والدلّة الصفراء بها البن والهيل = معمولةٍ من كف متعب دلاله

ماهو من اللي يحتسب للمقابيل = تعطي يمينه مادرتبه شماله

من لابةٍ يوم السيوف المصاقيل = أرداهم اللي في فعوله بساله

يشهد لهم تاريخ جيلٍ بثر جيل = أهل الكرم والعرف أهل الشكاله

يالله عسى دنياه فيها تساهيل = ويكفيه شر الغايبه في لياله

قرمٍ شهر جوده ولابه تهاويل = يوم المعالي تتعب اللي عناله

يرجح به الميزان من دون تثقيل = قرم المكارم طيب الله فاله

ماقلتها بالقرم كذبٍ وتمثيل = والحق بيّن مايبي له مقاله

ولاجا مجال الجود بين الرجاجيل = يعرف به " محمد " لياجا مجاله

العنيــــدهـ

11-06-2011, 07:43 AM

حبال المواصيل

لاسلهمت برموش سودٍ مضاليل = كبّرت انا لله تسعين مرّه

الله غمرها بالحلا فتنة الجيل = لله در الزين لله درّه

مهما قريت بسورة الحمد ترتيل = اسهى انا مابين خيره وشرّه

سهومٍ غزتني بالعنا والغرابيل = هدّت كياني واستحلت مقرّه

وبقيت أنا من ويل في ويل في ويل = متشتتٍ فكري ولافيه ذرّه

الا وفيها ظلمةِ كنّها الليل = حتى العدو لاشافها ماتسرّه

ياشينها لامات حظ الرجاجيل = الوقت قاسي والليالي مغرّه

يافاتنه بالرمش ماعاد بي حيل = يكفي طعون الوقت ذقت المضرّه

اما اقبلي هاتي حبال المواصيل = والا ابعدي يابنت تكفين مرّه

العنيــــدهـ

11-06-2011, 07:44 AM

دروب الاحــزان

الوقت طال وشمس الآمال بغروب = آلوذ بسكاتي وانا في سكاتي

وين الفرح يابنت واحزاني دروب ؟ = ومن وين ماوجّهت حزني جهاتي

وشلون حبك ياخذ القلب وآتوب ؟ = أصبر ولو كدّر عليّا مباتي

والله لاصبر وآتقدّى بأيوب = عهدٍ علي منزلك في وسط ذاتي

والله فلا اعشق غيرك اليوم محبوب = بين العذاري .. بس وحدك مناتي

حتّى سواك العين ماتشوف رعبوب = العين عميا وفي يدينك عصاتي

حب النقا يابنت مافيه عذروب = نبراس باقي بين كل البناتي

راسخ مثل بين المحبين مضروب = دام بـحنان القلب تنطق شفاتي

أبعترف لك خافقي منك مصيوب = تلقين بجرح الوجد باقي وصاتي

تمثال حبك داخل الجوف منصوب = في وسط قلبي لين وقت الوفاتي

حتى ولو جمر الغلا منك مشبوب = تنثرني الاشواق وأجمع شتاتي

لو حطّوا العذال حاجب ومحجوب = عايش على رجوى الأمل فيك ياتي

أبيك لو كل البشر دونك شعوب = وأرخص انا الغالين لاجلك حياتي

فنجال

فنجال

فنجال ودك عند الاجناب مشروب = يفداك عمرٍ ماسأل عن مماتي

دامي عريب الجد والخال منجوب = حيل آتباها دام راسك غناتي

الوقت مهما طال والشمس بغروب = وقار نفسي لاتهادي سكاتي

كلّي دروب ويكفي احزاني دروب = ومن وين ماوجّهت حزني جهاتي