ديوان الشاعرة حنين الشمال

[خالد ابو اثنين]

ياداله الفكر ماانت اللي على بالي=ولاانت بكفو تملك احساسي وتشقيني
انا ليا عدو الفرّيسّ خيالي =سقم المعادي عدوه من يعاديني
ولا انت حدك إليا شاب أشهب اللالي=دوّرت لك عشةٍ ما تذري يديني
يابن الحلال انت لاندى ولافالي=ولالك ذكر يوم ذكر الظفر يغريني
خلك على وضعك الراهن ولا تبالي =بعض الفعايل تحط الرجل من عيني
والمهرة اللي ثمنها في اللقا غالي =ما انته بشرايها والسوق يكفيني
لانت ابن عمي ولانته من بني خالي =حتى عليك اغضي النظرة وتذريني
ويا ضايع الفكر ماانت اللي على بالي =خيالي اللي إليا طمنت يعليني

[خالد ابو اثنين]

حبيبي مابقى لي غير وصلك والزمن دوار=اخاف يمر عمري ياهناي ولا تهنيتك
أنا مليت من عمق الجروح وغفلة المشوار=واخاف تموت زهرات الغلا والشوق ماجيتك
حبيبي وأنت حلمِ فالضلوع وياسمين الدار=اعيشك في صباحاتي وله لكن ما.امسيتك
يقولون المطر نبض الحياة وفرحة الأزهار=وأنا اقول الزهر تذبل غصونه لو تناسيتك
حبيبي وأنت حبِ ماعطيته للقلوب اسرار=سكبته في عروقي وارتوى جوفي ولا.ارويتك
احبك كل مايهدل حمام وينتشي نوار=احبك كثر ما ردد الساني قول حبيتك
احبك كثر ما رحب كريم بشوفة الخطار=احبك كثر مامريت فالبال وتمنيتك
احبك ياحبيبي مابقى لي فالسؤال اعذار=تعال الوقت فاتك ياحبيبي ماتهنيتك

[خالد ابو اثنين]

طال صمتي وانا ادوَرك في غيابي=طال ليلي ولبـستني عناويـني
يا بعد من لبس دنياي واهدابي=يابعد من شرب روحي وتكويني
انت يا سيَد الغالين واحبابي=انت ياصورةٍ ما فـارقت عيـني
حبك اللي لبسني لبسة ثيابي=شارك الدم في داخـل شراييــني
في حضورك نشد همسي وغنابي=وازهر الوجد في واحـة بساتيـني
لين ردد على صوتي وهلابـي=واشرقت مع حضورك عتمة سنيـني
حرفك العذب صغته باول كتابي=لو قتلني غـيابك فيــه تحـييني
يابعد روح روحي واصدق احبابي=يابـعد روح من حـبتك ترويـني
في وصالك وبطَل تطري غيابي=في حضورك روت روحي روت عيني

[خالد ابو اثنين]

حبيبي ما بقى للعذر خانه=غدرت وضاق صدري في مكانك
وانا اللي لك سبق حبي زمانه=وتجاوزت لرضاعينك زمانك
عطيتك من حناني كل دانه=وبخل قلبك عليّه في حنانك
أخذت من الغرام اعلى مكانه=ولكن خنت مدري الصدق خانك
غدرت الله يا مقسى الخيانه=غدرت اللي رفع بالحب شانك
غدرت اللي غلاك العذب صانه=غدرت اللي مع الشدات صانك
حبيبي ما بقى للعذر خانه=غدرت و ضاق في صدري مكانك

[خالد ابو اثنين]

طوّلتها يابن الحلال وتماديت=هوّن على نفسك ترى واقعك بان
محد مصدق لك ندا لو ناديت=الناس ما تنقل خبر دون برهـــان
منته بلاحق لي هدف لو تعاليت=الناس ما ترمي هدف دون نيشان
انا نجاحي سهر . جهد . وتناهيت=وانته طموحك قيل وفلان وش كان
انا وصلت بغايتي واستقليت=ورسيت بحساسي على كل ميــدان
وانا على كل المنابر تعليت=وانته تذم فلان وتمجـــد فـــــلان
وانا نذرت اعانق المجد ووفيت=وانت ابتليت الناس ظلمٍ وبهـــتان
انا على شاطي النجاح استقريت=وانته تشيل الحقد في صورة انسان
وانا بسوق الدر صغت وتمشيت=وانته تزايم خردواتك بلا اثمـان
انا استمد المجد من عالي الصيت=وانته تصب الما على كفوف غرقان
لا تحسبن المجد يحصد تفاخيت=المجد يبغاله ولد حر وحصــان
وطولتها يابن الحلال وتماديت=هوّن على نفسك ترى واقعك بان

[خالد ابو اثنين]

صح لسان الشاعرة حنين الشمال على ذا القصايد الرائعه

[نــجــم]

سلمت يمنـآك ع روعة طرحك ...
الله يعطيك العـــآفية ...
تقديري ,,

[فادي الشلاحي]

تسلمً يمينكً على هالطرح
تقديري
,,

[يارا العامرية]

صح لسآن الشآعرة , وصح اختيآرك ..
عافاك المولى وأسسسعدك ..
تقديري ~

[سلطانة]

http://www.halauae.com/uploads/images/alsaher-3814931317.gif