ديوان الشاعره..عابرة سبيل

[فادي الشلاحي]

عــابرة سبيل...روعة التلقائيه..البساطه في الكلمه والتعبير...كل من قرأأحساسها شعر بأنها تروي معاناته.. رحلت عنا..ولكن باقيه في قلوبنا.. عندما يذكر الشعر النسائي..تذكر عابرة سبيل وشهد لها الكثير من فطاحلة الشعر الشعبي.. صارعت المرض قبل وفاتها وقبل ان ترحل تركت قصيده قمه في الاحساس توصي بها زوجها على ابنائها..سوف أدرجها حال توفرها ..تخليدا لذكرى هذه الشاعره الجميله...لكم مني يااهل الصمان ديوان الشاعره عابرة سبيل....وأتمنى يحوز على اعجاب الجميع..

لكم مقدمة الديوان بقلم عابرة سبيل

أنا لاأعصر الجـرح لكي تفرحوا بنزفه..فـهذا عذاب آخر....بـل تعصرني الجراح وتولد القصائد....
أنا لا أتصنع ولا أغير في ملامح قصيدتي بعد ولادتها.
اذا أعلنت القصيده وصولها..لا أملك لها سوى قلما صادقا...ينقلها كماهي..كما تجول وتتخبط في دااخلي...
_لارتوش..لامكياج
تقبـلو مني صادق أحساسي...وشاركوني مشاعري وشكــرا للجميع...

[فادي الشلاحي]

ملامح شاعره




أهلي يـدرون انـي شاعـره
بس مايدرون في جرح الليـال
يمنعوني من كتابـة خاطـره
مادروا أني من زمان بهالمجال
آآه لويـدرون انـي عابـره
عندهم بتصير موتتنـا حـلال

[فادي الشلاحي]

آخر مـوعد...





له موعد(ن)لاروّح الليل ويـاي
أول وآخر موعـده مـع فتاتـه
اليوم ماتنفع دموعـه ورجـواي
اليوم تفصل عن حياتـي حياتـه
اليـوم يعطينـي بقايـا بقايـاي
وأعطيه أنا ماشلت من ذكرياتـه
اليوم بابـدّل مشاعـر حنايـاي
يصبح من أخواني وأنا من خواته
اليوم يتركنـي لحالـي بدنيـاي
مجبور يقفـي لويزيـد التفاتـه
اليوم يخلف عن مماشيه ممشاي
والله ماضمن من عذابـه نجاتـه
لو أتعلـق فيـه ماينفـع بكـاي
خلاص فات الوقت وأعلن فواتـه
اليوم بعطيه العزا عقب فرقـاي
عندي خبر وش قيمتي في حياته
وانا العزا مابيه من كبر بلـواي
ماينفع اللي عاش وأعلن وفاتـه
يارحمة الله ساعديهـم بسلـواي
يعوضـه الله بانكسـار امنياتـه
اليوم ياهمي وياطـول مسـراي
ويافرحة العذال وأهـل الشماتـه

[فادي الشلاحي]

صبحية العيــد..






ليته درى صبحية العيد وش صـار
ياهي جرت لي من عذابي هوايـل
يوم العذارى بيّحن بعض الاسـرار
وجت السوالف بين قيل(ن)وقايـل
هذي معايدها قبل وقـت الأسحـار
وهذيك صاحبهـا عطاهـا رسايـل
وهذي تقول انه لفـا البيـت زوار
وهذيك راحت له زيـارة عوايـل
وهذي تفاخر في غلا الصاحب البار
تقـول عايدهـا بكـل الوسـايـل
وأنا اطالع فـوق ويميـن ويسـار
بالعيد حتى ماحتى مشطت الجدايـل

[فادي الشلاحي]

أحــلام...





ياما على نفسـي بالأحـلام كذّبـت
وياما صبـرت وصبرنـا مانفعنـا
وياما..وياما مـن وداعـه تعذبـت
وياما نحـاول نفتـرق ماستطعنـا
كم مرت(ن) ودّع وكم مرت(ن)غبت
وكم مرت(ن) عقب الوداع اجتمعنا
يامـا توادعنـا وشـرّق وغرّبـت
ويوم التفتنا فـي بعضنـا رجعنـا
لاقـادره أنسـاه مهمـا تهـربـت
ولامعتـرف فـي حبنـا مجتمعنـا

[فادي الشلاحي]

قال اسمعي...






قال اسمعي..فرقاك غصبـن عليّـه
عيا الزمن يمشي معانـا بالأوفـاق
وقفـت لاميتـه ولانيـب حـيّـه
تضاربت بالجوف ضيقـه وحـراق
وقال:الرسايل وينها؟؟..قلـت ذيّـه
وللريح عرضت الرسايل والأوراق
رزيـت نفسـي واتظاهـر قويّـه
يعنـي كأنـي ماتأثـرت بـفـراق
أنا عذاب الكـون صـوّت عليّـه
أضحك بسني واختم الضحك بشهاق
ماكنت أظن الليـل يمسـي عليّـه
ولاكنت أظن تعوّد الشمس بأشراق

[فادي الشلاحي]

الوداع....





قال الوداع ..وقلت لـه بالسلامـه
هـذي ظروفـي دايمـا جابراتـي
مسحت عبراتـي بكـف الندامـه
وتليت من كفـه حوايـف عباتـي
قفى يداري عضت(ن )في ابهامـه
وقفيت اداري عضت(ن )في شفاتي
وكل(ن)رحل يحمل بقايـا غرامـه
وراحت حياته يوم راحـت حياتـي
فرقاه ضامتنـي وفرقـاي ضامـه
وعلى الله الوالي خلـف ذكرياتـي
وعقب البطا أرسل عليّـه سلامـه
يطلب ويرجينـي يبـي تضحياتـي
مقدرأضحـي بالشـرف للملامـه
وأمومتـي ترفـض أيتـم بناتـي
من ماحصل لقيـاك يـوم القيامـه
ماظن تحصـل شوفتـي ياغناتـي

[فادي الشلاحي]

مقدار...





مقدار حبي عالم(ن)فيـه ربـي
والا الموازين لغرامي ظلومـه
لالا تقارن حـب امـك بحبـي
أخاف من عينك تطيح الأمومـه
أخشى يقولوا عنك ماهو مترّبي
مابي أشارك في عقوق الرحومه
ياغايتي ماعـاد فينـي أغبـي
حبك تعدى حدود نفس(ن)كتومه
مابيك تسأل عن مقادير حبـي
بكره مع الأيام تطلـع علومـه

[غيــــــد شمر]

يعطيك العافيه وأسمحلي أخوي أضيف بعض الابيات للشاعره عابرة سبيل الله يرحمها لاني من أشد المعجبين والمتابعين لقصائدها

باكر يجي .. ياشيب عيني من الويل
من عقـب ماسافـر سنيـن مديـه



ان قلـت لـه تعـذبـت بالحـيـل
وان قلت له اكبـر عيالـي سميـه




يبي يعذرني ويترك القـال والقيـل
والا يـجـي ويازمـانـي علـيـه




وان جبت حظي والمقاديـر تعليـل
واني ضعيفـه ورغبـه الله قويـه




يبي يصـدق كلمتـي دون تحليـل
والا يبـي ينسـف كلامـي عليـه




ش قوله لـه ؟ ماينفعـن الاقاويـل
مادمـت مانـي بعـهـده وفـيـه



########


مايخالف ارحل بس لاترحـل بعيـد
مايخالف اهجر بـس خلـك بـداري


مايخالف اعشق الف عذرا من الغيـد
مايخالف اجرح بس حـاول تـداري

أنا عقب فرقـاك مـا مرنـي عيـد
العام ذا مـن كـل الأعيـاد عـادي






ياصاحبـي لا تكثـر العـذل وتزيـد
معذور الأعمى لو مشى الليل سـاري

بابيع عمري لك مـن غيـر تحديد
عمري رخص من يوم شفت انكساري

عقبك.قسـم بالله.مـدري وش اريـد
أبنتظـر مـا بـي ثمـن لانتظـاري


واتركني أغرق في بحـور التقاليـد
إرحل وسافـر بـس خلـك بـداري


#######



ليت ربي خلقني في زمان مضـا
يوم الأجواد تفرق بين ظفر وردي


يوم صوت العذارى لاتنشر بالفضا
الشرود يتهيب والشجاع ايعـدي


واتخيّر عشيـرٍ للمدايـح حظـا
لجل يطلع مطاليع الشجاع اولدي

#######






أرحل واروح بعيد عنك اتخفـا

واركض واطالع ساعة ورايـه



واليا انتهى دربي قعدت اتعفـا





إلا انت ياسبة هروبي معايـه



أشوف لك لمحة إذا الطرف غفا





في صحوتي ماخذ خيالي مرابه



لو أنعمي وانصم..لو استخفـا





لو عشت انا والذاكرة مو معايه



بحر غرامـك حالفـه مايجفـا





عبر مسام الجلد تدخل حشايه

[فادي الشلاحي]

مشكوره على مروركً وتشريفكً

[يارا العامرية]

صح لسسسآن شآعرهآ وصح اختيــآرك الرآئع ..
عافاك المولى وأسسسسعدك ..
تقديري ,,

[نــجــم]

سلمت يمنـآك ع روعة طرحك ...
الله يعطيك العـــآفية ...
تقديري ,,

[فادي الشلاحي]

سلمت يمنـآك ع روعة طرحك ...
الله يعطيك العـــآفية ...
تقديري ,,

مشكور على مرورك وتشريفكً
,,

[فادي الشلاحي]

صح لسسسآن شآعرهآ وصح اختيــآرك الرآئع ..
عافاك المولى وأسسسسعدك ..
تقديري ,,


مشكوره على مرورك وتشريفكً
,,

[سلطانة]

http://www.halauae.com/uploads/images/alsaher-3814931317.gif

[فادي الشلاحي]

مشكوره على مرورك وتشريفكً

[العنيــــدهـ]

سسسلمت يمناك على رووعة الإيراد
يعطيك العافيه
!..❥

[فادي الشلاحي]

مشكوره على مرورك وتشريفكً

,,