ديوان الشاعر القدير/ رابــــح الغضيان

[فادي الشلاحي]

ديـــــــــوان الشــــاعر / رابــح الغضيـــان

[فادي الشلاحي]

واللذي يشمل جميع قصائده والشاعر رابـح الغضيـان
مـن الشعراءالمهميـن فــي السـاحـه العربـيـه
اعطى لشعر والمتذوقين الكثير بحمال بوحـه وروعـة
كتاباتـه وفـق الله شاعرنـا للوصـول الـى القمـم

اترككم مع فرايد القصيد امل ان تجدو ما يرضي ذائقتكم
والله يحفظكـم ويرعاكـم ووقتـاً ممتعـاً بــاذن الله

[فادي الشلاحي]

يـاورد يافـلّ ياريحـان يـاكـادي
ياجنة الروح ياعطـري ويشمومـي
ياشمعة الحـي ياحيـي ويامـرادي
يامهجتي لك غلا بالقلـب مرسومـي
يا احلا من النوم لعيونـي بمرقـادي
في غيبتك جفن عيني حارب النومي
ياللي تسيـدة قلبـي والغـلا سـادي
لاماك ياروح روحي تبعـد همومـي
مع كل طلت فجر لك شوق يـزدادي
وليا اقبل الليل صرت انطرك بحلومي
مابين لذة دفـاك وعطـرك الهـادي
اشعلت شمع الغـرام وذاب بهدومـي
انتي دواء سقم رابح وانتي الـزادي
وانتي هوايه ومطلوبـي وملزومـي
العيد عيدين وانتـي ثالـث اعيـادي
ياقوم حالي علـى لامـاك ياقومـي
دخيل خصرك وخـدٍ كالبـدر بـادي
والعين عين الصقر والساق مبرومي
لوسموا الغير غيرك شمعـة ابـلادي
انتي قمرنا بسمانا وغيـرك نجومـي
لو الغلا بالأشاعة ينعـرض عـادي
شيعة صدري وقلبٍ منـك مظيومـي
ابيك تعرف وش اللي داخل فـؤادي
من بين ذيك الضلوع العوج مكتومي
ياما على شارعك سـرداد مـردادي
وان قيل لي ويش عندك قلت معزومي
ياليت جدك حدا الجديـن باجـدادي
لو ليت منها عرفت اني بمحرومـي
تعال ابا غيـض عذالـي وحسـادي
تكفين ابا قول صار الزين مقسومـي
ونهاية العبد يدفـن بيـن اللاحـادي
مايرجّع الميّت كثرة قول مرحومـي

[فادي الشلاحي]

دمــــي المحبره
هيه يا للي غرامك رحلتي للجنـون
اشعل الشوق قلبي والغرام حطبـي
خوذي الخافق اللي بالعهد مايخـون
الخيانه ماهي طبعـي ولا مذهبـي
وخلي الرمش ظلك ورقدي بالجفون
ونزلي يم صدري وبالضلوع ألعبـي
رتبيهن فداك اللـي علـي يسألـون
وارجعي بعثريهن زي مـا ترغبـي
بس تسلا حياتـي خلهـم يتعبـون
دام هالملك ملكك قـرري واشطبـي
وانسجي لك قلم من أي ضلعٍ يكـون
خلي المحبره دمي ومنهـا اسكبـي
وسجلي ذكرياتك بين ذيك الطعـون
أكتبي لي أحبـك أي شـي أكتبـي
وكان دقات قلبي يالغـلا يزعجـون
اسكني صدري الأيمـن ولا تذهبـي
ولاهدا الجو عندك ياكحيل العيـون
غردي مع مشاعرشاعرك واطربـي
الله اللي عطاك وصرت فيني تمون
صرت كلي حلالك بس قل وش تبي
لو طلبتي أعيوني يالغلا يرخصـون
لا حصلي أرضاكم قلت ذا مطلبـي
أنتي اللي جمالـك شاقنـي يافتـون
فيك عين المهاة وفيك عنق الظبـي
ولاانجرفتي مع اللي بالجهل يغرقون
ولالهفتي وراء الموضه ولبس اجنبي
كان بالزين فن أنتي مـلاك الفنـون
وكان للزين شيخ أنتي عقيد عربـي
لو يشوفك طفل باحضان امٍ حنـون
يبتسم لك اعجاب ويندفع لك حبـي
كيف بعيوني ياللي عن غلاك يحكون
السهـر مبتليهـن والشقـا مركبـي
كل ماشفت زولك وأنت تمشي بهون
قمت اكبر واهلـل ياصـلاة النبـي
هذي اللي اعيوني لجلها يسهـرون
هذي اللي سبت حالي وعقلي سبـي
عاليه فوق عرش الزين لو يزعلون
والبحر ماه كافي ياغيـور اشربـي
قلتها من قناعه من غلا من جنـون
يكفي اني ليا شفتـك يـزول تعبـي

[فادي الشلاحي]

رحلة هروب

رحلة هروب من العنى تاهت خطاي
والشمس غابت واسود الليل حالـك
حفنت صبر اضوي بها ليل مسراي
شفّي جنوبك والامـل فـي شمالـك
وعلى ضفاف الوجد عطشى مطاياي
ولهيب نار الشوق زاد الضمـا لـك
ومن الضما جفت لاهاتي على شفاي
وقارب نجاتي بأسفـل اليـم هالـك
فراشي حصير احزان والهم مركاي
والشوق مع مجرى الشرايين سالـك
جمر التياعي مطرحي والشقا غطاي
ولياغفت عيني حنينـي سـرا لـك
متاعي الذكرى لو الجرح مرسـاي
والصبر مر وخافقـي فيـه شالـك
وحبل الامل بالي على كف رجواي
اخاف اشـده تنقطـع بـي حبالـك
والروح ثكلـى والتنهـاد جـدواي
واسج مع هوجاس فكـرٍ نـدا لـك
وعزفت لك لحن الغلا وقلبي النـاي
مره يهيجن لـك ومـره حـدا لـك
اسلاك لحظه وارجع اعيش ذكـراي
واكذب على نفسي واعيش بخيالـك
عشتك متاع الـروح جنـه بدنيـاي
شوفك نجاتي والروى من وصالـك
اغليك والله يالغـلا وانتـي أمنـاي
ارفـق فديتـك وعتبرنـي حلالـك
من يشبهـك يابلسـم القلـب ودواي
الزين عمك والدلـع مـن خوالـك
كان الغلا يحسب خطا من خطاياي
ماتوب عن ذنبي وروحي فـدا لـك
ادخل على الله كل ماحـل طريـاي
اسجـد لربـك وادع لـي ببتهالـك

[فادي الشلاحي]

حـــــر الصقاقير
مدخل!!



سلام احلا من حليب المغاتيـر
وألذ من طعم العسل في مذاقـه
سلام ياللي غير وامجادكم غيـر
سلام ياصرح الوفـا والطلاقـه
من عصر وايل جدنا وسالم الزير
والعز ورث جدود ساقه بساقه
يوم العتاد الخيل والسيف والعير
حنا كسرنا الفرس عند انطلاقه
فريس يحمون السلف والمظاهير
يومٍ ولد اللاش توخـد انياقـه
عناز دوله بالسيـوف البواتيـر
من أيام وايل لين عصر البطاقه
والشاهد الله والشيوخ المشاهير
وهرجٍ بدون اثبات عيب وحماقه




حر الصقر تهـواه كـل الصقاقيـر
وأنا بشعري حـر والجـود مـدي
وصيدي من الجزلات ماهي عصافير
وأرقا على راس الطويلـه واعـدي
ولاكل صيـادٍ خبيـرٍ عـن الطيـر
ولاكل صيـده لـه صقـورٍ تهـدي
ابتحـدا فـيـه نــاسٍ مغـاريـر
شعري وعرفـه قـد كـل التحـدي
وبعتلـي بـه للنجـوم المشاهـيـر
واقـول للحسـاد منـتـم بـقـدي
وابشتهربه شهـرة كليـب والزيـر
انتـاج تفكيـري وترتيـب يــدي
وأدراه عن زله وعن هرجة الغيـر
واحفظ مقامه مثل حفظـي الخـدي
وليا مدحت امدح ارجـالٍ مناعيـر
وكلٍ له حـدوده وانـا عنـد حـدي
ويا قاصر النظره انا نظرتي غيـر
ويا عابد الوجهين بشويـش هـدي
ان كان هي بالشعر الشعـر تعبيـر
احبكلك احروفه ذهب مـا تصـدي
وان عودت لمجاد قـوم واساطيـر
ربعي هل الجدعا وانا الجاز جـدي
وكل القبائل مايجـي فيـه تقصيـر
وكـلٍ علـى حقـه يمينـة تمـدي
ولاهو غـرور اقولهـا يامغيريـر
يوم ٍ سدك بـاح مـا بـاح سـدي
مـي البحـر ماينقصنـه نوافـيـر
ومن كان عـده رس ماهـو بنـدي
ادحـم بكتفـي وارتكـي للمعاسيـر
منضام لي كاهل لـو الكـل ضـدي
عطيتك المؤجز و لك فيـه تحذيـر
احذر تكررهـا تـرى مـا تعـدي

[فادي الشلاحي]

من قال هتلر مات




ماعاد بـه تكفـى ولاعـاد تنقـال
كلمه قديمـه مـن يهـزه صداهـا
والغيره اللي كان نلقى لهـا ظـلال
قتلـوا عيالـه والمعلّـم وطـاهـا
تبدلت يا سيدي حـال فـي حـال
حـالٍ علـى الله حلهـا ومنتهاهـا
زمان معك ريال تسوى بـه ريـال
وتصيّر نجم نجـوم فيـك انتباهـا
زمان فيـه العولمـه فعلهـا طـال
ومن لادخل فيها سرح في حماهـا
وبدل عرب صرنا طرب لال يا لال
انجازنا (غنـوه) ومـن مستواهـا
ولاصار رب البيت للـدف طبـال
اكيـد جاهلهـا كفـيـل بعمـاهـا
راشد يذم رشيد , ورشيـد محتـال
وحنا الضحيه والهـدف ومغزاهـا
من قال هتلر مـات هتلـر ولازال
هتلر رسم خطـه وخيـه مشاهـا
يا جيل صدقني ترى العود دجـال
خطة صليبـي والعريبـي كلاهـا
اقوالنـا لعبـه ولعبتهـم افـعـال
وحنـا نـردد ياعساهـا عساهـا
لاوين ياجيل الدعايـه والارسـال
سلعة ردي الساس من هو شراهـا
قتلن بنات شيـوخ لعيـون فريـال
وفريال بنت الغرب نشّري رضاها
شجاعنا يبكي على انقاض اطـلال
وهامورنا يرقص ويدفـع عشاهـا
ادبك ورى ليلاك واربط لها الشـال
والرقص دبكه وارقصوا يا قصراها
واشتر عطر لميس يا طيب الفـال
تحظى بلميـس وخيهـا واقرباهـا
يلعب علينـا تاجـر الفقـر مـوال
يالعن ابـو لميـس واللـي غذاهـا
من يفهم اللعبه يدرس لـه اجيـال
ومن لافهمها ضاع عمـره وراهـا
ولاكل من ركب على الغتره عقـال
قـد العقـال وكلمتـه لاحكـاهـا
إلا رجال الطيـب للعـز مدهـال
عن الردى تكـرم وتحشـم لحاهـا
ولازلت اقول رجال باقي به رجال
سيوف مسلوله علـى مـن نواهـا
جبال الجزيرة يوم تذكر لها جبـال
آل السعـود اللـي ذرانـا بذراهـا
لامال عفش شعيـل تعبالـه حبـال
يمشي ورجله فـوق راسـه ثناهـا

[فادي الشلاحي]

(((ماجووور بأحسااااسك)))

]


ماجور يابايع مشاعـرك ماجـور
ماجور باحساسـك وشعرالتجـاره
الشعر حبك وسبك واهداف وشعور
ماهو تجـاره ياخسـاره خسـاره
ويامشترين اشعار والعذر مغمور
تجارة الاحساس ماهـي شطـاره
ماهو لزوم تصيرشاعرومشهـور
الرجل في فعلـه وبيتـه وجـاره
وش عاد لوتملك من السانك قصور
ماقيل طيب قيـل يملـك عمـاره
مشكور ماقصرت مشكورمشكـور
وكلٍ حسب رايـه يحـدد مسـاره
من فضل ربي وافي الشبرمستور
ولاني بحاجة سمسـره واستعـاره
دحدر وتلقى شاعرك بيّسر السور
يكتب لك نصوصك بفن ومهـاره
ودك غزل ودك حكم منت مجبور
تختـار لاتحتـار بأيـا عـبـاره
يكتب لك الجمله وبأحساس مأثور
يبكي على نجوى ويقصد بسـاره
الشعر عنده سلق واحيان مبشـور
على الطلب معروض عب استماره
يابايع احساسك وياضايـع الشـور
تجارتـك ياقبحهـا مـن تجـاره

[يارا العامرية]

صح لسآن شآعرهآ وصح اختيآرك الرآئع ..
عافاك المولى وأسسسسعدك ..
تقديري ,,

[نــجــم]

سلمت يمنـآك ع روعة طرحك ...
الله يعطيك العـــآفية ...
تقديري ,,

[العنيــــدهـ]

صح لسان شاعرها
ولاهنت ع الإختيار الرائع
يعطيك العافيه
✿

[منادي]

صح لسان الشاعر رابح الغضيان
اشكرك فادي .. الله يعطيك 1000 عافيه
و
تحية اعجاب لمن يستحق الاعجاب
منادي

[فادي الشلاحي]

صح لسان الشاعر رابح الغضيان
اشكرك فادي .. الله يعطيك 1000 عافيه
و
تحية اعجاب لمن يستحق الاعجاب
منادي

مشكور على مروركً وتشريفكًٌَُ

[فادي الشلاحي]

صح لسآن شآعرهآ وصح اختيآرك الرآئع ..
عافاك المولى وأسسسسعدك ..
تقديري ,,

مشكوره على مروركً وتشريفكًٌَُ

[فادي الشلاحي]

سلمت يمنـآك ع روعة طرحك ...
الله يعطيك العـــآفية ...
تقديري ,,
مشكور على مروركً وتشريفكًٌَُ

[فادي الشلاحي]

صح لسان شاعرها
ولاهنت ع الإختيار الرائع
يعطيك العافيه
✿


مشكوره على مروركً وتشريفكًٌَُ

[صعبة المنال]

فادي الشلاحي
أج ــمل وأرق باقات ورودى
لموضوعك الجميل وطرحك العطر
دمت برضى من الرح ــمن
لك خالص احترامي وتقديري
صعبة المنال

[فادي الشلاحي]

مشكوره على مرورك وتشريفكً,,

[سلطانة]

http://www.halauae.com/uploads/images/alsaher-3814931317.gif

[فادي الشلاحي]

مشكوره على مرورك وتشريفكً