ديوان الشاعره / وضحى بنت عبدالله بن ذعار

[نــجــم]

السلام عليكم ورحمة الله وبركاته


ديوان الشاعره / وضحى بنت عبدالله بن ذعار السهلي

[نــجــم]

سهولن نهارالملاقـا تنطـح اعداهـا
يازين بايمانهـم ضـرب البواريـدي
راع الفرس لاولـه بالمـوت بداهـا
لعيون وضحـان تـرزم للمفاريـدي
وسعود1طلع لها الجره من اقصاهـا
تنشر له البيض في روس الشواهيدي
ياعيد هجنن تسـج البيـد بخطاهـا
يذبح من الحيـل مايذبـح هراديـدي
ولحقوا هلي فزعة<ن>يوم الخبر جاها
الاد زايــد مبـعـدة المـواريـدي
لاصف طابورها مـا احـدن تحداهـا
يردون حوض المنايـا كنـه العيـدي
ونسايل2العود في ليل الدجـا جوهـا
الشمس غابت وبـرد اليـل بيزيـدي
اهووا عليهـا بظلمـا ليـن جابوهـا
اهواية الحر لاشاف ابـرق الصيـدي
شـاف الحبـاري تـزول ونثردماهـا
الخرب من مضربه ريشـه تفاريـدي
وهذي حروف القصيدة قلـت معناهـا
ولواللحن طاعني في المدح بازيـدي

[نــجــم]

يا فهد يوم الوطن عندنـا غالـي
يا ملكنا محتمـي دارنـا الحيـه
السعودي يرفع الـراس ويلالـي
محتميها يـوم سيفـن وجنبيـه
محتميها يـوم رجلـي وخيالـي
قبل ما جاهـا سفيـرن ودوريـه
يوم ابو تركي ضرب بحر الاهوالي
لين حصـل درة المـوج وحليـه
جاب نجـد متعبـت كـل خيالـي
الرياض اللي لها الـروح مهديـه
بحيلة<ن>ماحلهـا كـل حلالـي
حلها يوم التوت ذي علـى ذيـه
يشهد الصمان والصلب ورمالـي
فوق سرج الخيل صبحن وعصريه
والسفايف مع هل الهجن تجتالـي
مثل جول الصيد مع راس حزميه
كم عسيف بجرته تشك الاهزالـي
طاحت اخلافه كما الشلو مرميـه
دايمن من فوق مومية الاحبالـي
والخوي سيفـه ودلـه وصينيـه
يستحق المـدح لـو ماتواحالـي
ميـت ومعزتـه عندنـا حـيـه
يا الله ان تنجيه عن حامي الصالي
في جنان الخلد في بـارد الفيـه

[نــجــم]

ام العرب ديرتـي دار السعوديـه
بعيال عبد العزيـز ازداد مبناهـا
يفداهم اللي بشعبه شيـن النيـة
راحت شتاتن مع العربان وافناهـا
انا ملوكـي تهلـي بـا لخلاويـه
واللي تضايق مع الضدات ينصاها
ايمانهم تبـذل المعـروف بالنيـة
وان جا نهار اللقاء ياويل من جاها
تـدق قواتهـا ضلعـن وحزميـة
والشرع سيفن لها ياللي تحداهـا
تجيـه قـوات بريـه وبحـريـه
وجوية<ن>لاقلعت مايلحق اقصاها
ترجف رجيف الرعد لانثـر دليـة
مطرن حقوقن وسيله يلفط اغثاها

[نــجــم]

ابغني مثـل غيـري يـوم غنـا
وابدع القيفان في راس الطويلـه
من هواجيسـن تجينـا واسهرنـا
مثل ذيبن لاعوى نعـول عويلـه
تل قلبي تل جمسـن يـوم حنـا
تله السواق في وسـط المسيلـه
معـه جيـوب كلبوهـن غرزنـا
كود راع الجمـس قـداه الدليلـه
مع ملف العـرق لفـن واشملنـا
مثل ريمن شايفن بالعيـن زيلـه
جعل يسقى يوم ننكف يـم اهلنـا
فوق من تسبق هماليـل المخيلـه
التحالـيـل الدقيـقـه عطلـنـا
طول المقعـاد تحليـل الفصيلـه
والمعـزب بالسفرماسـج عـنـا
كل يوم عنـده اخبـار الحصيلـه
والحمول اللي ثقيلـه شـال عنـا
كل حملـن كايـدن عنـا يشيلـه
يافهـد فرجتهـا نفـداك حـنـا
جعلهالله فـي موازينـك الثقيلـه
ياولد منهو له الـروس خضعنـا
كل شيخ وكل اميرن لـه يجيلـه
يـا ولـد منهـو زبـون للمجنـا
عاف شوف الدار مع شوف الحليله
هـو ملاذاللـي حبالـه قصرنـا
زود حباله على حبـال الطويلـه
وهوولد منهـو نطحهـن لاقبلنـا
يحتمي الزلبات ي يـوم الدبيلـه
في نهارن فيه رسن وفيـه عنـا
كل مدغوش يبي كسـب النفيلـه
في نهار المعركـه سيفـه محنـا
كم حليلن فارقه شـوف الحليلـه
كم طريحن طاح من ضربه يونـا
فـارق الدنيـا وشوفـه للقبيلـه
لااقبلـن خيلـن وخيلـن دبرنـا
يلحق المقفي على بنت الاصيلـه
طوع العايل وعلى الصاحب يحنـا
ولاصطفق خلص عميلن من عنيله
جعلـه الله وسـط جناتـه تهنـا
جنة الفردوس في شفعـة خليلـه

[نــجــم]

وهذا رد الشاعرة وضحى على قصيدة اخيها عبوش """"





راكب اللي مع طويل الخط حنا
الفجوج وساع والسكه طويلـه
المنجب فيـه والسـواق منـا
يوم تله مثل بـراق المخيلـه
نصه اللي مع حمام الورق غنا
عن كثير الهرج يكفينـا قليلـه
يا ابو عبد الله بيوتك هيضنـا
يوم جانا القاف ببيوتن جزيلـه
دق هاجوس الضماير واعولنـا
مثل تعويل الرعد وسط المخيله
من بيوتن قلتها تبكي المسنـا
من بيوتن قلتها يا شيخ جيلـه
انت مثل سهيل ونجومه غدنـا
ومثل حرن مايصيد الا الجليله
والمعزب في غيبتك ناب عنـا
مثل سيلن ينبت العشب بمسيله
لاشتحنت انته وحنا ما اشتحنا
سيدك شال القصيرة والطويلـه
كايد الوقفات شال الحمل عنـا
دايمن يسبق على كسب الجميله
في جمايل سيـدك كلـن تغنـا
لاعطت يمناه ماتدري شميلـه
المواتـر عنـد بيتـه وقفنـا
ناصياته مع طواريقـن مهيلـه
ابو فيصل عيدهن لامـن لفنـا
راعي الفزعات كساب النفيلـه
كم سجين من سهر سجنه يونا
يطلقه بالجـاه والابالحصيلـه
يزهي اللي فوق متنه رسمنـا
قايد القوات في بحـور مهيلـه
القمر لابـان بالنـور انتهنـا
ياقمر عشرين للسـاري دليلـه
نعم باللي فالقسا طيبه وصلنـا
في مواقيف القسا زود جميلـه

[نــجــم]

اهلي على صعب المراجل ماتضيع """ ومن شال كايدها يذوق حـلـوهـا
من عصر حماد<ن> ومطرف وهم جميع "" ومن عصر عبوش وقديم وتوها
منزالهم واحد ومجلسهم جميع """ تـشـهـد لـهــم صـفــر الـدلال وضـوهـا
ما يدخل الواشي على سيف الذريع "" واهل القلوب السود تطفي ضوها
يازين جلستهم الى صفو جميع "" الرايـة الــبــيــضــا رقــوا بــعلــوهــا
ويازين لاصكو يد النجر الصنيع "" مثل الرعـــود الــلــي تــرزم نــوهــا
واليوم مطحونة وتجهز له سريع "" اقلط علــيــهــا يالــغــلام وســوهــا
قلبي تهيض يوم طبيت الربيع "" وجـبــت البــيــوت اللي جديده تــوهــا
نزل بنا عبوش في زهر الربيع "" الله يــعــد يــه الصــدوف وســوهـــا
ويا زين بني الشرع من فوق الرفيع "" ويازين لمعتهن بصافي جـوهــا
فان كان ما قالو كفو كل الجميع "" جنــبــت قــيــفان جــذبــنــي نــوهـــا

[نــجــم]

نبغي النياق ولالقيــنــا ســواويــق "" والنفس ما نرضى لها بالمهونه
وراع الدبش وده على ماله يويق "" يــرتــاح قلبه يوم تــنــظر عيـونه
يسقى ليا قالوا جذبنــا بــراريــق "" سيله على خـب الرضـم يذكـرونـه

[نــجــم]

نبي نسج الربـيـع ونـتـرك الــحـاره "" ونشوف عشب الربيع اللي على حله
ويازين لا غرد القمري على ازهاره"" وهزه نسيـم الـهـوى والـطـل قـد بـلـه

[نــجــم]

ويازين شب الحطب لازيـن اوجـاره"" يكب زيـن الـخـشـب مـايـبـغـي الـجـلـه
ويـازيـن لاقـلـط الـدلـه عـلى نـاره "" تـفـوح بـبــهــارهـا والـبـن قـد زلــه

[نــجــم]

انا اشوف الكرم علق خروفه "" ولكن الكريم بشكل ثاني
كريم النفس من كريم ضيوفه "" والي زاروا محله مرحباني
جمل زومان لاشتدت كتوفه "" يشيل الحمل لا شان الزماني
يناظر في قصيره بالمروفه "" وجنب عن طريق المشبهاني
كريم النفس ولو كثرت ظروفه "" يعز النفس عن قاصي وداني
عسى يفداه من جمع الوفه "" يعده بالدقايق والثواني
انا اشوف الكرم علق خروفه "" ولكن الكريم بشكل ثاني

[نــجــم]

هذه القصيده قالتها الشاعرة بمناسبة فوز ابل اخيها سعود بسباق الهجن با المركز الاول


انا هاضني صفرآ زعور<ن> تقود الذود "" على منتهى الميدان تطرخ با ياديها
تلمح تلماح المصفح مع الممهود "" كما سمكة المعصار عجة سماريها
وتهذل هذيل الذيب لأشرف على المارود "" هقى بالعشا يوم اقترب من حواريها
اقام اللقية ما بعد مصها المفرود "" تزايد سطرها والموده يباريها
كما المرة اللي ترفت من خيول العود "" قدم موكب الحكام صفق محييها
ومرباعها الصمان شرق من النفود "" على عشبة الاقفار دايم مضريها
ونهار المارى نادها باسمها ياسعود "" خذت جايزتها يوم زادت هقاويها
حساس البنادق يوم ثارت تقول رعود "" بايمان النشامى يوم فازت تحييها
أنا أرجي يومني ماذكرت الذود "" مع البكرة اللي شوقتني تحديها
عسى الله يجنبها عن الحاسد المقرود "" وعسى من عيون الناس ربي ينجيها

[نــجــم]

هذه القصيده قالتها الشاعرة عند ما سأل ابن عمها محمد آل عبوش احد كبار السن عن تفاصيل سباق الابل الذي فاز فيه شقيقها سعود بن ذعار تمثلت بهذه الابيات اللتي ضمنتها الحديث"

الذود كله سابق يا ابن عبوش "" اسمع كلام الموكب اللي حضرها
ليتك مع اولهم على هجة البوش "" صفر البكار اللي تزايد صطرها
بتذكرك وقتن مضالك بقنطوش "" وضحن تلت مقهورها في قفرها
شولن على القعده كما صامل الهوش "" وليا ارتفع صوت المودة ذعرها
هجت على عدن على جاله الغوش "" افتر مع حاله ودلوه حدرها
تنهب من الجمة كما نهب مدغوش "" والساينة سواقها ماقهرها
تصفق على وضحن بها الصبغ مرشوش "" تزهى لربطة ديكها في ظهرها
هم عطنت عقب الروا يابن عبوش "" وجنك بنات البدو تخذ وبرها
كسبن لاهلنا يوم نايش ومنيوش "" صباح والاعند غيبة قمرها
صنهات ومحمد رووا كل مريوش "" لانطلت خطلان الايدي غترها
وعبوش لامنه انتخى يمنع البوش "" بشلفاه شال اثنين كلن خبرها
وفعول اهلنا باللقا جابه طروش "" لاجيت اعبرها طوالن عبرها
سهولن تروي في اللقا كل مريوش "" وفعولهم بالطيب كلن ذكرها
وقولن بلا فعل كما بيع مغشوش "" بضاعته في السوق ماله خسرها
وصلاة ربي عد ماتومي رموش "" على نبي سنة الله قدرها

[نــجــم]

ياشاعرعـن مــدح اهلـنـا تغـبّـالعبتك شفناهـا علـى خـط الإعـلان
اهلـي ليـا مـن اعتلـوا فـوق قُبّـاراحــو مجنـنـة المجانـيـن ذلان
اهلـي كبـار فعولهـم مــا تغـبّـامثل الجبـال اللـي ذرى فيّهـا بـان
واهلي تصـب الخيـل للقـوم صبّـامطـرف و عبـوشٍ سلايـل كحيـلان
و ذعار بن مطـرف يخـوض الأغبّـاسيفه مخضب كنـه السيـف شامـان
و صنهات ومحمـد و مشـري بقبّـايرخصون غال الروح من دون الأضعان
بسيـوف هـنـدٍ للمنـاكـب تجـبّـامالهـم حلـيٍ غيـر هـدّة جلـيـدان
ولاجـاك خيّـال الـرمـك مستهـبّـاوتلافحت من بينهـم تـوم الأرسـان
رصاصـنـا بنحـورهـم مستصـبّـاهذي فعـول جدودنـا يـوم الأكـوان
فـي مدحهـم قافـي معـي يستخبّـاومن كثرهم علـيّ قصّـرت الألحـان
وبيوتهـم فـوق النبـا مـا تغـبّـاما اقول فارس كل أبو هلـي فرسـان
ونجـرٍ يـنـادي للنشـامـا يـدبّـامـع دلـةٍ يعبـا لهـا البـن خـولان
وصينيـةٍ فيـهـا خــروفٍ مـربّـاوكبار الصياني فوقها ظهور حشـوان
وسوالـفٍ بيـن النشـامـا تحـبّـاوفعولهـم مـا طالهـا كـل ديـقـان
واللـي يكذبـنـي يــروح يتنـبّـاوالله إن يشوف فعول ما مثلهـا كـان
مـن لابـةٍ تكـب فالعـيـن شـبّـاآلاد زايـد لارقـص كــل شيـطـان
راحـت عصـاة الخيـل منهـم تكبّـامـا يلتفـت خيّالـهـا راح بلـشـان
سهـولٍ علـى دوس المعـارك تربّـامن عصرنا الماضي الى عصرنـا الآن
قطعانهـم ترعـى الخطـر لأشلهـبّـامرباعها الصمان فـي عـرق ساقـان
ذرى لمـن هبـت علـيـه المهـبّـاونقول ما قال المثل سـرج وحصـان
نشره على الطيّـب إليـا مـن تغبّـاقـد قالهـا قدامـي الشيـخ راكــان
وصـلاة ربـي عـد مطـرٍ يصـبّـاعلى النبي الهاشمـي نسـل عدنـان

[نــجــم]

دولتي دايم على الطيـب سباقـه
لا ارتفع صوت الندا بإسم عبد الله
مثل نوا الشمس لابيـن اشراقـه
حاكمٍ يزهـا لتـاج العـرب كلـه
ياحكيـم الـراي شديـت ميثاقـه
والله انك خذت من زينهـا أدلـه
نيتـك بيضـاء عليـه وسباقـه
اشهد انك تعقـد الحبـل وتحلـه
مثل حرٍ فالهـوى تكفـخ سباقـه
لاتعلى الخرب ضربه على القلـه
ياقمـر متعلـي بــان بـراقـه
لا سطع فوق العرب طلتـه طلـه
محكم رايـه علـى كـل مالاقـه
مثـل ماقـال المثـل قلـه دلـه
برايه الي شوش براس مشتاقـه
يوم قاله لم شمـل العـرب كلـه
الزعـل مطـروح مابـه تفراقـه
رايك اول راي جانا علـى حلـه
والعرب لبـوا وكـلٍ رفـع باقـه
باقةٍ مـن غالـي الطيـب مبتلـه
ياهـل التوحيـد حمايـة الساقـه
دشوا الميـدان لعيـون عبـد الله
المليك الي خذا الطيـب باعماقـه
كلمته مسموعـةٍ بيـن خلـق الله
زين لا جتـه الطوابيـر منقـاده
متجه للي يبـي القـدس يحتلـه
علم اللي فـي فلسطيـن بواقـه
قله جيوش العرب جتـك منهلـه
طقوا الي خـان بالمسلـم وباقـه
ولا نويتو ضربتـه وحـدوا بالله
هم هل الارهـاب بابـه ومغلاقـه
خانوا بجهالنـا ضـد شـرع الله
والسعودي لاانتحـى زود عتابـه
في المعـادي دايـمٍ يبـرد الغلـه
والله اني قلت الأبيـات مشتاقـه
جعل كبـدٍ ماتحبـك لهـا العلـه

[نــجــم]

هذه قصيدة قالتها الشاعرة وضحى بنت عبدالله بن ذعار السهلي في أخيها الشيخ / سعود بن عبدالله بن ذعار السهلي أمير آل زايد من السهول :



عسى الله يعجَل بالشفا والخطر مطروحيجيب الشفا له خالـق النـاس والجـنِ
حليَه عديم مسكنه دايـم فـي الصـوحخوي الخـلا منـه الحبـاري توذنِـي
لامنه أنتهض خرب الحباري يلوحه لوحهراب الحبـاري كلهـن منـه ماتنِـي
تعشـى ثناديهـن بمخلابـه الـذابـوحرقد عقبها مـن لـذة الصيـد متهنِـي
وأنا بأشهد إن سعود مثله بكـل أمـدوحرقى بالعلا فـي قمَـة الطيـب متبنِـي
يمينه عذاب الحيل والحاشـي الطَمـوحلهـن ثالـث العيديـن بقـراه لاجنِـي
وراعـي دلالٍ هيلهـن دايـم يـفـوحتجيب النشامى صيحـة النجـر لادنِـي
هواي ومنايه يوم أشوفه يجي ويـروحويبـاري مـروازة المفاريـد ويغنـي
عسى الله يوفق طلبتـي بابـه المفتـوحوعلى عبده اللي ظن مايخلـف الظنِـي
وعسى الله يعجَل بالشفا والخطر مطروحيجيب الشفا له خالـق النـاس والجـنِ

[نــجــم]

قصيدة رثاء في الشيخ سعود بن عبدالله بن ذعار السهلي للشاعرة وضحى بنت

عبدالله بن ذعار السهلي تجديد واستكمال للقصيدة السابقة:
واهني صغيرن مثل ديلاره
تلعب الألعاب والناس يبكوني
ما درت عن شيخها غادر الحاره
مع صلاة الظهر فالقبر مدفوني
أشقر سلمان بالعين مختاره
يوم صف الريش جابه بمليوني
له يمين فأبرق الريش جزاره
دايم في صيدة الجزل مفتوني
من فعايل مخلبه شبع منقاره
لا تعلى فوقهن زود الكوني
حاتميٍ بالكرم شاعت أذكاره
زاد فوق اللي على الطيب يرقوني
والعرب تبكيه ويبكنه بكاره
لا غشى الصمان براق ومزوني
ويفقده بيتٍ بني في على القاره
دايمٍ فيه النشامى يرودوني
والبهم ماجود فالشبك بجواره
يذبحه للي على البيت يلفوني
ودلته تجتال بالبن وبهاره
بري الخولان جاهز ومطحوني
والله انه قمة الطيب وشعاره
كامل الشارات فالكود والهوني
وان نخاه اللي طمع فيه غداره
ما يعرف الخوف فالهوش مجنوني
ولو يغيب سعود ما غابت اذكاره
مثل ضلع طويق من لاذبه عوني
يالله المطلوب فالخلد تختاره
والكتاب أبيض بيمناه مضموني
ياولي خالقه تعرف أسراره
تمحي السيات ما يلحقه لوني
يا حمام يرفع الصوت بأشجاره
لاتهيضني ترى القلب محزوني
ويا سحاب مقبل تجذب أنواره
إمل قبره من هماليل ومزوني
دمع عيني فوق الأوجان عباره
ومن رحل ما ردته دمعة عيوني
والله انه ثومة القلب وستاره
راح ما بعته على اللي يسوموني
ليتها بالفعل ونواصل الغاره
بالسهول اللي على الموت يردوني
وكم طريحٍ شالته ذيبة القاره
عشته ورعانها يوم يعووني
وكم شجاعٍ طاح محدن خذا ثاره
بين زرق رماحهم يوم يهووني
وزين عج مهارهم بأول الغاره
دون زاهية الجنايب يهوشوني
وليت موتٍ راح به قدمهم شاره
كان يذبح والعرب ما يموتوني
ويوم كلن جاب فعله وتذكاره
لابتي بأفعالهم ما يلادوني
فعلهم تكتب عنه نجد وحجاره
يعرفه من كان له قلب وعيوني
من زبن في دارهم كنها داره
ما اعترفنا في ثلاث يقولوني
انشد اللي يوم جت زعب محتاره
فوق عروى يوم جونا يصيحوني
أدخلتهم لابتي عمد وجهاره
قالوا ابنو بيوتكم لا تخافوني
بين صف بيوتهم يرتفع كاره
ولو يشوفه طالبه ما قدر لوني
واعتلوا من فوق زلبات بشهاره
لين عود طالب الحق مغبوني
كل حافر سابقٍ طاح مسماره
طاحت حذي الرمك يوم ينحوني
لين ردوا سربت الحق منهاره
من سهولٍ زادت الكون بالكوني
لا فزعنا ما نتمنن بتذكاره
يوم وقتٍ فيه غابن ومغبوني
ويوم جاهم محتمي نجد وهجاره
دايمٍ مع بيرقه ما يموجوني
شاعره ما جابت الكذب وهذاره
ما تقول الا موكد وموزوني
عقبها صلوا على معلن اذكاره
الرسول اللي مع خطاه تمشوني

[نــجــم]

في جريدة الرياض هذا اليوم الجمعه الموافق 29 / 3 / 1430 هــ قصيدة شعريه في صاحب السمو الملكي الامير/ سلطان بن العزيز ولي العهد حفظه الله واعاده الي وطن المملكه العربيه السعوديه لشاعره المعروفه / وضحى بنت عبدالله السهلي :

http://www.alriyadh.com/2009/03/27/img/1238027940154262400.jpg



بدعـت الأبيـات يومـه زان طاروقـه
قلتـه بسلطـان شيـخ ضافـي فيـه
القلب من فرحته تنبـض لـه عروقـه
ورياضنـا مـع جنوبـيـه وغربـيـه
بنو نشا من تهامـة تكشـف بروقـه
منه الشعـوب المحايـل ربعـت حيـه
مدنه مع قراه مع بـره ومـع سوقـه
كلـن يهنـيـه بنـجـوح العملـيـه
يا الله تعافي ولي العهـد مـن عوقـه
كفاف دمـع اليتيـم اللـي فقـد حيـه
ينثر لـه الـورد بزهـوره وزملوقـه
فـي رجعتـه بالسلامـة للسعـوديـه
يا علها فرحة (ن) كالشمس مشروقـه
والناس ولهه علـى شوفـه شقاويـه
والحر من فرحته لـه ينتـق سبوقـه
كـل الحـرار كفخـت لـه زود حنيـه
وله النخل في جريـده تومـي عذوقـه
وفرخ الحمامه بعشـه يعـزف غنيـه
يا خو فهد لك نعـد الصبـح وشروقـه
ولك النحل بالعسل صفـى لـك خليـه
تزهى لطاروق شعرن جاء على ذوقـه
مثل الذهب بغالـي الألمـاس مكسيـه
القاف فـي سيـدي يزيـن مطروقـه
ان قيـل مسحـوب ولأ قيـل رديــه
الحاكم اللي خـذا مـن حاتـم طروقـه
هو شاربه شربـة العطشـان للميـه
يمناه ترخي العطاء ما صـك صندوقـه
والـي يجيلـه يـروح يديـه ممليـه
ويقود جيـش يـدق الحـزم وعروقـه
لامن رفـع قدمهـا علـم السعوديـه
شيخ على شعبنا مـا غمضـت موقـه
الـراس طايـل وهاماتـه رهـاويـه
يا نسل عود (ن) تعبت الهجن من سوقه
اللـي حمـى دارنـا بـره وبحـريـه
عساه في الجنه اللـي نورهـا فوقـه
فـي جنـة الخلـد والسيـات ممحيـه

[نــجــم]

هذه القصيدة قالتها الشاعرة / وضحى بنت عبد الله بن ذعار السهلي تطلب فيها الله سبحانه وتعالى بتفريج كربة بدهان الرمالي الشمري وأن يخلف على عائلة الشيخ قبلان الشراري في فقيدهم وتقول:


ياخالق(ن) نار(ن) وياخالـق أجنـان
ويارفـع(ن) سبـع(ن) بليـا عمـودي
يـا الله مـا قـدم قـدم وجهـك انـسـان
أرجيك يـا منشـي مـزون الرعـودي
أرفـع لـك أيدينـي معـا وقــت الأذان
وأطلبك والعالم هجـوع(ن) رقـودي
اطلبـك عـدة مـا يـكـون وبـعـد كــان
واعداد من حطـوا بوسـط اللحـودي
وأعداد ما تذري الهبايب فا الاركان
مستصلـفـة تــذري رمــال النـفـودي
أنت الذي تقدر على الأنس والجـان
وأنـت الـذي تفـرج لـكـل أمـحـدودي
وأنـت الـذي تفتـح اليـا صـك بيـبـان
عـسـاك تقـبـل طلبـتـي يــا معـبـودي
وأنت الذي تفـرج لمـن كـان بلشـان
اطلبـك يامحـيـي العـظـام الهـمـودي
وأنـت الـذي تقـدر علـى كـل بـحـلان
حمـلـه ثـقـيـل ولا لحـمـلـه حـــدودي
يارب عجـل فـي فـرج شـون بدهـان
اضـف بجنابـك يـا الرحيـم الـودودي
أبــوه يــدوي يابـسـن كـنـه عـيــدان
يومـي كمـا يومـي ظمـي الــورودي
في ما قفه ما عاد له قلـب وألسـان
ودمــوع عيـنـه جـرحـن الـخــدودي
زوره تهشـم مـن كثيـرات الاحــزان
يـوم(ن) ظنـاه أمقـيـد(ن) بالقـيـودي
يبكـي ويقنـب قنبـة الـذيـب سـرحـان
أصبح عليه الصبح مـا صـاد فـودي
أحـلـوم ليـلـه مسهـراتـه بـالأذهــان
وأنـت الولـي اللـي بجـودك تـجـودي
وجونا هله كلن علـى العلـم ولهـان
يـرجـون يالمعـبـود زيــن الــردودي
والزيـن مـن جانبـك ياوالـي الشـأن
وحنـا علينـا الـيـوم بــذل الجـهـودي
وياللي جمعت أعمال عبدك بميـزان
والصالحـات اللـي بـقـن بالـوجـودي
وياماحـي أذنوبـن تحملهـا الانسـان
وياباعـث الأمـوات يــوم الـوعـودي
ياربنـا تجبـر عـزاء الشـيـخ قـبـلان
وتخلف على أبنه بالجنان الخلـودي
وتمـد والـدتـه بصـبـر(ن) وسـلـوان
وتوفـي لهـا يومـك وفـي بالعهـودي
ونـزل لـهـم رحـمـة يفـكـون بـدهـان
يـا حافـظ ليعـقـوب يـوسـف يـعـودي
وصـلاة ربـي عـدّ مـا طـاف عربـان
عـلــى نـبــيٍ حـبـنــا لــــه يــــزودي

[نــجــم]

هذه قصيدة الشاعره والراوية/وضحى بنت عبدالله بن ذعار الظهيري السهلي
تثني بها لشاعره /عيدة الجهني<<وحيدة السعوديه>>
والقصيدة تعبر عن نفسها"
خذيتي التاج معه الصيت يا عيده ___ يا شمعة البيض يا بنت السعوديه
حكمتي الشعر حيرتي نواقيده___ في موقف<ن>صعب خياله ورجليه
امهار شعرك خذت من زينها جيده__عز الله انك حكيمه يا الجهينيه
بك حشمة<ن>با العباه بزود تجويده__في ماقفك يوم شفناها خياليه
انشر لك البيض با قصى القلب وازيده__وارقع لك الكار بشعار السعوديه
يا بنت بدو<ن>تعل السيف وتعيده__ لا جت تنازا بهم خيل<ن>عربيه
الله ينجيك من عثرة مقاريده __ يا اللي لنا سيست عنصر نسائيه
ترى المره عونن للرجل وتفيده__ بسلوم الاجواد حشمتها سماويه
ومحمد<ن>يوم ينزل وحي توحيده__ثنى بوقفه خديجه زينة النيه
هن شمعة البيت هن نوره وهن غيه__لعيونهن طبحوا نطاحة الهيه
غزلان صيد<ن>تذيرعن بواريده__ تلعات الارقاب سم <ن> للهواويه
والعين عين اشقر<ن>مرهي على صيده__ هذيك طاحت وذي با النار مشويه
مصيونة العرض عن هرجة مناقيده__ دايم على بيتها تحرص من السيه
والجاهل اللي عليهن رافعن ابيده__ جمل<ن>رثع وسط بده طاحت رويه
واللي هضم قدرها ماجاء مقاصيده__يصفق با الاكفاف من ذيه على ذيه
وعقبه نصلي على صادق مواعيده__محمد اللي فخر بكتاب واليه

[نــجــم]

يا مرهب في الدار هـذا جـزا الـدار
الله يعـيـن ام غـدرهـا ولـدهــا
ام غـذتـه وربـتـه بالـجـفـا دار
خيـب هقاويهـا وخــان بعهـدهـا
والدار من دونـه كبيريـن وصغـار
ناس تصونـه مـا تخـون بعهدهـا
الدار ترخص دونها غـال الاعمـار
الـدار ذاري النفـس وانـا جسدهـا
دار ثراهـا عنـدنـا ورد وانـهـار
الله يقصـف روح منهـو حسـدهـا
دار حميناهـا علـى جيـش ومهـار
بعبدالعزيـز اللـي بسيفـه هجـدهـا
تباشروا به يـوم ضجـات الاخبـار
وقيل الرياض اليـوم جاهـا سعدهـا
يشهد له المصمك على كل ما صـار
وتشهد روابـي نجـد يومـه هجدهـا
حـر مخاليـبـه ذوابـيـح بـتـار
لا هوى على جول الحبـاري سردهـا
العقب حـول فوقهـا واف الاشبـار
اهـوى عليهـا ليـن فـرق بـددهـا
واستطمعـت يمنـاه بيميـن ويسـار
ومـع كـل مهيـاع سهدهـا مهدهـا
مرحوم يـا عـود عليـه الثـرى دار
اللي جعل كيد الاعـداء فـي كبدهـا
وعقبه حكم سعـود ولـه السعـد دار
سمـي ابـو خيريـن وزود سعدهـا
وبعده حكم فيصـل حكيـم بالافكـار
وسياسـتـه والله مـحـد وجـدهـا
والله ما مثلـه حكيـم فـي الاقطـار
حاكـم حكيـم والسياسـة صهـدهـا
وعقبه حكـم خالـد وخيراتـه انهـار
يعـط العطايـا مـا يحسـب عددهـا
واليوم فـي حكـم الفهـد والفلـك دار
أسـس مبانيهـا وطــور بلـدهـا
ذولا هل العوجـا طويليـن الاشبـار
حكـام نـجـد لا تـلـوث عقـدهـا
وطويق ما هـزه مـن النـاس ديـار
واللي تهقـوى رقيتـه مـا صعدهـا
الـدار ننطـح دونهـا كـل غــدار
يقولـه اللـي وامـن فـي رغـدهـا
دونه عيال العود لا صار مـا صـار
افعالهـم مـحـد يمـيـز عـددهـا
ملوكنا تضفي علـى الشعـب بستـار
وتحـط ولـد الشعـب كنـه ولدهـا
وملوكنـا تقـدر صعيبـات وعسـار
ترفـع بثـار الـدار للـي جحـدهـا
من دونها فهـد الفهـد درع وستـار
مع فـارس الفرسـان والـي عهدهـا
وسلطان سلطان السعد حـر الاحـرار
يقـود قــوات ينـومـس هـددهـا
تضرب مزاميره علـى كـل مزمـار
يثـور بـركـان تـزايـد وقـدهـا
تهوي بنجم يخسفـك عشـرة امتـار
هذا جـزا اللـي نعمتـه مـا حمدهـا
هدمـت بنيـان وضحيـت بصغـار
ويتمـت قصـار قلـيـل جهـدهـا
ضعت بزمانك يوم ضاعـن الافكـار
بغيـت تكحلـهـا وزادت رمـدهـا
كانك تب الجنة تحـرص مـن النـار
اتبـع مناهيـج النـبـي واعتمـدهـا
الدين يبغى خشعـة وقـت الاسحـار
وكل يشوف اعمالـه اللـي رصدهـا
لا تصير مثل اللي هوى النار في الغار
حافظ بأمـان اللـي حظنتـك بيدهـا
مانتب وكيل آدم على همش الاخبـار
طبيت فـي بحـور تصافـق زبدهـا
لا ثارت الهيجاء علـى كـل معيـار
طرت بهواهـا يـوم يـرزم رعدهـا
عيلجـت مرتـاح ولا سقـت مقـدار
ودرسـت جهالـك بحالـي رغدهـا
امكمليـنـه بالخـدامـات يخـتـار
ولا عرفنـا النيـة اللـي قصـدهـا
ويا جيلنا ارفـع شعـارك بالانكـار
شبابهـا الشجعـان شمعـة بلـدهـا
اللي على طـوش السفينـة فالبحـار
واللي مع الصحـراء يـزود وقدهـا
واللي شهر في الجو يشرف على الدار
انتـم جنـود حدودهـا يـا سنـدهـا
يفداكم اللي صار فـي الـدار غـدار
نسـى منافـيـع طـويـل مـددهـا
ما عندنا لك لـوم يـا خايـن الـدار
شالتـك بنـت ابليـس ويـا ولدهـا
حنا صبرنا والصبـر فالحشـا ثـار
والـزود لا جـا البندقيـة بجـدهـا
قـد قالهـا قبلـي فهيـم فالاخـبـار
عبـدالله الضرغـام والـي عهـدهـا
ويـا الله يـا رب عليـم بالاسـرار
انـا بأمانـك نهتنـي فـي رغدهـا
لديـرة عسيـر موجهيـن بالاشعـار
هي تاجنا المرفـوع والسيـف يدهـا
لأميرها والنائـب اللـي بهـا سـار
بالطيـب فـوق التـاج زود عددهـا
وختامها صلوا علـى سيـد الابـرار
نبيـنـا الـلـي سنـتـه نعتمـدهـا

[نــجــم]

هذهـِ قصيدة لشاعرهـِ والرِآوِيهـِ / وضحى بنت عبداللهـِ بن ذعارِ السهلي



قالتها بعدما حاول الحوثييين دخول اراضينى وفشلوآ





ياجماعهـِ تبكي العين من شى غريب... هدة الحوثي علينآ وش اللي جابها



نطلبكـِ ياوالي العرش علكـِ تستجيب... رحمتكـِ يارب الارباب تفتح بابها



نخلة السيفين تنخى على الحق المصيب... لوحت عثق الرطب والحزاب احزابها



السعودي لاتقدم فعل فعلً عجيب... عادتهـِ جمع المعادي يقص ارقابها



لا أستعدوآ فالميادين ف اليوم العصيب... مزنةٍ هلت بردها قدمـِ سحابها



دونهـ ابطال السعودي هل الساس العريب... يرجع الحوثي ورى مايشم ترابها



لويهيب مدورِ الحق حنى مانهيب... ما اشحنتنا زمرتةٍ ماحسبنا حسابها



حدوِ الحوثي عن الحد واشرب يا شريب... لين مولعة القذايف تنول اعجابها



جاكـ ابن سلطان يا الحوث بالجمع الرهيب... من نسايل شايب<ن> حاز نجد وجابها



من ملوك <ن> فالملاقى تهاب ولا تهيب... دون حدكـِ يا الجنوبي رمت بسلابها



جعل منهوِ مات فيها تجنبهـِ اللهيب... في جنان الخلد متعلي<ن> يلجابها



ياعسى يا عبيد يمناكـِ يا الطيب تطيب... يسلم اللي دون حد الوطن فدابها



من سهول<ن> تأخذ الثار فاليوم العصيب... هل فعول<ن> باينه فالضحى يحكابها



وعقبها صلوآ عدد من يجيب ويستجيب... الرسول ومن تبع سنتهـ ينجابها

[يارا العامرية]

صح لسآن شآعرهآ وصح اختيآرك الرآئع ..
عافاك المولى وأسسسسعدك ..
تقديري ,,

[نــجــم]

يسعدني ويشرفني مرورك العطر

تقديري لكـ

[العنيــــدهـ]

صح لسان شاعرتها
ولاهنت ع الإختيار الرائع
يعطيك العافيه
✿

[منادي]

صح لسان الشاعره وضحى
اشكرك نجم على الديوان الرائع .. الله يعطيك 1000 عافيه
و
تحية اعجاب لمن يستحق الاعجاب
منادي

[نــجــم]

صح لسان الشاعره وضحى
اشكرك نجم على الديوان الرائع .. الله يعطيك 1000 عافيه
و
تحية اعجاب لمن يستحق الاعجاب
منادي
يسعدني ويشرفني مرورك العطر

تقديري لكـ

[نــجــم]

صح لسان شاعرتها
ولاهنت ع الإختيار الرائع
يعطيك العافيه
✿

يسعدني ويشرفني مرورك العطر

تقديري لكـ

[سلطانة]

http://www.halauae.com/uploads/images/alsaher-3814931317.gif

[نــجــم]

يسعدني ويشرفني مرورك العطر

تقديري لكـ