ديوان الشاعر / ناصر بن شعف السهلي .. رحمه الله

[نــجــم]

يامير مالي مع هل اللعـب راده
انا هوايـه نـادرات الاصايـل
بخبرك انا في غايتـي والافـاده
يابن الملوك مطوعت كل عايـل
اللي لها نـوح وكـار وحـداده
ملوك الجزيرة كم خذت من قبايل
عبدالعزيز اللي ملك كـل سـاده
اللي شبك روس الحرار النقايـل
ماحد قصر الشام لقصـر عـاده
ملك لبوتركـي بحـد السلايـل
اللي خـذا نجـد بسيفـه عقـاده
وين الشريف وين شيـخ بحايـل
عقب الجموع وعقب هاك العناده
اقفا عليهم تالـي الوقـت مايـل
راحت لبوتركي بعـز وسعـاده
اللي يصالي صاليـات القوايـل
اللي طفا الشعله راحـت رمـاده
اهل النفـاق محصليـن الفشايـل
وأرثك يالزحزيح سيـد السـاده
ياما بذلت بطلعتك مـن جمايـل
تأخذ على طيب النشامـا زيـاده
وان كتمت دم الوجيـه الهوايـل
ذرا يـذري بالوهـل والشـداده
ياعل مانعتـاض فيـك البدايـل
لامن حصل طيب وصدق وركاده
في المال في حزت الظهر مايـل
يامير جاوبني بلطـف وهيـاده
واجاوبك يامير وافي الخصايـل
انا بكبدي مثـل شـوك الكـداده
على الذي راحت وعيني تخايـل
حمراً الى طالت عليهـا الحمـاده
تلحق وتفهق جاذيـات الهزايـل
اللي اليا طال الطويـل اجتـلاده
تفهق عنيدات الامهار الاصايـل
وبعض الرمك لامات موته جداده
محد نشد عنها ولاهـوب بسايـل
الا الاصيل اللي زهتهـا القـلاده
تدري بها كل العرب والحمايـل
راحت عليه مثل كسـر الرشـاده
من غبنها كبدي شوتها الملايـل
ولاني امقـرود ولابـي قـراده
هذي سهـوم مقطعيـن العقايـل
إن عضتني ياوافي الشبر عـاده
وانت الذي متنك يشيـل الثقايـل
وان عسمـت ماجبتناهـا كـداده
منكم ونرجـو مثلهـا يابوطايـل
وانت الذي بالطيب بيتك عيـاده
وانت الذي منك الوفا والحصايل
تمت بذكر اللـي نحبـه عبـاده
اللي رفع سبـع وسبـع نزايـل

[نــجــم]

زرنا الكويت مسيريـن للاصحـاب
ربـع تهلـي لالفوهـا المسايـيـر
جينا على اللي له تحنطـب وهنـداب
من نجـد جابتنـا جـداد الحناتيـر
في ليلة فيها كثيـر العـرب غـاب
كنه بثوبه غاطـس فـي زمهريـر
جينـا إلحانـا ناشفـات والاشنـاب
وادينـا سبـرات مثـل الخنازيـر
سعود ابوسطام يـوم الشفـق غـاب
ذخـر لنـا يـوم الليالـي معاسيـر
من نبتتـه للبيـت ماسكـر البـاب
ماسكـره بقفولـهـا والمسامـيـر
جينا بتالـي الليـل والنـور جـذاب
من نجد صلفيـن هجـاف مساييـر
قلنا راعي البيت وهـو لنـا جـاب
ولانعرفـه الا بــرد المذاكـيـر
قال اقلطوا يامرحبا ماانتـم اجنـاب
الله يحـي هالوجـيـه المسافـيـر
قلنا ترى لاصحاب من ديرة اصحاب
وايضا بني عـم وجينـا زواويـر
والليل مهجاده صواديـف الاسبـاب
والصبح يبدي والفرج فيـه والخيـر
قال الله يحييكم هـلا بـه ترحـاب
طـروش والا يالنشامـا مـداويـر
هـذا كـلام مالكـم فيـه معـتـاب
ولانستمـع فيـه الحكـا والمعاذيـر
النار شبوهـا كمـا نـار شنشـاب
واضوو عليها بالخشب كنهـا الكيـر
للبـن عمـال وللـبـاب بــواب
وذولا مقابـيـل وذولا مـدابـيـر
في مجلـس متعهـده كـل شـراب
مـن لقمـة تمـلا جديـد المباهيـر
فيهـا جديـد البـن والهيـل لاراب
اربع مشن بالدور واربـع مناحيـر
صبابهن لاصبهن خـوش صبـاب
الهيـل زايـد وزعفرانـه دعاثيـر
وعقب ثلاث ادوار عـود اليـا ذاب
مثـل الذهـب لالينـوه الصفافيـر
جينا الدفا عقب الصلف والخواء طاب
وانا اشهد انـه ماعلينـا مقاصيـر
الليل كلـف فيـه طابـخ وقصـاب
وبل من المنشـا وبـرد المعاصيـر
استلحق الجيران والربـع الاقـراب
وجانا الشحم فوق الصياني مزابيـر
وذي عادة ماتختلف قـدم الاعـراب
مادام راسه حـي واقدامـه اتسيـر
ورث لبوسطام مـن شايـب شـاب
لامن نـزل تلفـي عليـه الدواويـر
ومحمـد لاكلحـت روس الانيـاب
يثني الـى قفـت ارجـال مدابيـر
ومشبب ملجأ الـذي كـل منصـاب
متحير فـي ديـرة الغـرب تحييـر
ماله بنـي عـم تثيبـه ولاانسـاب
متـردي حظـه رمتـه المقـاديـر
ملجاه ابومجحم اليـا عضـه النـاب
جـلاوي وصادفـاتـه حواشـيـر
الرجل لامن طاب والحظ لـه طـاب
ومن وقر العالـم عطتـه المواقيـر
لاقلت الحيـلات فيهـم والاطبـاب
يبـس اللسـان ونشفـن الحناجيـر
من لابة ينجـون دركيـن الارقـاب
في ساعـة ماحلهـا شيـخ واميـر
اولاد علي عند القبايـل لهـم جـاب
وبالطايلة تزمي كما يزمـي النيـر
الطيب عدوبه علـى راس مرقـاب
ونت به الورقاء بـروس الشناظيـر
اهل الصخا قبل الرخاء والتشبشـاب
ربع تسعر غايـة الطيـب تسعيـر
لاشلهبـت تالـي الليالـي تشهـلاب
اغنـت مربيـة الغنـم بالدنانـيـر
فعل ينومـس كـل حاكـي وكتـاب
ربـع ذبايحهـم سمـان المغاتـيـر
شفنا على الوفرا وشافـوا الاجنـاب
تشهد لهم العجمان وسبيـع ومطيـر
والناس فيهم طيب وشيوخ وصعـاب
وكل على حقه وهـم طيبهـم غيـر

[نــجــم]

لى باروا الأنذال ماهوب بـوار
بلهان لمن كبـر حملـه يشيلـه
هداج ينبع لـه ثمانيـن تيـار
وين الذي مثله ولونـه عديلـه
ألين من الماهود وأقطع من النار
يميـل ميزانـه برايـة قبيلـه
يابيت وينه نورك اللي له انوار
نبغـي تماثيلـه ونبغـي دليلـه

[نــجــم]

اول كلامـي بـدي بذكـر الله الـي بعمدانـه رفـع سمـاه
الي رفع سبع وطمن سبع والعرش من فوق السحـاب بنـاه
الارض والاشجار والي مشى بها والطير ابو جنحان في رجاه
عينه سبب رزقه وماله جناحه والي تعشابه على الله غـداه
الي جميع الناس صارت بدبرتـه الوالـي الـي محـدا يـلاه
ينخونه الاجواد من ضيم وقتهم وكب البهايـم وقفـت تنخـاه
الما تنزح والقوايم هزيلـه وركـب عليـه الـل بلمضمـاه
خليت مضاميها وقصر جهدها ولاعاد تاجد مرتعـن ترعـاه
تهايقت بوجيها يم ربهـا ودموعهـا تنبـر علـى الصفـاه
ترجي من الخلاق غيثا يغيثها الي له المسلم سجـد برضـاه
لامن ومربلغيث يجهز نوه يسوقـه الرحمـن مـن منشلـه
تبرق مقاديمه وترهج اركونه وتضفي على روس الجبال طهاه
لاجا على نجد يريض وينثر وتنثر على روس الزرايـب مـاه
تصبح عليه البدو تشرب وتنتشر وكلان يسرح هجمتـه وراه
لازل رد سبوع وسبوع ثاني تشبـع جهايلهـا مـع الوطـاه
ولازل رد سبوع وسبوع ثاني تشبـع جلايلهـا مـع النبـاه
يجيك نزال البلاد لعصبتـه يبـى الحيـا فـن الحيـا حيـاه
تعرض الضرمات في جوف غابه ولبه وذيبـن جايـع نمـاه
الذيب يبراله يبي عرض ساقه والولبه العصلا تريـد شـواه
تبينت نارن بدارن بعيده جذابتـن لضيـف مـن قلعـه النبـا
قدم السحور وكلابهم تنحاه قالوله اهل البيت يا هاشل الخـلا
الليل يرمي للرجال عداه قـال ضيـف لفاكـم تالـي الليـل
تكفون يا الجواد يا حي شوفكم من عقب ليلن طايلن مسـراه
الذيب صوبني وعانه يحدني وليى رفعت الصوت جـر عـواه
يبي رفيقلـه عليـه ايساعـده يبـي يعشينـي بجيـع جـلا
قل سلمت يالي جيتنا وخاب طالبك وصلت بيتن ما يدش حماه
انا السهول اليا تساهل ضدنا صعبيـن لمـن رفـع عصـاه
من زان زناله على كل سيره والي تهقوانـا قطعنـا رشـاه
فينا صعاطير الضفر حزت الخطر وطابورنا ما ينهزع ممشـاه
وسبيع فزعتنا وانـا ربعهـم لاصـاح صيـاح ورى النبـاه
قمنا ناديهـم وهـم مـا نسونـا يومنـا بلبشـت والعبـاه
واليا وصلناهم تبيـن خبرنـا نـذب جالـن كايـدن مرقـاه
هذا الكلام الي نضمته وقلته ولاخذت من مال الرجـال وفـاه
وختامها مني صلاة على النبي اعدادمن زار المجـار وجـاه

[نــجــم]

ماهيب خيلي عير يامنخر العير=خيلي اصيل الي تفوت الاصايل
لكن صادفها مراري وتاثير= تسلم وتفعل مثل هاك الفعايل
يوم الحماده واكربونا المناعير=عتبان والمطران وعيال وايل
وشمرث مغذية السيوف الشواذير=اهل الطنايا معدلة كل مايل
راحت لنا بين العرب والجماهير =وقامت تشجعنا عيال القبايل
واليوم قيلو يالوجيه المعاثير=يلي سوالفك هزيل" هزايل
ان كان سلمت سابقي رفرف الطير= والله لاوريكم نجوم القوايل

[نــجــم]

يابيت وينه راعي الطيب راعيك..الي علشانه تجيك القبايل
ومضمون الابيات رد البيت يقول
الامير غايب وانت ياعود وش فيك..

[نــجــم]

ياوالله الي راح منا الشرف راح= اقفا كمايقفي نهار" من الليل
من اول" نمشي بسلات ورماح=واليوم رحنا داغثينن مراميل
شبنا وحنا شيبنا مابعد لاح=................وقل المحاصيل
الي ان قال
والضيف لاجانا يبي بن واسباح= يبغي سوالفنا وهاك التعاليل

[نــجــم]

يازيد يازيد الوفاء والشجاعه=ياذخرنا المظمون وانت الذخيره
رقيت مرقاب الشرف والبتاعه=.............................
ماكل رجال" يذبه بساعه= الانت ذبيته بعلم وبصيره
يوم اعتمر حظك وطيبك وقاعه = والراس طيب والعطيه كبيره

[نــجــم]

ماله بني عم" ولاله ارباعه = متحير" ضاقت عليه الجزيره
يجيك يالوافي ..............=تاصل حبالك من حباله قصيره

[نــجــم]

يأمير يـــوم ان القوايم صليبه = و انا علي يمنــــاك يامــير اباريـك
و اليوم يا هداج رجلي عطيـــبه =اللي صدفهاها ما يجي عرش رجليلك
الرجــل هي الالراحله والنجيبه = لاصابها ماصبها فلعوض فيك
مانيب مثل اللي مسيره غصيبه = يمشي معك والقلب ماهوب باغيك
انا خــويلك يوم تــرقا الـــرقيبه = انا ا لذي عندك قريب وانا ابيك
لون صادفنا وحيبة غضيبه = عرفت من هو لانخيته يصافيك
يبن الــمــلوك النــادرين العريبه = محداََ فعل فعلك ولحداَ يماريك
اللـــي بعيد الناس واللي قــريبه = رقيتب العاليا ونادا منـــــــاديك
الراس طيـــب والفــعايل عجــيبه = كل يبي مثلك ويمشي مملشيك
لكن شوحاتك علــــــيهـم تعيبه = تتعــب ذللول اللي سار الليــــل يتليك
يوم ا لعرب كل كسبله كسيبه = خذيت كل الطيبه و الوفاء فيك
زبن الدريك المصيب الجليبه =اللي عنا لك من بعيد و ناصيك
عليه من بلوا الـــليالي مصيـبه = تشيل عنه الكايد لالجا فيـــك
تشيل عنــه الكايـــدة والعصيبة = ماضاع مضمونه ولاهقوته فــيك
طلعتك ياغبث الارمل غريبه =و الجيل كله طلعته مايلاديك
الا الشيوخ الطيبيــــن الاديبه = هـذا ولد عــمك وهذا ابن اخـــــــيك
لكــن فيــك مـمــيزات حــــــبــيبه = رحمه وزيزوم الصــخاء خــصلة فـــيك
غيث الضعوف الهزلين المشينه = اللي على بابك تحراء وترجيك
تقفي طوابير و تقبل با لكتيبه =هذا نصا جاهك و هذا لجى فيك
ما دبرت من عند بيتك مخــــيبه = عطـيتها و الله يمدك و يعطييك
تدعي وتثني بالدعاة المجيبه = لله لا يحرمك مامــدت أ يـــــــديك
طلعتك ياوفي الخصايل رهيبه =الناس من طيبكم تحبك وتغلاك
ماتصتبر بالهينه والغليبه =وازنت ابوك وكن جدك موصيــــــك
عبدالعزيز اللي سهومه عطيبه =دمه ومضمونه وطيبه طلع فيـــــك
اللي ملك نجد و مكة و طيبه = وقف على راس الطويله ينـــاديك
غديت له بالي رموعك لبيبه =غيث اليتامى واليتامى لجت فــيك
اللى غداله في وجه بيتك حطيبه =ناس تذاربــك عسى الله يذريــــك
ماكل رجــــال يـــــذب الزريبه = ولا انــــت للذبيتها من هقــــــاويك
مادام راسك ماغلطه النصيبه = غـــيـــث الـــعــــرب والي خوي مــــخاويك
من خلقنى ماجيت درب المعيبه = و لا كــــذبـــت بهرج قد قلتها فيك

[نــجــم]

يابيت و ينه راعـي الطيـب راعيـك
الـي تجـي يمـه شيـوخ القبـايـل
الي رفـع جاهـك و زيـن مبانيـك
مـن سبتـه زانـت عليـك المثايـل
كل نصا جاهك و جالـك و ناصيـك
ولا و صـل بابـك وقـف الرحايـل
ذعذع هوا عصرك و زانـت معانيـك
بـك سفـرتَ يشبعهـا كـل سـايـل
مـادام كسـب الشكـالـه مولـيـك
مـن روس شيبـان تـروى السلايـل
الي بنا كـارك علـى راس حاميـك
ونوس الفخر من طيب راعي الفضايل
الي غشاك النور لمـن جلـس فيـك
شيـخ تهضـع لـه عيـال الحمايـل
الي حضر يا بيت كل العـرب فيـك
وان غاب اصكـوك حتـى القوايـل
يابيت من جاء فيك ما هـوب شانيـك
راعيـك كسـاب الثنـى والجمـايـل
قال الامير غايب و انت ياعود و شفيك
نبـي توديـه الخـبـر و الرسـايـل
قلت نبغي شوفه قدم هـذي وهاذيـك
لــولاه معـنـا علـيـم الرسـايـل
قال لاجـاء نهـار العيـد الله يحيـك
أقبـل وتلقـى وادي السايـل سايـل
سلم على الامير راعـي الثنـاء فيـك
بلهـان شيـال الحـمـول الثقـايـل
قلت يابيت وما من وفاء غـرس فيـك
طيبـه يــورخ بتـوريـخ هـايـل
يا شيخنا نرجي حضـورك ونرجيـك
يا ناطـح القـلات وأفـي الخصايـل
في نجد جالك موقـف مثـل أهليـك
ضـد الخصيـم معدلـت كـل مايـل
مـن راس عـود بأشكالـه مربـيـك
شبره علـى شبـر الرياجيـل طايـل
الجـد خالـد و الملـك والـلأ فيـك
مـا كـان مثلـه باوفـاء و الفعايـل
لينه وفاء طيبـك وكـل الوفـاء فيـك
من سلسلة فيصل ومـن رأس وأيـل
فيصل علـي يمينـك وبـوط غاديـك
ماصـرت يانمـر الرجاجيـل عايـل
لين وفاء طيبـك وكـل الوفـاء فيـك
من سلسلة فيصل ومـن رأس وأيـل
تـودنـا وأنــا نحـبـك ونغلـيـك
يـاعـدنـا لنـشـفـن الـبـلايــل
جنبك على طول الدهر راهـي فيـك
هــداج لـمـن قـطـن الثمـايـل
هذا نـص جهـك و هـذا لـج فيـك
من ضيم وقتـه والنصيـب امتمايـل
وهـذا لفىمـن ديرتـه هاقـي فيـك
ماتـرادف دينـه ولامـن صمـايـل
ناصيك يا بيت الصخـام ثـم ناصيـك
انت الحصيل ومنـك كـل الحصايـل
عسى السعـد والعـز يدايـم يبريـك
ولعـل مانعتـاض فـيـك البـدايـل

[نــجــم]

يالله يامنشـي حـقـوق الخيـالـينـاح السمـوات رفيـع درجـهـا
يافـارج الشـدات تفـرج لحالـيمن عندك الشـدة سريـعٍ فرجهـا
الفـرت وقفبـي بــدارٍ لحـالـيطاحت كفراتـه وعدمـت افلجهـا
فـي ماقـعٍ يقنبـه الذيـب خالـيمنه العرب تنزحـوا فـي فججهـا
وغديـت مثـل مـدورٍ بالمثـالـيفي لاهـب الكنـه شنيـعٍ وهجهـا
مايـدرك الحيـلات والاحتيـالـيوحـوادث الدنيـا كبـارٍ دبجـهـا
عقب الحشيمة والشرف والظلالـيغديت كنـي دجـةٍ مـن دججهـا
قمـت اتذكـر طيبيـن الرجـالـيمثل الحرار منومسـة مـن بلجهـا
ذكـرت رجّـالٍ رفيـع المجالـيعبدالرحمن اللـي يحلـل حلجهـا
حلحيل ماينحـال فـي كـل حالـيولا لـد للعـوج تسمـى عوجهـا
من جا يبي من ضده الظيـم جالـيلا خاصمه ربـعٍ تلـوي حججهـا
مالـه بنـي عـم ولا لـه حلالـيياكـل ويقـذف عيشتـه ماعلجهـا
زبن وخاب اللي يبي العـود تالـيومراجـل الطيـب تبيـن تتجـهـا
شيـخ الشيـوخ معربيـن الاهالـيياما نصـر نفـسٍ وكبـدٍ بهجهـا
ظهر على الفيحاء سـواة الهلالـينـور شوارعهـا وسـدد فرجهـا
تنشر له البيضاء بـروس الجبالـيتضحك نواظرها ويكشـف لعجهـا
عقب التهـزل والهـزل والهزالـيغدت كمـا عـذراً جديـدٍ غنجهـا
درا الشيـوخ متعبـيـن الـدلالـياللي على الجيران زانـت طرجهـا
دوشان مـن دوشـان ياللهم لالـياهل الرماح اللـي تحنـي زرجهـا
شيخان علـوا لا مشـت باحتمالـيوبريـه لاقامـت وكمـل صنجهـا
صـوارمٍ ضـد الحفيـف الموالـيتفرح بهم صفـراً ولدهـا حنجهـا
لازرفلـت قـدم النيـاق الغوالـيلا رايعتلـه وارزمـت لـه لهجهـا
تندب هل البلهـا حجـاب التوالـيبوجيههم راعـي الفخـر ماحنجهـا
من ذلتـه يعتـاض فيهـا الحبالـيوالا يروح وهرجتـه مـا هرجهـا
الخيل لا لحقـت ضَرَبهـا جفالـيلازعزعوا جوزاء تزايـد رهجهـا
طريحهم مـن ساطيـات المدالـيمن كف شيـخٍ بالملاقـا زعجهـا
إن مـات والا مخطـرٍ بالهبـالـيحِرول وطاحت من عيونه حدجهـا
اهـل الصخـا لاشلهبـن الليالـيواهل الشجاعة يوم صفقـة موجهـا
الجـار حطولـه وقـار وجلالـيلاكن شوفـه ولجـةٍ مـن ولجهـا
راعي الصخا والطيب والصبر عالياصبح براس طويـق والله فرجهـا

[نــجــم]

هاذي قصيدة في الزمعان من الجمالين من سبيع وهي من قصص وأشعار سوالف الطيبين للمؤلف عبد الله سعد الحضبي السبيعي

يقول الشاعر رحمه الله

ياطروش ياللي مالقيتوا معازيب** في ليلة شلتاً حقوق مطرها
خصة على اللي ينطحون المواجيب ** أهل الديار اللي تبين خبرها
مدت ثلاث سنسين يمرح بها الذيب** واليوم قدها النايفة من هجرها
جينا وجت سبيع وكل الأجانيب** وذيك الرجال اللي بعيد ديرها
ضاقت بنا الخبة وروس العراقيب ** وذيك النفود اللي وساع جفرها
غير الغنم قلط كبار الحنازيب ** كرمة وفا يشبع بها من حضرها
ضفنا مدربة الجمل بالتداريب** محمد ولد ناصر بفعله عمرها
تنشر له البيضاء بخضر المكاتيب** كل يبي مثله واحد قدرها
ومسلط صليب الري هو مقطع الطيب** له نهضة يوضي علينا سفرها
راع الصخا المذكور ذخر الأقاريب** ماليته من طلعته ما ذخرها
متسلسل من روس حرز الأطاليب** ذيك الرجال اللي تعدد خبرها
أهل سربة تروي السيوف المحاديب** مسلط بناحيها وناصر حشرها
أولاد علي إن شلتحاً المقاضيب** ياويل والله سربة في نحرها
لاهبت النكبا وذعذع لواهيب** وبين ضما اللي حل طيرة وبرها
تتبعهم العربان دايم جناديب** لازانت الصمان وأنور زهرها

[نــجــم]

البـارحـة ياحسـيـن لـلـربـع ضـيـفـان
والـيـوم قـدنـا يالمـطـيـري مـعـازيـب
سـلـه ودلـــه يالمـطـيـري وشـيـخـان
وصحـون وشـراع وقــدر ومناسـيـب
تلفـي علينـا مـن هـل الـبـر طـرشـان
صـــوارم مـــن نـادريــن الاجـانـيــب
نذبح لهم ياحسيـن حيـل مـن الضـأن
من طيـب ربعـي ناطحيـن المواجيـب
ياطيبنـا مــن طـيـب ذربـيـن الأيـمـان
اللـي قـرونـا واصـخـروا بالتراحـيـب
سـعـود يومـنـا نصيـنـاه..... بـلـهـان
نعـم يـابـو غــازي صـبـي التجـاريـب
اللـي فعـل بالبيـت والـحـوش مـجـان
جــــدد كـرامـتـنـا قـلـيــل الـعـذاريــب
جاهل صليب الرأي وقت الوفـاء بـان
الـطـيـب لـلـرجـال عـــز ومـواهـيــب
مـن لابـه لادرهمـت تـالـي الأضـعـان
يـثـنـون للـتـالـي زحـــولٍ مـعـاطـيـب
لا كحـلـت روس الشفـايـا والاسـنـان
لا دنـدنـت والـــدم جـالــه سـواريــب
خيـالـه البـلـهـاء شنيـعـيـن الاكـــوان
ضــد الـعـداء مـاهـم ضــد الأقـاريــب
البارحـه فـي شـأن واليـوم فـي شـان
ياحسين شب النار وأضف المشاهيب
البـارحـه بـالـروض جـايـع وبـــردان
واليـوم شـب الـنـار وأمــل اللغابـيـب

[نــجــم]

اليوم يا هل المواتر جنبو عني ،،،،،،،،منيب على دددسن تقعد برعيها
انا على منوت الى كنت متمني‘‘‘‘‘‘‘‘‘يبخت عينن تبجح في منويها
عطيت اشيخ ليه وافي الفني‘‘‘‘‘‘‘‘‘‘‘‘عطيته لعطاها ميطريها

[نــجــم]

قالو عقيم قلت مبغا نمايه ،،، بعض عيال اليوم هم وتنكيد
قالو قصيره وقلت هذي هوايه،،، عليا قصيره بس جازت لبو زيد
الله ليقطع رجاه ورجايه ،،، فليلت{ن} تضفي علينا كما العيد
هذي البيات لناصر ابن شعف رحمه الله واعذرونا على القصور

[نــجــم]

ياشيخنـا يـوم الليالـي سراميـد= يوم ان شيخـان القبايـل فقـاري
ينصنك العيـرات يـوم التشاديـد= لاجن من الغربه سـواة المبـاري
هدف تهاكع من حفاهـا مناهيـد= من كثر سهجات الضحى والمساري
ينصن من تنصـاه كـل المواقيـد= اسبابهـن ذبـح الغنـم مايـداري
يوم انتحـى منـا تلتـه الاواليـد= وجتنا علومه مع هبوب الـذواري
ابوه في ناح الرمك مثـل ابوزيـد= وهـو ينـادي بالعشـا فالغـداري
من روس ربعٍ ينطحـون البورايـد= لاشبت الهيجـا وشـب السعـاري
هم الشيوخ الـي عليهـا التقاليـد= بفعالهـم يـوم الفعايـل نمـاري

[يارا العامرية]

صح لسآن شآعرهآ وصح اختيآرك الرآئع ..
عافاك المولى وأسسسسعدك ..
تقديري ,,

[نــجــم]

يسعدني ويشرفني مرورك العطر

تقديري لكـ

[العنيــــدهـ]

صح لسان شاعرها
ولاهنت ع الإختيار الرائع
يعطيك العافيه
✿

[منادي]

صح لسان الشاعر ناصر السهلي
اشكرك نجم على الديوان الرائع .. الله يعطيك 1000 عافيه
و
تحية اعجاب لمن يستحق الاعجاب
منادي

[نــجــم]

صح لسان الشاعر ناصر السهلي
اشكرك نجم على الديوان الرائع .. الله يعطيك 1000 عافيه
و
تحية اعجاب لمن يستحق الاعجاب
منادي
يسعدني ويشرفني مرورك العطر

تقديري لكـ

[نــجــم]

صح لسان شاعرها
ولاهنت ع الإختيار الرائع
يعطيك العافيه
✿

يسعدني ويشرفني مرورك العطر

تقديري لكـ

[سلطانة]

http://www.halauae.com/uploads/images/alsaher-3814931317.gif

[نــجــم]

يسعدني ويشرفني مرورك العطر

تقديري لكـ