ديوان الشاعر/ محمد بن مطلق بن حشر الفطيماني رحمه الله [الأرشيف]

نــجــم

29-04-2011, 02:43 AM

***الي جانب" اخر له العديد من المساجلات مع كثير من شعراء السهول
***كذالك من شعراء الجزيره العربيه ..

***تطرق باب الغزل والحكمه والفخروابدع فالوصف وابكى فالرثاء رحمه الله

كلمة وفاء
قال الشاعر والمؤلف منديل الفهيد رحمه الله

يالله يلـي فـوق عرشـك تعلـيـتتغفر خطـا عبـدك وهـون مماتـه
جمعت شعر" كان انـا فيـه زليـتوالاجهلـت اووهمـونـي رواتــه
اولفـه مـن عقـب ماهـو تشاتيـتجمعـت مـن كـل البدايـد شتاتـه
ماجبت شعر الحي حرصي على الميتحرص على شعر العرب من فواتـه

نــجــم

29-04-2011, 02:44 AM

هذه قصيده للشاعر/ سعد بن علوش القحطاني
موجهها للشاعر/ محمد بن مطلق الفطيماني

سلام يارجـل لـه الطيـب عنـوان
سلام أحلى مـن حليـب الردومـي
وأحلى من السكر على شاي لبنـان
بتحيـة للقـرم ولــد القـرومـي
تنصا محمد ياعـرب طيـر حـوران
حر" على الصيدات دايـم عزومـي
ويستاهل التقدير والطيـب زومـان
جعله مـع الايـام عمـره يدومـي
من لابت"يـوم الملاقـا لـه شـان
أسهول شجعـان أكعـام اللطومـي
من عقب ذا بشكي على ذرب الايمان
واعطيه موجز من خفايـا علومـي
جاري علي قصـه وهـم وحرمـان
من عقبها ماذقـت يالقـرم نومـي
خلي ذبحني ذبح من غيـر برهـان
واونس بقلبي مثل حـر السمومـي
ابو عيـون كنهـا عيـن شيهـان
علق على قلبـي كثيـر الوسومـي
وحدتني الدنياء على جـاري كـان
وحسبي على ذا الوقت جاب الهمومي
وأشكي لابن حشر سلايـل كحيـلان
رجـل شجـاع وفاهـم للسلومـي
أمجرب في الوقت ياذيـب سرحـان
مجرب في الحب ضـرب السهومـي
واصبحت انا فالحب تايـه وغرقـان
ولاغير ابن حشـر يسـد اللزومـي
وكتبت لك قاف ووضحـت ماكـان
جعله يجيك ولايجـي فيـه لومـي
واقبل تحيه من سعد والف عرفـان
تحيـة لـك والجماعـه عمومـي
وتحيتـي ورد وكـادي وريـحـان
لشخصك عدد مايطلعـن النجومـي
قلته وانا من لابـة العـز قحطـان
قول صحيـح مادخـل بـه اثلومـي
والختـم صلـو عـد ماهـل ودان
على الرسول اعداد طيـر يحومـي

نــجــم

29-04-2011, 02:44 AM

رد محمد الفطيماني

بديت بسم الله علـى كـل ماكـان
اللـي عيونـه ياقضـه ماتنومـي
اللي فرق في قدرته خلق الانسـان
وخلاه في زود الوقـار محشومـي
واضفا عليه الخير من غير نقصـان
لطف به الي فـي عبـاده رحومـي
ومن عقب ذا بكتب مقاطيف قيفـان
ردن على المنعور هيف القحومـي
يامرحبا" بالخـط ترحيـب صفطـان
اللـي لنـا خطـه مـرده لزومـي
ترحيبة" من خاطري شانهـا شـان
تنسـاق منـي للرفيـق وتقومـي
تشذ الذهب لانوعـو فيـه مرجـان
صعبن على الشراي واللي يسومـي
واحلى من الصافي على كبد عطشان
في ساعة فيهـا البـراد معدومـي
بخط الرفيق اللي من الحـب تعبـان
اللـي خذنـه رادعـات الوشومـي
اللي على منبـوز الارداف شفقـان
هايم ومن سبـة هـواه مهمومـي
خطو اطرقن عوده كما طرق لبـان
اوعود موزن من هوى النود يومي
غرون يخلي طـارد الغـي .......
من سبته يرقـا طويـل الرجومـي
كان ان حبه مشعل" نـار الاحـزان
يسـوق لاهبهـا طلـوع هشومـي
فقدمك سلب عقلي هوا خدر الاعيان
عين العديم الـي تـرب الخشومـي
أمنولـن كنـا قـرايـب وخــلان
واليـوم عنـه ارمسـن العلومـي
وابنشدك وينه اريش العين سكـان
حتـى نقـوم ونشتقـي باللزومـي
فان جات باللي ترغبـه ياكحيـلان
فأنا احمد اللي وصلـك ماترومـي
والانجيـه ابقـوة اسنـان واعنـان
ونخلـي الدنيـا عليهـم تقـومـي
واليا تهيـت غايتـك والهـوى زان
ماعاد لي في باقي الاشياء لزومـي

نــجــم

29-04-2011, 02:44 AM

بسم الله الرحمن الرحيم

هذه القصيده للشاعر هادي بن حسين الخدري اليامي يمدح فيها محمد بن مطلق بن حشر الفطيماني وقصتها انه كلما طلع احد من معارف هادي اخذ يمدح ويثني على محمد ويذكر خصاله الحميده ونخوته العربيه الاصيله وفزعته مع كل من ينصاه
(فهاضت قريحته بهذه الابيات)

يابو علي وصل سلامـي لمنهـاه
للشيخ ابن مطلق كريم السبالـي
وصل سلامي شايع الصيت والجاه
قرم"شجاع"مـن خيـار الرجالـي
محمد اللي جعـل الانـذال تفـداه
شيخ السهول مخضبين السلالـي
ابن منيعه جـاب ذكـره وطريـاه
علم"يشرفنـي ونعـم المجـالـي
قالو ترى المضيوم لوجاه ينخـاه
يرخص بروحه دون مد الحلالـي
وقالو لي انه طيب"يذبـح الشـاه
لاجـاو هشـال الخـلا مايمالـي
مادام ذا علمه وفعلـه وممشـاه
الله يجيره مـن صـدوف الليالـي
وترسل له البيضاء مع كل من جاه
وترفع له الرايه بروس العوالـي
ياسعد من هو له رفيقـن بدنيـاه
ياتي عضيدا له على كـل حالـي
ومن يقتدي بسهيل ماتاه مسـراه
ولايرتكي للحمل كـود الجمالـي
يقوله ابن حسين يوم الخبر جـاه
يرسـل سـلام باقي"لـه توالـي
سلام دهن العـود الازرق تنشـاه
والذ وازكى من حليـب المتالـي
وقلته وانـا مـن لابة"بالملاقـاه
يامن هل الـردات عنـد التوالـي
قلتـه ولالـي مطلبـن اتـرجـاه
حبيت انا رجل مـن الـذم خالـي
وصلو على اللي كلنا نتبع اخطـاه
نبينا اللـي لـه تشـد الرحالـي

(الله يرحمهم ويغفرلهم واموات المسلمين)

نــجــم

29-04-2011, 02:44 AM

هذا البيتين وجهها الشاعر: ناصر الشريف للشاعر محمد بن مطلق الفطيماني عندما اتاه يوم" من الايام وهو مستغرقا" فالتفكير

يقول الشريف

والله ماودي يبعدك طاري الهم
لكـن أشوفـك دايـم الميـل يمـه
أنت المهم وباقي النـاس ماهـم
عندي وكلـن لـه رفيـق" يهمـه

نــجــم

29-04-2011, 02:44 AM

رد الفطيماني

قم قرب القرطـاس يامسنـدي قـم
باكتـب لابـو شرفـا ووديـه يـمـه
مـلـزوم أعـبـر بالـقـلـم واتـكـلـم
اللـي ليـا مــن قــال قــول يتـمـه
العرف مايعرض على غير فاهم
ياحاكـم العريـف رجـل المهـمـه
مـن كـان مثلـي لازم يدغفـه هـم
ملزوم عوكات الطـواري تخمـه
عساك مـن سـوء المقاديـر تسلـم
والخيـر يهيـالـك مــع كــل يـمـه

نــجــم

29-04-2011, 02:45 AM

هذه القصيده مرثيه في صاحب السمو الامير/ سعد بن محمد بن عبدالعزيز ال سعود
رحمه الله

ياونتـن ونيتهـا مـن بـلا حـل
أمر جلـل مايرفـا لـو شكينـاه
اون ونة مـن ضـرب بالمشلـل
كونه عطيـب ماتـداوى هوايـاه
وابكي وغيري من بكـاه وتملمـل
ابكي الامير اللي طروقه مخـلاه
على سعد دمـع العيـون يتهلـل
لاواحسايف مـن فقدنـا سمايـاه
ابو اليتيـم والمريـض المشلـل
يعطي ويخفـي مايبيـن عطايـاه
وابو السجين اللي طريح وهمـل
جاهه من اجل انقاذته يبذل اقصاه
مرحوم ياشايل عن اللـي توحـل
لامن شكى له ثم كشف له خفايـاه
يالدرع يالصنديـد ياملتجـا الكـل
يامن دوافيع الشرف مـن مزايـاه
ياللي من العود المسمـا تسلسـل
فيصل عديم الراى لاتاه مـن تـاه
هـداج تيمـاء كوكـب مايكمـل
ياقـل والله مـن يسـوي سوايـاه
اللي يعرفه مـن فعولـه تهـول
حاله وماله مايكفـي عـن الجـاه
هو يعرف ان فعل الحساني له حل
في ساعتـن ماقـدم العبـد يلقـاه
واخر كلامي قلت وانته معي قـل
يالله عسـاه بجنـة الخلـد مـاواه

نــجــم

29-04-2011, 02:45 AM

/
/
/
/
/

هذه قصيدة محمد الفطيماني رد" على الشاعر غازي بن عيد السبيعي

ياعيال هيا خلـو القـاف ينقـاد
ردو على راعي البيـوت الجـدادا
ردو على ابو عيد كساب الامجـاد
اللي شرب كـاس القوافـي وزادا
ردوا على اللي من غثاء الوقت زهاد
اللي طلـب منكـم ردود الافـادا
اللي نخاكم يطلب العـون وامـداد
حلو له الموضـوع حـل الركـادا
وانا ماملك لحمـر العيـن سـداد
لاركب جواد" من السبايا الشـدادا
أقف معه لاكلـل النـاب بجهـاد
وارسي كما ترسي جبـالا" جمـادا
مانيب عنه بحزت الضيـق صـداد
امشي معـه فـي حـر ولابـرادا
مهما حصل له يعتبرني لـه اسنـاد
قولي صحيح والصـدق مااعتـادا
أنـا لصعبـة المشاويـر قــداد
لامـن تخلـو مرتخيـن الـزنـادا
وجدي وجده من على وقت كنعاد
ربع اليا من حـل ضـرب الهنـادا
لاجاء نهار" فيـه مزهـد وزهـاد
يوم يشيب ابه الـذي فـي المهـادا
هذا وانا اونس في خفا القلب وقاد
احيان يغرقنـي ماحيـط الشهـادا
قد لي ثمان سنين باحـزان وانكـاد
وهـم يـرق الحـال رق الرمـادا
لااشك اكنه بين الاضلاع لـو زاد
من ذلتي يـدري خفيـف المفـادا
واليوم من فضل الله امان وارغـاد
وحكم على نهج الهـدا والسـداد
في ظل ابوفيصل حجا كل رعـداد
ومن هيبته يخضـع قـوي العنـادا
وصلات ربي عـد ماحـل رعـاد
على شفيع الخلـق يـوم الابـادا

نــجــم

29-04-2011, 02:45 AM

وهذا رد الشاعر /سعود بن فهد المنجلي السهلي

يامرحبا ترحيبـة" مالـه أعـداد
مفتوحة"حتـا ليـوم الابــادا
أعداد من سبح وهلل بالاسجـاد
واعداد مـن ناجـا لربـه ونـادا
واعداد من يعرف من السين والصاد
واعداد من يكتب أحروف"جـداد
واعداد من بحكمه مريفين ومـداد
واعداد من يسكن وسيع الحمـادا
بالي علي اسند على غيـر ميعـاد
يشكي على هموم كثـر الجـراد
يقول عاف النوم من هاجسه حاد
الهاجس الـي مـن زمانـه تمـادا
الحل يابـو عيـد للصبـر تعتـاد
حتى الولي ينـوى بشـم البـرادا
الصبر مفتاح الفرج وقت الانكـاد
أخير من راعـى العلـوم الحـدادا
اللي على كثر السواليـف نشـاد
اللي على الغرات مثـل القـرادا
ياخوي يامشكاي كان الدهـر زاد
باذن الولي تلحـق بلـوغ المـرادا
الرب يفعل بالبشـر كـل مـاراد
يخـص بالجمـلـه والانـفـراد
والله ولي البيت في كـل مرصـاد
والله مايخفـاه راعـي العـنـادا
شكواك فرت ضامري فـر عـداد
عد الرقـوم وجابهـا واستعـادا
أمسيت اقاسي لوعتي مالهـا بنـاد
ونـات قلبـي فرقتهـا بــدادا
تعزف عليه الروس والهند وتشـاد
تواصلت كـل الـدول بالمنـادا
وختامها منى عـدد نـو منقـاد
مشروك بالعنبر وطيـب الزبـادا

نــجــم

29-04-2011, 02:45 AM

وهذه القصيده للشاعر /سعود بن عفاش العنزي موجهها للشاعر غازي بن عيد السبيعي

أهلا" هلابك يالسبيعي بالاعـداد
ترحيبة" مـن كـل قلبـي تعـادا
أنته ومن مثلك على جد الاجـداد
يامرحبـا بـك ياقـوي العنـادا
جتني مشاكي منك من كثر الانكاد
تسهر عيونـك ماتريـد النـوادا
يامسندي مضيت عيدين واعيـاد
وياماصبرت وشفت كثر النكـادا
لاتتعب افكارك ترى الوقت حساد
واصبر عسا ربـي يمهـد مهـادا
والهم يرث هـم والصبـر سـداد
وأنصحك تصبـر ياقـوي الارادا
الصبر مفتاح الفرج عطـه مـاراد
دار الصبر يالقـرم تلقـا السعـادا
واطلب ولي العرش ياعـز الاولاد
واد الفروض الخمس باحسن عدادأ
يجعل لك المطلوب لو دونه اجهـاد
لو انهـم كفـار سيـد العتـادا
الحر حـر وماكـر الحـر ببـلاد
ولاكل منه قانـص الحـر صـادا
ولاكل منه صايـد الحـر صيـاد
ولو حاولو صيده بوقـت الهـدادا
نعم" بكم ياسبيع في كل الامجـاد
والكل يعرف طيبكـم بالوجـادا
الحل عند اللي لها الخلـق سجـاد
به نكتفي بالراى ومنـه السـداد
والوقت مايصفي على وقت شداد
من ذى قديم مـن ثمـود وعـادا
وختامها مني عدد كل مـن قـاد
سحب تـرازم بالحقـوق البـرادا

نــجــم

29-04-2011, 02:46 AM

وهذا رد الشاعر جابر بن فراج السبيعي رد" على غازي بن عيد السبيعي

البارحه يـوم المخاليـق هجـاد
عيني على المرقاد قامـت تحـادا
بيني وبين النوم جا حرب وعنـاد
والكل منهـم قايـم" باجتهـادا
سبت جوابن من عزيزين الاحفاد
خلا عيوني فـي سهرهـا تمـادا
يومي قريته شب بالقلـب وقـاد
قام يتقادح بـه سـوات الزنـادا
اهلا" هلابه عد كاتـب وعـداد
واعداد مابـان الزهـر بالحمـادا
ياللي لبدع القاف بيطار واستـاد
سمعت صوتك من على البعد نادا
يامرحبا بغـازي تحياتـن اجـداد
من ضامر مخلص بكـل الـوداد
ومن غير ذا يامسندي خوذ ماجاد
دامك دخلت اليوم سوق المـزادا
شكواك حطت في خفا القلب قداد
وضاقت بي الدنياء وكل البـلادا
تشكي وانا مثلك تراني بالاضماد
لاقلت عني راح هـون وعـادا
مير الصبر يالقرم هو طب الاكباد
لاصار جرحك مانفعها الضمـادا
تراى قبلك يافتى الجـود منصـاد
من يوم ركب طاح عنه الشـداد
لاشك على شأنك ابا اقوم باجهاد
يوم ان غيري في لزومـك تبـادا
ببذل لك المجهود في كـل ميـراد
واللي عليه اقدر ولو كان كـادا
في خدمتك بصير جاهز وسـداد
ولاخير في عـن رفيقـه يتـرادا
جاك الجواب وماذكر فيه ميعـاد
باول شهر عاشور وقت الهـدادأ
هذا وقبل وبعد يانسل الاجـواد
حظك مجـار بجـاه رب العبـادا

نــجــم

29-04-2011, 02:46 AM

وهذا قصيده فيها يفخر الشاعر بربعه وويذكر مأثرهم

يقول محمد الفطيماني

لاد الظهيري مرويت كل مسنـون
أفعالهـم بيـن القبايـل جـلايـل
اللي لهم في ماضي الوقت مضمـون
فعلن تشافا بـه كبـودن غلايـل
يردون عوكات الوغـا مايهابـون
لاراحة علـوم الرهـاوي قلايـل
ربعن على فعل الجمايـل يجـازون
ولهم فعايل فـي كبـار الوهايـل
لاجاء شراب الماء شحاشيح وظنون
تجي حصيلتهـم كبـار الحصايـل

نــجــم

29-04-2011, 02:46 AM

قصيده للشاعر/محمد الفطيماني ..في المناجله

مناجلـه لازل هـرج الوهايـم
ايمانهم يلقا بهـا كـل مسمـوم
وأيضا"ليا مـن قفلـن بالهازيـم
تطلع فعايلهم ورا كـل ماسـوم
كم زود مصلاحن غدو به قسايم
وخلوه من عقب السعادات مندوم
قفو عليهن مصككيـن اللطايـم
ومن بينهم راحت توازيع وقسوم

نــجــم

29-04-2011, 02:47 AM

راحت حياتي كلبوها نكديا
ماخبر يوم" خاطري مسفهلي
على الذي لعروق قلبي عقديا
عقد" عسير كايد" مايحلي
غرو"ليا منه هرج بالركديا
يسل حال امولع القلب سلي
ابو جديل" فوق ردفه رجديا
اشقر على هاف الضمير متدلي
لاشافه العشاق يخطي الشهديا
يخطي الشهاده والقدم به يزلي
دونه حداني نازح البعد حديا
لاتاصله رجلي وهو ماوصلي
ارجي لعل الله يجيلي سنديا
ويجيبلي من له شفوق" مغلي
ابقدرته يجيب غض النهديا
ابو طفاطيف"هدبهن مضلي
اللي سلب عقلي وحالي نفديا
خذاهن ابكثر الغلى والتغلي
ماخبر يمشي فالردى والنقديا
مصيون وبتاج الجمال امتحلي

نــجــم

29-04-2011, 02:47 AM

لا والله الي صكوا الباب ياسعود
عسى مفاتيح الفرج يفتحنه

نــجــم

29-04-2011, 02:48 AM

هذا رد الشاعر محمد بن مطلق الفطيماني على شاعر لم أجد قصيدته ..ورد محمد بالابيات .

يقول

حييت ياخط" سرى ليلـي أقـراه
افزلا مـن جـاء لراعيـه طـاري
القاف لاجـاء منـه محـد" تقفـاه
عليه من سـور الصيانـه مـذاري
ان جيت ابكتب مطلع الرد وابـداه
يحير به فكـري وكـل اختيـاري
يصعب ردود القاف من صعب مبناه
له ميزتن تثـر علـى كـل قـاري
ومن عقب ذا ياللي لك الروح مهداه
والحال من حبك كما العود بـاري
صديقك اللي فـي منامـك تغايـاه
وهو فظلام الحب لرضاك سـاري
ودايم على شاشة خيالـك محيـاه
أخ عزيـز ويستحـق الـوقـاري
عندي خبرماجاك وايضا" بعد جـاه
مماجرالك جاريـن لـه جـواري
اللي وطـاك مـن المحبـه توطـاه
صابه وحط جسور قلبـه دمـاري
عليـك قلبـه يابساتـن ضمايـاه
يعوي عوى ذيب" حدته الظـواري
خلن كشف لـك بالمحبـه خفايـاه
ومن سبتك يمشي من العقل عـاري
يقول قلبـه راح معكـم وخـلاه
ماعاد له وسط الضمايـر مـواري
مادام هـو يغليـك وانتـه تمنـاه
وصافي غلاكم مادخل به غبـاري
وهـوه بعـد يقـول لا واحلالـه
من شاف من حبه بنالـه سـواري
الحل خل الحـب ياصـل لمنهـاه
يروي القلوب الي على كف بـاري
خل الغلا في القلب ياصل شغايـاه
وخل التفادي مستمـرن وجـاري
لاساق لك مدن عطه صاع بمـلاه
وخلك وفـي ولايجيبـك مـداري
عساك تلحق كـل شـي" تمنـاه
ملحوق لـذه مادخلهـا غيـاري
واختامها بـاول كلامـي وبتـلاه
تحيـة" مقـرونـة" باحتـرامـي

نــجــم

29-04-2011, 02:48 AM

هذه قصيده لسلمان بن وليد موجهها الي الشاعر محمد بن مطلق بن حشر الفطيماني

راكـب اللـي فـي طلبـنـا مرسليـنـه
يم سجـن العـام فـي وقـت الزيـاره
هـاف ستـه مـن حفيـزه مظهرينـه
ماشكى السواق من ضيم الحـراره
يعجب اهل الصنف تزويد المكينـه
كـامـل ومـكـمـلا حـتــى الاشـــاره
نـصـه الــي بالمـراجـل عارفـيـنـه
ريـف ربعـه بالقسـى ويعـز جـاره
ابومطلق شوق من يضوي جبينـه
عـافـت الادنـيـن كـلــه بانـتـظـاره
وثنهـا لـلـي بــاذل نفـسـه رهيـنـه
صلب ابوي لي اقدح حامي شراره
قـل لبـو سلطـان تسلـم لـي يميـنـه
هو وابو مطلق وهم راس التجاره
وقل ترى عرق الطويسـه نازلينـه
نحتريـهـم لـيــل والافـــي نـهــاره
لاكمـل سـجـن" عليـهـم حاكميـنـه
اهتنيـت وشافـو الـعـرق وحـمـاره

نــجــم

29-04-2011, 02:48 AM

رد الشاعر المرحوم/محمد الفطيماني

بادي" باسم الولي مجري السفينه
مجريا"كونه على امـره واختيـاره
وياهـلا بالهـاف والـلـي مرسليـنـه
والذي يسوقـه مـع اللـي بالغمـاره
مـوتــرك يامـسـنـدي مستقبلـيـنـه
يستحـق الطيـب مـع زايـد وقــاره
فوقـه اللـي تكسـب الطـالـه يميـنـه
لاتغيـرمـشـرب الـحـلـو بــمــراره
ومرحـبـا بالـخـط والـلـي كاتبـيـنـه
مـن رفيـق تفتخـر لاجــت خـيـاره
فـوق جمـس"تـو اهـلـه ممرنيـنـه
مرسلـه سلمـان مـن دف الـزبـاره
طـالـع" حـيـنـه وحـنــا خابـريـنـه
الفخـر والطـيـب هـمـه واختـيـاره
شوق غرو" يذبـح العشـاق زينـه
واذكر الله مثل شمس" في نهـاره
نـاعـم"عـوده واهــلــه مدلـلـيـنـه
فـي شبابـه داخـل"جـو الحـضـاره
بوثمـان مثـل ضيـف مـن غضينـه
والنهيـد ازبيـدي"لـه فــي قــراره
العمـر خمسـة عشـر عـدة سنينـه
مترفا"مـالـوعـه بـــرد وحــــراره

نــجــم

29-04-2011, 02:48 AM

من قصائد المرحوم في السجن.

احد" مقـره بـاردات البساتيـن
واحد" وراء البيبان يرفع يدينـه
ياسعود لو اني زعيم السلاطيـن
ماكان مسكانـي بـدرا الغبينـه
ماكان سبع اسنين في موقع" شين
اشرب من المر المعلقم خشينـه

نــجــم

29-04-2011, 02:48 AM

هذه مساجله بين الشاعر مطلق بن نداء المطيري..يسندها لمحمد بن مطلق الفطيماني

يقول مطلق بن نداء

البارحه قلبي مـن الهـم منبـذ
والعين تسهر مايجي النوم لـذه
والفكر صاير للهواجيس منفـذ
والحال كثر الهم ياخـوي بـذه
كله سبب خل" عن القلب ماشذ
حبه وهرج الناس ياخوي شذه
صد وتكبر وودع القلب منهـذ
وقلبي بعد فرقـاه همـه يهـذه
طاوع بي العذال ولخافقي جـذ
وتل الهناء من مهجتي ثـم قـذه
واصبحت تايه في خفوقي ترذ رذ
هواجس"وهموم ياخـوي فـذه
أشكي لبو مطلق عسا اليوم ينقذ
قلبي بسيف الغدر خلـي يجـذه

نــجــم

29-04-2011, 02:48 AM

رد محمد الفطيماني

يابو ندا بكتب جواب" مقدقـذ
متفقده من كـل عيـب يقـذه
رد"على اللي قلتها لي بعـد خـذ
حصينة من كـل هـزل يـرذه
ان كان قلبك من هوا البيض منعذ
قلبي خذاه ضويمر البطـن خـذه
وان كان قلبك يالمطيري تشـذذ
غذه من الروحات يالقرم غـذه
وان كان نون العين للنوم مالـذ
قرب حصانك للمحذي وحـذه
ناخذ صميل"للسفر مابعـد نـذ
جديـد يحفـظ مينـا ماينـذه
انا على ماترغب اليـوم ماشـذ
راحتك يامطلق لنفسـي ملـذه
امر وانا للي لمـا تريـده انفـذ
وعقب صبي"راحتـك ماتلـذه

نــجــم

29-04-2011, 02:49 AM

بسم الله الرحمن الرحيم

مساجله بين صليهم بن عبيد السهلي ..ومحمد بن مطلق بن حشر الفطيماني .. رحمهم الله جميع ..

يقول صليهم بن عبيد

راكب اللي تو ماورد مضله
حوض صندوقه ولاركب حنايا

يسهج البطناج والمجرا يزله
كن ينحونه على الساقه سرايا

خيرت الجمسات والله ثم والله
كامل الاوصاف من كل المزايا

ياصل الشيخ المهادي في محله
شيخنا توصف به الشيوخ الهدايا

وقفه قدمه وقله ثم قله
دوك كلماتي مع الموتر هدايا

من ضميري هاضبه دقه وجله
كني اونس داخل اضلوعي حيايا

لاجين بين الضلوع الفين عله
مانفع فيها الطبيب والاالكوايا

مونسا" داخل ضميري صلوا مله
كن نار بقيق تنويني نوايا

وسط صدري يابو مطلق مستهله
من لهبها راحت ضلوعي شظايا

والسبب في ماحدث ياخوك كله
طفلةٍ خده يشادي للمرايا

راحت ورحنا على زين الجبله
ماحصل من صاحبي مز الشفايا

عزتي للي شكا من حب خله
قدمنا ياشيخ من قدم الشكايا

باسند الشكوا على رجل بمحله
باسند القيفان لسهام المنايا

شيخنا ماشفت انا حي " يمله
جعل يفدا شيخنا كل البرايا

نــجــم

29-04-2011, 02:49 AM

رد محمد الفطيماني

شفت خط للي غدا بالمدح كله
بالكرم وان صاح صياح الحمايا

كسبت الناموس والله عادة له
شاربن كاس المراجل بالوفايا

مركز الناموس كله مستحله
مابقا للي يردونه بقايا

الكرم والطيب والجود انعزله
وهبتن له خص من راع العطايا
فوح صدري فوح بنن وسط دله
من دلال الشام والوقده غظايا

خل مزروق القلم ياسعود خله
يسي اوراقن على حبره ظمايا

بنسلن عوج المثايل تنعدله
البيوت العوج يودعها سوايا

من هجوس ٍ مثل مزن ٍ مستهله
من مطرها تشرب نفوس ٍ ظمايا

مرحبا بالهاف واللي جاء يتله
من ضمير ٍ صافي ٍ مابه خفايا

كان عينك دمعها الازرق تهله
دوك قلبي غادي ٍ كله كوايا

شل مرد القاف يالمرسول شله
للرفيق اللي بدع زين الرفايا

للرفيق للي هوا خله يتله
واردن قلبه كما ورد الظمايا

بوجناحين ٍ كما وصف الاهله
دقه الاوبار في خده بهايا

غاية الصفطان ياتي في محله
المرد يصير من جنس الهدايا

لا عوى سرحان لذياب ٍ عون له
وكل ريق ٍ يبس مابل الشفايا

يعرفون اهل المواقيف المطله
مكرمين الضيف وكبار الهوايا

ماقفن منه الردي يجيه خله
عن وجوده يمسح ماله سمايا

نــجــم

29-04-2011, 02:49 AM

قصيده قالها ..الشاعر سعود بن ناصر السبيعي يسندها على محمد بن مطلق بن حشر الفطيماني ..

يصف بها محبوبته..وانه جأت له في السجن ..وعندما افاق لم يجدها ..وتعلمون ..حرقة المحب عندما يفقد احبابه ..في غربه ..كيف ..في ظلمة السجن ...

ليت حلم" حلمته يابو مطلق صحيح
ليت عيني تهنت في لقا احبابها

اشهد اني لزمته في مكان مريح
مير يوم انتبهت اقول وش صابها

قمت انا من منامي صب دمعي سفيح
ليت ذا الحلم يصدق في لقا احبابها

عذبوني وانا عذبت قلب" جريح
كن يكوى بكبدي حر مشهابها

كن في ضامري نيران يامستريح
كن نيران تنوره تلظى بها

لاجلست بمحل" مانظرت المليح
كن شبه الجزيره صكت ابوابها

ضاقت المملكه بي قمت انا امشي واطيح
كن رقط الحيايا علقت نابها

نــجــم

29-04-2011, 02:50 AM

هذه القصيده من الشاعر مصلح بن زيد العتيبي ...يثني فيها على محمد بن مطلق الفطيماني ..

هديتك يالسنافي نفتخر فيها
هدية من صديق" كامل الشاره

هدية مااقدر اعطيها ولااهديها
ذكرى صداقه حميمه مابها باره

فالرجل يهدي وتعطي له هداويها
من ماضي الوقت والافلاك دواره

وانته صداقتك يالمنعور نشريها
ومن كان مثلك يقدر ضيفه وجاره

وربعك سهول" اليا كثرت عزاويها
عدوهم فالملاقى بردو ناره

تعطي العطايا الجميله وانت راعيها
والحر لاهد يعجب عين صقاره

يامحمد القرم جعل الله يسويها
ونطلع بفضل الولي للزين ودياره

واشوف من بالهوى تذبح مهاويها
من شافها في المحبه ضيع افكاره

ابو قرون على الامتان ثاعيها
والخد برق تكاشف تسطع نواره

يالله عسى العين تسعد في لياليها
وبطلب الله يزيل الهم واكداره

وختام الابيات باولها وتاليها
صلوا على المصطفى ماهلت امطاره

نــجــم

29-04-2011, 02:51 AM

هذه الرديه بين الشاعرين محمد بن مطلق الفطيماني ومطلق بن نداء المطيري

محمد الفطيماني

عيني ياللي كن في نونها شين يفـوح
كل ماقلت اسكنـت زاد فيهـا لتهـاب
والسبايب نفسي اللي على العليا طموح
مير دورات الليالي يجي فيهن عيـاب

نــجــم

29-04-2011, 02:51 AM

مطلق المطيري

من عنا وقتي خفوقي تزايد به جروح
ذقت مر الحنظله وسط زادي والشراب
ماكتب للعبد ربي مدون وسـط لـوح
وماحدن دون القدر يافتى ياضع حجاب

نــجــم

29-04-2011, 02:51 AM

محمد الفطيماني

وحالي الي سلها الصبر والوقت الشحوح
في محل الزهر شفت المهونه والعـذاب
ضيقتن في خاطري مستمـره ماتـروح
حطمت حالي وانا من قديمن بانحطـاب

نــجــم

29-04-2011, 02:51 AM

مطلق المطيري

وحدني وقتن على راحت الخافق شفوح
وحطني في موقفن حط بالقلب التهـاب
وزادها العله بقلبي وكبدي منه تفـوح
والهنا قفي واشوفه مثل شوف السراب

نــجــم

29-04-2011, 02:51 AM

محمد الفطيماني

مامضى لي مارجع والبواقـي بتـروح
اه ياوقتن مضى يالمطيري لـو يجـاب
كنت في غي الجهل بين ضحكات ومزوح
مادريت ان القـدر بالتصـدي وانقـلاب

نــجــم

29-04-2011, 02:52 AM

هذه قصيده من محمد بن مطلق الفطيماني يوجهه الي الشاعر مطلق بن نداء المطيري

البارحه سهران ماذقـت انـا النـوم
كنه يخطف عن حجا العيـن خطـاف
الف وثمان وفوقهن شهر مـع يـوم
يابو نداء في مقعـد الزهـد وقـاف
ملزوم ارد القـاف ملـزوم ملـزوم
وانته بعد يلزمـك رد" علـى القـاف
ان كان تقـدر يازبـن كـل مضيـوم
والا ترى يامسنـدي مابهـا خـلاف
يابو نـداء مافيـه حقـن ولا لـوم
نأخـذ ونعطـي بيننـا بالتعـجـراف
ياشوق من عينه كما عين صـاروم
حرن بكفـه لبـرق الريـش تـلاف
غرون على راعي الهوى يطلق سهوم
خطرن يجذ القلب من بيـن الانجـاف

نــجــم

29-04-2011, 02:52 AM

رد مطلق بن نداء المطيري

جأني كتابي اللي مع الطيـب زيـزوم
حلال مايصعـب علـى كـل عـراف
يامرحبـا واعـداد ماغـرد الـحـوم
واعداد ميـلاف" شكـا بعـد ميـلاف
وأعداد من صلى فروضه مع الصـوم
واعداد من عدا علـى راس مشـراف
يشكي على قلبي من سنيـن مهمـوم
ويقول وقته ماسعى لـه بالانصـاف
ويومه وقلبه عن هنا الوقت مفطـوم
وطير السعاده فـوق جـوه فلاطـاف
هذا القدر دايم علـى النـاس محتـوم
مايكتبه ربـي لـه النـاس تنحـاف
والدار هذي كـم بـه اليـوم مظلـوم
من وقتنا اللي للمـلا صـار سيـاف
أصبر يابن مطلق على كـل محكـوم
عسى الفرج نوره يقـرب بالاشـراف
وعن الخطاء محدن من الخلق معصوم
وماكل من يرمـي للاهـداف هـداف

نــجــم

29-04-2011, 02:52 AM

قصيده من ناصر الشريف الي محمد بن مطلق الفطيماني.

يقول الشريف:

يامن جذبنـي يـم زيـن الطواريـق
حيـه وحـي اللـي بخطـه كتبهـا
هاض الغـرام وهيضـوه المطاليـق
وحلو النباء زين السوالـف جذبهـا
أهـلا" هـلا ياصادقيـن المواثيـق
زحول الرجال اللي عريـب" نسبهـا
أحلى من الحالي على فكـة الريـق
ترحيبتـن سلـك البريسـم سحبهـا
هاضة شجون القلب با قصى المعاليق
وهاض ورهج واخطرت انا من لهبها
يالله يامحصـي جميـع المخالـيـق
عسـاك تقبـل طلبـة اللـي طلبهـا
يحط لك مخراج من موقـع الضيـق
ويفك عسرات" العقـد مـن نشبهـا
يامومي" لاهـل النضـاء بالدواليـق
وكل المعانـي الطيبـه قـد كسبهـا
الله يوفقـكـم بـكـل التـوافـيـق
ياداعـي الداعـي لداعيـك جبـهـا
هذا وانـا أنـوي بـذب الشواهيـق
مير الرجـل ماجـت مثانـي ركبهـا
وحملت يالمطلق على غيـر ماطيـق
واثر الصعـب تنقـاد لحـد غصبهـا
ياشربة عقب الضما مـع مشافيـق
ماهـا قـراح يلتهـم مـن شربهـا

نــجــم

29-04-2011, 02:52 AM

رد محمد بن مطلق

بديت بأسم الله علـى كـل تبريـق
خلاق الانفس معتني فـي شببهـا
اللي رزق خلقه صحاح ومعاويـق
أظفا عليهم مـن حنانـه هدبهـا
ومن عقب ذامن فوق بيض"ملاهيق
بارفع على قوس العجايب عجبهـا
ردا" على معنا زبـون المشافيـق
زبونهـا فكاكهـا مـن عطبـهـا
اللي يدفق خزنـة القـاف تدفيـق
على بياض البـوك ركـز نصبهـا
هيض هجوس كان قبله مراويـق
لين أستشاطت بالقصيـد وقطبهـا
كـان الليالـي ذوقنـه تـذاويـق
أنا علي أتسوق طايـش غضبهـا
طوش القدور المرهفات الدوافيـق
لازاد شبـاب الوقـايـد حطبـهـا
منها هواجيسي تخافـق تخافيـق
من شوف دنيا بينت لـي جربهـا
لاقلت قفت جت صفوق" مصافيـق
ترهق بممشاهـا سريـع" ندبهـا
واخر كلامي لك فـدوك المطافيـق
اخفاف العقول اللي قليـل" أدبهـا
أهل القلوب النايمـه بالمشاريـق
اللـي مماشيهـا تبيـن عطبهـا

نــجــم

29-04-2011, 02:53 AM

قصيده للشاعر / محمد بن مطلق الفطيماني رحمه الله في السجن . يسندها لصديقه القوس من قبيلة عتيبه

أه وأعـزاه يالقـوس لـلـي مثلـنـا
لابغالـه لازمـن عنـه عـداه الخفيـر
لاوقف له مثل يالقـوس ماوقـف لنـا
ماينول اللي يبي لو شكاء عنـد المديـر
مرجعه معطيه تصريـح مايلطـف لنـا
لابغينا الحق يالقـوس عنـده مايصيـر
جعـل ربـي يالعتيبـي يفرجهـا لـنـا
من محلنا شبرنا فيـه يالغالـي قصيـر
عقب مانامر على الشي ويحضـر لنـا
صار كل اللي نبي يالعتيبي جاء عسيـر
شف لنا يالقوس ماهو مناسب شف لنـا
شف لنا يالقوس دبره ترى الموقف خطير

نــجــم

29-04-2011, 02:53 AM

قصيده موجهه للشاعر/ محمد بن مطلق الفطيماني رحمه الله

يقول الشاعر :

سر ياقلـم وأكتـب علـوم وكايـد
أكتـب بيـوت" بالمعانـي لهـا ذوق
ثـم أخبـر اللـي بالمواقيـف رايـد
ابن حشر طيبه مـع النـاس مفـروق
وهـو رفيـق الجـود راع العـوايـد
ريف الحزين اللي من الوقـت محـروق
رجـل" حياتـه كلبـوهـا فـوايـد
يعرف حقوق الغيـر وللحـق محقـوق
هو مسنـدي والله وللجـود صايـد
مشكاي وقت الضيق عن كل مخلـوق
لاشـك انـا محتـار والبعـد كايـد
وزود الظروف اللي على الراس من فوق
يامحـمـد" والله وقـتـي شـدايـد
أسهر من اللوعـات ماغمـض المـوق
والحيـل منـي يافتـى الجـود بايـد
وقلب الحزن من بين الاضلاع مدقـوق
فـي موقـع" ياعنـك مانيـب فايـد
بين اربعة جـدران والحـال مدقـوق
هـذا كـلام اللـي همومـه سرايـد
وضح لكم خافيه والوقـت ملحـوق

نــجــم

29-04-2011, 02:53 AM

رد محمد الفطيماني

بديـت باسـم الله علـى كـايـد
اللي بخلق الخلق ماهـوب مسبـوق
اللي خلق خلق وجعـل لـه عقايـد
والرزق من بين المخاليـق مسيـوق
ومن عقب ذا من فوق بيض جدايـد
بكتب على الصفحه مقاطيف واطروق
ردا" على من صاغ زيـن القصايـد
كن العسل في رونق البيـت مذلـوق
قـاف لقانـا مـن وسيـع البنايـد
صفاه من يلعب على القوس بطـروق
صاغ البيوت اللي بها لزيـن زايـد
تشدا حليب اللي رعت كل زملـوق
الزين يصـدر منـه ويجيـه عايـد
له ميزة" تفرق على كـل منطـوق
كل علـى درسـه ينـال الشهايـد
يأخذ على قد التفوق مـن الـذوق
اللي قضـى وقتـه بهـم وجهايـد
تصفق به الدنيا على كـل طـاروق
قبله جرالـي كـل كـود ومكايـد
شربت انا الذرنوح والسم مسحـوق
الحـال كلـت مابقالـه شـرايـد
يطويه من كثر الدواكيـك سـاروق
راحـت حياتـي كلبوهـا نكايـد
بيت النكد في بخشة الخـط مطقـوق
ذقنا بهـا الدنيـا اهمـوم وزهايـد
حاطت علينا في غثاها تقـل طـوق
عسـاه يجمعنـا وكيـد الوعـايـد
في موقع" عن رجة الخلـق مرفـوق
نمشي على شف النفـوس السنايـد
ونأخذ من اللي ترغب النفس دغروق
ونختـار باللـذات ماكـان جايـد
حتى نمتع به هوى النفـس وتـروق
وختامهـا لـك يارفيـق الشدايـد
العنبر الاصلي مع العـود مسيـوق

نــجــم

29-04-2011, 02:53 AM

مساجله بين الشاعر: ابن دايل ((وهو ماورد لنا بهذا الاسم)) وبين :محمد بن مطلق الفطيماني

ابن دايل:

يقول أبو دايل ترى العيـن حايلـه
عن نومهـا والهـم أركـز حبايلـه
مصايـب الدنيـا تعالـت فروعهـا
وغصون حظي دايم الدوم مـا يلـه
مامن مجيب لصيحتي كود ترديدهـا
حتى صدى صوتي فلانيـب طايلـه
حالي تدانـى مـن عناهـا عـودا
والد الصب ماعـاد قلبـي يتخايلـه
لكـن علـى ماقيـل شـكـوى لله
الواحد المعبود يسمـع نـداي لـه
ومحمـد مشكـاى بـأول وتـالـي
ابو مطلـق والله مانسـى جمايلـه
أشكى عليك الهـم والغـم والعنـاء
وأشكي شديد الضيق بالصدر شايله
كل على درب الهواجيـس حدنـي
ربعي وناسـي والزمـان بفعايلـه
في حلكة الظلماء تداريـت عبرتـي
وكفكفت دمعات" على الخد سايلـه
ماهوب ياس ميـر كثـرة مصايبـه
صارت تعج بنارهـا فـي دخايلـه
أشكي انا ياشيخ مـن زايـد القهـر
وأشكي ظروف الوقت أقسى نكايله
وأرجي العذر يالقرم لاهان شخصكم
شخصك عزيز وزود بأثني رجايله
أقولهـا والعيـن ياشـيـخ تـوهـا
عن لـذة المرقـاد لاشـك حايلـه

نــجــم

29-04-2011, 02:54 AM

محمد المطلق رحمه الله:

يامرحبا بالخط ترحيب مخلـص
ترحيبة ذوب العسل من زلايلـه
ترحيبتن فيها على الزيـن ميـزه
تفوق معيـار المقاييـس هايلـه
يجرها سلـك المحبـه وتنجـذب
من غاية الصفطان جات متهايلـه
لك يارفيق الصدق والعز والوفاء
اللي شكيت الضيق وأعظم عظايله
أنا رفيق لـك علـى كـل شـده
فالموقف اللي يرهقنـك هوايلـه
هذا وأنا يالقرم شايـف وعايـف
أشوف وقتـن شايناتـن دغايلـه
وقت على الطيب يجي فيه ميلـه
يشـن غـارات كبـار وهايلـه
عساك مـن سـوه بعيـد معافـا
ابجاه من نرجي عطاه وفضايلـه
ومن عقب ذا خذ يانديبي رسالتي
اخذ الكلام اللـي كتبتـه وقايلـه
وده لمن سوى البيوت الغرايـب
اللي حثل صاف المثل من حثايله
وده لبـو دايـل وقلـه تـرانـي
له مسند" في الضيق وأيضاشكايله
يامر وأنا لـه مستعـد وحاضـر
أفديه في نفسـي وأبيـن فدايلـه
لي الشرف في خدمته مع لزومه
افي مع اللي وافياتـن خصايلـه
قلته وانا له صادق فـي كلامـي
والصـدق دايـم يثبتنـه دلايلـه
وختامها اللي شكا لـي ظروفـه
مني مرد القـاف تافـي مكايلـه

نــجــم

29-04-2011, 02:54 AM

بسم الله الرحمن الرحيم

قصيده للشاعر/ سعود بن فهد السهلي يسندها على الشاعر / محمد بن مطلق الفطيماني رحمه الله ..

مدري علامك يافتى الجود زعلان
علام خاطرك واقفن مـن طرفنـا
لعل ماب الجو حاسـد وعـدوان
وإلا كلام" صايرن مـن جهتنـا
لولاك ماسويت عذبات الالحـان
أشوف خاطرك واقفن يااخو بنـا
جت منك ياوافي الخصايل كحيلان
يوم أن دنيانـا لكـم حاذفتنـا
أنا أحسبنا دايـم الـدوم خـلان
وأنا أحسبنـا دايـم" دون أهلنـا
مأهوب يلزم بيننا كتم الاحـزان
ترى زعلنـا بيننـا مـن جهلنـا
عطني على قولي دليـل وبرهـان
وإلا علـى دار الطوالـه رحلنـا
والله معك يأعزوتي طير حـوران
عساك في جـو السعـاده تهنـا
عسى تزور الهند وأبهـا وعمـان
وعسى تمشى فـي مثانـي وطنـا
ومشكور ياحرن لك الطيب عنوان
لو كـان نظراتـك لنـا يحزننـا
وأختامها وأعـداد ماهـل ودان
وإلاالهبايـب لاجنبـن وأشملنـا

نــجــم

29-04-2011, 02:54 AM

محمد

مانيب يافرز الوغى منـك زعـلان
ياسعود مهمـا تفعلـه ماشحنـا
انا الذي في جيتك كنت فرحـان
وياللاسف تقول جاء الحيـف منـا
أنت الذي غلطان بالحيل غلطـان
غلطان بالتأكيـد ماهـوب حنـا
أكبر غلط في قولتك لـي زعـلان
يأكبرهـا يأعبـرهـا ياجملـنـا
مقبول مأجاء منك في سر وأعـلان
وانت أقبل اللي جاك ياسعود منـا
خطاءك مسموحن ولوكنت غلطان
تخطي خطا وتقول يالقـرم حنـا
ترى الخطاء ياسعود من بين الاخوان
يهـدم وساسـه يالشلـي مايبنـا
ماهوب حقن منك ياذرب الايمـان
في قولتك تنوي السفر مـن وطنـا
دنياك ماتسوى بها كثـر الاحـزان
أنظر وفكـر يافتـى كيـف كنـا
وأختم كلامي بالتحيات صفطـان
منى لمـن سـوى المثايـل وغنـا

نــجــم

29-04-2011, 02:57 AM

عزالله اني تالي اليوم منحاس
متكدر" جوي وفيه أنعكاسي
ياخذبي الهاجوس سجه ومرواس
غطاس في بحر الهموم انغطاسي
من كثر مايفتر في طاسة الراس
امشي مع العالم بليا احساسي
وأن رقدو ماهملج الطرف بنعاس
اعوم في بحر بعيد المقاسي
تلاطمه فيه الزهايد والاتعاس
وبواخر التنكيد وسطه رواسي
اسبابها اللي زود الهم باعماس
خط لفاني زاد عمسي عماسي
رسالة كتبت على فرخ قرطاس
عبر معبرها بفكر وحماسي
وفزيت لولا اشوف فالباب حراس
يالله ياعسى ماصار يابوك باسي
وقمت أستدير وزايد الهم كباس
ونزلت من راس الطويل انتكاسي
والله لولا ماعلى الباب حباس
وعن بعض مانبغيه صار انحباسي
لادق سلف مقرب البعد مساس
واخذ صميم الراي من مخ راسي
اما تجي وتصير فرحات واوناس
ولا معك نلبس همومك لباسي
لاشك وقتي داسني بالعنا داس
علي بثقال المقادير داسي
وشفاي من كثر التفاكير يباس
لها ثمان سنين والوقت قاسي
والهم في صدري ورى كل مقياس
اسقني الاقدار مر ابكاسي
أحد" مواقفهم تورى بالافلاس
وعرفت من ياقف بوقت التعاسي
للي على صعبات الاوضاع دواس
لاجنب الموقف خطاة الهداسي
وصلاة ربي عد ماهب نسناس
على شفيع الخلق يوم الافلاسي