ديوان بصري الوضيحي [الأرشيف] - منتديات عيال الحمايل

مشاهدة النسخة كاملة : ديوان بصري الوضيحي

نــجــم

25-04-2011, 01:54 AM

بسم الله الرحمن الرحيم

الموضوع هو عباره عن ديوان للشاعر الغزل الاول بالجزيره العربيه
وان يكون اول ديوان لهذا الشاعر بالنت
"بصري الوضيحي من الثابت من شمر"

المناسبه التي تستحق الذكر ذكرناها

"1"

يقول بصري الوضيحي يمدح الشيخ صفوق الجربا:

.restore td { border: 0; padding: 0px;}

من "كلكلة " شديـت كـورن نقيبـي
ودلت من "الزرقـا" مداحـل قرنهـا
تخوي كما يخوي مع المحزم ذيبـي
ولي لـه ريفـن لا يعـه مامكنهـا
اليا هازها المحجان تجيبه حطيبـي
تفزيز بزوى جفلـت مـن عدنهـا
ونطيت راس الحيد يومـن تبيبـي
مرقب عرودا منهج انهـاج عنهـا
طالعت بالخابور شوفـي ٍ قريبـي
يعقرا ولو هو من محـاري كمنهـا
ثار به من المرفوع طرشن عزيبي
غربي تليل النيـل مداحـل ثفنهـا
طالعت بيت الشيخ ضـد الحريبـي
صفوق ثقيل الروز حامي ضعنهـا
شيخن على كـل المشايـخ تعيبـي
ولا ينتهـي عـن رادتة يـوم ينهـا
شيخن يبنى والدخـن تقـل سيبـي
سيب العراق آليا تطانـب دخنهـا
يلقط صحونن به هبيـط وعصيـبي
ولا قللـوا أكالـة الـزاد منـهـا
يا الله طلبتك لا تخيـب نصيبـي
بشولن ومشـوال يبـارن ضعنهـا
ومشمرن ماهي خطـات الهليبـي
شود المصامح ينشد الشيـخ عنهـا
أبرهـا حنطـة وزبـدة حليـبـي
وكابون حدر السرج ضافي بدنهـا
مع سربتن يجـداه حـس الويبـي
عصلا عمودي ما حلى من لحنهـا
ان صاح صياح الضحى وقال ريبي
وغزلـوى بيـراس قايـد رعنهـا
تعلوهـن زوبـعـن كالذهيـبـي
كلـن يخـم أعنانهـا مـع رسنهـا
وبراشمـن بمشمـرات السبيـبـي
يشـدن عصافيـر القرايـا لحنهـا
وتجاذبوا مثل المحـوص الجليبـي
وكلن يقولن الملبسـة مـن طعنهـا
صويب شقران الذرى مـا يطيبـي
عليـه سكلـن العـذارى وجنهـا
أكثر صياح البيض واشـق جيبـي
كلن يقـول بعرستـه مـال عنهـا
مـن مبلهـن لثـري لأم الحليبـي
غربي هبات الطير ينحـون عنهـا
كدرى ورضيع الديد منهـا يشيبـي
بخيت يالـي حـده البعـد عنهـا
ياناشـدن عنـي ترانـي بطيبـي
جني بوسط لا يتـي وخيـر منهـا
يـم السمـول امدلهيـن الغريبـي
هل أرباع ينشـد الضيـف عنهـا

نــجــم

25-04-2011, 01:56 AM

ياليتني نـداف قطـن ٍ وابيعـهمتحضرٍ في وسط سـوق راوي
اشوف غزلانٍ يردن الشريعـهلبسن ثوب البزرقـان الغنـاوي
راعي الكريشه ريف قلبي ربيعهعليه بيبـان الظمايـر تهـاوي

نــجــم

25-04-2011, 01:57 AM

تسعين خيبه للوضيحـي نفيعـهمع مثلها يدخل بها سوق راواي
ربع ٍ يتاجر به وربـع ٍ يبيعـهوربع ٍ فراش ٍ له وربع ٍ غطاوي
تقصد ببنت مكبريـن الوشيعـهخطار اهلها بالمشاتـي مقـاوي
ماقلتهـا بالبنـدري الرفيـعـهبنت الذي ذّباح حيـل ٍ عـداوي
كم وادي حـرم علينـا ربيعـهوجروحهـم بقلوبنـا ماتـداوي

نــجــم

25-04-2011, 01:57 AM

ابا اتمنى كان هـي بالتمانـيصفرا صهاة اللون قبّا طليعـي
وسروال تومان ومثل الشطانيومصقل ٍ مثل الثغب له لميعـي
ابي ليا لحق الطلب له غوانـيوالخيل معها مجول ٍ والدريعي
أردها لعيون صافـي الثمانـيبيض النحور مهلكات الرضيعي
قدام شمر مثل زمل الصخانـياللي يخلون المخالف يطيعـي

نــجــم

25-04-2011, 01:57 AM

انا بلايه لابسيـن القطانـياللي يخلون المخالف يطيعي
فوق قب ٍ مكرمات سمانـييشدن شياهين تخطّف مريعي
ما تنشدن وش عوقن عـن طريقـياللي منعني من مرافق هل العـوص
عنق الغزيـل عنـد هـاك الفريقـيكامل وصوف الزين والوسط ممهوص
طرفه علـي مـع النضايـد تويقـيلونه يشادي بيضـة لـه ببرخـوص

نــجــم

25-04-2011, 01:58 AM

حليلة اللي حاجبـه مـا يضيقـيلي هجة القطعان والزمل مرصوص
حليلتـه مـا تلتـفـت للعشيـقـيماله بغيرك رادة يا بـن خلبـوص

نــجــم

25-04-2011, 01:58 AM

كذلك يوم كبر بالسن وحب انه يتوب طلب من ابنه الحج
ويوم حج وهو بالطواف شاف بنت بن ربيعان العتيبي يوم جاء بصري يبي يقبل الحجر الاسود
يامار بنت بن ربيعان قريبه له وهو يحبه على خده بدال الحجر الاسود
قالت بنت بن ربيعان "ياملا العمى انشالله حج يالشايب"
فقصد قصيده عقبه يقول:

التايه اللي جـاب بصـري يقنـهجد د جروح العُوّد و العُوّد قاضـي

جينـا نحـب ونطلـب الله جنـهجنة نعيمٍ يـوم يابـس الحاضـي

ياليت كانـت حبتـي فـي معنـهيوم العيون عن الخوامل غواضـي

يامن يعاوني علـى وصـف كنـهاشقح شقـاح ولاهـقٍ بالبياضـي

لا ريحةٍ قشـرا ولا هـي مصنـهريح النفل بمطمطمـات الفياضـي

ونهودها الثـوب الحمـر شولعنـهحمرٍ ثمرهنٍ واقفـاتٍ غضاضـي

و الخـد ذابـوح القلـوب المرنـهبراق مزنٍ لاعـج ألـون ياضـي

ياليت لو سنـي علـى وقـم سنـهبايام مـا بينـي وبينـه بغاضـي

ايام جلـد الذيـب عنـدي محنـهنصبح وزرق الريش لهن أنتفاضي

وا جرح قلبـي جـرح وادٍ وطنـهغر المزون اللي وطنـه وفاضـي

والبيـض قبلـي محسـنٍ عذبنـهونمرٍ على وضحا جرا له عراضي

والبيـض كـمٍ واحــدٍ يبسـنـهيبسة شماشيل العـذوق النفاضـي

عزي لمـن غـر الثنـاي كونـهواركن على كبده كُويٍّ اعراضـي

شوفـي بعينـي و الخـدم يركبنـهبنت الشيوخ مخدميـن الحياضـي

على اشقحٍ من زمل ابوها مظنهـكركبت عليه اتشنطـحٍ بعتراضـي

بمشجرٍ مـن سـوق هجـرٍ مغنـهعلى خياطه ناب الارداف راضـي

واين انت يا مشفي على طردهنـهانا طويت ارشاي واقفيـت قاضـي

أحـدٍ يطيـح بنـار وأحـدٍ بجنـهوترى الحظيظ اللي له الرب راضي

نــجــم

25-04-2011, 01:59 AM

ياليتنـا مـن حجنـا سالمينـاكان الذنوب اللي علينا خفيفـات
رحنا نبي نخفف ذنـوب علينـاوجينا وعليها كثرها عشر مرات

نــجــم

25-04-2011, 01:59 AM

البارحه ماغمض الجفن بمـراحكن النويفج بوسط العين هـاوي
والقلب من كثر الهواجيس مرتاحمتلوعٍ والحـب دربـه بـلاوي
ياعلي يااللي للمواجيـب نطـاححَماي بالضيقات شقـحٍ مهـاوي
راعي الولع لوقالو الشيب به لاحيبي الامور الاوله لـه يخـاوي
لو قيل حج وحط بالكف مسبـاحالذيب ماخلا إمتـال الشـواوي

نــجــم

25-04-2011, 02:00 AM

ياناصرن جيـش النبـي والصحابـهومهزم عداك الله على الشرك عاصين
تجلى بياض صبـي عينـي ومابـهواشوف شوف مطلعـات الشياهيـن
عقب العمى تنظـر منـازل احبابـهواخصهم بالشوف لـو هـم بعيديـن
يامحسـن الدنيـا لفتنـي ركـابـهوقرب رحيلي مـن فريـق مقيميـن
والقبر قلبـي خليـف مـن عذابـهفي ساعـة عنـه الحوافيـر مقفيـن
ويروعـون القلـب مثـل الذيـابـهاللـي يقوسـون العمـل بالميازيـن
وانا ضعيـف الحـال مافيـه جابـهوتنجد في غير ربـك ماهـو شيـن
يامحسـن الحسنـى علينـا مثـابـهخلك لوغدانـي رحـوم وبـك ليـن
احرص بهم يامـا يجـون القرابـهمثل فروخ العـش بـرص مساكيـن
وداعتـك نـوره عــذي شبـابـهلاتطلقـه ثرهـا خيالـة سلاطـيـن
اللـي كمـا نظـم الوالـو عـذابـهمع الطبايـع خالـط عقلهـا زيـن
والله يامـن روعتـي مـن عذابـهوياسامعينـن طلبتـي قولـو اميـن
يـاتـل قلـبـي تلتـيـن بنتـلـيتلة رطيب الغصن خطـو الطفوقـي
لاتلـه الملحـاق عـجـلٍ بشتـلـيميعـاد زلافٍ وعــد باللحـوقـي
عليـك يانـاوي عذابـي وقتـلـيياحارمـن لـذات نومـي وذوقــي
بالك تنهت خـل كـل التنهـت لـيخل التنهت لـي يامعـذب رموقـي
ومجاذب العبـرات مافرجـت لـيينخـاط فتـقٍ ويتبـيـن فتـوقـي
تمرنـي يازيـن ماتلتـفـت لــيماكـن قلبـي لـك مـودٍ شفـوقـي
صبرٍ جميل الله يـرد البخـت لـيوعساك ترجع لـي مـودٍ صدوقـي

نــجــم

25-04-2011, 02:00 AM

ياعلى ماودي لـك الله تشـدونحبك لجا بالقلب ماهـو بماحـي
شدو هلك ياعلى والقلب مشطونشطن المعيد اللي ثوت بالمناحي
كفو ولد فوف الرحايل يمشـونشوكٍ على دفاتهـن بالبطاحـي
قلبي غدابه ناقل الورع شاطـونحطوه على عوج الحنايا وراحي
شالو على ناب النسانيس مضنونفوق اشقحٍ يتلون ذودٍ ضواحـي
يتلون ربـعٍ بالخطـر مايملـونحامينهـن بمغلبـات الرماحـي
العصر بالفيضه بيـوت يبنـونومعزلٍ مثـل النعـام المداحـي
لكن وسط القلب قامو يغرسـونغصونٍ تومي به هبوب الرياحي
ياعلي باح من العزا كل مكنـونوصيور مكنون الضماير يباحـي

نــجــم

25-04-2011, 02:00 AM

يا ونتى ونت خلوجـن تهوبـىعلى ولدها باخر الليـل ساعـاه
ما طيع لو حطو على الزاد روبىفرفور صيفن صاخناتن شوايـاه
يامحسن الويلان عنكـم غدوبـىاهل الرباع اللى وساعن ثنايـاه
ياخانت البدوان عوج الدروبـىيابدهم من شدتن وقت الاضحـاه
فوق اوضحن عليه وسم الجنوبىيتلى ظعون الشنترى والقـراراه
شرقى شمال قديم غربى رحوبىبمفرع السلمـان تلقـى رعايـاه
غرب اسريا تلقط لاهلها شبوبـىديرة حلب لهم مبيعـه ومشـراه
ارسلتلى مرسال ولا سـد نوبـىولا ظنتى واجه عشيرى ولا جاه
يالله لا ترزق خطات الجذوبـىاللى يخم العلم مـن دون ملفـاه
هاتو طبيب الهند يكوى جنوبـىمن علتن بالقلب ما لـه مـداواه

نــجــم

25-04-2011, 02:00 AM

الله يسقـي مجنـب الفيضتيـنـيمن مزنـة غـرا حقـوق هميلـه
ماهو خيال ميـر اشوفـه بعينـييمطر علـى دار الحبيـب شليلـه
يمطر من حما الخشـم للبطينـيمغـدودي يمطـر نهـارة وليلـه
عانقت به راعي البريم الغصينـيأبخت هل الدنيـا جميـع هليلـه
حكيت لـه بعلـوم بينـه وبينـيمتشفـق قضبـة ذوايـب ثليـلـه
وأقفيت ما ضولت منهـا بشينـيكود العنا اللي صار وقادنـي لـه
البيض منهـن غـارة المومنينـيمنهن نصيب ومخطي النصف جيله

نــجــم

25-04-2011, 02:00 AM

ياعلي يافـرز الوغـى يامحبوبـيوش انت شايف ياحجا كل مطلوب
عيا يطيب لي الكرى وع شروبـيوكن الحشا يصلى على جمر لاهوب
من حر نار الولف مزعـت ثوبـيلاهـم لافرقـى ولانـي بمطيـوب
كـن الردايـف لاقتفـاه الهبوبـيصيوان حكام بالاطناب مضـروب
احمر عفرو الكف منـه مخضوبـيمكملـه ربـي ولافيـه عــذروب
وعيونها الخرسات سـودٍ سطوبـيونهودٍ مثل التين والعنـق مسلـوب

نــجــم

25-04-2011, 02:01 AM

البارحة ما هملج الجفـن بمـراحوسريـت للـي كاللوالـو عذابـه
قالت تنزح لا رهج النزل بصياحماني من اللي بالردى ينهقـى بـه
قلت امني ياعين خشف الـي لاحيا عنـق ريمـي تجـدد صوابـه
قمت اتمدرى له واديره بالامـزاحلان الحبيب وقام يضحـك بنابـه
ولجيت بالثوب الحمر زين الارياحلين ان عمود الصبح بين سرابـه
قالت تنزح قبل فـلاج الاصبـاحوالسد معـك وداعـة والحزابـه
ماني ولد هيس على السـد بيـاحاللي الى فارق عشيره حكـى بـه
علمي بهم ياخليف يوم المطر طاحواليوم عشب الوسم كل رعى بـه
ماادري مع اللي فيضوا يم الاسياحوالا مع اللي سنـدوا يـم طابـة

نــجــم

25-04-2011, 02:01 AM

يابن رشيد مايل القلـب مدفـوشيامنتهى شكـواي والقلـب معتـل
على الذي نهده تقل طلع بطـوشبيض الحمام بلبته اوهـن اشكـل
والبطن لاقبوط ولاقطـن منفـوشلامرعـزٍ لـيـان جـلـده ولازل
الين من الدهدار مايدانـي النـوشاللي ترفعه الهبايـب مـن الطـل
ياعين ريمي بالاجـراد منحـوشحييت لها طبع الجهالـه ولاحـل
والخد من نبات الارياح مرشـوشورقوم يقدن رش مزن اليـا هـل
من العام لامرسال لا علم لاطروشهـذا شهـر شـوال وقصيّـر زل

نــجــم

25-04-2011, 02:01 AM

يا علي انـا ويـاك وش صاقعتنـاقلبي إلى شـاف العماهيـج ميـلاف
قالـوا عليكـم غــارة والتفتـنـاوقلت امنعن يا لابس الطوق واشناف
لا عـاده الله يـا ضيـاع اخلفتنـاليتك حضرته يا ذرا كل من خـاف
يا علـي عـادت حولـة واجتمعنـاالحولة اللي شفت به نابـي الأرداف
على الخباري يا علـي نـا طحتنـاعلى القعود أزاهر الوسـم تنشـاف
حتى الجمل طق الخبر يـوم جتنـاوالهرش به قيد وانـا تقـل بكتـاف
ماهي معالف يـا علـي مـا خفتنـاالبكرة الوضحا تعرفـة بالاوصـاف
خده لميـع بـروق سحـب عشتنـاوالا قمر خمسة عشرة حين الانصاف

نــجــم

25-04-2011, 02:01 AM

ياعيال يامتوجهين علـى كـومحيلاً يومن بالمزاهـب همامـي
ودو سلامي للجمعـات ملـزوميا موفقين خيرً خـوذو سلامـي
وليا لفيتو ديرت اصحاب من قوماحكو ترو حمض الرجال العلامي
علم الفرح يشتاقله كـل مهمـومبناً بكاس الهنـد بفـم الصيامـي
جيت المراح وحط بالقلب مثلـوممنازل الخـلان هـم والعمامـي
بس الوجآق الي به الحفر مهدومومركا الدلال المترفات الشوامي
عيني عليهم حاربت لذت النـوملو ناموالمخلـوق عيـت تنامـي
قلبي عليهم قاضبن جرت البـومونين وجعانـاً طـواه الهيامـي
علمي بهم بتلى صفر باول التومتغازو المعبـار والشـط زامـي
قفوكما طيراً قلب راسـه الحـومبهيفيتاً ما ينـدرا ويـن حامـي
ادنـا منازلهـم شثاثـا ولملـومواقصا منازلهـم وادي النعامـي

نــجــم

25-04-2011, 02:01 AM

حن الهجين وحـن قلبـي حنينـهولف عفر في تالي الزمـل ويعيـد
على حبيب فارقن شـوف عينـهولا سأل عني قاد وين مـا اريـد
حم الأشافـي مـا يماتـع طعينـهعيونه هون منهن رصاص البواريد
يا لابتي ما شفت انا حلـو عينـهبكيتهـا حـزة ليالـي التهـاديـد
بخشوم مذلـوق القنـا موسعينـهناحين صعبين المراجل هل الكيـد
الهجن من بعـد المـدى معتبينـهوالخيـل عيـن يتبعـن المقاويـد

نــجــم

25-04-2011, 02:02 AM

ياعلي ماخلتو من المزن خلنـاهبوارقٍ يم الحجر له صجاجـي
على الصليب وعقربٍ دفقّت ماهوعلى الحما طيّات وهكا الهباجي
يسقي عرقو القلب لهلاه لهـلاهغرٍ تحت شذرة سنامه لواجـي
ياعلي هيا بس انا وانت ننصـاهمن فوق مسلوب الذراع الهواجي
نبي نشوف مجدله يـوم تشقـاهمثل القلم من فوق هاك الحجاجي
مقيلظها "الميّاه" والحزل مشتـاهقعودها يقطف زهر كل فاجـي
اي الذلـول القافلـه والمشتـاهايه وركبـك للبعيـر الحداجـي
اي الوجيه المقبلـه والمصـداهاي البعير المقنوي والخراجـي
اي القراح ببربخٍ صافـيٍ مـاهايه ومشروب الميـاه الهماجـي

نــجــم

25-04-2011, 02:02 AM

يا علي اباشكي لك بليا مهونهعدي بحبس موقفين النطاير
يا علي علة باطني تبخصونهعيني تهل من الدموع العباير
على حبيب كن فلـة قرونـهفلة قماش عند راعي تجايـر
الناس كل امكسرٍ يجبرونـهوالقلب ما تسقط عليه الجباير

صعبة المنال

25-04-2011, 03:40 PM

نجم
أج ــمل وأرق باقات ورودى
لموضوعك الجميل وطرحك الرائع
صح لسان الشاعر وتسلم يمينك
كل الود والتقدير
دمت برضى من الرح ــمن
لك خالص احترامي وتقديري

يارا العامرية

25-04-2011, 06:12 PM

صح لسسسآنه .. ولآهنت نجم ع ايرادك ..
تقديري ,,

نــجــم

25-04-2011, 08:51 PM

صح لسسسآنه .. ولآهنت نجم ع ايرادك ..

تقديري ,,

يسعدني ويشرفني مرورك العطر

تقديري لكـ

نــجــم

25-04-2011, 08:54 PM

نجم
أج ــمل وأرق باقات ورودى
لموضوعك الجميل وطرحك الرائع
صح لسان الشاعر وتسلم يمينك
كل الود والتقدير
دمت برضى من الرح ــمن
لك خالص احترامي وتقديري
يسعدني ويشرفني مرورك العطر

تقديري لكـ

سلطانة

04-05-2011, 09:35 PM

http://www.halauae.com/uploads/images/alsaher-3814931317.gif

نــجــم

05-05-2011, 01:43 AM