ديوان الشاعر الكبير : سعد بن جدلان الأكلبي [الأرشيف]

نــجــم

20-04-2011, 11:38 PM

حـزازات ومشـوخ ..
يامل قلب(ن) تقول يقلا على صيخ
خلت به الدنيا حـزازات ومشـوخ
دنيا تنوخ راعـي العقـل تنويـخ
وينداش فيها صاحي الفكر ويـدوخ
تغيـرو فيهـا العيـال المطانيـخ
وسبابها شمل العرب صار مشلوخ
خلتهـم الدنيـا مناشـف طبابيـخ
حتى الاقارب بينها الذيب مصلـوخ
ماعاش فيها الاأعيـال الطخاطيـخ
خطوا البعير اللي من المدح منفـوخ
من شان ماله صار شيخ ولد شيـخ
وامشيخٍ نفسه على النصب والجوخ
بالحكـي لعتـازوه ويـاك مريـخ
وليا جاء لزومٍ عندهم صاروا فروخ

نــجــم

20-04-2011, 11:38 PM

الـرفقـه ..
البارحـه يـوم الاوادم خواشـيـع
في نومها وناعلى الكـوع واعـي
هم(ن)يمزع سترة القلـب تمزيـع
تقول ينهش ثومـة القلـب افاعـي
خذت القلم من بين روس الاصابيع
وحبيت اميز سيرتـي وانطباعـي
عزلت من صدقـان عطلةالاسابيـع
وعزلت من ضحك الوجيه الصناعي
وعزلت من بنين بامالـي مشاريـع
جميد برد ولانس الشمـس ماعـي
وعزلت من زرع الخلـي البلاقيـع
وعزلت من رفـع الثنيـه رباعـي
من نفعة اللـي ماطلبنـي منافيـع
جميلة(ن)في غيـر اهلها ضياعـي
في اسواقها ماعاد لشـري ولابيـع
لخطيت من رفقة طويـل الذراعـي
اللي على الرفقـه يسوقـه دوافيـع
هـذاك تشـرى رفقتـه ماتباعـي
امايشجعني علـى الطيـب تشجيـع
والايعلمنـي حمـيـد المسـاعـي
والا ليامنـه رمعـنـي روامـيـع
وضاقت على كل الفجوج الوساعي
جيته ويسرلي عسيـر المواضيـع
وخلاخفايا خاطـري لـه وسـاعـي
معرفته ماهـي معرفـة طماميـع
ماتنتـج الاالغطرسـه والضياعـي

نــجــم

20-04-2011, 11:38 PM

المماشـي ..
لاتخالفت المماشـي تخالفـت الـدروب
مـع مـن يعنيـك ويقـدرك وتـقـدّره
والبشر محدٍ على شف غيره بمغَصوب
مـن بغالـه شعـب فيسنـده ويحّـدره
والأدمي ماهوب يدري بسـدات الغيـوب
وارد المـا مايدلّـه يـاكـود مـصّـدره
ولا تجيك الحصبه الا من فراش امحصوب
وحبة الجدري تجي من فـراش مجّـدره

نــجــم

20-04-2011, 11:38 PM

ياهل الفكســار
يا هل الفكسـار حطمتـوا كيانـه
بالفرنجي و الكمنجـه و الزلافـي
لا تهينونـه عسـاكـم للإهـانـه
يا هل التفحيط يا صفـر الكوافـي
كـل منكـم مالـي ٍ فمـه لبانـه
و خطكم واحـد مقابيـل ٍ مقافـي
كل سلعـه غاليـه تحتـاج أمانـه
و العد ف لا جا على الصافي إيعافي
قد عطي من مصدره دفتر ضمانـه
للشيـوخ إلـي يبوجـون الفيافـي
وزايدينـه للسفـر عـدة زنـانـه
للضيـاع و للعطـال و للسعافـي
للتحم نـو السمـا و أدلا غشانـه
و طفّح الربان من الارض النشافـي
يستوي الفكسـار لمغربـل زمانـه
جاهله يشناه و الا البخـص كافـي
أن تغرب بان لـه فرجـه و خانـه
و ان حضر ربعه على شوفه مشافي
فالرخا كـل ٍ ينـاوب فـي مكانـه
دامت الحاجه سهـالات و عوافـي
و ان بدا شان ٍ صعيـب ٍ إقضيانـه
قيل ما يكفيـك يـا عمّـار كافـي
الشرايينـي طلـع خيـرة اخوانـه
خص الأحمر ذات الأبواب الخلافـي
فتحة اسبيرين مكـرة و اسطوانـه
ترتحل غالي السلع عنـد السنافـي
لا قفيتـه تقـول علبـة زعفرانـه
و لا نطحته كالسراب مع الشعافـي
و لا اعترض لك تقول قطعة ديدمانه
نبتها مـا بيـن مـذراة و سافـي
و كـن معاييـره لا ولـع سكانـه
السكن والع وباقـي النـور طافـي
صفـر مثـل زميمـات القحويانـه
تحت طفطوف ٍ من التبياض صافي
نوعـه ذنانـه وسواقـه ذنـانـه
يستوي وافي الخصايل عند وافـي
أن لقـى راعيـه و الا فالصيانـه
تحفظه من عبثة الناس الضعافـي

نــجــم

20-04-2011, 11:38 PM

طيشي البذاخ
يا شديد الخطب من بعض الدعاه اللي دعوني
كل ما هبت هبوب منك شفـت النـار حيـه
من بجاحة طيشي البذاخ لا غنـت شجونـي
في منصات الكلام اليـوم والصبـح وقفيـه
أصطغيبك راقي الأسماع وأبهج بك عيونـي
وارتقيبك فـي منصـات الشهيـر العالميـة
هرجك يدغدغ طهوم الشوق وسسط التلفوني
وطايفك عندي سواة الـراك قـدم الآركيـة
أسفهل بعزلتك خـلٍ وفـي حتـى الجنونـي
واغرق الأسماع في دهشة خيـال الواقعيـة
والله إني ما اسفهل بونس غيرك لو عطوني
قصر في حي المصيف و قصر في حي العلية
بس !! لا تيقظ سبات الهم وتثـور سكونـي
ثم أخلـي باقـي علومـي وأدن الهاشميـة

نــجــم

20-04-2011, 11:38 PM

الشاص
يا الله ياللي منك رجوا الغناه ومنك خوف
ياكريم يكرمـون الاكـارم مـن عطـاه
عالم اللي نعلمه شايـف اللـي مانشـوف
خافي سره والاسرار مـا هـي بتخفـاه
ما رجينا كون عطفك وروفك يـا رؤف
يا الله انك مـا تفلـت يدينـا مـن عـراه
والله اني شره وان هقوتي ترقى الصفوف
غير عيا يستحي الفقر من وجـه الغنـاه
فراكب اللي كنه النصـب قـدام القنـوف
شاص لند الفين يعطى على شوفـه شفـاه
ابيـض الـراس الشطرطـون معكـوف
كالشفق الاحمر على حد ناوي من صحاه
فالعروق البيض يزمي على راس الطنوف
مثل ماتزمي سحال الحليب من الرغـاه
كن سبيره حبة الخال في عنـق الهنـوف
لاعتنقها الواحد اللـي تبيـن لـه غـلاه
مثل شغموم على خدمـة الخـوة ولـوف
يتغانـم شبـت النـار قــدام أخـويـاه
دق سلفه يطلع الزيت من فـوق البلـوف
لا قضيت الفرض الاول وفقت من الصلاه
امش من بطن الشقيقة سلمت من الصدوف
نحره بيت ال درعان في بطـن الغضـاه
بيت شرهين الروابع مدلهـت الضيـوف
عون من يحتاج فزعاتهـم وجـه وجـاه
الربوع اللي نباهم على العـز معـروف
ذكرهم بيـن الرجاجيـل يلفـت الانتبـاه
اقلط وقيّل على دلّـه وعـود وخـروف
وان نشد مفلح وش العلم قل علمي عنـاه
ياولد درعان ما ينصـى عنـد الظـروف
كود رجال يعشق المراجـل مـن صبـاه
فان قدر يقضي لزومي ملكني بمعـروف
وان تعذر عن لزومي عسى الدنيـا فـداه

نــجــم

20-04-2011, 11:39 PM

الشدايد
الشدايد ياجميلـه فـي الازمـات اختبـار
ينعرف فيها الظلال الطويل مـن القصيـر
كل مااذكر حالتك بين نـار وبيـن غـار
راحت الدنيـا بعينـي عبوسـا قمطريـر
تحسب ان حبك محاه التشـدد والحصـار
التشدد في المحبـه هـو الشـر الشريـر
شد حيلك لايصيبـك الفشـل ولا انهيـار
لاتصغر قيمتك وانت فـي عينـي كبيـر
لذة صبّـار الهـوا مثـل لـذة الانتصـار
لاتصدق من يقول ان الحسد مافيـه خيـر
لاتغير بما جرى مـن جنـا مثلـك يغـار
كل شـي ينشفـا فيـه ميصالـه عسيـر
الذهـب دونـه حراسـه وبيـان كـبـار
والدرر من دونها هيبـة البحـر الغزيـر
غير لاتيأس وتكتب علـى نفسـك قـرار
يدفعك سوء التصرف الى بئس المصيـر
لو لا شحي فيك جيتك جهارً مـن نهـار
غيـر مايصلـح مقـامً بـلا راي بصيـر
فرصتي ويقة حرار علـى مكـر حـرار
مايعود فـي المحـل الربيـب الا البعيـر
والله ان اموت ماجاك مـن عنـدي بـوار
خل في قلبك ثقه والثقـه كنـز الظميـر
خذ كلام الـي يحطـك بعيـن الاعتبـار
واحـدً مالـك بقلبـه ولا عقلـه خشيـر
المحبه مدرسه شي ثبـوت وشـي فـرار
وانت درسي مع اهل الحب الاول والاخير

نــجــم

20-04-2011, 11:39 PM

ياجميله
كل دارٍ أرجعـت وانـا سنــــــــاوي
عزتــي للي ســواتـــي عزتـي لـه
زادت الحمـى فرحنـا للمـــــــــداوي
والمـداوي زود الحـــمـى مليلــــــه
ياجميله قام يطوي الحال طـــــاوي
والله ان كبدي على شوفك غليلـه
والله ان قلبي على اللاماء شفاوي
غير مافي يدي ولا في يديك حيله
سجليني في علم حبـك فــــــداوي
انا مجنونك عقب مجنـون ليلــــــــه
يا رقبه الخشف ياعين النــــــداوي
ياسراجيف الذلـول المستحيلــــــــه
يامناةٍ تنقصـر عنهـا المنـــــــاوي
ياخيار الدهـم يالقبـا الاصيلــــــــه
نعنبوك انتي مكاسر عود جــاوي
مبسك سندس شرابك سلسبيلــــه
لو تمرين الشيوخ اهل الفتـــــاوي
عودوا مثلي يجـرون الطويلــــــــه
من عشق شرواك ولا لايهــــــاوي
التقيد من بعض الاشياء فضيلــــه

نــجــم

20-04-2011, 11:39 PM

المعطي الوهابي
لا إلـه إلا القديـر المعطـي الوهــــابي
ا لخضـوع لسلطنتـه وكبريـاه ونوفـه
كل ما تحته على وجه التراب .. ترابـي
المعـزه والمذلـه مـن رجـاه وخوفـه
تب علي وأنت الـودود الغافـر التوابـي
وأحمني من كل زلّـه منطـقٍ مزهوفـه
في السوالف والقصايد سلبـي وإيجابـي
وفي ردود أفعالهـا محمـوده ومأسوفـه
والطبايع فـي الأوادم للحيـاة أغرابـي
والتصادم في مفاهيـم العـرب مسلوفـه
في طرفها المرء لا يسعـد ولا يرتابـي
والمنافـع والضررعفويـه ومهـدوفـه
يعني ما تحكم على الصادق من الكذابـي
من عدم صدق النوى والغاية المكشوفـة
أحداً ما يدخل الحسبـان بـأي حسابـي
وأحدٍ يؤخـذ كلامـه وصفـةٍ موصوفـه
والسهوله للنفوس أقرب مـن الصعّابـي
والطبيعية مداهـا أبعـد مـن المزيوفـه
طارق أبواب العرب تفتح عليـه أبوابـي
من فتح باب الضيافة يكثـرون ضيوفـه
وفالنفوس اللي لا تشبع بي ولا تروا بي
ليل هقواتي طويل وشمسهـا مكسوفـه
كل ما ضنيت ضنـاً فـي كنفهـا غابـي
عندها أوهامي ضحاياها ضحايا الكوفـه
أحسن أجيها زهابي في ظهـور اركابـي
لا تكلفني وهـي عنّـي ماهـي مكلوفـه
لأجل ما يسبب قلق فكري وحرق أعصابي
وإنشغالي من قوييـن الدهـر وضعوفـه
والوفاء والصـدق للصدّيـق والخطابـي
والظفر لإبن الوليـد بعزوتـه وسيوفـه
والجناب اللي وداده جهر ماهـو غابـي
تصلح ضروف الدهر والا تشين ضروفـه
من وجودي يسفهّل .. وينشغل بغيابـي
كل منّا غايتـه مـع صاحبـه معروفـه
فيه بسطي الأحمديه امتداد إرحابـي
والطموح الماجـدي والفطـرة المألوفـه
الإنبساط والإنسجـام وقمّـة الإعجابـي
والله أن كنّـه يقدمهـا علـي بكفـوفـه
تكثر أصحابي علي والا تقـل أصحابـي
المهـم مانيـب مرتـاح ليـن أشوفـه

نــجــم

20-04-2011, 11:39 PM

فلم الدبلجه
في بني آدم توليه الد بــور
لو طريقه غادي يحسبنه متجه
يحسب ان ما مثل شوره مع الاشوار شور
ما يعرف أن له مزاج وللناس أمزجه
يمكن ايلاقي مزاج يبادله الشعور
وهو على فلم الشطارة وفلم الدبلجه
وآخر المشوار لا حصلت ما في الصدور
كل زور فيه شور لمن ضاق هرجه
يحسب أن معه أفضليه توليه العبور
ان لقا الملح أزعقه وان لقا الحلو أسمجه
القمر والشمس كنها تسلف منه نور
والحبال تصير تحته خيول مسرجه
والسما عجزت تصل له جناحين الطيور
ما وصــــله إلا محمد بلــيله معرجه
يا بنادم يلعــــــــــــن الله مختال فخور
من تواضع تحت ربه يعلـيه درجه
لأجل ما تدخل جهنم على شأن الغرور
للعـرب حاول تواضع وتعطـيهم وجه
من لقا عذب المشارب ومثمرة الزهور
ما قعد يغرف من البحر ويسوق أحدجه

نــجــم

20-04-2011, 11:40 PM

الدهر جحاد طيب
ودنابالطيب بس الدهر جحّاد طيب
كل ماتخلص مع الناس كنك تغشهـا
يدك لامدت وفا لاتحرى وش تجيب
كان جاتك سالمه حب يدك وخشهـا
كل ماشـبـيت نار المحّبه مع حبيب
قام يسحب فـي مشاهيبهـا ويرشهـا
كل ماواجهت لك في الزمن وجه غريب
مثل ما قـــال المثل دام تمشي مشها
وذمةٍ ماهيب تندان للحق المصيب
جعل قشاش الحطب لاسَرح يقتشهـا

نــجــم

20-04-2011, 11:40 PM

الــــدشـــره
يا كثر الاصحاب يوم اللعب والدشره
يـوم المـلاهي تـدوّر مـن يلهيها
مـن اول شقـتي بالنـاس محتشــره
يوم العـزوبية الي كنت مغـليهـا
واليوم لا عـاد لا خـوه ولا عشـــره
الله ولا رفقة هــذي تــوالـيــهـا
ناس مع المصلحه عشره على عشـــره
وان حــدك الوقت حدة لك جنابيها
اللي حـياته مـع البيلوت والنشره
واللي يحـب الدشــوش ولاهيٍ فيـها
واللي على الخط دايم فاغر الكشره
سمّاعـته طـول ليـله مـا يوطّـيـها
واللي مزاجـه مع القصات والبشـره
ماله هـدف والنصـايح ما يدانيـها
واللي مع الناس لا يفـقه ولا يشـره
شقـراً مع الخيل لا هجّت تباريـــها
ذي عيّنه في شباب اليـوم منتـشـره
عسـى الذي جابهـا من الارض يـمحيها
اهـل المصالح معرّفتهم كماالقشـره
لا نظّف الراس بالصــابون ينهـيهـا
هـذا كـلامٍ علينا واجــبٍ نشــــره
وما تحـرق الجمـره الا رجل واطيها

نــجــم

20-04-2011, 11:40 PM

هرجه كما السكر
مدري متى تقدرين المشي يا رجلي
حتى لامني بغيت الازم انهجله
امرّ راع العيون النّعس النجلي
اللي لذا الحين وجروحي منه وجله
هرجه كما السكر اللي في لبن هجلي
لا روّحت من نبات المكر والرجله
مدامع من بشاشتها تبلجلي
اشفي لها من لأغاره والشفق لجله
ويضفي على لبةي كالوهر المجلي
شقر تقل من حرير الهند ينسجله

نــجــم

20-04-2011, 11:40 PM

غيبة الشمس
يا إليّ ليا جيت شي تكمل أو صافه
وإلي بلا أياك ماتهواه الأخلاقي
ترى صوابي لجا وابطيت بسعافه
يامنجّح الكيّ لا تلحق على الباقي
عامين والحال من فرقاك ملافه
لوف اشهب الال عشبي نبته أدقاقي
كمّ ليلةي من سببك العين ذرّافه
من غيبة الشمس لين الصبح ينساقي
ياعين حر على العسرات مشرافه
عيطي لحاليحها تصعب على الراقي
والعنق عنق أدميّ عاود لميلافه
متذيّري عقب ما أرّوح ريح تقاقي
مالك من الجسم غير المتن وأردافه
زاويه خصر عليه الشبر متلاقي
لفيتني لفّ سير فوق حذافه
وصرفتني من هوى تلعات الأعناقي

نــجــم

20-04-2011, 11:40 PM

تنشد الاكلبي عن علومه
جتني تنشد الاكلبي عن علومه
تلعب وانا قدني مهون من اللعب
طرقًًٍٍُ(ن)نعاع مالحتها الطخومه
كن في عواتقها الى صافحت ثعب
صبح(ن)ورا ليله تفتق كمومه
وبرق(ن)زرع في خافقي فرحه ورعب
قباًًًً(ن) تهوس محجله ومعصومه
من عذبه ربي مع دربها تعب
شعر الغزل محد(ن) قضى به لزومه
لاكعب بن سلمى ولازهير بن كعب
انت خطا نفسك علينا تسومه
وانا تراني صدق موقف(ن) صعب
لأني من احد الشعب وانتو حكومه
عسى الحكومه مستهمه من الشعب

نــجــم

20-04-2011, 11:41 PM

شاص لند الفين
يالله ياللي ماخشى غير خوف منك خوف
لا شريك له بملكه ولا يعبد سواه
فيك تشخص للبصاير وقيك مد للكفوف
ياكريم يكرمون الاكارم من عطاه
عارف اللي مانعرفه شايف اللي مانشوف
خافي سره والاسرار ماهيب تخفاه
لنقفل باب من رزق حراسه وقوف
فتح بيبان الارزاق من كل اتجاه
والله اني شره وان هقوتي ترقا الكفوف
مار ايست انا من الفقر ووجه الغناه
راكب اللي مثل نمر غمش قدم الونوف
شاص لند الفين تشفق على شوفك شفاه
لعترض روس الشطرطون قدام معطوف
كش على اللون الاحمر من يوم صحاح
فالطعوس البيض تزمي على روس الطنوف
مثل ماتزمي لفوف الحليب من الرغاه
اليا انقرش من عالي العرق لكنه محذوف
تغانم شبت النار قدام اخويااااه
دق سلفه يانديبي وعاينت في زيته والبلوف
لا قضيت الفرض الاول وفضت من الصلاه
نحره على بيت ابن ذرعان مدلهة الضيوف
مافيه احد ماسند عونهم الا وجاه
عند ابو فارس تريح على بن وخروف
وان نشد مفلح العلم قل علمي عفاه
اليا انشرح وضعي مثلك سلمت من الصدوف
ان قدر وان ماقدر ماينقص من غلاه
ان قدر يجيك لزومي وملكتني بمعروف
وان تعذر من لزومي عسى الدنيا فداه

نــجــم

20-04-2011, 11:41 PM

امسية ابهـــا
سلام عدة وبـل مـزن ٍ مراديـف
نو ٍ مـن المنشـأ تزبـر جويـره
يا سيفنا الدايم و يا دايـم السيـف
ابن الملوك أحفاد صقـر الجزيـره
أهل الجموع مفرقـات المواليـف
و اهل المقصب و السيوف الشقيره
حبيت أقدم عندكم باقـة الصيـف
في ملتقى السواح من كـل ديـره
شمت هوا تونس و باريس و جنيف
في طلة أبها و الجنوب و عسيـره
خواطري مثل السبور المشاريـف
المغريـات السـرد المستـذيـره
اللي تهـاوي طيبيـن المواقيـف
و تهيم في مدح الاسامي الشهيـره
تقلط على فيصل تـرز الغطاريـف
شعر يهيـج داخلـه عبـر أثيـره
فيصل ولد خالد مغيـث الملاهيـف
فراج كـرب المعضـلات الكبيـره
المملكه ما رد جيزان لي طريـف
عاشت بخير الله بـدي ثـم خيـره
وفيصل سمي اللي فتح خط برليف
يوم انعمت عند الرجـال البصيـره
و فيصل تعشقه طيبات السواليـف
وتخرم لريحة مستكـاه و عبيـره
عز الله انها تنلقى بهجة الضيـف
على كواكـب حاجبيـك المنيـره
يا الهيلع اللي ما تحسب التكاليـف
وهايبـك تغنـي اليديـن الفقيـره
كبر الوهايم للرجـال الجوازيـف
اللي يشوفـون الكبيـره صغيـره
ولا ترى اللي دايم شبـره ضعيـف
ما يبغـي الا العافيـه و الستيـره
يا سيفنا الدايم و يا دايـم السيـف
المعذره كـان القصيـده قصيـره

نــجــم

20-04-2011, 11:41 PM

التجارب
بلغ اللي كل يوم يقابلنا بثوب
مايخدرنا كلامه مع من خدّره..
لابغينا اللعب نزحف مع الجو اللعوب
وان هبطنا سوق طيب(ن) خذيناه ندّره..
والتجارب عرفتنا الصدوق من الكذوب
والجبل لاسال نبته يجي بمغدّره..
ولاتجيك الحصبه الا من فراش محصوب
وحبة الجدري تجي من فراش مجدّره..
المحب اذنيه ماهيب تسمع للعيوب
والعدو لادرهمت به تجي متحدّره..
دامت الاخلاق يملك به الواحد شعوب
ياجب انها في جميع الامور مبدّره..
وان لقيناها طويله وموخرها سحوب
والمرض فيها فحوله تهيج فدّره..
ان قدرنا نقفل الباب من دون الهبوب
والا جاء درب(ن)لنا والقني مسدّره..
الاصايل كل يوم تلافح بالكعوب
والردي لا عيّن اللي يهينه قدّره..
ولاتعرف احسابك الا اليا جيت امحسوب
شرهة القادر على العالم المتقدّره..
المقبـّـل تنفتح لخ دواليب القلوب
والمقفي قلعه الوادرين تودّره..

نــجــم

20-04-2011, 11:41 PM

يالطويله
يالطويله والله ان حالك مهوب رضىٍ لي
أنتي مرضانـه وأنـا والله المرضانـي
ياشنار الطيب فطـرة صايـمٍ ومصلـي
كل مامريـت بـه سميـت بالرحمانـي
لو يمرونك هل البـل والحـلال مفلـي
شخصوا بأبصارهم في طفـح الربانـي
ناوين قلـط حريبـه وآخـره متملـي
مرخيٍ عمـدان وبلـه كنـه العمدانـي
رأسها منها تقل فـي مرقـبٍ متعلـي
كن بعضها من بعض يقـول مايعنانـي
كل ماقامت تلفـت بـي خذتنـي كلـي
فـي تصفحهـا تدورنـي ولاتلقـانـي
ياماشاء الله كان والشيطان عنك يولـي
يالسبال الضافيـه والخـد واللحيانـي
والسنام المنفهـق والعاتـق المنتلـي
وغاربٍ كنه يبي يطلـع سنـامٍ ثانـي
مايضمك من يقول إن الطياح إبلٍ لـي
كود عند ابن الكبير وشويه السبعانـي

نــجــم

20-04-2011, 11:41 PM

مشوار التجـارب
الا ياالله ياللي تحـت هيبـة سلطنتـك اسلمـت
لك المسلم يسبح لـك بحمـدك ولـك الاسلامـي
احمدك واشكرك واثني عليك بما علـي انعمـت
تزودني وفـا قـدر العشيـر ووصـل الارحامـي
ولجك الفجر ياليل الذهول اللـي علـي اضلمـت
بعرضك واقع الماضي بعينـي عـرض الافلامـي
ولهتك يالنديم اللي على صافي وفـاك اضرمـت
بصفحة ذكريات العـام واللـي مـن ورا العامـي
بعد تقرير مشوار التجـارب نجحـك واجزمـت
بان السيف سيفـي والعصـا والمحـزم احزامـي
عطتني عزلة اخلاصي معك نسيان مـن نادمـت
كتبتك وانطوت صحفي عليـك و جفـت اقلامـي
اباهـي لا ابالـي واتبيسـط كــل ماقـدمـت
اشـب النـار قـدام العـرب واشيـد اخيـامـي
نهاري حر شمسه يستحي منها لسـان الشمـت
وليلي ترقـب نجومـه ملامـة كـل مـن لامـي
على ضو الكلام اللي كشف عنا ستـار الصمـت
عرفت اني تحت برق الامل في روض الاحلامـي
احسب انك تيمم با اتجاهـي ويـن مـا يممـت
واثر ما انت بورايه في الطريـق ولانـت قدامـي
مصيبه لاتدنت قيمتك فـي عيـن مـن قيمـت
يشوفك بالسهل وانتـه تشوفـه بالسمـا السامـي
كثر ماحن قلبي للونيـس وكثـر مـا درهمـت
فجر صـدري حنينـي واتعـب الاقـدام درهامـي
عيون الصد وعيون التجافي حول مهما اكرمـت
تشـوف المجتهـد كسـلان والبنـاي هـدامـي
مدام ان جانبك شام لجنابي وانت عنـي شمـت
كثـر خيـرك وانـا مانيـب لاجايـع ولاضامـي
اشوف انه علي واجـب ليـا مريتكـم سلمـت
مرور اكـرام تربطـه الكرامـه عنـد الاكرامـي
على شان الخفوق اللي على عرشه قعدت وقمت
حجب عنك الدجى لين اشرقت لك بيـض الايامـي
ختام السالفه ياطيـب العشـره كرمـت ودمـت
هذا حقك علي وحـق شرهاتـي علـى اوهامـي
مصير الوقت يشرح لك دروسه وان غفلت ونمت
يصحيك الزمان اللـي يصحـي كـل مـن نامـي
تذكرني لامنها خابـت اوهامـك فمـن وهمـت
وشفت الفرق في حب الخشـوم وحـب الاقدامـي

نــجــم

20-04-2011, 11:42 PM

ون أبن جدلان
ون أبن جدلان من لايعٍ لاعه
كن في كبدي دوافير صناعي
ألعب المنكوس وأحب روباعه
ممنٍ في الوقت والوقت خداعي
مادريت أن ضحكة الوقت خداعه
شفت مدخالي ولاشفت مطلاعي
لابغيت أسج والا انبصط ساعه
دق قلبي من وراء حدب الأضلاعي
كن من بين الضلوع آلة طباعة
تشتغل لانمت وأقوم مرتاعي
هم قلبي مايفرق تجمَاعه
غير جر الصوت والناس هجاعي
فاقدٍ لي سلعةٍ وأكبر أبضاعه
سلعةٍ تشراء ولاهيب تنباعي
رفقة الطيب ليا غير أطباعه
أشهد أنها كيةٍ توجع أوجاعي
راكب إلي صممه صاحب أصناعه
جمس بيك أب من حديثات الأنواعي
الغريب الي جديدٍ من أنواعه
حوض رفرف مايبي شد وشراعي
لا أنس البنزين عجلٍ تفرقاعه
مخطرٍ من سرعته يقلع أقلاعي
لاتحرك شفت في القاع مشلاعه
والتواير تظهر الماء من القاعي
ينعش القلب الحزين أبتهملاعه
لامشا قام يتهملع تهملاعي
لاوطى الأرض العتش كن تهزَاعه
بنت شيخٍ طامحٍ من ولد راعي
في رجاء الغايب تحَرا لمرجاعه
تنقد العشاق وتطق الأصباعي
نفسها من جملة الناس منصاعه
ماتبي إلا واحدٍ ذكره أيشاعي
ينحر اللي يأخذ الطيب بذراعه
الصديق الصافي الصامل الواعي
الوفاء والطيب ساسه ومنباعه
يوم بعض الطيب تقليد وصناعي
لاوصلتوا فأخبروني عن أوضاعه
وأخبروا راعي السمارا عن أوضاعي
أنشدو ويش السبايب بمهزاعه
لاعلي ناقص ولا أبيه فزَاعي
ودَنا نرضيه ونحاول أقناعه
كان بن مهمل بعد يسمع الداعي
كان يبغا حق للحق قطَاعه
نقعة والحق ماعنه مجزاعي
وكان مبغضٍ في الرياجيل بتَاعه
لايجي ناقد ويلحقني أرياعي
لصَديق نخلَي النفس خضَاعه
مانوريه الجفا والتمطَاعي
الصداقة عندنا ذخر وطماعه
صحبةٍ ماهيب صحبة تمتاعي
حد جدتها على البرق لماعه
وإن خذت يومين مفعولها ضاعي
فإن تجمعنا على العز والطاعه
وأن تفرقنا فجوج الله أوساعي
ما أطرد المقفي ليا صفط أشراعه
مخبل اللي للمقفين تبَاعي
من يحط أذنه على كل سماعه
جاه فرقاً مابعدها تجمَاعي
والزباد أختام هرجي ومطلاعه
يدفعه من ريحة المسك ذعذاعي

نــجــم

20-04-2011, 11:43 PM

هل الهلال
هل الهلال وهامـل الدمـع مـدرار
لا هل واهمل ماطره كالهلـل هـل
صور وصار الملح والـدل والكـار
له والمها ما له ولا رسم مـا كـل
لو صاح صالح طالعه ساع مـادار
اسود على صدره على المسك عمل
سامح محمد لا رأى روس الاسطار
وحسامه الصارم لراع الهوى سـل
ولا رد كود اهلا وسهلا له كـرار
والحلـم هـو والعلـم دلـه ولا دل
اساله ومـا درى الـود مـا صـار
ولا ولالـه كـم دور لهـم عــل
اول صدور مواصله والهوى صـار
لما الدهـر رده علـى حالـه اول
ما صح عله والرعد مـا وسـم دار
والحال حال الحول والحمل ما حل
ولولا حلاها حلهـا روس الاكـوار
ما حل له دل ولو هو حـل مـا دل
عسا عسى ما كمـل الـدارللـدار
عاد الرحا دوره على روس الاوحال
وصلوا على طه عدد رمل الاوعار
او ما كسا سهل الوطا للسمـا -طـل

نــجــم

20-04-2011, 11:43 PM

المصيبـة
المصيبـة لا تصــــادم أصـــــول مـع وصــــــول
الوصـول تواصلـه و الأصــول تجنـبـه
و الله مدري وش أسوي و لا أدري ويش أقول
و الحقايـق تيقـظ آخـر سباتـي ينتـبـه
البهـى الفتــــان يخلـــف مـــوازيـن العــــــقـول
و الغلا يثر علـى النفـس لومـه و اعتبـه
يـا يبـه الصــــــورة اليوسفــــيـة و القــــــبـول
يا يبـه مـن لهفتـي و اشتياقـي يـا يبـه

نــجــم

20-04-2011, 11:43 PM

ياعيون اللي
ياعيون اللي على المرقب تعلاّ
مايرب الا المراقيب الطوالا
طرتّك منها غثا البال يتجلاّ
نعسٍ مابينها بيضٍ تلالا
تذهل إلّي في جواهرها تحلاّ
واهني من ذاق من ريقك زلالا
لا وجاه الله ومنّ زكّى وصلاّ
مانبيك الاّ على السنّه حلالا
مايرّد الجوع شخبٍ في المفلاّ
ولا يخضّ السعن من ذوده هجالا
أنت غالي ياوليفي لا تغلاّ
يثبت الليّ بيننا ايامٍ طوالا
واللهّ انّي ميسٍ من وصلك الاّ
فزعةٍ من ربنا جلّ وتعالا
أدخل الضولات من شان أتسلاّ
كود جرح القلب يبرى ويتشالا
والمجنّب من الأوادم مايخلاّ
لاسلم من شرّ ذولا ..جوه ذولا

نــجــم

20-04-2011, 11:44 PM

ويش أسوي
ويش أسوي ياعيون الوحش عنق الغزال
لاحصل طاريك يفتح على قلبي أرواق
لي ثلاث سنين بين الحقيقه والخيال
وأخر اشهر ذالسنّه تكمل الرابع غلاق
شبه وضحاّ فالمخاضير زاويها الحيال
من غلاها عند أهلها تبارى ماتساق
تيهّت من صغرها بين ثنتينٍ هجال
مهتويها راعيّ البل وعاشقها عشاق
عنديّ إنّك ماخذٍ تاج ربّات الجمال
سلموّك الحسن من باب صنعاء للعراق

نــجــم

20-04-2011, 11:44 PM

ياعيون مرقبٍ
ياعيون مرقبٍ فعل الجداير
في صعانين الطوال المستديره
صاحبك يعطي على شوفك بشاير
ديرةٍ منتو بها ماهي بديره
من خذا منكم خفيّات السراير
والله انّ يبطي ولعكم في ضميره
لبةٍ بين المعنّق والزراير
مثل شمس الصبح قدّام السفيره
ويتفرشها من الخمري ستاير
ذيل شقراّ شعشعت قدم المغيره
جوهرة قارون غالية التجاير
أشهد انّك بهجة العمر الكبيره
واحدٍ حضّك مع حضّه يساير
شايفٍ القدر فالعشر الأخيره
جعل أبو من لامني حمر المناير
في محبّة واحدٍ مالي بغيره

نــجــم

20-04-2011, 11:44 PM

عيون موحشِ
الا واعيون موحشِ مابعد لزم
عدا كلّ صقارٍ بشبكه ولا لزمه
على القلب نارٍ ولعّت في قرى حزم
وحطوّ عليها من دقاق الحطب حزمه
يقاويك بن جدلان فالصبر والعزم
لكن حبّك الصافي تغلّب على عزمه
تراني دخيلك ياوليفي من الهزم
تموت الغزو ولا يقولون منهزمه

(http://www.n7bkm.com/vb/profile.php?do=addlist&userlist=buddy&u=6398)

نــجــم

20-04-2011, 11:45 PM

ليلٍ سرى برقه
سبحان واليك ياليلٍ سرى برقه
أراقبه والعرب في نومها غرقا
ماصدّت من شوفك الاّ الهم والحرقه
بعض الملاقا تعوّضني به الفرقا
حبٍ مع حبّ غيري ماظهر فرقه
غديتّ كنّي شفيع وحبّه الزرقا

نــجــم

20-04-2011, 11:45 PM

مفرق رقبة العطف
كمّ مفرقٍ كلّ ماجيته تعديته
اشوف خطّه ولا أقراء ويش لوحاته
ياكود مفرق رقبة العطف لاجيته
يفرض عليّ الألتفاته والتنهّاته
فيّ حشمة الليّ مصافيني وصافيته
من خلقتي ماحدٍ سوّى بيّ سواته
مايسمح البال لين أقف على بيته
وأضرم له أضرامة الزيدي على قاته

نــجــم

20-04-2011, 11:46 PM

ياكبديّ الليّ
ياكبديّ الليّ من الحرمان منهشمه
فيها من العام نجارٍ بشاكوشه
والليّ هشمها شفاتٍ دونها حشمه
أرهى على الليّ تبي نفسي ولا أنوشه
حجزٍ يرّد الرجاوي من ورى خشمه
وأنّ رده الحجز والاّ ضاع فالطوشه
عمّر بيوتٍ على بيبانها رشمه
وبطونها بأفخم الشيراز مفروشه

نــجــم

20-04-2011, 11:46 PM

فاعل خير
أنا وين أبلقى يالاجاويد فاعل خير
حريصٍ على سرّ المحبين لارسلته
أناّ لوّ أبصبر عام مابان بي تأثير
وهالحين حتّى الصبر يومين ما أحتلته
أنا مثل صقارٍ تولّع بحبّ الطير
ولف قلبه فروخ الصورايم وهبلته
تولعّت في فرخٍ قضيبٍ يتلّ السير
ابيّ نظرتٍ من لفتة الحرّ وسبلته
صغيرٍ بسنّه غير عندي ماهو بصغير
يامغلاه في قلبي وياكبر منزلته
أجمعله سمان الهرج خوفٍ من التقصير
والى جيت ابشرح له كلامي تهيزلته
يجيني منّه هيبه . معزه . سحى . تقدير
اقابله عندي علم وأروح ماقلته

نــجــم

20-04-2011, 11:46 PM

المعروف لايعرف
ياوليفي دمعكم في غيابي ردّ لي
وأدري انّ دمعتك خوفٍ عليّ ومن غلاي
أنت ممرضني وأشوف المرض فيكم وفيّ
الهبوب البارده منّك هبّت في حشاي
والله انّ كبدي عليكم عراويها أضميّ
والمشارب غير هرجتك ماتقطع ضماي
كيف تستغرب بطاي ومجييّ يوم أجيّ
منك اجيك أبدون رأيٍ وأروح ابدون رأي
ليلي أسهر به والا جاء النهار أشلى شوّي
مرتٍ أشلى ومرٍ يعاودني بلاي
وأنت سبّة كلّ شي ولا داويت شيّ
كيف ياقادر على داي ماتقدر دواي
بعد ما شتتوّ الفكر وأخليتو يديّ
كثرت أعلوم الشماميت وأفرحتو عداي
مابعد جاني من يوم التقو بي والديّ
ولابعد مرّ المحبين منّ حوّاء وجاي
لوّ خبر به حيّ يبكي على فقدان حيّ
كان يمدي من عرفني يشاركني عزاي
جعل يسقى يوم كان الهوى ماغير غيّ
فأول الرحله مثل مبتداك ومبتداي

نــجــم

20-04-2011, 11:46 PM

خارطة الطريق
يا ذا الجلال اللي عروشك فوق واملاكك حـدر
ومهماً تسامت به عروشه مستحيـل يطولهـا
يا حـي يـا قيّـوم يـا ذا الأنافـة والكبـر
ما نافسك في عظمتك مكـر العبـاد وهولهـا
وما نافسك من عمّر بيوته على سطح القمـر
واللّي ترسي فـوق اقاليـم الميـاه سطولهـا
ما انته بحاجة من عبد ولا بحاجة مـن كفـر
ولا بحاجـة ثابـت الدنـيـا ولا منقولـهـا
أنت السميع لمن حمد وأنت المزيد لمن شكـر
واللي ما يشكر نعمة المنعـم عليـه تزولهـا
ياذا الجبروت العظيـم ويـا القديـر المقتـدر
تفزع لنا في معضـلات مـا نريـس حلولهـا
تلعب بنا خـلاّن فرغتنـا كمـا لعـب الكـور
أن اقبلت صاحوا لها وأن دبّرت صاحوا لهـا
لا هبّنا الطايف بعض الأحيان في فية عصـر
شهب الليالي مـن ورانـا يسحبـن ذيولهـا
أنت السلام اللي لك الإسلام وانـت المشمخـر
اللي عجايب قدرتك فـي المعجبيـن ذهولهـا
سلام يا محمد رسول الله راعي الوجه الأغـر
وسلام يا روح ملائكـة السمـا صلّـوا لهـا
سلام يا بو بكر يا عثمان يـا علـي وعمـر
وسلام يا سبـع الآفـاق أطلالهـا وسفولهـا
سلام يا صدق النوى سلام يا وسـع الصـدر
سـلام يـا مفتـاح بيبـان الفـرج وقفولهـا
وسلام يا شمس الضحى تشرق على بر وبحر
وتشرق على كل الديـار جبالهـا وسهولهـا
وسلام يا غر السحاب اللـي تبجـح بالمطـر
وشم الجبال اللي تبجـح بالسحـاب قذولهـا
وسلام يا هوج الرياح اللي عطاهـا مستمـر
مهما خذوا منها من الحسنات مـا ردوا لهـا
ليت الرحاب اللي لنا بوجيههـا حـق وقـدر
ما تضمحل من الزمان ولا نشـوف سمولهـا
و ياليتنا لاما سرحنا اليوم الأبيض من فجـر
تبطي عبات الليل ما تضفـي عليـه سدولهـا
ولاّ ليامنهـا ضفـن سدولهـا يطلـع بــدر
يا صل ضياه اللي على الكوره تطق طبولهـا
المعتبر يآخذ على الدنيـا دروس مـن العبـر
والنـاس يكسبهـا معاملهـا بقـد عقولهـا
أحيان تصدف لعبة الشاطر مع غلطـة عمـر
مره .. لكن لا عدت الغلطة ما عـاد ينولهـا
حنا عرفنا كلنا ما طـال مـن شـيء قصـر
والأحلام ماتوا قبلنا شرهين ما وصلـوا لهـا
حتى الجمال اللي تحمّلها الهقـاوي بالصبـر
يالله بحملتهـا تقـوم وتــدّرج بحمولـهـا
والحب سيسـان العبـادة والعبـادة بالجهـر
ان ما قدرت تقولها وجـه الصحيـح يقولهـا
يسرون عميان المحبة تيه فـي غـدرا الغـدر
للـي تحـد سيوفهـا واللـي تعـن خيولهـا
ولا تفكـر فـي غنـاة ولا تفكـر فـي فقـر
وتشفع لبيضان الصدور احضوضها وفعولهـا
واهل التكلـف بالمعرفـة والتصنـع بالبشـر
والله ما هي حول الصحيح ولا الصحيح بحولها
اللي يفضّل ما يقيم بو ميه مـن بـو عشـر
حتى الفضولية عن الفاضـل بطـل مفعلوهـا
اللي تخبره لحيته ذا ..طولهـا يصبـح بـزر
واللي تخبره بزر يصبح لحيتـه ذا ..طولهـا

نــجــم

20-04-2011, 11:46 PM

هوى الخدرات
مل قلبٍ من هوى الخدرات عيّا
باقيّ له من هو خلّه بقايا
لابغيت أسجّ من سمح المحيّا
شفت من وصفه على غيره حلايا
فز قلبي وانتبه عقب النسيّا
وانحرف فكري وجارن الكوايا
راح يشرفني على نور الثريّا
لين وردني على حوض المنايا
وانّ بغيت أجيه وصله ماتهيّا
صاروا العربان من دونه حمايا
ياوليفي لاتسويبي كذيّا
الخطايا لاتلحقها خطايا
مايبور بصاحبه عقب البغيّا
كود ناسٍ مالها بالله عنايا
كلّ شيٍ أعمله كود الجفيّا
الجفا يزعل وسيعين النهايا

نــجــم

20-04-2011, 11:47 PM

الاصدقاء
البارحة عنزت للراس كفي
ونيت من باب الشرس والحماقه
حبيت ابين من خفوقي واخفي
ملامحٍ عن الاصدقاء والرفاقه
صديقي اللي لسانه يرفي
ولي صملت مني نوى لنسراقه
احسن يقفي عن طريقي واقفي
مستغنيٍ الله والا ذي الصداقه
ورفيقي اللي ما يوقف بصفي
لا يمتكن بيني وبينه علاقه
فرقاه ربح وجيته ما تشفي
الا الذي ماله على الشي طاقه
والا بعضهم للعلوم متلفي
لي جاه علمٍ حط فوقه وساقه
كبير قلبٍ في الحياة متعفي
راسٍ خلقه الله في جسم ناقه
لا مولعٍ نارٍ ولا هو مطفي
من حيث ما يصفق به الموج ساقه

نــجــم

20-04-2011, 11:47 PM

شكوى
الا يالهبوب الباردة عجلي هبي
على جاش من قامت هواجيسه تلوبه
انا مرةٍ اصحى ومره يغيبي
واسرح معا كثر الطواري بغيبوبه
الا يادهر ما هو بحقٍ تلاعبي
خليتني لمقرد الخلق لعبوبه
عبادٍ مغقلها الزمان وتعجبي
يحسبون قل المال فالرجل عذروبه
وانا قانعٍ باللي علي كاتبه ربي
ومؤمن بمقدوره وقانع بمكتوبه
ولا ابغى عمى الاريا برايه يجربي
وهو ما عرف ماجوب ربي وما جوبه
هذور المجالس راعي المدح والسبي
وهو بالخلا لو جاه بنتٍ خذت ثوبه
يقولون لي جز من تصرفك وتحبي
وهي توبتي من مجتمعهم هي التوبه
ديار الوبا من طبها راح متوبي
وقرابة الجربا على الحول مجروبه
انا عارفٍ منصاي ليا من بدا نبي
وعارف طريقي والذي باتجه صوبه
وانا اعرف من اعادي وانا اعرف من احبي
وبه ناس لاتعرف ولاهي بمحبوبه

نــجــم

20-04-2011, 11:47 PM

نظيفين الضماير
يالج صدري مثل لجة حيام الطرش
على عليم في القيظ ميرادها فرزه
على إلي غرامه بارش الضماير برش
وحبه بصندوق الضماير طبع حرزه
حياتي بدونك يالغظي ماتساوي قرش
مايحتاج فيها لا تخفي ولابرزه
عسى دعوتي يفتح لها الله باب العرش
يعاقب عباد ماعرفنا لها خرزه

نــجــم

20-04-2011, 11:47 PM

مشعف غرامك
ياللي ليا جيت شي تكمل أوصافه
واللي بلياك ماتهواه الأخلاقي
ترى صوابي لجا وأبطيت بسعافه
يا منجح الكي لا تلحق على الباقي
عامين والحال من فرقاك منلافه
لف أشهب اللال عشب نبته أدقاقي
كم ليلة من سببك العين ذرافه
من غيبة الشمس لين الصبح ينساقي
ياعين حر على السعرات مشرافه
عيط لحاليحها تصعب على الراقي
والعنق عنق أدمي عاود لميلافه
زاويه خصر عليه الشبر متلاقي
لفيتني لف سير فوق حذافه
وصرفتني من هوى تلعات الأعناقي
فأدخل على أمك وأبوك من التزلافه
تبيتني بالعذاب وتقطع أرزاقي
البرق لج المشعف زود أشعافه
وأنا مشعف غرامك وأنت بر اقي

نــجــم

20-04-2011, 11:47 PM

مركب الاوهام
أعـيونـي عـلى سهـر أخـر الليل حـدتني
تولـع بها سهـر الليـالي وظـريت به
هـمـومـي على الرقـده من النوم جزتني
وقـلبي هـواجـيسه مع الهـم لعبـتبه
ولا حـركـت دقات قـلـــــبي تــشاوتـني
وغـنا لها الشـيطان صـوت تلا حــتبه
عـلى مـركـب الأوهـام والهـــم شالـتني
وعـلى سـيف بحـر الياس ركـت ورستبه
ولا صـورت خــلي عـلى طـــــيف نبــتني
وإلا قـمت ماغـير الخــيال اتلفـتبه
ألا يـا ولـيفي صـيطــرتـكـــم تـولتني
كـتـب حـبكـم بالقـلب وموضـح كـتبه
أشـهـد عـلى حـبك أمـلـوك عـــلى متني
ويشـهــد ضـمـيري مـن ونـين تنهتبه
أراعـــيك مـن ذكــرا وذكـرك يوقــتني
ولو غـاب ذكـرك ويش عـاد أتقـوت به
أنا لا بغـيـت أســـج عـن صـورتك جـتني
مـع الطـيف وإلا عـلمك الناس ماجبته
عـليك الضـمـير أمـهايـم وأنتها حـتني
هـبـوب الشـمال من المعاليـق هبتبه

نــجــم

20-04-2011, 11:48 PM

قلاده
يا ابن جاسر لا تقول الوقت جاني منه خيفه
وأنته احصان طويل احبال من حصن بتوعه
مركز الرجال ماهو في معاش وفي وظيفه
مركز الرجال عند اللي يحبه من ربوعه
الفتى لشتدت الأزمة بدنياه الكليفه
ينحر اللي ينفع المضيوم لا جاته فزوعه
الزحول اللي يشلون الثقيله والخفيفه
عندهم لا ينكنا خوفه ولا ينغط جوعه
الرجال الساميه مثل الضلاعين المنيفه
كل ماترقاه تلقى مايسرك في فروعه
وأنت من غيرك عرب حدتهم الدنيا المحيفه
ولا يزال الأمل قدم عيونهم مطفي شموعه
أحد يفرشله من الدوباج وأحد له قطيفه
وآحد نزمه على صم الحصاة براس كوعه
وأنت من روس النشاوى منت من قوم ضعيفه
مثل نجم مع مصابيح النجوم أبرز طلوعه
وأنت من برود لا وادي مسره للجحيفه
في عيال كليب درعك يوم كل له دروعه
استحلوا نصف بيشة والقبايل في نصيفه
تحت وسم (قلاده)(ومغزل)(وخذعه)(ومهزوعه)
أرض بالمقسوم ماحد قد خذا كيفه بسيفه
كود امام المسلمين اللي نصر ربي جموعه

نــجــم

20-04-2011, 11:48 PM

غيبوبة أحلام
ياوجودي وجد من لاعته فرقا الضحا
كل ما أذكر دمعة الحزن في عين الخجول
ما فلج قلبي يكود المحبه والسحا
والقلوب اللي تكلم وتخفي ماتقول
يالطيف الروح حبك بقلبي ما انمحا
لو يزيلن الجبال الرواسي مايزول
لا بغيت أسج قلبي بطاريك أنتحا
وكل ماجينا بننهي قضيتنا تطول
أدرك الموضوع حد الشعر فوق اللحا
لا يجي حملٍِ ينوخ ثقيلات الحمول
من دخل غيبوبة أحلام حبك ما صحا
كثر خيري كاني منك مارحت أمهبول

نــجــم

20-04-2011, 11:48 PM

عزومي
يا ثقلي ويامقوا عزومي وياصبري
أجامل على جرحي وأنا أشوف دكتوره
تزود عذابي وكل شين على خبري
لا شين تغير لا طبيعه ولا صوره
جبرني غرامك بالطيف الحشاء جبري
على الموقف اللي فيه الانظار محصوره
لا رحت منكم كني أحدا على قبري
ولا جيتكم ودي بالأحوال مستوره
متى يعلن أجهاد المحبه سبا هبري
وترفع مساجين الهوى بيرق الثوره

نــجــم

20-04-2011, 11:48 PM

سرب نفاثه
في الناس شعثان روس ورأسي أشعثها
خص ليا من قلبي عين عين أغلاثه
عكش لامنه نوى بالموت يبعثها
بالجوف كنه يخجه سرب نفاثه
يالي كسوري من أجلك لا توعثها
تراه ماينفع الموفي تعباثه
يكفيك نار على كبدي مورثها
لا اموت يمكن تجي لعيالي وراثه
عن اعتداياتك إلي كنت تمكثها
وسط الضماير تقول خطوط حراثه
مامرني في حياتي من كوارثها
ماعادلت من فراقك خوط كراثه
كم لي وأنا أرد نفسي من تعلثها
من خوفة يرخص الغالي تعلاثه
أعياد ربي اثنين وانت ثالثها
نهار افاجيك كني داخل غاثه

نــجــم

20-04-2011, 11:48 PM

تعليم الكبار
يافقيه المحو الامي لتعليم الكبار
ليش حنا والهوى والنفوس مطارده
والقلوب اللي تحاور وتبطي بالحوار
والنتيجه واقع الخطر المتوارده
ياجميله كان به للهوى رد اعتبار
عاود يلي يارقبة المهاة الشارده
مايجي في الكبد لذع يشابه لذع نار
كود من فتنة شياطين الانس المارده
المخاطب بالنظر يافتاة الاختصار
تعتبر في عالم العشق ميزه نادره
والتبسم بالنواعس وعزال الفقار
والله ماخلت على الارض كبد بارده

نــجــم

20-04-2011, 11:48 PM

بدع
يأهل القصيد مراسلين الجرايد
تكفون صونوا كلمة الشعر تكفون
خلوه يلقا من وراها فوايد
فيدوا وخلوا غيركم يستفيدون
لا تعرضون أنفوسكم للنقايد
الرابح اللي من غثا الناس مصيون
إليا بغيتوا نادرات القصايد
صيتوا لشعار الأدب وش يقولون
أهل الأدب والتجربه والركايد
أمثل مرشد والعطاوي وبن عون
أفكارهم ماتنتج إلا فرايد
تقول بصدور الأوادم يويقون
وقلته وأنا عنهم أبعيد ونايد
ولا نيب قايلها على شان يوحون
ولا نيب راجي من وراها فوايد
لا كن رجل يخفي النور ملعون

نــجــم

20-04-2011, 11:49 PM

الجميحي
يازيـن الجـمـيحـي لاسـرا والعـباد أخـفوت
يـبـي لازم مـتغانمـه قـبل لا يفـوتـه
لا مـنه أنعـس الـسالي وسجـوا هـل البيلوت
وقـم يتمخـلص تحـت رجلك تقـول حـوته
يقـوس مـع الهـويات كـنك تشـــوته شـــوت
يشـادي المــظلي لانـزل فــي براشوته
حـماره تحـت نــور القـــمر كـنه الياقوت
يـداوي القلوب اللي من الحزن منحوته
لادقــت هـواجـيس المعـنا وجــر الصــــوت
يعــد النجــوم المرقـبه فـوق كبوته
وخــوة صـديـق مخــلص معـــك حـتى المـوت
ماهــوب إيتســمع هــرجة فيك مشموته
يــداري عـلى سمعـتك مـن هـرجة الســربوت
وخــطاياك عـنده داخل البحـر مزتوته
يعــرف الذي يخـطـر بـقلبك لو كـان اسكوت
ولا مـنه غـنا ينجــلي الهـم من صوته

نــجــم

20-04-2011, 11:49 PM

الأزمات
الشـدايد يا جـميله بالأزمـات اخــتبار
ينعـرف فـيها الضـلال الطـويل من القصـير
كـل ما أذكر حالتك بين غـار وبين نـار
راحـت الدنـيا بعـيـني عـبـوس قــمطـرير
تـحسـبن حـبك مـحاه التشــدد والحـصار
التشـدد فـي المحـبه هـو الشـر الشــرير
شغـلهـم ضـدي وضـدك يعـمـر لك وقـــار
فـي ضـمير ما سـكن فـيه قـدامك عــشــير
زارع لك بـخـشـة من الزرار إلى الزرار
نبتها بالمسـك والعــود الأزرق والعــبير
شـد حـيلك لا يصـيبك فـشـل وإلا إنهـيار
لا تصـغـر قـيمـتك وانت فـي عـيني كــبير
لذة صـبار الهــوا مـثل لـذة الانـتصار
لا تصـدق مـن يقـول الحـسـد مافـيه خــير
لا تغـيرت ماجـرا مـن قـنا مـثلك يـغار
كـل شـي ينشـــفا فـيه مـيصـاله عــسـير
الذهــب دونـه حـراسه وبــيبان أكـبار
والـدرر مـن دونـها هـيبة البحـر الغزير
غـير لا تـيس وتكـتب عـلى نفسـك قــرار
يدفـعـك سـوء التصــرف إلـى باس المصـير
لولا شـحـي فـيك جـيتك أجهار من النهار
غـير ما يصـلـــح مـقـام بـلا رأي بـصـير
فـرصـتي ويـقت حــرار عـلى ماكـر حرار
مايعــود فالمـحــل الربـيب إلا البعــير
والله أن أمــوت ماجـاك من عـندي بوار
خـل فـي قـلبك ثقه والثـقه كنـز الضـمير
خـذ كـلام اللي يحـطلك بعــين الاعـتبار
واحــد مالك بـقـلبه ولا عـــقله خــشـير
والمحــبه مـدرسة شـي ثـبوت وشـي فرار
وأنت درسـي مـع أهـل الحـب الأول والأخـير