ديوان الشاعر بدر الصبيحي الخالدي

[نــجــم]

الذيب


البارحة والجـوع مـس الذيـب يـوم انـه يعـوي
عـلـى سـنــام طـويــق والـقـمـرا وراه بليـتـهـا


آخايـلـه، واقــول واعـــزي لـحـالـك يـالـقـوي
ياللـي تنقـا فـي سـمـان الفـطـح لا مــن جيتـهـا


وياللي باساميـك ايتقلدهـا الخـوي امـع الخـوي
والـعـرب تبـديـك التحـايـا وانــت مــا حييتـهـا


واسمك على النخـوه يعـد وكـل روس تنشـوي
والـوجـبـه الـحـيـة تعـشـاهـا وتـتــرك مـيـتـهـا


الجـوع لـو يدفعـك للمـوت الذحـاح المسـتـوي
حشمـة نفسـك عـن عـظـام الحـرجـه وخليتـهـا


ودامـك طليـق مـا قهـرك المعتـدي والمهـتـوي
واخطـاك مـن دون المغـازي مـا بعـد سجيتـهـا


يالذيب يا ذيب الخلا اللي ليلـك يـروح سـروي
مــا بـيـن مـرحــان الـشـواويـه لـيــا عسيـتـهـا


يا موجل قلب حضـري يـا موجـل قلـب بـدوي
يالـلـي تـحـشـم خـــوة الرجـلـيـه ان خاويـتـهـا


عامر خوي الذيب في عصر الفوات المنطوي
قصتـه فـأذهـان الـعـرب والـيـا طــرت لبيتـهـا


نحـر ذلـول مــن وصايفـهـا شحمـهـا مـرتـوي
لعيـون خـوتـك الفـريـده والبـقـاء فــي صيتـهـا


يـاذيــب يكـويـنـي قنـيـبـك لا توحـيـتـه كـــوي
علـى غشـاش الكـبـد والخـطـوه عـمـد رديتـهـا


مدري غباء مدري ذكاء مدري تسرع فوضوي
لكـن خطواتـي علـى الهيبـه مـا قـدم ضريتـهـا


ياذيب عزك في زمان السيـف مـن قبـل يهـوي
وقـبــل زمـــان العـولـمـة لـلـنـاس واتيكـيـتـهـا


وقبـل يغيـب المنطـق الحسـى ويبقـا المعـنـوي
والـغـيـره تـــوزع تجمـعـهـا عـلــى تشتـيـتـهـا


وقـبـل النـوايـا المستقيـمـة مــا تـلـف وتلـتـوي
والنـاس تمشـي فـي تعاملـهـا حـسـب توقيتـهـا


ياذيب مدري كيف ابا اوصف حالتك يالمنزوي
والهاشمـيـه فــي طـــرف عـيـنـي ولا دنيـتـهـا


لا جيـت ابرثـي حالتـك ضـاع الكـلام اللغـوي
والـمـفـردات الـلــي تجمـلـنـي لــيــا عـديـتـهـا


والهاجـس اللـي كـل مـا فليـت حويـه ينـحـوي
وافـكـاري الـلـي تتـعـب الخـافـق لـيـا هليـتـهـا


واخـاف لا تكمـل ويلـحـاك النـزيـف الـدمـوي
وابقـى علـى قـول المـثـل خميتـهـا واخطيتـهـا


ياذيب واقنـب خـل صوتـك يـدوي العالـم دوي
مــا دام خانـتـك الـظـروف الله يـخـرب بيـتـهـا

[نــجــم]

حتى الثرى طبعه يوادع.ربيعه


مـن عـادتـي اكــره وداع وتـواديـع
من شان ما أضيـق صـدورً وسيعـه
طبعي كذا وان طاوع الوقت ماطيع
ماأطـيـع لـوهــو سـنــةً بالشـريـعـه
مابـه شبيـهً للـمـوادع ســوا اللبـيـع
ومــن باعـلـه غـالـي لــزومً نبيـعـه
ياكيف ترضا ذا القلـوب المناصيـع
بـمـوادع الغالـيـن لـجــل القطـيـعـه
كـــلً ونـفـسـه تـدفـعــه لـلـتـواديـع
حتـى الثـرى طبعـه يـوادع ربيـعـه

[نــجــم]

الذواري ماتذري والهبوب تهبّها


الله اللـي ساقـنـي يــم الــدروب القاسـيـات
والــدروب القـاسـيـات الـكـايـدات احـبّـهـا
مثـل حبـي للهنـوف اللـي تغشـى باالعبـات
الهـنـوف الـلــي يزيـنـهـا غـظــاظ حلـبّـهـا
والدروب اللي خطرها فايقً فـوق النجـات
اتمخـطـر وسطـهـا والـيــوم مـحــدً طـبـهـا
واتخطرا فوق في عال الطوال الشامخـات
حيـثـه انـــه مـركـزًلـي والـطـمـان اكـبّـهـا
وحيثـي انـي مـن رجـالً يعتلـون العالـيـات
ربـعــي الـلــي فالمـثـايـل دايـــمً تـظـربّـهـا
ربعي اللي لاتلوو فـي ظهـور المسرجـات
فرّقو جمـع الجيـوش المرزمـه مـع صبّهـا
هذي هي فعول ربعي ماضيات وحاظرات
والـسـنـيـن الـمـقـبـلات مـوكّـديــنً طـبّـهــا
ايـه حـنـا والله اقــوى والليـالـي خاشـعـات
ايــــه حــنــا لانـويـنــا مـاتـركـنـا حـبّــهــا
والله انـه مايصبـر خاطـر السبـع السـكـات
والـــذواري مـاتــذري والـهـبـوب تـهـبّـهـا
والنجاه اصعب نجاه من العيون الناعسـات
هـي عـذاب العاشـق اللـي خطوتـه ماتبّـهـا
وهي عذابي يوم اشوف ان الليالي ساريات
مـاجــداي الا الـحـصـاه اشيـلـهـا واذبّــهــا
حيلة اللي فالـدروب العـوج مالـه ذكريـات
واهنـي الـلـي دخلـهـا واحتـكـم فــي غبّـهـا
واهـنـيـه واهـنـيــه فـالـلـيـال الـخـاشـعـات
يـوم يسـري مـع هـواه ونـار شوقـه شبّـهـا

[نــجــم]

الــــزي بئه


ياوحـيـد امــك وابــوك الـيــوم لاتـســرف بـحـالـي
وانــت قلـبـي حـطـلـك فـــي داخـلــه احـلــى فـئــه
غالـيٍ فـي وسـط غالـي ضـمّ الـه فالـجـوف غـالـي
كـــان تـفـهـم فأفـهـمـه وانـكــان تــقــراء فـأقـرائــه
مـاحـصـل مـنــي قـصــورٍ فـالـدقـاق وفـالـجـلالـي
كـــان مـيــدك قـلــب خـلــك قـلــبٍ آخـــر نـنـشــأه
ينخـلـق غـيـره عـشـانـك وانـــت تـامــر يـاحـلالـي
بس مأبغا ... كيف ...؟ ولا اشلون...؟ ولا الزي بئه
انــت تــدري لـجـل عيـنـك معـتـلٍ فــوق الطـوالـي
ماصـعـب يـسـهـل ولـجـلـك واحـــدٍ يـصـبـح مـئــه
بـــس لاتـســرف ودار الـنـفـس يـاغـايــت مـنـالــي
كـــان تـبـغــا الــحــب يـكـمــل مـايـقـسّـم تـجـزئــه
خـلــنــا نـبــقــا حـبــايــب والـمـحـبــه لاتـــزالـــي
وخـلـنـا نـنـضـم فــــي تــاريــخ رجــــلٍ واِمــــرأه
وخـلـنـا نـبـقــا حـبـايــب مــثــل هــذيــك الـلـيـالـي
الـصـبـح نـبـديـه فــرحــه والـمـســاء لــــه تـهـنـئـه

[نــجــم]

نانسي عجرم وعتاب


عاميـن صابـر ماصبـر صبـري عظيميـن الجنـاب
سـاهـر ليـالـي كـنـي مـعـامـل مـــروج كبـتـجـون
لــو أنـهـا عـلـة فـتــون انـكــان اوكـلـهـا رحـــاب
لكـنـهـا عـلــة رحـــاب وكـيــف اوكـلـهـا فــتــون
اخفي سراديب العلل وآطى الخطى لجل الصواب
والمشكـلـه لامنّـهـا كـبـرة عـلـى خـبــري تـهــون
والمـاء طهـوراً عقّـم الماعـون مـن شــر الــدواب
اللـي ربـص عاميـن ماطهّـر علـى بطـن المـعـون
وانـا لــو أنــي نــاويٍ تفـريـق مركـمْـة السـحـاب
مـاهـي صعيـبـه نفـثـتٍ تجـلـي مراكـيـم الـمــزون
القـول عـنـدي فـعـل ولا الغـيـر قـولـه كالـسـراب
يعنـي كــلام اللـيـل يخفـيـه النـهـار اعــن العـيـون
يأبـو فـهـد والـحـظ لايعـطـي ولا يـخـرج نـصـاب
ازريـت ادف الحـظ دام الحـظ مـن دونٍ فــي دون
حـظـي كـمـا رجــلٍ سـقـيـمً مايحسّـبـلـه حـســاب
زار المـطـوع بــس مـافـاده صـعـوط ولا دهــون
الحـظ شـيـن وتـالـي الدنـيـا عـلـى بـطـن الـتـراب
ولاعـــاد يـنـفـع لانـبـيـه ولا مـسـكّــرة الــذهــون
وحظـوظ خلـق الله بهـا فـرقٍ عـن الحـظ الخـراب
فراق السما عن قاع الارضي واحسبو يالحاسبون
(منهـو يشبـه نانسـي عجـرم علـى كشـرة عـتـاب)
الـفـرق واضــح وانـتـم الـلـي تـقـدرون تـفـرّقـون
حظي كذا.... قرّب عتاب وصـار بابيـنٍ فـي بـاب
واحظـوظ خلـق الله لأبـن عجـرم وانـا كنـي امــون
مــع ذالــك التعقـيـد سـوّيـت الــذي لـــذا وطـــاب
ماهمّـنـي حـــظٍ نـسـانـي بـــس نـفـسـي مـاتـهـون
(اطـرب حياتـك واجحـد همومـك عساهـا للذهـاب
ذي حكمةٍ فـي وسـط جوفـي قبـل اغنّـي باللحـون
وش عــاد اجــل كـمّـن مكاتـيـبً تقلّـدهـا الـرقـاب
مــن خـــط يـــدّي والـقــلاده ماتقـلّـدهـا الـحـنـون
اللـي رقـيـقٍ ملمـسـه والـيـا عـشـق يـنـو الـعـذاب
لاشــك فيـهـم نــوع يلـبـس والـبـشـر مـايـدركـون
وانـا قصـدت اهـل الدقـون اللـي حليقيـن الشـنـاب
وانـا قصـدت اهـل الشنـاب اللـي حليقيـن الـدقـون
القصـد واضــح والنـوايـا تختـلـف والعـلـم طــاب
والليـل يسـري والعنـا مـن يمّـة اخطـات المـكـون
الـلـي كفـوفـه لاعدمـتـه زاهــيً فـيـهـا الـخـظـاب
اشوفهـا عشـريـن لــونٍ كـامـنٍ فــي وســط لــون
بــس الـبـلا حـظـي كـبـر عامـيـن مابـيّـن خـطـاب
مــالـــه دواً بــيّـــن ولا بـمـفـسّـريـن يــفــسّــرون
الشكـوى لله مـن عنـاي وياسـهـل نـفـث السـحـاب
لـكــن انـــا بـطـنـش الـدنـيـا عــلــى مـاتـشـهـدون

[نــجــم]

ياليل المجاعه


غبـت ياللـي مـاخـذً قلـبـي وداعــه
حافظـك ربـي عسـا ايامـك سعيـده
ان لفيت.... القلب يكشفلك شراعه
وان غفلت العمر وين القـى حفيـده
طالبك طلبت خصيمـن فـي نزاعـه
يــوم نـاظـر مالـقـى منـهـو سنـيـده
واعتـزا يبغـى مواقـيـف الجمـاعـه
واخذلـوه ولا لقـى منـهـو عضـيـده
مـالـه الا طـلـبـتً تـجـلـب قـنـاعـه
والحـديـده تكـسـر قـفـول الحـديـده
طلبتي لك ياحبيبي شوف... ساعـه
كـان مالـك رجعـةً والـدرب سـيـده
ان تركـتـك قـلـت يالـيـل المجـاعـه
قمـت ارددهـا علـى سـلـم العقـيـده
وان نخيتك خابرك تهوى الطماعـه
تـهـتـوي تـرديــد طـلـبـاتً وكـيــده
حالف ان القـول مايصبـح بضاعـه
فـي يدينـك وانـت جـلاب المكـيـده
المصـيـبـه بـنــت عـــمً للـبـشـاعـه
والبشـاعـه بـنــت خـــالً للـشـديـده
والشديـده عـمـتً لــي بالرضـاعـه
يعنـي القاصـي مــع الـدانـي نبـيـده
صرت مـن سبّتـك معـدوم المناعـه
كــل مــن قـفـى طلبـتـه واستعـيـده
مذكـر انّـك قلتلـي سمـعـاً وطـاعـه
وانت عمري فدوتً لـك لـو تريـده
كيـف تجزيـنـي بنـكـران وقطـاعـه
والحـيـا فالـقـاع قــد بـيّـن مـزيــده
ياحبيبـي شـوف راع الحـب راعـه
والله ان الـحــب مـاغـيـرك يـفـيـده
وانت تحّدَاني على شوف الفضاعه
كيـف ترضـى والعـواذل مستفـيـده
والله انـي ماعـرفـت الا الشجـاعـه
ومن عرفتك صـارت الدنيـا جديـده
طـالـبــك بالله تـودعـبــي قـنــاعــه
يــاتــفــك الــقــيــد ولا يـاتـعــيــده
لا تحسّفـنـي عـلـى قـلـبً وداعـــه
فـي يدينـك وانــت تفـعـل ماتـريـده

[نــجــم]

ربعي بني خالد


ربعي بني خالد هـل الأفعـال فـي وقـتٍ مضـا
يوم السيوف الحدب تروى من عنـاق المعتـدي
يوم الملاقى والشجيـع اللـي مـن فعولـه رضـا
ربـعـي رضــو بافعالـهـم ياغايـتـي يامسـعَـدي
تاريخنـا يشهـد وعـمـر الـوقـت تــوه مانقـضـا
افعالـنـا فـــي قـلــب تـريــخٍ يـغـيـب ويـبـتـدي
وحاضر زمنا حايزين اللي صعب لاهل النضا
يفـخـر برفقتـنـا قـريـب الـعـرق ولا المبـعـدي
تفاخـروا يعيـال عمـي والفضـا لاهــل الفـضـا
مـدام ماضيكـم وحاضركـم مـثـل نــو الـجـدي
نبـغـا بــرادك ياهـبـوب الـنـود بــردٍ مـرتـضـا
وان جزعة النـاس البعيـدة يالهبايب..!فاركـدي
عدواننـا وقلوبهـم تصلـى علـى جـمـر الغـضـا
ياحـي تاريـخٍ يغيـض قـلـوب مــن لا يسـعـدي

[نــجــم]

الدروب القاسيات


الله الـلـي ساقـنـي يــم الــدروب القاسـيـات
والـــدروب الـقـاسـيـات الكايـدات..احـبّـهـا
الدروب اللـي خطرهـا فايـقٍ فـوق النجـات
آتمـخـطـر وسطهـا..والـيـوم مـحــدٍ طـبـهـا
آتخطرا فوق فـي عـال الطـوال الشامخـات
حيثـه انـه مـركـزٍ لــي .. والطـمـان اكبّـهـا
وحيثـي انـي مـن رجـالٍ يعتلـون العالـيـات
ربعـي اللـي فالمثايـل دايـمـاً تـضـرب بـهـا
ربعي اللي لاتلـوو فـي ظهـور المسرجـات
فرّقـو جمـع الجيـوش المرزمـه مـع صبّهـا
هذي هيّ فعور ربعي ماضيات وحاضرات
والـسـنـيـن الـمـقـبـلات مـوكّـديــنٍ طـبّــهــا
ايـه حـنـا .. والله اقوىوالليـالـي خاشـعـات
ايــــه حــنــا لانـويـنــا مـاتـركـنــا حـبّــهــا
والله انه مايصبر خاطـر "السبّـع" السكـات
الــــذواري مــاتــذري والـهـبــوب تـهـبّـهـا
والنجاة.. أصعب نجاه من العيون الناعسات
هـي عـذاب العاشـق اللـي خطـوتـه ماتبّـهـا
هي عذاب يوم اشـوف ان الليالـي ساريـات
مـاجــداي الا الـحـصـاه اشـيـلـهـا واذبّــهــا
حيلة اللـي فالـدروب العـوج مالـه ذكريـات
وآهنـيّ الـلـي دخلـهـا واحتـكـم فــي غبّـهـا
واهـنـيـه واهـنـيـه فالـلـيـالـي الـخـاشـعـات
يـوم يسـري مـع هـواه ونـار شـوقـه شبّـهـا

[نــجــم]

الدلـه اللـي غيثـهـا بالفناجـيـل


الــدلــه الــلـــي غـيـثـهــا بالـفـنـاجـيـل
تشـوقـنـي شــــوق الـظـنـيـن لظـنـيـنـه
فنـجـالـهـا لاســيــق وبـهـارهــا هــيــل
شرابـهـا يـعــزم عـــزوم(ن) ضمـيـنـه
إلـيــا عـــزم لـطـويـق مـــارده الـلـيــل
يـخــايــل الـقــمــه وبــاســـه يـعـيــنــه
كـنـه يـشــوف الـقـمـه بـعـيـن دربـيــل
وعزمـه عـلـى المـرقـا مــلا راحتيـنـه
يـحــرم عــلــي فنـجـالـهـا يـاريـاجـيـل
أن كـان مــا اذهـلـت العـقـول الذهيـنـه
بتركـيـبـت الـفـكـره وبـــدع التـمـاثـيـل
ونـزف الهجـوس اللـي حبالـه رصينـه
وبالخـافـق الـلـي تبـتـرم بــه محاحـيـل
الـلـي يـعـزم الـمــوت سـاعــة حنـيـنـه
ولاحـن للعلـيـا فــي امــوري تساهـيـل
تـبـرى الـنـفـوس البـايـسـات الحـزيـنـه
وفي الماقـف الغصـاب ياحـط يـا شيـل
وكـلــن يـدســم شـاربــه مـــن يـمـيـنـه
جمـلـنـي الله كــــل مـاسـالـلـي ســيــل
فـي ناظـر الـلـي مــن ضـمـا مرتويـنـه
ماجيت من ديرت هـل السيـف والخيـل
مـن دار اخــو نــوره زبــون السميـنـه
الا وانـا عينـي عـلـى الـجـدي وسهـيـل
والـطـايـلـه تـبـقــى لـمـثـلـي رهـيــنــه
وان كانـهـا كـبــر الـفـضـا والمـخـايـيل
مـايـظـهـر الــرجــال كــــود بـيـديـنــه
أبـرك واشيـل حمـول موجـان وشعيـل
وأقــوم قـومـت مــن جـفـتـه السكـيـنـه
وان عـودت وقفـه وصـكـت حلاحـيـل
لـي لابـت(ن) مـجـد الـعـرب وارثيـنـه
ربـعـي بـنـي خـالـد ســوات الهمـالـيـل
وقفـاتـهـم تــحــي الــعــروق الـدفـيـنـه
وأمجـادهـم تشـفـي الـكـبـود المغـالـيـل
بـيـض الحـبـاري بـالـحـدب محتمـيـنـه
فالـشـعـر أمثـلـهـم وأشـــب الـقـنـاديـل
فـــي شـاعــر المـلـيـون يامشـاهـديـنـه
وفي الشعر قسمي من خيار المحاصيل
أبــهـــج وأداري خــطـــر مـدوريــنــه
أتـرك خـيـال(ن) فــي يـديـه المحابـيـل
يـشـبـك ويــمــلأ بالـمـعـانـي خـزيـنــه
وأسبح واغيص بحـور وأصـب وأكيـل
أســعــى وأنـقـيـلـي نـــــوادر ثـمـيـنــه
نــــوادر(ن) لاعــرضــت لـلـدوالـيــل
تجـذب كـمـا نـجـر(ن) يـجـذاب دنيـنـه
مـن شـان تبقـى فــي الليـالـي المقابـيـل
رمـز(ن) تذريـه الحـصـون الحصيـنـه
والشاعـر الـلـي يـمـت البـيـرق يخـيـل
يقـرط علـى الشفـه عقـب صــر عيـنـه
يبـغـاه لـكـن دون شـلـف(ن) مصـاقـيـل
مــن برمـجـت الأفـكــار بـيـنـه وبـيـنـه
وأن مالـقـى بـيـن الحـواجـز مـداخـيـل
مالله قــســم يــرقــى مــــع مسلـمـيـنـه
وأن قـالـهـا الله يـاجـمــوع المـشـاكـيـل
لأرســي مــع الامــواج مـثـل السفيـنـه

[نــجــم]

همومي علي ملتمة


غـنـيـت وهـمـومـي عــلــي مـلـتـمـه
وهـمــوم خـلــق الله مـعــي منـظّـمـه
ازعـج بصوتـي لجـل يـبـرد جـاشـي
لــو إن جـاشـي مسـتـوي مــن هـمـه
ما دامني شاعر ، معتلي(ن) لي منبر
ياجـب علـي انـظـق بـصـوت الامــه
إمـــا غـنــات الـذيــب ، والا فـقــره
مــوت الـفـؤاد ، ولا مـمـات الـذمــه
إنـمــوت حـنــا روسـنــا مـرفـوعــه
خــيــر مــــن نـحـيــا بـلـيــا هــمـــه
حنا عـرب ، والاصـل موطـن واحـد
بـس الصحيـح ان كـل قلـب بيـمـه .!
اكبـر دلـيـل ان كــم شـعـب(ن) فيـنـا
اكـبــر حـقـوقـه ، كـارثــه ومـطـمـه
الاولــه : شـعـب الـحـجـاره يـنــزف
دمـــه ولابـــه مـــن يــوقــف دمــــه
شـعــب(ن) حـيـاتـه كـنـهــا مـرثـيــه
قصيدة(ن) من شاعـر(ن) يرثـي امـه
والـثـانــيــه : لــبــنــان يـانــاشــدهــا
عـن حالهـا ، مـن حالـهـا .. منطـمـه
الـيــوم بـاتــت مـــا علـيـهـا رّيــــس
والله وكـيــل الـغــد ويــــش يـطـمــه
وبغـداد .. ثـالـث نكـبـت(ن) منكـوبـه
مـــن الـمـجـازر مـمـسـيـه مـنـسـمـه
كنهـا حـلايـا وجــه طـفـل(ن) يبـكـي
مضيـوم ، ومجّـوع ولاحـد(ن) ظمـه
سـكّــانــهــا شـــايــــش ويـنــخــانــا
ويـطــر جـيـبـع عـقــب ذب الـعّـمــه
أوضـــاع لـــو نشـوفـهـا بالـمـجـهـر
مـا يضـمـن الــرّواي ..يــرد الجّـمـه
كـم مـن عيـون(ن) غـارقـه حاجبـهـا
مـا فيـه مـن مــش الـدمـوع ، بكـمـه
ستـيـن عــام(ن) ، والقـمـم مـعـقـودة
لـكــن ويـــش الـفـايــده بـالـقـمـه ..!
تـكـفــون يــــا قـاداتــنــا وأحـيــونــا
نـفـوسـكــم بـأمـثـالـكـم .. مــنــزمــه
نبغـى السـلام يـعـم شـعـب المـوطـن
وتـــرز رايــتــه ، وعــقــب نـتـمــه
بـقــول قـولــي ، وايـتـقـول قــولــي
مانـيـب مــن قــول الـصـداه ، بفـمـه
العـرب جـرح(ن) والخياطـه الـقـاده
ويــا كـبـر فتـكـه صعـيـب(ن) لّـمــه
واليـا التحـم .. يصعـب لغيـره فتـكـه
هــذا كــلام الـلـي عــوى مــن هـمـه

[نــجــم]

مجلس من دون كيف العرب كيف تروقة


مجلسن من دون كيف العرب كيف أروقه
لــو معازيـبـه عـيـال الـقـايـد السلـطـانـي
أأأأح يــا وجــداه يالمحمـوسـه المدقـوقـه
تـو جيبـت مـن ورى حـد اليمـن بقطـانـي
مضمـدة راس العربـي لا وجعتـه فلـوقـه
ريحها من قبـل صبتهـا هـوى الضرمانـي
وان شرب فنجالهـا ضرمـن فتـح غالوقـه
وقـام كـنـه مــن سـرايـا هتـلـر الالمـانـي
للعـرب تنسـب وترمـز للكـرم وطـروقـه
قدرهـا قـبـل الشـحـم والـعـود للضيفـانـي
وكل بيـت بـلا قهوتـن ناقصـن فـي ذوقـه
كـنـه الــي صــك بيبـانـه بـوجـه العـانـي

[هوى روحي]

سسلمت يمناك ع روعة طرحك ..

الله يعطيك العـــــآفية ..
تقديري ,,


:m-64:

[نــجــم]

يسعدني ويشرفني مرورك العطر

تقديري لكـ

[دانــه]

صح لسان الشاعر ولاهنت يانجم ع الديووان الرااائع
يعطيك العافيه ...

[نــجــم]

يسعدني ويشرفني مرورك العطر

تقديري لكـ

[يارا العامرية]

صح لسسسآنه .. ولآهنت نجم ع ايرادك ..
تقديري ,,

[نــجــم]

يسعدني ويشرفني مرورك العطر

تقديري لكـ

[عنود الريم]

يعطيك ربي العافيه

[دانــه]

صح لسان الشاعر ولاهنت يانجم ع أيراد الديوان الرااائع
يعطيك العافيه .. . :m-49:

[منادي]

صح لسان الشاعر بدر الصبيحي
اشكرك يانجم على الديوان الرائع
الله يعطيك 1000 عافيه
و
تحية اعجاب لمن يستحق الاعجاب
منادي

[نــجــم]

صح لسان الشاعر بدر الصبيحي
اشكرك يانجم على الديوان الرائع
الله يعطيك 1000 عافيه
و
تحية اعجاب لمن يستحق الاعجاب
منادي
يسعدني ويشرفني مرورك العطر

تقديري لكـ

[نــجــم]

يعطيك ربي العافيه
يسعدني ويشرفني مرورك العطر

تقديري لكـ

[نــجــم]

صح لسان الشاعر ولاهنت يانجم ع أيراد الديوان الرااائع

يعطيك العافيه .. . :m-49:

يسعدني ويشرفني مرورك العطر

تقديري لكـ

[صعبة المنال]

نجم
أج ــمل وأرق باقات ورودى
لموضوعك الجميل وطرحك الرائع
صح لسان الشاعر وتسلم يمينك
كل الود والتقدير
دمت برضى من الرح ــمن
لك خالص احترامي وتقديري

[نــجــم]

يسعدني ويشرفني مرورك العطر

تقديري لكـ

[العنيــــدهـ]

لاهنت ع الاختيار الرائع
يعطيك العافيه
!..❥

[نــجــم]

يسعدني ويشرفني مرورك العطر

تقديري لكـ

[سلطانة]

http://www.halauae.com/uploads/images/alsaher-3814931317.gif

[نــجــم]

يسعدني ويشرفني مرورك العطر

تقديري لكـ