ديوآن ملكـ ـآلرومنسيه}"نآيف صقر"

[دانــه]

http://www.aljareeda.com/AlJarida/Resources/ArticlesPictures/2008/08/22/74690_naif-saqer_small.jpg
ܔ ღ.¸نآيف صقر¸.ღ ܔ
هو شآعر سعودي من قبيلة عتيبه ـآلعريقه ومن روق تحديداً
ـإمتآآز شعرهـ بآلجزـآآله ــه وـلإبدآآع رهيف ـآلحس
رومنسي ـآلشآعريه ــه..
ღ
ولمآــآ لشآعريته ـه من رُقي وسمووو كآن له ــه جمهوور
عريق لآيتذق ـإلآ مآيطرحه ـآلنآيف فهو ـآشبع ذـآئقتهم
فـ لله دُر شآعرنآ..

ღ
وهآأنآآ ـآلآن ـآود ـإشبآع ذـآئقتكم
بمآ بين يدي من دُرر لنآيف صقر..
ღ

[دانــه]

الغيما الزرقاء


يقولون الشعر وصل القلم والصفحه الطرقى .:. وانا اقول الشعر قدح الخيال ونار صوانه



حبيبي والبحر سور التراب ودفتر الغرقى .:. لو اني ماكتبتك لامني ملحه ومرجانه



حبيبي لاهمت حبر العروق الغيمه الزرقا .:. على رمل الورق دمي سحاب هل هتانه




حبيبي كل ماذعذع جفاك وناحت الورقى .:. يتل البال قلبي واهدي السجات جنحانه



حبيبي وانت مرقاب الشجون وهاجس المرقى .:. ترى كلٍ يموت الا الوفي بعيون خلانه



حبيبي والجروح اللي سببها ليلة الفرقا .:. ضما يدها الوصال اليا ظما المحروم حرمانه



حبيبي لو يسامحك البحر وتبيحك الغرقى .:. أنا ما اسامحك لو لامني ملحه ومرجانه

[دانــه]

حبيبي لا تعذر ما على صدق الحبيب جدال
رضت عنك العيون وهاك قلب فز بأعشابه

على وعدك تجيني يا حبيبي صاخب الميصال
عليك من اليدين وناسها هرجه وسبابه

هلابك وين ما يشرق نظرك الناعم القتال
هلابك وانثنى غصن الزمان وطار باسرابه

عذاريبك قليلة يا حبيبي كايد العذال
ولكنك بقلب من سكنته حارسك بابه

عيونٍ شافتك عن قرب قرب يهمها تختال
على بعض العيون وكل طير يحب مرقابه

انا اللي سلمك قلبه دلو عشق وغلاك الجال
وتليته بحبل من جفاك وضاق بأسبابه

فداك اللي تبي هاك الجمل والحمل والجمال
جلب تلك السنين وكل سوق وطيب مجلابه

يا الطف من طيوفك في عيونٍ للسهر مدهال
لجني خايفات وكل طيف احلى من ثيابه

احبك كثر ما ينسى زمانه مستريح البال
واحبك كثر ما قلب المسافر حنّ لترابه

شبيه الشمس لو مالك مثل شمس السنين ظلال
ترى كلن يموت الا قصيدٍ يبكي احبابه

وانا ليلي قصايد او قصيدي ليل لا تحتال
هذا بعض الغلا باقصى خفوقي جاك باعشابه

[دانــه]

قصيدة اخر كلام....



من سريتك عرفت إن الظلام خيمة سهيل وديار الجدي
ليلة البرد ما ادفاني الثمام وصلك أنت الدفا ياسيدي




جيت مقبل تهادى والغرام ينتهي في هدبك ويبتدي
عطرك اقبل ونم بك الحمام ياهلا فيك والقاع احمدي


لايمي في مطر تغرك يلام عاذلي فيك للفال الردي
ودي ارقد على ذراعك وأنام وأنت تحكي ويدك في يدي


وان غشاني من أنفاسك غمام أزهر العشب في كل جسدي
وان سقيت الحشا برد السلام ماشكاك الظما غصنٍ ندي


وان ضحك لي هدبك المستهام طاب لي كل قاعٍ جرهدي
القصايد عن وصوفك صيام عذرها إنك جمال سرمدي


وصفك ارضٍ بها خيل الكلام ملت الركض واتعبها العدي
من كتبتك عرفت ان الظلام خيمه سهيل وديار الجدي

[دانــه]

نار وحطب..



نار الحطب صفرا وزفراتها زرق ¤ يذكر بها الأخضر ليالي جفافه


لشموسها شبيت في سدرة الشرق ¤ واطعمتها طلح الشجن والحسافه


لعلي اكتب من لحون الدفا طرق ¤ والا اجمع التمر لمواسم خرافه


والشاعر اللي يجهل النوح والورق ¤ يغيب عن بال التباريح قافه


الشعر انا حادي مجاهيمه الزرق ¤ اللي ترزم لي حنين ولطافه


بيني وبين اللي يغنون به فرق ¤ لاني اشقي به واحبه واخافه


والمزنه اللي شب في قطنها البرق ¤ سالت ونستها الرعود ارتجافه

[دانــه]

وش خطاي الا المحبــه..




ليت لي ذود يدك البيد واحداله لحاله
كان ماوالله علي خلاف في نجد العذيه


جفت اقلام الغرام وطول المحبوب باله
والله اني ماهقيت ان الغضي يقسي عليه




وش خطاي الا المحبه وش رجاي الا وصاله
وش يبي غير الموده والغلا والمقدريه


دللوه اللي ربوه صغير واسرف بي دلاله
ليت لي قلب يطيق الصبر وعيون خليه


والغضي لو لاعه التحنان وبقلبه عداله
ماغذت من دونه القيعان جردٍ جرهديه


وان تشره قايد الغزلان ماله بي جماله
لعنبو من خان خلانه وجنب عن خويه


عن جنوبه والوله والشرق يغنيني شماله
صد ياقلب الجفا لاصد وضاح الثنيه


ماانت ياالخفاق عبد له ولا انت اصغر عياله
انت خفاق الضلوع العوج والخيره خفيه

[دانــه]

يانية النسيان..





يانية النسيان مو تي داخلـي غيـظ و ظمـا
عليك من حبي لها في داخي مو ت وسيـاج

حبيبتي نجمه تغنـت فـي ملامحهـا السمـا
حبيبتي صرخه على الوقت الرمادي واحتجاج

حبيبتي جمله عتب مزمن علـى شفـة عمـا
حبيبتي شوكى غصون الورد لأيام العجـاج

حبيبتي غصن اخضر .. لين على دربي نما
و كسرتني في كفوف الوقت تكسير الزجـاج

لعيونها كل الجروح استعذبت نـزف الدمـا
ولعيونها جفن السهر صارت له الدمعه مزاج

أسترجع الماضي واناديها تعالـي لـى كمـا
غيثٍ يبشر بالحيا سيلـه وسيعـات الفجـاج

والا تعالي لي مثل طيـفٍ تهـادى وارتمـا
داخل عيوني لو يسافر بين رمشي والحجـاج

حتى تعيش الخطوه اللي رافقت درب الظمـا
وانا اجعلك للهامه اللي مانحنت للناس تـاج

[منادي]

صح لسان الشاعر نايف صقر وتسلم يمينك يادانه
الله يعطيك 1000 عافيه
و
تحية اعجاب لمن يستحق الاعجاب
منادي

[دانــه]

قصيدة خيام الندم :



سجد قلبي على رمل الضلوع وهزه التنهيد

وأنا في جوفي خيام الندم والخوف منصوبه


¨¨°¨¨




يارب افهق هلاكي والمنايا والدروب بعيد

مدام المــودماني للتراب تقـوده دروبه


¨¨°¨¨

ياغياث الظوامي والثمام وجـــرهدي البيد

أعذني من جهنم والحشر والــموت وكروبه

¨¨°¨¨

أنا لانيب لا مــشرك ولافاســـق ولاعــربيد

أنا اللي لا عـصا وأخطى تجهم وأقلقه ثوبه

¨¨°¨¨

وأنا اللي يرتجف مثل ارتجاف الخايف الرعديد

ليا شاف القـبور الضــيقات وحــس بذنوبه

¨¨°¨¨

أنا عبدك ولد عبدك وجداني هل التوحـيد

خـطاياي أخجلتني يالله الغفران والــتوبه

¨¨°¨¨

أنا الانسان حمال النقايض والكمد والكيد

غريق الطـيف واللذات من راســه لعرقوبه

¨¨°¨¨

أنا عبدك ياربي وانت تفعل ماتشا وتريد

سألتك يالله العفو العظيم وهــين دروبــه

[دانــه]

رحلة الغفران تفاحه
خلص كل الكلام ولابقي غير القصيد اعتاب
نشف وجه الجراح ولابقي غير السهر راحه


سلاماتٍ تطولك لاتجيني خايفٍ مرتاب
ترى لك وحشه مثل الظلام ان مات مصباحه

ترى لعيوني اكثر من صديق وللخفوق احباب
اشوفك تختصرهم في خفوقي يااول جراحه

على هونك .. ترفق ياشتاي البارد الكاذب
تراها.. قفلتين .. الطعنتين ان قلت ذباحه

بشوفك .. بلمحك .. بتذكرك لاغابو الغياب
وأبا اصرخ من حشاي ورحله الغفران تفاحه

ألا ياكبرها وانتى وانا واثنينا الاغراب
على قلب خساير غيرته في ذمه ارباحه

رهنت لغيبتك ظلٍ نحيل ودمعتين وباب
على قلبي قفلته والوفا همه ومفتاحه

تفضل نعمه النسيان ما ابغي لاابتعدت اصحاب
عطاياك القديمه والجديد الياس وارماحه

بقي طيفٍ باحرسه في عيوني لك عليه اهداب
ولاني حاجبه ياوجهته لاهداك مرواحه

خلص كل الكلام اهديت لك لون الوداع واخضاب
مهر كفٍ دفاها من عذاب مصافحي راحه

[دانــه]

زوايا كياني


ذكراه تشعلها عصافير واجراس
بس المحه فـ .. اجمل زوايا كياني

الغايب اللي كن في عينه نعاس
أخاف اموت من الظما ماسقاني

ياما عصيت انزف على كل قرطاس
وياما الوله لاحباب عيني نعاني

والله ما ابغي من ورا الترف نوماس
أنا القصيد إبليت به وابتلاني

[دانــه]

طلت البندري

طلت البندري مثل النهار الجميل
ياهلا بالعيون السود واجفانها

كنها مهرة شقرا صغيره واصيل
عزوة اخوانها وعيال عمانها

عين حرٍ يهدونه ورمش طويل
من عشقها غدا بدروب سلوانها

ماعليها ولو قالواقصيرة جديل
من بهاها القلوب يهج بيبانها

[دانــه]

وجه الطريق

الموت حظ القلـم والمجـد للدفتـر




.........حبر القلم غلطتي وايامـي اوراقـي




الخوف يجتاحني وجه الطريق أسمر




.........راح اكثر العمر ياخوفي على الباقـي




ياجرح رافقتنـي للنـاس لاتظهـر




.........وان عشت في نظرتي مامت باعماقي




ياصوت لاتلتحف صمتي ولاتصبـر




.........قل ماتبي واترك الهقوه على الهاقي




والخطوه اللي عن آخر سكتي تقصر




.........ماهيب من طبع رجلينـي ولاساقـي




مانيب من عاش لايربح ولا يخسـر




.........ولاهو ضرري تكون أفعالي أخلاقـي




ثراي ماينشد الغيمـه متـى تمطـر




.........مادامها في سماي تحـن لاغراقـي




رح وين ماتشتهي رح قـد ماتقـدر




.........أنا اول الناس في قلبك وانا الباقـي




يكفيني انك تعذبنـي وانـا اتفجـر




.........قصايـدٍ تنتظرهـا كـل عشـاقـي




وانا قصيدي يجي مختارني مهجـر




.........وأنبت عشانه نخل وسنيني الساقـي

[دانــه]

وعل يبرين



تمـرك كـن عاتـقها غـريمك وتخـضع لك عـــين


واعـز رمـوشـها لاعـاودت ترعــاك وتذله




تبـيك تحـس فـيها لارنـت لك ياوعــل يــبرين




ولكنك خـلي والربع الخالي وانت خال له




جــفول لاهـدت يسـلى بها الــديان راع الدين




واذا مالت يميل لها البعيد ويعتدل ظله




تـخاف من خـتول وقــبسة الــبارود والسـكين




وتسلم من عـطيب الرمي والرماي فاطن له




تباري راعــي البـندق وتحــت ضلوعـها قلبين




تحـت صــدرين ضلع من فرار وضلع من ذله




يلاعـبها الحـبل وتلاعــبه بالحــبل والحبلين




محـبتـها((مراجيح الطفل))وفـوادها:دله




يراودها السـدر عـن فـيته ويشــمها النسرين




لو ان العـرق مايـنبت رياحـينه ولا فله




وكـن الطلـح فـي قـرونك تخـشب والشجر قرنين




وليـتك ياوعـل قـرن الهـزيل تعف وتزله

[دانــه]

عنكـ سألوني:
صليت شفعي ولا سجيت عن وتري
ومن الوله فاضت انفاسي على ثيابي

قلت اكتب الحب واقطع حيرتي واسري
الين آصـل الصبح وأشرّف على غيابي

حبيبتي مابعدك أحباب في صدري
واللي قبل لأعرفك خليهم أحبابي

كان المحبه خطاري فتقبلي عذري
الحب سكه لعينك دلت ركـابي

الحب قبلك دجآ وسهآد يـآفجري
لو قبلك أقمآر في ظلمآي وكتابي

أهوآك وأفدآ ليالي رمشك آلخدري
أللي إذا همت في نجلآك حيآبي

وأحن لك ما خفق ريش وسجع قمري
وأشتاقلك ما حزنّت وما ضحك نابي

حبيبتي مالك جروحٍ وأقول إبري
ولا لك دموع في شكوآي وأهدآبي

يامآ دقايق وصآلك طولت عمري
ويآمآ الشتا في يديني من يدك ذابي

عقب الظمآ كنك المآ في عطش ثغري
والفيّه البارده لأخطاي وأتعآبي

عنك إسئلوني دفاقي وأحرثو حبري
وأنا اللي أخفيك بين رضاي وعتآبي

مابي عن الحب حسّآد الهوى تدري
لو كانهم من هلي ولا من أصحآبي

سألت عنك الرياض ورددت حضري
ولدّيـت يم الفياض وقالت أعرابي

قلت أكتبك ونخلي مايلٍ على تمري
وغصوني سجودٍ من تيني وعنابي

حبيبتي ذي تحياتي وذآ شكري
وإقريه موزون من صنعي وهندآبي

[دانــه]

ـآلسيف مآيجرحه حد..




يهز غصن الرجا نسناس
واجمع لك الدمع من خده
مرات احس بتعب وعماس
ويعاود البال من مره
لاباس ياخاطري لاباس
السيف مايجرحه حده
والقلب لولا عليه اقواس
لا فز بعروقه تصده
يمديه لاهزه الهوجاس
يشقق الصدر ويقدة
لصاحب ناعم حساس
اغليه بالحيل واوده
يعونه عيونه النعاس
يبني لي الشوق ويهده
والظبي والليل القرناس
ومانيب كبره ولاقده
ويقول احبك واحس بيأس
ولامر ماهوب في يده
قلت آه يالمطرق المياس
من طاري البعد والصده
يالتي اجمع قلوب الناس
اشباه والضد مع ضده
واحبك بها بدون قياس
لين العمر ينتهي حده
يازين مافي البعاد أوناس
إن كان لي كفه تمده
عطني لعيني بعدك نعاس
لاتاخذ النوم وتلده
وعطني لنسيانك الاجراس
وقلبي على مهجتة ردة
وانا اوعدك واوعد القرطاس
بالحب فاللين والشده

[دانــه]

يآآبيـــر..
يابير طيك طي واعماقك اعماق
ويعيش بك داب وحمامه وعصفور
فاضت عيونك ماك وابتلت احداق
وتنهدت منك محاله الناعور
يوم انبطت روحك سجدتي لخلاق
وعقب ارتفع جمك ضحكتي مع النور
ويوم انهمر دمعك خضعتي على ساق
ويوم انكسر حجلك زعلتي على الحور
ياما بك الرمان زهر ف الاوراق
لين اكتنز في حلق نحله ودبور
وياكم وردك وصدرك ضين ونياق
وياكم بهج جمك بعارين وصدور
وياما رطب نخلك تعسل ف الارياق
وياما طحين ارضك تقسم على الدور
وياما وهبتي جل وافنيتي ادقاق
وياما هماجك حل في الخصب والبور
شفتك وانا قلبي على صلدك ارقاق
وحسيت في حنجرتي عظام وكسور

[دانــه]

كلك تعالي

كلك تعالي غلا والا ارجعي كلك
بعض الغلا منك مايستاهل الجيه
طالت وانا في رجا ليتك ويا علك
أوراق بالذاكره واوراق منسيه
مابل ثوبك مطر شوقي ولا ابلك
لوعلتك من سحاب الروح وسميه
ليه امشي الدرب دامه مايوصل لك
تخاف رمضا الضياع اقدام رجليه
يابنت تو الهوى ماصرت انا خلك
للحين مازالت الصوره رماديه
ومازال بغض الغموض الشره يحتلك
وشلون انا اعشقك واحبك على النيه
اشوفك هناك قدامي ولا ادلك
صعب الكتابه ليا صار الورق ميه
إن كان شمسك تساومني على ضلك
ماعاد ابي منك لا شمس ولا فيه
اما تعالي لقلب فز لك كلك
والا اتركيني ما ابي لك بالهوى جيه

[دانــه]

سنه بدون ربيع

صاحبي لا عاد تشعبها مسافه
وأنت تاركني على ورك المطيه

لا تعرضنا المضامي والكلافه
وارتحالات السراب الصرمديه


اترك الوادي وتغريبت ضفافه
للدفوف واللحون السامريه

[دانــه]

صورة ...وجدرانlفكرت .. اعلق صورك.. ومالت الفيه..على..جدار
وتخاصمت يا..حبيبي كل جدراني.. عليها!!

قلت: اكسب احلام غرفة ..باختياري واخسر الدار
ويكفي الدار يارجواي..بوح صورك فيها!!

وازهر ف الاسمنت.. حوذانه غرام ..وفز نوار
عقب..ارتجف سقفها!! واركونها..منها واليها

كن الصور..ياحبيبي كلمة ف..شفاه ثرثار!!
او كنها لا قريت الوانها..وخطوط ايديها

لهفة شراره تشظت !! ف ..انفجار الطيف ..والنار
في عتمة لاسرت عنها الليالي!!تحتريها

يفنى الدجى! والفصول الاربعه!! وتجف الانهار
يبقى الندى في ..ورقها ..وف..ثياب ترتديها

في صورتين ابتساماتك.. يمين وعينك ..يسار
كأن اشافيك تكذب كذبة لي .. وافتريها!!

فيها ..سنينك..خمايل ياسمينك.. والجلنار
ياللي ..فداياك.. كل ايام عمري ..لو تبيها

وعيونك اللي.. تكحل بالدجى .. وتقول الاشعار!!
الله يخلي هدبها..لي..ويرحم ..والديها

واحة نخل!! حولها كن السراب.. بحور ..واسوار
من دونها.. ضيعة العاشق لو انه مهتديها!!

وف..صورة(ن) مثل حبس الما..بكف وحرث الاوتار
اللي تشدك لها.. من وين ماعينك تجيها!!

سميتها الدايره للي يبي يتعب ويحتار !!
او..كنها .. سالفه من منتهاها تبتديها!!

[دانــه]

هم ـآلمحآجر..


ياحبيبي والبكا .. هم المحاجر
بالدموع ابرد مناديلي كويته
آه من صوت ترك كل الحناجر
وانتثر في دفتري شعر وقريته
كل هذا .. وانت قاسي قلب هاجر
ماهداك الله واخذت اللي عطيته
صاحبك لين حشا والحسن فاجر
من لمحته قلت جاك اللي بغيته
من غرامك في غلاك ارحل واهاجر
وان ضواني ليل من يمك سريته
لاتزيد طعوني أوجعت الخناجر
مابقي عرقٍ بقلبي ماثنيته
لو عيوني غيم واهدابك محاجر
ماظما رمشك تحت دمعٍ بكيته

[دانــه]

عود يفوح..


يفوح والطيب من مكسره
تحته من الجمر مايوقد سكات الرماد
والعين مغرورقه بالدمع ومبعثره
بين الصور والرسايل والدجا والسهاد
حنا اليا حسبنا مازرعنا الذره
قل للعصافير تتركنا وقل للجراد
البارحه جف في غصن الملام ثمره
عقب البياض انكسر ضلعه وسال السواد
والناس خلان قبل الريش والمحبره
شعوب وفخوذ واحباب وصباح وهجاد
هذا الجمل لو سنامه سامك فـ ظهره
ماله عزوم يقوم بها ولا له شداد
ياذيب عيد على قلبه وفج نحره
دامه رغى عقب هدراته وشم الحماد
تمخض الوكر والقرناس عن حمره
في راس قشعه لعب فيها الظما والنفاد
يوم النحاس انصدع لونه وذاب أصفره
غنيت للسنبله كل اغنيات الحصاد
مايدفي الا الوبر والوصل والمقدره
لازاد شوك الشتا في راحتك والفؤاد
ولاصار ما لك اليا منك ركضت اغبره
شوري عليك اترك البيدا .. وكب الطراد

[دانــه]

مآجيتني..

صاحبي عذبتني صاحبي وريتني
في لقا ساعه بعض حلم وسنينٍ قادمه

ياحبيبي كان ماسميتني .. سميتني
ليت روحي منك ياعذب الموادع سالمه
جيتني لولا الليالي جابتك ماجيتني
والليالي جابتك مثل القدر كل الظروف تسالمه
آه ماخليتني ثم رحت ماخليتني
في دروب طوال مهزمه معاك وهازمه
كن في عينك من العشره اليا باريتني
شي اقل من الحيا بعيون ضيف وعازمه
ليتني لاجابو اسمك ياحبيبي ليتني
تشرب الذكري بعض عيني وعيني حازمه
انت لودليتني فرقاك .. مادليتني
دام حبك في جبين الليالي واسمه
لك بكي جرحي قصيدي وانا ما أبكيتني
آه ياحر الوجع في النفوس الجازمه

[دانــه]

تشآبه..


القلب كل ارباعه خلي وعروق
يقرا به الظامي قصيدة سرابه
للريح في رمل التباريح محروق
وتلعب خماسين الوله في ترابه
ومع القلم هات ابيض الطرس ياصفوق
راعي الهوى ماجابنا.. الورق جابه
لو من حل حكاية الشهد مخلوق
ماكرم الله العسل في كتابه
لو للسحايب ياطويل الهدب سوق
شريت لك برقٍ رهيف وسحابه
هتانها ياصاحبي لو هطل فوق
اخضرت اطراف السما من عتابه
شاعر عيونك لاكتب فيك طاروق
تختال اسارير الزهر في ثيابه
والفرقا ماتنبت بختري ورقروق
ولاتشرح الصدر الحزين الربابه
وكان انكرت صوتي وتوديهي النوق
باموت من قل الوفا والصبابه
باسباب ما اعاني من الوجد والشوق
إن غبت .. اجروحك بقلبي تشابه
...............

[دانــه]

فـ أذان البحر..


خيره فالزين والزين حتى إنه يحـار
لين تدهاه الروابـع ويشقـى بينهـا
اه من كثر الأماني ومن قـل العمـار
لا تكاثر بـك عناهـا وزلـك لينهـا
كسر اليم المراكب وغرقت .. والمحار
ذب داناته على خد الأرض وعينهـا
مابقى في لجة التيه شـط ولا فنـار
للمراكب وأشرعتها وحمـل سنينهـا
البحر في صدره أهات وديار عمـار
لا إلتطم تكبر جروحه علـى سكينهـا
قلت له وأنا أتعرف زراقه والخضـار
والشفق سايل عن يسارها ويمينهـا
يابحر كثر الزعانف ودهشات الصغار
حب لي وجناتهـا يالبحـر وايدينهـا

[دانــه]

الألوان..





الأحمر زهرة الرمّان واحساس الخجل والـدّم
والأصفر للجفاف وللعطش والنـار والغيـره
والأخضر للمحبه والسلام ومهجـة المغـرمّ
والأبيض للحمام وللغمـام وبيـض ازاهيـره
والأسود لليالي والكحـل والغامـض المبهـمّ
والازرق للسما والبحر وأسفاره وأساطيـره
والأرمد.. للرماد.. وللحياد.. وجاره الأدهـمّ
لدخان.. للغموض.. وللحصان وعجّ أحافيره
وبين الأحمر النافر والأصفر.. برتقال.. تـم
كماله فالشفق والا ..الجمر لا.. إحمرّ تفكيره
ومن مزج الحمر.. والزرق تلمع للسما..واليمّ
قناديل البنفسـج وآيـة الزهـر وتفاسيـره
وإذا اللون "إنجرح" من جرأته والا برّد وأعتمّ
على الضيّ الظلام إن مافرج ضيقات أساريره
هنّي اللي يداري بأوضح الألـوان مـا يعلـم
يحسده.. من يهد جباله البيـض لطباشيـره

[دانــه]

شآل وعبآة..



يالريح هبيّ في ثيابـي وجـب لـي
ياصاحبي قنديـل والنـور موصـول
المـزن هتّانـي وعدّهـا وصـلـي
مرسولهـا لامـال ليّـن وعطبـول
هـي مـرّ تمـرّ المحبـة بمثـلـي
والصدق أنا كانك تجمّـل يامجمـول
كان الذهب خاينك وش ذنبه أصلـي
واقدام رجلي ما تشرف بـه حجـول
ماني مسامـح لجـل قلبـه ولجلـي
ولا في لساني لك من الشعر معسول
والعاشقين اللـي سواتـي وشكلـي
ف قلوبهم ماتعلـم النـاس مجهـول
والبرد ف كتوف المدينة تـرك لـي
شال وعبـاة ودق لفراقـك طبـول
والصاحب اللي في د موعه ضحك لي
طيفه يعرّض في رقادي على طـول
يهنـاه جرحـي وان تمنيـت قتلـي
يمدّ لي حبـلٍ مـن الـود مشغـول
لابان لي ف زحـام قلبـي وعقلـي
وش ودي اخلي على شـان ماقـول
أقـول ياكثـر المحبـيـن قبـلـي
ولانيب حاسبهم ولاهو ب مسـؤول
....................

[دانــه]

حبيبتي..
حبيبتي ياوجه أعرفه قبل أعرفه وأجهله
جيتك سنيني ترتجف لأحلى مواعيدي حضرت



جيتك خطاوي شوق لأحلام السنين المقبله
لأكثر مسافات الطريق اللي يقربك أختصرت




أمشي وسابق خطوتي حتى الزمان أستعجله
واليوم بــ وصفلك شعوري يوم شفتك ماقدرت



عيني تبي تسبق زغاريد الرموش بــ هلهله
ولا فوائدي تدري أنك فيه ساكن لو ذكرت



يدفعني لـ شوفك عذاب ارض السنين الممحله
لو شفتني قدام وجهك صلب قاسي ما أنكسرت



من غاب عن عيني بدون أسباب كيف أستقبله
بـ عاتبك يانور لــدروبي تعنيت وظهــرت



هاك الشقا مليت أشيله في عيوني واحمله
أخاف يسرق ضحكتي وايام عمري ماشعرت



هـاك السهر عن قصتي وياك تقدر تسأله
لجلك رضيت برفقته يوم انت غافل ماسهرت



فدوه سنيني من عرفتك بالجروح مسربله
وإذا شكالي منك جرحي عنك بالدمع أعتذرت



فدوه لو ان اصغر جروحي من غرامك مرجله
انا اشهد اني عن بلوغ اهداف عمري ماقصرت



فدوه ياعمري كان قلبك عزتي هي مدخله
اموت ياعمري وانا داخل عيونك ماصغرت



إنسان انا عمري مراحل وانتي اشهى مرحله
فيها العذاب استعذبه واقول رابح لو خسرت

..............................

حبيبتي...صبري على بعض المواجع مهزله
جيتك سنيني ترتجف ولاحلى مواعيدي حضرت