ديوان مرثيات ... ( الشيخ جابر الاحمـد الصباح رحمه الله )

[نــجــم]

الشيخ جابر الاحمد الصباح


تولى حكمه [ 1398 -1427هـ ] [ 1977 -2006 ]


تولى الإمارة في 31/12/1977م ، وقاد البلاد مستثمرا خبرته السابقة

بالشؤون المالية ،

والتدبير المحكم في استثمارات الكويت داخل البلاد وخارجها ، واتصاله الفاعل والمؤثر

الذي خدم القضايا الرئيسية للوطن والأمتين العربية والإسلامية.


في ضوء سياسته الرامية إلى وحدة الصف العربي ، ودعم القوي السياسية

والاقتصادية بمنطقة الخليج والجزيرة العربية انعقد مؤتمر القمة الأول لدول

مجلس التعاون الخليجي بدولة الإمارات العربية المتحدة عام 1981م لتحقيق

التكامل السياسي والأمني والاقتصادي بين دول المنطقة ،


وفي عهده عقد مؤتمر القمة الإسلامي بدولة الكويت ، واختير رئيسا لمنظمة

المؤتمر الإسلامي خلال دورة كاملة ( الدورة الخامسة ) أسهم خلالها

بإبراز دور

المنظمة على المستوى العالمي ، وعمل على ترسيخ الكثير من قانون تنظيمها.

كان له دور فعال ومؤثر في حشد القوى العالمية والدولية لنصرة الحق الكويتي ،


وإعادة الكويت دولة حرة مستقلة ذات سيادة على أرضها ، حين فاجأ النظام

العراقي العالم باحتلال الكويت عام 1990.

عمل مــع الأشـــقـاء والأصــدقــاء من دول العــالم على تحرير الكويت وتطهير

أرضها من براثــن العـدوان ، الذي اجتمعت على ضرورة القضاء عليه بإرادة

المجتمع الدولي وبشكل لم يسبق له نظير في التاريخ المعاصر .

وبعد تحرير الكويت قاد الجهود المكثفة ، لإعادة إعمارها وإزالة آثار العدوان

عليها في فترة قياسية لا تقارن بأي حال مع التقديرات العالمية التي وضعتها

وتوقعتها المؤسسات المتخصصة العالمية.

واستمر جهده بعد تحرير الكويت في حركة دائبة تستهدف الإعمار والبناء وتنشد

الأمن والسلام ، و تؤمن بالتعاون الدولي وسيلة لحياة إنسانية كريمة.

[نــجــم]

::[[:: شفتـكـ : شـ/سـآلم سيآر ::]]:





شفتك على اكتاف الرجاجيل نايـم
وشفتك مغطى بالعلم قلـت بـردان
يبه هو حزني داخل القلـب حايـم
قلت أشعل دموعي وأخليـك دفيـان
صوتي يبه من بين الأحزان عايـم
لو أصرخه تهتز من حولي جـدران
أخاف تقعد يا يبـه وانـت صايـم
وإنت قلت قعدني على صوت الآذان
تعبان !! أدري والتعب فيـك دايـم
تفرش ضلوعك حب وتكون تعبـان
للحين جسمك فوق الأكتاف نايـم ؟
وانت الذي قامت على أكتافك أوطان
إنت العزيمه لي حكـوا بالعزايـم
يا ما شعلت النور في ليل الأحـزان
حتى الرمل في دفنتك صـار هايـم
من كثر ما وجهك يشع نور وإيمان
تنزل في قبرك والدعاء فوق قايـم
كل الاوادم صاروا قلـوب ولسـان
يالله ترحـم منهـو طفـا الظلايـم
اللي شعل عمره وسط عمر الإنسان

[نــجــم]

::[[:: مـوت جآبر : شـ/حآمـد زيـد ::]]::






الله يعيـن العقـل ويثبـت الديـن
فى حزن لا منسى ولا هـو بعابـر
بصدورنا كنه طعـون السكاكيـن
ولعيوننا مثـل الكفـن والمقابـر
حنـا حزنـا للشيـوخ البعيديـن
وشلون ما نحزن على الشيخ جابر؟
يااكبر غلا تدمع علشانـه العيـن
يا اعز من ناحت عليـه المنابـر
يا متعب بعطفك شموخ السلاطيـن
ويا مثبت بسهدك سمـو المخابـر
يامن خلقه الله وطـن للمساكيـن
يا اصدق قصيدن سيلته المحابـر
رحت وتركت محبتك عندنـا ديـن
علمتنـا معنـى فـراق الاكـابـر
ياسيدى نلقى مثل طيبتـك ويـن؟
وانت الذى تكبر وغيـرك يكابـر
ان غاب جابرنا ..يجى جابر منين؟
وحنا ملاهيفك مثل ماانـت خابـر
حنـا يبكينـا فـراق البعيـديـن
وشلون ما نبكى على موت جابر؟؟

[نــجــم]

::[[:: رسآلـة للموت : شـ/مبارك نايف أبوظهير ::]]::






ياالموت كنـك بالخليـج إستقريـت
أشوف صارت لك ديـاره محطـات
من عام الأول وانت فينـا تمثنيـت
فبوظبي خليـت فالقلـب حسـرات
أخذت زايد راعي الطيب والصيـت
وابكيتنا وابكيت شعـب إلإمـارات
خليتنـا بفقـده نجـر التناهـيـت
أبوخليفه طيـب الصيـت والـذات
والعام عام الحزن يوم إنك أبكيـت
عمّيت حزنـك بالفضـا والمجـرات
أخذت منّا فهْـد الإسـلام واركيـت
بقلوبنا من صالـي النـار جمـرات
وشلون تاخذ خادم الديـن والبيـت
وأستغفر الله ليه شارون مامات .؟؟
لامرحبا ً بك لاهـلا لاأنـت حييـت
ندري بهـا رادة بديـع السمـوات
ثم جيـت لدبـي الحبيبـه ومديـت
كفك وأخذت الشيخ راعي الجمالات
مكتوم بن مكتـوم جيتـه وخليـت
كل العيون بْموتـه تْهـل عبـرات
ومن بعده بساعات ياالموت ماأبطيت
شفتك توجهـت المنامـه بلحظـات
في دار أبو سلمان من يوم ما جيت
أخذت فيصل منْه في بضع ساعـات
وشفت الكويت قريّبـه ثـم تعديـت
منها خذيت أعَز وأغـلا الأمانـات
خذيت جابر شيخنـا بـس ياليـت
إنك دريت شكبـر حجـم المعانـات
خذيت جابر .. لاحشى خذت الكويت
إي والله إنّا كلنـا مثـل الأمـوات
خذيـت جابـر .. ياهنيّـك تهنيـت
اهديتنا حزنك .. واخذت المسـرات
تدري بربك بأرضنا ويـش سويـت
كثرتها بأرض الكويـت المناحـات
ساد الحزن في كل شارع وكل بيـت
حتى الطيور إستاحشت والنباتـات
خليتنـا والله بـلا قلـوب واقفيـت
نزعتها منّا علـى غيـر مشهـات
انا اشهد إنك صـح كفيـت وفيـت
فينا من وسومك لـك الله علامـات
بسّك وإذا لأفعالـك القشـر حنيـت
بالـك تجـي لبلادنـا والزعامـات

[نــجــم]

::[[:: يآعلـم : شـ/صآلح مصلح الحربي ::]]::





ياعلم رفرف ترا مامـات جابـر
حي بارواح ٍ تضمه في جسدهـا
ياعلم صيته علي روس المنابـر
من عرف سيرة ابو مبارك حمدها
رِفعت الاقلام وارتفعـت محابـر
حي ذكره لوتوسط فـي لحدهـا
ياعلم وش انت عن هالشيخ خابر
سولفه للي خفا علومـك نشدهـا
جابر العثـرات للعثـرات جابـر
وقفته تِعرف ولايحصـي عددهـا
رمز عزتنـا وحنّـا بـه انكابـر
مانست هالارض لِه سجده سجدها
مدّته للطيـب ماتِشبـر بشابـر
انشد كفوف تغذّت مـن رغدهـا
الارامـل واليتيـم وكـل عابـر
والعجوز اللـي تنكّرهـا ولدهـا
والفقير اللي علي اللوعات صابر
وكل منهو يشتكي ضيقة نكدهـا
والبلاد اللي عليها العـوز ثابـر
. والشعوب اللي تشكيّ من لهدها
ويوم ضاق الشعب في كل المعابر
مد كفين العطـا وكـل ٍ شهدهـا
وراح يركض من ورا داره يثابر
لين رد الدار واوفي في وعدهـا
والكويت بعهد جابر بنت اكابـر
شامخه والمجد تلعب بّـه بيدهـا
مجدها لاِمع ماتعشق مجد غابـر
سطّر التاريخ باسطـورة بلدهـا
ياالاهي رحمتـك للشيـخ جابـر
ياوسيع المغفـره بِيـدك مددهـا
ياعظيم الشان عفوك في المقابـر
يوم ضمت جابر الخيـر بلحدهـا

[نــجــم]

::[[:: جآبر الأحمـد : شـ/سعود الفرحآن ::]]::







اشتقت للموته وانا ادري ليا اشتقـت
اصيـح والمسبـاح بيـدي فركـتـه
عطاني اكثر من ردى حظـي الوقـت
وأكبـر دليـل آبـوي راح وتركـتـه
يامـوت وقـف لاتجينـي ليـا فقـت
أبوي هـذا خـف عليـه ان مسكتـه
إسمع ترانـي سامعـك لـو توهّقـت
أبـوي ماعمـره تــأذى بسكـتـه
أبـوي شيّـب يـوم بيـده تلـزقـت
يامـوت خـوذ الأدعيَـه لااحتبكـتـه
حتى انـت تغليـه وتحبـه وتعلقـت
والناس تدعيله ,, ولـه فـي بركتـه
العطف / و الخوف / الطمانه ليا ضقت
الأب / الأبيَض / والطهـاره حركتـه
الدمع الأبيَض / والسماحه ليا عقـت
الجابر / الأحمـد / ذراك إن شبكتـه
ياموت أبوي اللـي خذيتـه وصدقـت
مدري هـو الواقـع أو تقـول نكتـه
صدقني اخواني بكـو وانـت عرقـت
حتى البكى بأحشاي جيـت وضحكتـه
تالله لـوْ تـدري انــا ماتوفـقـت
الحـزن فينـي والمُصيبـه ربكـتـه
سلمـت للواقـع صبـاي وتشـدقـت
وعرفـت إن المـوت حـق ودركتـه
إيه الخليج يعيش نكسه وانا اشتقـت
آشـم ثوبـه بيـدي اللـي فركـتـه

[نــجــم]

::[[:: مآتت أمم : شـ/مبآرك ابو ظهـير ::]]::






ياخالق الإنسان من شـي ٍ عـدم
ألطف بنا ياكافـل أرزاق العبـاد
ياربنا أنت الرحيـم أنـت الحكـم
وأنت العزيز المقتدر أنت الجـواد
أنت الذي يارب (( علم بالقلـم ))
يارافع ٍ سبع السمـوات الشـداد
يارب في هاليوم نشحـذك الهمـم
إنك تقدينـا علـى د رب الرشـاد
وإنك تقوينا علـى شـي ٍ عظَـم
من هوله الدنيا تغشلاها السـواد
اليوم هـذا فجّـر بقلبـي حمـم
لاوالله إلا ثـار بركـان الـفـؤاد
مات الأمير العادل الشهم الأشـم
مات الأمير اللي له الطيبه تقـاد
مات الأمير اللي من اول ماحكـم
أرسى العداله في البلد والخير زاد
مات الأمير اللي تعـلا بـالقمـم
وفي موتته عم الحزن كل البـلاد
عم الحزن إي والله إن الحزن عم
كل ٍ لبس في غيبته ثوب الحـداد
من شيمته يتْعلمون أهـل الشيـم
تواضعـه دايـم لأخلاقـه مـداد
حتى وهو ميـت حبيبـي ماظلـم
أعطى الشهور حقوقها وبكل حياااد
في نص ذي الحجه توفى هـالعلم
وبْمنتصف ينايـر إهتـزت بـلاد
حزن إنبنى وجْدار الأفراح إنهـدم
والدار فيها مظهر الأحـزان سـاد
مامات جابر لاحشى ماتـت أمـم
الله يصبرنـا علـى نـار البعـاد

[نــجــم]

::[[:: مآت جآبر : شـ/عبدالعزيز المرشدي ::]]::






عام مضى واقفى وقفـى بزيـزوم
والعام هـذا باولـه مـات جابـر
يالله تغفـر ذبنهـم وانـت قيـوم
وتفرج عليهم في مضيق المقابـر
مرحوم يامن مات في صبحنا اليوم
مرحوم ياللـي للكسيـرات جابـر
من حبنا لك كلنا صـوت مرحـوم
ونبكي على فقـدك بكـل المنابـر
لو نقدر إنكافح لك المـوت ياقـوم
والله لنعرض دون راسك صوابـر
بس القضاء والقدر ملزوم ملـزوم
نرضاه .. والدنيا بها العمر عابـر
مابه جداء كود الدعا لك على الدوم
يرحمـك رب ٍ بالخفيـات خـابـر
مات الفهد واقفى من الارض زيزوم
واليوم مع دربه خذا الموت جابـر
يالله تغفـر ذنبهـم وانـت قيـوم
وتفرج عليهم في مضيق المقابـر

[نــجــم]

::[[:: فجـر الأحد : شـ/سعود بن مهدي ::]]::






ياليتني فجـر ( الاحـد ) ماتوعيـت
ولاشفت في ( دسمان ) حزن المنابر
قالو توفى ! قلت : انا اللـي توفيـت
القلب يبكـي والمحاجـر .. تكابـر
مدري عقب جابر ؟ اعزيك ياكويـت
ولا اعزي طفـل .. ماشـاف جابـر
ابو اليتاما .. راعي الجود والصيـت
مقدم رجال العـز .. مجـد الاكابـر
الطيٌب اللي في كل قلب ٍ بنـى بيـت
وقت ٍ ماعاده فيه ! ذا وقـت غابـر
ماتنـسـي يابومـبـارك لاطـريـت
في سيرتـك جابـر وللكسـر جابـر
ياشعب يومك فـي وجـوده تهنيـت
اليوم ؟ عقب الشيخ ! وشلون صابر ؟
جابر بيبقى حي .. حتى ! وهو ميت
مدام مشهـد ضحكتـه لـه مخابـر
يالوالد اللـي مـن حنانـك تقهويـت
محـال يرثيـك الشعـر والمحـابـر
ليتك قبـل مامـت شفـت وتحريـت
ناس ٍ بكت دفنك .. جمـوع وطوابـر
ياقبـر لـو انـك تعرفـه تمنـيـت
ما ينهري طاهر مثـل جسـم جابـر
لو العمر يهدى يابومبـارك اهديـت
عمري وعمر اخوانـي اللـي تثابـر
الموت عابـر ان رضيتـه وعييـت
الا انت موتك شي .. ماهـو بعابـر
من اول ٍ ! ياحظنا بقربـك ان جيـت
والحين في قربك .. ياحـظ المقابـر
مابه محال بذا الزمن شـي ياكويـت
الا انه ؟ ينجب واحـد ٍ مثـل جابـر

[نــجــم]

::[[:: صبآح الاحد : شـ/بدر المعيصري ::]]::






صباحك يا الأحد مظلم كئيب وهادم اللـذات
أخذ منا عزيز الشان رجلٍ سيرتـه عطـره
فجيعه والفجيعه من سبابها طاحت الرايات
لاكن الطيب والناموس باقي شامخ بقصـره
رحل عنا جسد جابر وذكره حـي لا ممـات
يبا يبقى عزيز وكل شعبـه حافـظٍ قـدره
مسيرة ربع قرن اللي حكمنا صامل الوقفات
تخطى فالبلاد أحنك ظروفٍ جايـره خطـره
سياسه وأقتصاد وشيخةٍ معها كرم مـدات
وطيبة قلب واحساس الأبوه فيـه بالفطـره
مسيرة حافلة ياسيدي تطويـر وأنجـازات
مأثر يعجز التاريخ عن حفظه وعن حكـره
بكت كل اليتامى والأرامل جابـر الخيـرات
بكاك العز وأبكتنا دموع الشعـب والأسـره
بكت دار المسنين وبكت كل الوفود وجـات
بكى الطفل الصغير الا بكى العالم لك أبأسره
رحمك الله ياأميرٍ عطوفٍ حتى في الشـدات
عسى الله يرحمه ويشع نورٍ يضوي بقبـره
عسى الله يرحمك ياأميرنا وتعيش في جنات
تحرًم عن جسدك النار ربي تلطًـف بأمـره
رحمك الله ياشيخ الشيوخ وجابر العثـرات
من الي يجبر أقلوبٍ على فرقاك من كسـره
عليك العالم أبأسره حزين إيذاود العبـرات
وشعبك في عيونه بانت الأهات والحسـره

[نــجــم]

::[[:: مآت الاميـر : شـ/عآرفـ سرور ::]]::







أدرى بها دمعه من الصبـح حسيـت
كانت تراودنى ....وانا كنـت صابـر
حاولت اعرف هـالسبب وأثر الكويـت
من نومها قامت علـى مـوت جابـر
مات الامير/ المرجله/ الطيب والصيت
صار الحنـون العـفّ حـظ المقابـر
راعى الوفا حضن الدفا راعـى البيـت
تاه الكلام.............. ويبّسن المحابر
لاأحـد يعزينـى وأنـا كنـى الميـت
كبـر الكسـر مايقـدره كـل جـابـر
وشلون أبقواهـا وأنـا كـل ماجيـت
هـذا الحـزن مايقطعـه كـل دابــر
مامـت ياجابـر مـدام انـت خليـت
النـاس تلهـج لـك دعـاء بالمنابـر
بدارك يابو مبـارك كبـرت وتربيـت
حتى درست وقلت لك "عـاش جابـر"
انـا مـع شعبـك ركضـت وتفييـت
ياكثـر مافيهـا مـن الظـل خـابـر
أنا علـى السـدره رقيـت وتشاقيـت
مامرنـى شـى بهـا كــان عـابـر
وأنـا سعـودى مـن الحـب ناديـت
وآحس وسط القلـب طعنـة خناجـر
يابو اليتاما..... ليتهـا تنفـع الليـت
إن كان قالت: ليت ......كل الحناجـر
لو انها بيديننـا.......... ماتوفيـت!
يفـداك ...صـدق قلوبنـا والمحاجـر

[نــجــم]

::[[:: آكبر مصيبه : شـ/خآلد السكرآن ::]]::







أكبر مصيبه تفقـد أنسـان غالـي
له في صميم القلب حشمة وتقديـر
وموت(الأمير الشيخ جابر) هوالـي
تهتز في موتـه قلـوب الجماهيـر
من هول فرقاالشيـخ راع الجزالـي
الشعب يعجز عن وصوف التعابيـر
يبكيه شعبه مـن حريـم ورجالـي
وتبكيه ضيفان (الوطن) عود وصغير
الـدار عقبـه كنـهـا بأحتـلالـي
الصمت عم الدار عقـب التباشيـر
شيخٍ حكم بالعـدل طـول الليالـي
في عصر حكمه ماحصل منه تقصير
وافي لشعبـه فـي سـلام وقتالـي
من أجل داره ماقصـر بالمشاويـر
سـم المعـادي محتمـى للتوالـي
سيفٍ مجـرّب بالليـال المعاسيـر
كريـم سبـلا بالعطـا مايبـالـي
من طـق بابـه ماتـرده معاذيـر
أبـو اليتامـا بالعطايـا جـلالـي
لأجل الكويتي ماحسـب للمخاسيـر
مرحوم ياشيخٍ على الطيـب والـي
مرحوم يانسـل الرجـال المناعيـر
مرحوم ياعـون الرفيـق الموالـي
مرحوم ياستـر الوطـن والغناديـر
مرحوم يا ريف الضعيف الهزالـي
مرحوم يارمز الوفاء منبـع الخيـر
ياعـل مسكانـك جنـانٍ طـوالـي
في جنّة الفردوس ضمن المشاهيـر

[نــجــم]

::[[:: صآعقة موتكـ : شـ/ثآمر بن جدعآن ::]]::






صاعقة موتك يا جابر اذبحتنـي يـا عظيـم
رحمته ربي تعالى يرحمك شيـخ العظامـه
بالتعازي شلة شعري لاهل الكويت الكريـم
معزي بشيخ الكويت ذلـك الرجـل بكلامـه
جرحي الغاير ذبحني يـوم اخبـارك تظيـم
راحل جابر يا حسرة مخلي بقلبـي علامـه
ضاعت الدنيا يا شيخي عرفك الشامخ حكيم
عقب اعلان الاذاعه موتك الفارس عظامـه
راعي العليـا توفـى ماخـذه مـوت اليـم
ببكي بدمـع وحرقـا جـارح قلبـي ندامـه
المح كويت تنادي جرحهـا بـذاك الصميـم
فاقده القرم العصامي شرعه الحكمه بدامـه
يا رفيـع الشـان قلـي الله الواحـد كريـم
صبري بجوفي تلاشى اندب حظوظ الظلامـه
هاضت دموعي لبحر لاطـم موجـه ظليـم
ظايمه فرقى السعاده يوم احزانـه تسامـه
قومي جبالي وقومي ماخـذه كتابـي بظيـم
تعزية شيخ الجوابر حبرها بدمـي علامـه
فزي يا صقور البراري معلن الحزن الجحيم
حومي بكويت وحومي قولي المضمر كلامـه
بلغي حزن قتلني ودمعـه الحـارق جحيـم
واسي الطفل ورجاله واسـي الام بسلامـه
واسي الشاطيء ومينى واسي الحزن العظيم
مري ديار المشايخ عزي بشيـخ الكرامـه
اه يا حروفي امانه اوفـي بقولـي السليـم
واجعلي حبرك تعازي حروفك الحمر بملامـه
لومي الموت وسنينه ماخـذه الاب الحليـم
من بني وايل اصوله شيوخ وقروم الوسامه
وهذي ابياتي يا ساده تبكـي بنجـد لعظيـم
لارض الكويت الغضيه حامله الحزن وسهامه
والصلاة على الرسول سيد الرسـل الكريـم
محمد بن عبـد الله خاتـم الرسـل بعلامـه

[نــجــم]

::[[:: الدآر تبكي : شـ/سعود الردعان الهآجري ::]]::






الدار تبكي واهـل الـدار يبكـون
حتى غريب الدار هلـت دموعـه
مالومهم لو فـوق هـذا ينوحـون
بفراق من لا عاد نرجي رجوعـه
ان مابكت جابر احاسيس وعيـون
لاخير في قلـبٍ تضمـه ظلوعـه
ليته درى عن حالة الشعب وشلون
لحظة ورود العلم وشلون روعـه
شعبٍ خذا منهم عهـد مايخونـون
وهو عطاشعبـه بنفـسٍ قنوعـه
لين اصبحوا بالشيخ جابر يهتفون
شعبٍ على الاخلاص تمشي جموعه
في موت جابر كل شعبـه يعـزون
يوم ان جابر كل شعبـه ربوعـه
واليوم يااهل الدار وانتم تصلـون
ادعوا لشيخٍ قـل بالنـاس نوعـه
وحقٍ على الشعار بالشعر يرثـون
شيخٍ ملكنا باالغـلا مـن طبوعـه
عسى البقا بإخوان مريم ويبقـون
للـدار حكـامٍ وحـنـا دروعــه
آل الصباح وغيرهـم مايحكمـون
صغيرهم يامر ونمشـي بطوعـه
ماني بمادحهـم لاجـل لايقولـون
شاعر ويرجى من وراها متوعـه
يكفي محبتنا لهـم حـب بجنـون
ومن بيننا مافيه بغـض وقطوعـه

[نــجــم]

::[[:: علـمٍ لفآني : شـ/مفلـح سعود الرشيدي ::]]::






فجر الاحد فزيـت مـن لـذة النـوم
علـم لفانـي قلـت يـا الله خيـره
علمت من قومن بها حـزن وهمـوم
من شفتهم حسيـت حالـه خطيـرة
فزيت شفت الضيق واضح على القوم
سألـت قالـوا فاجعتـنـا كبـيـرة
من صدمتي بجابر انا ازريت لاقـوم
يوم اعلنوا قالـوا توفـى بسريـرة
يوم الاحد يايوم مسواك مـن يـوم
عم الحزن فـي كـم بيتـن وديـرة
مرحوم يا اميـر الملاييـن مرحـوم
يا الله تظلـه فـي حمـاك وتجيـره
نطلبك يافارض على عبـدك الصـوم
ترحم امير الشعـب راع المسيـرة
هو جابر الاحمد سنـد كـل مظلـوم
هو مسند الشعب الكويتـي واميـره
ياما مسح بيديـة دمعـن لمحـروم
وسانـد دول كانـت بحالـة فقيـرة
هو عزوة اللي من عنا الوقت محكوم
جارت عليه اهموم ماهـي صغيـرة
فزعة جنابه فزعـة اقـروم لقـروم
مزبن ضعيفن فيـه همـن وحيـره
انا اشهد انـه بالصعيبـات زيـزوم
من سبعة وسبعيـن حكمـه يديـرة
ساد بوفاته ضيق واحـزان وهمـوم
وعليه دمع العيـن احـرق نظيـرة
دسمان يا امير الوفاء فيك مصـدوم
يقول جابر حـي مـن مـات غيـره
ومرحوم يا امير الملاييـن مرحـوم
يا مسند الشعب الكويتـي واميـره

[نــجــم]

::[[:: المخآسيـر : شـ/بنـدر المطرفـي ::]]::





لا عدت يا صبحن تجيب المخاسير
لا عدت يا صبحن على الخلق غابر
مرحوم يا شيخن تربى على الخير
والا عزانـا مالـه اليـوم جابـر
جابر رحل مع روحته روح الخيـر
جابر رحل يا ناس والقلب صابـر
الله يقول انا شهودن على الغيـر
وحنا ربطنا الخير بالشيـخ جابـر
جابر وفا جابر كرم جامع الخيـر
جابر قلوب الناس للخيـر جابـر
أبو اليتامى والضعوف المعاشيـر
أبو الأرامـل للشديـدات صابـر
الله خلق هالناس وانشا المقاديـر
وقدر علينا فقـدت الشيـخ جابـر
تصبري يا كويت فرقى المناعيـر
تصبري يا كويـت بفـراق جابـر

[نــجــم]

::[[:: يآقشر يوم الأحـد : شـ/عيسى بن مطر الهجله ::]]::





يآقشر يوم الأحد لآعـدت بالخيـري
مآجيت بالخير ول يآ مقشر أعمآلـك
جآني خبر مثل ضربة سيف ٍ شطيري
قآلوآ لي الشيخ مآت وعزّي أطلآلـك
يالشيخ جآبر رحمك الله يـآ أميـري
يآ جعل فردوس ربّي فوق مثوى لـك
يآشيخ فقدك كبير وجرحـي كبيـري
وشلون لآ وأنت فعلك سآبق أقوآلـك
يآشيخ وش عآد أقول لطفل ٍ صغيري
وش عآد أبآ أقول لو تسألني أطفآلك
أقول مآت البطل ذخـر المنآعيـري
صعبة عليهم خبر موتـك وترحآلـك
يآ موت مآ نعترض لكن ّ ذآ غيـري
الشيخ جآبر أمآنه ويش سوّآلـك ..؟
يالله يآ خآلـق الإنسـآن والطيـري
تقبل دعآء عبد في يوم الأحد جآلـك
تنجي فقيد العرب نـآر وزمهريـري
وتسكنـه جنّتـك وتجنّبـه أهوآلـك
أبكيك يآ شيخ وأنآ شآعـر مطيـري
شآعر مطيري بكى مع صيحة عيآلك

[نــجــم]

::[[:: جآبر مآت : شـ/فلآح بن منشآر ::]]::







الدايـم الله والبشـر زرع للـمـوت
هـذا القـدر مافيـه للنـاس حيـلات
الشيخ جابـر مـات والعلـم مثبـوت
ياجعل روحـه عنـد ربـه مسـرات
جانا الخبر مجروح متحشرج الصـوت
شفت التعازي بيـن كـل المحطـات
يوم الأحد والحزن خيم علـى الكـوت
من فقد جابر حل بالشعـب حسـرات
قريب من شعبه على الطيب مصلـوت
صانـه بوقـت السلـم والا بويـلات
من مثل جابر خصمه اليـوم مكبـوت
بيـن السلاسـل قـيّـده والـمـذلات
الله يصبر ربع جابـر علـى الفـوت
ويعوض اهله خير عقـب المضـرات
مصابنا واحـد جلـل والوفـاء قـوت
شعب الخليـج اليـوم كلـه مناحـات
نرفع تعازينا علـى صفحـة النـوت
لاهل الكويـت ونختصـر بالعبـارات
لآآل الصباح ابيض من الشاش والدوت
منا العزاء واجب وطيـب المواسـات
هذي مشاعرنا تشوت الفـرح شـوت
والحزن خيـم بيننـا قبـل ساعـات

[نــجــم]

::[[:: فقد جآبر : شـ/دموع الورد ::]]::







جفّت أحبار المقالم وانكسر فجـر الصبـاح
وغصّت الشمس بفجيعة الفراق وفقد جابـر
وأصبحت أرضه حزينه والضيا في الأفق ناح
الطفل والشيخ يبكي ماقـدر أحـد ٍ يكابـر
عظّم الله أجر شعب ٍ فارقوا نجـل الصبـاح
وعظّم الله أجر شعب رغم هذا الحزن صابر
من عرفناها الكويت واسم جابـر فيهـا لاح
ومن عرفنا شعب جابر يقتدي باسمه يثابـر
خير كفّه ياسـع أرضـه ويتعداهـا بـراح
وكل فرد ٍ في الجزيرة ابفعل يمنـاه خابـر
من بدا عهده ورمـزه.. المعالـي بالكفـاح
قاد شعبه بالعزيمـه والوفـا ولـد الأكابـر
ما تثنيـه المخاطـر لا ولا غـدر اجتيـاح
رافع ٍ هامة دياره وكـل مـا يأتيـه عابـر
الطفل يهتف باسمه ( عشت يا رمزالفلاح )
يشهد التاريخ فعل ٍ خطّته بيـض المحابـر
ابتسامة من رضا تعلو المحيـا وانشـراح
ما تجهّم وجه عزٍ لو خطر هـالأرض غابـر
التقى ربه بنفس ٍ راضيـه ديـن وصـلاح
وكل شي ء ٍ فوق أرضه سلّم أمره للمقابـر
جابر الأحمد سيبقى ..ذكره العاطر يفـاااح
كل صبح ٍ يرتفع له كف من فـوق المنابـر

[نــجــم]

::[[:: تلفزيون الكويت : شـ/فآرس عفآس ::]]::








الله الدايـم وبسـم الله بـديـت
راجي ٍ عفوه ولطفـه والسمـاح
من خبر ذاعه تلفـزون الكويـت
في صباحن جعله امحق من صباح
ول ياصبـح الاحـد والا ياليـت
في صباحك ما توفى بـن صبـاح
ربـي الله غيـرك الله مارجيـت
اغفر لشيـخ ٍ حكمنـا بالصـلاح
شيخنا اللي كاسبن بالعز صيـت
مثل برق ٍ في ظـلام الليـل لاح
شيخنـا مامـت لا والله حييـت
عايش ٍ ذكـرك وفعلـك مايـزاح
الله المعطي ومن خيـره عطيـت
عم خيرك كل شعبـك واستـراح
ياكويت ابكي ويبكـي كـل بيـت
موت شيخ ٍ لو رحل ماقلـت راح
شيخنا جابر رحمـك الله وفيـت
جعـل دارك جنـة الله والفـلاح
عظم الله اجركـم يهـل الكويـت
والبقا في روسكم يـال الصبـاح

[نــجــم]

::[[:: نفقدهـ : شـ/جآر الله الشدّي ::]]::







كل راحل نفقـده .. الا جابـر ال صبـاح
من رحل جابر غدينـا كلنـا أرواحٍ فقيـده
أمحق علومٍ لفتنا وباغتتنـا فـي الصبـاح
بالدشوش وبالرسايل وأعلنوهـا بالجريـده
قالوا بأن الشيخ جابر ..جاه يومه وإستراح
وقتها عليت صوتي ..رحمة الله في عبيـده
ما يرده شق جيب ومـا يـرده هالصيـاح
والمشاعر كل أبوها أصبحت فينـا بليـده
يالكويت ويا الكويت .. ما يفيد إبنا النياح
ولا يفيد دموع شايب .. يمسح الدمعه بإيده
جرحنا في موت جابر يعتلي كـل الجـراح
يندمي قلب ٍِ تداوى وصارت جروحه جديده
ياعيون الحزن إبكـي وأدمعـي بالارتيـاح
كل شخص ٍِ للمقابر وجهته هـذي وكيـده
الحزن زايد علينا .. مابعد حزنـي يـزاح
الفهد والشيخ زايد حزنهـم باقـي نعيـده
من حدادٍِ في حداد وحزننا يبنـي صـراح
وكل حزن وكل كلٍِ.. مابقـى شـيٍِ اجيـده
اشهد انك يالكويتي .. فاقدٍ ذيب ال صبـاح
المميز بالفعايل .. راعـي علـوم ٍِ فريـده
بالنيابه عن وطنّا ننعي ونعـزّي مـا راح
يرحمة رب العباد ويسكنـه جنـه مديـده

[نــجــم]

::[[:: آهل الكويت : شـ/فهد بن عبدان ::]]::






أهل الكُويت أفواج فـي قصـر دسمـان
فعيونهـم لهفـه وحـسـره وتخمـيـن
ذاع الخبـر ياليـت راعيـه غلـطـان
رحـل حبيـب الأمّـه سنيـن وسنيـن
غم وألـم واجـراح وهمـوم وأحـزان
القلب شعلة نار .. والدّمع فـي العيـن
مات الأمير , الوالـد, الحـر, الانسـان
يبكيـه شعبـه والـوطـن والملايـيـن
مات الزعيـم اللـي لـه العـز عنـوان
شمعـة وطنّـا والعـرب والمسلْمـيـن
( جابر الأحمد ) شان .. من مالهم شان
أبـو اليتامـى والضّعـوف المساكيـن
معروف في المعروف .. واحسانه احسان
يمناه بيرق جـود فـي العسـر والليـن
عطـاه غيـث يحـوّل الجـرد ريضـان
حـدود خيراتـه مـن الصيـن للصيـن
من دون حق الشعـب مخلـب ونيبـان
ومـن دون حـد الـدار شلفـا وسكّيـن
قايـد وفـي حكمتـه للعـدل مـيـزان
حق المواطن كـاش .. ماياخـذه ديـن
حصان وبـن حصـان وربـوّة حصـان
عزيـز مايرضـى الاهانـه ولايهـيـن
لاضاق صدر الشعـب يظهـر كحيـلان
ماينشـرح صـدره وشعبـه حزينـيـن
مايشرب من العـد لـو كـان ضميـان
الين يسقي اللـي علـى العـد شفقيـن
الله يجعـل قبـره جنـان فـي جـنـان
قلته ودمع العيـن فـي محجـر العيـن

[نــجــم]

::[[:: مرحوم : شـ/مرزوق الصواغ ::]]::






مرحوم ياشيخ(ن) له الطيب تذكـار
اللـى علـى شعبـه يمـد العطايـا
يومن سمعت العلم فى كـل الاخبـار
هليـت عبراتـى بذيـك الـزوايـا
اى والله ابكى شيخنا نسل الاحـرار
رمـز المحبـه مـال جابـر تهايـا
ماهوب انا ابكى غيرى اكبار واصغار
هـذاك ابونـا مسكنـه بالحنـايـا
جابر ملاذ اللى عليـه الزمـن جـار
قايـد سفينتنـا عظـيـم المـزايـا
يشهد له الشعب الكويتـى والاقطـار
خيره على بعض الـدول لـه روايـا
ياما كسا شعبن فقيـر(ن) ومحتـار
ومن اولن يمشـون شبـه العرايـا
وكم من يتيم(ن) عاش من مده الحار
خلـه حياتـه تـزدهـر بالهـدايـا
كل(ن) ذكر طيبه وفعله لـه اذكـار
فيه الكـرم ثابـت وحسـن النوايـا
ليـا عـطـا لله مـداتـه اكـبـار
ماكان يرجـى مـن عطـاه الدعايـا
شيخـن يعديـك المنايـا والاخطـار
يوم العـدا شنـو علينـا الخطايـا
كافح بجهده يوم صار الـذى صـار
بالمـال والحكمـه وزود الوصـايـا
رد البلد لاهل البلد وافـى الاشبـار
واعلن صداها فـى جميـع النحايـا
ننعيك ياشيخن لنـا والـد(ن) بـار
ماهـى بدينـا يـوم جتـك المنايـا
الموت حق ولاعن المـوت مفـرار
امرن مـن اللـى عالمـن بالخفايـا
الله يجيره من سنـا واهـج النـار
عسـاه بالجنـه حميـد السجـايـا
تمت وصلى الله على خيـر الابـرار
محمـد الهـادى شفيـع البـرايـا

[نــجــم]

::[[:: همٍ توشحني : شـ/تركـي العتيبي ::]]::





هم وغرابيل وأسى فجـرٍ كئيـب ودمعتيـن
ضيقة خواطر والحزن طاغي علـى موالهـا
مدري بكيت البارحه ولا خشعـت بركعتيـن
ولا أنكسرت وضيقتي طاشت عليُ أبجالهـا
ولا توشحني ظلام الليل فـي لحظـة يقيـن
ألها البشر ماهيب شفقانه ولاهـي أبفالهـا
بألفين وسته شئم يوم الاحد لا الاحد الحزين
في ساعةٍ ينعي بها التاريخ موت أرجالهـا
جاني خبر موت الشجاع الوايلي أبن الامين
الشيخ جابر جابر العثرااات شيـخ أجبالهـا
راع الوفا والطيب وأجود يد الشيخ الرزيـن
مافيه خصله طيبه في ذى الزمن ما نالهـا
أبو اليتامى راعي الفزعات والـدر الثميـن
أمعرب الجديـن عـم الطايـلات وخااالهـا
قاد البلاد بحكمته في وقت عسر و وقت لين
حتى رقى القمه وداره فوق كتفـه شالهـا
وأكبر دليل أن الكويت الحين ماهي بأي حين
شفها مع العالم تصـدر فعلهـا وأقوااالهـا
فيالله ترحم شيخنا جابر بعطفك يـا حنيـن
وأنك تغمد روحـه الجنـه وتشـرح بالهـا
وأنك تخلي منزله يـارب ويـا المرسليـن
وأنك توسع قبره اليـا ضـك بـه دجالهـا
لأنه أتقى شخص من بين العبـاد المتقيـن
ولأنه أعدل حاكـم بدنيـاً كثيـر أهوااالهـا
ولأنه اللي يوم ودعنا بكينا أجمعين
في ساعةٍ فيها الزمن ينعي فقيد أرجالها

[نــجــم]

::[[:: كلهم جآبر : شـ/زآيد الشليمي ::]]::





(جابر..) وياخذ صباح الكون من صبحه
ياليل غرّد ..((وعربد )) مابقى جابـر
ياصبح انسى صباحك والبس الطرحـة
ماعاد باكر .خلاص الليل هـو باكـر..
جابر واحبّه واحس ان الخبـر مزحـه
ماكنت اصدق بأن المـوت لـه قـادر
ياموت ماتستحي..وش شفت.من قُبحه
من وين ماجيت يمّه..قلـت ياطاهـر..
هالقلب دونك..تخبّط ..ماخلص جرحـه
والا انت غـاوي تهـد القلـب للآخـر
ياما اليتامى ..لقـوا تعريـف للفرحـه
والجـوع كافـر بكفّـه يسلـم الكافـر
قبـر يضمّك..انشهـد ياكبـر ربحـه
نستبدل الغيم..بعدك بالثـرى الماطـر
عزاي ..ذيك الوجيه..الباقيـة سمحـه
جابر..توفّـى ولكـن كلّهـم جابـر..

[نــجــم]

::[[:: رآح شيخْ : شـ/فآلح الشلوي ::]]::





راح شيخ ٍ مايمد إلا الجزيـل
حي ذكره فوق الأرض وتحتها
جابر العثرات يالسيف الصقيل
مابقت دمعـات لـك مابحتهـا
ماعرفتك كود بالخلـق النبيـل
والصعاب ان جيتها طوحتهـا
جعلك بجنات خلـد وسلسبيـل
عد أسماء بالدعـاء سبحتهـا
نحسبك من حسبة الوزن الثقيل
كفتك عنـد العـرب رجحتهـا
نفتخر بك صدق يالقرم الدليـل
الكويـت بطيبتـك وشحتهـا
جابر الأحمد ترى مالك مثيـل
كم دروب ٍ جيتهـا سمحتهـا
شيخ مامثلك خبرت إلى قليـل
شيخنا وشيـوخ دار ٍ رحتهـا
نبكيك مثل الفهد صبح ٍ وليـل
ومثل زايد دمعتـي سيحتهـا
والله انه مابقى بالحيـل حيـل
الأرامـل بالوفـى نوحتـهـا
العزا ذكر المواقف والجميـل
في صفى التاريخ يبقى نحتهـا
رحت ياللي ماتمد إلا الجزيـل
حي ذكرك فوق الأرض وتحتها

[نــجــم]

::[[:: الحـزن : شـ/آحمد الخيآط ::]]::




فجر الاحد والحزن عم الناس في كـل الكويـت
خمسـة عشـر ينايـر وميعادهـا بكتابـهـا
وقع الخبر زلزل شوارعها وزلـزل كـل بيـت
في جابر العثرات تشكي من عظيـم مصابهـا
الحزن بعيون اليتامـى مـع اراملهـا قريـت
تعانقـت كـل العيـون دموعهـا باهدابـهـا
يبكيك شعبك وارضك اللي فوقها عشت وربيـت
واليوم في بطن اللحد ولحافـك اغلـى ترابهـا
اشهد شهادة حـق ماقصـرت ياالقايـد وفيـت
نهضة بلادي حكمتـك ياشيـخ راس اسبابهـا
ياما وياما من صروح المجـد لبـلادك بنيـت
كـل الامـم تشهـد تطـور ديرتـك وركابهـا
رغم الظروف الكايده قدت السفينـه ماانثينـت
تضحك ولو سـود الليالـي طايـلات انشابهـا
للمجد قمه وانت في عزم وجزم فيـه اعتليـت
رغم انوف الحاقديـن اللـي تـرف اشنابهـا
طويق راسي وانت مثل طويق ياجابر رسيـت
في وجـه عـدوانٍ تشيـل احقادهـا بثيابهـا
لاجل الكويت وشعبها ياجابر الخيـر انتخيـت
مال الشدايـد غيـر اهلهـا لا حـزم كلاّابهـا
لاضاق صدر الشعب ساعه ياالصباحي مااهتنيت
ولا استّر صدر الشعب قلـت كويتنـا تهنابهـا
كلمة شرف قدم الامـم لكويتنـا فيهـا بديـت
في عام تسعين اذهلـت كـل الديـر واقطابهـا
لاجل الكويت وشعبها وترابها بعـت وشريـت
تفازعوا يااهـل الشـرف وكويتنـا نحظابهـا
الكل وقّف بآخر الكلمه وفـي نصـرك حظيـت
كل الآيادي صفقـت واهتـز قلـب اصحابهـا
خسيت يااللي في جيوش الحقد لبلادي غزيـت
اقبلـت وسهـام المنايـا موتكـم باعتابـهـا
ياللي حفرت الحفره اللي في نهايتهـا انتهيـت
بشايـة الله ردت الـديـره لـكـل احبابـهـا
في قلب مؤمن يوم شفـت ترابهـا لامانسيـت
سجـدة شكـر لله جابـر بارضهـا صلابـهـا
يمناك لامدت شمالـك مـادرت باللـي عطيـت
ياالله عسى الفردوس تدخل من وسيع ابوابهـا
مامت ياامير القلوب بقلب شعبـك بـه بقيـت
شيوخهـا وكبارهـا وصغـارهـا ونوابـهـا
وبقلب مؤمن في قضـاء الله وبأمـره رضيـت
المـوت حـق وكـل نفـسٍ يومهـا طلاّبهـا

[نــجــم]

::[[:: جآني خبر : شـ/محمد الشهيل ::]]::






العلم طوّح عـن عيونـي مبيتـي
والجرح غار ومالقى من يداويـه
ياعين أدري لا بكيتـي ،، بكيتـي
ويا قلب جمرك عيت العين تطفيه
ويا ليلتي للصبح كيف أحتريتـي؟
وآل الصباح اليوم مفقـود غاليـه
جاني خبر موت الأميـر الكويتـي
والموت لاحيـه ولاحـي طاريـه
لا يا المنايا مـا هبيتـي وجيتـي
جيتي بحكم الله.. درب ٍ ونمشيـه
ويا كويت حزنك ظاهر ولو خفيتي
الحزن نثّـر بالمحاجـر مواريـه
تصبري وإن كان به مـا قويتـي
ماني بسايل ليه دمعك كـذا ليـه؟
كل الخليج اليـوم كانـك دريتـي
حزين من فرقـا أميـرك ويبكيـه
ندعي له الله بالخفـا وان دعيتـي
جعل الولي يغفر ذنوبـه ويجزيـه
ويا شعر لاهيّضت قافـي وبيتـي
اطلبك طلبه لايجـي بيـت ترثيـه
جابر هنا بالقلب ما هـو بميتـي
في كل شبر ٍ من دياره وأراضيـه
جابر هنا يا أرض لا مـا خذيتـي
مادام ذكره حـي ماغـاب يكفيـه
ويا دار أنا ماني سعودي... كويتي
وكل الخليج اليوم يقبـل تعازيـه

[نــجــم]

::[[:: حبيب الشعب : شـ/هواجيس سآره ::]]::






مرحوم ياشيخ(ن) عزيـز(ن) فقدنـاه
رحـل عـن الدنيـا وقفـت رحالـه
شيخ(ن) كريم(ن) وافي(ن) في عطاياه
النـادر اللـي كامـلات(ن) خصالـه
راعي الوفا والجود والطيـب مسعـاه
الخير مـن يمنـاه كـل مـن ينالـه
عقيـدة الإسـلام نهجـه ومـبـداه
يحكـم بشـرع الله وحكمـه عدالـه
ابن الصباح اللي على العـز مربـاه
عز الكويت وعز شعـب(ن) صفالـه
شيخ(ن) على طيب الفعايـل عهدنـاه
حر(ن) على العليا طـوال(ن) حبالـه
جابر حبيـب الشعـب يومـن دفنـاه
كلن حضر دفنه وطلب له ودعـا لـه
جابر عسى ربـي مـن النـار ياقـاه
ياسامع (ن) صوتي يـارب الجلالـه
في جنـة الفـردوس يـارب مثـواه
وتسقيه من كوثـر وصافـي زلالـه
وانـك تصبرنـا بمـوتـه وفـرقـاه
ونلقى الخلف بشيـوخ تحكـم بدالـه

[نــجــم]

::[[:: تبكي الكويت : شـ/نآصر الحنو ::]]::



تبكي الكويت وحزنها فقـد جابـر
والكون كله سابح بدمـع فرقـاه
صبح الأحد ذاع الخبر في المنابر
وكل البشر تطلق بصرخاتها الآآآآه
الشيخ جابر مات والموت عابـر
ومن عقب موته يبكي الكون بلواه
بلوى عظية لكـن القلـب صابـر
على حكم ربي وصبـر احتسبنـاه
مرحوم ياشيـخٍ اصيـل ومثابـر
حقق لشعبـه كـل عـزٍ بتقـواه
هنيلـك ياتـراب ساكـن مقابـر
جابر سكن وسطك وروحه لمـولاه
يالله عسـى ربٍ كريـمٍ وخابـر
امور خلقه ومابهـا شـئّ يخفـاه
يغفر لمنهو بخاطر النـاس جابـر
ويجعل جنان الخلد داره ومثـواه

[نــجــم]

::[[:: مآت الزعيم : شـ/خآلد العصيمي ::]]::




مات الزعيم ولابقى غيـر ذكـراه
خسارتـه والله علينـا عظيـمـه
مات ورحل عنا عسى الخلد مثواه
في جنة الفـردوس تنعـم نعيمـه
والله يعوضنا الصبر عقب فرقـاه
ويعوض اقلوبـن بحبـه سقيمـه
كم من ضعيفن مد اله كف يمنـاه
وكم من مريضن فرجه عقب ضيمه
وكم من شعوبن عايشه من عطاياه
يعطي االي وجه الله يبا الغنيمـه
ومنه تعلمنـا العـدل والمسـاواه
حاكـم بعـدل ولايحـب الظليمـه
عـادل بحكمـه ماتعـدد مزايـاه
ارضي جميع الشعب حكمه وشيمه
استغفر الله وش يبى الموت ينصاه
وراه مـادور بـدالـه خصيـمـه
والي عشان إنـا نحبـه ونبغـاه
خلا سماء لكويت في وسط غيمـه
يامـوت لاتفكـر بجابرنسيـنـاه
وشلون ننسا ابو اليدين الكريمـه
كانك خذيت النفس ذكره حفظنـاه
بقلوبنـا ذكراهـا تبقـى مقيمـه
ياالله ياربي عسا الخلـد مثواهـا
في جنة الفـردوس تنعـم نعيـم
والله يعوضنا الصبر عقب فرقـاه
ويعوض اقلوبـن بحبـه سقيمـه

[نــجــم]

::[[:: نبكي رحيله : شـ/النآدره ::]]::




خمسة عشر في الحج ياشين ليله
وسته بعد عشرين ياعام الأحزان
فجر الأحد عشنـا بهمـه وويلـه
يوم أعلنو فقـده وينعـاه ديـوان
( جابر الأحمد ) فيه نبكي رحيله
وتبكي عليه أمَه وتبكيـه بلـدان
وتبكي على فراقه سنيـنٍ طويلـه
فيها خدم لأرضه ودينه بالاحسان
لو يرجعه دمـعٍ ذرفنـا هميلـه
وبدمعنا نسقـي فيافـي ووديـان
حكم القدر لاشـك مافيـه حيلـه
لابد جوره تشهـده كـل الأعيـان
راح الفهد ثم راح جابر قفي لـه
اللي على رووس الزعامات عنوان
مرحـوم ياشيـخٍ فعولـه جليلـه
أغلى الكويت وعزها كل الأحيـان
قدَم جهـودٍ مالهـا مـن مثيلـه
تبقى بتاريخ العرب دون نسيـان
يارب جابـر جـاك كـرَم نزيلـه
شيخٍ يحبونـه صغـارٍ وشيبـان
وأكتب لـه الجنـه حيـاةٍ بديلـه
وأجعل مقره بيـن روحٍ وريحـان

[نــجــم]

::[[:: المشآعر حزينه : شـ/سعود نصار الخمسان ::]]::




علم لفا .. منه المشاعـر حزينـه
والقلب هاضه ماسمع بـه وعنـاه
وهاض الضمير وجاب خافي خزينه
والقلب جاظ وصافي الدمع جبنـاه
من علة بأقصى الضمايـر دفينـه
علم الحبيب الحاكم اللـي فقدنـاه
يقوله اللي تـذرف الدمـع عينـه
على عزيز الشعـب شيـخ دفنـاه
يوم الأحد شيـخ البلـد دافنينـه
عـزاه ياعينـي وياقلـب عـزاه
الصبر ياتايه عـن الـراي وينـه
يامن يصبرنا علـى عظـم فرقـاه
اللي حفظ ربـه وشعبـه ودينـه
يالله عسى في جنة الخلـد مـأواه
علاقتـه بالشعـب دايـم متينـه
الشعب حبـه والغـلا راح ويـاه
الله يعوضه عـن بقايـا سنينـه
وندعي له اللي كل خلقـه ترجـاه
بالخير شعبـه والبشـر ذاكرينـه
الله عنهـم بـارد الخلـد يجـزاه

[نــجــم]

::[[:: آعزيـكم : شـ/عمر اللهيميد ::]]::



وقع ذاك الخبر ياناس زعـزع كـل مافينـي
فجر يوم الاحد قالو خبـر عاجـل وتتليهـا
وفات الشيخ جابر ثم حارت دمعتـي بعينـي
وصارت فيني الدنيا عجيبـه بكـل مافيهـا
قعدت وشفت انا المنظر على الشاشه يناديني
وقمت وقلت ياربي عسـى جذبـه نمشيهـا
ولكن للاسف دمعـي تناثـر فـوق كفينـي
وصدقت الدموع اللي من امواقـي اسريهـا
أعزيكـم وواسيكـم وانـا منهـو يعزينـي
منو يقدر يعزي عيني اللـي غـاب غاليهـا
الاياجابر العثـرات تكفـى شـوف يدينـي
تراجف خوف من بعدك وبعدك منهو يعطيها
ترى بعدك يامير الحب خفت كـل موازينـي
وترى بعدك كويت الحب هزت كـل مبانيهـا
وترى بعدك انا عطشان ومدري منهو يرويني
وترى بعدك هذيك الارض دارت من حواليها
خساره موتتك ياشيخ لكـن موئمـن بدينـي
واعرف انه امر ربي جموع الحشد يحصيها
عسا ربي من انهاره سقاك وحبـة التينـي
يخليها ثمـارك وسـط جنـات الله حاميهـا

[نــجــم]

::[[:: ياكويت كفي الدمع : شـ/حنآن آل فآضل ::]]::







يا كويت جابـر حـي لا تجرحينـه
يكفيك حزن وقايد الخير مـا غـاب
يا كويت كفـي الدمـع لا تسكبينـه
ما مات جابر سيرته عطـر خـلاب
أدري عذابك فقـد شخـصٍ تبينـه
لكنْ وعد الموت في صفحـة كتـاب
جابر سليل الطيـب وأنـتِ مدينـه
بالحب والعرفـان لإنسـان جـذاب
كبيـر .. بأفعالـه ومـدّة يديـنـه
للي زمانه من عنا الوقـت غـلاب
والدمـع والعبـرة ونـاسٍ حزينـة
ما ألومها والله في جـرح منصـاب
كان الرجا يـا عيـن مـا تذرفينـه
دمعك ترى.. كان الرجا دم ينسـاب
أرض السعوديـة وجعهـا ونيـنـه
وش لون ما تبكي على فقد الأصحاب
جابر أَبـو.. للكـل تشهـد سنينـه
وراس السنين لفقد جابر ترى شاب
ودي بنفسـك داخلـك تدرسيـنـه
علم وعَلَم.. والقلب من حسرته ذاب
أوصيك يا كويـت العطـا تكتبينـه
رمز الشهامة والوفا طلعـة شهـاب

[نــجــم]

::[[:: 78بيت في جابرمن شعراءالخليج بدايه من : الشـاعر / وليـد العموي ::]]::






الـحـاكـم الـلــي مــرضــي الله والــنــاس
لامـــن رحـــل كـــلٍ يـحــس بـرحـيـلـه
علـيـه كــلٍٍٍٍٍٍٍ هــل دمـعــه مـــن الـــراس
العايلـه والطايـفـه والقبيـلـه( ولـيـد العـمـودي)
جـابـر غيـابـه اشـعــل الـشـيـب بـالــراس
مـــن غيـبـتـه كـــلٍ مـضـيّــع دلـيـلــه
الـجـفـن مـــن فـرقــاه مـاغــط بـنـعـاس
والدمع من عيني تزايد هميلـه ( مبـارك ابـو ظهيـر )
مــات وضربـنـا عقـبـه اخـمـاس واســـداس
مـــات الـحـصـان ولا بـقــى الا صـهـيـلـه
الله يصـبـرنـا عـلــى الـوقــت لا انــحــاس
وصرنا ضحيه بيـن عدلـه وميلـه (مطلـق النومسـي)
حـرمــت لا هـيـبـة مـواطـنــك تــنــداس
فـــي ديـــرة فـيـهـا تـهــاب الـدخـيـلـه
رمــز الـوفـا مـوطـن رهيـفـيـن الاحـســاس
جمال الحمـول الجايـرات الثقيلـه (بـدر بـن ثعلـي)
نـبـض القـلـوب الدامـيـه حـــس الاجـــراس
والشـعـر مـثــل الـخـيـل هـــذا صهـيـلـه
حـنـا نقشـنـا الـحـرف فــي خــد كـــراس
ذكرى رحيـل الشيـخ رد لجميلـه (خلـف الخطيمـي)
حـزنـه غـشـى دسـمـان والـبــدع والـــراس
والـسـالـمــي والاحــمـــدي والـعـقـيـلـه
والشـعـب يـدعـي لـــه والاريـــاق يـبــاس
جعل العوض باللي حكمنا بديله (عقيل المنيس الشمـري)
مـراجـلـه ماتنـحـصـي وســــط كــــراس
كــــل الـعـلــوم الــنــادره تنـتـمـيـلـه
فــوق النـقـا والـجـود والـــدرع والـطــاس
اضفى على الشعب الكويتي جميله ( تركـي الديحانـي )
مـثـل الشـجـر كـنـا وكــان الخـبـر فـــاس
ودمـوعـنـا كـانــت ســــوات الحـصـيـلـه
فــي غيبـتـه ضـاقـت بـنـا كــل الاونـــاس
ولاظـن نلقـى للسعـاده وسيلـه ( جـراح العليـان )
قلـبـي عـلــى فـقــد الشغـامـيـم حـسّــاس
وشـلــون لاصــــار الـمـفــارِق خـلـيـلـه
أكـيــد فــيــه أحــــزان وآلام وعْــمــاس
وأكيد يسكنْه الوجع مـن طويلـه ( فهـد بـن عبـدان )
لــو ينتـثـر دمـعـي مــن العـيـن لا بـــاس
لاصــار مــا فــي مـواجـه الـمـوت حـيـلـه
يــا جـابـر الـديـره طــوى شعـبـك الـيــاس
مظلم طريقـه والخطـاوي ثقيلـه ( فالـح الهاجـري )
لــو ينتـمـي هالطـيـب لاســداس واخـمــاس
الـطـيـب كـلــه يـابـشـر ينـتـمـي لــــه
جـابــر ومـثـلـه مـــا يـوفـيـه كــــراس
يميل شعـب ولاتجـي فيـه ميلـه ( حمـود جلـوي )
صــارت قـلـوب امـــة فتـافـيـت قـرطــاس
دوامــــة الاحــــزان هــبــت تـشـيـلـه
خـيـم علـيـهـا الـفـقـد والـيـتـم والـبــاس
واغتالهـا فقـد الزعامـات غيلـة ( قـهـر يـزيـد )
فــي غيبـتـه ثـــارت أحـاسـيـس وأنـفــاس
فـيـنـي ولـــدّ الـهـــم يـنـشـي سبـيـلـه
يـرحـمـه ربــــي رحمـةٍمـالـهـا قــيــاس
عِـد الـوبـل وعْـداد بـرقٍ نخيلـه (وعـد العبـدالله)
الـمـوت فــاسٍ وان هــوى الـفـاس بـالــراس
بـــاح الـحــزن جـمـاعـي بـكــل عـيـلـه
غــلاه .. مــره بــس شهـقـتـه بـالانـفـاس
وحلفـت مايُزفـر غـلا ذيـب جيلـه ( عقـاب الربـع)
وانــا رثيـتـه شـعــر وشـعــور واحـســاس
الـنــادر الـلــي صـعــب نـلـقـى مثـيـلـه
للمـرجـلـه مـعـنــى ولـلـحــق نــبــراس
عدل وضمير وطيـب قلب..وفضيلـه (نمـش الشمـري)
كـــل المـشـاعـر والـعـواطـف والاحـســاس
تـنـعـاك يــارمــز الـشـيــوخ الجـلـيـلـه
دعـمـت ســاس الـــدار يـاطـيـب الـســاس
للجيل هذا والذي بعد جيله ( صـلاح منـاور الشمـري)
يــوم الاحــد جيـتّـك هــي رمــح جـســاس
والشـعـب ظـهــر كـلـيـب وانـهــد حـيـلـه
غزيتـنـا واخـــذت مـــن يـرفــع الـــراس
والجرح ينـزف والامانـي قتيلـه ( ثانـي الدهمشـي)
يالله شـفـنـا الـحــزن طـاغــي وحــمــاّس
وغـصـبٍ عـلـى خـشـم المـراجـل نـجـي لــه
وش حـيـلـة الـدمـعـه اذ الـحــزن قـرنــاس
يضرب وحنا بالالـم ننحنـي لـه ( عبـد الله النافـع )
ياشـيـخ شفـتـك ذيـــب بـالـرجـم نـبــراس
يـعــوي ونـسـمــع بـالـبــوادي عـويـلــه
وياشيـخ شفـتـك فــي سـنـا المـجـد جــلاّس
لازال مجدك..والملا ترتقي له ( فيصل سعـود العنـزي)
وأصـيـر أنــا مــن بـعـد فـرقـاه مـحـتـاس
عــزي لـمـن مثـلـي أنـــا عـزتــي لـــه
لا يهـتـنـي نـومــي ولا يهـتـنـي اجــــلاس
يا كيف أنا بنسى يدينٍ طويله (خالد بن مساعد الرشيـد)
شـيـخٍ حكـيـم ومـاخـذ الـحـق لــه ســـاس
بـالـعـدل عـــدلّ كـــل نـفــسٍ عـلـيـلـه
لـلـجـود والاحـســان مــاحــط مـقـيــاس
والطيب من طيبـه بعـد ينتخيلـه ( جـراح مناحـي )
الـيـوم ذا شـعـبـك هـنــا رافـــع الـــراس
هـــو يفـتـخـر بـــك وبـحـقـك قـلـيـلـه
قــد صــار حـبـك نـبـض فقـلـوب هالـنـاس
يا نبض عايش للـدروب الطويلـه (محمـد آل مبـارك)
يـانــاس مافـيـكـم احـــد مثـلـنـا حـــاس
حـتـى قـصـر دسـمـان مــن يشتـكـي لـــه
الشـعـب صـابـه حــزن قـاســي وهـوجــاس
كلٍ صرخ ذا شيخنـا فدوتـي لـه ( سلطـان النـواف )
ياشـيـخ حـبــك وسـطـنـا مـالــه قـيــاس
يـالـلــي بـفـعـلـك مـرتـكــي للثـقـيـلـه
مـاغـبـت يالـزحـزيـح يـاطـيّـب الــســاس
زولك ترى موجود محـدٍ يزيلـه ( حربـي الضفيـري )
الـبــرق لا لاح بـسـمــا كــــل خــنــاس
و ( الـنــو ) لا سـولــف نـزاهــة زمـيـلــه
مـرقــدك امن..يـاعـسـى مـعــك حــــراس
ملائكـة رحمـه معـك مستقيلـه ( سعـود فـرحـان )
مــات الامـيـر وجــال بـالــراس وســـواس
مــن يشـبـهـه بـالـنـاس مـنـهـو مثـيـلـه
كــن المـراجـل بـالـعـرب جـالـهـا افـــلاس
مات الفقيد اللـي يسـاوي قبيلـه ( محمـد البغيلـي )
يـاقــو صـبــره يـــوم الاريـــاق يـبــاس
هــاك الـسـنـه يـــوم الـخـطـوب الجلـيـلـه
يـــوم المـشـاكـل تصـطـلـي فـوقـهــا داس
ابلى وحقق حاجةٍ مستحيله ( موسم بن سفر القثامـي )
لـلـعـز والـوقـفــات والـفـعــل نــومــاس
يـــوم الـمـلاقــى والـصـعــب يرتـكـيـلـه
بـنــك الـغـنـاة ولاظـهــر مـنــه افـــلاس
مدتـه للمحتـاج ماهـي قليلـه ( مـبـارك الفـعـم )
الـمـوت؛ كــاس وكلـنـا؛ شـــارب الـكــاس
ولا لـنــا غـيــر الـتـصـبّـر . . وسـيـلــة
وفـراق شـيـخ الـنـاس صـعـبٍ عـلـى الـنـاس
يرخص عزيز دموعنا فـي رحيلـه (فيصـل الشريـف)
قلـبـه كبـيـر وشـامـل الـشـعـب بـاحـسـاس
مـتـفـردن بـاوصــاف مــــن دون جـيـلــه
وصفـه ذهــب ..يمـكـن بـعـد اكـثـر ألـمـاس
يا حاكـمٍ كـل العـرب تعتنـي لـه (حامـد المطيـري)
زعـيــم شـعــب ورأي وقـلــوب وإحـســاس
وفــي حــب شعـبـه مــاش حـاكـم مثـيـلـه
يـــارب تـجـعـل لـــه إقـامــه ومـجــلاس
في جنـة الابـرار واهـل الفضيلـه (ناصـر تراحيـب)
مـواقـفـه تـشـهـد لـهــا كـــل الأجـنــاس
شـيــخٍ حـكـيــم..ودوم عـقـلــه دلـيـلــه
فـيـه الـوفـاء والـطـيـب والـديــن نـبــراس
رجـل المواقـف والفعـول الجزيلـه ( فهـد المجـلاد)
مـاارتـاح بــال ولااهتـنـت عـيــن بـنـعـاس
بــعــد رحـيـلــه والمـصـيـبـه ثـقـيـلـه
مكتـوبٍ اسمـه مــن ذهــب واغـلـى الالـمـاس
بقلوبنا فاقصى الضماير نشيله (ضيف الله حمدان الدلبحي)
فــي مــدت الـخـيـرات مـاهــو بمـحـتـاس
اقــســم يـمـيـنـه لاحــشــا مـاتـعـيـلـه
جـابـر بعـمـق الـخـيـر يـانــاس غـطــاس
ماهو سوالـف الـف ليلـه وليلـه ( عمـر اللهيميـد )
هــذا كـــلام ٍ مـــن ضـمـيـري بـقـرطـاس
والــلــي بـقـلـبـي مـاطـلــع عـزتـيـلـه
الله يبيـحـه كــان تـــاج ٍ عـلــى الـــراس
مالي على رد المقاديـر حيلـه ( محمـد بـن فـارس )
اعلامـنـا فــي غيـبـتـك صـــارت انـكــاس
والــروس مـــن بـعــدك تـراهــا هـزيـلـه
تـعـبـت ادوّر مـثــل قـلـبــك بـالاجـنــاس
بين القلوب الطاهره والنبيله ( صلاح مطـرف البقـان )
مـن غيبتـك والقلـب يـا اميـر والقلـب محـتـاس
يـالـلــي كـسـبــت الـطـيّـبـه والنـفـيـلـه
كـلٍ بـعـد ســوء الـحـدث يـضـرس اضــراس
يابـو المكـارم والوفـا والنفيلـه ( عايـض مبـارك )
يـفــداك وانـتــه بالـقـبـر كـــل بــــلاس
واهـــل النـمـايـم والــــدروب الضـلـيـلـه
ويـفـداك كــل طـاغــي وظـالــم وهـمــاس
ياللي دموع النـاس لاجلـك هميلـه ( طـلال فحمـان )
مهـمـا زرعـنـا الـقـاف او نـغـرس اغـــراس
تبـقـى غـصــون اشـعـارنـا بـــه ذبـيـلـه
ذكــراه يقـبـس داخـــل الـــروح مـقـبـاس
مولـعٍ بيـن الضلـوع النحيلـه ( طـارق بـن زيـاد )





::[[:: القصد من الـ78 بيت : ان الشيخ جآبر حكم في سنة 78 وتوفى رحمه الله عن عمرٍ يناهز 78 ::]]::

[نــجــم]

::[[:: مرت سنه : شـ / احمد بن بدير ::]]::






مرت سنه .. يا شيخ .. والحـال ملتـاع
ملتـاع! .. يـا منبـع حنيـن الأبــوّه
عز الله .. إنـا دون بسماتـك .. إجيـاع
جوع الفقيـر! .. اللـي بـلا حـال قـوّه
يا جابـر العثـرات .. يـا ذرب الأطبـاع
رحيلـك! .. أشبـه للجمـر وســط دوّه
لأنه رحيلك؟ .. غير عـن كـل الأوضـاع
وضع السمـا .. جـو ٍ ! يعكـر صفـوّه
يا أمير؟ .. والله يا لسـان الحبـر ضـاع
ماادري شأعبر .. والحكـي ضـاع جـوّه
لو قلت! .. عبر يا هجوسي؟ .. فلا طـاع
كـل الحكـي .. ياقـف قصـاه! ودنـوّه
لأن الشعر! .. لا من طرى .. بلحظه اوداع
مثل السهى! .. فجـأه! .. تعكـر بجـوّه
أقوى حزن ذاتي! .. وأفلل بـه اشـراع.!
إلا!.. حزن فرقـاك .. مانـي! .. مفـوّه
ياأمير!. في ذكـرك تحـرك بـي أضـلاع
وذكرك!. تـرى ياأميـر!. ماهـوب تـوّه
مرت سنه!. والحال .. في بعـدك أنصـاع
قـام إتهـذرى .. بحـرف ليتـه ولــوّه
ياأميـر!. دوك البيـت .. والكـل سمـاع
دمع الوطن .. يا أميـر!. شاعـل بضـوّه
ماقد وقف .. مسكوب في دمع .. الأشماع
نحفـظ دمـوع أمـوادعـك .. بالعـبـوّه
عبـوة الأحــزان . وألام .. وأوجــاع
وجعـة مفـارق .. قـد تحـدر .. علـوّه
أنت الأبو! .. وشلون لا ضاع أو .. ضـاع
دمـع الطفـل .. مـا وقفتـه الـمـروّه
ياأمير!. شعبك .. يشري الحب مـا بـاع
ماشـي علـى سلـم الـوفـا والأخــوّه
هذي تعاليمـك .. بـلا ظلـم .. واخـداع
يا طيب .. مبـدأ منهجـك .. يـا سمـوّه
شعبك .. يا أبو مبارك .. حسد تربة القاع
قبـر ٍ تحضـن بـك .. ويعلـن خـلـوّه
ياأمير راحت هالسنه .. نصـف وأربـاع
نصـف ٍ بكينابـه .. وربــع ٍ مـمـوّه
يعني!.. حزن هادي .. على دمع واصراع
أصــارع الـذكـرى بـعـزم وجــروّه
تضربي الأحزان .. صـاع ٍ علـى صـاع
من روحتك! .. والحزن .. يبـدى نمـوّه
مرت سنه .. وأحزن سنه .. دون الأقنـاع
كـل مـا طريتـك شـب بالقلـب ضـوّه
لأنـك أميـر القلـب .. والقلـب ملتـاع
ملتاع .. مـن غيبـت .. حنيـن الأبـوّه

[نــجــم]

::[[:: الله يبيحه ::]]::




مرحوم ياشيـخ لـه الشـان عالـي
مرحوم ياتاج العرب طيـب الـراس
تبكيـك نـاس مالهـا اول وتـالـي
من طيبك اللي يزرع الحب فالنـاس
ياكـيـف مانبكـيـك او مانبـالـي
وانت الذي خيرك علينا بـلا قيـاس
جابر وجابـر دوم صعـب المنالـي
عوق الخصيم اللي غدر ماله احساس
علقـم عـداه وللمحبيـن حـالـي
لاجاء نهـار تنكتـم فيـه الانفـاس
نسل الشيوخ أهل الفعـول الجزالـي
حر عديـم مالـه اشبـاه واجنـاس
لـه موقـف ماوقفـوه الرجـالـي
يوم كـل صـد واهتـال وانحـاس
أرهى على شعب الكويـت المثالـي
شعب يبادله الوفا حـب واحسـاس
عساه في رحمـة عزيـز الجلالـي
والله يبيحـه كـل ماهـب نسنـاس
وعسـى مقـره فالجنـان العوالـي
في جنة الفردوس في خير واونـاس

[نــجــم]

::[[:: آرضه : /حزيـنه ::]]::






جفّت أحبار المقالم وانكسر فجـر الصبـاح
وغصّت الشمس بفجيعة الفراق وفقد جابـر
وأصبحت أرضه حزينه والضيا في الأفق ناح
الطفل والشيخ يبكي ماقـدر أحـد ٍ يكابـر
عظّم الله أجر شعب ٍ فارقوا نجـل الصبـاح
وعظّم الله أجر شعب رغم هذا الحزن صابر
من عرفناها الكويت واسم جابـر فيهـا لاح
ومن عرفنا شعب جابر يقتدي باسمه يثابـر
خير كفّه ياسـع أرضـه ويتعداهـا بـراح
وكل فرد ٍ في الجزيرة ابفعل يمنـاه خابـر
من بدا عهده ورمـزه.. المعالـي بالكفـاح
قاد شعبه بالعزيمـه والوفـا ولـد الأكابـر
ما تثنيـه المخاطـر لا ولا غـدر اجتيـاح
رافع ٍ هامة دياره وكـل مـا يأتيـه عابـر
الطفل يهتف باسمه ( عشت يا رمزالفلاح )
يشهد التاريخ فعل ٍ خطّته بيـض المحابـر
ابتسامة من رضا تعلو المحيـا وانشـراح
ما تجهّم وجه عزٍ لو خطر هـالأرض غابـر
التقى ربه بنفس ٍ راضيـه ديـن وصـلاح
وكل شي ء ٍ فوق أرضه سلّم أمره للمقابـر
جابر الأحمد سيبقى ..ذكره العاطر يفـاااح
كل صبح ٍ يرتفع له كف من فـوق المنابـر

[نــجــم]

::[[:: مآخلق مثل جآبر : شـ/سآلم بن جخير ::]]::






يقول من عدا الجبـال المنيفـه
عدا وحزنه داخل الصـدر ثابـر
يجر صوتـه مانـوى بالنكيفـه
ويحـاول يكابـر وعيـا يكابـر
والحزن ماكن والنواظر كفيفـه
والقلب صابر غير ماهوب صابر
لان الحزن ماهو بكيفي وكيفـه
وماكل حزن يجيك ويمـر عابـر
الكسر يجبر يالضلوع النحيفـه
لكن مال الحزن فالصـدر جابـر
وانا وقلبي والسيوف الرهيفـه
وبيوت شعري والورق والمحابر
ودموع عيني والرياض المريفه
والعز والوقفه وصوت المنابـر
صار الحزن من بيننا بالنصيفـه
على فراق اغلا الشيوخ الاكابـر
اشجع شيوخ الارض لاسل سيفه
واطول شبور الخلق لاجا يشابر
واحن من قلب الوليـف لوليفـه
وازكى وارق امن الزهر والعنابر
اثبت لنا ان التواضـع حليفـه
وان الرجال اهل المواقف مخابر
ابو الكرم وابو النوايا النظيفـه
ماشح يوم ان الزمن صار غابر
شال الحمول الكايده والخفيفـه
وثابر وصار الشعب كله يثابـر
حتى تجاوزنا الظروف الكليفـه
ولا بقـى فالـدار للشـك دابـر
عليه كل عيون شعبـه ذريفـه
ويبقى الحزن ثابت وماكن وكابر
لو القبر يدري بمقـدار ضيفـه
ماشفت خلق الله سوى فالمقابر
ودي اصرح والنوايـا شريفـه
وانا الى صرحت عارف وخابـر
والنعم ببن سعود وابن خليفـه
لكن جابر ماخلـق مثـل جابـر

[نــجــم]

::[[:: آرض الكويت : شـ/منآور بن هآجد ::]]::






خمسة عشر . . واحد تعاليل وأحزان
ألفين وستة مـن سهـوم المقاديـر
الـدار صاحـت ردد الاّه " دسمـان"
ننعي أميـر قلوبنـا جابـر الخيـر
حل الأجل فجـر الأحـد قبـل الاّذان
هلت دموع الشعب مثـل الشخاتيـر
الموت بأمر الله يجي ويـن ماكـان
يقبض على الأرواح مافيـه تأخيـر
أي والله نبكي شيخنا عالي الشـأن
ياعـل عيـن(ن) مابكـت للتعازيـر
محبتـه ماهـي دعايـات وإعـلان
لأبو مبارك حـب فـاق التصاويـر
قايـد مسيرتنـا بنهضـة وعمـران
أبذل جهودة ماحصل منـه تقصيـر
حكيـم وأحكامـة بحجـة وبرهـان
له رأي لامن صار بالوضـع تعكيـر
ناصر قضايا أمتـة قـدر الأمكـان
فعله عليه أشهـود ماهـو بتزويـر
لاعـودت للحـق فـي كـل ميـدان
حنكة سياسيـة لهـا وقـع تأثيـر
يوم الكوارث زلزلت بعض الأوطـان
ماصـد عنهـا مدهـا بالدنانـيـر
راح الأمير الصيرمي ذرب الايمـان
أنشهد أنـه مـن كبـار المخاسيـر
مرحـوم ياقايـد شمـل دار هـدلان
أرض الكويت اللي تلـم المساييـر
مرحـوم يابحـر النـدى يابليهـان
نسل الصباح الحر شيـخ المناعيـر
مرحوم يارمز التواضـع والإحسـان
مرحـوم يافـال السعـد والتباشيـر
عساك بالفردوس مع حور الاعيـان
اّمييـن ياربـي عليـك التدابـيـر

[نــجــم]

::[[:: تبكي عيون العرب والتركمآني : شـ/شبيب العتيبي ::]]::





جاني خبر موت الشجيع ولفانـي
اشباح همي وسـود اليـل ويـاه
حاولت اقـوم ولاتغيـر مكانـي
ياكبرها يافجعـة اليـوم كبـراه
مات الامل والطيب والعلم ثانـي
ومات الكرم والجود يوم(ان)فقدناه
ابو اليتاما محتضنـا احتضانـي
الي حضنا فـاول الوقـت وتـلاه
مات الامل فينا بمـوت الامانـي
ومتنا حضور المقبره يوم شفنـاه
تبكي عيون العرب والتركمانـي
وعيون من يعرف جمايل محيـاه
وتبكيك نخوة فالعروبـه تعانـي
ويبكيك من مدك على الطيب يمناه
وتبكي حدود المملكـه والمبانـي
وكل العيون الي تحبـه وتنعـاه
والا الاجل مكتوب والعمر فانـي
وليت يايوم الاحد صدق مقسـاه
اكتب من الـي للكتابـه حدانـي
همٍ على قلبي صباحـه وممسـاه
احاول اصبر مير دمعي عصانـي
مثل السحايب واقع الارض يغشاه
الله يرحـم شيخنـا بالجنـانـي
الله كريم الوجـه ربـي طلبنـاه

[نــجــم]

::[[:: الملحمه الجآبريـه مئـة بيت : شـ/ سعود المحجآن ::]]::





حكم القدر والمـوت محـدٍ يدانيـه
لكـن شـرع الله والمـوت سـنَـه
سنه على كـل الخلايـق مماشيـه
يالله عليـك الـوقـت لاتمتحـنَـه
وامـرٍ كتبـه الله بالـوح مقضيـه
واللي وطاه المـوت ماغـاب عنَـه
هذي سنه والحزن مثلـي يخاويـه
واشعلت انا التنباك والصـدر كنَـه
شاعر رهيف احساس والبيت مرهيه
لامن طلبت البيـت ماخـاب ظنَـه
قد قلتهـا شاعـر ومبـدع قوافيـه
قـد الكـلام وكلمـتـي ماتثـنَـه
والشيخ جابر داخل القلـب مغليـه
في داخلـي جابـر وحبـه سكنَـه
اغليه ومن شوق المحبـه نقهويـه
واطرب له ابيوت الشعـر واتغنَـه
واضحك بدون شعور لاحـل طاريـه
لـو الحـزن شيًـد صـروحِ وبنَـه
ولامن حضر طيفه اوقـف واحييـه
يستاهل التقدير شيـخ اشهـد انَـه
عليـك ياشيـخِ عريبـه مجانـيـه
لامن حضر طيفـه عيونـي بكنَـه
وصاحت هجوسي تالي الليل تبكيـه
والفيـن ونـه تقفـي الفيـن ونَـه
والفيـن ونـه حاضـراتٍِ تعزيـه
من حبه اللي داخـل القلـب منَـه
منـه ومنـه داخـل القلـب منيـه
كلي حـزن والحـزن رعـدٍ وحنَـه
مو بس انا اللي اشكي حزني واخبيه
انا مـع الشعـب الكويتـي حزنَـه
وشعب الخليج اللي يحبه ويرضيـه
واللـي ورى لبنـان منَـه ومنَـه
والساحل الشرقي وكـازا واهاليـه
والساحل الغربـي بكـى وستجنَـه
حتى بلاد الغـرب والصيـن ترثيـه
ونشد هل المكسيـك والبابـا حنَـه
واهل اليمن والشام واللي سكن فيه
اكرم كريـم ولاهـو رجـلٍ يمنَـه
والهنـد عـزت وستلجـت موانيـه
وفاضت عيون الهند يـوم ادمعنَـه
وجزر القمر والموج غطى مراسيـه
وتشاد صاحـت والعيـون اغرقنَـه
ونجلترا شعـب الكويتـي تواسيـه
والامريكانـي ماهـدى وستكـنَـه
والروسي ضاق وباينـاتٍ مواريـه
واطلق رصاص الحزن حزن اطلقنَه
والقاهـره تبكـي سمـوًة معاليـه
لاجـل الاميـر اعلامهـم ينكسنَـه
واهـل فرنسـا حزنهـا مانخلـيـه
كن الهموم السـود هـن يطرقنَـه
حتى فيًنـا هلـت الدمـع صافيـه
قامت توجـد بيـن عبـره وخنَـه
خنَه وصوت الحزن بانـت خوافيـه
تبكـي سمـوًه واليديـن اصفقنَـه
واللي ورى سيلان صفـق بياديـه
ودمـوع عينـه كالنهـر سًيلـنَـه
من موتت اللي كل فـرضٍ يصليـه
ماغاب عنه الفرض فـرضٍ وسنَـه
سنة رسـول الله والفـرض مديـه
هذي عوايـد شيخنـا مـن فطنَـه
يشهد له التاريخ حضـر وبواديـه
والطيب شاهد والصحـف سجلنَـه
حتى ملوك الارض بالخيـر تطريـه
بالطيب والمعـروف والمجـد لانَـه
قرمٍ ليـا شـاف الفقـاره تشاكيـه
أرًها الكفـوف البيـض مايبخلنًـه
مثل سحـاب الخيـر لاهـل مافيـه
يسقي هشيم القـاع منـه اشبعنًـه
يشهد عليـه الوقـت ويـا لياليـه
كم ديـرةٍ طاحـت ومنـه اعمرنَـه
انا اشهد انه راعي الطيـب راعيـه
ويديه مثـل الحـر هـن يقنصنَـه
والطيب ثوبٍ وافـي لـه وزاهيـه
والطيـب تـاجٍ واليديـن املكـنَـه
كل الشعـر ويـا القوافـي تغنيـه
لانـه سـنـام الـعـز ماخيبـنَـه
ماضاع في دربه ولا فـي هقاويـه
يضـرب علـى الكايـد ولا تعبنَـه
حامي بلاده من غثى الوقت حاميـه
وصدره كما درعٍ ليـا مـن غثنَـه
كم موقـفٍ مـرًه وثبًـت خطاويـه
ورجليه وقت الضيـق مـا يخذلنَـه
افديك يا نبـعٍ روى منـه ظاميـه
يمناك نبـع الطيـب يامـا سقنَـه
افديـك ياحـرٍ تعـلًـت مراقـيـه
ماضيُـع الصـيـده ولا ضيعـنَـه
هذا الامير اللي له الـروح تفديـه
مرحوم ياشيخٍ لـه الشـوق حنَـه
ذكراه في قلبـي وشوقـي يباريـه
لامن طرى جـات البيـوت ورثنَـه
لامـن رثيتـه ماعليًـه مشـاريـه
يستاهـل بيـوت الفخـر لا طرنَـه
ياعـزوة اللـي ضايعـاتٍ محاريـه
اللـي همـوم الليـل هـن جننَـه
عـز اليتيـم وكـل شـيٍِ موفًيـه
اللـي سـواد الليـل هـن يتمنَـه
الشين عنه ابعيـد لا مايجـي فيـه
والزين كـل الزيـن فيـه وظمنَـه
دسمـان يبكـي والليالـي تهديـه
بان الحـزن يـوم الليـال استرنَـه
دسمان مل الحـزن والهـم طاويـه
سود الليالـي مـن بلاهـن طونَـه
في غيبته يشكي من الهـم صاليـه
وسيوف هم الليـل هـن يجرحنَـه
وليا انتهى همٍ يجـي هـم مقفيـه
ياشينهـن حتـى الفـرح غيبـنَـه
ياشيـن قلـبٍ هالليالـي تفاجـيـه
وياشيـن قلـبٍ هالليـال اغدرنَـه
كن الحزن خيًم على كـل اراضيـه
وكـن الفـرح مـل البـلاد ودفنَـه
والقلب مع سـود الليالـي امنيـه
والقلـب غيـر الشيـخ لا ماتمنَـه
دام الحـزن منـه فلانـي بناسيـه
وشلون ابنسـى والمشاعـر حونَـه
مانساه لين العمـر يوصـل لتاليـه
حتى هواجيـس الشعـر لا نسنَـه
اعاتب هجوسي واعيد النظـر فيـه
واجدد هجوس الحـزن فـي زمنَـه
يوم المشاعر بالمشاعـر تصافيـه
حـرام ماربـع المشاعـر جفـنَـه
الله اكـبـر والمشـاعـر تدفـيـه
لاصار بـرد الليـل جـن احظننَـه
سلام ياشيـخ سكـن قلـب غاليـه
وعروق قلبي بالغـلا هـن سقنَـه
سـلام ياشيـخٍ كريمـه مساعيـه
يوم اليدين البيـض هـن يكرمنَـه
اسمع صدى صوتك ومثلـي تناديـه
واشوف انا طيفك ليـا الليـل دنَـه
ورد انا صوتي علـى وادي التيـه
والحـزن بايـن والهمـوم اخنقنَـه
يمنـاي ومًـت والمشاعـر توميـه
والعين هلـت والدمـوع افضحنَـه
مثل النهر ولا المحاجـر شواطيـه
كـم واحـدٍ مثلـي عيونـه بلنَـه
الله يـوم الـراس هلـت غواديـه
متيـن شطـرِ والبيـوت احتمنَـه
مرحـوم ياشيـخٍ ولاحـدٍ معـديـه
بالطيـب والمعـروف لطيـب رنَـه
يسمع صداه اللـي بعيـدٍ مراميـه
اللـي همومـه بالليـال اذبحـنَـه
يتعب على اللـي هالليالـي تشقيـه
ويفرح ليا شاف العيـون اسعدنَـه
يتعب على اللي من زمانـه معنيـه
ويرتـاح لامـن العظـام اجبرنَـه
يتعب على اللي مالقى مـن يداويـه
يجيـه وافـي واليديـن اسعفـنَـه
يوم الزمـن هـذا تكاثـر بلاويـه
تلقـاه حـرٍ ماالحـبـاري قفـنَـه
حتى سحاب الخير بالخيـر تسقيـه
من فوق قبر الشيـخ يامـا رونَـه
جابر خوي الطيب والطيـب حاويـه
يرجح لـه الميـزان لامـن وزنَـه
تبكي عيون الناس قاصـي ودانيـه
لانـه سخـي ولا يديـه اقصرنَـه
كلمة هلا واهليـن هـذي مباديـه
وعيونـه اللـي للوطـن يسهرنَـه
ويديـه صـارٍ بالليالـي مراكـيـه
وعيونـه الثنتيـن لا مـا غفـنَـه
ونضاعـت الاريـا فصيـحٍ تلاقيـه
رايـه سديـد ولا الليـال اخلفنَـه
متواضـعٍ حـده ولاحـدٍ يساويـه
ودمـوع عينـي لاطـرى يذرفنَـه
المرجلـه عنـده وماهـي حواليـه
تعجـز حريـم الوقـت ماينجبنَـه
فارس وسيف العـز والعـز راقيـه
يدييـه وقـت الضيـق مايرجفنَـه
وعينٍ من الرحمـن لاشـك ترعيـه
ونفسه من الرحمن هـي مطمئنَـه
شيًـد بـلاد العـز والعـز بانيـه
لاهنت ياشيـخٍ لـه الطيـب فنَـه
والصدر مل الحزن والحـزن ماليـه
في داخلي بـرقٍ وظـرب الاسنَـه
وعيني على شرواه هلـت تباكيـه
وجدي عليـه وزايـل الشـك منَـه
من وين مالديـت اشوفـه واهليـه
واقلطه فـي صـدري هيـلٍ وبنَـه
غالي ولـه بالقلـب شـي وبنيـه
وعـروق جسمـي بالعطرعطرنَـه
حقـي ومـن حقـي احبـه وبديـه
لانه اميـر افعولـه هـن شيخنَـه
واليـوم حنـا بالمياديـن نرثـيـه
وانـا اعـرف الابيـات مايوفينَـه
الطيب له ميـزه ولاحـدٍ يضاهيـه
شيخٍ على طيـب المراجـل تعنَـه
حـرٍ عريـب وافيـاتٍ موامـيـه
قد ساعد المحتـاج مـن دون منَـه
وهذي كويت العز باسمـه تناديـه
تبكي سمـو المجـد تشهـد بأنَـه
اطلق شنب واشرف مواطي مواطيه
مامات جابر حـي و داخـل وطنَـه
مرحـوم ياشيـخٍ قويًـه عزاويـه
يالله عسى الحسنات هـن يرفعنَـه
مرحوم ياشيـخٍ ليـا هـل ماضيـه
شـرفً بـلاد الـعـز مادنسـنَـه
مرحوم ياشيـخٍ دمـح زل مخطيـه
يالله عسى الفردوس لشيـخ جنَـه
امين ياللي بامـرك الكـون تنهيـه
أميـن ياعالـم بـسـر الاجـنَـه
سبحان ربٍ كـل شـيٍ علـم فيـه
يعلم بصدر النـاس وشهـي تكنَـه

[نــجــم]

::[[:: اميـر القلوب : شـ/منآحي مويس الهاملي ::]]::






يوم الاحد الصبح جتنـي تعازيـه
قالوا توفى راعـي الخيـر جابـر
وفزيت من نومي وآنا أصيح وأبكيه
وشلون مبكي راعي الطيب جابـر
وكويتنا والشعـب والكـل ينعيـه
أميـر القلـوب لا شـك جـابـر
يالله تكفـا أعـف عنـه وأجزيـه
ابجنـة لفـردوس الشيـخ جابـر
ومن الذنوب اطهـره ثـم تنجيـه
وترحم رحيم القلب ابـوي جابـر
عهدن علي منساك والعهـد نوفيـه
جابـر وتسوالـك ثمانيـن جابـر

[نــجــم]

::[[:: غروب نحو الشروق : شـ/آيمن العجآرمه ::]]::




عفوك إلـهي ما اقول إلا كما قال الرسول=( صبرٌ جميلٌ ) احتسب فيه الاجر والمكرمه
لك اشتكي موت الفجر قبل الوصول=لك اشتكي مُر الثواني والليالي المعتمه
واقف وسط ضجّه كبيره تعتريني بالذهول= مدري حلم .. ولاّ علم .. أسأل واجاوب تمتمه
اسمع نحيب ٍ يخترق سمع الاعالي والسهول = واسمع زفير ٍ يشتعل حسره ولا من يكتمه
افرك عيوني .. مو صحيح اللي اشوفه بي يجول=شفت البشر مثل البحر حول القبر مستسلمه
قالوا رحل ذاك الذي أسمه غدا طيب الفعول=ماني مصدق ما سمعته والخبر ما اعظمه
جابر رحل !! ما هو صحيح ٍ والامر صعب القبول=ياليتنا صرنا تراب ٍ من قبل ما نعدمه
جابر حكايه كامله تثمر عطى كل الفصول=جابر مسافه مزهره حين الخطاوي ترسمه
نسل الكرام الطيبين الطاهرين ابن الأصول=تاريخهم سطـّر على صدر الزمن هـ الملحمه
كان الفجر به ينتشر فوق السواحل والحقول=كان الفضا لو يبتسم ياخذ حلا من مبسمه
كان الورد من طلعته ينسى معاناة الذبول=كان الثرى في خطوته يحضن خُطاه ويلثمه
شيخ ٍ رسم درب السعاده للوطن صعب ٍ يزول=شيخ ٍ بقى طول الدهر يبني بلاد ٍ مسلمه
شيخ ٍ صمد رغم المطامع والمغازي والعذول=شيخ ٍ سهر ليله على هذا الوطن له يخدمه
يا من جعل شمس الكويت ابلا غياب ٍ او افول =يا من زرع بذر الأمل في هـ القلوب المعدمه
يا من سحابه بالعطى دايم على ناسه هطول = يا من جعل كل العطايا تنهمر من معصمه
يا من صنع مجد الكويت اللي غدا كله ذهول= يا من حمى أرض الوطن حين الخناجر مجرمه
جابر وقف وسط الشدايد ما يعاني من حمول=شال المحامل كلها وقت المنايا تزحمه
بعدك رحل نور النهار اللي شعلته بالسهول=ضاقت مساحات الأمل خلف العيون المبهمه
هذا الوطن بعدك غدا يبكي كما عذرا =ريق الكويت اللي نشف عند المصيبه زمزمه
عين الكويت اللي بكت فاضت مدامعها سيول =قلب الكويت اللي حزن كل المآسي تلجمه
لكن عزانا بالمصيبه لو ترابه له يحول=روحه معانا باقيه تسكن قلوب ٍ مغرمه
ارفع كفوفي والمصيبه أذهلت كل العقول =أدعو إلـهي يرحمه ثم يرحمه ثم يرحمه
ويجعل مكانه في جنان ٍ خالده عند النزول=ويجعل ثواب الآخره نعم الثواب وأكرمه
قلبي يصافح كل كويتي .. من صميمه له يقول=عظـّم الله في اجركم بالصبر له يدعمه
رغم المسافه بيننا رغم الألم فينا يجول = مـُر النوايب بيننا لازم معاكم نقسمه
حكم القدر ماله دوا إلا الصبر لو هو يطول = نفس النهايه للبشر ذاك الثرى له يردمه
كل المشاكل لو تجي ممكن لها نلقى حلول= إلا المنايا لو تقع نصبر على ما تحكمه
كل المعارك بالوغى خيل النصر ممكن يصول= إلا القبر لو كم نحارب هـ القبر ما نهزمه
عفوك إلـهي ما اقول إلا كما قال الرسول = (صبرٌ جميلٌ) احتسب فيه الاجر والمكرمه

[نــجــم]

::[[:: آطيب قلـب : شـ/سآلم سيآر ::]]::





يااطيب قلب انا وشلون أطول القلب وأكتب لـك
قصيدة من حزن تشعل حنين الأرض من شانـك
عجزت اسهر على المعنى احاول بـس اعبرلـك
عن شعوري وعن احساس الحزن في عين خلانك
لو ان هذي النجوم قلوب صعدت بعيني واقطفلك
سناهـا واشعـل الدنيـا قلـوب بليـل فقدانـك
ياشيخ الارض وشلون الشعر من قلبي يوصلـك
وانت الشعر والمعنـى وكـل الحـب بأوزانـك
وشعري لو ظلم عمري انا ارضى بس من عدلك
لأنك من عدل بيـن القلـوب بوسـط وجدانـك
اقول الحب هذا الحب لو هو انسان يشبـه لـك
وانا اصلا ًمن عرفت الحب شفته بهيئة أنسانـك
وأقول العز والمجد القديـم يضيـع مـن أجلـك
نعم مدام هم عاشـو سنيـن اطـوال بأعيانـك
انا ما اقول من ترحل بكانـا بـس يدمـع لـك
أقول الله يعين عيون تشـوف أجـدار دسمانـك
هو اكثر من حضن قلبـك بهالدنيـا ويشهدلـك
بأن ياما زرعت الحب والرحمـه مـن احسانـك
اذا ترحل تشوف أصوات كـل النـاس تندهلـك
لأن قلوبهم تنـزل معـك فـي داخـل اجفانـك
ذخرت الحب ياجابر واشـوف النـاس تذخرلـك
بكا مرفوع من صوت الدعاء يصعد على شانـك
تفارق فينا مو/ عنـا وهـذا الشعـب يذكرلـك
بأنك واحـد وتجمـع قلـوب الشعـب بأكفانـك
نعم حنا الفروع اللي تقـول ونجتمـع بأصلـك
رويت الارض وهم حنا ارتوينا بطيـب شريانـك
ياشيخ الارض مدام ان الشموخ يكون من فعلـك
وهذا العز من تحت الاراضـي يكـون عنوانـك
لابد أنكون فوق الارض نمشـي كلنـا بشكلـك
على نفس الشموخ ونفس طيب افعـال جدانـك

[نــجــم]

::[[:: الشعب الكويتي : شـ/طلآل بندر ::]]::





عظيم ولا اله الا أنت ياربـي عظيـم الجـود
خلقت الكون والغيب المقدر حاسـب حسابـه
غفور وتغفر الذنب الكبير وتنصر المضهـود
كريم وتعطي الجنه بروضـة عـدن واعنابـه
رحيم وترحم الأنس الرحيم الطيب المحمـود
ولاغـيـرك الــهٍ مهتديـنـا وهتدينـابـه
خلقت العبد من نطفه وتعلم يومـه الموعـود
وتعلم من رفع يمنـاه يـوم الحشـر بكتابـه
الا يالله يـارب العبـاد الخالـق المعـبـود
دعيناك ودموع العيـن فـوق الخـد مرتابـه
ليامنه رجاك المسلم المخلـص تجيـه بـزود
وأذا صاح اليتيم اهتز عرشـك كلـه اسبابـه
الا يالله أنا طالبـك ودمـوع العيـون تـزود
أنا طالبـك والقـرأن نحفـظ لـه ونقرابـه
جميع الشعب يطلب فزعتك يوم الجباه سجود
بكتبك مـع ملائكتـك وكـل اسـمٍ تسمابـه
الا يالله يالمعبـود ياسامـع دبيـب الــدود
تـرى القـرأن رتلنـا حروفـه ماكفرنـابـه
الا يالله ترحـم مـن توفـي والعبـاد ارقـود
حبيب الشعب نور بلادنـا عشنـا وعشنابـه
فجر يوم الأحد يالله عسى اللي صاربه مايعود
فجيعه هزت الشعب الكويتي وهدمـت بابـه
عقب نشر الخبر طار الكرى والنوم مابه فود
علينا من سحاب الدمـع ديمومـه وصبابـه
عقب فقد الأمير الحزن وسط قلوبنـا مشـدود
سندنـا لاتضايقـنـا فزعـنـا وعتزينـابـه
سندنا جابر الاحمد ونرقـى بالسنـود سنـود
عطاياه الثمينه تشهـره فـي راس مرقابـه
كريم اي والله ان جابر كريم ويعطي الممهود
ولا يأخذ من سلـوم البخيـل اريـاه ونهابـه
شجاع ولا يهاب ولا مشي في سكة المنقـود
يحبه كـل شعبـه والعـدو يخشـاه ويهابـه
سبب سر التواضع طيب ذاته والجدود جـدود
الا ياقبلة الله بالزمـن يـوم الزمـن جابـه
يشيل الدمع من خد اليتيـم ويستمـع للعـود
ويفهم موقف اللـي يطلبـه وينـوخ اركابـه
عليّ الشاهد الله في قصيدي والشعوب شهـود
وكم شعبٍ يعيـش بخيـر جابـر ويتهنابـه
يساعد كل شعبٍ مضطهد من حظه المغمـود
ويعطي كل محتـاجٍ عطايـا تملـي ازهابـه
نهار الحرب ثبت فزعته بالموقـف المشهـود
وخلا العالم تهل الدمـوع وتكسـب اعجابـه
جميع الناس تصفق باليدين لهرجه الموكـود
حمامات السلام تعيش فـي كفـه ومخلابـه
نعم رجل السلام الشيخ جابر بالرخى والكـود
ذرانا يوم هومـات الزمـن عجلـه ونهابـه
وحقق ماتمنـى شيخنـا والجـود بالماجـود
توكـل بالالـه الـلـي بـدانـا وبتدينـابـه
وحرر ديرته والامن ساد السيـد والمسيـود
عسى ربي يبيحـه بالقبـر ويعطـر ترابـه
عزانا من قصر دسمان لين حدودنـا ممـدود
الا ياعيـن لاتبكيـن كثـر الدمـع ماجابـه
ترى حنا خلقنا مـن تـراب وللتـراب نعـود
ولو طال العمر له يوم كـف المـوت يغتابـه
وترى أل الصبـاح شيوخنـا ولاعليهـم زود
ولكن جابر الأحمـد زعيـم ومابـه اطلابـه
أديب ومنهجه منهج أديب مهـذب المـردود
عسى الله يجزي الشيخ الأديب بحسنة أدابـه
أنا لاشفت صورة شيخنا دمعي يـزود بـزود
قلوب الشعب منصابه وعيني منـه منصابـه
يغيب الشيخ لكنـه بوسـط قلوبنـا موجـود
غلاه مـن الله بوسـط الضمايـر ونتغذابـه
وأنا مانيب بالحالي حزين وخاطـري معقـود
ترى كل الكويت اليوم عقب الشيخ منصابـه
عسى ربي يبيح اللي توفـى والعبـاد رقـود
حبيب الشعب نور بلادنـا عشنـا وعشنابـه
فجر يوم الاحد يالله عسى اللي صار به مايعود
فجيعه هزت الشعب الكويتي وهدمـت بابـه

[نــجــم]

::[[:: رثآء الاميـر : شـ/ثآمر شبيب ::]]::






يالله يامثبت هـل الديـن بالديـن
الشعب فـي رجـوآك يالله صآبـر
عشنآ الغزو في بآس محنا ضعيفين
لكن عرفنا الضعف في موت جآبـر
ابو اليتآمى والضعوف المسآكيـن
صحيح من قآل المرآجـل مخآبـر
اليا تيامـن كلنـا نوقـف يميـن
خلفه ليا من الزمن صـار غابـر
وشلون ننسى موقفه عام تسعيـن
يوم انحنت قدمـه كبـار المنابـر
وقف ووقف له شعوب وسلاطيـن
الشعب خابر واغبر الوقـت خابـر
وشلون ماتبكي على جابـر العيـن
من يقدر اليا شـاف قبـره يكابـر
حكم قلوب الشعب سبعه وسعبيـن
والفين وستـه راح ماهـو بعابـر
باقي بقلب الشعب مثل الشراييـن
صارت لقبره قلوب شعبـه مقابـر
الفين وسته ليتهـا ستـه الفيـن
استغفر الله وش تقـول المحابـر
مايرجع الي راح لو نبكي اسنيـن
بس ندعي الله وللعـزا الله جآبـر
نسجد لوجه الله عبيـدن مصليـن
يالله ترحم عبـدك الشيـخ جآبـر

[نــجــم]

::[[:: هذي سنـه : شـ/مبآرك ابو ظهيـر ::]]::






هذي سنه راحت عـن البـال ماغبـت
إي والله إنـك حاضـرٍ فـي غيـابـك
يامهيّـب ٍ ضيـم الليالـي ولاهـبـت
علـى عيالـك ضيـم الأيـام هـابـك
ياجابـر العثـرات ياكـم بنـا طبـت
وأنت الـذي بالطيـب يذكـر جنابـك
ياللـي بديـنـك ياحبيـبـي تـأدبـت
مات الكبـر بـك والتواضـع حيابـك
حبـك وربـي ثابـت ٍ فالحشـا ثبـت
نابـت ومـن كثـرة غـلااك متشابـك
ذبنا بحبـك وانـت فـي حبنـا ذبـت
كنا لـك أقـرب سيـدي مـن ثيابـك
بعيوننـا عبـره وبصـدورنـا كـبـت
علـى فـراقـك عـطـر الله تـرابـك
(( دسمان )) لاشفته من الهـم شيبـت
يامـا ويامـا نوخـت بــه ركـابـك
ولا ّ (( بيان )) إن جيت يمـه تعذبـت
يهزنـي شـوق ٍ بطـاريـه جـابـك
يمكـن لأنـي فيـه جيتـك ورحـبـت
شرفتـنـي يـاسـيـدي باللـقـابـك
و (( السيف )) لاجيته تحطمت وإنصبت
كـم ليلـة ٍ يابومبـارك زهـى بــك
واشيب عيني كل ماإشملـت وأجنبـت
أتْذكـرك والمـوت عـنـي غـدابـك
للحـيـن كـنـك بينـنـا ماتغيـبـت
شفنـا نـدور شوفتـك عنـد بـابـك
مثل اليتامي من عقـب ليلـة السبـت
يـوم الأحـد يومـه فجعنـا مصابـك
ياالغايـب الحاضـر لـك الله ماغبـت
دايـم وحنـا نذكـرك فـي غيـابـك

[نــجــم]

::[[:: المصيبه : شـ/بدر البتآل ::]]::




مايحمد الا الله على الشر والخيـر
الحمـد لـك يالله فـي كـل حالـة
راضين حكمك والقضى والمقاديـر
ونسئلك لطفـك بالقـى واحتمالـه
الموت حـق وسنّـه ولازم يصيـر
والكل يبكـى بـس جابـر لحالـه
يسود حزن وينتهـي كـل تفكيـر
ويطول صبر الشعب ممـا جرالـه
مافيه غير الدّمـع للحـزن تعبيـر
ولاعـاد باقـي للقصايـد جزالـه
نكتب نبي نرثـي تجـفّ التعابيـر
واذا رثيـنـا حالـنـا ينرثـالـه
اذا المصيبه لا رحل جابـر الخيـر
أكبر مصيبـه ويـن نلقـى بدالـه
سهله علينـا لـو نـودّع مساييـر
لكن وداع الشّيـخ ماهـو سهالـه
أصعب من الاعدام في حكم تعزيـر
نـودّع اللـي ضلّنـا فـي ضلالـه
الحاكم اللي سطّر المجـد تسطيـر
بكـاه دمّ القلـب حـزن ووفـالـه
عجزت أخفّي دمعه بعينـي تشيـر
لابوي يمسح دمـع عينـه بشالـه
كلٍّ بكـى بفراقـه كبيـر وصغيـر
لا والله الا كــل شــيٍ بكـالـه
يبكيه من وضح النيـاق المغاتيـر
ويبكيه من خيل الشرف والاصالـه
ويبكيه من صفر الـدلال المباهيـر
وتبكيـه رايـات الكـرم والعدالـه
ويبكيه حتّى البر والجـو والطّيـر
حتّى الخليج نشوف دمعـه بجالـه
ويبكيه طيـبٍ مالفـى بالاساطيـر
ويبكيه زود الطّيب من طيب فالـه
الطيب به ماقابلـه طيـب بالغيـر
وكنّ الله اللي خيّره فـي خصالـه
حكمه وحنكه بعـد نظـره وتدبيـر
كنّـه يعلّمنـا نـزيـل الجهـالـه
ومن التواضع مايجي مثلـه اميـر
حتّى حرس قصره تقهـوى دلالـه
ومن الكرم ماشـال هـمّ الدّنانيـر
بالغزو كان الشّعب عايـش بمالـه
واذا تكلّمنـا بحشـمـه وتقـديـر
يكفي حدث واحد يجي فـي مجالـه
يوم انغزينا مـن جنـود ومغاويـر
قال الخطـاب وهـزّ عالـم بحالـه
عالم بحاله من جيـوش وطوابيـر
ردّو لنا الـدّار بشمـوخ وبسالـه
ولاتجي لو ماهـو بجابـر الخيـر
ولايبـيّـن حـبّـنـا دمعـنـالـه
أتعب خلف حكمه بطول المشاويـر
وأصعب وصول المجد للي سعالـه
رحل وعمّ الحزن شعب وجماهيـر
ولا بقـى الا حبّـنـا والدعـالـه
يالله عسـى قبـره ورود ونواويـر
ويالله عسى الجنّـه بقـاه ومآلـه
ان شفت حزن الشّعب قلت الله يجير
وان شفت دينـه قلـت ماينبكالـه
واذا المصيبه لا رحل جابر الخيـر
اكبر مصيبـه ويـن نلقـى بدالـه

[نــجــم]

::[[:: الاحد جآنآ : شـ/حسن علي الهآجري ::]]::





الأحـد جانـا بوقـت الرابعـه
صبح يوم ٍ للكويتـي اسـودي

في شهر واحد والامّه متابعـه
ستّه وألفيـن عـام ٍ سرمـدي

في وفاة الشيخ جابـر فاجعـه
الأميـر اللّـي بدربـه نقتـدي

من خبر موته عيونـي دامعـه
عظّم الله اجرنـا فـي سيّـدي

يا قلـم ورّد بوسـط الطابعـه
عن مشاعر شعبي واحزان بلدي

شعبه اللـي بالمحبـه بايعـه
مانسى المعروف والكف الندي

هذا جابر كـل طيـب ٍ جامعـه
والكرم في ذروته بـه يبتـدي

مدّته تمـلا البطـون الجايعـه
لخدمة المسكين دايـم يجهـدي

حكمته تهـدي قليـل الرابعـه
ولأجل شعبه كل غالي يفتـدي

بالسياسـه كـل حاقـد قامعـه
وبالفطانـه رد كيـد المعتـدي

شامخ ٍ مثل النّجـوم اللامعـه
مات وكلن في صلاحه يشهـدي

القلـوب ابحكـم ربّـي قانعـه
والقدر لازم على النّاس يعـدي

ذي عقيدتنـا ومنّـه نابـعـه
ولولا توفيقه أبـد مـا نهتـدي

يا إلآه ٍ كـل شـيء ٍ سامعـه
وأنت في عرشك ولا لك مسندي

جل شانك عـن ايـاد ٍ طامعـه
من على المكروه غيرك يُحمدي

نطلبك وقلوبنـا لـك خاضعـه
ولا حد ٍ غيرك إلاهـي نعبـدي

روح ابو مبارك لوجهك راجعـه
جعله بجنّات عـدن ٍ يسعـدي

وجابر الأحمد صعيب موادعـه
الاميـر اللـي معانـا مخلـدي

[نــجــم]

::[[:: الأحد الحزيـن : شـ/ شيمة ::]]::




مرحوم يامير الكويت وذرانا=من يجبر قلوب ٍٍ بكت دمعها دم
دسمان قصرك والخليفه عزانا= دسمان يبكي يوم فارقك من هم
ايتام من بعدك نعيش بشقانا =كنت الابو والجد والخال والعم
ياكويت نبكي من فراقه وجانا =قبلك شراك وفيك بالعز مهتم
مرتاحه انتي يوم جابرك عانا=مافيه عزاً تطلبينه ولا تم
حررك من غزو العراق ودعانا=ولبّـسك من عقد الذهب كل مالم
كافح عشان يروضك في ثرانا=ياكويت مات وحزن من حولنا عم
هو باع من عاداك حتى شرانا=هو خلّد افعاله ونادى سعد ثم
قال الكويت كويتنا وانتهانا=قال السعد نفديك بالروح والدم
هو مات .؟مامات وبقا في مدانا=ياحسرتي كم من فقد جابر وكم
كم من دموع استهلكت في عزانا=فجر الاحد هذا الاحد جمّع الهم

[نــجــم]

::[[:: قرن الرثآء : شـ/ عبيد راشد اليليلي ::]]::






قرن(ن) جديد وكل شعري به رثاء= من مات زايد كل ذيب(ن) يتبعه
لا نمدحه هالموت يجزل في الجزاء= لو هو سخي زود السخا ما ينفعه
يالله يارب ترحم شيوخ العطاء = زايد , فهد , مكتوم , والجابر معه

[نــجــم]

::[[:: علم صدري : شـ/ فهمي التآم ::]]::





ما انطعنتي يـ الكويت إلا دموع= لجل جابر من محبه واحترام
وما بحر دمك نزف / سمح الطبوع = إلا لجل مودّعك روّح ونام
مات لا .. لا .. نام قوليها خشوع =جابرك يا اشراقته هالحين قام
كيف؟ وافعاله تغنتها الربوع = يـ الكويت وجابرك برد وسلام
اخضرك من جود جابر للسطوع= واسعدك من بسمته بدر التمام
يالكويت بذمتك / غير القنوع!! =من عقر لك طيب كفينه وصام
ومن طحن لك ملح من صدره ضلوع =يـ أرض جابر غير نبراس الكرام
جابر اللي ما عرف معنى الخضوع = يـ الكويت وعز قدرك للأنام
جابر اللي شيدك فوق الطلوع= يـ الكويت وطار من زهوك حمام
جابر اللي كان لك سور / ودروع= يـ أم جود الأرض وشراع السلام
جابر اللي غادرك كنه جموع!! = مات / ماتوا وانفجر لأجله زحام
يا كويت الطيب يا جذر وفروع = الشهامه كانها دوحه .. مقام
يا ملاذ الكون وكعام الطموع= يا جواد الشيخ جابر والحسام
آآه .. وينه جابرك ؟ شمّر رجوع= لا .. مصيبه / طامّه / لا لا حرام
ما عرفتك بعد جابر بالدموع = يا علم دسمان .. اوجعك الظلام
شوفني مثلك ولا مؤمن جزوع=اصبر .. اصبر .. يا علم موت الهمام
حزننا شوفك ولله الرجوع=يا علم صدري ولله الدوام
لو بعد جابر تموت العين جوع =يا علم صدري وتسهر ما تنام
وماانطعنتي يـ الكويت إلا دموع=قالها اللي يعشقك حتى العظام

[نــجــم]

::[[:: الأختبآر : شـ/ محسن الحمري ::]]::




الله اللي لا اله إلا هو الحي القدير=لا نوى شيً على عْباده يصير..إلا وصار
ولين مسّ الضر احد منّا كبيرٍ او صغير= نرفع أيدينا وندعي له بلطف (الاختبار)
لا امتعاض ولا اعتراض ولا رفض لأمرٍ مرير = (قدر الله وما شاء فعل) رغم المرار
ما لنا إلا الرضا بالأمر.. لو مهما يصير=مؤمنين.. وكل مؤمن واجبه يرضى القرار
حكمة الله في عباده.. هي كذا الدنيا تسير=ذايقين.. الموت يعني ذايقينه.. لا.. فرار
هو صحيح الموت حق وعمرنا أصلا قصير=مير في ناسٍ تموت وهم بهالدنيا ( منار )
في صباحٍ أصبحت فيه السما ما هي =كن في شيٍ حصل بالأرض خلاها قفار
قالو الفارس ترجل والفرس اصبح كسير=قالو ان الشيخ (جابر) مات يا أسوا نهار
ويوم جاني هالخبر يا سامعي عبر الأثير= أظلمت كل الجهات بوجهتي والفكر حار
ثار فيني الشعر كله وانتثر دمعي غزير= واعرف إن الشعر بأعماقي ليا من ثار..ثار
انتحب شعري على صدر الورق واصبح غدير =في رثا شيخ بكاه الكون برّه والبحار
أي بكا العالم على موت الأمير ابن الأمير=ثمْ بكت حسره.. ديار العُرب ايضاً دار..دار
كل شبر وكل بذرة رمل داخلها ضمير = تبكي اللي عمّر الصحراء وخلاها ديار
تبكي اللي راسم البسمه على فم الفقير =تبكي اللي سيرته بالطيب تنفح والوقار
تبكي اللي ذاد عن ارضه وعن عرضه كثير=تبكي الشيخ الاصيل الحر رمز الانتصار
القدير الفارس المغوار والفكر المنير= الكبير اللي معودنا على فعل.. الكبار
راعي الحكمه... معلمنا.. ابو عقلٍ بصير = النصير الشامخ اللي ماعرف معنى (انكسار)
مجده اللي عانق ابراج الكويت وصار.. طير =طير حايم في السما التاريخ.. وبكل افتخار
الكويت بعهده الميمون زهره من عبير=من حسنها صارت البلدان.. اي والله تغار
والكويتي بالرخا والعز ما مثله نظير =لنّ (جابر) ما رضي ( لكويته ) إلا.. الازدهار
كم قضى من عمره السامي على حد الشطير=كم وكم عانى ولا.. تراجع ولا.. هزّه قرار
كم بذل يا سامعي من شان تقرير المصير= لين حرّرها وسوّرها وأمنّها.. وطار
ما اقتصر خيره على لكويت.. إلا صار بير =أي بير.. إلا نهر جاري سقى من جا وسار
كم وقف وقفات معْ بلدان فيْ فَيّ وهجير=كم نصر مظلوم..كم ساعد دول تحت الدمار
الاكيد.. الشيخ جابر صعب له ندّ وخشير = لنّ خيره عمّ كل الكون في سر وجهار
كيف ما تبكيه هذي الأرض والجمع الغفير؟=كيف ما تنعى السواحل والمداين والمثار؟
كيف ما يبكيه كل شيٍ صغيّر او كبير=كيف ما تبكي الكويت وشعبها حسره ونار
ما بقى فيها مكانٍ ( للصبر) او شي غير= الحزن خيّم على الأفواه.. ذوّقها المرار
ما لنا الا الرضا بالامر .. لو مهما يصير =مؤمنين.. وكل مؤمن واجبه يرضى القرار
جيت اعزيكم واعزي الكون كله في الامير = يالله انك تغفر ذنوبه وتوهبْه الف دار
يالله انك ترحمه وتجنبه حر السعير= واسكنه في جنة الفردوس من دون انتظار
يالله اللي لا اله الا هو الحي القدير= صبّر الشعب الكويتي.. على هالاختبار

[نــجــم]

::[[:: تبكي الكوييت : شـ/ رآنيا ابرآهيـم ::]]::





ينعى الكويت اليوم جابر و ينعيه= شعب الخليج فـ أرض شبه الجزيره
وبكل لوعه قصر دسمان يبكيه= راح الذي عطر جداره عبيره
راح الذي بالجود محدن يباريه= وصلت عطايا مدته كل ديره
وين الحروف الي تزهل وترثيه=وين القلوب الهاديات السريره
الحرف يبغى حرف ثاني يعزيه=وضلوع قلبي ولعت من هجيره
مامات ياموت الذي طاب طاريه =الذكر طيب والشواهد كثيره
شيخ الشيوخ الطيب كاسي مواريه=الزاهد بإيمان يملى ضميره
ابو اليتامى خير يارب تجزيه=عن مافعل لجل اليتامى الفقيره
حقق طموح الشعب وبكل مافيه=يسر صعوباتٍ عليهم عسيره
كم قادته للطيب همّة خطاويه=كم جبّر بعطفه نفوسٍ كسيره
حلمه عظيم وطاهراتٍ اياديه=كم مدها بالخير طول المسيره
وقف بوجه الغزو واحبط مباغيه= رد العدو خسران يندب مصيره
رد القنابل للعدو في مرابيه =حتى احترق راع المنافخ بكيره
يوم الغزو دمر وهدم مبانيه = اعاد اعماره في مده قصيره
قاد الكويت لمجد محدن يضاهيه=ماله شبيه ولا لقينا نظيره
من بعد ماحقق لشعبه امانيه = نامت عيونه في لحدها قريره
يالله عسى قبره من المزن تسقيه= وتحشره مع اهل الوجيه السفيره
كل القلوب اليوم تبكي وتنعيه= كم قلب يبكي اليوم فرقى أميره

[نــجــم]

::[[:: جآبر قلوب اليتآمى : شـ/ عبدالرزآق خلف ::]]::




يا جابر الأحمد نحبّك ونغليك=وخسارتك بقلوب شعبك كبيره
تبكيك كل عيون شعبك وتبكيك=يا سيّدي كل الشعوب الفقيره
يا جابر قلوب اليتاما بياديك=ويا ماسح دموع الفقارا بخيره
كل الشعب يا جابر الخير ينعيك=كل الشعب يبكي أبوه وأميره
في طيبتك يا شيخنا من يجاريك=ومع طيبتك ربي حباك ببصيره
يا غارس بقلب الأوادم مباديك =سطّرت لك في دفتر العز سيره
كل حاكم لشعبه يبي يقتدي فيك=أصبحت قدوه بالعطا والمسيره
علمتنا من حكمتك وفي تحدّيك=علمتنا ما فيه دولة صغيره
فارقتنا يا أبو اليتاما لباريك=وهو أرحم بعبده ويكتب مصيره
وعسى مصيرك جنّة الخلد يجزيك=دعوه ولاهي عند ربّي عسيره
تبقا أمير قلوبنا ما نخلّيك=وذكراك تبقا بالقلوب الكسيره

[نــجــم]

::[[:: مثوآك الجنه يايبه : شـ/ صبــآ ::]]::





لـو بأتكلـم خاننـي ألـف تعبـيـر=شنهـو الكـلام قبـال حبـي لجابـر
وشنهي القصايد يم هالقلـب الكبيـر=من عاش في بر وتركنـا علـى بـر
ما عمره قصر ان عطى .. دون تقصير = بـ" عيالي " نادى حتى فوق المنابـر
يا دمعتي هلي تـرى هالحـزن غيـر=ما مر علي من قبل وما اقـدر اكابـر
فرقاه له تأثيـر .. هـو غيـر تأثيـر= " فرقاه غربـة " والله عالـم وخابـر
باصبر واعزي نفسي من دون تفكير= واطلب من الله القى هالقلـب صابـر
مثواك جنه خيـر يـا جابـر الخيـر= مثواك جنة خيـر يـا " بابـا جابـر"

[نــجــم]

::[[:: فجر الصبآح : شـ/ دموع الحب ::]]::



جفّت أحبار المقالم وانكسر فجـر الصبـاح .=. وغصّت الشمس بفجيعة الفراق وفقد جابـر

وأصبحت أرضه حزينه والضيا في الأفق ناح =.. الطفل والشيخ يبكي ماقـدر أحـد ٍ يكابـر

عظّم الله أجر شعب ٍ فارقوا نجـل الصبـاح =.. وعظّم الله أجر شعب رغم هذا الحزن صابر

من عرفناها الكويت واسم جابر فيهـا لاح =.. ومن عرفنا شعب جابر يقتدي باسمه يثابـر

خير كفّه ياسـع أرضـه ويتعداهـا بـراح .=. وكل فرد ٍ في الجزيرة ابفعل يمنـاه خابـر

من بدا عهده ورمزه.. المعالـي بالكفـاح =.. قاد شعبه بالعزيمه والوفـا ولـد الأكابـر

ما تثنيـه المخاطـر لا ولا غـدر اجتيـاح= .. رافع ٍ هامة دياره وكل مـا يأتيـه عابـر

الطفل يهتف باسمه ( عشت يا رمزالفلاح ) .=. يشهد التاريخ فعل ٍ خطّته بيـض المحابـر

ابتسامة من رضا تعلو المحيـا وانشـراح .=. ما تجهّم وجه عزٍ لو خطر هالأرض غابـر

التقى ربه بنفس ٍ راضيـه ديـن وصـلاح .=. وكل شي ء ٍ فوق أرضه سلّم أمره للمقابر

جابر الأحمد سيبقى ..ذكره العاطـر يفـاااح .=. كل صبح ٍ يرتفع له كف من فوق المنابـر

[نــجــم]

::[[:: في ذمة الله : شـ/ سلمآن البريدي ::]]::




مرحوم ياشيخنا ياطيب السيره=ياللي غيابك يهز القلب ياغالي
ياشيخ جابر رحيلك يحزن الديره=يهل دمع الحزن جمرٍ ولا يبالي
تبكيك ارض الكويت وصفوة الجيره= وارض العروبه لفقدك دمعها سالي
ياشيخ ياللي تركت القفكر في حيره=يرثيك وإلا يسطر مجدك العالي
ياحامي الدار ياللي بحكمه تديره=ياموحد الشعب بأول حكمك وتالي
ياوالد الشعب يامن عمّهم خيره=يا كف جودٍ بتبذل لأجلهم غالي
في قلب شعبك سكنت ووسط تفكيره= ماشاف مثل الحنان بعمٍ وخالي
يطوف جمع الأحبه ينشد اميره=ويمر دارك وينعي المجلس الخالي
الموت جانا وتخيّر طيّب السيره=يالله عساه بجنان الخلد في العالي

[نــجــم]

::[[:: الحزن بآرض الكويت : شـ/ محمد آل مبآرك ::]]::



من دبي الى المنامه صابنا الحزن وسكنا= ومن صباح اليوم خيم هالحزن بارض الكويت
الفرح هاجر وطنهم ثم هاجر من وطنا=والحزن في كل شارع يذعر اهله بيت بيت
الشروق اعلن غروبه يوم ما ناظر المنا=واظلمت دنيا العروبه يوم عن حزني حكيت
جيت اعزي شعب كله يوم هالحزن احتضنا=ضمنا من دون رحمه وانا من همي بكيت
شفت كل من حب جابر يوم جثمانه وصلنا= دمعته تحرق خدوده وحره بصدره لقيت
شفت نور من السما يومنا لقبره حضرنا = وانبهر شوفي وفكري بكل ما جمبي رئيت
وهم سمعنا صوت يهمس يرحمك ربي وقلنآ = يرحمك ربي يا شيخ ٍ للمراجل احتويت
بالكرم شيدت ديره وكلنا فيك افتخرنا= وبالعزم شيدت مجدك يوم للعليا مشيت
يرحمك ربي يا شيخ ٍ كلنا لجلك هتفنا=يدخلك ربي جنانه ياللي لشعبك وفيت
يرحمك ربي يا جابر بالمحبه امتلكنا= والله ايصبر ذويك يا فقيد ارض الكويت

[نــجــم]

::[[:: مرثيـه : شـ/ يحيى آل حآرث ::]]::



توفى وانكتب اسمه بنور الشمس بالاذهان=الى المولى نوى يرحل مقدّر والقدر جاله
كثير من البشر ماتو ولكن ما حصل نقصان=نقصنا ياشباب اليوم ابونا وانتم عياله
بكينا دم بدل الدمع وصرنا للحزن سكآن =وقلنا للزمن دوّر .. ابونا قلّوا امثاله
امير الطيب والجودة وتشهد له كثير ازمان= ليا امتدّت عطا يمناه ما تدري به شماله
امير العطف والرحمة أصيل وللوفا عنوان= كريم وأجودي واحتار الا جيت احصي افعاله
أمير وللكويت افنى حياته والزمن برهان=عسى ربي يجازيه الف خير ويجزي اعماله
أمير وكلّنا نبكي من الفرقا من الحرمان=نضيع اليا رحل عنّا أبونا والقدر شاله
عسى ربّي يغمد روحه الجنّة علي الشان= وعسى ربّي يصبرنا ويلهمنا من اقواله
ليا قالوا ابو مبارك نردد رحمة وغفران=على روحة عدد مالاح برق وسيّل جباله

[نــجــم]

::[[:: يارااحلآ : شـ/ احمد الحمري ::]]::






يا جابر الخير ان الدهر خوانا=أٌراحل أنتَ أم ردّدْتَ ألحانا
وطني الكويت ولحنا كنت تنشره=بالحب عشقا وفي الكويت إحسانا
وهل لِلحنٍ جديدٍ جئْتَ تَطْلُبه= أمْ هَلْ لِحُزنٍ عَميقٍ فُضتَ أحزانا
وأبا اليتامى قد حويت مكرمة=في الدهر تبقى ولن تفنيها ازمانا
يا طائرَ الحبِّ والأشواقِ هل نَفَدَتْ=منكَ اللُّحونُ فلمْ يُلْهِمْكَ ملقانا
ما إنْ عَهِدْتُكَ في الأفلاج مُكْتَئباً= و لا رَأيْتُكَ مثلَ اليومِ حَيْرانا
فَفَصِّلِ الذِّكْرَ واسْتَرْسِلْ على أمَلٍ=ولا تَخَفْ لِدَواعي العَذْلِ إنْسانا
نَفَّرْتَ مِنِّيَ أحْلاماً مُغَرِّدَةً=فَليْسَ تَسْكُنُ بعدَ اليومِ أجْفانا
يا طائِري وَلَكَ الأجْواءُ قاطِبَةً= ما أنْتَ وَحْدَكَ مَسْجونٌ بِدُنْيانا
الصَّمْتُ والحُزْنُ مِنْ حَوْلي وَبَيْنَ يَدي=وَحَسْبُكَ الهَمُّ في رأسي وقد هانا
الحزن لف ديار العرب قاطبة=على أمير كان بالأمس يرعانا
وَلي بِغابِرِ عِشْقي كلَّ قاصِمَةٍ =أقَمْتُهُنَّ على الايام سُلطانا
ما غَيَّرَتْني الليالي رَغْمَ قسوتها= بل أرْهَفَتْني أحاسيساً وَوِجْدانا
و لوْ سَرَدْتُ عليكَ اليومَ تَجرُبَتي=مع العراقِ مَلَأْتَ الجوَّ شُكْرانا
أمّا أنا فالأسى تَسْعى بِهِ قَدَمي= كَمُبْحِرٍ ما دَرى لِلبَحْرِ شُطْآنا
قد عِشْتُ ترفع اسم الله في عدل=و مثلك في سبيل الحق كم عانا
و اليوم أرثيك ولا ترثى الرجال أبد = واليوم احسك باقيا شكرا وعرفانا
و جئت من مصر لأبكي قائدا فذا =فياكويت بسعد الحب تهون بلوانا

[نــجــم]

::[[:: حزيـــنه : شـ/ نصآر سطآم الخمسآن ::]]::



علم لفا.. منه المشاعر حزينه= والقلب هاضه ماسمع به وعناه
وهاض الضمير وجاب خافي خزينه= والقلب جاظ وصافي الدمع جبناه
من علة بأقصى الضماير دفينه=علم الحبيب الحاكم اللي فقدناه
يقوله اللي تذرف الدمع عينه=على عزيز الشعب شيخ دفناه
يوم الأحد شيخ البلد دافنينه=عزاه ياعيني وياقلب عزاه
الصبر ياتايه عن الراي وينه = يامن يصبرنا على عظم فرقاه
اللي حفظ ربه وشعبه ودينه= يالله عسى في جنة الخلد مأواه
علاقته بالشعب دايم متينه=الشعب حبه والغلا راح وياه
الله يعوضه عن بقايا .. سنينه = تدعي له كل خلقه وترجاه
بالخير شعبه والبشر ذاكرينه=الله عنهم بارد الخلد يجزاه

[نــجــم]

::[[:: الشيخ جآبـر : شـ/ علي آل حسن العلوي ::]]::




القصايد لو بننظمها نظم =لو يعم الحزن كل اجنابها
ما تعبر غير00 عن بعض الألم=والألم00أكبر بس ندرا بها
خاطر ٍ مكسور بوداع القرم=خاطر ٍ00زادالنفوس اتعابها
ضاقت الاحوال بوساط =وعمّت الآلام كل اقطابها
الكويت اليوم فوداع الهرم= تبكي بحرقة 00من00 حر00 ما بها
والقلوب أجمع على 00 ساق وقدم =من كل صوب ٍ تبدي عرابها
عن مدى الاوجاع برحيل العلم=جابر الخاطر مدواي اعطابها
تبكي القايد والرجل الشهم=((جابر الاحمد)) أعزّ احبابها
جابر الخيرات هوّ والكرم =حامي الدولة محب اترابها
تبكيك يا شيخ 00طيبة والحرم=والقبايل 00 بختلاف احزابها
يا عسى الفردوس ياراعي الشيم=دارك ومنزلك00 تحت ارحابها
ضاقت الاحوال بوساط الامم= وعمّت الآهات كل00 اقطابها
اسئل الكاسي عظامي بالحم = يلهمها الصبر فيما 00صابها

[نــجــم]

::[[:: تآريخنـــآ : شـ/ محسن الدويخـ. ::]]::





عين تاريخنا في لحظة تشوف =دمع شعب الكويت اللي تهامل وطاح
غاب جابر الأحمد والعزاء للسيوف =والبقاء للمكارم والوفا والكفاح
كان حاكم علي شعبه ودود وعطوف =ليت ما شفت يومه يوم قفا ... وراح
من بداية حياته ما تحصره وصوف =نجم وأشعل سماء شبة الجزيره ولاح
فيه سطوه تحدت الزمن ...والظروف=لين صرنا على دسمان مثل الوشاح
ما عرفنا بعهده هم أو اي خوف=كانت انفاس روحه هي اساس النجاح
كان واحد ولكن يعتبر عن الوف=اشهد ان الصباحي من طيور الفلاح
الزمن طاف لكن الفخر ما يطوف =دايم المجد يبقا للوطن ...والصباح

[نــجــم]

::[[:: الفقيـد : شـ/ نآيف بن دغام العازمي. ::]]::





وجدي وجود اللي شكى جور قيده=على فقيـدّ سرنـا يـوم محيـاه
الشيـخ جابـر أشهدنـه فقيـده=ابومبـارك والله انـا فقـدنـاه
يالله يارحمـن راحـم عبـيـده=انك تخلي جنـت الخلـد مثـواه
اشهد شهـاده والأوادم شهيـده=بالطيب والمعروف حنا عرفنـاه
ابـو مبـارك والله انـه وليـده=والله لوطال الزمن صعب ننسـاه
وكويتنا في ظـل جابـر مجيـده=حرام ماننسى عطـا مـدّ يمنـاه
عادت يمينـه بالمكـارم عديـده=لاشانت الدنيا هلّ الـدار تنصـاه
انته ذرانـا بالظـروف العنيـده=يارب بالاحسان والطيب تجـزاه
ذكراك تبقى بالعقـول السديـده=ذكراه جرح القلب لامـن دفنـاه

[نــجــم]

::[[:: آبونـآ : شـ/ صآلح المهلي. ::]]::





يا الله كل الشعب يدعيك طلاب=يا واحدي كل الملا دوم ترجيه
يا رافعي سبعي بلا حبل وأطناب=يا مرجع ليعقوب شوفه وغاليه
يا الله صبرنا على كل منصاب=وأغفر لحاكمنا وصبّر محبيه
نرجي ودمع العين من فوق الاهداب=في جنة الفردوس... جابر تخليه
ابو اليتامى منه الطيب صباب=لحدن طلع قبله ولا حدن يماريه
شعبه تعلق فيه من شايب وشاب=حتى الأرامل والمساكين تبكيه
لا ما نسى شعبه مثل جرب الاشناب=90 تشهد له وتحرير غاليه
قاد السفينة والرجاء فيه ما خاب=ورسم لشعبه عيشةي واهتنى فيه
الدين والتعليم ما صكله باب=شرط أساسي في حياته مخليه
بعده ترك جرحي على القلب ما طاب=لا شك درب الموت محدي يخليه
قبله رسول الله وأبو بكر وأصحاب=والكل عند الله له أيام تكفيه
وختامها يا رب حيث أنت وهاب=في جنة الفردوس أبونا تخليه

[نــجــم]

::[[:: تصآريف الاقدآر : شـ/ عبدالعزيز الفدغوش. ::]]::





يا الله يا مجري تصاريف الاقدار=يا مدبّري سير الفلك خير تدبير
يا محكمي دورات الايام بادوار=وفي حكمتك تندار كل المقادير
يا مستجيبي للدعاء من هل الغار=يا مخرجي للنور يوسف من البير
يا منجي ذا النون من غب الابحار=بامرك تعم ورحمتك جابر الخير
يا مضفي من غيث جودك للابرار=عمّ بنعيمك جابر الخير تقدير
يارب رمز الدار في ذمتك صار=فأكرم نزل فرّاج هم المعاسير
يارب ترفع منزلة رأس الاخيار=جابر منار الدار ريف المقاصير
نور التواضع صار له درع وشعار=ومن الورع ماهاب كل المخاسير
رافع لواء الأمجاد في رفعة الدار=ومجددي لامجادها بعد تحرير
تجاوزت في حكمته هوج الاخطار=حتى اندحر من حنكته كل شرير
مسعى سموه صار للمعتدي نار=وتدمرت به قوة الشر تدمير
اعاد شمس الحق من كهف الاشرار=حتى انبلج صبحي بالاشراق تطوير
جسّد مسار النور في قوّ الاصرار=حيث ان له بالمجتمع قوّ تأثير
بين الدول يحظى بالاجلال واكبار=لو كان ما توفيه حقه تقارير
شادت بحكمة منهجه كل الاقطار=ومن الفجيعة بالتعازي طوابير
خطبي دهانا واكتسانا بالاضرار=لاشك باقي بالمسيرة مشاهير
لو غاب جابر ما انطفت كل الانوار=دام الصباح بعزّ وتواصل السير
نجمي يغيب ومن على منهجه سار=خير الخلف ويكمّل السير للخير
حسب المسار المرتضى بين الاحرار=في محكم الدستور من غير تغيير
تمت وصلوا عدّ ما دار ديّار=على نبيّي نوّر الدين تنوير

[نــجــم]

::[[:: آن الخطوب : شـ/ عبدنور عبدالمحسن. ::]]::





الناس في لوعةٍ من هول ما سمعوا .=. كلٌ بدمعته قد هده التعب
نبكي (أبا مبــارك) والقلب منكسرٌ .=. كل المشاعر هزت صابها الكرب
لـيت المنايا تفدى او بها علــــــــــل .=. لنفتديها بما قد دَرت الشهب
فليس لنــــــــــا بهذا الامر معترض .=. فكل ما قدر الرحمن محتسب
هذي الكويت بكل الحزن قد خرجت.=. تهل دمع الاسى والشعب مكتئب
حل الظـلام علينا بالضحى و بدت .=. كويتنا اليوم تنعاكم و لا عجــب
فقد بكينــاك انســــــانا به كرم ..= أعطى الكثير و جل الناس ما وهبوا
و قد بكيناك انســـــانا له شيم .=. في قلبه الحب و الاحسان و الادب
(أبا مبارك) كويت الخير قد فجعت.=. كأنما النــاس أبنـــاءٌ و انت أب
فاعلم بأنك في كل القلوب بنــــا .=. باقٍ عليك سلام الله يُرتَضِب

[نــجــم]

::[[:: بعزيي : شـ/ محمد عوض بن سرور المطيري. ::]]::





عسى الخيال اللي مزونه مزابيـر=وبله علـى دار الصبـاح يتهامـا
دار لهـا قيمـه وشيمـه وتقديـر=من قدر أخو مريم عزيز المقامـا
مرحوم يافرز الوغى جابر الخيـر=عليك مـن دار السـلام السلامـا
وينبت على قبرك زهور ونواوير=ويعطره ريـح النفـل والخزامـا
حكمك عدل يا أمير والعدل يا أمير=شعبك تحت ظلـك بعـزّ يتنامـا
ياما على شانه بذلـت المخاسيـر=وياما على شانـه جفيـت المنامـا
وياما تعرضت لمصايب وتفجيـر=وأنجاك ربي من عيـال الحرامـا
ويوم الكويت إجتاحها الفجر خنزير=بالغدر ماهو بالضفـر والحسامـا
حررتها بالعزم والفكـر تحريـر=والدم والموت الحمـر والنشامـا
فـالجو طياره وفـالأرض جنزير=لين إن طير النصر رفرف وحاما
وعادت مثل ماكانت بدون تقصير=وإسمك سما والشعب بسمك تساما
واليوم يبكونك صفوف وطوابيـر=لأنك لهم والـد وحاكـم وإمامـا
ويبكن عليك المترفـات الغناديـر=وليـا بكنـك ماعليهـن مـلامـا
يا أمير يامقدم زحـول المناعيـر=لا طار ستر مرودعـات الوشامـا
حققت بالحكمه ملاحـم وأساطيـر=ويامـا تعديـت الأساطيـر يامـا
يابواليتاما من رحيلك وش يصيـر=أكيد كـل الشعـب عقبـك يتامـا
وإن مارثيتك عن بني عمي مطير=إني ماعاد أرثي علـي الحرامـا
مرحوم يافرز الوغى جابر الخيـر=عليك مـن دار السـلام السلامـا

[نــجــم]

::[[:: نور المدينـه : شـ/ ... ::]]::





ياضيا ونور المدينه ليه بعدك ما ضويت ؟!=ليه أشوف الكون مظلم والحزن فينا انرسم ؟!
قالوا إن جابر توفى !! ليت توي ما صحيت =ليت موته مو حقيقه .. ليت موته كان حلم
ياأبونا إنت شمعة ! كنت تضوي وانطفيت=كان موتك في الضماير والله إنه مثل هم !!
العطا والطيب كله والوفا ذاعوه صيت =يابختهم يوم صاروا بك يسمون بإسم
في ذرى أيام المجاعة كم فقير(ن) قد كسيت =وكم يتيم(ن) صرت أبوه ومن بعد حزنه ابتسم
الله أكبر ياكبرها من جمايل قد عطيت =وكم تدين ابها شعوب(ن) يا أبونا يا شهم
كنت يوم الشعب يشكي كنك إنت اللي شكيت =تخنقك عبرات شعبك وغير شعبك ما يهم
دمعتك يومك وقفت وقلت : يا أهل الكويت =ابشروا الكويت ترجع ويخسي منهو ظلم
والله إنها في الضماير دمعتك يومك بكيت =وشوف حنا اليوم نبكي غيبتك !! والله نعم
جيت غالي ورحت أغلى يا بعد منهو له جيت =من عرفت أهل الكويت ودايم إن خيرك يعم
لو نسانا الكون كله !! إنت وحدك ما نسيت =حبنا في وسط قلبك حب يسوى له أمم
من يقول إنه غيابك يعني إنك انتهيت ؟!!=لا حشى ما تنتهي في قلوب شعبك يالقرم
دايم بتبقى بقلب وعين منهو له هويت =ودايم إنه يذكرك بالخير شعبك والحكم
أدري إن كل القصايد ما توفي ما حييت =بس أوصي لك بدعوة منهو للشعر استلم
في وفاتك يا أبونا مات شخص بكل بيت !!=وانطفى نور الشوارع !! ثم نكسنا العلم !
وإلبسي ثوب الحداد !! مات جابر يا كويت =يا عسى مثواه جنة خلد في دار النعم

[نــجــم]

::[[:: مشاركة عزآء : شـ/ عقآب الربع ::]]::




كئـيـب لا تنـشـد عـلـوم المحـابـر=بعـض الحـزن طلاسـمٍ مااقـدر اقــراه
يعني قبـل هالعلـم ويـش انـت خابـر؟=كـل مايهـب ايـة حـزن جيـت ويــاه
والـيـوم كَمًلـهـا .. ولا راح عـابــر=بـقـى دلـيـل قلـوبـنـا للمـعـانـاه
ياكويـت مـن صجـك تحسبيـن جـابـر=مـات؟ وْهُـوَ اللـي تـاركٍ بـك مزايـاه
واللـي خْلقـه ياكويـت مـانـي مكـابـر=ان قـلـت تبـقـى للقيـامـه بـقـايـاه
الــروح لله .. و ..الجـسـد للمقـابـر=والصيت يهـدي اجيالنـا مـن سجايـاه :
صبر ..و..دهـا.. هـذا الشديـد المثابـر=حلمه .. و..عطفه .. والحنان .. و..عطاياه
هـدوء صوتـه فـي ضجيـج المنـابـر=دنـو سمعـه لا شكـى كويـتـي : الآآآآه
قولـي انـا بـي شعـب مبلـي وصابـر=مسلـم ولا يـجـزع ليـاشـاف بـلـواه
يدعي لابونا .. الغالـي .. الشيـخ جابـر=ربي اغسلـه بالمـاء .. واغفـر خطايـاه

[نــجــم]

::[[:: موت القلب : شـ/ محمد جآر الله السهلي ::]]::



المـوت مـوت القلـب ودمـوع الاعيـان=تـوّصـل الإحـسـاس بـأصـدق وسيـلـه
والشعـر بـوح الصـدر والشاعـر أحيـان=مايـدري بحزنـه ســوى طــول ليـلـه
ومن طـول ليـل البـارح وثقـل الاحـزان=عرفـت وش معـنـى اللـيـال الثقيـلـه
مـا والله اصعـب مـن شعـورك بفقـدان=الـلـي معلـمـك الـحـيـاه الجمـيـلـه
الا انـك تحـاول تترجـم عـلـى (لـسـان=شعـرك) مشـاعـرك الجـسـام العليـلـه
وشلـون اغنـي لا نشـف ريـق الالـحـان=وشـلـون ابكـتـب والمعـانـي بخيـلـه
في مـوت اميـر قلـوب ومعلّـم اذهـان=وريــث مـجـد آل الصـبـاح وسلـيـلـه
مفـنّـي حيـاتـه بالمـكـارم والإيـمـان=العـادل الـلـي راح مــا بــان ميـلـه
حتـى خبـر موتـه قبـل صــوت الاذان=كـنـه يصحّيـنـا لـكـسـب الفضـيـلـه
يـا جابـر العـثـرات والـدمـع هـتّـان=لـيـت الـدمـوع تــرد خــل لخليـلـه
يـا سيـدي مـت ومعـك مـات نسيـان=طيـبـك وقــدرك والفـعـول الجليـلـه
غبـت وبقيـت لطيبـة القلـب عـنـوان=وغبـت وتركـت الخيـر يفقـد عميـلـه
وغبت وحكت (الابراج) عن حزن (دسمان)=وسيّل دموع (السِيـف) حـزن (المسيلـه)
ورغم اختـلاف الشعـب بعـروق واديـان=فــي حــب جـابـر كلبـونـا قبيـلـه
ابـو اليتـامـى والأرامــل والإحـسـان=راع الجـمـايـل واليـمـيـن الطـويـلـه
مـن طيبـه بشعـبـه تمنـتـه الاوطــان=يـا كـثـر مــن ودّه بحـاكـم مثيـلـه
وان قارنـوا مـا بيـن ذربيـن الايمـان=تـفـرق يميـنـه بالعـطـايـا الجـزيـلـه
ويوم انطعن مـن كـف غـادر وخـوّان=ســوى الـسـواه الصعـبـه المستحيـلـه
قـام الشجـاع وعدّهـا كـبـوة حـصـان=واحيّـا بلـد كـانـت خــراب وقتيـلـه
يـا عـلّ قـبـره روض جـنـه وبسـتـان=وعسـى كتـابـه فــي يميـنـه يشيـلـه
وعسى العوض فبـو فهـد عالـي الشـان=ويجبـر مصـاب قلوبـنـا فــي بديـلـه
ونبايـعـه بالـحـب قـايــد وربّـــان=دام الاصـيـلـه للـشـيـوخ الاصـيـلــه
وتبقين يا كويـت الرخـا عبـر الازمـان=درة خـلـيـج ودار خـيــر وفضـيـلـه

[نــجــم]

::[[:: المدينه : شـ/ مآجد ضيف الله الرشدآن ::]]::



ما بقى والله شبر من المدينـــــه ..=. ما بكى فرقاك يالحر الاصيــــــــل
القلوب المؤمنه تبكي حزينـــــــه ..=. والوطن في غيبتك حزنه طويــــل
يالله انك تلهم القلب وتعينـــــــــه .=.. بالصبر يالواحد الفرد الجليــــــــــل
يا إله الكون تلهمنا السكينـــــــــه ..=. جيت يا المعبود في جاهك دخيـل
يا رحيم ارحم وجاز مكفنينـــــــــه .=.. جابر العثرات لا خاب الذليــــــــــل
هو حبيب الشعب هو روحه وعينه .=.. انقلب بعده صباح الشعب ليــــــل
بالعطا والخير ما شحت يدينـــــــه ..=. من كفوفه نهر يجري سلسبيـــل
في الابوه ظف الايتام بحنينـــــــه .=.. ما ينام وشخص من شعبه عليـل
وللأرامل كم وكم تعطي يمينـــــه .=.. حاتمي بالكرم ماله مثيــــــــــــل
غير هذا جود جوده خابرينــــــــــه =... يرتكي للحمل شيال الثقيــــــــل
كم أغاث دول تشكي من الغبينــه ..=. للكوارث جابر الفزعه كفيـــــــــل
بطايرات الجو وحمول السيفنــــــه =... من مكارم شيخنا قامت تشيـــل
وبالمواقف .. وقفته صلفه ثمينـــه= ... لو تميل الارض جابر ما يميـــــــل
صايم مصلي وحافظ حق دينـــــه .=.. يرحمه رب على العالم وكيـــــــل
هالني منظر وداعًه شايلينــــــــه =... مستحيل أنسى وداعـه مستحيل
يوم شفت الشعب حوله كانفينــه .=.. ذا دليل الحب .. لا وأكبر دليـــــــل
في صدور الشعب حسراتٍ دفينه ..=. سيّلت وديانً من دمع يسيــــــــل
يالله إنك ترحمه مع والدينــــــــــه .=.. بجنة الفردوس بجوار الخليــــــــل
وما أظن هناك شبر من المدينـــه ..=. ما شكى فرقاك يالحر الأصيـــــل

[نــجــم]

::[[:: يتيمـه الكويت : شـ/ ولآء العوآد ::]]::





عتم سراج الليالي وإنطفى نور العيـون=وإنكسر حلم الأماني وإنتكس جفن الكويـت
هلت دموع الموادع وإنتشى ذاك الجنـون=وإنهدم صرح المعالي يومك لعرشه جفيـت
جيت أنا لدسمان أنادي وحدك لأرضي تصون=جيت أبسأل كل شارع شامخ بفخره حييـت
وين شيخك وين عرشك وينه الليله يكـون=دامه اللي بالمحاني بانيٍ عزٍ وبيـــت
ياكويت إرمي عيونك شوفي أمجاد وحصون=شوفي شلونه تعلى حلمٍ أرقى ماطويــت
شيخنا جابر وأبونا عالعمر هذا يمون=لو يبي فدوه رقابٍ تنكسر لجله وجيــت
جيته أرمي كل شيٍ داخلي .. هم .. وشجون=لعنبو يوم المفارق .. إبكي إبكي ياكويـت
شققي ثوب الأماني وإنزعي لسان السكـون=وإذبحي كل المشاعر ... ياوطن جرحك حويـت
جابر الأحمد أبونا سيدنا درعٍ وعون=أقسم إنك بالمعالي لو على جسمي مشــيت
يابعد راسي وكلي يايبه صدرك حنــون=من عيونك في حياتي يابعد كلي إستحيـت
عالمي كله حبيبي لخاطر عيونك يهـون=جابر الأحمد حياتي لالالالا ما كتفـــيـت
شوفها كويتك حبيبي بس لقى عيونك يــبـون=كل ما هلت نسايم داخل أنفاسي طريـت
والمشاعر هي مباني في شموخك يرتقـون=يا يبه جيتك أدوّر حضنٍ بداره بديت
قالت طيورك مسافر قلت أنا بكره يجـون=إيه نعم فعلا وشفتك ولغلى عشقك قريت
يا شراعٍ للمعالي هادمٍ كل الظنون=مبحرٍ بين المحاني راسيٍ فخرٍ جنـيـــت
شفتك بكل الأماكن عن غلاتك يعلنــون=شفتك بعين الطفوله وكل شيٍ له حصيــت
شفتك بعين اليتاما من حنانك يرتوون=شفتك بذيك المعالم يا يبه فخرٍ علــيـت
والشواطي اللي تحبك للمدامع يذرفـون=والخليج أبكى عيونه دامك بطيبك طغــــيــت
يسكب الدمع بحشاها... جونها ماهو بجــون=هذي دمعه من عيونه طاحت بصدر الكويــت
طاحت بوسط الخريطه والحنايا يحضنـون=طيفك اللي لو عبرها لهامة الدنيا وطيـت
إيه نعم لك حقٍ إنك تاخذ العقل بفتـون=قلبك اللي بالحنايا طفلٍ لعزه سقيــت
هذا ماهو قلب أبدا هذا دنيا وسط كــون=لو عبر عنها خيالك في مدى دمي سريـت
يا أبو مبارك نحبك والمشاعر يحلفـون=يا عسى رحمة سمانا تكلل اللي به سعيـت
قمت أحس إن البرايا بالخبر لك يكذبون=ترحل وكل الليالي دونها دمعي رضيـت
زلزل العالم رحيلك والمحاني يشهدون=يا يبه كلي فديتك ومن بعد كلي فـديـت
المعالي في غيابك من عناهم ينتهـون=يا حبيبي كل شيٍ إلا بعدك ماهقــيت
والمدامع يا حياتي برقها لجلك يهـون=من على فرقى خفوقك زاهرٍ صوتٍ وصيـت
حافظ الأرض الكريمه كويتك لعزك تصـون=مكرمٍ شعبك وكارم دامك بمجدك هنيت
ما تقصر في يمينك والمشاعر زيزفـون=عطرها ماله مثيلٍ .. راقيٍ وإنت رقيـت
كل شيٍ في غيابك منحني مثل الغصون=شوفه الشعب الكويتي من على دمعه سطيـت
دونك الديره يتيمه .. بالمواجع يسكنون=شوفها أرضك حياتي .. قالت لعينك بكيت
وإكتسى حلم الأماني لونٍ أبدا ماهو لون=شوفها كويتك عيوني ... تكتب اللي به رضيـت
كل دارٍ في ألمها تنتثر موت وغـبون=والعنا بين المواجع قال تكفى لك شــكيت
جيت أبرثي عيوني اللي للمواجع يحصدون=دام أنا حالي يتيمه بالحزن دونك صفيت
بشتك ودربك ونورك ... دايم بذكرك يجون=آآآه يا حالٍ بدونك ... كم لجل أرضك شقيـت
كم تحملت الليالي ... والمشاعر ينزفون=دايم لدارك تعمّر ... عزٍ كويتي بنيـت
ديرتك تبكي غيابك والمحاني يكتـوون=ودعت فيها أبوها آآآه يا عشقٍ عطيـت
ودعت كل المعالي وإنحدر دمع العيون=يدعي المولى يزيدك رحمةٍ دايم وليت
ليت روحي ياحبيبي فدوه لعيونك تكون=والقدر ماله خيارٍ .. دامك بطيبك سميت
عتم القلب الكويتي ... في غيابك ياحنون=وإنتكس جفن الشوارع يومك لعرشك جفيت
من على دسمان يبكي عزٍ أعلاه الشجـون=وأصحبت دارك يتيمه ... إيه يتيمه يا كويت

[نــجــم]

::[[:: يآجآبـر : شـ/ عآيشة العبدلي ::]]::





فجرالأحد حـزن ٍ يصْـلـى الشّـرايـيـنْ=عـليك يا (جــابـر) بـكى من يـعَـزّون
يـتــّـمتْ شعـب ٍ في رحيلك مصابين = الدمع بـاحْ وما خفى حـزن وشجـون
والدمـع لـو ينـزف لـه سـنين وسْـنين= معذور ولو طوْل الدّهــر له تبـكـون
راح الأمــيـر اللـي ســواته قـليـليـن= تشهد له أفعــاله وما كـان مـكْـنـــون
مكـرم ضيـوفـه والبعـيدين ويْعــيـن=ما صَـك بـابـه مالـي ٍ خـيره الكــون
يا شــيخ من يجبر قلوبِ الضعيفين =بعـدك ومنهـو بالأرامـل يـقــومــون
يفـقـدك يا جـابـر يـتـامى ومسـاكـين=وشعب ٍ شمَلته خيرك اليوم محزون
ننعـيك يا فـارج هـمـوم المسـاجـيـن=يا عز منهو لا شكى لك لقى العــون
شعـب ٍ بكـيـتـه بالأمَـمْ عام تسـعـين=لاجله تحـمّـلت العَـنــا بس يعـودون
يبـكيك يا جـابـر وعلى العهد باقـين=وكل ٍ على نهـج ٍ رسـيـتـه بيمشــون
تزاحـمـوا لـه عـند قـبـره مــــلايين=كل ٍ رفـع كفّ الرجــا لـه يدعـــون
يا الله تـرحـم من رحـم لــهْ كثيرين=يا الله عساه من ضمّة القبر مأمــون
يا الله يا جـابـر كــسـر المصـابـيـن=تغفـر لشــيخ ٍ بالثـرى صار مدفــون

[نــجــم]

::[[:: 1977 : شـ/ سلطآن النوآف ::]]::





ألف وتسع ميّـه وسبعـه وسبعيـن !=تاريـخ حكـم اللـي رحـل وانتهينـا
من يومها والحـزن مالـه ! عناويـن=خيـره وفعلـه .. والشواهـد يدينـا !
عشنا بظلّـه جيـش ٍ وشعـب وافيـن=جيـش ٍ يعـاف النـوم مهمـا غفينـا
يا ( عيد ) : قل لي ويننا والفرح وين ؟=ودموعنـا شاطـئ والاحـزان مينـا !
الله يرحم شيخنا .. قولـوا ( آميـن )=ونمشي على درب ٍ مـن اجلـه وفينـا

[نــجــم]

::[[:: مرحووم : شـ/ محمد المغيليث. ::]]::





مرحوم ياشيخ العروبه وسيفه=مرحوم ياعز العرب رمز الاسلام
مرحوم ياسور الكويت وشريفه=مرحوم ياساس العرب راس الاكرام
اليوم ماهو لي ولاني وليفه=لاوالذي نزل تبارك والانعام
يومي تلقيت الخبر طحت خيفه= لابارك الله بالخبر وسط الاعلام
قالو توارى جابر الخير صيفه= قفى خذاه الموت والموت مقدام
روح مراح مايجي منه طيفه= هاك الكريم الشهم وال خير الهام
شيخ المكارم سرها والمنيفه=اللي على شدات شعبه(( فلا نام ))
شيخ(ن)تعجز البيض تالد وليفه= حاكم حنون ولا تعالى ولا ظام
في موتته تخدمي يالرفيفه=تنكسي يااعلام الاوطان واشمام
ميلي حزن ميلي وجظي كسيفه= تقلبي فوق الشواهق يالاعلام
في موت جابر كل رايه خسيفه= الا الخضر ياقف على مر الايام
مرحووووم ياشيخ الكرم يامضيفه= ياعالي الهامه وياغيث الايتام
هاك العزى يالقصر الأكرم وسيفه= وهاك العزى يالشعب الاطيب بالاقلام
واختامها صلو صلاة كثيفه=على نبي الله صلاة بتسلام

[نــجــم]

::[[:: الحدثـ : شـ/ خلف المهيلاآن ::]]::




عجـزت لا لقـى مايعبرويوفـي=عن الحدث عجزت اجزال القوافي
رحلت يلي مـال مثلـك وصوفـي=عزالله انك يابيض الوجـه وافـي
ياجابرالاحمدبـشـرواك نـوفـي=مافيه مثلك بالعـدل والا نصافـي
بالعسرلك وقت الشدايـد وقوفـي=وخليـت شعبـك بالرغديالسنافـي
وبك ميزت الحرالا بي يالعطوفـي=وسهرت لجل الداروالشعب غافـي
ورديت دارك غصب عهدوحلوفـي=وسجدت من شوقا ًعلى القلب دافي
وصخرت لجل الداربوشن وكوفـي=كنت الذرى لشعبك وظلك الحافـي
مامن جـدى الا إنارفعناالكفوفـي=نطلب لك الي عالـم ٍكـل خافـي
وإلى وقفناامام وجهه اصوفوفـي=جعلك مـع الـي فازباخرمطافـي
أعزي الشعب الكويتـي وجوفـي=كله وهج حـزن ٍولا الشعركافـي

[نــجــم]

::[[:: سمر بوجآر : شـ/ مشاري المطيري ::]]::




في ليلةٍ كان الدفـا سمـر بوجـار=والصبح كنه مـن سهرنـا يكابـر
آنا وربيع العمر معشوقـي البـار=البرد جانا بس مـن مـات جابـر
وقع الخبر كنه على القلب مسمـار=يغرز محيطه في وريـدي مقابـر
مالوم عيني لو بكت سـر وجهـار=والصبح يبكي شمسه بليـل غابـر
مرحوم ياشيخٍ رعى الضيف والجار=لهْ معْ هل التوحيد وقفـات أكابـر
كلٍ مقدر لـه ونرضـى بالأقـدار=والصبر والله مـاش لكـن صابـر
لو العمر ينبـاع نفديـه بأعمـار=نبيع كـل الكـون والكـل خابـر
ودّوا عزاي اليوم في قاف وأشعار=حزنٍ بأقوله فـي جميـع المنابـر
إن كان بيتٍ مارثى طيّـب الكـار=كل الشعر بالعيـن مقطـوع دابـر

[نــجــم]

::[[:: المصيبه : شـ/بدر البتآل ::]]::





مايحمد الا الله على الشر والخيـر
الحمـد لـك يالله فـي كـل حالـة
راضين حكمك والقضى والمقاديـر
ونسئلك لطفـك بالقـى واحتمالـه
الموت حـق وسنّـه ولازم يصيـر
والكل يبكـى بـس جابـر لحالـه
يسود حزن وينتهـي كـل تفكيـر
ويطول صبر الشعب ممـا جرالـه
مافيه غير الدّمـع للحـزن تعبيـر
ولاعـاد باقـي للقصايـد جزالـه
نكتب نبي نرثـي تجـفّ التعابيـر
واذا رثيـنـا حالـنـا ينرثـالـه
اذا المصيبه لا رحل جابـر الخيـر
أكبر مصيبـه ويـن نلقـى بدالـه
سهله علينـا لـو نـودّع مساييـر
لكن وداع الشّيـخ ماهـو سهالـه
أصعب من الاعدام في حكم تعزيـر
نـودّع اللـي ضلّنـا فـي ضلالـه
الحاكم اللي سطّر المجـد تسطيـر
بكـاه دمّ القلـب حـزن ووفـالـه
عجزت أخفّي دمعه بعينـي تشيـر
لابوي يمسح دمـع عينـه بشالـه
كلٍّ بكـى بفراقـه كبيـر وصغيـر
لا والله الا كــل شــيٍ بكـالـه
يبكيه من وضح النيـاق المغاتيـر
ويبكيه من خيل الشرف والاصالـه
ويبكيه من صفر الـدلال المباهيـر
وتبكيـه رايـات الكـرم والعدالـه
ويبكيه حتّى البر والجـو والطّيـر
حتّى الخليج نشوف دمعـه بجالـه
ويبكيه طيـبٍ مالفـى بالاساطيـر
ويبكيه زود الطّيب من طيب فالـه
الطيب به ماقابلـه طيـب بالغيـر
وكنّ الله اللي خيّره فـي خصالـه
حكمه وحنكه بعـد نظـره وتدبيـر
كنّـه يعلّمنـا نـزيـل الجهـالـه
ومن التواضع مايجي مثلـه اميـر
حتّى حرس قصره تقهـوى دلالـه
ومن الكرم ماشـال هـمّ الدّنانيـر
بالغزو كان الشّعب عايـش بمالـه
واذا تكلّمنـا بحشـمـه وتقـديـر
يكفي حدث واحد يجي فـي مجالـه
يوم انغزينا مـن جنـود ومغاويـر
قال الخطـاب وهـزّ عالـم بحالـه
عالم بحاله من جيـوش وطوابيـر
ردّو لنا الـدّار بشمـوخ وبسالـه
ولاتجي لو ماهـو بجابـر الخيـر
ولايبـيّـن حـبّـنـا دمعـنـالـه
أتعب خلف حكمه بطول المشاويـر
وأصعب وصول المجد للي سعالـه
رحل وعمّ الحزن شعب وجماهيـر
ولا بقـى الا حبّـنـا والدعـالـه
يالله عسـى قبـره ورود ونواويـر
ويالله عسى الجنّـه بقـاه ومآلـه
ان شفت حزن الشّعب قلت الله يجير
وان شفت دينـه قلـت ماينبكالـه
واذا المصيبه لا رحل جابر الخيـر
اكبر مصيبـه ويـن نلقـى بدالـه

[نــجــم]

::[[:: آطيب قلـب : شـ/سآلم سيآر ::]]::






يااطيب قلب انا وشلون أطول القلب وأكتب لـك
قصيدة من حزن تشعل حنين الأرض من شانـك
عجزت اسهر على المعنى احاول بـس اعبرلـك
عن شعوري وعن احساس الحزن في عين خلانك
لو ان هذي النجوم قلوب صعدت بعيني واقطفلك
سناهـا واشعـل الدنيـا قلـوب بليـل فقدانـك
ياشيخ الارض وشلون الشعر من قلبي يوصلـك
وانت الشعر والمعنـى وكـل الحـب بأوزانـك
وشعري لو ظلم عمري انا ارضى بس من عدلك
لأنك من عدل بيـن القلـوب بوسـط وجدانـك
اقول الحب هذا الحب لو هو انسان يشبـه لـك
وانا اصلا ًمن عرفت الحب شفته بهيئة أنسانـك
وأقول العز والمجد القديـم يضيـع مـن أجلـك
نعم مدام هم عاشـو سنيـن اطـوال بأعيانـك
انا ما اقول من ترحل بكانـا بـس يدمـع لـك
أقول الله يعين عيون تشـوف أجـدار دسمانـك
هو اكثر من حضن قلبـك بهالدنيـا ويشهدلـك
بأن ياما زرعت الحب والرحمـه مـن احسانـك
اذا ترحل تشوف أصوات كـل النـاس تندهلـك
لأن قلوبهم تنـزل معـك فـي داخـل اجفانـك
ذخرت الحب ياجابر واشـوف النـاس تذخرلـك
بكا مرفوع من صوت الدعاء يصعد على شانـك
تفارق فينا مو/ عنـا وهـذا الشعـب يذكرلـك
بأنك واحـد وتجمـع قلـوب الشعـب بأكفانـك
نعم حنا الفروع اللي تقـول ونجتمـع بأصلـك
رويت الارض وهم حنا ارتوينا بطيـب شريانـك
ياشيخ الارض مدام ان الشموخ يكون من فعلـك
وهذا العز من تحت الاراضـي يكـون عنوانـك
لابد أنكون فوق الارض نمشـي كلنـا بشكلـك
على نفس الشموخ ونفس طيب افعـال جدانـك

[نــجــم]

::[[:: جآبر قلوب اليتآمى : شـ/ عبدالرزآق خلف ::]]::





يا جابر الأحمد نحبّك ونغليك=وخسارتك بقلوب شعبك كبيره
تبكيك كل عيون شعبك وتبكيك=يا سيّدي كل الشعوب الفقيره
يا جابر قلوب اليتاما بياديك=ويا ماسح دموع الفقارا بخيره
كل الشعب يا جابر الخير ينعيك=كل الشعب يبكي أبوه وأميره
في طيبتك يا شيخنا من يجاريك=ومع طيبتك ربي حباك ببصيره
يا غارس بقلب الأوادم مباديك =سطّرت لك في دفتر العز سيره
كل حاكم لشعبه يبي يقتدي فيك=أصبحت قدوه بالعطا والمسيره
علمتنا من حكمتك وفي تحدّيك=علمتنا ما فيه دولة صغيره
فارقتنا يا أبو اليتاما لباريك=وهو أرحم بعبده ويكتب مصيره
وعسى مصيرك جنّة الخلد يجزيك=دعوه ولاهي عند ربّي عسيره
تبقا أمير قلوبنا ما نخلّيك=وذكراك تبقا بالقلوب الكسيره

[نــجــم]

::[[:: ياسيدي : شـ/مشعل الفدغوش ::]]::





ياسيدي مرحوم مرحـوم مرحـوم=مرحوم يارمـز الوفـا والشهامـه
مرحوم ياشيـخٍ محنـك وزيـزوم=ياللي غديت بجبهـة العـز شامـه
ياجابر الاحمد عن الشين معصـوم=مثلك باعلى المجـد دايـم مقامـه
كان المراجل طيب واخلاق وسلـوم=تاقـف وتضربلـك تحيـة سلامـه
وكان المراجل صيت وافعال وعلوم=ماهي غريبه فـي يدينـك زمامـه
تقصر عن افعالك زحازيح وقـروم=يامن رقـى بالمجـد قمـة سنامـه
بدسمان محشومٍ وبالقبـر محشـوم=بقلوب شعبك نلت اعلـى وسامـه
الحزن كنه بالسما فـوق مرسـوم=وسبع الاراضي تهل دمـع اليتامـه
حتى الجبل من غيبتك صار مكلـوم=وحف الشجر من نوح ورق الحمامه
ماتبات عينه دام بالشعـب مظلـوم=واحدٍ يشوف بوسط عينـه غمامـه
كل العرب تبكي مع الفرس والـروم=وكـل دعالـه يرحـم الله عظامـه
مافيه شخص يزيد عن موعده يوم=اللـي بغـاه الله يصيـر بتمـامـه
كلٍ يبي يحيا مـن العمـر مقسـوم=واللي كتبـه الـرب مابـه عتامـه
حق علينا الموت فـرضٍ ومحتـوم=وكل يجيه المـوت لحظـة ختامـه
ياسيدي ليتك من المـوت محـروم= وماتت بدالك عشـرة الاف هامـه

[نــجــم]

::[[:: يوم الاحد : شـ/ فهد بن فردوس::]]::




يوم الاحد جتنـا علـومٍ شايكـه=هزت مشاعرنـا وبيـح غليلهـا









راح الفقيـد وكلـنـا فاقديـنـه=ولا وقفت الآجال يدنـي رحيلهـا









الله مـن عيـنٍ تزايـد عبارهـا =وانا اشهد انها لا بكـت ينبكيلهـا









تنثر دموعـا بالوصايـف كنهـا =صباب نصـبٍ ناثـره مخيلهـا









تهـل دمـعٍ محفـيٍ اخـدودهـا=دمـعٍ يـدوش وزايـدٍ عويلـهـا









تبكي على عز الكويت وفخرهـا =عنها الحمـول الكايـده يشيلهـا









ولحدٍ يلوم العيـن لاهـل دمعها =تبكي على نفـسٍ كثيـرٍ جميلهـا









الحاكم اللـي مايوصـف مثيلـه =ابو الضعوف اللي قليـلٍ حيلهـا









العين تسهـر ماتهنـت بالكـرى =تبكي وتسهـر ماتغمـض ليلهـا









ويبكيه شعبـه والعروبـه كلهـم=وتبكي على نجم النجوم اسهيلهـا









فضله على الجهال والرمل والعمى =مدت يمينـه لا عطـت جزيلهـا









مرحوم ياللي ماشكا منـه شعبـه=عليه دمع العيـن ينثـر هميلهـا









مرحوم ياللـي ماتعـدد فضايلـه=مشـا رواتبهـا وعالـج عليلهـا









مافات مات ومـن عليهـا فانـي=من عصر نوحٍ ماشين ترحيلهـا









الله يعوضـه بالجنـان المثمـره=نفـسٍ عسـا منزالهـا يسويلهـا









لاعل من فضله يخـف احسابـها=تخـف سياتـه ويمحـي كيلهـا









الله يعوض اشيوخنا في شيخهـم=بالعز والصبر الجميـل ايجيلهـا









على البقى في اخوان مريم بعـده=بشيوخنـا اللـي كلنـا نلجيلـهـا









شيوخ الكويت ابوانهم واجدادهـم=حكـام يامـا خلصـت تشكيلهـا









تدرى مهابتهـم ويـدرى مدهـم =حكـام ماتنحـال اللـي يحيلهـا









سعد ابو فهد عوضنـا وفخرنـا =عنـا كثيـرات الهمـوم يزيلهـا









سعد سعـد شعبـه وضـدٍ للعـدا=سـوٍ علـى العـدوان ماياويلهـا









الله يسدد فـي خطاهـم جميعهـم =وحنـا بكـل اوقاتنـا ندعيلـهـا









وصباح زيزوم البـلاد وعزهـا =هو سترها مـا ينكشـف شليلهـا









صباح صبحٍ بان يوضـي نـوره=نوره على كـل البلـد يضويلهـا









صبـاح قايدنـا وحنـا جنـوده=حدر التصرف لا بغـا يوميلهـا









حنـا جـنـوده لا بـدالـه لازم=فـي لازمـه ناتيـه بتعجيلـهـا









الابـو واحـد والرعيـه وحـده=واللي عليه امسٍ عليهـا طويلهـا





الله يظلل به على الشعـب والبلـد=يـدوم عـزه للبـلاد وجيلـهـا




اللي علينـا لـه نقـوم بواجبـه =واللي عليـه انـه يعـدل ميلهـا



هذا وبيحـو مـن فقيـدٍ راحـل =الله يبيحـه عـد رمـل اسهيلهـا



هذا وصلينا جمعـا علـى النبـي=على النبي ماهـل مـن مخيلهـا

[نــجــم]

::[[:: الحدثـ : شـ/ خلف المهيلاآن ::]]::




عجـزت لا لقـى مايعبرويوفـي=عن الحدث عجزت اجزال القوافي
رحلت يلي مـال مثلـك وصوفـي=عزالله انك يابيض الوجـه وافـي
ياجابرالاحمدبـشـرواك نـوفـي=مافيه مثلك بالعـدل والا نصافـي
بالعسرلك وقت الشدايـد وقوفـي=وخليـت شعبـك بالرغديالسنافـي
وبك ميزت الحرالا بي يالعطوفـي=وسهرت لجل الداروالشعب غافـي
ورديت دارك غصب عهدوحلوفـي=وسجدت من شوقا ًعلى القلب دافي
وصخرت لجل الداربوشن وكوفـي=كنت الذرى لشعبك وظلك الحافـي
مامن جـدى الا إنارفعناالكفوفـي=نطلب لك الي عالـم ٍكـل خافـي
وإلى وقفناامام وجهه اصوفوفـي=جعلك مـع الـي فازباخرمطافـي
أعزي الشعب الكويتـي وجوفـي=كله وهج حـزن ٍولا الشعركافـي

[نــجــم]

::[[:: قآلوا رثيتــه : شـ/ ذيب الشمـري ::]]::





قالوا رثيته قلـت وشلـون ابرثيـه=بالدمـع وإلا فـي حـروف الكتابـه
ماشـوف تعبيـرٍ بلاغـي يكفـيّـه=اكبـر مـن الدنيـا مساحـة غيابـه
يدر فكـري واكتـب البيـت وألغيـه=مافيه بيـت القلـب يجبـر صوابـه
فعلاً وجدت الفكـر شحّـت معانيـه=وحجم الحدث ماكنت حاسب حسابـه
تشوف بين الشخص والشخص تشبيه=بالوجه..ميـر افعالهـم مـا تشابـه
والشيخ جابر عندنـا مـن يساويـه=خلاّ المواطن والوطـن لـه مهابـه
يوم الوطن حل الخطر في ضواحيـه=بالليـل واستولـت عليـه العصابـه
من طيـب فعله..واستقامـه مباديـه=فـي كـل دوله..رغبتـه مستجابـه
في حكمته..في حنكته..في مساعيـه=اقنـع قيـادات الـدول بالحـرابـه
وصفّق له العالم وهـو رافـع ايديـه=تصفيق حامـي يـوم يلغـي خطابـه
وعـوّد وقـادات الجحافـل تباريـه=وتحقـق التحريـر والنصـر جابـه
وعلى الصعيد الداخلي مـن يجاريـه=للشعـب غيـثٍ ماتوقّـف سحـابـه
شيخٍ حكم بالعدل والشعـب مرضيـه=يفصّلـون اثيابهـم مــن ثيـابـه
الشعب في حسبة بنيه وبنـي خيـه=حتى الذي مـا هـو قرابـه قرابـه
داخل وخـارج مـا تعـدد حسانيـه=عنها عسى ربـي يضاعـف ثوابـه
يالله بالفـردوس الاعلـى تجـازيـه=مع الرسول المصطفـى والصحابـه

[نــجــم]

::[[:: يآلله : شـ/ العجمـي ::]]::





يالله ياخالـق ألـوف وملايـيـن=ياربنـا حنـا وياخالـق الـجـان
اغفر لمن يرعى حقوق المساكيـن=ابو اليتامى جابر الخيـر الانسـان
اغفر لمن جاهد على نصرة الدين=اللي زكاته واصله حـد الافغـان
من المحيط وواصله تالي الصيـن=جمايله واجـد ولا منـه نقصـان
راع العروبه والقضيـه فلسطيـن=يفخر بك المسلم وتنعاك الاوطـان
تبكي له العذرا ونبكي لـه سنيـن=ويبكي على موته عجايز وشيبـان
لو يورث الحاكم ودار السلاطيـن=حنا ورثنا الطيب اشكـال والـوان
يالله ياخالـق الـوف وملايـيـن=ياربنـا حنـا وياخالـق الـجـان
اغفر لجابرنا وزيـد الموازيـن=واجعل له الفردوس مثوى ومسكان

[نــجــم]

::[[:: يآدآر : شـ/ حمـآد النومسي ::]]::





يادار(صوت)التعازي من يعزّيه=والحزن من يجبر احزانه وبلواه
يادار(وجه البلد)وشلون نرثيه=ياشح كف الرثا ياضعف معناه
من يرثي(الصبح)مدري كيف ننعيه=من يبكي(النور)ويواري محيّاه
حجم البكا مابنا صوتٍ يكفّيه=لو كل كل الحناجر صاحت الآه
والدمع بعيوننا تعجز سواقيه=مايكفي الكون كله لو نثر ماه
ومن قال(دار المهابه)مات راعيه=نقول ماكل قولٍ صح معناه
الموت ماهو كذا ..ياضيعة التيه=الموت موت الرجل لامات طرياه
ما مات جابر ولا ماتت يمانيه=ما مات جابر ولامات مبداه
الموت مايحتوي مثله ويحويه=الموت مايحتوي من ربي احياه
لا ما توفى ولو نعلن توفيه=ما مات لو راحت الاخبار تنعاه
ما مات جابر ولا ماتت معانيه=في قلب الاحداث ينبض طيب ذكراه
في قلب شعبه يضخ الحب طاريه=اسمه ورسمه يعزه طيب مسعاه

[نــجــم]

::[[:: عز يالشعـر : شـ/ بندر المحيـآ ::]]::





عَـزّ يالشِعْـر شعب ٍ حزننا من دموعه=عَـزّنا فيه وإلاّ عزّ فيه المحابـر
أنت لك عام شاعرْك اتـّهدّم ضـلوعه= ناسي ٍ كيف ينظم كلمته وانت خابر
ماطلع نجمْ غير ابهج مُهجنا طلوعه =وماهوى نجمْ غير أوجع شموخ المنابر
الأحد جاب كل الحزن فـ اول اسبوعه=عابر ٍ بالدموع .. الدمْع ماهوب عابر
علموني بجرح وحزن بشّر ربوعه=بالكفن والسـواد المبتدي فالمقابر
قلت أدوّر بوجه كويتنا بعض لوعة=وامتلا وجهي مْن الدمع ماني مْكابـر
موت جابر جبْرنا للقصيـد =ومن بيجبر خواطرنا عقب موت جابر ؟!

[نــجــم]

::[[:: كل يوم احزآن : شـ/ فيصل المريسي ::]]::





يالحزن كافي بس كل يوم احـــزان =بالامس زاااايد راااح واليوم جـــابر
اقسم برب الكون لو كنت انســــــان=لا اجعل من احزاني بصدرك مقابر
واستعمرك يالحزن لو كان ماكـــان=واجعل جروحك للخلايق معــــــابر
لا من توصل لفناء قصر دسمـــــان=قصر الكرااام ودار عز الاكــــــابر
شوف العلم فيه من الامس زعـــلان =قلبي الكويت ونبضي الشيخ جـــــابر
ماعاد فيني حيل زهقــــان زهقـــان=وماعاد فيني صبر ولا عاد اكـــــابر
وشلون اعيش وداخلي جرح واحزان=لا الموت مأخذني ولا الحزن صابر
يالحزن تكفى بس تغتال الاوطـــــان=وش عاد غير الدمع يروي المــــنابر
وانته مثل منته فرحان فرحــــــــــان =اخذت ذاك اللي لـــدينه مثـــــــــــابر
يالحزن كافي بس كل يوم احــــزان =بالامس زاااايد راااح واليوم جـــابر

[نــجــم]

::[[:: مشاركة عزآء : شـ/ عقآب الربع ::]]::




كئـيـب لا تنـشـد عـلـوم المحـابـر=بعـض الحـزن طلاسـمٍ مااقـدر اقــراه
يعني قبـل هالعلـم ويـش انـت خابـر؟=كـل مايهـب ايـة حـزن جيـت ويــاه
والـيـوم كَمًلـهـا .. ولا راح عـابــر=بـقـى دلـيـل قلـوبـنـا للمـعـانـاه
ياكويـت مـن صجـك تحسبيـن جـابـر=مـات؟ وْهُـوَ اللـي تـاركٍ بـك مزايـاه
واللـي خْلقـه ياكويـت مـانـي مكـابـر=ان قـلـت تبـقـى للقيـامـه بـقـايـاه
الــروح لله .. و ..الجـسـد للمقـابـر=والصيت يهـدي اجيالنـا مـن سجايـاه :
صبر ..و..دهـا.. هـذا الشديـد المثابـر=حلمه .. و..عطفه .. والحنان .. و..عطاياه
هـدوء صوتـه فـي ضجيـج المنـابـر=دنـو سمعـه لا شكـى كويـتـي : الآآآآه
قولـي انـا بـي شعـب مبلـي وصابـر=مسلـم ولا يـجـزع ليـاشـاف بـلـواه
يدعي لابونا .. الغالـي .. الشيـخ جابـر=ربي اغسلـه بالمـاء .. واغفـر خطايـاه

[نــجــم]

::[[:: الدمـع : شـ/ ..... ::]]::





جتني حزينة ترفع الصوت هو ليه =هو ليه ماتبكون والبال خالـــــي
صغيرة والدمع ماعاد تخفيـــه =ترسل سهام الحزن والصوت عالي
يبه أمير قلوبنا مانخليـــه =اللي رفعنا في دروب المعـــــالـــي
هذي صوره يا يبه تفتخر فيه =حر نداوي مايجيله مثـــــــالي
والي محلي صورته رفعت يديه=يبه كأن يديه ليه ظــلالــــي
وعيونا لصور جابر تراعيه =مثل القمر يوم طلع والــهلالـي
المدرسة تبكي على طول طاريه =وطابورها من عقب الافراح زالي
وسكت لحظه قلت يابنت أراعيه =لحظة وداع وصمت يثري خيالي
من قالك ماهزنا يوم ننعيه =زلزال حزن كان فوق احتمالي
والحزن غطانا بكامل معانيه =أسدل ستاره ثم زاد اشتعالي
وزحف له الشعب الكويتي يواسيه =جموع تدعيله تجول اجتوالي
كل المزايا شيخنا تجتمع فيه =يشهد له العالم جنوب وشمالي
يابنت عذراً ماأقدر أشرح ووفيه =وأدري بعد لله كل الكــمالــــي
ويبقى الأمل بإخوانه الي تباريه =آل الصباح ومشيهم بالعدالـــي
حكم قديم وشامخات مبانيه =ثابت على مر الزمن واللـيالــي
ماقل دل وصادق الود نبديه =غالي وودعنا ولازال غــالـــي

[دانــه]

صح لسان الشاعر ولاهنت يانجم ع أيراد الديووان الرااائع
يعطيك العافيه ..

[نــجــم]

يسعدني ويشرفني مرورك العطر

تقديري لكـ

[فادي الشلاحي]

تسلمً يمينكً علىً هذا الطرحً الراقيً

[يارا العامرية]

,’,

صح لسـآن شآعرهآ .. وصح اختيارك ..
الله يعطيك الف عـــآفية ..
تقديري ,,

,’,

[نــجــم]

,’,


صح لسـآن شآعرهآ .. وصح اختيارك ..
الله يعطيك الف عـــآفية ..
تقديري ,,


,’,

يسعدني ويشرفني مرورك العطر

تقديري لكـ

[نــجــم]

تسلمً يمينكً علىً هذا الطرحً الراقيً

يسعدني ويشرفني مرورك العطر

تقديري لكـ

[سلطانة]

http://www.halauae.com/uploads/images/alsaher-3814931317.gif

[دانــه]

صح لسان الشاعر ولاهنت يانجم ع أيراد الديوان الرااائع
يعطيك العافيه .. . :m-49:

[منادي]

صح لسان المرحوم الشيخ جابر
اشكرك يانجم على الديوان الرائع
الله يعطيك 1000 عافيه
و
تحية اعجاب لمن يستحق الاعجاب
منادي

[نــجــم]

صح لسان المرحوم الشيخ جابر
اشكرك يانجم على الديوان الرائع
الله يعطيك 1000 عافيه
و
تحية اعجاب لمن يستحق الاعجاب
منادي
يسعدني ويشرفني مرورك العطر

تقديري لكـ

[نــجــم]

http://www.halauae.com/uploads/images/alsaher-3814931317.gif
يسعدني ويشرفني مرورك العطر

تقديري لكـ

[نــجــم]

صح لسان الشاعر ولاهنت يانجم ع أيراد الديوان الرااائع

يعطيك العافيه .. . :m-49:

يسعدني ويشرفني مرورك العطر

تقديري لكـ

[صعبة المنال]

نجم
أج ــمل وأرق باقات ورودى
لموضوعك الجميل وطرحك الرائع
صح لسان الشعراءوالله يرحم جابر وتسلم يمينك
كل الود والتقدير
دمت برضى من الرح ــمن
لك خالص احترامي وتقديري

[نــجــم]

يسعدني ويشرفني مرورك العطر

تقديري لكـ

[العنيــــدهـ]

لاهنت ع الاختيار الرائع
يعطيك العافيه
!..❥

[نــجــم]

يسعدني ويشرفني مرورك العطر

تقديري لكـ