ديوان الشاعر : شايع العيافي [الأرشيف]

نــجــم

11-04-2011, 11:39 AM

الشاعر : شايع العيافي
,
,
,

قصيدة بهـتـــــــــــــــــــان

الا ياهل البيوت اللي على الساحل صباح الخير
صباحٍ لأرتفع نـوره يجيـه الوبـل ويطمـه

بعد ماترتفع شمسـه بقـدر الرمـح والتقديـر
تخصصه السحايب من عطـا المنـان وتعمـه

تجض رعودها من برقها صبح وظهر وعصير
وتنشر في حراويهـا جنـاح الغيـث وتلمـه

مداهيل الغلا .. قبل الغلا يبدي بـه التقصيـر
قبـل حـظ التعيـس يزلهـا ويضيـع اليمـه

ياليلي ماعطاك الله ثياب الستر وانـت مغيـر
معك غدر السروق وصاحبـك تبرابـه الذمـه

تخاوينـا وخوتنـا لـك الله مالهـا تبـريـر
حدانا اللي حدا فـرخ الحبـارى يتقـي بامـه

عليك الشرهة العوده... ولفتات العيون تحيـر
وحنا من سلايل عود نجـد .. مكبـر العمـه

فلا تلبق علينـا هرجـة البهتـان والتزويـر
لك الله ماربينا فـي بيـوت الهـرج والنمـه

عبادٍ تنفخ الأرنب وتطلـع لـه سنـام بعيـر
الين ان الغبي يربط شداده فـي طـرف كمـه

على من طمع غيبتنا مـن التهليـل والتكبيـر
مايرضي وجه رب البيت.. والحاسد على غمه

انا ويـا شنـاق العنـق فالمقـدار والتقديـر
ولو كبر العتب واستوجع الملتـاع مـن همـه

ترا بعد الحبايب في مباريـح الليـال يصيـر
وانا لو صار لي ماصار فـي غيبتـه ماذمـه

انا وشلون اذمه راس مال... ولابعده .. سبير
وفرقه يوم ابرق مثـل فـرق القـاع والقمـه

يسريني على صوته .. ويكفخ له جناح الطيـر
وتومي لـه عمامـة قلبـي الملتـاع ويضمـه

ليا منه طرالي فالمكـان اللـي عليـه اسيـر
يبس قلبي على اخر نبضته... ثم احتبس دمـه

علي الله شهيد انه عن الشقح العفايـف غيـر
عطاه الله ... وقلل من بعض شاراته... وتمـه

مواريث الشرف ورثه ومنزاله يميـن قصيـر
ياليت الله رفع حظي وجيت ادنى بنـي عمـه

اانا... في ظلمه وجوره وزعلاته علي... بخير
بلاي اليا ذكرته ... واستحال الصوت من يمه

نــجــم

11-04-2011, 11:39 AM

قصيدة كفيت ووفيت ....

ياغيبنا ياللي علـى غـرة اللـوح
عسى تباشيـر السعـد بـك تلّفـا

واقول ياباب من الشرق مسمـوح
تبعث دواريـس الغـرام المسفّـا

سلمت سنه واصخف الوجد مشفوح
اقصى رجـاه يواجـرك ويتحفـا

ويقول لـك لبيـه ياكنـة الـروح
وانا علـى كنـة حشـاك آتشفـا

يازمهرير الشوق ياباعـث النـوح
دن الحشـا عنـد الحشـا ويتدفـا

عليك ميلات الهوى تتبع الضـوح
برقٍ تجـلا فـي الجبيـن وتخفـا

ترقب معه عيني على نايف الصوح
تتنى وعدهـا وابلـج النـور قفـا

معذور لو نزح العباير غـدا فـوح
والا بعـد زاد الجفـا بـه وجفـا

مادمت جراحي وانا منك مجـروح
ماني من اسبـاب الصبابـه معفـا

وقلبٍ على جرة سباياك مطـروح
تهدى عليـك جنازتـه لـو توفـا

يمكن يجيلك في نعايـاه مصلـوح
وتقـول....!! لابالله كفـا ووفــا

نــجــم

11-04-2011, 11:39 AM

قصيدة المـــــــــــــــوت

ذعاذيع الشمال ونسمة الساحل شراب وقوت

الى قفا من الليل اوله واعتاض فـي حـره

ولا قمة جبال ابها ولا ليلة سهـر بيـروت

تعطر ياصعيد فيه لأقـدام التـرف جـره

من الريان الى باب المنامه لا شمال الكوت

يجاذبني غلا ناسه على شان ابلـج الغـره

مساك الخير ياحي يخاطبني ببحة صـوت

ويسعد ليل عين تلمحك لو في السنـه مـره

جبين الصبح طلاتك وثغرك مهرجان التوت

على قولك وانا ماذقـت لاحلـوه ولامـره

ادور لك مع العالم وخايف لايفوت الفـوت

اخاف الصبح ملقا قي مكانـك وازنـة ذره

ولاني شاكي صدك وظلمك قلبي المكبـوت

رضيتك والهوى مكتوب نقبل خيره وشـره

الى خليت مدك واكثر العالم علـي شمـوت

يصير القبر كون ما تضايق بحـره وبـره

تعبنا والعنى سنه ولا فهل الهوى مبخـوت

وانا لقيت صدري للطعون وجـات مفتـره

قتيل للغـرام العـف لاخامـه ولا تابـوت

عساك تضمني ضمة حزن وتموت بالحـره

رضينا بك مثل مارضيت العالم بحكم الموت

لكن الموت مره وانت ذابحني ميـة مـره

نــجــم

11-04-2011, 11:39 AM

قصيدة دموع التماسيح

انتفض بد الظـلام ووقـظ الطـرف القريـري
مابعد ليل العيـون الا الصبـاح اللـي هجدهـا

بان وجه النور واستضحى على القاف المغيري
غن يا طرق الغرام وحط فـي كبـدي كمدهـا

مرحبا يا المخطر الحامي على الضلع القصيري
جيت مثل الغيمه اللـي برقهـا يسبـق رعدهـا

الحنايـا مابهـا الا شاهـد الوسـم الأخيـري
والروابع هزها الطـاروق والصـادر وردهـا

شق ستر الغابيه وتبين لـك لـو هـي ستيـري
الجروح مزهبه والطعـن فـي المقتـل بجدهـا

ابشر ان آخر طعونك وصلني وادمى ضميـري
ليت غربتـك الطويلـه .. ماعقلـك الله بعدهـا

جيتني بالهم مقبل.. لامفـر..!! ولامطيـري..!!
وانت يوم تروح ..نفسي ماجهدك اللـي جهدهـا

حارت اقدامي على درب الفراق وقلت سيـري
مايغدر ابيوتنـا مـن عزهـا طيحـت عمدهـا

والله ان اصغر ذنوبك كسرت العظـم الجبيـري
عقب ماربي عصـم روحـي ولهمهّـا رشدهـا

جيت والشاهد على القصه مثـل راس البعيـري
لعنبوا سـود الوجيـه ولعنبـوا منهـو عبدهـا

دمعة التمساح طاحت من عيونه فـي ضميـري
احرقتني جعل عينـه مـن عماهـا لا رمدهـا

العهد مـن قلـة الذمـه وضيعـات الشويـري
راح في ساقـة عبـاد ماحـدٍ يامـن عهدهـا

المعذره يا قطيـن الـود .. يامهـوى نظيـري
قبل صلفات الليالـي لا تحطـك فـي نصدهـا

انت مني وانت فيني وانت شري وانت خيـري
من حياتي .. لين تدخل جثتـي داخـل لحدهـا

ان بغيت تقول يكذب .. خلنـي يقنعـك غيـري
جعل سمحات الليال يهب من صوبـك سعدهـا

العرب.. من كل فج يقودهـا سلـك الحريـري
انت معطى .. والعلوم الخافيـات امـر وادهـا

قلت لك "حرزٍ مكين" وقلت لي جـوي وطيـري
البقى في روحك.. وجعل امسها ماهوب غدهـا

الدهـر يوميـن واليـوم المسانـع يستـديـري
ولاتـدوم النعمـه الا عنـد ممـتـنٍ حمـدهـا

بس انا بنشدك وآخذ مـن قليلـك فـي كثيـري
والمثل قد قال من دور علـى حاجـه وجدهـا

هو يصير اني احبك فالخفا ..!! او مايصيري..؟
عقب ما مرت عليك الروح واخطت من وعدها

نــجــم

11-04-2011, 11:40 AM

قصيدة فهد بن محمد الهمــــــــاش

يالله يمـن بيـده مفاتيـح الأرزاق
حلال ما ضاقـت عليـه الغلايـق

عزال سبع اطباق من سبعة اطباق
ومحصي مابين كنوفها من خلايـق

جل جلالك وانـت عـلام الأوفـاق
حيٍ على غرات الأنفـس موايـق

رب العمار ورب تاليـت الأرمـاق
سترك ليا جـات المنايـا طلايـق

لاوقفت والتفـت السـاق بالسـاق
وعلى اللحد قامت عظامـي تهايـق

عفوك وغفرانك ذرا منـك ورواق
ولابـد مايستاقنـي منـك سايـق

حياتنا تمضي على وصـل وفـراق
وفراق خطـلان الأيـادي عوايـق

اللي توقف يـوم يبسـات الأريـاق
مثل الجمال اللـي تشـل العلايـق

يدرابها لادنقـت حـدب الأعنـاق
واقفوا عن الـلآزم عيـال اللفايـق

تكبر وتصغر عند غالين الأعمـاق
اللي خـذوا هـم المخـلا وسايـق

شروا فهد لاناشت الأرض الأشناق
ثنى لها وتلوق مـن غيـر لايـق

حرٍ على كسـب النواميـس تـواق
يشيل منهـا فـوق ماكـان طايـق

يفرح به المبلي لمن خاطره ضـاق
ويروح من عقب التخاليـف رايـق

مواقفـه فيهـا جديـدات وعتـاق
وعلمه تسولف به رجال و حقايـق

شمس النهار اللي بها ظل واشـراق
تدفا بهـا عينـه وعينـه حرايـق

احلى من البسمه على وجه مشتـاق
واعنف من اللطمه على وجه بايـق

ويوم الأسامي صنع ماكـر ودراق
ماشاع صيتـه بالحيـل والسرايـق

خـذا ولاخـلا مكاريـم الاخـلاق
وقسمه على كـل المقاسيـم فايـق

فليا قصر ثوب الردي عجز وارهاق
ثوبه ضفى واسبل وجالـه ذلايـق

مايلحق فالطيب وان قلـت لحـاق
ياكثر مافـي جرتـه مـن لحايـق

هماش يا هماش يا ذرب الأعـراق
تنشر لك البيضاء على كـل وايـق

اقولهـا تقديـر ماقلـتـه انـفـاق
يفرح بها الطيب وشانيـك ضايـق

ومن حط راسه تجربة كل حـلاق
لاتنشده وشهو مـن الغبـن ذايـق

يزكن بها النايم ويقنـع اليـا فـاق
ومن شق صملانـه تواليـه حايـق

هذا وصلى الله عدد من بالأسـواق
علـى نبـي الله شفيـع الخلايـق

نــجــم

11-04-2011, 11:40 AM

قصيدة الـــــرغا

أيست من وضع الهدير اللي يعود للرغا
والعاديات أرخت الأعنه واقبلت بوفودها

بعد عن السجه وضيقات تنول المبتغا
أ لتاع من بيض الليالي واكتوي من سودها

صوت يسولف بالولع وآخر تقاسيمه لغا
يطرح علي النبره اللي ماتليق ردودها

تبت يدا من علمك يا قلب تتبع مابغا
حتى رمتني عشقتك باصفادها وقيودها

أهوى نجم غيره ونجمه في سما الروح بزغا
بزغة جبين الصبح لاجات الليال حدودها

يا نسل هامات الزحول ومارثة فرز الوغا
حجتك تفلجني بدون قضاتها وشهودها

ظلمت واطغاك الدلال اللي على روحي طغا
تلحق مدى نفسي وتبدي من قصاك سدودها

رسخت في ذهن الهوى واللي ماهوب انت ألغا
وامست عيال ابليس تبني من سببك حقودها

يا كافي المسلم من الغيبه وزهفات البغا
عذني وأجرني من عباد سمها بكبودها

عشرين حاسد واربعه عدوان والخامس ثغا
شق بستر الغيب والفتنه يدخّن عودها

همزه ولمزه في عباد الله سواة الببغا
هذي ينقصها وهذي لو شوي يزودها

وانا اللي استاهل هدرت وراعي الهدره رغا
غلطة عمر وانا حلفت اني ماعاد اعودها

نــجــم

11-04-2011, 11:40 AM

قصيدة الـــــــــــــــبر

حـــــل الـــــــــبراد ولاطفــــــت مـــــــــنه الأنــــــواد
وقــــــــــام يتلــــــــبس حـــــــــرها بالــــــــــبرادي

القـــــــيض قــــــــفى والثـــــــرى المنتــــــــحي عـــاد
وغـــــــنى بمسيـــــــــــار الحــــــــــيا كــــــــــل وادي

بــــــــين الوســــــــــامي والمــــــــــــرابيع ميعـــــاد
ميعـــــــــاد مـــــــــن ضـــــــاقت علــــــيه البــــلادي

مقـــــــافر يســـــــعى لهـــــا كــــــــــــل صيــــــــاد
يكســـــــــر عليـــــــها الحــــــــوم طـــــــير الهــــدادي

حـــــــر علــــــى جــــــول مـــــــــن الخــــــرب هـــداد
كـــــــــنه عــــلى بــــــــرقا الجنيـــــــــح يقــــــادي

حـــــــــدر مــــــــــن الـــــــزرقا عـــلى الصــيد وراد
كـــــفه بهــــــــا مثــــــــل السيــــــوف الحـــــــــدادي

اومــــــــــا بها واومـــــت كــــــــــــما صــــوط جــــلاد
متــــــــوسط مضـــــــــــــــــرابها فالثــــــــــــــنادي

خــــــــذابها طلــــــــــــــعين والــــــــدو مــــــــنقاد
ولجـــــــــــــــوا قــــوانيص الضـــــــــحى فالــــــروادي

وقـــــــــرة عيــــــــون اللــــــي على العـــز معتـــــاد
بيــــــنه وبــــــين العــــــــــــز ملـــــــــــــح وزادي

ولـــــــو زادو اصحـــــــــــاب الرســــــــاميل وشعـــــاد
ماخــــــبر محـــــــــــــــروم المنـــــــــــــــــاهيج زادي

الــــــــــزود والله طـــــــــــــردت الشــــــــــوف لانــاد
ومنـــــــــزالنا بـــــــــــــين الجـــــــبل والحمـــــــادي

في عبــــــــلة(ن) والجـــــــــــــمر مســــــــراه وقـــــاد
مـــــــــــن عقــــــــب نصــــف الليل جـــــاه الهجـــــادي

زادوه مــــــــــن مكــــــــــــاسر السمـــــــــــر وازداد
وقــــــــــــامت علــــــــيه النـــــار كنـــــها تنـــادي

وحــــــــــاموا علــــــــيها مـــــــــــن مطـــاليق الأولاد
ربــــــــع عـــــــلى قطــــــــــع الخـــــــــرايم عـــوادي

فـــــــــاحت علـــــــــــيها دلــــــــة الــــــبن بقــناد
ودارت عليـــــــــــهم والســــــــــــوالف جـــــــــــدادي

زان الحـــــــــــديث ولالحــــــــــق عــــــرض الأجــــــــواد
نـــــــــــــوادر مـــــــــا خاشــــــــــرتها الـــــدوادي

مسكــــــــــين مــــــــــن جاله عــــن الـــــبر مقــــــعاد
خيــــــــــم عليه الهــــــــم مـــــــــــثل الجــــــــرادي

العمــــــــــر لـه لــــــذه ولــــــه وطــــــــر وأعــياد
من غـــــــــر منــــــــــها وآحيـــــات الـــــــــــزهادي

قلــــــــــــته وانا شــــــــــاعر وللشـــــــعر قصـــــاد
مثــــــايل تلـــــــــعب لغـــــــــــــاية مــــــــــرادي

ادرا عليـــــــــــــها هـــــــــــرج حــــــــاسد ونـــقاد
واخــــــــــاف لاثــــــــــــوبي ينـــــــــــوش الســـوادي

اذل من كبـــــــــوة خـــــــــــطا بآخــــــــر المـــــــاد
وتقـــــــــول عـــــــــراف العـــــــــرب ويــــــن غــادي

مـــــــــالي عــــــــــن دروب الزحـــــــــازيح محـــــــواد
لـــــوهـــــــي تــــــــــــوطيني بشـــــــــوك الكــــدادي

وعـــــــض البـــــــــهام لفــــــــايت الفــــوت مافــــاد
قلـــــــــــته وانـــــــــا مانـــــــــيب عــــيه عنــادي

ادري بمنـــــــــــــزالي وانــــــــــــا الصـــــبح شـــداد
ولادور الا ســـــــــــــــــــــتر رب العبــــــــــــــــــــــــــــادي

نــجــم

11-04-2011, 11:41 AM

قصيدة يا قـــــحطان

ادركـــــــوني والـــــــولـه قطـــــــــــاع ســــــــــاقه
والعيــــــــون الســـــــــود مضمـــــــــيت الحنــــــــايا

يابـــــــــــني لــــــــــب العقـــــــول اهـــــل الأنــاقه
مابقــــــــــــــى لي حــــــــي تاخـــــــــــذه الحمـــايا

كــــــــــــــل مالـــــــــــديت باطـــــــراف الرفــــاقه
علقــــــــت عيــــــــــني بمشقـــــــــــــين السبــــــــايا

عـــــــــــــار يــــــاروس العـــــــرب قيـــــد الحمـــاقه
الجــــــــــــروح مــــــــــن القصــــى قــــــدها طنـــايا

دوروا "مشهــــــــــــــور" في ذمـــــــــــــــــة دقــــاقه
مــــــــــــن بنـــــــــات الغـــــــي وضّــــاح الثنـــايا

صبـــــــــــــحت الغــــــــــــره مزلـــــــزلت اللبـــاقه
كنـــــــــــها تجلـــــــــب علــــــــــى اللـثم الشفـــايا

تبتســـــــــــــم واقـــــــــــــول يابعـــــد الشقــــاقه
بشــــــروا بالعيـــــــــــد بيــــــــــــاع الضحــــــايا

واثـــــــــــرها تطـــــــــوي لبـــــــو غـــره فـــــراقه
لـــــــــــــين حــــل البـــــعد وانكــــــــرت النــــوايا

ياليــــــــال البـــــــــــين والطــــــــــــاري ســــراقه
والضلـــــــــــوع الحـــــــــدب مــــــــن همـــه عـــــرايا

لاانتحــــــت واقفــــــــــت نسانيـــــــــــــسك طــــــلاقه
وألتــــــــــــــوت بديــــــــار حــــــــامين الســـــرايا

"وادي" تـــــــــــرعاه لاربـــــــــــــــع نيـــــــــــاقه
وان سكــــــــنـه الـــــــــوقت يابعـــــــــدالنحـــــايا

تستكــــــن شـــــــــــوي ويـــــــــذعذع عبــــــــــــاقه
مــــــــــــن عبـــــــــق صفــــــــوت غنــادير الصبـــايا

ابلـــــــــــج كــــــــــن الـــــــــترف يصنــــــع لسـاقه
مـــــــــن حــــــــــرير الخـــــــام لا لبــــــــس الحـذايا

وان تعجــــــــــرف راح سيـــــــــد القــــــوم عـــــــاقه
كنــــــه اليـــــــا أقفـــــــــى يقـــــريه التحــــــايا

فيــــه من نفــــــث العقــــــــد ســــــــــــر وعـــــلاقه
ولادريــــــت تعـــــــــــــذربـــــــــه والا مـــــــــزايا

ياجمــــــــاعه كـــــف!! لــــــــو كـــــــــــف الحـــــــلاقه
يقنـــــــــع المسحــــــور مــــن عــــــذب السجـــــــــايا

عـــــــــبرة المحــــــــروم تــــــــذرف مــــــــن غــــلاقه
فرحــــــــة الأقصـــــــــين وأهمـــــــــال الدنــــــــــايا

شـــــــــرهتي والأســـــــــم في عــــــــرض البطــــــــــاقه
ياقحطـــان اهــــــــل الــــــوفاواهــــــل الحمــــايـــــا

نــجــم

11-04-2011, 11:41 AM

قصيدة يا عـــــيد

ياعيــــــد....... كيــــــف اقفـــــي واخـــــــليك ياعيـد
حــــــــرام مــــــــالي عقــــــــــبك الا النــــــــــدامه

ياعيــــــد......... ماللشــــــوف صـــــــبر عــــلى البــيد
اليــــــــا انتحـــــــــى وردت حبــــــــــال الـــــوهامه

ياعيــــــد......... فســـــــــــلوم العـــــــرب والتقاليد
مايهــــــــــــجر المســـــــــــلم ويقـــــــطع ســـــــلامه

وانـــــــا علــــــــــيك أطـــــــــرح ســــــلامي تــراديد
ولا كـــــــــــني الا مـــــــن حيـــــــــــود العـــــــدامه

ياعيــــــــــــــد لاتشـــــــــــمت عــــــــــلي المقــاريد
خــــــــــــــلك تبـــــــــــــين لي وراهــــــــم عـــــلامه

قــــــــدامهم خـــــــــــلك صـــــــــــــــدوق المـــواعيد
واليــــــــــــــا انتحـــــــوا صـــــــدك وعمـــر خيــامه

العــــــــــام ضيقـــــــــات الخـــــــــــواطر شـــــواريد
واليــــــوم مــــــــــــالت بالهمــــــــوم العــــــــمامه

يانـــــــاس سمـــــــــولي رضــــــــا تـــــــالع الجــــــيد
لــــــــــو البــــــــس مــــــن الـــــــود ثــوب الرخامه

اثـــــــــور مــــــــن بعــــــــــض التصـــــــاريف وآهيد
وأجـــــــبر عـــــــــــــزومي بــــــــريش النعـــــــــامه

ابـــــــــغا لـــــــــــيا كثــــــــرة عـــــلي المنــاقيد
اجــــــــــــاوب الــــــــدنيا بــــــــــربع ابتـــــسامه

وانـــــــــــــــا ادري أنـــــــه كـــــايد الــوصل وبعيـد
غــــــــدر النـــــــــــسا حـــــــتى تقــــــوم القـــيامه

الـــــــــــــواصلات البـــــــــــــــــاديات التصـــــاديد
النـــــــــــــــازحات معنـــــــــــــيات المســــــــــامه

الضـــــــــــــــــاحكات المبكـــــــــيات الأوالــــــــــيد
القـــــــــــاتلات الـــــــود بــــــــــأول حــــــــــلامه

المــــــــــــــاجنات الآســـــــــــــلات الأخــــــــــــاديد
نعــــــــــــمة حـــــــــلال الله ونقـــــــمة حـــــــــرامه

اشبـــــــــــــــاح لكـــــــن كلبوها مــــــــــن الغـــيد
وان جــــــــــــاز ظنـــــــــي ماعلــــــــــيها مـــــلامه

العــــــــــــــيب والله في قلـــــــــــــــوب الأبـــــــاليد
نـــــــــــــواظر حمـــــــــــراء وقلـــــــت صــــــــرامه

وانــــــــــا بلــــــشت وسبـــــــتي كلــــها ((عيــــــد))
عســـــــى جهـــــــــــــنم تستــــــــــعر في عظــــــــامه

نــجــم

11-04-2011, 11:41 AM

قصيدة اخـــــر الأسبــوع ...

جـيـت لـلـهـم غـصـب وجـانــي الـهــم طــوع
صـــدة الــحــظ .... ورتــنــي عـلامـاتــهــا

الــرزايــا تـــرادف .. والـمـنــايــا رتــــوع
ولاتــمــوت الـقــلــوب الا ... بـحـسـراتــهــا

لاتـســل عــن حــوال ولاتـســل عــن وقـــوع
بــاركٍ مــن عـنــى الـفــرقــا ولـوعـاتــهــا

مـابـقــى وآتـفـقــد بـيــن حــدب الـضـلــوع
غــيــر روح يــجــر الــوجــد زفــراتــهــا

كـل مـاعــرض الـهـاجــس بـزيــن الـطـبــوع
غـرغــرت لـلـوفــاه .. وذقـــت سـكـراتــهــا

راح يــوم الـخـمـيــس.*. وراح يــوم الــربــوع
والله اعـلــم عــن الـجـمـعــه.*. وش سـواتـهــا

مـذهــب الــود مـثـلــي مـايـسـمــى جـــزوع
يــوم عـيـنــي عـلـيــه تـكــض عـبـراتـهــا

تـبـكـي الـيـوم كـلـه.!! والـشـهـر.!! والـسـبـوع.!!
والـلـيـالـي.!!... دقـايـقـهــا.!! وسـاعـاتـهــا.!!

حـاجـة الـمـبـتـلـي....!! والـخـل عــيٍ مـنــوع
والـبــلا كـــان فـــزاع الـبــخــت فـاتــهــا

جــادلٍ تـسـهــج الـفـرقــا بـقـلــبٍ بــتــوع
لــيــن يـبــســت نـواظــرهــا بـلـداتــهــا

كــل مـادنــقــت لــلــه ســجــود وركـــوع
غـورقــة بـالـدمــوع ..ويـبـســت شـفـاتــهــا

قـضـهــا طــاري الـفـرقــا وبـعــد الـنـجــوع
لـيــن مــرت عـلــى ...بـقـعــا وصـكـاتـهــا

هـرجـهـا سـكـرة الـعـاشـق وسـحــر الـسـمــوع
والـــذرابـــه عــوايــدهـــا وعــاداتــهـــا

كـل مـا حــل طـاريـهــا لـبـســت الـخـشــوع
كــنــي ارتـــل " الأعــــراف " بـايــاتــهــا

نـسـل قـوم تـصـافــق بـالـجـمــوع الـجـمــوع
والـحــلا .. ورثـهــا والـسـتــر ... لامـاتــهــا

يـاحـمـد .. كـان تـنـشـدنــي وجـاهــك شـفــوع
فـي..؟ مـاحــد حـشــا....!! سـوابــي سـواتـهــا

سـاقـنـي بـالـغــلا ســوق الـبــدو لـلـنـجــوع
مـيـســمٍ بـيــن مـطـرقــهــا وعـرقـاتــهــا

بـلـغـوهــا تــرا مـانـيــب فـيـهــا قــطــوع
وانــهـــا جــنـــة الــدنــيــا ولــذاتــهــا

ازعـلـتـنــي ورحـــت ولا نــويــت الــرجــوع
واثـر الأطـيــاف ..تـسـلـبـنــي بـهـمـسـاتـهــا

احـسـبـنــي لـيــا قـفــا ضـعـنـهــا قـنــوع
واثـر نـفـسـي تـشـيـل الـمـوت... بـسـكـاتـهــا

نــجــم

11-04-2011, 11:41 AM

قصيدة بلغ السيل الزبــــا

منته بداري وش حصلي يوم طالعت النبا..؟؟
اللي حصل لـي مابـه الا الله تعالـى يعلمـه

ياويلك من الله طغيـت وبلـغ السيـل الزبـا
ما لت لك الدنيا بغصن ابليس واخذت سهمـه

طمعتك وانته من سنام العز في روس الظبـا
والباقيات الصالحات ..اسمع كلامـي وافهمـه

ترا المنافق لويقـوم الليـل فـي مسجـد قبـا
ما للمنافق عن جهنـم كـود ربـي يرحمـه

العبد عبد للهوى لو هـو علـى سيـده صبـا
يامن يعلم عبدنا لاصار ربـي مـا ألهمـه..!!

لاعادهـا الله بنـدق مـاثـارت الا فالخـبـا
الصيد من تفاقها ...وأكرم عسـى الله يكرمـه

عفوا.. ولي منحى وقلـي يازمانـي وش تبـا
اكلمه من عقبهـا..؟؟ والا حـرام اكلمـه..!!

حال الهوى مقفي وحالـه قـام يرعـاه الدبـا
ياللي.. تلمست الجروح الغايره لمه.؟ لمـه.؟

سريت ليلك وانت داري ماعلـى الدنيـا غبـا
ولقيت لك جره ..هذا الساري وهذيـك قدمـه

هبة دبور..وهب للرحمه مـن المولـى صبـا
والمسلم الصابر معك رضى بمـا الله يقسمـه

وانته رضيت الهم فـي قلبـي وتاريخـه ابـا
من علمك طعن الظهر ..بالبعد اظنـه علمـه

وش حيلتك وانت المرابي ماتعرف الا الربـا
الروس ماهانت ولا لـدت علـى زاد حلمـه

اللي يبي كسر المهابه ياصبـح الوجـه يهبـا
واللي يبي زودي عساني في حياتي ماعدمـه

ورد من الروضه مطاليعه على ذيـك الربـا
اليوم اشوفـه لاذ بالـوادي وقاصـره سلمـه

سبحان من يرث عباده مثـل مـاورث سبـا
كانت فبانت..واصبحت ضمن العصور المظلمه

نــجــم

11-04-2011, 11:42 AM

قصيدة البصره والكوفه

يا سامرياتـي كـم افنيـت واحييـت
جمر الضميـر وحرقـة فـي كنوفـه

عيا علـي الصبـر واتعبـت ياليـت
اليـن ظنـي لحـق تالـي حتـوفـه

ياسيـدي وشعـاد كانـك تقصـويـت
قلبـي مـع عـوج المسـاري تلوفـه

لاهنت وانتـه عزوتـي لا تعزويـت
ولاهان راسـي لـو تـردت ظروفـه

والله ما غيري واحـد ينقـل الصيـت
ولا غيرك احد يجبـر الكسـر شوفـه

لجلك هدمت بيـوت زرق العفاريـت
ولجلي نحرت القلب واحييـت خوفـه

غيرك من غيـر طواريـك وامسيـت
كـن الثقـه عقـب اليقيـن مخطوفـه

ولعتنـي بمسامـر النجـم واقفـيـت
واصبح عليك الليـل يصفـق كفوفـه

يامـا رقبتـك بالهـيـام وتحـريـت
والصدر تقـرع مـن غيابـك دفوفـه

ظلمتنـي عقـب العـدال وتمـاديـت
ودك براسـي تطرحـه مـن كتوفـه

لكن لحظه واسمـع الطـرق والبيـت
امـا يحوفـك شــوق والا تحـوفـه

والله مارخصت الغلا يومـك ابطيـت
الا تـجـدد لــك ودنــا قطـوفـه

عذر الهـوى يومـك بقلبـي تلويـت
انـي نطيـح الـود وانـك شفـوفـه

نزلـت راس طويـق مـده وشديـت
واليـوم بـدرك لاتبـيـن خسـوفـه

عبست فـي وجـه الغـرام وتوليـت
خذت العوض في نجد ((بصره وكوفه))

روح وانا من عرف غيـرك تبريـت
عيب علـي عقـب العيـاف النكوفـه

الأزوال عقبك فـي عيونـي ترنزيـت
يمر فيهـا الـزول ماذكـر وصوفـه

لبيه ياصوتـك وحسـك ليـا وحيـت
نبراتـه البحـا وصـرت حـروفـه

لبيه يا غيضك وفيضـك ليـا خطيـت
ولبيـه ياكسرتـك عقـب الحسـوفـه

ولبيـه يــا دار عليـهـا تربـيـت
ذكـره يخلـي للسـوالـف طـروفـه

ولبيه يـا منصـا العيـون الملافيـت
الجـد مسمـي والبيـوت معـروفـه

ولبيـه لرضـا الله وغـم الطواغيـت
عساي احج البيـت واسعـى واطوفـه

سبحانك الله كل مـا فنيـت واحييـت
تعلـم بهقواتـي وظلـمـه تشـوفـه

نــجــم

11-04-2011, 11:42 AM

قصيدة الوسم

لاصرت وسم العرق الاكحل وانت بالكيه جدير
يا وسـم سمينـاك والدنيـا عطتـك حبالهـا

نكاث عهد ولاجزمـت تكسـر الهـم الجبيـر
غارت معك بقعـا وفـرت للخطـا محالهـا

الله ولا خشرة عيال الشاه فـي راس البعيـر
بين البيوت اللـي يسولـف بالرفـاه ظلالهـا

يحرم علي اني ماغطي هامتي من ريش طير
لوغابت البسام مـن سـوق الغتـر وعقالهـا

ولو ضميت وحك ضلع الزور بالضلع القصير
ماني مخايل مزنـةٍ سـاق الهبـوب خيالهـا

ولو عمست ومجلس أهل الكيف وراد وصدير
والله مالـد لدلـة قــد زلـنـي فنجالـهـا

يارب لاتكتب علي مـن الشقـا درب عسيـر
ولا تحملـنـي قــدر ذره ولا مثقـالـهـا

يارب لابادت كبار القـوم واحتـال الشويـر
قبل الأجل بيّـد صغـار القـوم وادن اجالهـا

يامن بها المسلم ولايخطي عن اليمه ضريـر
وتورد الهزلـه معـا حدبـا السنـام لحالهـا

الموت كان الدار قاطع حقهـا (تونـي بليـر)
ماهي غريبه تصعد اللآقـح ويقضـي حالهـا

ياربعنا اللي في السنين الغابره حـد شطيـر
حفيت عراقيب الظنـون وضيعـت معدالهـا

ماني وانا مشهور نقال الخطـا عبـر الأثيـر
انا سعوط الروس وخضاب اللحـى وسبالهـا

من برني بالطيب يجذبني معه سلك الحريـر
ومن غط قسمي ينظر ظعونـي ولا يبرالهـا

هذا وانا ماقد لويت الـراس للصـف الأخيـر
على العمد تبنا بيـوت العـز فـي منزالهـا

يا سعيد بشرنـي وتبشـر بالبشـاره يابشيـر
ان الحصاني حرمت تومـي بزهـر اذيالهـا

نــجــم

11-04-2011, 11:42 AM

قصيدة ســـــايك

لمست جرح الغلا وارهقنـي غيابـك
والليل وان جاب طيفك رحت ساريبـه

اسبرك مغضي واغض الطرف لأهدابك
حتى عتيم الدجـى تكهـف مشاهيبـه

ياطيف الأحباب قل لليـل وش جابـك
قلـه حـداك الولـع والا مـن الغيبـه

الفتنـه اللـي كتبـهـا الله باسبـابـك
النـاس تنشـد غثاهـا وش تسابيبـه

ياما تعثرت قبـل آقـف علـى بابـك
وياما تلعثمـت قبـل الشـك والريبـه

اخاف من هرجـةٍ بالـزور تحكابـك
دربٍ يـورد كـلاب السـوق ماليبـه

ازبن علي وابشر انه خـاب طلابـك
ضلـعٍ تـذرى حيـوده فـي مراقيبـه

يزل عنـك الـردى وعيونـه تهابـك
كما تزل النصـارى ...مكـه وطيبـه

لو كان ترضى علي الـزود واشقابـك
الضيف فـي حالتـك سيـد معازيبـه

والا انت ما حرقني الا نـار مشهابـك
في صدري القفر لين انه عـوى ذيبـه

يعرج بي الشوق ومن الـود يسرابـك
والغبن للـي خـذا الملـواح يوميبـه

يمـوت بـاول دروبـك لا تهقوابـك
ويعانـق اليـاس ماحقـق مطاليـبـه

يانجم ياللي علـى النجمـات يدعابـك
ليلك خـلاوي وانـا غالـي مجاليبـه

لو تجمع اصحابك الغاليـن واحبابـك
مافيهـم اللـي دوا علتـك يحريـبـه

تجحد صوابك ومعهم تضحـك بنابـك
وانا اسرح بقلبك المفطـوم واضويبـه

سعيت لي بالهـوى والحـظ يسعابـك
اليـن دميـت قلبـك وانفـرا جيـبـه

وان كان غبيت جرحك داخل اسلابـك
نبرتـك يرسـل بهـا همـك مناديبـه

الله يجيرك عسـى مامـرك وصابـك
كفـارةٍ للخطـا والـذنـب تدريـبـه

وانا ما عذربك واكره فيـك عذرابـك
اخاف مركب هـواك الريـح تقفيبـه

انشهـد انـك سنـام العـز وانسابـك
قـوم تقلـط علـى العايـل مواجيبـه

عليـك اوصـي عيونـي وآتلـوابـك
وآغبـط دار تصبّـح بـه وتمسيـبـه

يانجد دنق براسك واهضـم هضابـك
دامـك مرابيـه وفياضـك ملاعيـبـه

شرقٍ من " المملكه" فالغرب من" سابك"
بيت الشرف تسمك اعمـاده باطانيبـه

محسود بالخطوه اللي تسـرق ترابـك
وترابـك يشرفـه لامــر يمشيـبـه

قله الاغـاب لـد الشـوف باغيابـك
وان جاء تعلقت بايـدي فـي تلابيبـه

نــجــم

11-04-2011, 11:42 AM

قصيدة شالح وصاهود بن لامي

غريب المكان وعن هله نزّح المحـراف
رمته الصدوف ولا برا جرحـه الدامـي

تقصواه وقته وانتحـى ماطـراه عيـاف
ورد السـلام ..لليلـة البيـن مانـامـي

يجازيك ٍ يا هجس وقف بي على المشراف
وصليت فيـه الصبـح ماجفـت اقلامـي

تمايلت للمحوال واصبحت عـافٍ كـاف
بريٍ من السجه ..وذنبـي مـن هيامـي

وانا قبل مشراف العنـا ماعلـي خـلاف
الين انحنت لي الأرض فالمشهد الزامـي

ضوته الهبايب كنهـا بـأول المصيـاف
تعاتب زمان الوصل فـي ذيـك الأيامـي

جمعت الجروح لغفـوة الفكـر بالمهيـاف
وجادت علـي بالهـم والصبـر مادامـي

اناديك ياوجه الرضا والعـروق صخـاف
يبس منك لينهـا علـى المنهـل الظامـي

قليل الجلد صابه علـى ماوطـاه شعـاف
ينازعه صوتٍ فيـه غفـوات وأحلامـي

جحيمٍ على جوفي وبردٍ علـى الأطـراف
أليّم هزيـل الحيـل وتخونـه اعظامـي

عليك الله اكبر ..سيدي ولفـي الميـلاف
تجرعت منك اليتم.. وابكيـت الايتامـي

حرام أن بعدك موت وانك بدون انصـاف
دبورك على العاشق..تعبـده الأصنامـي

ابلغك شـوق القلـب ياناعـم الأعطـاف
وأذكرك بالفردوس في وصل الأرحامـي

هنا للهـوى لفتـه وفـي جنتـك ميقـاف
وحزن البلاد وحال..تنكيـس الأعلامـي

الوّع ضميري يوم اراجع زمـان طـاف
واعرض علـى سبابـة الكـف بابهامـي

توالي زمنا يثنـي الـروس لا الأكتـاف
خذانا مع "" شالح " " وصاهود بن لامـي"

يـروح الذليـل بوقفـة الـذل ماينشـاف
وانا ماذخرت الذل فـي شبحـة حزامـي

اصددك ياحالي مـن العـرف والعـراف
لعل الهـوى ينصفـك لاذعـذع الشامـي

علي شرهة العاقل وهرج الكذوب زهـاف
وصدري على ما يجرح المستحي كامـي

اخاف آتكلم وافتضح... وان سكت اخاف
يزيد الغلا واصيـح بسمـه مـن هيامـي

نــجــم

11-04-2011, 11:43 AM

قصيدة يــــــــوه

يا عيونه من ورى البعد اشفعيلي
وانتي اغلى من يقلـط للشفاعـه

جاهك اكبر من مزبنـة الدخيلـي
وسرك اوثق من مواثيق الوداعـه

اغضي رموشك على موقه وسيلي
وانشديه من الغلا وشلون اضاعه

وعلميه انه قبـل يقطـع سبيلـي
ماعطيت اهل الهوى سمع وطاعه

معه اضيع واتبـرا مـن دليلـي
ومنه اذل ويصبح فوادي رعاعـه

يوه من ظلمه مع الصبر القليلـي
ويوه من ليله وساعه عقب ساعه

ويوه يا هرجه ويا كثـر الذبيلـي
ويوه ياصوته وياقـل استماعـه

ويوه يا مده وياشـح الحصيلـي
ويوه من ذكر المواصل والقطاعه

يا عيونه : سامحيني واسمحيلـي
والله اني متعتـه وانـي متاعـه

وان نقض عهده وخليتـه قبيلـي
جعل كفي مايعدّي مـن ذراعـه

ياعيونه ما نست حاشـد بكيلـي
لو نسى التاريخ وش سوت قظاعه

ليت ولا عل يالطـرف الكحيلـي
تاخـذه بالمنـع والا بالمنـاعـه

محمل في موجـة الغبـه يميلـي
ومع مجاديف الغرام اطلق شراعه

مبحر بيـن القصيـر والطويلـي
يمته قلبي وحمل الشـوق لاعـه

عامله هم السهـر وانـا عميلـي
موقفـي بيـن الثنيـه والرباعـه

ينتهي مشوار دمعي فـي شليلـي
وكلما عزيت قلبي فيـه صاعـه

الهـوى لامزهبـي ولاصميلـي
مقنع نفسي وانـا راعـي قناعـه

الهوى عز يلابـس كـل جيلـي
اشتريته لو قليل العـرف باعـه

بيني وبينه ولـو ضيـع جميلـي
مايضيق الكون من عقب اتساعه

شط بي عن ود نسّـاع الجديلـي
كنهن عقبه خوات من الرضاعـه

نــجــم

11-04-2011, 11:43 AM

قصيدة يا رديفي

الـيـا تـربـعـنـا عـلــى عــرش بـلـقـيــس
عـلــم رديــفــي يـــا زمــانــي وقــلــه

انـــا مـزهــيــة الـــدروع الـمـتــاريــس
يـبــرى بـنــا عـلــه ..وتـشــتــد عــلــه

وان روحــت جــرد الـسـبـايــا مـقــاويــس
جـاء لـلـثــرى تـحــت الـمـراثـيــع خـلــه

مـركـاضـنــا طـالــه وكـســب ونـوامـيــس
تـشــرب لــه الــبــارد كــبــودٍ مـغــلــه

الله خـلـقــنــا لـلـمــنــايــا مــراويـــس
نـقـفــي ونـرجــع كـثــرةٍ عـقــب قــلــه

مـدخـالـنــا مـدخــال ذيـــب الـخــداريــس
ومـطـلاعـنــا مـثــل الـنـجــوم الـمـطـلــه

يـامـا حـصـل فـايـامـنــا مــن عـواكـيــس
ويـامــا جـفـيـنــا حـلــةٍ لـجــل حــلــه

نـصـبـر عـلـى لـطـم الـتـفـق بـالـنـواديــس
مــن دون سـتــر الـوجــه ..ونـقــول لــلــه

والـيـوم يــا كـثــر الـغـثــا والـحـواسـيــس
مـاغـيــر نـسـتــرهــا بـــروس الاجــلــه

زادت وعــدت عــن جـمـيــع الـمـقـايـيــس
وحـنــا نـمـنـيــهــا بــشــوف الاهــلــه

يـا صـاحـبـي خــل الـجــروح الـمـرامـيــس
انـهــل غــلاك مــن الـحـنــايــا وعــلــه

عـان الـمـحـاجـر بـالـعـبـايــر غـواطـيــس
تـبـكـي وصــار الـدمــع طـبــع و جـبـلــه

حـمـلـك طـغـا ..والـجـور تـبـرك لـه الـعـيـس
وانـــا تـلـقــيــتــه بــدقـــه وجــلـــه

اخـاف مـن سـحــم الـلـيــال الـمـعـابـيــس
تـطــري عـلــي والـلـيــل مــاراح كــلــه

وانـا صـخـيـف الـحــال راعــي هـواجـيــس
والـــدرب مـاعــرفــه ولانــيـــب ادلــــه

تـنـســم الـشـرقــي وجـالــه نـسـانــيــس
بـــردي هـيــام..ودفــوة الـلــيــل جــلــه

اسـمـر عـلـى طـيـف الـعـيـون الـنـواعـيــس
واضـحـك لـتـايـهــة الـرمــوش الـمـظـلــه

واجــر كـفــك لـلـكـفــوف الـمـفـالــيــس
وانـثــر جـديـلــك لـلـهـبــايــب وافــلــه

وابـدي عـلـيـك شـفـوف قـلــبٍ مـحـابـيــس
يـيـبــس لـهــا ريـقــي وريـقــك تـبــلــه

واحــط فــي قـلــبــك دروب وعـواســيــس
تـسـبــر مـغـاويــره وتــدخــل مـحــلــه

يـاسـيــدي مـانــي زبــون الـمـبـاخــيــس
نـفـســي جــزوع وكــل عــســرٍ تـمــلــه

امـــا مـــود ولا عـلـيــهــا طـلامــيــس
هــرج فـصــيــح وكـلــمــةٍ مـسـتــدلــه

والا عـلـى الـتـخـمـيـس صـفـق الـسـواديــس
الله يــبــيــح الـــحـــب والله يــحــلـــه

وداعـــــــــــــتـــــــــــــك....

وداعـــــــــــــتـــــــــــــك....

وداعـتــك لاهـنــت ..لاغــتــزك ابـلــيــس
عــرض عـلــى قـلـبــي بـهـونــك وقـلــه

((والـلـي مـعـلـقـك الـضـلــوع الـمـقـاويــس
انــك وفـيــت ولا حـصــل مـنــك خــلــه))

نــجــم

11-04-2011, 11:43 AM

قصيدة يا سيدي

ياهوى سيدي عسرك الحظ الاقشر وانت سيـدي
فكرتي حارت وحيلاتـي مـع السـاده عقيمـه

الذواري لوحـت بالـروس والبـاس الشديـدي
كـل مـا دارت هبايبهـا تجرعـت الهزيمـه

وش تسميها وانا الكايـد ليـا زعزعـة كيـدي
خيلت وامطر مطرها ثـم لحـق السيـل ديمـه

مال ميزانك مع الطاغي وقمـت تمـس قيـدي
هكذا وانـت المـورى فـي نوايانـا السليمـه

ان لويت ايده تعصى وان عصاك اوميت بيـدي
ليه ترضاها علي بالـذات .. يامـال الغنيمـه

والله انك ماذخـرت مـن القريـب والبعيـدي
كل دربٍ يغري اصحـاب المراميـع السقيمـه

بس رد العلم عني .. للحبايـب واطـو قيـدي
وقل ترا مشهور من كبر الخطـا ذب الخريمـه

بلغ الغالـي يسـوي مـا يشـاء ومـا يريـدي
والله انـا ماخلقنـا لجـل نرضـى بالهضيمـه

تنقـص الهقـوه وهقواتـي تزيـد وتستزيـدي
فـي عهـوده وارتباطـات المواثيـق القديمـه

كلما يمم جنـوب وصـاح صيحـات البليـدي
جرني له سلك ود وجيـت لـه حشمـه وقيمـه

يمـه يسـوق القـدم ودٍ تعصّـى لايحـيـدي
ماتـزاود فيـه عشـاق الحكـايـا والنميـمـه

طمعـة النـازل وذاهبـة المنـوي بالشديـدي
عوقي الصاطي..وخط الشيخ باوراق " العزيمه "

اشهد انه غير وانه غض عـود وتلـع جيـدي
وانه افصـح مـن يكلمنـي ولاغيـري كليمـه

عنده قلوب الحرار صبوط فـي حكـم العبيـدي
الهيام يسوقهـا صوبـه وترجـع بـه مهيمـه

واشهـد انـه نـد لعيونـي ولاغيـره نديـدي
واشهد انه راعي الميسم وانا راعـي الوسيمـه

واشهد انه سم روحي ويتساقـى فـي وريـدي
كل ماعرض على قلبـي تجـرّم لـه جريمـه

ايتقصوى فيه مدحـي ويتجمـل بـه قصيـدي
ويتورع عنه طيشـي ليـن يرضالـي ظليمـه

واذبحـه ذبـح الغـلا وامـده المـد الزهيـدي
لين يلعن هاجـس ٍجـاب الشياطيـن الرجيمـه

واتحسف وانثنـي وآقـول لـه ياسيـد سيـدي
اشهد ان امـك عطاهـا الله ولا ماتـت عقيمـه

نــجــم

11-04-2011, 11:44 AM

قصيدة النجم الصناعي

نودٍ يزايـف سحابـه والمـدى بـارق ورعـاد
ليله غضب والصباح انـزاح ماجالـه شعاعـي

تنثر علي الحسايف يا شهـر شعبـان وجمـاد
واصوم من لوعتي صوم الفطيم من الرضاعـي

يا صاحبي لاتسل عني ..وانـا ماجيـت نشـاد
راسي وبـارت بـه الدنيـا وخلانـي ذراعـي

الغدر والطعن والمسـرى بجـرح كـل مـازاد
لجت ضلوعـي ولا حتنـي مراقيـب التلاعـي

باب على الوصل والآخر عـزا ونيـاح وحـداد
محروم والعيس مرت بي على بيـر السباعـي

البسمله والعياذ مـن الخطـا يـا أمـة الضـاد
ماسرت القـدس والضفـه وسكـان القطاعـي

اسمي مهجر ونازح لـو سكنـت بـلاد وبـلاد
عيني لبسها النزوح ولبسته مـن غيـر داعـي

دارت وجارت دواليـب الدهـر يامسـك ياكـاد
ماعاد تشرا على سـوق العطـور ولا تباعـي

انكان مالله كتب لي معـك فـي جنتـك مقعـاد
والله لا سير علـى قلبـك واسولـف بالتياعـي

لاعاد ليل جذبني لك وجيتـك غصـب لاعـاد
لا والله الا تغيـر فيـك ظـنـي وانطبـاعـي

ان كان خذت الغلا وانك نسيت الملـح والـزاد
انشهد اني غويـت الـدرب يالنجـم الصناعـي

عمسات الاريا تواعدنـي واضيـع كـل ميعـاد
واضيق بخطاي وتضيـق المناهيـج الوساعـي

اذكرك واذكر نعيمك والجحيـم قيـود واصفـاد
وافرك عليك الكفوف من اللقـا ليـن الوداعـي

قبل امس للكلمه العذبه معـك مصـدر وميـراد
واليوم لجت طيور الشـوق وارهقهـا ضياعـي

عطيتك الروح يا وجه الرضا والوصـل منقـاد
الله يسامحك وش سويت فـي مـدي وصاعـي

مالي عن اللي شربته من كفوف الغـدر محـواد
حملك على القلب زاد وشـل مـالا يستطاعـي

يا سيدي لاسريت الليل الاسـود شـوق وسهـاد
مالي من الارض واللي فوقهـا غيـرك متاعـي

اقلط على مابقى لي من غلا فـي تالـي المـاد
واقول لابـاس يـادرب خـذا شبـري وباعـي

منهي ومامور وامسي مثل يومي حرب وجهـاد
اجحدك وآصد وارجع منكسر وامـرك مطاعـي

ظلمـك وصـدك وردك بيدتنـي والغـلا سـاد
قامت تساقـا مـع دمـي مثـل سـم الأفاعـي

اقبلـت يـا موعـد البـارح تمنينـي بالاعيـاد
واقفيت مثـل السفيـن اللـي تـولاه الشراعـي

القلب هجري وطـلات العيـون السـود ميـلاد
رعيـة مالهـا غيـر الـوداع المـر راعــي

فقط رضيت وقنعت وجزت ...يا.. تلعات الاجياد
ماعاد عقب اصبح الغـره جـدال ولا نزاعـي

نــجــم

11-04-2011, 11:45 AM

قصيدة علي باشا والملك فاروق

يقـول انـي غبنتـه والغبينـه سدهـا مفهـوق
الا واحر كبـدي مـن خطـاه ومشيـن فراقـه

جذبني عسر لين انه خذا قلبـي بـدون عـروق
وشلت من الهيـام اللـي يـورد قاطـع الساقـه

عليه اتعب مناديـب الغـرام وسترهـا مشقـوق
وعليه اصفح بشوفي..!! وآخذه بعيوني سراقـه

ابيه ولا يبي غيـري وشرهاتـه عليـه حقـوق
لونـه حطنـي بـرضٍ طمـان وزاح معلاقـه

علوم اليوم تذبحني .. وعلم الليـل هـم وعـوق
تقصويه الهضايم والصبـاح يريـض مشراقـه

الا وقلبي اللي كـل مـا هـب النسيـم يتـوق
كما توق العديـم اللـي كفـخ وامتـس مسباقـه

تنهض كف صقـاره وشلـوا برقـع المطفـوق
شهر والسير يستلـوي عليـه وتصغـر حلاقـه

عقب ما ارهى بوضّاح الدواغر والهـداد وفـوق
نكس من هومته.!! واخطا وفقه.!! وشانت اخلاقه

على عذب السجايا والرموس اللـي عليهـا ذوق
مودٍ حطنـي باقصـى حشـاه ولملـم اشناقـه

على ايمن قلبه المبلي وبيسر صـدره المفتـوق
زرعني لأخر شفـوف الغـرام ولأول ارهاقـه

يبينـي لاتغشتـه الهمـوم وزاد نـار الـشـوق
البسّـه الغـلا واشـل همـه واسبـر اعماقـه

لـك الله ماتهـون ولايهـون العاتـق المنتـوق
ولاراسٍ تطاولـه النـجـوم وتقـنـع بسـاقـه

لونك منت في طعني وتجريح الحشـا مسبـوق
لكن العشق الأبيض راسـخٍ فـي قلـب عشاقـه

ولا غيرك ولا مثلـك لهقـوات العيـون يلـوق
ولا لي في هوى غيرك جمـل مقصـد ولاناقـه

فداك الوسم لو حنت رعـوده واستلـج بـروق
دهـرك يزودنـي ولا مطـره ونـوض براقـه

يكفيني سهر ليلـك الـى غنيـت لـك طـاروق
ويقنعنـي حفـا خـدك مـن الدمـع وتدفـاقـه

لو ان مانتب علي باشا ولا انيب الملك فـاروق
انا وانتـه نجـومٍ فـي سمـا الاحبـاب براقـه

حدوني عنك وانت تغيب من كبر الخطا وتفـوق
فقيد..! مادعـاك الا قريـن الـروح باشواقـه

على قول المثل يامقرب الفقعـه مـن الرقـروق
يعلـم بـك هبيـلٍ.. ماطعـم ودك ولا ذاقــه

عليك الهون والدنيـا تـرا مطرودهـا ملحـوق
وانا ماني قليـل ختـام فـي عهـدك وميثاقـه

لكن البارحه مـرت علـي بحملهـا المطبـوق
وانا مالي على غيـب القلـوب الغايبـه طاقـه

وطيت الجمره اللي جرها الحارق على المحروق
وراحت زفرتي مع ليل نجـد وجاتـك طلاقـه

اسالك بالله الخالق بعد ضاقـت علـى المخلـوق
انا وشلـون اخليهـا وهـي فالحلـق خنّاقـه..؟

انا راعي الغبينه وانـت لامنسـي ولا مفهـوق
مفاليك الحنايـا بيـن وصـل الولـف وفراقـه

نــجــم

11-04-2011, 11:45 AM

قصيدة مصر الجـــديده

صباح الخير يامصـر الجديـده
مادام ان النهـار اقبـل بنـوره

ورى ليل عسـى ربـي يعيـده
رسومه ف الشراييـن محفـوره

ولاباقـي مـن اطلالـه شريـده
سوى صوت الشريط بدون صوره

ما غير الوصل والـود وعبيـده
وغيبة عـاذل العاشـق وشـوره

هنا عطر المكان بلمسـت ايـده
وهنا لاشئ مـن هيبـة حظـوره

متاهات النظـر ساعـي بريـده
طلع فيها الهدب عن كل طـوره

وغنا سيـدي واصبحـت سيـده
وغرربي يبي يرضـي غـروره

وجيت اقرب من العقـد لوريـده
أكن الشعـر ويصافـق بحـوره

من الخطب الجلل يركـع لسيـده
ومن عرش قلمي يبني قصـوره

يلبسنـي دلـع ليـلـه سعـيـده
وياخذ من حروف الوصف ثوره

يصب الزيـن فالـروح البليـده
بعـد ماشفـت للحـظ ودبـوره

ذهـاب الحـال لادنـق بجيـده
وسلـهـم بالعـيـون ودق زوره

يجيـب الكلمـه الأولـى وكيـده
ويفقـد عقبهـا باقـي شـعـوره

نسايم نجد فـي مصـر الجديـده
سرت ليله وصبحـه لاح نـوره

نــجــم

11-04-2011, 11:45 AM

قصيدة ســــفاح

"سفاح " يا مكسر الجاوي ..*..ويانسل الحلاحيل
شجاعتـي مرهـا ضيـم المناعيـر وهزمهـا

اقبـل زمـانٍ يعـز التبـع ويـذل الرجاجيـل
تعـذر عليـه الذيابـه واتّعشـا مـن لحمـهـا

العـام للجيـش ركابـه وللسـبّـق محامـيـل
واليوم للروس وصمة عار ..مدري من وصمهـا

طاحوا كبار العمايم فـي صغيـرات المحابيـل
لحيه تحسن.*. "ولحيه حشّم الله مـن حشمهـا"

لاقبلها في حديـث احمـد ولا فالذكـر تنزيـل
ولابعدها مغصـب شـاف المعاليـق ووسمهـا

خلوني اغيب : لو ساعه قبـل لايطفـح الكيـل
انا مـن العالـم اللـي "خلّتـه محـدٍ رحمهـا"

لبيه ياشرهة العنقا.*.لـو انـي شاكـي الميـل
طويلـة العنـق : "ياسفـاح" وش سبـة ندمهـا

لي بالغلا حالةٍ ترثـى.. وفـي حالـي دواليـل
وأتلا هزايع غلاهـا .. عبرتـي يـوم ألتهمهـا

احبها حب من خاشـر مـن الحـب المهابيـل
واقصر سهم عيني مـن النـوم واوفـي سهمهـا

انشهد انها قصتني .. والعزا "ماهـوب بالحيـل"
ويلي على قربها لـو "سرحتنـي فـي غنمهـا"

حلمـت والحلـم للعشّـاق لـذات وغرابـيـل
واصخى وفوق المفارق.. فالكرا تطرح كرمهـا

البارحـه مـرت الشيخـه ولـدت بالمظالـيـل
لعلنـي "مـا تبـدل شوفـهـا ولا اعدمـهـا"

كني بها يوم جات..ولا تسل عـن باقـي الليـل
ماغير صـب "يقبـل فالثـرى ماطـا قدمهـا"

اقبل بها الحظ .. واستدنـى المقافـي للمقابيـل
حتى .."تسقويت مبسمهـا وعطرنـي نسمهـا"

منجومةٍ في مصبحها يطـل "الجـدي وسهيـل"
يضويه ليل الدجـا .. وتزيـح ليلـه بمعصمهـا

انقضّـت بعودهـا الريان..مسبـوك التعازيـل
"لعاب" لا رويتـه عينـي ولا عـدى ضرمهـا

خدرية السلهمه فـي سودهـا بيـن ومواصيـل
وان لجلجـت لاح بـراق السحابـه واقتسمهـا

اضغـاث الأحـلام سمتنـي ولا للحلـم تاويـل
ارسومهـا مرهـا صبـح المشاريـق وهدمهـا

"سفاح " يا فزعتي صاحبـك وشفوفـي مغاليـل
والكلمـه الطيبـه "لابدهـا تقضـي عشمـهـا"

سلم عليهـا وعلمهـا تـرا ماعـاد بـي حيـل
نفسـي تراكنتهـا صـرام الأرواح وصرمـهـا

امـا تعـود معاويـد المطـر لأستكبـر السيـل
والا صلاةٍ على روحي .. وتدفن فـي حرمهـا

نــجــم

11-04-2011, 11:46 AM

قصيدة عنــــة الروح

يا عنة الروح ياوجه الغرام الخجـول
ياغالي العرض والمنطوق والمذهبـي

يافضل ربي ونزعات الهوى والفضول
يا منة الحظ يـا شفـي ويـا مطلبـي

يا نجم ليل وصباح العمر قبل الأفـول
منك العتب شيب رموشي وعادي صبي

البارحه صرت للضيقه سوات الرحول
ضاقت مناهيج رجلي وانتثر مزهبـي

اقلط على عبرتي وابرك لوضع الذهول
واجزع من الهم واقفي معه تالي سبـي

ياسيدي آه من حربك وقـرع الطبـول
ادميتني وانت قدرك ند لأمـي وابـي

ان كان باول خطا خليتني ويش اقـول
مايعصـم الا ملايكـة السمـا والنبـي

حسب التقاليد والواجب وحسب الأصول
اليعربي فزعـة المكـروب لليعربـي

انت ابلج الوجه والدنيا كظوم زعـول
اكثر وفاها عراش من قـرون الظبـي

طهرك من طهر الكعبه وقبر الرسـول
يفداك شك الدناعـه والتبـاس الغبـي

ياقاضي الود تزعلك الشهـود العـدول
الله كتبها علي واحرقـت راس شنبـي

نــجــم

11-04-2011, 11:47 AM

قصيدة سبيل الخطــــا ....

اليا دعيتك ياسبيـل الخطـا عـي
واجزم على المسرا وحسّب نجومه

لابد مايطري على خاطـرك شـي
وتحطني مابيـن جفنـك ونومـه

يصخي بسكرات الكرا حاتم الطي
ويغيب في دمعه وتكثـر همومـه

قسمه من الأيـام شيـات وشـوي
قلت تدابيره ...وبـادت عزومـه

يبل ريقه لال بعـده عـن المـي
ساعه ..وميعاد الحبايـب يلومـه

والله ماغر الغلا بس..! هي هـي
خلتنـي ونفسـي عليهـا بحومـه

مري عليها يا " هيا " يابعـد حـي
واحكي لها بالوصل قعده وقومـه

راحت وخلتني على مرقب الغـي
طير الهوى يكسر لها كل حومـه

هي كية الميسم وهي ميسم الكـي
مافيه ضلع الا جزع من وسومـه

لامثلهـا عنـدي ولا زيـهـا زي
اسمع نباها وآخذ المـوت هومـه

بنت الغرام ومنهل الشمس والفـي
جاه الزمان العف...وجه النعومـه

الفاتنـه ماغيرهـا فتـنـة لــي
دانة سنين العمر واجمـل حلومـه

يا حض يامنحوس في زامر الحي
امـا ذهـاب الشـر والا قدومـه

الشوف مايقنع من النور والضـي
عسى نهار البعـد يومـي ويومـه

ومادام عاده حي وانا بعـد حـي
والله ما ينسى ولا انسـى علومـه

نــجــم

11-04-2011, 11:48 AM

قصيدة يا بندر

الله واكــبـــر غــدتــبــي طــعــنـــة الـــغـــادر وانـــــا مـــــا دريـــــت
لــيـــت الـلــيــالــي جـفــتــنــي قــبـــل اســايــرهــا عــلـــى مــابــهــا

يــابــنـــدرالله يـــعــــزك مـــانــــت داري وش ورى كــــــل بـــيــــت
روح جــمــعـــهـــا "ردي الــــحــــظ" مـــــــع روح تــلــهــوابـــهـــا

تــفــتــقــت واســتــبـــاح الـــــود ســاتـــرهـــا وانــــــا مــاشــكــيـــت
كــــن الــجـــراد الـتــهــامــي يــــوم امـــــد الــصــبـــر يــرعــابــهــا

وآصــوتــه الــلــي عــلــى سـمــعــي يــذكــرنــي وانــــا مـانــســيــت
الـفــتــنــه الــلـــي مـــــن حـــروفـــه حـــمـــام الـــــورق غــنــابــهــا

الـنـاســك الـلــي بـصــط سـجـادتــه فــي نـجــد عـقــب " الـكــويــت"
حــطــيــت لــــه فـالــحــشــا روضــــه "وطــهــرهــا وصــلابــهـــا"

" آمــيـــن " والـحــمــدلــلــه واعــتــدلـــت لــولــيــتــه واســتــويـــت
مـــاعــــاد لــلــعـــاشـــق الا "مـــــــدةٍ " يـــقـــنـــع ويــرضــابـــهـــا

نــوخــت لـــه مـــن غـــلا قـــدره وشــلــت مـــن الــغــلا وابـتــلــيــت
اثـــــر الـــبــــلاوي يـــصــــد الــمــبــتــلــي مــهـــلـــه ويــبــلابــهـــا

انــا قـتـيــل الـغــرام وقـصـتــي يــاهــل الــهــوى " كــيــت كــيــت "
الـــذنــــب ذنـــبــــه وروحــــــي عــــــاش قــاتــلــهـــا وطـــلابـــهـــا

احــرمــت بــيــن الــقــدود الـمـيــســات وطــفــت بــــه واسـتــعــيــت
يـاطــمــعــةٍ فــــي عـواقــبــهــا ضــــوت " بــقــعــا بـمـشـعــابــهــا"

ولــيــت يـاقـلــبــي الـمـبــلــي وش الــلــي صــــار فــيـــك وهــويـــت
ســمــوك مـجــنــون لـيــلــى "واهـــل مــكــه تــعــرف شـعــابــهــا "

عـرضـتـنـي سـاقـة الـمـقـفـي...وجـبـت اقـصـاي لـه .." كـمـبـلـيـت "
اخـــــذ وادنــــــق عـــلــــى خــــــدٍ لـــيــــان الـــعــــود يــاطــابــهـــا

الــيــا اظــلــم الــلــيــل جـابــتــنــي ســوالــفــه الـقــديــمــه وجــيـــت
عــــيــــنٍ تـــكـــفـــن نــواظــرهــاوعــيـــنٍ تــــكــــوي اهـــدابـــهـــا

لاوالله الا فـــقـــدت الـــعـــز "يــابـــنـــدر" وطـــحــــت وهــفـــيـــت
لـــــو ان ربـــعـــي يـــصـــاغ الـــقــــدر لــلــحــاهـــا ولــشــنــابــهــا

يـــا نــصــرة الــحــق مـــروا بـــه وقــولــوا فـالــهــوى وش نــويـــت
تــــــرا الــحــبــايـــب عـــلــــى لامــــــاك يــامـــابـــك ويــامــابــهـــا

وان كـــان هـــل الــهــلال الــلــي بــعــد فـــي غــربــتــك مـالــفــيــت
"سـلــم عــلــى الـــروح" .. "و الله لايـبـيــحــك" كــانــك اسـبـابــهــا

نــجــم

11-04-2011, 11:49 AM

نــجــم

11-04-2011, 11:49 AM

قصيدة هذه الدنيا

مصابيح الدجى غابت أودعها صباح الخير
طلوع النجمة البيضاء ورزق شرع ابوابه

تفقدنـا ركايبنـا وقلـنـا يالله التيسـيـر
نقص فالعمر يوم وزاحم المطلوب طلابه

وجددنا العهد بالله على التهليل والتكبيـر
بذكر كل ماماتت قلـوب الخلـق تحيابـه

تبايعنا على الفطره وحكمنا هل التفسيـر
وشيدنا المساجـد وأذن المـذن بمحرابـه

علاقتنا مـع الله مالهـا غايـه ولاتبريـر
سوى لجل العباده ونهقا بـه وانتهقوابـه

وانا لـه وانـا راجعيـن اليـه فالأخيـر
مبيد البايده قادر يعيـد الخلـق لحسابـه

نهار يبلش المرضع وتنسى طفلها الغرير
تكمل رفقة الدنيا وينسى الصاحب أصحابه

قلوب الخلق شفقى واللسان يخونه التعبير
على ميزان راعي الحق كلن ياخذ كتابـه

وهذا خالد الجنه وهـذا خالـد السعيـر
ومن قدم لنفسه شيء يقنع بـه ويرضابـه

الا يامدير صلفات الهبايب لحظة التفكيـر
توحد لك على الايمـان تكتبـه وتقرابـه

تمسكنا وثيقات العرى يوم الزمان مغيـر
وثبتنا مثل ما يثبت عمود البيت واطنابـه

أيحل بنا القضاء ويثبت الايمان بالضميـر
ولانرجي سواك أن مسنا ضـر وبلينابـه

نعم وانت الغني عنا وحنا طبعنا التقصيـر
ولا للعبد غير ابهام كفه من تحـت نابـه

طمعنا والطمع في رحمة مابعدها تعزيـر
عسانا من معاتيقك نهار الحشر وأنشابـه

نــجــم

11-04-2011, 11:49 AM

قصيدة القلوب المصده

الهم .. عدابي على نايـف الصـوح
رجمٍ تعـداه " القلـوب المصـده "

مايجذب الا ضايق البـال مجـروح
لطمه من ايام الوزا ..... فوق خـده

عليه مشرافي.. مثل طلعـة الـروح
تجمـع بـه الساعـه ثمانيـن شـده

جالي على نايـف مباديـه نـازوح
ولا ينزح الا من غثا الوقت" حـده "

الله كتب لي فآخر الوقـت سامـوح
وانا ما قلت مـن ابلـج الوجـه رده

يا تل قلبـي تلـة البعـد شرشـوح
جربٍ على سـوج الخـلا مستجـده

غدا بها الحـواف متلـي ومشفـوح
ليلين والثالث ورا " سيـف جـده "

وياحن قلبي حنـة الـورق بالنـوح
وياعينـي اللـي للبكـا مستـهـده

عليك ياللي حط في جوفي سـروح
ملاك...!! والمملوك " مافيه شـده "

يا من تواضع .. لك ترف كل مملوح
من عاذلك .. في لوعتـي واستمـده

وشفيك تتركني ... من الصد مذبوح
بابٍ يسوق البيـن ...لاهنـت سـده

ماجيت لك قبل امس واليوم ابـاروح
ابيك تالي الوقت ... تصخـي بمـده

يالنادر المحسوب لي صوبك شبـوح
والله لـو تـدري جفيـت المـخـده

تراك منت من المواجيـب مسمـوح
صاحبك صارت كل الأوضاع ضده

والبارحه بـد الليالـي لهـا شـوح
في ضفها ...جـاء للمجاريـح لـده

ذابت على خدي ومرت لهـا فـوح
" الدمعه " اللي ردها الصبر.... مده

اثر الغلا لازاد.... جا للعرب بـوح
والرابح اللي.*. لا انتزح باح سـده

ياما كتب...؟؟ ربي على غرة اللوح
من الشقا...!! وصدوفـه المستبـده

شي بلا مصلح ...!! وشي بمصلوح
لاشك علـمٍ تستحـي منـه " بـده "

اما اجفني...وعتاب الأحباب مطروح
والا على مصفوط..." والكف نـده "

حنا خلقنا روس ,, " عمارة صروح"
الا لميلات " القلـوب ,, المصـده

نــجــم

11-04-2011, 11:49 AM

قصيدة رســــاله خاصه

يا غارة الله ياكبـار القـدر يـاروس الرجـال
وشلـون راحـت بالنفـوس الوامنـه غراتهـا

انـا نسيـت الهـم والا مرنـي مالـه مجـال
ولـي لعنـك الله قلـوبٍ غـيـرت هقواتـهـا

الله عطاني من مناكب الأرض عز وراس مـال
اخيـر مـن جمعـا عبـاد ماعـرف غاياتهـا

خلقنـي الله والغنـى لاهـو جنيـه ولا ريـال
نفسٍ عـزوف ونفـس لامنهـا ولامـن ذاتهـا

يامـن عطـاك الله مقاليـد الوسامـه والـدلال
تبقـى عصـاة العـز مـادام الوفـا بلحاتهـا

زينت شدك للبعير .. وجـاك خشمـه بالحبـال
واركيت وسمك .. فوق كبده وانقلـت علاتهـا

ليله ورى ليلـه .. وليلـه ماتعـد مـن الليـال
لاصار ماشبـت .. مشاهيبـك علـى حزاتهـا

يامرحبا باللي علـى عـرش الجمالـه لايـزال
يومن بعض النـاس هانـت واخلفـت عاداتهـا

اسلم وسلم لي على وقـع البلاجيـك الطـوال
كم مرةٍ صحت هـل الغفـوات مـن غفواتهـا

والا انت ياللي تستعي بين العرب روح وتعـال
لا قايـلٍ خذهـا ولا نـي قايـلٍ لـك هاتـهـا

لولا الحمايا كان شبع الذيب من عوص الجمـال
ياواحدٍ تخشـر مـع الولبـه وتصبـح شاتهـا

انته ولد بقعا .. وبقعـا مابعـد جابـت عيـال
الا تتمـم لـه بنكبـه .. وانـت مـن نكباتهـا

كانـك تذكرنـي بغـزو الفيـل مافيـه جـدال
انت القتيل وروحك تغرغـر علـى سكراتهـا

يابين وجه القرد لـو لبـس العمامـه والعقـال
هذا خشيـم القـرد .. وعيونـه هـذي لفتاتهـا

سبـع السنابـل والله انهـا لاحـرام ولاحـلال
وانا من الشبهه تركـت البيـر تحـت غطاتهـا

ليتك تخلـي منبـر المسجـد لوافيـن السبـال
لاصار ماتدري صـلاة الفجـر كـم ركعاتهـا

احد مثل شمس الضحى واحد مثل شمس الزوال
علـيـك تفرقـهـا ورد الطيـبـه لأماتـهـا

نــجــم

11-04-2011, 11:50 AM

قصيدة ألـــم ترا

ليلي اللي يطـرق الملثـم ويسريبـي سـواده
كل ما مديت رجلي للسعـه ضاقـت دروبـه

كنه يثنّـي علـى مـن الـوزا مبهـم قيـاده
من مغيب الشمس لين الصبح يشلح منه ثوبـه

وان طرحت النوم في عيني وخميت الوسـاده
ارتحل قلبي خطا عمـري ولحقتنـي ذنوبـه

والله اني ماومنت الحب "ياصحـاب السيـاده"
فتنة الدنيا اللعوب..!! وضحكة الغدر الكذوبـه

لين غرر بي غزير الجـم واشفيـت لبـراده
منهلٍ للسحرفي قلبي وفي عينـي "ضروبـه"

يبست عروقي عليه من الضما وانـزاح مـاده
آتنوش حبله القاصر وتضحـك لـي غروبـه

يطمع المبلي مع اهل الغدر..من جهل وبـلاده
لين تلويبـه ليـال البيـن ويشـوف العقوبـه

الهجاد اتلا صباحه والصبـاح اتـلا هجـاده
والمدامع كنها مـن لوعـة الـروح محلوبـه

دار من كاس الطـلا سقمـه وذوقنـي بعـاده
يا مدير الراح كاسه "دوب ناش الروح دوبـه"

قد حديت العيس غافـل ليـن قادتنـي لـواده
من هنا حتى هنا " وألم تـرا " نوبـه ونوبـه

راحت الدنيا وقفـى كـل حـيٍ فـي مـراده
علموه اليا حداكم نـازح المطـراش صوبـه

كان دمعه فاض من عينه ..وهون من عنـاده
خصكم عن حال "شايع" ويش سوا واخبروبـه

علمـوه انـي مـودٍ مانسـى ملـحـه وزاده
لو تغير من صخاه لعاشقه ...واخلف سلوبـه

للشرف عهدٍ عهيد .. وللهـوى ناقـل شهـاده
ان قلبي منـزلٍ لـه مـن شمالـه لاجنوبـه

وبشروه اني لبيس الـذل ...مسلـوب الاراده
لو انا من حجة التاريـخ واركـان العروبـه

طاح من عيني جبلها ..!! والنظر لبسه حداده
والذهب حتى الوجيه السود باعـوه وشروبـه

انتكس نجم النجوم ..* وصار عرقٍ للكـداده
والثرى فوقه بنا .. نصب" الوفا " طوبه وطوبه

هزني .. سحر البيان .. وجبت للشعر اعتداده
لو رعاة الضان طافوا به من الزود وسعوا به

امس من عرض الزمان وخصني بجروح غاده
"احمدالله واشكره" والظلم لهل الظلم "حوبـه"

الوفا فينـي جبلـه... والغـلا للحـب عـاده
لو يهب الغدر معصاره .. وتلفحني هبوبـه!!!

نــجــم

11-04-2011, 11:50 AM

قصيدة كوكب النور

البارحـه ياكوكـب النـور وش فـيـك
غاشيـك مـن سحـم الدواجـي سحابـه

حتـى النجـوم البيـض عيـت تباريـك
ينقصـك مـن ليـل الخطـايـا مهـابـه

حجبـك منـزال الوطـا ..عـن مباديـك
وامساك ليـل وليـل " شايـع " سرابـه

وادركـت ياحـظٍ علـى الله مشاكـيـك
ان الرفـيـق " الـعـي " ماينـغـزابـه

اليـا انتهـض راسـك تـولا علابـيـك
وان طحت " ماجاء مع ردى الوقت جابه "

وانا بسولـف لـك عـن الـود وانبيـك
لا مـتـع الله ...واحـــدٍ مـادرابــه

والله مايذبـحـك ..ويبـيـح خـافـيـك
الا خشيـر الـروح .. لاصـك بـابـه

تضيـق فـي عينـك جميـع المسالـيـك
ويـروح دربـك مثـل قـوس الربـابـه

هـامٍ يقـرب بـك وهــامٍ يقصـويـك
منـك الـدعـاء والله لــه الأستجـابـه

نــجــم

11-04-2011, 11:51 AM

قصيدة كل يوم وكل ليله

استعذنـا منـك ياشيطـان بالمولـى تعالـى
كل ليل وكل يوم... وكـل يـوم وكـل ليلـه

منك واشباهك ليـا غبنـا وخلـق الله تمـالا
واستوت لأحقادهم في غيبتـي قالـه وقيلـه

يالله اني في حجاك ان جاء لهم فينـي مجـالا
انك تعـدي بعرضـي قبـل لايفـرا شليلـه

البلا كل البلا والموت مـن جهـل الجهـالا
عالم لاشافـت المنحـي تعايـد فـي سبيلـه

ياجنابي... يحفظ الله قـدري اللـي لايـزالا
في عيون ادنى الربوع وفي عيون اقصى قبيله

كل ماراحت علي رفقة بعض ناسـي وبـالا
سقت سمحات الركاب وجات للفرقـا وسيلـه

خير من قدح الزناد وخير من لطـم العيـالا
مشبر من فوق الأرض يداوي الكبـد العليلـه

دامهم حمل الكتوف ودامنـي ستـر الخمـالا
واحد مثلـي حـرام يلحّـق الحمـى مليلـه

ياوجودي والهضايم من بعـض ناسـي تتـالا
وجد من قفوا كبـار القـوم بركابـه وخيلـه

الوسيمـه بالخطـا والجـرح عيـا ماتشـالا
دمي خضاب الكفوف ودمهم نفـس الفصيلـه

القلوب اللـي علـى صكـت ليالينـا زمـالا
ماتقطعنـي طريـق ولا تكسبـنـي جميـلـه

العوض وانشهد ان ماهوب في دمـع الثكـالا
لاتقاسمنا الحمول ولوحـت شقـرا الجديلـه

العوض في روزنا اللي مثل تلعـات الجبـالا
والنبا والذكر والذكرى.. وبعد مـن الفشيلـه

وعمرنا اللي فات لو حالت ليالـه واستحـالا
والله ان العـز يسوينـا.... وحنـا نستويلـه

قسمنا البيضاء على روس الطويل من الجبالا
وروسنا ماغيـر خـلاقٍ خلقنـا تنحنـي لـه

يالله انـك لاتخلينـي علـى درب الـظـلالا

مايغفر الا انت والتوبه.... لراعيهـا فضيلـه

نــجــم

11-04-2011, 11:51 AM

قصيدة لــؤلــؤي

صاحبي في لازمي والحاجه اللـي
لاطرتلـي ماذكـرت الا السنافـي

انـت محـزم جـود والا ناويلـي
نية المحـروم فالسبـع العجافـي

ماقنينـا الا خـيـار وخابـرلـي
فيك من " وصل العيافي للعيافي "

يا ابلج المطلاع يالنجـم المطلـي
يا زبون الوصـل قطـاع الفيافـي

" لؤ لؤي "ينزل منازيـل المظلـي
لأحتمى طاروقي وغنيـت قافـي

كنه اليا اقبـل علـى رمـان بلـي
ما ينوش الا مناش اقـدام حافـي

صممه مـلا يصـوم ولا يصلـي
ما نسف سجادتـه فـوق الكتافـي

قال " لكزس " قلت واخذ ولاتخلي
موكب الجاهات واصحاب الملافي

ايتمـريـع لايـتـل ولا يتـلـي
مركبٍ عدا الثقـال مـن الخفافـي

لي عليه مطـارد الـلآل المولـي
وله علي اشيكه " در المصافـي "

وان وطابي حيلة المبلي " حولي "
نزل الرحمن حمـلٍ مـن كتافـي

اوجب المطراش واعذربي محلـي
بلغـوا حـيٍ عوايـده التجـافـي

حطنـي بيـن المعلـي والمدلـي
واستذار وقـال ماحولـه خلافـي

استويت من الغـلا واقبلـت كلـي
واستباح الـود خافيـة الخوافـي

ياوجودي مـن هضايـم طاريلـي
كلمةٍ قـد قالهـا والجـو صافـي

جازعٍ منهـا .. وخفاقـي مغلـي
جزعت البدّان من روس الظلافـي

والله انهـا سممـت دقـي وجلـي
وانها طافت علـى قلبـي طوافـي

يا معاسير الوفـق حلـي وزلـي
ويابنات الوصل .. عجلات الولافي

بشروني كان عـاده منحـي لـي
ذابت عيون السهر " يالله يكافـي "

والله انه مـن عنـا عينـي بحلـي
يرجع وترجـع رزاياهـا عوافـي

مايجوز لمن يصوم ومـن يصلـي

يغضب الرحمن ويذكي عيافي..؟؟

نــجــم

11-04-2011, 11:51 AM

قصيدة يامشعل

كرهـت النايفه..مـن فعلهـا بالخافـق المنظـام
طويلـة حيد..ترقبهـا سبـاع الضلـع ونمـوره

غدت للعين هم..وجات للشفـوف المنـام خـزام
عسى عيني من اللي مسهـا بالضـر.. ماجـوره

ويلا صاحت جروح اليوم واستجفت جروح العام
تبي طـي الضلـوع وكسـرةٍ ماهيـب مجبـوره

غدت سبع العجايب بين سور الصين .. والأهـرام
وصغرت في صبي العين..روس وجات مكبـوره

وبـادت عقـب ماسادت..بيـوتٍ عزهـا مـادام
تزلزل عزها ..وامسـت مـع الأطـلال مثبـوره

يا مشعل يا حزامي يوم كـلٍ لـه سنـد وحـزام
يا عمّار الهقاوي ..يـا حصـاد المجـد وبـذوره

تواسى جنب من هز العروش.*. وحطم الأرقـام
وسمرنـي علـى جـال الهيـام وهـز باكـوره

مودٍ .. ويش اقـول ليـا ذكرتـه ؟؟ والله العـلام
ماقبله واحد..طلّـع ثقيـل الـروز مـن طـوره

خذاني مثـل ماتوخـذ مكاسيـب اليمـن للشـام
ألين ان الجمل بـرك علـى حيـد الصفـا زوره

ليـال الظلـم ..بتاعـه.. تهـز البـاس للظـلام
الى شافت قليل الحظ ..!!جات السـود مسعـوره

اجلّلها بستر المحـرم وتسـري جسـد واحـرام
على الغادر عبـاة الغـدر مذروعـه ومشبـوره

يعلمني زمانـي ،، واتعـض مـن عـادة الأيـام
ليا ضاقـت دروبـي والسعـه للنـاس معمـوره

سبيل الغادي التايه .. ومركـاضٍ ورى الأحـلام
وعشاق الضيـاع ضعـوف... منهيـه ومامـوره

على بيد الهـوى تقفـي وتقبـل والكبـود حيـام
وكم تحت الصـدور قلـوب ملحـوده ومقبـوره

وانا ليـل الهـوى باليتـم يمسيبـي مـع الأيتـام
يعرضنـي شقـا الدنيـا وليـلٍ مسنـي جـوره

عجزت من الكلام اللي يثيب..!! وصرت الأقـلام
ولا وخـرت عـذرٍ للشمـوت امـد مـقـدوره

ماغير اسوق عمري من مكانـي وانهـم الأقـدام
اسوي لـي علـى عـوج الروابـع لفـه ودوره

زبـون الهـم لا خانـه فسـاح الصـدر مايـلام
تعديه الجروح بهاجـسٍ... للصـوت والصـوره

سوالف ساحر الكلمـه .. بـلا غنـه ولا ادغـام
ومطلع غـرةٍ ياقـف لهـا " الرايـخ " بطابـوره

يساحب لي على المسحوب.. وانهم له على النهام
واسهر له عيـونٍ عـن لذيـذ النـوم مصخـوره

وانا ادري مايجي فالربـق غيـر بهيمـة الانعـام
لكن الراي رايه "ياهـوى" والشـور مـن شـوره

عسـى ربـي يعدينـي حبايـل عابـد الأصنـام
بحـق البيـت والقـرآن.. والأنجيـل.. والتـوره

ولو طوحت شوفي عن خشاش الأرض يوم وحام
ماوكّـر غيـر وكـر تتعـب الأنظـار للطيـوره

((صباح الخير يا بغداد..وش سوى معـك صـدام

تبين الحق..؟؟؟ ما يزهى الزعامه غير اخو نوره))