ديوان الشاعر : فالح غشام العازمي

[نــجــم]

ديوان الشاعر : فالح غشام العازمي



قصيدة : العـــروس

آه يـالـيـت الـغــلا مـثــل الـذهــب والا الـفـلـوس
كـان ماترخـص موازييـن الغـلا فــي هالـزمـان
أنخدعـنـا بالمظـاهـر وألعـبـت فـيـنـا الـهـجـوس
وأندفعنـا بالعواطـف .. لـيـن مــا ذقـنـا الـهـوان
كـم ظلمنـا وكـم قسينـا كـم جرحنـا مــن نـفـوس
نظلـم الدنـيـا ونـقـول : الدنـيـا مافيـهـا آمــان !!
ليـه ننسـى التجربـه .. ليـه نتجاهـل هـالـدروس
لـيــه مـانـذكـر خـطـانـا الآ يـــوم الأمـتـحـان ؟؟
الرجولـه مـن نصيـب اللـي يـدوس الحـب دوس
واللي مخلص في غرامه صار مسكين ومهـان
نستـحـي نـبـدي عواطفـنـا ونـرضـى بالـجـلـوس
وان مشيـنـا الــدرب خفـنـا لايضيـعـنـا الـمـكـان
نعبس بوجه الضحوك ونضحـك بوجـه العبـوس
والعـلاقـات اصبـحـت مـثـل التـحـدي والـرهــان
وأختلفـنـا فــي هـوانـا وأخترعـنـا لــه طـقــوس
والـغـريـب انّـــا أتفـقـنـا مـانـحـدد لـــه كـيــان !!
كـم هـنـوف واعـدوهـا بالسحـايـب والشـمـوس
واصدموها بس من قالت : متى عقد القران ؟؟
والكلـيـل ودبـلـة الألـمـاس فــي يـــد الـعــروس
مــا يـفـرح قلبـهـا .. مـــادام ينقـصـهـا الـحـنـان

[نــجــم]

قصيدة : عذب السوالــف

الـلـيـل .. بـحــر الهـواجـيـس وعـــذاب النـظـيـر
كـــن الـسـهـارى نـجــومٍ مـاتـفــارق ســمــاه
هــادي .. ومسـتـودع أســرار القـلـوب وكبـيـر
لكـنـه الـظـالـم الـلــي مـــا رحـمـنـي .. دجـــاه
البـارحـة كـنـت يــا عــذب الـسـوالـف .. مـثـيـر
والـيـوم كـنـك عـلـى قلـبـي .. جـبـال الـســراه
ظـلـمــك تــعــدى حــــدود الظـالـمـيـن بـكـثـيـر
لـيـن أنقـفـل بــاب غفـرانـي .. وضـيّــق مـــداه
غـمـرتـنـي بـالـســواد وتحـسـبـنـي .. ضــريــر
وخليتـنـي فــي حـلـوق الـخـلـق مـثــل .. اللهاه
يـا كثـر الازوال فــي عـيـن الصـويـب الكسـيـر
ويـا قــل مــن يجـبـر عظـامـه .. ويجـبـر عــزاه
والسـيـف محـسـود .. لــو أنــه بـوسـط الجفـيـر
مــا ينقـلـه غـيـر مــن يــروي ويطـفـي ضـمـاه
كـــلٍ يـهـابـه .. وكـــلٍ يـعــرف أنـــه شـطـيــر
ألا أنـت يالـلـي ظلمـتـه .. وأنــت كـنـت بــذراه
والحـمـل مهـمـا كـبـر .. لامـــا يـضــر البـعـيـر
الله يعـيـنـه عـلــى حـمـلـه .. ويـثـبــت خــطــاه
والــورد مــادام حـــي .. يـفــوح مـنــه العـبـيـر
وكـل مـا تزيـد الهبـوب .. يزيدهـا فــي شــذاه
عـمـر الغـنـي مـــا يـنــزّل مـسـتـواه .. الفـقـيـر
لـو عذربـه فــي حـلالـه .. مــا وصــل مسـتـواه
يـا ليـل لـو جيـت مـع منـكـر .. وجـابـك نكـيـر
ماتـنـحـنـي جـبـهـتــي الا بــوقـــت الــصـــلاه
الشمـس باكـر بتطلـع .. وأنـت عـمـرك قصـيـر
ياللـي مـن أفعالـك الـسـوداء .. لبـسـت العـبـاه
يـــا نــاعــم الــعــود .. لاتــزعــل ولاتـسـتـذيـر
خـــل الـكــلام يـتـلاشـى مـــن خـــلاه بـخــلاه
مادمـت فـي قلـب محبـوبـك .. ومـالـك خشـيـر
لايلحـقـك شــك فــي هــرج الـعــذول وصـــداه
هــذاك عــاذل .. هـــذاك أنـســان والله حـقـيـر
لــو مــا عذلـنـا بوجـهـه .. مــا رحمـنـا بقـفـاه
تمثـالـه أجــوف .. ومـنـزوع الحـيـا والضـمـيـر
مــا يستـحـي لــو حذفـتـه كــل يــوم بـحـصـاه
مــا يشـبـه الا الـغــراب الـلــي يـحــوم ويـطـيـر
ينـعـق بـصـدر السـحـاب .. وشـوّهــه وأبـتــلاه
يشوفـنـا صـغـار .. والـعـالـم تـشـوفـه صـغـيـر
وأن طــاح كــلٍ رفــع نفـسـه علـيـه .. ووطــاه
أن قـال : صـارت .. أبيـك تقـول : فعـلا تصـيـر
وأن راح خـلـه .. يـاعـل الــدود يـاكـل حـشــاه
خــلــه يــولــي .. وخــــل الــنـــار لـلـزمـهـريـر
لابـــد مـــا ينـطـفـي جـمــره .. ويـبــرد لـظــاه
أسيـر الاوهــام .. يبـقـى طــول عـمـره أسـيـر
يستـاهـل الـبــرد مـــن ضـيّــع وشـتــت دفـــاه
والــداب .. لــو ملـمـسـه نـاعــم وكـنــه حـريــر
جـلـده يخـلـي هـبـيـل الـــراي .. يـمـشـي وراه
مــن لايطـيـع النصيـحـه .. مـــا يـطـيـع الـنـذيـر
ومــن لاتلـحّـف مــن الـحـرص .. يتلـحـف ثــراه
لاصـرت ويـاك .. والمـاء فــي خفـوقـي غـديـر
قـم وأشربـه .. وأتـرك العـاذل يـمـوت بضـمـاه
أنــا أكـثـر أنـسـان يظلـمـه البـخـت والمصـيـر
وأنت أكثر انسان يظلمني .. وانا أعشق خطاه
صحيـح وجهـك مثـل بــدر السـمـاء .. مستـديـر
لكـنـي أعـشـق بــك الاخــلاق .. قـبـل الـحــلاه
مــا زلــت الاول ..ومــا زلــت بعيـونـي الاخـيـر
كـن الغـلا أوصانـي الحـب .. وحفظـت الوصـاه
تعـال أبـفـرش لــك ضلـوعـي لـحـاف وسـريـر
وأرتــاح فــي قلـبـي الـدافـي ..وبعـثـر غــلاه
الحـاسـد يـمـوت ..والدنـيـا مـــا زالـــت بـخـيـر
والـهـرج واجــد ..وكــل أنـسـان يـاخـذ جــزاه
الله خــلـــق ..والله بـخـلـقــه عـلــيــم وخــبــيــر
والحـسـد مـذكـور بالـقـرآن ..وهــذي الـحـيـاه

[نــجــم]

قصيدة : المســفار

قبـل موعـد الفرقـى .. وهجـر البلـد والـدار
عـسـى الله يصبـرنـي عـلـى بـعـد خـلانـي
أبــــودع الـغـالـيـن والـشـعــر والـشـعّــار
تــرى كـلـهـا يـومـيـن وأفّـــل جنـحـانـي
أبـسـافــر .. الله لا يـحـيّـيـك يـالـمـسـفـار
قضيـت العمـر وأنـا أنتقـل بيـن الأوطانـي
سنيـنـي تــروح .. ووقـتـي يـكـرّر الأدوار
وعمر الفتى مثـل الزهـر .. والزهـر فانـي
وأنــا مـارحـلـت أدوّر الـفـلـس والـديـنـار
ولا رحـــت أدوّج بـيــن لــنــدن ولـبـنـانـي
أنــا راحــل أكـمّــل بـقـايـاك يـالأصــرار
طمـوحـي كبير..ورغبـتـي بـيـن حـجّـانـي
حشا.. مايطيب الجرح وما ينتهي المشوار
وأنـا اشـوف قدامـي هــدف .. ويتحّـدانـي
علشـان حبـي للمعالـي .. وكـسـب الـكـار
أبـوطــاك يـاهـمّـي .. قــبــل لاتـوطّـانــي
تـمـوت العـواطـف والهواجـيـس والأعــذار
وتبـقـى العزيـمـة بـيـن قلـبـي ووجـدانــي
تعلمـت مـن دنـيـاي وقـالـت لــي الأقــدار
بـأن الضعيـف يعيـش ويمـوت .. خسرانـي

[نــجــم]

قصيدة : فــراق

فــراق .. وكـانـك تبـيـه فــراق بـفــراق
بـس احتـرم لحظـة الفرقـى .. ومـعـذور
(مـاجـيــتــك ادور دروس بـــالاخـــلاق
ان زنت لي زنت .. وان مازنت مشكور )
لا تتهمـنـي .. وخــل الـلــي بـالاعـمـاق
يبقـى بالاعمـاق .. والمسـتـور مسـتـور
ياصاحـبـي والـهـوى لــو فـيـه مـيـثـاق
ماعشـت فـي عـالـم الحـرمـان مقـهـور
حـنـا انتهيـنـا .. وهـــذي كـــل الاوراق
قــم شقـهـا .. مابـقـى لـلـحـب دسـتــور
مثـلـت دور الحبـيـب وعـشـت الاشـــواق
فـي مسرحيـه هـزل .. وابدعـت بالـدور
ماكـنـت مخـلـص لمحبـوبـك ومشـتـاق
بالعكـس .. كنـت متجاهلنـي ومغـرور
عرضتـنـي للـهـبـوب ونـشــف الاريـــاق
وقصـرت فينـي وانـا ماجـيـت بقـصـور
والحـيـن ذق لـوعـة الفـرقـى والاخـفـاق
وجـرب شعـور النـدم لا صــرت مهـجـور
النفـس طابـت ونـامـت حـمـر الاحــداق
الـلـي سهـرهـا مخاويـهـا مــن شـهـور
كـرامـتـي بـالـلـيـال الــســود تــريــاق
والـعــز يـبـقـى لـقـلـب الـعــز دكــتــور
والصبـر .. لـو كــان طعـمـه مــر يـنـذاق
طـعـم الـمــراره ولا الـحـقـران والـجــور
والضيـق مهـمـا كـبـر بالـصـدر ينـطـاق
للـضـيـق ربـــي خـلــق للـعـالـم صـــدور
والدمـع لـو كــان وســط العـيـن حــراق
يغسـل عيونـي .. ويـبـري مـشـة الــزور
والهجـر لـو كـان دربــه يتـعـب الـسـاق
مانـيـب مـيـت ضـمـى والـقـاع ممـطـور
والصدق لو ينعرض في وسـط الاسـواق
كـل شـرى لــه ضمـيـر وقـلـب وشـعـور
والحـب مهمـا انطعـن .. مـازال عـمـلاق
يضـحـك عـلـى طعـنـة الاقــزام والــزور
والشـعـر يبـقـى نـديـم القـلـب لا ضـــاق
مـاهـو مـجـرد حــروف وعــدة سـطـور
شفني وانـا اقطـف مـن الاعـذار مـا لاق
مـا قلـت فرقـاك عـيـد .. وبـارقـة نــور
اقـــول فـرقــاك مـــن تـرتـيـب الارزاق
وارتـــب الـعــذر لــــو الــعــذر مـنـثــور
ويامرحـبـا بالـفـراق ان كـــان بـفــراق
فـرقـى بفـرقـى ومـعــذوره ومـعــذور

[نــجــم]

قصيدة : المهزلـــه

بالله قـلــي يــــا زمــــان الـمـهـزلـه يــــا مـحـتــرم
شاللـي بقـى مـن عالـمـك .. قـلـي وانــا بستوعـبـه
علمتنـي كـل الــدروس .. وقـلـت لــي كــل الحـكـم
لـكـنـك أخـفـيـت الحـقـايـق .. وأبتـلـعـت الأجــوبــه
أمــا أنــت كـــذاب وردي .. والا أنـــا مـــا افـتـهـم
واحـد مـن الاثنيـن فيـنـا .. مــا وثــق فــي صاحـبـه
لــو تلتـفـت يــا سـيــدي وتـشــوف تـاريــخ الامـــم
مــا قـلـت لــي ان الـزمـن هــذا .. جـهــاد وتـجـربـه
هــذا الـزمـن مــا يعشـقـه ويعـيـش فـيـه الا الصـنـم
مـــا تـقــدر تـمـيـز غـثــاه .. وبلـبـلـه مـــن عـقـربـه
أختـلـطـت الاوراق فـيــه وصـــار بـالــوادي قــمــم
حـتـى الصغـيّـر يــا زمـــن قـــام يتـفـاخـر بشـنـبـه
فيـه الــردي أصـبـح مـهـم .. ويحـتـرق فـيـه الاهــم
عالـم مـن الـكـذب الرخـيـص ..وعـالـم مــن الاتـربـه
الـوقـت يلـعـب لعبـتـه .. والـذيـب هــاب مــن الـغـنـم
معـذور ذيـبـك يــا زمــن .. لــو جــاه طـفـل وهيـبّـه
بـيــت يـهــدده الـضـيـاع وتـنـشـرى فــيــه الــذمــم
لاعــاد تـشـره يــا زمــن لــو جــاه ضـيـف وخـربّـه
والظلـم .. قلـي مـن بـقـى فــي هالـزمـان ولاانظـلـم
والا انــت خـايـف تظـلـم الظـالـم .. وتـدخـل مكـتـبـه
الـيـا مـتــى نـوخــذ لـحــم .. ونـــرد مافـيـنـا لـحــم
يالـلـي بنـيـت مــن العـظـام البـيـض سـلــمّ واعـتـبـه
لاصــار طيـبـك يــا زمــن عــن الــردى مــا ينقـسـم
لـيـه نتـعـذب يــا زمـــن فـــي هالـنـفـوس الطـيـبـه
لـو فيـك خيـر .. ان كـان مـا وزعــت كلـمـة والنـعـم
وخليـتـهـا بـيــن الـخـلايـق تنـعـطـى مــثــل الـهـبــه
ولــو المـراجـل نتـشـرى وتـبـاع فــي حـبّـة خـشــم
ماشـفـت لــك حـــر يـصـيـد وعـزتــه فـــي مخـلـبـه
ولـو كـل مـن حـدّه زمـانـه بــاع صـوتـه .. وانـطـرم
مـــا بـيّــن الأبـــداع بالـدنـيـا .. وشـفـنـا المـوهـبـه
كـم خـلّـد التـاريـخ مــن مـبـدع .. وكــم خـلّـد أســم
شـيّــب بــــراس العالـمـيـبـن وراح مــحــدٍ شـيـبّــه
للحـيـن راســخ فــي جبـيـن الـذاكـره مـثـل الـهــرم
مـاتـقــدر الـدنـيــا ولا الـتـاريــخ يــقــدر يـشـطـبــه
والـيـوم جــا مــن غـيّـر الأفـكـار فــي جــرة قـلــم
يكـتـب .. ولـكـن لـلأسـف مــا يفـهـم الـلــي يكـتـبـه
يلهـث ورى طــرد الـسـراب وعـايـش بدنـيـا الـوهـم
ويستـغـرب ان الـنـاس هـــذي كـلـهـا تستـغـربـه !!
عنـيـد .. مــا يـرضــى يـطـيـع ويقـتـنـع انـــه قـــزم
يـصــدق الـلــي صـفـقـو لـــه .. والـصــدوق يـكـذبــه
لـلـه درك يــا زمــان ان كـــان هـــذا الـلــي حـكــم
وخـلـيـتـنـا فـــــي خـدمــتــه ونـلـمـعــه ونــهــذبــه
عطيـتـه اللقـمـة ولـكـن صــار فــي حلـقـك .. عـظــم
غـص .. وتفضـل مـا عصرتـه فـي يديـنـك وأشـربـه
اليا انكسر قوس الحريب .. اش فايدة هذا السهم ؟
واليا انكشف ستر العـذارى .. وش تفيـد الأحجبـه ؟
الليـل يسـري وأنــت يــا ســاري حـزيـن ومنـصـدم
أسـهـرت عـيـنـك والـــدروب الـلــي تبـيـهـا متـعـبـه
هيـا انسجـم مـع زمانـك .. طيـع شــوري وانسـجـم
والـيــا بـغـيـت تعـاتـبـه .. خـــل الـقـصـيـد يـعـاتـبـه
الوقـت لـو يسـمـع كــلام الـنـاس مــا جــار وظـلـم
لكـنـهـا مـــن عـصــر أبـونــا آدم وهـــي متـقـلـبـه
الوقـت هـو الوقـت .. والمحظـوظ مـن خــاف وسـلـم
كـــم واحـــد ٍ قـبـلـك تــحــداه الــزمــان .. وغـيـبّــه

[نــجــم]

قصيدة : الغشمـــرية

من عرفتك .. ماعرفت ان الغرام
ماتـكـفـيـه الــحــروف الأبـجـديــة
ياحبيبـي والـهـوى كـانـه كــلام !!
أعتـبـر كــل القصـايـد لــك هـديــة
بس انـا أشوفـه ماهـو قـد المقـام
والقصـايـد مـلّـت مــن العاطـفـيـة
الـلـي فيـنـي شــي يشـبـه للغـمـام
لو أطوله .. مـا مسكتـه فـي يديّـه
كـان هـذا اللـي يسمونـه .. هـيـام
يـسـتــر الله والـبـقــا للغـشـمـريـة
كـل عـرق فـي جسـد مغلـيـك نــام
الا عـرق القلـب والعيـن الشقـيـه
قلبي اللي عن جميع البيض صام
لين صرتي عيـد فطـره والضحيـة
وعينـي اللـي مالهـا شـف ومـرام
غير شوف الناعسـات المستحيّـة
من يقول انك مثـل بـدر التمـام ؟؟
القمـر عــاري .. ولا لــه جاذبـيـة
أنـت مـثـل الـنـور والبـاقـي ظــلام
البنات زهـور .. وأنـت المزهريـة
من يحبـك .. مـا يحـب الا السـلام
ويتناسـى كــل جــرح مــن خـويّـه
ومن يحبك .. يتعب مـن الأهتمـام
فـيـك .. ويخـلـي التجـاهـل للبقـيّـه
أنــت مــن علمـنـي ان الأحـتــرام
هـو مواثـيـق الـغـرام السرمـديـة
والجفاء ماهـو ولـد عـم الخصـام
والـتـغــلــي ســـنـــة لـلـعـامـريــه
ياعذولـي .. لاتشـمـت .. والـمـلام
مايلـبّـسـنـي عــذاريــب وخـطـيــة
مايقـول ان الهـوى عيـب وحــرام
غير راعي الحسد والنفس الرديه

[نــجــم]

قصيدة : ( براحــتك )


براحتك لاتستحي .. بـس أنـت قلـي وش تبـي ؟
تبـي غـلا أخــذ الـغـلا .. تـبـي تــروح براحـتـك
البارحـه كـنـك تـبـي قـربـي .. ويغـريـك ذهـبـي
واليوم أشوف الشك وجيوش الظنون اجتاحتك
لاتنـحـرج مـنـي أنــا مـانــي غـشـيـم ولاغـبــي
أقـراء علامـات الجفـاء لـو تختـفـي صراحـتـك
كانـك تحسفـت أبتعـد .. لاتعتـبـر نفـسـك صـبـي
الــرأي رأيــك .. والمسـاحـة كلـهـا مسـاحـتـك
المشكلـه ماهـي بطـول الـدرب لـو جيتـك حبـي
المشكله .. وين الطريق اللي يودي لواحتـك !!
صحيـح أنـك مختـلـف جــدا .. وغـايـة مطلـبـي
وأن الـخـلايــق كـلـبـوهـا تـشـتـهـي تـفـاحـتــك
لكـنـهـا كـرامـتـي تـرفــض ويـرفــض مـذهـبـي
والنفس ماترضى تطيع النفـس مهمـا صاحتـك
أنا كشفت أوراق قلبي .. وأنـت قلـي وش تبـي
تبـي غـلا أخــذ الـغـلا .. تـبـي تــروح براحـتـك

[نــجــم]

قصيدة : الارتبــــــاك


ياحـبـيـبـي مــاهــو مــنـــي كـــــل هـــــذا الارتــبـــاك
انا هـادي وشخـص عـادي .. بـس انـت الغيـر عـادي
غـمــض عـيـونـك وانـــا بـغـمـض عـيـونــي مــعــاك
ولاتخـلـيـنـي اشــوفــك الا فـــــي لــمـــس الايـــــادي
انـــا ادري انـــي بـمــوت ومـــا يـروعـنــي الــهــلاك
بـــس مـــاودي امـــوت وحـسـرتـي داخــــل فــــؤادي
لاحــشــا مــــا انــــت بـبـنــي آدم ولا حــتــى مـــــلاك
انخـلـقـت لـحـالــك وصــــرت الـخـيـالـي والآحــــادي
انـت كافـر فـي جمـالـك .. وانــت مسـلـم فــي هــواك
نخـتـلـف فـيــك الـظـنـون .. وتـتـفـق فـيــك الـمـبـادئ
لــو كتبـتـك ألـــف مـــره .. مـــا وصـلــت لمـسـتـواك
وان قـريـتـك قـلــت : يـاربــي تـحـقـق لـــي مـــرادي
قـلـي وشـلــون احـتــوي حـبــك وأسـتـوعـب غـــلاك
وانـت قامـوس الغـرام .. وحبـك اكبـر مــن ودادي !!
كــيــف اتــوبــك وابـتـعــد عــنــك وأتـحـمــل جــفــاك
وانــت تنـبـت بالضـلـوع وشوفـتـك مـوسـم حـصـادي
كيـف اطولـك وانـا مثـل الغـيـم واسـبـح فــي سـمـاك
يـرفـعـك عـنــي عـنــادك .. وانـــا يرفـعـنـي عــنــادي
اخـتــرع مـنــك المـحـبـه .. واتـعـلــم مــــن عــطــاك
وينقـتـل مــن بسـمـتـك الـلــون الاســـود والـرمــادي
وتستحـي مـنـك الــورود ان جـيـت واشغلـهـا شــذاك
وان تبسـمـت الـشـمـوس تـمــوت ويـهــب الـبــرادي
وعـاشـق مـابـاع عـمــره لاجـــل عـيـنـك واشـتــراك
واحـسـافـه عــمــره الــلــي ضـيّـعــه ولا اسـتـفــادي
وشـاعــر مــاحــرّك احـسـاســك ولافــــاز بــرضــاك
ليـه يكتـب .. والقصايـد ماهـي فــي ريــم الـبـوادي !!
وعـــاذل يـعـتـب عـلــى مـــن حـبــك ويـمـشـي وراك
اشـهـدنـه مـايـحـس ومـافــي وجـهــه دم .. وغـــادي
وعـاقـل ينصحـنـي عـــن قـربــك وعـــن لـــذة دفـــاك
عـلـمــوه ان الــغـــلا وان الــهـــوى مــاهـــو أرادي
مــن عرفـتـك وانـــا اســـدد ديـــن وفـاتــورة غـــلاك
وانــا مـانـي بالـهـوى تـاجــر .. ولاحـتــى اقـتـصـادي
كــــل هــــذا وماتـبـيـنـي ارتــبــك لـحـظــة لــقــاك ؟؟
والا يعـنـي جـايـز لــك طيحـتـي وعـثــرة جـــوادي ؟؟
ابـتــســم لاتــرتــبــك مــثــلــي وحــركــهــا شـــفـــاك
ترى ضحكك مثل شخصك .. كلبوهن غير عادي ..؟؟

[نــجــم]

قصيدة : الباخــره

خلاص فوّتها مادام انـي سمحـت لهـا تفـوت
وقفّل على الموضوع هذا .. من أوله لآخره

لاتحسبنـي مـا فطنـت لهـا ويغريـك السكـوت
أنا ما احب احط نفسـي فـي مواقـف ساخـره

الكلمـة اللـي بيتهـا يشـبـه لبـيـت العنكـبـوت
لا ماتزيـنـهـا الـجـواهـر والـثـيـاب الـفـاخـره

ياكثـر منهـو يفتـخـر.. مــادام ردت للبـشـوت
وياقـل مـن تـرجـح موازيـنـه بـيـوم الآخــره

كلش ولادرب العذاريـب وأساليـب السحـوت
والنفـس مازالـت بكـل اللـي تـسـرك زاخــره

لا ما انت شايف جرتي بالدرب هذا لو تموت
الا اذا رحت النفود .. وشفت جـرة باخـره !!!

[نــجــم]

قصيدة : حـيل الله قـوي


لا تحملـنـي خـطـاء الأيــام وجـــروح اللـيـالـي
وأنت تدري أني مالـي ذنـب .. وحيـل الله قـوي
أدري أنـك غالـي وتشـره علـى فقـدان غـالـي
بس ما لليآس فـي بعـض الظـروف الا الكـوي
صرت من بعدك وحيد ودمعتي هي راس مالي
مـادرى عنهـا الغريـب ولا فطـن فيهـا الخـوي
لاتحسبـنـي عـقـب فـرقـاك بـالأشـعـار سـالــي
قـلـة العيـشـة تخـلـي الـذيــب يـقـنـب ويـعــوي
الـهـمـوم الـلــي أعانـيـهـا تخلـيـنـي انـعـزالـي
والـظـروف وقــدرة الله تـلـوي ذراعــي لـــوي
والكلام اللي سمعته والشقاء ماهـو ارتجالـي
أشربـه مــن يــوم حبيـتـك .. وعيـيـت ارتــوي
مـن عرفتـك وانـت ماتقـدر تجاوبـنـي سـؤالـي
لا ولاتـقـدر تخـلـي الضـلـع الأعــوج يسـتـوي
اقـدر انسـى اللـي جرالـي واستمـر ولا ابـالـي
بس مـا اقـدر انسـى انـي مـن حمولـة وبـدوي
حبي لك هو اللي يساعدنـي ويعجـل بارتحالـي
ترقـى فـي دمعـك.. ولا ضحـك يخلـيـك تـهـوي
رح فمان الله يـا أصـدق وأغـلا مـن صفـا لـي
وكـل ماتحـزن تـذكـر : ان حـيـل الله قــوي !!!

[نــجــم]

قصيدة : الصمــت

صمتي ذبحني لعنبو الصمت ما أقساه
يـجـرح خـفـوقـي والـلـسـان متـعـافـي
لا جيـت أبفـتـح دفـتـر القـلـب وأقــراه
تجحدنـي مـن قبـل الكـلام .. القـوافـي
مـانـي بنـاقـص عــرف .. لكـنـهـا الآه
ثـقـيـلـة عــلـــى الـثـقـيــل الـسـنـافــي
أقبـرهـا فــي قلـبـي وأخـلـي المعـانـاه
ترقـد عـلـى جــال الضـلـوع النحـافـي
عوّدت نفسي وروحي صارت مضـرّاه
على الصبر .. لين أستوت لي عوافي
أصـد عــن جــرح الحـشـا واتحـاشـاه
وأصنع مـن الضحـك المزيـف لحافـي
ما أبوح لو جاني عذولـي مـن اقصـاه
وماترجمـت عـيـن الـعـذول أعتـرافـي
مـــن لاتـعـلـم مـــن حـيـاتــه ودنــيــاه
والله ليـمـشـي طـــول الأيـــام حــافــي
فتـحـت قلـبـي لـكـل مــن زاره وجـــاه
ولالـقـيــت الا الـجــفــاء والـتـجـافــي
مـــادام مـاســر الـخـفـوق الـمـنـاجـاه
حرام أشب الشمع .. والشمـع طافـي
ومـا أقـول الآ مـانـي راعــي مـهـاداه
وقد قالها من قبلـي : صقـر النصافـي

[نــجــم]

قصيدة : الرمــــوش

من عيون ذلـت الدمـع بأرمـاح الرمـوش
للعيـون الـلـي مــن الـدمـع ذلــت نفسـهـا
والله انك لو ركضتي مثل ركض الوحوش
دام خانتـك السحايـب .. تخونـك شمسـهـا
صاحـب ماهـو بمثلـي ولا وجهـه بشـوش
لعـنـبـو نـفــس تـخـلـيـه يــجــرح حـسـهــا
والله انـه لـو يصافحنـي بالكـف الغشـوش
لأتـبـراء مـــن يـديـنـي وأقـطــع خمـسـهـا
حـاش قلبـي بالغـلا والا عنـه مـا يـحـوش
نفسي وان ضاق المـدى ماتفكـر بأمسهـا
ادري اني لو حرقت الورق تبقى النقـوش
وادري ان العيـن تجريحـهـا فــي لمسـهـا
بس ما للدمع عندي سوا رمـح الرمـوش
تنذبـح مـن قبـل مــا تنفـضـح .. وأحسـهـا

[نــجــم]

قصيدة : ســـاري

أعتب على الناس والا أعتب على نفسي
والله مدري وش اللـي شتـت أفكـاري ؟؟
مليـت مـن مكتـبـي وأزعجـنـي الكـرسـي
أنـا احتـرق والـعـرب تـدفـا عـلـى نــاري
الله كتـب لـي يـجـي يـومـي مـثـل أمـسـي
هالـدرب دربــي وهالمـشـوار مـشـواري
يمناي ما قصّرت فـي ملامـس الشمسـي
لكـن لـي نفـس مــا تقـنـع مــن أعــذاري
سفـيـنـة الـعــزم والتصـمـيـم مـاتـرســي
الا عــلــى بـــــر تـقــديــري ومــقـــداري
أبحـرت فـي عزهـا وآمنـت فــي حـدسـي
واقــــــول يالله تـوفـقــنــي بـمــســفــاري
نــذرت نفـسـي لغـيـري وأنقـطـع حـســي
الـصـوت يفـنـى ولا يفـنـى لــي الـطــاري
ما أحب انـا المركـز التالـي ولا المنسـي
بيـاض وجهـي يبيـن لــك مــن اشـعـاري
ماهـو بمنـي ولا هـالـدرس مــن درســي
لكـنـهـا مـــن دروس الـوقــت واقـــداري
قــد علمتـنـي الخطـايـا وآيـــة الـكـرسـي
وقالت لي انت المخيّر وأفتـش اسـراري
مـن يومهـا والقلـم مـا فــارق الخمـسـي
وكل ما اكبرت غايتي يكبر لها اصـراري
وصـار التـحـدي بـدمـي يصـبـح ويمـسـي
وجتنـي علـى مـا اتمنـى واسكـنـت داري
صحيـح مـافـي يديـنـي قـيـد مــن حبـسـي
لـكـنـي فـــي عـالــم النـسـيـان مـتــداري
مــا ودي فــي معـرفـة جـنـي ولا أنـســي
بعيـش فـي جـوي الـلـي يـحـرك اوتــاري
ولقيـت انــا مطلـبـي فــي تجـزئـة نفـسـي
وطلعـت للعالـم الثـانـي بـأسـم .. ســاري

[نــجــم]

قصيدة : العشــــق

ياصاحبـي رح حلهـا .. هــذا ان لقـيـت لـهـا حـلـول
واذا عــر فــت تحلـهـا .. قـلـي وشـنـهـو حـلـهّـا ؟؟
النفـس ترضـى بالخطـايـا البـيـض .. لكـنـي جـفـول
أخــاف لا يكـبـر خـطـاء عـلــى خـطــاء .. ويـذلـهّـا
من عهد أبوي وعهد أبوك .. وعهد ماقبل الرسول
والعـشـق ينـبـت بالضـلـوع الـحـدب لـيــن يسـلـهّـا
الشمـس تلـمـع بالسـمـاء والـقـاع مافيـهـا سـيـول
وأشـــوف لــــي سـحـابــة مــــا ظلّـلـتـنـي بـظـلـهّـا
للحيـن تلـعـب بالسـمـاء .. وبعـيـن مغليـهـا تـجـول
أشـوفـهـا وأقــــراء الــغــلا بعـيـونـهـا .. وأدلــهّــا
تنـزل علـي واصعـد لهـا .. وصعودنـا مثـل النـزول
مــا بلّلتـنـي فــي مـطـرهـا .. ومـاقــدرت أوصـلّـهـا
أصـيـلـة مـــا تسـتـريـح الا مــــع ولــــد الأصــــول
أتـلّــهــا .. وحــبـــل الـتـقـالـيـد الــرفــيــع يـتـلّــهــا
وأنا أدري ان الغيم يسري .. والسنين لهـا فصـول
وأدري بـعــد ان اللـيـالـي الـســود مــانــي خـلّـهــا
لابــد مــا يـمـطـر سـحــاب الغـالـيـه .. والا يـــزول
وان أمـطـرت مــا ذقتـهـا .. وان أدبــرت رح قلّـهـا
رح قـلـهّـا : الـغـالـي يـبـلـغـك الـتـحـيـات ويــقــول
لا يـابـعــد كـــــل الـخــلايــق والـسـحـايــب كـلــهّــا
الحـب يشفـع للـفـراق .. وكــل عـشـرة لــو تـطـول
لابـــد مـــا يـطـفـي لهـبـهـا الـوقــت .. والا يـفـلـهّـا

[نــجــم]

قصيدة : الأنفــــال

علـى الله علـى اللـي نـزّل الفتـح والأنـفـال
تزيـن الــدروب .. وهقـوتـي فـيـك يالغـالـي
أنــا البـارحـه مانـيـب طـيّـب وحـالـي حــال
فـزعــت بمفاهـيـمـي .. ورديـــت بـهـبـالـي
يقولـون هـرج البنـت .. مـا يقـنـع الـرجـال
وأنـا أقـول مــا يسـلـم مــن البنت..رجـالـي
رسمتـك علـى قلبـي .. وسويـت لـك تمثـال
خـسـرت.. وتكـسـر مـنـك قلـبـي وتمـثـالـي
مشيـت وحسبـت انـك لـي الغيمـه أم ظـلال
وعرفت أني من عقب التعب .. أتبع ظلالي
وتكلمت وأفنيت الحـروف .. وكلامـي طـال
أبقـنـعـك .. لـكـنـي أقتـنـعـت أنـــي لـحـالـي
صدمني شموخـك يـا أكحـل العيـن يالميّـال
نطرتـك سنـيـن .. وجـابـك الله عـلـى فـالـي
ومسكـت الرسـن وكــل مـهـره لـهـا خـيّـال
لــي السـبـق .. وغـبــار النـهـايـه لـعـذالـي
هـلا بالجـروح اللـي تجـي مـنـك والغـربـال
مـادام أنـت جـرحـي وأرتحـالـي وغربـالـي
تـعـال نتقـاسـم لـوعــة الـشــوق والآمـــال
ورز البـيـارق .. وأسـكـن بقلـبـي الـخـالـي
أخـيـرا لقـيـت الـلــي أغـنــي لـــه الـمــوّال
وأخـيـرا تحـقـق حلـمـي الـلـي عـلـى بـالـي

[نــجــم]

قصيدة : مرقــابي

ياصاحبي صاح بي طاريك .. وأصحى بي
جـــرح تـمـاديـت فـــي دفــنــه وكـتـمـانـه
ان قـلـت لــك دمعـتـي ماخـانـت اهـدابــي
مـاقـلـت لـــك خـافـقـي مــاثــار بـركـانــه
ذكــراك حـيـه .. وتلبـسـنـي مـــع ثـيـابـي
وشلون أبنزعك .. والأطراف بردانـه ؟؟
تعصـف بـي الريـح والعـذروب فـي بابـي
مــزلاجـــه تـكــسّــره هــبـــوب خــلانـــه
كل مانسيت وهـدت مـن عقبـك أعصابـي
حنـيـت لــك يــا سـجـن قـلـبـي وسـجّـانـه
ماكـنـت فــي بـرجـي العـاجـي ومـرقـابـي
ولاســرقـــت الــبــحــر درّه ومــرجــانــه
لكـنـه الـعــرف .. والأعـرابــي أعـرابــي
مــا غـيّـر الـوقـت مفهـومـه ولا لـسـانـه
كنيـتـهـا الـشـرهـه وشـكــواي وعـتـابـي
وقلت أنسحب .. والخفـوق يجيـه نسيانـه
كــذبــة وصـدقـتـهـا والـقـلــب مـرتــابــي
ولا حصـلـي ســـوى جـرحــه وحـرمـانـه
يمشي بي الدرب .. لو مـا ودهـا اركابـي
وصـلــت يـــم الـضـيــاع وفــــك بـيـبـانـه
خــلاص مـاعــاد فـيـنـي شـــي لأحـبـابـي
جـذع للأحـزان .. ماتـورق لـك أغصانـه

[نــجــم]

قصيدة : الغـــــالي

يــــا مـرحـبــا .. والله يـحـيـيــك .. أي والله
أقلط وأنا الضيف .. وأنت الصاحب الغالي
تــراك راعـــي مـحــل .. وراعـــي الـدلّــه
قــم صبّـهـا مــن عـيــون كحـلـهـا سـالــي
عـازمـك قـلـبـي مـــن الـعــام .. وتـزهـلّـه
طيفـك .. وحلـو الظنـون اللـي تهقـوى لـي
قلـي شلونـك .. وخــل الـلـي مـضـى خـلّـه
لا تبـتـدي بالعـتـب .. بـيـت الـعـتـب خـالــي
وأرتـك عـلـى صــدري الـلـي علـتـه عـلّـه
وهرّجنـي وأهـرّجـك عــن ضيـقـة البـالـي
وأقـطـف ورود الـحـشـا وريـحـانـه وفـلّــه
وزيّـــن بـهــا غـــرّة الـفـرقـى وغـربـالــي
حـي الله اللـي بقلبـي .. ومـا أقـدر أوصلّـه
أنـــا أشـهــد أنـــك بـعـيـد وكـنــك ظـلالــي
أقـفـيــت عــــن عـيـنــي وخلـيـتـهـا مــلّــه
يـدفـى عـلــى شـوقـهـا لـيــل بـــرا حـالــي
أتـــل حــبــل الــرجــا .. والـهـقــوه تـتـلّــه
وكنـي علـى جيّتـك .. مـرخـي لــك حبـالـي
كــلـــه عـلـشـانــك .. وعـشـانـهــا كـــلّـــه
نـفـس تسمـيـك بـيـن ضلوعـهـا .. غـالــي

[نــجــم]

قصيدة : الصـــبر

الصبـر .. مـن يقـول انـه جمـيـل الصـبـر ؟؟
شـف سوايـاه فـي جسمـي وتـعـرف جمـالـه
ان صبـرتـك ليـالـي .. مـــا صـبـرتـك شـهــر
وعمري ان ضاع من يعطيني عمر بداله ؟؟
روحي مـن غبـت عنهـا .. ذابـت مـن القهـر
وحالتـي مــن عـقـب فـرقـاك ماهـيـب حـالـه
شـفـت مــن حـبـك الـمـوت ونـجـوم الـظـهـر
لـيـن مـاصـار ظلـمـك فــي خفـوقـي عـدالــه
مـالـي عـنــك سـبـيـل ومـالــي عـنــك مـفــر
كـيـف الأنـســان يـنـسـى ويتـجـاهـل ظـلالــه
قـلـت لــي مستحـيـل أنـسـاك طـــول الـعـمـر
وصـرت أصعـب مـن النسـيـان والأستحـالـه
لاتـسـاهـل حـيـاتــي وأنــــت عــنــدك خــبــر
وين أنا و وين تفكيـرك و ويـن السهالـه ؟؟
طــول صـبـري رمـانـي فــي دروب الـسـهـر
وأنـت عــن سـكـة الحـرمـان نـاسـي ودالــه
ويــن ابلـقـاك قـلـي ؟؟ ولــك عـلــي انـتـظـر
بـــس لاتـتــرك المـلـهـوف يـسـهـر لـحـالــه
وكــــان مــالــي بـقـلـبــك يـاحـبـيـبـي قـــــدر
كـل هالصبـر هــذا .. كــان مـالـي ومـالـه !!
قلـهـا .. وان فــز لــك قلـبـي وشــد الـظـهـر
مـانـي عـبـد لقلـبـي .. لا ولااصـغــر عـيـالـه
مـالــه الا ضـلـوعـي لـــو ضـلـوعــي قــبــر
مانـي أول ولا آخـر مــن خـسـر راس مـالـه
ان قــريــت الـرسـالــه .. مـابـقـالـك عـــــذر
رد .. والا أعتـبـر هــذي هــي آخــر رسـالـه

[نــجــم]

قصيدة : ميت من الحــب

ميّـت مـن الحـب .. والا الحـب ميّـت فـيـك
والله مــدري مــن الـلـي مــوّت الثـانـي ؟؟
تزعل من الوصل .. والهجران ما يرضيك
مــــدري تــغــلا عــلـــي .. والا تـحــدانــي
الله يـخــلــيــك .. لاتـجــبــرنــي اخــلـــيـــك
مـادمـت غـالـي وتسـكـن وســط وجـدانــي
تعـبـت مــن كـثـر ماتـرحـل وأنـــا أنـاديــك
جرحـت قلبـي .. مـا أبـيـك تـجـرّح لسـانـي
قـلـي وشالـلـي تـبـي مـنـي وانــا أعـطـيـك
ولاتـخـلـيـنـي فـــــي شــكـــي وحـرمــانــي
طولتـهـا ياحبيـبـي وانــت مـــدري شـفـيـك
تذكرنـي يوميـن .. وباقـي الوقـت تنسـانـي
مـادمـت أحـبـك وقلـبـي بـالـهـوى مغـلـيـك
بــادلــنــي الـعـاطــفــة .. والا تـنـاســانــي
أرحـم لـي أمـوت هاللحظـه مابيـن ايـديـك
ولاأعـيـش العـمـر كـلــه مـــع الـجـانـي !!

[نــجــم]

قصيدة : العنـــود
قلبي ياللي من عنا الأيـام تشكـي مـن الجحـود
فل جنحانك عن أحزانـك .. وحلّـق فـي سمـاي
خـل الأرض لناسهـا دام السـمـاء بلـيـا حــدود
ولاتنـازل عــن شواهـيـق السحـايـب يـاعـزاي
أنــت ياقلـبـي عـزيـز ولا عـلـى الـعـزّه شـهـود
يكفي انك في ضلوعي حي وتسعى في رضـاي
مانسيت الا الرخيص .. وما ذكرت الا العهـود
وماحفظـت الا المكـان اللـي يلـيـق بمسـتـواي
الـحـيـاه ومسـتـمـره والـوهــم مـالــه وجــــود
ونعمة النسيان تمسح دمعتـي وتمحـي خطـاي
والحبيـب اللـي شكيـت لــه التجـافـي والـبـرود
ماعليـك اخـلاف لـو يطعّنـي فـي خنجـر غـلاي
يكـفـي انــك كـنـت مخـلـص بالمواثـيـق وودود
وماهجرتـه ليـن مـا شفتـه تخـلا عــن هــواي
سـمـح الله درب مـــن قـفّــا ولا يـمـكـن يـعــود
وبيّـض الله وجـه نسيانـي .. مــادام انــه دواي
أنثـر بسـكـة وداع الـلـي رحــل عـنـك الــورود
واذكـره بالخـيـر وخــل القافـلـه تمـشـي وراي
ولاترجّى من نوى الهجـران واهـداك الصـدود
وانت أكبر من سهر عينـي وأغـلا مـن رجـاي
ولاتضايـق وأنـت ياقلبـي علـى الهـقـوه تــزود
من نساك أنسـاه وأرقـد ياخفوقـي فـي حشـاي
من خسر دمعة عيونه .. ما ربح ضحك العنود
لقـمـة جـيــت أتعـشـاهـا .. وغـصـيّـت بـغــداي

[نــجــم]

قصيدة : باقة الورد

يــا ورد لا تلـعـب بــك الـريـح يـــا ورد
وانــا عـروقـي لــك مـراسـي ومـرفـاء
مادمـت فـي قلبـي وتشكـي مــن الـبـرد
شـب الضلـوع اللـي بصـدري .. وتـدفـا
فـي داخلـي عالـم وممـلـوك مــن فــرد
وأنــا فــي منـفـى وانــت عـنـي بمنـفـى
تسـرد لـي عيونـك سبـب حزنهـا ســرد
والـــدمـــع ذوّب كـبــريــائــك وقـــفــــا
والحزن صعب ويرفض الموت والطرد
واذا ارتـكــى بـالـقـلـب.. وفــــا وكــفــا
وانـا معـك واشواقـي اكثـر مـن الجـرد
واصـدق مـن احـلام الطفـولـه واوفــى
اطلبنـي تكـفـا .. وعطـنـي حـريـة الــرد
و والله مــاتــنــدم اذا قـــلــــت تــكــفـــا
الله عـطــانــيــاك يــابــاقـــة الــــــــورد
وانــا عطيـتـك مـحـجـر الـعـيـن مـنـفـى

[نــجــم]

قصيدة : على مهلك

علـى مهلـك اذا ودك تفارقنـي .. عـلـى مهـلـك
ورح عنـي شـوي شـوي .. ليـن انـك تفارقنـي
أنا مـا أضمـن لـك أنـي أقـدر أنسـى واتزهلـك
لأنــــي ادري بـقـلـبــي بـهـالـحـالـه يـوهـقـنــي
أنـا مانـي بهـذاك اللـي غرامـه حيـل مستهلـك
لـو أن الشـوق يستهلـك أحاسيسـي وخانقـنـي
مــادام ان الــدروب بـكـل حـالاتـك تـوجـه لــك
دخـيـلــك لاتـغـربـنــي .. وتـكــفــا لاتـشـرقـنــي
وحق اللي خلق صعبك علي .. وماخلق سهلك
لأخــوض الـمـوج لعيـونـك ولـكــن لاتغـرقـنـي
ياليتـك ماعقلـت ولا صحـى جهلـي ولا جهـلـك
ورضينـا بالهمـوم الـلـي تضايـقـك وتضايقـنـي
تعال اقعد معاي شوي وشف قلبي وهـو يهلـك
وضحـكـنـي وعاتـبـنـي واذا حـبـيــت خـانـقـنـي
وتركد لابغيـت تـروح .. وفارقنـي علـى مهلـك
واذا رديـت لـك ثانـي .. عـسـى الله لا يوفقـنـي

[نــجــم]

قصيدة : للفراق أسباب

للـفـراق اسـبـاب وأعــذار ودمــوع
بــس اسـمـه بالنـهـايـه .. الـفــراق
مـهـمـا قـلـنـا : لا ولا لا لـلـرجــوع
مـاقـدرنــا نــقــول : لا لـلاشـتـيــاق
الله الـلــي حـطـنـا مـثــل الـشـمــوع
أنـخـلـقـنـا لــلــولــع والأحـــتـــراق
لو خضعنا .. لاتخاف من الخضـوع
الخـضـوع أحـيـان رمــز الأنـعـتـاق
كــل شـمـس بالحـيـاه الـهـا طـلــوع
وماورى الليـل الطويـل الا الـزراق
ادري ان الـلـيـل يـالـغـالـي يــــروع
والله ادري .. والصبـر مـر الـمـذاق
بــس .. مــا للعاصـفـة الا الـركـوع
دام ودك يـاحـبــيــبــي بــالــعــنـــاق
مايهـاب مـن الظـروف الا الجـزوع
ومــا يـلــوث قلـبـنـا غـيــر الـنـفـاق
والغـلا لــو يـنـزرع بـيـن الضـلـوع
ماسمـعـنـا بـالـفـراق وبـالـطـلاق !!
دام انـــا ويـــاك يـاحـلــو الـطـبــوع
والـهــوى مــــن بـيـنـنـا بـالأتـفــاق
عش معاي من الربوع الى الربوع
واربعه وعشرين ساعة فـي وفـاق
وأتــرك الفـرقـى وهـذيـك الـدمــوع
طالبك .. لاتجيب طـاري للفـراق ...

[نــجــم]

قصيدة : المضـاعـد

لــي صـاحـب ياسـعـود راعــي مضـاعـد
يـمــلا يـديـنـه بـالـذهــب لــيــن كــوعــه
عـيــونــه الـثـنـتـيـن مــثـــل الــقــواعــد
تقـصـف خـفـوق الـلـي تـبـيـه وتـلـوعـه
ان قلـت : اقعـد .. قـال : مانـيـب قـاعـد
وان قلت : طيب روح .. هلت دموعه !!
مـــن كـثــر مـايـقـبـل عــلــي ويـتـبـاعـد
عـنـدي تـسـاوت روحـتـه مــع رجـوعـه
مــاهــو بــراضــي نـلـتـقــي ونـتــواعــد
وماهـو بـراضـي تنطـفـي بــي شمـوعـه
امــــره غــريــب وحـالـتــه مـاتـسـاعــد
ومـن اغـرب الانـواع طبعـه ونوعـه ؟؟
دايـــــم يــهـــدد بـالـجـفــاء والـمـبـاعــد
ويبيني أخضع .. واعترف في خضوعـه
مـايـدري ان الـشـوق لــو كــان صـاعـد
ان طـاح مـن عينـي .. تكـسـر ضلـوعـه
ومـايــدري ان الـقـلـب مـهـمـا تــراعــد
مـاهـو بمـاشـي تـحـت امـــره وطـوعــه
والـراس .. الا الـراس يــا بــو مسـاعـد
ابعـد علـى المزيـون مــن حــب كـوعـه

[نــجــم]

قصيدة : السكوت بمثل هالحاله .. حرام

قـولـي أيّــة سالـفـه .. لاتسكـتـيـن
السكـوت بمثـل هالحالـه .. حــرام
انتـي فـي هاللحـظـه لــو تتكلمـيـن
هـلـت أمـطـار المـحـبـة والـغــرام
لـيــه تختصريـنـهـا فـــي كلمـتـيـن
وانـتـي أول وآخــر حــدود الـكـلام
لـي متـى وانتـي تبيـن ومــا تبـيـن
لي متى والدمـع مثـل الأبتسـام ؟؟
لــي مـتــى ياعـاشـقـة تتجاهـلـيـن
دعوة الحب .. وعلامات الهيام ؟؟
لـو جحدتـي .. ماقـدرتـي تجحـديـن
لون وجهك .. والغلا .. والأهتمام
لـمـحـي لـــي بـالـغـلا لا تستـحـيـن
الـهـوى مافـيـه عـيــب ولا مـــلام
صارحينـي وأفتحـي بــاب الحنـيـن
خلي شمـس الحـب تقتـل هالظـلام
الهـوى لا صـار مدفـون وسجـيـن
صـار مثـل الجـمـره الـلـي ماتـنـام
تحتـرق فـي داخـل القلـب الحزيـن
وعـيـن راعيـهـا يفارقـهـا المـنـام
لايطـول الصـمـت بـيـن العاشقـيـن
وأنتـظـار العاشقـيـن بـألـف عـــام
هــي تـراهـا كلـهـا فـــي كلمـتـيـن
يـاهـلال الـبـوح طـولــت الـصـيـام
صدقـيـنـي لـــو نـثـرتـيـه الـحـنـيـن
هـلـت أمـطـار المـحـبـه والـغــرام

[نــجــم]

قصيدة : القلب الصناعي

لـيــه ياقـلـبـي تـسـرعـت بـغـرامــك
أندفـاعـي كـنـت بالـحـيـل أنـدفـاعـي
كـان لـك قـدرك وعـزك واحتـرامـك
ليـه فليـت بوهـم حبـك شـراعـي ؟؟
لاتلـوم اللـي مــن الحـرمـان لامــك
وأنـت مـن سبّـب عذابـي والتياعـي
انخدعـت برعشـة الـحـب وهيـامـك
مادريـت انــك تـبـي تـلـوي ذراعــي
قلي وشفيك متغير .. وش علامك ؟
لاالطبـع طبعـك .. ولاهـذي طبـاعـي
غلطتـك كانـت كبيـره .. وانهـزامـك
كــان اول خـطـوة بـسـكـه وداعـــي
كنت غالي .. كنت عالي في مقامـك
كـنـت ياقـلـبـي حـبـيـب واجتـمـاعـي
وكنـت طيـب كــان يعجبـنـي كـلامـك
وكان لك فكر وشعور انسان واعي
وصــرت متـمـرد وملـنّـك عـظـامـك
وقـمـت تتـصـرف وكـنـك ماتـراعـي
وطحت من عيني وغيـرت التزامـك
وانطباعـي عنـك مـاكـان انطبـاعـي
روح ياظالمنـي فـي عتمـة ظـلامـك
لاتعذبـنـي وتـسـعـى فـــي ضـيـاعـي
طول عمري وانا صايم من صيامك
ليه تفطـر بالهـوى مـن غيـر داعـي
لاتحـلـل مــن هواجـيـسـك حـرامــك
ولاتلـبـسـنـي عــذاريــب وقـنــاعــي
طعني ياقلـب العنـا وانسـى غرامـك
والا بـدلـنــاك بـالـقـلـب الـصـنـاعـي

[نــجــم]

قصيدة : يامدمي الحرف

يــاكــبــر حــــظ الـقــصــيــد ان دار بــأفــكــارك
يـســهــر عـيــونــك ويـشــغــل كـــل تـفــكــيــرك
يـامـدمــي الــحــرف لاتـجـرحــنــي بـأشــعــارك
وانــا اكـثــر انـســان مـعـجــب فــي تـعـابــيــرك
كــن الـقـصـيــد ابـتــلا بـالــنــاس .. واخــتــارك
وخــلاك رمــزه .. وحـطــك فــوق عــن غـيــرك
غـيّـرت قـي لـهـجـتــه .. وأسـرفــت بـأصــرارك
لــيــن أنـحــنــت هـامــتــه مـــن قـــوّ تـأثــيــرك
ورد الـقـصــيــد ان ذبــــل مــاتــذبــل ازهــــارك
يـبــقــى عـبــيــرك ويـبــقــى حــلـــو تـعــبــيــرك
عــزلــلــه انــــه عــــلا بــالــقــلــب مـــقـــدارك
ولاارتـفــع فــي سـمــاء قـلـبــي ســوى طـيــرك
مــاعــاد يـنــبــاع فـــي ســوقـــك .. وديــنـــارك
مـاعــاد يــرخــص ولـــو تـكــثــر مـخـاســيــرك
مـاتـتــعــب الــرجــل مـــن دربـــك ومــشــوارك
لـلـحــيــن ومــازلـــت تـغــريــنــي مــشــاويــرك
يـالـلـي فـضـحـت الـوجـود .. وغـبـت بـأسـرارك
وشــلــون قــلــي وسـاعــدنــي بـتـفـســيــرك ؟؟
وشــلـــون أجــاريـــك بــالأشــعــار واشـــــارك
وانــا اكـثــر انـســان مــغــرم فـــي تـعـابــيــرك

[نــجــم]

قصيدة : ليت قلبي لاتذكر دانته

لــيــت قـلـبــي لاتــذكــر دانــتــه
ماتجرحـه الضلـوع الـيـا شـلـع
الحبيـب الـلـي عيـونـي صانـتـه
ما انخلق غيره بقلبي وما طلـع
المـشـاعـر بالـحـشـا ماخـانـتـه
لو يجيني منـه هوجـاس و ولـع
ويش اسوي فيه وفـي حصانتـه
ينشـلـع قلـبـي وهــو ماينـشـلـع
بـيـن امــان الله وبـيـن امـانـتـه
خـايـف يـدمــر حـيـاتـي بـالـدلـع
مــن كــرز فـمـه الــى رمـانـتـه
ذاب قلبي من الوصايف وانملع
ظـالــم وبالـيـنـي فــــي ادانــتــه
بـس ظلمـه حـلـو حـيـل وينبـلـع
والعـذول اللـي سفـهـت اهانـتـه
راح في غلّـه وذاب مـن الهلـع
لــو يجيـنـي مــن يـبـي مكـانـتـه
قلت له وانـت بكرامـه .. انقلـع

[نــجــم]

قصيدة : عين عذاري

يـاعـذاري لــو قريـتـك مـــا كتـبـتـك
هـذا هـو حظـك وهـذا هــو نصيـبـك
ازداوجـيــة خمـيـسـك ويـــا سـبـتـك
تحجـب التشخـيـص وتحـيـر طبيـبـك
الغـريـب انــي غـريـب وماشـربـتـك
يـاعـذاري لـيـه صديـتـي غريـبـك
كــل مافـكـرت وركـــزت وحسـبـتـك
ضاعت الحسبه .. وقلت الله حسيبك
لو عجبـت الكـون كلـه .. ماعجبتـك
كبريـائـك يقـتـل احسـاسـك وطـيـبـك
وان رحلت وقلت : عنـي ماكسبتـك
أمطـرت عيـنـك .. وغــرّد عندليـبـك
بوحـي المجنـون يصغـر عنـد كبـتـك
ولايــوديـــك الــكـــلام ولايـجـيــبــك
غامضتني مـن خميسـك ليـن سبتـك
يـاسـبـب كــــل الـغـرابـيـل لحـبـيـبـك

[نــجــم]

قصيدة : راضــي

يابنت انا راضي .. ومـا زلـت راضـي
والزود في دنيا الهوي يشبـه النقـص
هـذي ثــلاث سنـيـن والقـلـب فـاضـي
مـا استعمـره لليـوم هـذا ولا شخـص
الماضي مات .. وكـل مافـات ماضـي
وأنا بحياتي حر .. وادرى .. وأبخص
قـنـوع ومـدمـن فلسـفـه وافـتـراضـي
ويغلب على شخصيتي طابع الحرص
اقطف مـا لاق لخاطـري مـن فياضـي
وامسك عصا قلب المحبه من النص
وخيـالـي مــا تستوعـبـه هـالاراضـي
غالي..واعيش بعالم البخل والرخص
و واضح .. ولكن مـا أحـب التغاضـي
ان عرضـونـي للمـلامـات والفـحـص
واصيـر بيـن العـيـن والقـلـب قـاضـي
ان شفت عيني تصد.. والقلب يرقص
واذا امتلى روض المشاعر وفاضـي
أخــاف أكـبـر لقمـتـي حـيـل وأغــص
الحـب الاول مـات .. والقلـب فـاضـي
ولليـوم هـذا مــا ملكـنـي ولاشـخـص

[نــجــم]

قصيدة : العذاريب

يـالـلــي تعـاتـبـنـي عــلــى مــــا جــرالــي
خــل الـعـتـب عـنــك .. وخـــل الـعـذاريـب
لا مـــــا يـعـذربـنــي كــثــيــر احـتـمــالــي
لو شفت صبري عن كثير الخطاء .. عيب
مـــادام راســــي مــــا تـنـاســى عـقـالــي
وش لــي بـنـاس ماتـعـرف المـواجـيـب !!
وان كــان طـيـبـي صـــار يـشـبـه هـبـالـي
الله يــزيــد هـبـالــي .. ويـزيـدنــي طــيــب
الـطـيــب يمـسـكـنـي قــلـــوب الـرجــالــي
أصــيــدهــم مــــــن دون دم ومـخـالــيــب
وان غّــــرك أهـمـالــي وقــــل أنـفـعـالــي
لاتـحـســبــنــي جــــاهــــل بــالأســالــيــب
مـــن كـثــر مـــا جـــارت عـلــيّ اللـيـالـي
أخـــذت مـنـهـا وســـع صـــدر وتـجـاريـب
والـصـبـر يـبـقـى ذخـــري وراس مــالــي
والطيـب يـرفـع راســي فــوق المراقـيـب

[نــجــم]

قصيدة : مرحــبا بك

مرحبا بك .. لو تغيب شوي وترجع .. مرحبـا بـك
أنـت عنـدي بـكـل لحـظـه يابـعـد عـمـري .. جـديـد
فـي غيابـك .. توقـف الساعـه ودمـي فـي غيابـك
كنـك انــت الـلـي زرعــت السـاعـة بــدم الـوريـد
يـوم جابـك .. ربـي الـلـي بالـغـلا والـزيـن جـابـك
جـاب لـك قلبـي هديـه.. وجـاب لــك راس العنـيـد
مــن عـذابـك .. أتـلـذذ فـيـك .. وامـــوت بـعـذابـك
وكـل مــا يكـبـر عـذابـك .. كــل مــا زان القصـيـد
لو حكا بك من حكا بك .. ما سمعت اللي حكا بـك
هرجهـم مثـل الـورق .. وابـواب قلبـي مـن حديـد
ما سرى بك هاجس الفرقى .. ولكن لو سرى بك
ما أنت ساري عن نظـر عينـي ولـو تسـري بعيـد
يـاهـلابـك .. قلـتـهـا مـــن كـــل قـلـبـي يـاهـلابــك
مــن عرفـتـك ياحبـيـبـي لآخـــر الـقــرن الـجـديـد

[نــجــم]

قصيدة : الجفاء دمه ثقــيل

مـا هقيـت ان الجـفـاء دمــه ثقـيـل
ليـن مـا ذوقتنـي .. طعـم الـوصـال
ياحبيـبـي كـــان هـــذا المستـحـيـل
هات باقـي المستحيـلات .. وتعـال
أنت عـذرك يـا بعـد عمـري جميـل
وشوفتك عندي طموح وراس مال
مـا اتخـلاّ عنـك لـو طــال الرحـيـل
دام بالمليـون .. باقـي لـي أحتمـال
لـك حبيـب مـا شكـى طـول النخيـل
عن عذوق الوصل.. يكفيه الظلال
يـمـكـن الأيـــام وعـذوقــك تـمـيــل
ماعلى الدنيا ولا العاشـق.. محـال
يــوم ربــي حـطــك لقـلـبـي خـلـيـل
حط فيك من الغـلا .. كثـر الجمـال
وخلا فيك الوصـل عـذروب ودليـل
حتـى ماتـوصـل الــى حــد الكـمـال

[نــجــم]

قصيدة : ما أحبك

مـا أحبـك .. بـس أنـا مـيـت علـيـك
وانـت تـدري وشكثـر عنـدي غـلاك
الـغـلا كــل الـغــلا .. مـنــك وفـيــك
كـن مافـي الكـون مخلـوق ســواك
كــل ماجـيـت أبـتـدي بــك وأنتهـيـك
أبـتـدى فـيـك الـغـلا .. ولا أنـتـهـاك
الـغــلا والـشــوق يجـذبـنـي الــيــك
والحـلا والزيـن .. يرفـع مسـتـواك
وحـبـك بقلـبـي عـلـى حـطـت يـديـك
ومـا تـزال الــروح تتنـفـس هــواك
مملكة قلبـي .. عليهـا أنـت المليـك
ومملكة عيني .. عليها أنت الملاك
مـاعـلـي خـــلاف دام انـــي أبــيــك
وماعليـك خـلاف .. دام انـي معـاك
لــو أبـيـع العـمـر كـلـه واشـتـريـك
ما خسرت .. وكل عمري ما كفـاك
ياحبـيـبـي دام قـلـبـي لـــك شـريــك
لاتعانـدنـي .. عـسـى ربــي يـهـداك
حبنـي بالحيـل .. لـيـن امــوت فـيـك
ومــن بعـدهـا مرحبـابـك يـالـهـلاك

[نــجــم]

قصيدة : الغــيره

اي والله أغــار .. وأتـعــب حـيــل واعـانــي
والـغــيــره مـعـذبـتـنـي .. قــبـــل تـعـذيــبــك
الـلـي بقلـبـي يـجــي فـجــأه عـلــى لـسـانـي
مدري شسوي بها .. وما ادري شسوي بك
أدري بـــــك انـــــك تـحـمـلـهـا عـلـشــانــي
مــــن دون لاتـشـتـكـي .. والله داري بـــــك
لـكـنـهــا جــمـــره .. ومــاهـــي بـأمـكـانــي
والله مـاتـنـطـفــي .. لـــيــــن الله يـجــيــبــك
يـاصـاحـبـي بــــس .. لاتـلـعــب بـوجــدانــي
حــرام تسـكـت .. تــراك أخجلتـنـي بطـيـبـك
حـــاول تعـاتـبـنـي .. او حــــاول تـنـاسـانـي
لعـلـي أنــدم مــن الغـيـره .. وأهــذري بــك
والله مــدري مــن المخـطـي عـلـى الـثـانـي
هــي غيـرتـي .. والا عفـويـة اسالـيـبـك ؟؟

[نــجــم]

قصيدة : صاحبي لاغبت لاتشره علي

صاحبـي لاغبـت .. لاتشـره علـي
أنت من علمني .. أسلوب الغياب
أبتلـيـت .. وجـيـت مثـلـي مبـتـلـي
وأستـويـنـا بالخـطـايـا والـعـتــاب
لاتعاتبـنـي .. تــرى مـانـي خـلــي
تونـي ارتـاح مـن طـرد الـسـراب
وأنت ناعم .. انت ترف ومخملـي
بس شرهاتـك علـى قلبـي عـذاب
ليـه مـا علمتـنـي .. او قـلـت لــي
قبل ماترحل وتفقدني الصواب ؟؟
رحــت مـاتـدري بهـمـي وزعـلـي
ولاحسبت لعاشق عيونك حسـاب
ويوم كيّـف خاطـرك .. رديـت لـي
تبتسم .. وتقول : ليه الأكتئـاب !!
الله يحـيـيـك .. ولاتـزعــل عــلــي
أن تغيّبت .. وهذاك الشوق غاب
ماتعلـمـت القطـاعـه مـــن هـلــي
بـس أنـا بعلمـك .. معنـى الغيـاب

[نــجــم]

قصيدة : تصبح على خير

رح نـام يالغالـي .. وتصبـح علـى خـيـر
لا يـابـعــد دمــــع الـعـيــون وسـهـرهــا
وشـلــون تـسـهـر يـاصـبـاح التـبـاشـيـر
والشمس وجهك .. والعرب تنتظرها ؟؟
رح نــام لاتسـهـر .. وخـــل الجمـاهـيـر
تنسـى الـظـلام .. ومــا تنـاسـى قمـرهـا
وأتركـنـي أسـهـر مــع بقـايـاك واصـيـر
سحـابـة العـشـق .. وقصـيـدي مطـرهـا
وأهـلّـهـا وصـــف وقـصـايـد وتـصـويــر
مــن ســـاق فـتــان الـقـلـوب لشـعـرهـا
يـاسـيـدي لــــو لـلـغــلا مــنــك تـفـسـيـر
مـا شفـت نفـسـي تشتـكـي مــن كـدرهـا
وقصيـدتـي لــو ترجمتـنـي الـــى الـغـيـر
كـــل يـشـوفــك فــــي زوايــــا بـحـرهــا
والكـلـمـه الـلــي غـيــر كـــل التـعـابـيـر
لــو بختصـرهـا .. مـاقـدرت أختـصـرهـا
اي والله أحـبـك .. وولـهــان .. واغـيــر
وأمـوت فيـك .. وعـزتـي مــا اخسـرهـا

[نــجــم]

قصيدة : أســبوع

أسـبـوع يالظـالـم وأنـــا مـــا أقـــدر أنـــام
يـــا قـــوّ قـلـبــك يــــوم رحــــت وتـغـيّـبـت
أسبوع .. وصار أسبوع عن سبعة أعوام
مــات وحـيـا قلـبـي مــن السـبـت للـسـبـت
الـمـسـألــه مــاهـــي بـتـرتــيــب الأيــــــام
الـمـســألــه انــــــي جــفــلــت وتـهـيّــبــت
يــامـــا عـلـشــانــك تـمـنــيــت الأحــــــلام
عـلــى الاقـــل أشـــوق طـيـفـك اذا غـبــت
نــطــرت وأتـعـبــت الـقـوافــي والاقـــــلام
وبغيـت أمــوت مــن الهواجـيـس والكـبـت
وأنــت بسـلامـة عـمـرك تـعـض الابـهــام
وتـقــول يالـغـالـي .. عـســى ماتـعـذبـت !!
الله بـــلانـــي يــــــوم كـــذبّـــت الأفـــــــلام
وانــي عـلــى فـرقــى المـوالـيـف عـيّـبـت
قـبـل الـغـيـاب .. وحـالـتـي جـلــد وعـظــام
وعـقـب الغـيـاب .. أبـشـرك بــس شـيّـبـت

[نــجــم]

قصيدة : العتاب العذب

دخيـلـك لا تعاتبـنـي .. وخــل الـقـلـب لأجـراحــه
أنا ما اقوى العتاب العذب .. واللي صار يكفيني
ترى بعض الحروف اليا غسلها الدمع .. ذباحه
تـرفـق لا تـزيـد الـنــار مـــن دمـعــك وتكـويـنـي
أبـونـا آدم نــزل مـــن جـنـتـه بـأسـبـاب تـفـاحـه
دخيلـك لاتـكـرر غلطـتـه .. وتطـيـح مــن عيـنـي
تـرى خيـط الخـرز لـو ينقـطـع وأنـفّـل مسبـاحـه
نضيع .. وما طوى خيط الخـرز ماهـو بطاوينـي
تـركــد لاتـطـيـع الـهـاجـس ويـغـريـك بصـيـاحـه
وقــل للـعـاذل أبـعـد لا يـجـي مــن بيـنـك وبيـنـي
تشوف الجرح ينزف .. والهموم تساوم الراحه
علامـك ياطبيـب الأمـس .. ماتقـدر تداويـنـي ؟؟
تعال أسكـن وسـط قلبـي .. تعـال وجـدّد أفراحـه
تــراك أنــت الوحـيـد الـلـي يمـوتـنـي ويحيـيـنـي
واخذ قلبي على قدر الخطاء اللي سبب اجراحه
ترى الدنيا ولاتسوى .. وأنا اللـي صـار يكفينـي

[نــجــم]

قصيدة : تلمــيح

تـعـبـت مــن كـثــر مــا اسـولــف .. وألـمــح لــه
عــزلــلــه انـــــه دمـــــر حـــالـــي وبــهــذلــنــي
الـغــالــي الــلــي عـــن الـــزلات ســامـــح لــــه
فــي مـثــل مــا أعـامـلــه .. لـيــتــه يـعـامـلــنــي
أسـبــوع كـامــل وانـــا كـــل يـــوم أوضـــح لـــه
أبـــيـــه يــفــهـــم .. ولا كـــنـــه مــقــابــلــنــي !!
مـــدري يـتـغــابــى .. ويـنـطــرنــي اصـــرح لـــه
مــدري يـتـغــلا عــلــي .. والا يـتـجـاهـلــنــي ؟؟
اسـأل ويـسـكــت .. وأرد أســال .. وأصـلــح لــه
أبــيـــه يــجـــاوب .. ويـقــهــرنــي ويــســألــنــي
تـصـعـب عـلـي حـالـتـي مـن كـثـر مـا أشـرح لـه
وان شـفــت زولـــه بـــدون شــعــور سـهـلّــنــي
وبـالــذات انـــا بـالــغــزل .. ثـقـافــتــي ضـحــلــه
لــكــنـــه الـــشــــوق عــلــمــنـــي وغــازلـــنـــي
يـاقــلــب يـالــلــي مــولــع بـــه ومـنــصــح لــــه
أمــــــــــا تـــجـــنـــنــــي .. والا لاتــعـــقـــلـــنـــي
لاتـشــتــكــي وانــــت تــــوك بــــأول الــرحــلـــه
وتـحــمــل الــلــي يــجــي مــنــه .. وتـحـمـلــنــي
الـلـيــل لــو يــدري وش ســـوت بـــي الـكـحــلــه
كــــان اســتــحــي مــنـــي وحــــرّم يــزعــلــنــي
والله لــــــولا الــشـــهـــد لاصــــــد يــالــنــحــلــه
مـيــر الله أغـرانــي فــي شـهــدك .. وبـهـذلــنــي

[نــجــم]

قصيدة : الحقيـقه

مادمـت أنـا جاهـل .. ولا أعـرف الأعـراب
عطيـنـي تفـسـيـرك لكـلـمـة .. صـديـقـه ؟؟
قـولــي الحقـيـقـه دام انـــا صـــرت كـــذاب
وكــــلــــي آذان صــاغـــيـــه لـلـحـقــيــقــه
لــو كـانـت الـقـصـه .. شـقــاوة واعـجــاب
مــا كـنـت اسـبـب لــك اذا غـبـت .. ضيـقـه
ومـا كنـت أغــار ويمتـلـي صــدري عـتـاب
ان جـيــت ومـاشـفـت الــزهــر بالـحـديـقـه
لـيـه نتجـاهـل صوتـنـا الـلــي ورى الـبــاب
ونـمـشــي بـــــدرب كـلــنــا مـــــا نـطـيـقــه
الـيـا مـتـى نسـكـت عـــن الـلــي بـالألـبـاب
ونـخـلــي الـكـتـمـان .. أفــضـــل طـريــقــه
ونضحك .. وحنا نعيش في حرق الأعصاب
عـلــى أنـتـظـار الــبــوح .. بــأيّــة دقـيـقــه
صـــداقـــه الـــرجّـــال لـلـبــنــت تــنــعـــاب
ولامـجـتـمـعـنــا يــعــتـــرف بـالـصــديــقــه
أنـتــي وأنـــا احـبــاب وأحـبــاب وأحــبــاب
وهـــذي الحقـيـقـه .. ان بغـيـتـي الحقـيـقـه

[نــجــم]

قصيدة : ابتـــسم

أبتسم .. تلقى المرايـا .. تبتسـم لـك
وأن زعلت .. تشوفها تزعـل عليـك
وان تكلمـت بصراحـه .. نتفهـم لـك
وان كتمت الشوق .. محد حس فيك
أنسجم مع الظروف .. وتنسجم لـك
وشـوف كـم أنـسـان بالعـالـم يبـيـك
صرت تقدر تملـك .. وماكنـت تملـك
وصارو خلق الله .. خواتم في يديـك
لا تورينـي دموعـك .. وأنـهـزم لــك
وأنـت فـي قلـب العنـا مالـك شريـك
ياحبيـبـي .. دام قلـبـي مبتـسـم لـــك
أبتـسـم لــي والـلـي يـرحـم والـديـك

[نــجــم]

قصيدة : ثلاث أوراق

باقـي مـن الدفـتـر .. ثــلاث أوراق
مـــا لوثـتـهـا .. غـيـمـة شـجـونــي
خـذ مـا تبـي .. والقلـب لـو يشتـاق
يلـقـى الـعـزا فــي محـجـر عيـونـي
إن ضاقت الدنيا .. وصـدري ضـاق
فـلـيّــت جـنـحـانـي عــلــى هــونــي
مـاعـنـدي أردى مــنــك يـالـخـفـاق
لـــو تـرتـعـد .. وتـزلــزل ركــونــي
الـخـيــر واجــــد .. والله الــــرزاق
والحـبـر .. مـثـل الـدمـع بجـفـونـي
مـــا يـنـكـتـب الا مــــن الأعــمــاق
مـهـمـا الـخـلايـق فــيــه لامــونــي
نــاس ٍ تبيـنـي مــر ومــا أنـــذاق
عــنــيــد .. والا مــــــا يـحــبــونــي
يبـونـي لـجـرح الـهـوى .. تـريــاق
ويـبـونـي أذكــرهــم .. ويـنـسـونـي
وأنــا بـشـر .. وأعـانـي الأشــواق
ومـــا أحـــس الا الـلــي بمكـنـونـي
مخـلـوق وأمـشـي بـدبـرة الـخـلاق
مـاهــوب هــــم الــلــي يـمـشـونـي
مـشـاعـري تـفـتـح لــــي الآفــــاق
والـــنـــاس لـــلـــوادي يــحــدونــي
شافوا مطر عمري .. بعشر اذواق
لـكـنـهـم مــــا شــافـــوا مــزونـــي
ومـحـدٍ يـحــس بـحـيـرة المـشـتـاق
الا بـالـلـي بـالأشــواق مسـجـونـي
ياصاحبي .. لا ما أنثنـت لـي سـاق
مـهــمــا يـشـيــلــون ويـحـطــونــي
مــن قــال ان الحـمـل مــا يـنـطـاق
يجـي ويشـوف اللـي علـى متـونـي
مـــادام بالـدنـيـا وصــــل وفــــراق
ياكـثـر مــا تــورق لـــك غـصـونـي
ولا تحسبـن الـجـرح تــو مــا فــاق
مـبـطـي وأنـــا سـاكــت ومغـبـونـي
مـاقــلــت لــلــزعــلان بـالـطــقــاق
مـهـمــا عـتـابــه خــيّــب ظـنــونــي
تحـكـمـنـي الــعــادات والأخـــــلاق
مــن قـبـل مـــا تحكـمـنـي طـعـونـي
ودام الـنــدم .. ضـريـبـة الأخـفــاق
يبـقـى الشـعـر .. ضريـبـة جـنـونـي

[نــجــم]

قصيدة : انا بشر .. أحب .. وأكره

أنـا بشـر .. أحـب .. وأكـره .. وأنـازل
لكن لي اسلوبي .. وغيري له أسلوب
أصــد عــن درب الـدنــس والـمـهـازل
ومانيـب فـي طـرد المقفيـن مغـصـوب
وأحــط بـيـن العـقـل والـقـلـب عـــازل
أن شفت وضعي صار ماهو بمرغوب
وأذا وصلـت للـراس .. مانـي متنـازل
أرخص بها .. لو كنت غالي ومحبوب
وش عــاد لـــو ثـــارت بقـلـبـي زلازل
يكفينـي أرحــل وأنــا مـانـي بمطـلـوب
الله خـلـق لــي مـثــل غـيــري مـنــازل
لـي ذنـب .. والعالـم لهـا مثلـي ذنــوب
مـاكــل حــــب ٍ يـبـتــدي بـالـمـغـازل
وماكل فرقـى تجـرح القلـب .. ونتـوب

[نــجــم]

قصيدة : الهيــــبة

إن طحت ما طاحت العزة ولا الهيبه
أطيـب رجاجيـل خلـق الله قـد طاحـت
العيب ماهـو بحسـن الظـن والطيبـه
العيـب فـي دمعـة الرجـال لا ساحـت
الذكر يبقى .. وكل النـاس تـدري بـه
ماعذربتـه الكبـود السـود لـو فاحـت
والرجـل يصبـر ولـو تكثـر مطاليـبـه
مايرتخي عزمه من النفس لو ناحت
من ساورته الشكوك وطاول الريبـه
يبيـح سـده لـو ان النـاس مـا بـاحـت
الـحـر فـعـلـه يـبـيـن فـــي مخالـيـبـه
ودجاجة عـدي ماصاحـت ولا راحـت

[نــجــم]

قصيدة : ملامح ضيقـتك

أقـراء ملامـح ضيقـتـك فــي عيـنـك الـلـي ماتـبـوح
أحــســهــا .. لـومـاتـبـيـنـي أنــتــبــه لأحـسـاســهــا
أشــوف هـمــك بالـعـيـون الـلــي مدامـعـهـا تـلــوح
لـكـنـهـا مـاتـرخــص الــدمــع .. وتــحــدت يـاسـهــا
ما أنت بعلى بعضك .. وكلماتك مـن الضيقـه تفـوح
حــرام تـحــرق ورد خـــدك مـــن لـهـيـب أنفـاسـهـا
وشفيك ضايق .. منهو اللي كدّر الوجه الصبوح ؟؟
لــو انـهـا الدنـيـا وهــي الـدنـيـا .. لأنـــزل راسـهــا
قـلـي عـلامـك لا يـطـول الصـمـت وتـزيـد الـجـروح
شف شمس موعدنـا هفـت .. والليـل دق أجراسهـا
بـاقـي دقـايـق مـــن وعـدنــا .. لاتخلـيـنـي وتـــروح
وأن رحت قلي وش يفـك النفـس مـن وسواسهـا !!
أضحـك ووسـع خاطـرك .. ياصاحبـي خلـك مــزوح
الـريــح تـنـطـر ضحـكـتـك .. ومـوقـفــه نسـنـاسـهـا
قد قلـت لـي .. لاصـرت ضايـق عانـد وخلـك جمـوح
والـنـفـس مـاتـركــع لضيـقـتـهـا وتــرخــي بـاسـهــا
وقد قلـت لـي خلـك كتـاب أبيـض ويمـلاك الوضـوح
ومـن ينحنـي للعاصفـه .. أعقـل مـن الـلـي داسـهـا
ويـن المبـادئ .. وإبتسامـاتـك .. وهــذاك الطـمـوح
والا سـوالـفــك الـقـديـمـه مــاتـــت بـقـرطـاسـهـا !!
مهمـا تـصـد بنظـرتـك عـنـي .. أنــا لــي فـيـك روح
تشاركـك فــي ضحـكـة أيـامـك .. وفــي هوجاسـهـا
وعيـونـك الـلـي ماتبيـهـا تعـتـرف لــي .. أو تـبــوح
شـف دمعتـك هـذي تراهـا ترجمـت لــي إحساسـهـا

[نــجــم]

قصيدة : العيون الناعسه

مـن منطلـق إعجابـي فـي سـحـر العـيـون الناعـسـه
هلت مزون القلب الأبيض .. شـوق واعجـاب وغـلا
طاح الحطب .. وأستانـس السيـف الحزيـن وفارسـه
تو ما ارتوى مـن نشـوة العشـق وعلـى الهـم اعتـلا
كـانــت هـبـوبـك ياللـيـالـي الـســود فــعــلا قــارســه
لــيــن الله أدفــانــي بـوصـلــك يـاقـوامـيـس الــحـــلا
تــمــردي فـيـنــي .. وصــيــري انــتـــي أول آنــســـه
تـقـلـب مـوازيـنـي وتسـرقـنـي مـــن عـيــون الــمــلا
وخليـنـي اشـبـع مــن هــواك السـرمـدي وامـارسـه
للحيـن وقلبـي مـن غرامـك لـو ملكتـك .. مــا أمـتـلا
وارتاحـي فـي روض الخفـوق .. وهـدمـي مـدارسـه
لا لـلـمـبـادئ الــلــي تــــردك عــنــي يــاريــم الــفــلا
مــن قــال ان الأتجـاهـات أربـعــه .. يالخـامـسـه ؟؟
يالـلـي لعيـونـك ضـافـو لكلـمـة هــلا .. يـــا مـسـهـلا
وشلون ابرحل وانتي سجن القلب .. وانتي الحارسه
وشلـون أبـبـراء وأنـتـي تـريـاق المحـبـه والـبـلا ؟؟
أنتـي السحايـب والمطـر .. وانـا الغـصـون اليابـسـه
وانـتـي الـلـي غيـرتـي حيـاتـي كلبـوهـا مــن .. الــى
أمـــا أمـوتــك مـــن طـعـونـك بـالـعـيـون الـنـاعـسـه
والا أعيشـك لـيـن أمــوت مــن الـغـلا .. والا فــلا ..

[نــجــم]

قصيدة : الدانــه

بـغـيـت أكـتـب بـعـض هـمـي .. وأحـاسـيـسـي .. عـلـى أصـفـى شـي بـالـدنـيـا .. وأصـفـى مـا لـقـيـت الـمـاي
ولـكـنــي لـقـيــت إن الـكـتـابــه فــوق سـطــح الـمــاء .. جـنــون .. ومــن كـتــب لــك يــا بـحــر .. مـجـنــون
أنــا لـــي سـاعـتــيــن أحـــاول أنـــزع ضـيـقــتــي .. وأرمـــي بــهــا وســـط الـبــحــر .. وتــردنــي يـمــنــاي
هـديـر الـمـوج مـا يـسـمــع كـلامــي .. والـبـحــر مــن كــل ضـيــق ومــن هـمــوم الـيـابـســه .. مـشـحــون
كـثــيــر مـــن الـشــبــه بـيــنــي وبـيــنــك .. بـــس عـيــبــك يـــا كـبــيــر الــمــوج والـهـيــبــه .. بـلــيّــا راي
تــثـــوّرك الـهــبــايــب .. وأنــــت نـــقّـــال الأســـيّـــه .. لـــيـــن مـــــا ســـمّـــوك بــالــغـــدار والــمــلــعــون
تـشــيــل مـــن الـتـنــاقــض كــثــر مــوجــك .. يـابــحــر لــلــه درّك .. لــيـــه تـشـبــهــنــي بــكـــل أخــطـــاي
بـسـيــط بـشـكـلــك الـظـاهــر .. ولـونــك أزرق وجــذاب .. وتــحــت الــمــوج فــيــك أســـرار كـــل الــكــون
تـشـابـهـنــي بـهـدوئــك تـالــي الـلـيــل .. وسـعــة صــدرك .. وطـعــم الـمـلــح .. وتـشـبــه دنـيــتــك دنــيــاي
غـريــب .. ومـاحــوى قـلـبــي .. بـقـلـبــك تـحـتـويــه .. وصــرت أنـــا ويـــاك مـفــتــون وعــشــق مـفــتــون
حـفـظـت الـدانـه بـوسـط الـصــدف .. فــي غـبـتــك .. والـقـلــب مـثـلــك حـافــظ الـدانــه .. بـوســط احـشــاي
عـسـاك تـصـونـهـا .. مـثـل الـضـلـوع الـلــي بـراهــا الـبــرد والـلاهــوب .. ومـاتـكـشــف عــن الـمـكـنــون
أنـا ادري فـيـك .. مـلـيـت الـقـصـيــد .. وكـثــر هـرجــي .. عــن هــذاك الـجــادل .. الـلــي حـدنــي لأقـصــاي
ولــكـــن .. اعـتــبــرهــا يــابــحــر آخــــر حـكــايــاتــي .. وخــــل الــســـرّ بـــيـــن أمــواجــنـــا .. مـــدفـــون

[نــجــم]

قصيدة : مـا أسامحــك

الجفاء .. والهجر .. والدمع الحزين
لـو يسامحـنـي .. أنــا مــا أسامـحـك
كـفـهــا يـمـنــاك يــابــو ضـحـكـتـيـن
تـنـقـطـع يـمـنــاي يــــوم اصـافـحــك
مابقـالـي قـلـب يـهــدي لـــك حـنـيـن
ومــا بقـالـي طـيـب حـتـى اصـالـحـك
بـخـتـصـر كــــل الــكــلام بكلـمـتـيـن
وأتـرك حــروف القصـيـد تصـارحـك
لــو طعـنـت الـشـك بـأرمـاح اليقـيـن
مـا أنـت محييـنـي .. ولانــي ذابـحـك
ولو جلبت الماضي والعـذر السميـن
مــــا تنـسـيـنـي هــــزل مـســارحــك
ولــو تصنـعـت الـوفـاء والدمعـتـيـن
فــي عـيـونـي .. تـعـتـرف مـلامـحـك
قـبــل ماتـكـشـف خـفـايـاك السـنـيـن
كـــان دمـعــك بالقـصـايـد فـاضـحــك
أدفــن الـلـي فـــات بـتــراب الأنـيــن
وأحـفـظ الـبـاقـي وســـط جـوارحــك
ورح فـمــان الله يـالـدمـع الـحـزيــن
لو تسامحـك البشـر .. مـا اسامحـك

[نــجــم]

قصيدة : فديــــــتك

يابعـيـد الــدار .. وأطـيــب قـلــب بالـدنـيـا .. فـديـتـك
ليـه ترحـل .. قبـل مــا يشـبـع خفـوقـي مــن غــلاك
جيـت ابمسـح دمـعـة الفـرقـى .. ولـكـن مــا لقيـتـك
مـالـقــيــت الا دمـــوعـــك بـالـمـنـاديــل وشـــــــذاك
قلـبـي الـلـي مــن عرفـتـك صــار مملكـتـك وبـيـتـك
ايتـشـرف فــي حـضـورك .. ويتشـافـا مــن هـــواك
أيـه احبـك .. وأعـرف انـي لـو نسيتـك .. مانسيـتـك
مــن يحـبـك يابـعـد عـمـري .. يـمـوت ومــا نـســاك
انـت مثـل الدمـع فـي عينـي .. وعمـري مــا بكيـتـك
أسترك في وسط عيني .. وأحضنك .. وأسهر معاك
لـو عطيتـك كـل عمـري .. اشعـر أنـي مــا عطيـتـك
الـعـطـايـا لـلـبـشـر .. والا أنــــت يـالـغـالـي مــــلاك
ولـو شربتـك ألـف مـره وألـف مــره .. مــا رويـتـك
تمتـلـي مـنـك عـروقـي بـــس مشكـلـتـي .. ضـمــاك

[نــجــم]

قصيدة : العهد القديــم

حـبـيـبـي لا تعـلـمـنـي .. انــــا أدرا فــــي عـذاريـبــي
ولـك الله مـا اتغيـر طـول عمـري .. وهـذي اخـلاقـي
مـادام ان الـوفـاء عـيـب الحبـايـب .. ياحـلـو عيـبـي
عـســى عـيـبـي يـكـبـر صـورتــي بـعـيـون عـشـاقـي
أنـا قبـل أمــس الأول بــس مــدري شـصـار ترتيـبـي
خلطت أوراق فوق أوراق .. ولاأدري وينها أوراقي
أبـــي افـهــم وش الـلــي تسـتـفـيـد بـكـثــر تـعـذيـبـي
وأنـــا مـسـلـم وأخـــاف الله .. ولاغـيــرت مـيـثـاقـي
إذا ودك اســــوي فــيــك مــثـــل الــلـــي تـسـويـبــي
تفـضـل واشــرب دمــوع الـنـدم يـاحـضـرة الـسـاقـي
تــرى مـاهـو غـريـب أنــك تنـاسـى عطـفـي وطيـبـي
ولـكـن الـغـريـب أنـــك الـيــن الـحـيـن بأعـمـاقـي !!
أشـــوف الـشــوق بعـيـونـك وأدري فـيــك تـدريـبــي
ولــكــنــك تـجـاهـلــنــي .. ولاتــهــتـــم بــأشــواقـــي
وأنـــا لـلـحـيـن أحــبــك مـهـمــا تـتـفـنـن بتـخـريـبـي
وعلـى العهـد القـديـم وكلمـتـي .. للحـيـن انــا بـاقـي

[نــجــم]

قصيدة : الحب الجديــد

لا تطلبينـي أكـتـب لغـيـرك مــن إحسـاسـي قصـيـد
خلينـي أكتـب مـن مزاجـي .. وأكسبـي فينـي أجـر
أبـتـغـزل فـــي هـــواك الـعــذب والـحــب الـجـديــد
ليـن السحـاب المعتـلـي يعـانـق أغـصـان الشـجـر
( ماهوب حباً في عليَ .. ولكـن كرهـاً فـي يزيـد )
أنــا عشـقـت الـمـوت لعيـونـك .. عـنـاداً للـضـجـر
الـفــرق مابـيـنـك وبـيــن الـلــي حوالـيـنـك بـعـيــد
بالضـبـط مـثـل الـفـرق مابـيـن الأصـايـل والغـجـر
أنتـي أنخلقتـي للولـه والشـوق وتـرويـض العنـيـد
وللكبـريـاء وللشـمـوخ الـلـي يلـيـن لـــه الـحـجـر
ألماستـي ومعبـودة إحسـاسـي وتفكـيـري الوحـيـد
وينبوعـي اللـي مـن لمستـيـه بمشـاعـرك أنفـجـر
خليـتـي قلـبـي يـدهـر .. وأنــا خفـوقـي مــن حـديـد
كـن الخفـوق النجـر .. وأسبـاب الـغـلا يــد النـجـر
شققتـي روحـي بالغـلا لـيـن ألـتـوى حـبـل الـوريـد
مـثـل الـظـلام الحـالـك الـلـي شقـقـه نــور الفـجـر
من بعد صوتك .. كيـف أبسمـع للعصافيـر النشيـد
ومن بعد ما مت بغلاك .. شلون أبحيا بالهجر ؟؟؟
ومــع كــل هــذا تطلبيـنـي أكـتــب بـغـيـرك قـصـيـد
أجــري عـلـى الله دام مــا ودك تـسـوي بــي أجــر

[نــجــم]

قصيدة : ميـّت وحـّي

ياكـثـر مــا تـطـري عـلـى الـبـال الأشـيـاء
وإذا ذكـرتـك .. مــا طـــرا لـــي ولا شـــيّ
تستـعـمـر أفـكــاري مـــن الألـــف لـلـيـاء
وأقــــــول يـالـيــتــك تــذكــرنــي شــــــويّ
أنــام عـقـب الشـيـن مــن كـثــر الأعـيــاء
واصحى وأنا حالي من الشوق .. هيّ هيّ
وأروح لــــك وأنــــا مـحــمّــل بــالأريـــاء
الـشـوق يفركـنـي .. وأنـــا أفـــرّك ايـــدّي
أبــي العـيـون الـلـي مــن الـوجـد عمـيـاء
تـشـوفـنــي .. وتــخـــاف خـلاّقــهــا فـــــيّ
يــــا إنــــك تـصــفّــي مـشـاريـبـنـا .. يـــــا
إنـــك تـبـيـح الـــروح مـــن عـالــم الـغــيّ
وأقــول لــك ضمـيـان والـــروح ضـمـيـاء
وأنـــت اتكـاثـرهـا عـلــي رشـفــة الــمــيّ
وأروح ونـفـسـي مـنــك عـمـيــا وصـمـيــا
أردد آخـــــــر بـــيــــت تــتــذّكـــره لــــــــيّ
" لــو للـغـلا تفسـيـر فــي عـلـم الأحـيــاء
مـا شفتنـي ميّـت .. وأنــا مقابـلـك حــيّ "

[نــجــم]

قصيدة : المذيـعه

ياصاحبـي ضـاقـت عـلـي الوسيـعـه
مـن يـوم مـا حجبـت عنـي الرسايـل
كـلــه علـشـانـي مـدحــت المـذيـعـه
وشلـون لـو أمـدح بنـات القبـايـل !!
لأرضاك ألغيت إشتراك "الطليعـه"
وكنسلـت عضويـة قنـاة "الأوائـل"
خليتـنـي أطـبــق مـعــاك الشـريـعـه
وحرمـت عينـي مـن ورود الخمايـل
وسكرت باب القلب ونفسـي مطيعـه
وكتبـت مـن فوقـه : فـقـط للعـوايـل
وعلقتنـي بـيـن الـرجـاء والقطيـعـه
عيـنـي تخـايـل والـخـفـوق ايتـمـايـل
حــرام مــن يشـريـك تـرجـع تبيـعـه
الـلـي يتـقـرب لــك بـكــل الـوسـايـل
سويـت كـل اللـي أقـدره وأستطيعـه
والا أنت والله مدري وشلون قايل ؟
وإعــادة الأرســال صــارت طبيـعـه
من كثـر مـا أرسـل عليـك الرسايـل

[نــجــم]

قصيدة : النـدم

لا تزعلين أن ضاق صدري وصديت
وخليني ارحـل وأبتعـد عنـك بسكـات
تـرانـي مهـمـا غـبــت والا تبـاطـيـت
ياطيبـي لـو طولـت بالـصـد سـاعـات
هذا أنا .. إن رحت ماعمري ابطيـت
وان جيت تلقاني معـك كـل الأوقـات
المشكـلـه مـاهـي بـكـثـر التنـاهـيـت
ولا هي في طـول العنـا والمسافـات
مشكلـتـي انــي لا تضـايـقـت قـفـيـت
وهدمـت كــل الـلـي بنيـتـه بلحـظـات
وإذا شبـعـت مــن التـغـلـي ورديـــت
طقيـت راسـي بالنـدم عـشـر مــرات

[نــجــم]

قصيدة : كروت التعبئه

مـن أول المشـوار وانـت تقـول ماعنـدي رصـيـد
لين إنتيهينـا وأنـت عـذرك .. فـي كـروت التعبئـه
أحرجتني وأحرجـت نفسـك فـي غموضـك ياعنيـد
والا المشـاعـر ماتـبـي الا وضـــوح .. وتهـجـئـه
خلـيـتـنـي لـلـهــم والـغـربــال ولـحــالــي وحــيـــد
وقـابـلـت إحـسـانـي مــعــاك بـكـبـريـاء وسـيـئــه
لو كنت واضح بالهوى .. ومن الصراحه مستفيد
ان كـان ماخليـت قلبـك فــي فـئـه .. وانــت بفـئـه
يمكن تغصب الرجـل تمشـي بالطريـق اللـي تريـد
والقـلـب مايـقـدر يـحـب بغـصـب .. مهـمـا تهيـئـه
حــرارة الـحـب الحقيـقـي ينصـهـر منـهـا الحـديـد
وبـــرودة الإحـســاس مايـنـفـع مـعـاهـا التـدفـئـه
ومادمـت نــاوي بالجـفـاء تطعـنّـي وتـرحـل بعـيـد
أطعنـي فـي كتفـي ولاتطعـنـي فــي وســط الـرئـه
ولاتعـتـذر لــي بالرصـيـد .. وقلـبـك بلـيـا رصـيــد
التـعـبـئـه لـلـقـلـب مــاهــي لـلـجـهــاز الـتـعـبـئـه

[نــجــم]

قصيدة : سود المحاجــر

بس يـا دمـع ٍ مـلا سـود المحاجـر
خف مـن الله وأرحـم العيـن الشقيّـه
مــا كـفـاك إنــك تمـثـنـى بالحـنـاجـر
ليـن ماضاعـت مـعـاك الأبجـديّـه ؟؟
صوتها مثل المطر .. والا أنت فاجر
لـيــه تـســرف بالـعـنـود الأجـوديّــه
مـا بقـى فـي هالخفـوق الا الخناجـر
والـطـعـون الـلــي تسمـيـهـا هـديّــه
لو بغيـت أصـد عـن دمعـك وأهاجـر
ويـن أبلقـى لـي خفـوق يـحـس فـيّـه
والصبـر لـو كـان سلـعـة بالمتـاجـر
كـــان قـلـبـي مـــا تـحـمـل هـالأذيّــه
أمسـح دموعـك وكـحّـل هالمحـاجـر
والله الله بـالــعــيــون الـنـرجـســيّــه

[نــجــم]

قصيدة : كمـّل غيبتك

ياحبـيـب صــد عـنــي وخـلانــي وحـيــد
لا ترد إن طعت شوري .. وكمّل غيبتك
والله إنــي مــا أحــب المعـانـد والعنـيـد
لين ما شفتك ذبحت بشموخك .. طيبتك
خلهـا للصـد وأرحـل عـن عيونـي بعيـد
وأعتبرنـي أول إنسـان يـجـرح هيبـتـك
ليتك تحـس بخطايـاك وبمعنـى القصيـد
قـبـل لا يـذبـل جمالك..وتنـبـت شيـبـتـك
بالمحـبـه مــا يـفـل الحـديـد الا الحـديـد
وما يطفـي جمـرة الشـوق.. الا غيبتـك

[نــجــم]

قصيدة : خمسة بيوت

يالـلـي تحاسبـنـي عـلـى خمـسـة بـيــوت
عمـر القصيـدة مــا احسبـوهـا بالأبـيـات
بـعـض القصـايـد تـآخــذ ايـــام وتـمــوت
وبعض القصيـد يمـوت راعيـه مـا مـات
وبعض القصيد اقوى وابقى من الصوت
خـالـد عـلـى مــر الـزمــن والمـسـافـات
الشـعـر مـثـل الــزاد والـمـاي والـقــوت
ماهـو مـجـرد لعـبـة حــروف وأصــوات
لـو ينحسـب حجـم المسـاحـات بالـحـوت
مـا ينحـسـب حـجـم النـحـل بالمسـاحـات
شـــف الـشـجـر واجد..ولـكـنـه الــتــوت
صغيـرحـجـم وتنـسـتـر مــنــه عــــورات
دام الـقــصــايــد كـفــنــوهــا بــتــابـــوت
قـــــل لـلـقـصـيــدة ياحـبـيـبـي..سـلامـات
الـمـوت أبــرك للقصـيـدة مـــن الـمــوت
بـايـديـن مـــن لا يـفـهـمـون الـعـبــارات

[نــجــم]

قصيدة : لا يا بعد عمري

لا يـابـعـد عـمــري أنـــا مـانــي بـــذرب
في هالمواقـف .. لا ولا أحـب الإحـراج
قلبـي شبيـه القـطـن الأبـيـض إذا حــب
وإذا قسيت .. يصير اقسى مـن الصـاج
أجي بطيبي .. وعمري ماجيت بالغصب
لـو كنـت لـك يـا متلـف الـروح محـتـاج
شـف البحـر فـي لونـه الصافـي العـذب
يخـلـف موازيـيـن الرجـاجـيـل لا هـــاج
حبـيـب والا يــا أريــش العـيـن معـجـب
مـا ينبـنـى بـيـت الفـقـارى مــن الـعـاج
إن كـنــت مـــا ودك تسلـمـنـي الـقـلــب
أنـــا بـعــد مـــا ودي لأمـثـالـك أحـتــاج
الـحـب لــه اسـلـوب واضــح ومـذهــب
مـاهـو سوالـيـف وبـطـولات وإخـــراج
وسجـن الهـوى مـن دش فـيـه وتـعـذب
يـقــول يالله لا يــجــي يــــوم الإفــــراج
لا تـســال الـدكـتـور وأســـأل مــجــرب
بعـض التجـارب درسهـا طــب وعــلاج
لا تـسـتــفــز الـمـحــتــرم والـــمــــؤدب
بعض العـرب وأن هـاج مـا رده سيـاج
مــاكـــل عــيـــبٍ بــالــرجــال يـتـعــيّــب
ومــا كــل بـــاب ٍ يقفـلـونـه بـمــزلاج
العـاقـل يخـلـي الجهـالـه عـلــى جـنــب
مـا ينزعـج لــو ينفـتـح بــاب الإزعــاج
ياكـثـر مــن يـحــرث ويـــزرع ويـتـعـب
ويـا قـل مــن يحـصـد ويـفـرح بالإنـتـاج

[نــجــم]

قصيدة : كــذاب

قلـت الصراحـه .. قـالـو الـنـاس كــذاب
كـذبــت .. وسـمـونـي أمـيــر الـحـبـايـب
واجهـتـهـم .. لكـنـهـا ثـــارت أعـصــاب
جاملتهـم .. وأصبـحـت عـاقـل وصـايـب
عاندتهـم .. وأنفتـحـت بوجـهـي أسـبـاب
سايرتـهـم .. وأقـفـت هـذيــك السـبـايـب
فضحتهـم .. وأصبحـت مـذنـب ونـصـاب
ستـرتـهـم .. شـنــوا عــلــيّ الـحـرايــب
طلبتهـم .. وأنصـك فــي وجـهـي الـبـاب
عطيتهـم .. قالـو لـي يــا ابــو الوهـايـب
رفعتهـم .. وأرتفـعـت أرقــاب وأشـنـاب
نزلتهـم .. صـار أســود الــراس شـايـب
بنيتـهـم .. حـطـو لــي أســوار وحـجـاب
هدمـتـهـم .. قــالــو حــــرام الـخـرايــب
شديـت .. وصـار كلهـم ربـع وأصـحـاب
وأرخيـت .. وخـلـو حـبـل الأيــام سـايـب
أقبلـت .. وصـارو كلهـم دونــي أحــزاب
وأقفـيـت .. وصـــارو كلـبـوهـم قـرايــب
داويتهـم .. قالـو لـي الـجـرح مــا طــاب
جرحتـهـم .. قـالـو لــي الـجـرح طـايــب
حبيـتـهـم .. قـالــو لـــي الـحــب غـــلاب
كرهـتـهـم .. هـلــت دمـــوع وسـحـايــب
واصلـتـهـم .. لقيـتـهـم مـثــل الأجــنــاب
هجرتـهـم .. قـالـو لــك ايـــام غـايــب !!
رفعـت صوتـي .. كلـهـم صــارو أذنــاب
قـصـرت صـوتـي .. وابـتـدوا بالطـلايـب
غـيـرت شكـلـي .. قـالـو رائــع وجــذاب
رديــت شكـلـي .. قـالـو إنـسـان خـايــب
يـاقـلــب لاتــشــره ولاتــبـــدي عــتـــاب
خـــل الـعـتـب عـنــك وخــــل الـنـشـايـب
مافـيـهـم الـلــي يستـحـقـون الإعـجــاب
لــو شفتـهـم كتـلـة غـمـوض وعجـايـب
مــن لا أفتـهـم درس الليـالـي ولا تـــاب
يــمــوت مــــا يـفـهــم ولاهــــو بـتـايــب
ومادمت ساري والقمـر عنـك مـا غـاب
لاعـــاد تـوقــف لــــو تــثــور الـهـبـايـب
ما انت الوحيد اللي مشى الدرب مرتاب
غـريـب وتمـشـي فــي زمــان الغـرايـب

[نــجــم]

قصيدة : الغـــرور

لا تكبريـن اليـا تنـازلـت وقـعـدت اضـحـك مـعـاك
اما اضحكـي .. والا بـلاش مـن التكبـر والغـرور
ما جيتك أبحث عن غرامك وأغتصب منك هواك
لو شفتي هرجي يمد من بيني ومن بينـك جسـور
جيت أنفض غبار الكآبه وأزرع الضحـك بشفـاك
مليت من حزن ٍ أشوفه في عيونك من شهـور
وأثريـك كتلـة مـن فـراغ وعـالـم مــن الإرتـبـاك
مجنونـه بحـب الكـلام الجـارح .. وحـب الظهـور
لـو تطعنينـي مـا طعنتـي غـيـر تفكـيـري بـرضـاك
ولو تملكين الكون كله .. مـا ملكتـي الا القشـور
خـلـي الكـبـر ولا نـقــارن مـسـتـواي بمـسـتـواك
الفرق واضـح .. والنخـل لا مـا يقـارن بالزهـور

[نــجــم]

قصيدة : طولك الفـــارع

مـذهـل ومـزيـون وكـلـك رائــع وبــارع
شـأقـول والا شخـلّـي بجمـلـة أوصـافـك
يــاورد لــو تـجـرح بأشـواكـك الـــزارع
أرخـى عليـك الكفـوف وحـقـق أهـدافـك
ما يزعـل الا النخـل مـن طولـك الفـارع
والخيـزران إن تمـايـل كــل مــا شـافـك
عليـك نبـض القلـوب الخضـر تتـسـارع
وتمـوت مـا لامسـت بالوصـل مشرافـك
سحابـتـك لــو مـطـرهـا بـلــل الـشــارع
ينـبـت عـلـيـه الـربـيـع وورد مصـيـافـك
مـعــذور يـالـتـرف يالمـتـمـرد الـــوارع
لـو ماعجبـك القصيـد وســرج عسـافـك
مع إنك الماضـي ودايـم فعلـك مضـارع
وأقول كل ما أشوفك : عاش من شافك

[نــجــم]

قصيدة : الـدم الأزرق

الـــدم الأزرق بـالــورق لا سكـبـتـه
تنـبـت عـلـى جـيــد اللـيـالـي قـلايــد
إن ماكتبـت أجمـل مـن اللـي كتبـتـه
والا عسـانـي مــا أقـــول القـصـايـد
حـرفـي الـيـا مـنـي نخـيـت وطلـبـتـه
عـوّد علـي ومخلـب الحـرف صـايـد
وإن ما عجبنـي البيـت والا شطبتـه
مـخـزون فـكـري بالطـواريـق كـايـد
أنــا خصـيـم الـحـرف واذا غصبـتـه
تطيـعـنـي غـصــب عـلـيـه الـفـرايــد
والهاجـس الـيـا زاد بالـصـدر كبـتـه
حرفي على التفريج .. راعي عوايد
ان مــا كسبـنـي والا انــا ماكسبـتـه
الـلـيـل لـيـلـي والـسـهـر لـلـوسـايـد
واذا ارتـخـى حـبـل بيديـنـي قضبـتـه
مـا أحـب أكـون بالهمواقـف محايـد
تخـسـرنـي ألـفـاظــي اذا مـاكـربـتـه
لـو مـا كسبـت مـن القصايـد فـوايـد
هـذا خطـاي وذنـبـي الـلـي ارتكبـتـه
إنــي كتـبـت الـــدم الأزرق قـصـايـد

[نــجــم]

قصيدة : الفـــارع


القلب ما استوعبـك مـن طولـك الفـارع
والعين تشربك وماتروى مـن أوصافـك بحور
مـغـرورة بحسـنـك ونـظـرات الخـلايـق وبـشـذاك
وردة .. ولكن للأسف منزوعة إحسـاس وجـذور
لاتسبقيـن أحـداث عمـرك وانتـي فـي أول صبـاك
وانتبهي لنفسـك مـادام النـاس مـن حولـك تـدور
مـا كـل مـن حبّـك يبـي يتعـب ويمشـي مـن وراك
يابـنـت حـنـا الله رفعـنـا عـــن تـفـاهـات الأمـــور
الحـب ماهـو سلـطـة ونــزوة مشـاعـر وإمـتـلاك
الحـب أرقـى مـن كـلام ٍ نكتبـه فـوق السـطـور
والله لـو كنتـي قمـر وأجمـل وأحـلا مـن الـمـلاك
إنــك ولاتسـويـن شـعـري .. دامــك بلـيـا شـعـور

[نــجــم]

قصيدة : مبعــثرة شوقي

كبرتـي واستـوى عـودك وصرتـي كنـك الـورده
وانـا للحيـن أشوفـك طفلتـي ومبعـثـرة شـوقـي
تغيرتي الى الأفضـل .. وصرتـي هنـاك منفـرده
تغيضيـن الــورود بكبـريـاء الحـسـن والـذوقـي
جمالـك مـا انخلـق قبلـه .. وأشـك إنـه ولابعـده
كأنـه مـا انخلـق قبلـك علـى هالقـاع مخلـوقـي
حسدنـي مـن يشـع الـنـور والبـلـور مــن خــده
لأنـه ماقـدر يحجـب نـظـر عيـنـي عــن بـروقـي
لأنـك فـوق .. وبـكـل السـحـاب البـيـض ممـتـده
اليا منـي فقدتـك .. قمـت أناظـر للسمـاء فوقـي
يا أول من سكن قلبـي وذقـت الضيـم مـن بعـده
وأخر من قطف عنقـود شعـري وطيّـح عذوقـي
أنـا مـا كنـت أحسبنـي بشوفـك عـقـب هالـصـده
وشفتك .. وأنثنى غصن العتاب وطابت حروقي
يقولـون الزمـن قـاسـي ولا أحــد بالبـشـر قــده
وأنـا اقـول العمـر كلـه رهيـن بكـف معشـوقـي

تبـاريـن السنـيـن وتمسكـيـن العـمـر مــن يــده
وغيـرتـي مفاهيـمـي وكــل مـطــرود ملـحـوقـي
ما ألومك لو تفاجأتـي وضحكتـي عقـب هالمـده
ولـكـن لا تهـزيـن بـعـنـاي وجـرحــي وعـوقــي
نحيـل مـن الفـراق وسكـة الحـرمـان والـوحـده
يرافقنـي التعـب ولسـان حالـي يقـول منطـوقـي
أنا الغصن الهزيل اللـي يشيـل ويسقـي الـورده
وأنتي الورده اللي لا ضمت تشرب من عروقي

[نــجــم]

قصيدة : مع الســلامه

قـــل كــــل مــــا ودك تــقــولــه شــفــايــاك
مـن كـلـمـة اهـلـيـن .. الـى مـع الـسـلامـه
لا يــــردك الا لــســانــك عــــن خــفــايــاك
خــل الـخـفــوق يـتـقـاضــى مــن غــرامــه
مـبـطـي وانـا الـقـلــب سـاكــت ويـتـحــراك
يـســمــع كــلامـــك ويــبــادلــك بــكــلامــه
خـلـيـتــنــي وأسـتــحــى قــلــبــي وخــــلاك
والــشــوق بـالـقــلــب عـزلــلــه مــقــامــه
واذا تــلاقــيــت عــقـــب الــبــعـــد ويـــــاك
تـسـكــت .. وفـــي كـبـريــائــك إبـتـســامــه
تـغــض طـرفــك ويـضـحــك لــي مـحــيــاك
وتـقــوم فــي قــلــب عـاشــقــك الـقـيــامــه
قـســيــت اكــثــر مـــن الـــلازم بــفــرقــاك
واتـعـبـت مـغـلـيــك مــن كـثــر اهـتـمـامــه
وانــــا مــتــولــع بــــك ومــيـــت بــلــيـــاك
لـو شـفــت جـسـمــي يـشـيـلـنــه عـظـامــه
مــانــي بـنـاســيــك .. لـكــنــي آتــنــاســاك
وأخــاف مـــن جـــرح سـكــيــن الـنــدامــه
لا تــحــســبــنــي أقــــلــــدك بـــســـوايـــاك
لــو صــرت مـثــلــك وأفــكــر بـالـمــلامــه
أو تــحــســبــنـــي أعــــانــــد واتــــحــــداك
الــحــر عــيــب يــتــحــدى لــــه حــمــامــه
الـمــســألــة مــســألــة تــفــكــيــر وإدراك
مـهـمــا أخـتـلـفـنــا بـتـفـســيــر الـكــرامــه
يـاغـايـب ٍ جـيـتـنـي كـلــك مــن اقـصــاك
لا تــتــرك الـصــمــت يـعـمــيــك بـظــلامــه
قـل مـاتـبـي وأسـمــح لـحـضــرة شـفـايــاك
تـفـضـح مـشـاعــرك .. أو مــع الـسـلامــه

[نــجــم]

قصيدة : من البدايـــه

مـن البـدايـه وأنــا مـانـي بمـرتـاح
وعلمـتـك بـكـل شــي مــن البـدايـه
لكنـك أغريتنـي فـي كـثـر الألـحـاح
وخليتني امشي معك حتـى النهايـه
ملامـح الـدرب كانـت كلهـا جــراح
ووسيلتـي فـيـك كـانـت دون غـايـه
خلقنا الأسبـاب وأخترعنـا الأفـراح
لـكــن الأسـبــاب مـاكـانـت كـفـايـه
نضحك على نفسنا والوقـت مـزاح
أغـوانـا لـيـن أنغمـسـنـا بالـغـوايـه
والبرد من حولنـا يعصـف ويجتـاح
وحنـا نتهـزأ عـلـى جـمـر الهـدايـه
ليـن انكشـف كـل شـي وبرقنـا لاح
وانكسـرت أحلامنـا مـثـل المـرايـه
طحنا ودمـع الغـلا للحيـن مـا طـاح
متعلق ٍ فـي رمـوش الوجـد تايـه
صحيـح ان الجفـاء قـاسـي وذبــاح
لكـنـه أرحــم لـنـا مــن هالحـكـايـه
ما أنت أول أنسان حبه قلبي وراح
ولا الفـراق آخـر فـصـول الـروايـه

[نــجــم]

قصيدة : ضربة معلم

لا يــــا مـعـلّــم مــاهــي ضــربـــة مـعــلّــم
دامــك تـراعـي الـحــق وتـجــرح رعـايــاه
كـــل الـبـشــر تـخـطــي وتـنـســى وتـحـلّــم
والـعـاقـل الــلــي يـعـتــذر عــــن خـطـايــاه
مــن صــار لأعــراض الـنـفـوس امـتـولّـم
تــكـــره سـوالــفــه الـبــشــر واتـحــاشــاه
الـــنـــاس طـــلابـــة حـــقــــوق وتــظــلّـــم
ومـــن ضـــاع حـقــه يـاخــذه لـــو بيـمـنـاه
والـلـيــل لــــو مـهــمــا تــمـــادى وظــلّـــم
لابــــــد مـايـكــشــف نـــهــــاره خــفــايـــاه
لـــولا الـنــدم مـافـيــه شــخــص ٍ تــألّــم
ولــــولا الظـلـيـمـه مـاعـرفـنــا الـمـعـانــاه
يـالـيـتــنــا قــــبــــل الــــكــــلام انــتــعــلّــم
إنّــــــا نــفــكــر فـــيـــه قـــبـــل أنـتـهــجــاه
ويــالــيــتــنــا إذا نـــويــــنــــا انــتـــكـــلّـــم
نـبـخّـر الأســمــاع مــــن عــــود الأفــــواه
ويـالـيـتــنــا نــســلـــم قـــبــــل لا نــســلّـــم
على اللي يساوي الهرج وينسى المساواه

[نــجــم]

قصيدة : الغناديـــر

مــا تـلاحـظ إن البـعـد قـــام يـتـزايـد
وإن الـغـلا تغـيّـر بــدون تفسـيـر ؟؟
ما تلاحـظ إنـك صـرت غيـر ومحايـد
ولا عاد تهتـم وتضايـق ولا تغيـر ؟؟
ماتـلاحـظ إنــي يــوم جيـتـك أعـايــد
كنت بسلامك غير ومعايدك غيـر ؟؟
وين الغلا اللي كـان طاغـي و سايـد
وين اللي يعاتبني عن أيّاة تأخير ؟؟
صــار التـواصـل بينـنـا حـيــل كـايــد
وصـرت أتفـنّـن بإخـتـراع المعـاذيـر
يـامـا شكـيـتـك للـسـهـر والـوسـايـد
وياما ذكرت اللي مضى معك بالخير
ويـامـا كتبـتـك بالـشـعـر والقـصـايـد
ليـن أنفضـح شوقـي بكثـر التعابـيـر
ولاشفت منك الاّ الجفاء اللي يتزايد
وغيابـك الـلـي دون داعــي وتبـريـر
مـدري لبـسـت الكـبـر مـثـل القـلايـد
والا إن هـــذا طـبــع كـــل الغـنـاديـر

[نــجــم]

قصيدة : نار الوصــــل

ما احلا من الوصل غير الرمز والتلميح
لــــو ان الايــــام تـسـرقـنــا ونـسـرقـهــا
اغلا احاسيسي لك تجفـل مـن التصريـح
تـخـاف نـــار الـوصــل تـكـبـر وتحـرقـهـا
العـشـره الـلـي بـــلا كـلـفـه ولاتـوضـيـح
تعجـبـنـي أيـامـهــا واعــشــق دقـايـقـهـا
لو أقطف الشيح ماتـت بالكفـوف الشيـح
أطـيـابــهــا مــاتــفـــوح الا بـحـدايـقــهــا
من يقرب الشمس يحرقه الوهج ويسيح
الا ان تــدفـــا بـمـغـربـهــا ومـشـرقــهــا
والكلمـة الـلـي مقيـدهـا الـولـه وتصـيـح
مـانــي بـكـاشـف مـلامـحـهـا وعـاتـقـهـا
مكانها الجوف بين الصمت وبين الويـح
لــو تـبـرق عيـونـي وتـرفــرف بيـارقـهـا
والدمعـه اللـي يغازلهـا الشقـاء وتطـيـح
تـمــوت وماتنـفـضـح لاقـــرب خـلايـقـهـا
يلـعـب بمنديلـهـا الكتـمـان قـبــل الـريــح
وتضيـع فـي زحمـة اشـواقـي وافارقـهـا
قـلـب تـعـود عـلـى اللـوعـات والتجـريـح
علـمـتـه الـدنـيـا واسـتـوعــب حقـايـقـهـا

[يارا العامرية]

صح لسسسانه ..
واشكرك ع ايرادك ..
تقديري ,,,

[نــجــم]

يسعدني ويشرفني مرورك العطر

تقديري لكـ

[صعبة المنال]

نـــجـــم
أج ــمل وأرق باقات ورودى
لموضوعك الجميل
دمت برضى من الرح ــمن
لك خالص احترامي وتقديري

[نــجــم]

يسعدني ويشرفني مرورك العطر

تقديري لكـ

[سلطانة]

http://www.halauae.com/uploads/images/alsaher-3814931317.gif

[نــجــم]

يسعدني ويشرفني مرورك العطر

تقديري لكـ