ديوان الشاعر : سالم بن تويم الدواي ( رحمه الله )

[نــجــم]

الشاعر : سالم بن تويم بن جمعان بن مرزوق بن عبدالله بن سعد الدواي العازمي
من مواليد الدمنه (( السالميه )) سنة 1920م وتوفي سنه 1997 رحمه الله وغفر له









(( شبوب النار ))

الصبح ماحلى شبوب النار
يا صرت مرتاح ومصلي
وحمست بنٍ من النيبـار
تجلي الهواجيس وتسلـي
شقره ومذعـورةٍ ببهـار
شف النشامى وشفٍ لـي
يا طبت اشفي راعي الكار
يضحك احجاجه وينفلـي
وياصار في جنبها بيطار
يفـرح لياجيـت ويهلـي
والا الدهر بالعرب مرار
ياخذ من النـاس ويخلـي
فقيـر والا مـن التجـار
العمـر ملحـوق ومولـي

[نــجــم]

(( الوسم ))

يا الله يا اللي دبرة النـاس بيديـه
ما غيرك احدٍ نرتجيـه ونسالـه
جزل العطا اللي ما يخيب مرتجيه
عـلام بالرحمـة عظيـم جلالـه
جعل الكويت مبكر الوسـم يزيـه
في حسبة الخمسين مقـدم لياليـه
اليا فات خمس وخمس جعله يباديه
نـوٍ مـن القبلـة شديـدٍ خيالـه
يخلَي المظمـا تسافـح خباريـه
ومن الحدود اليا جليـب الجوالـه
دارٍ ربينـا فيـه وامواتنـا فيـه
الا ولا نرغـب بــلادٍ بـدالـه
دارٍ اليا جاها الضعيف متنصيـه
مفرقعه كثـر الطلـب والتجالـه
اليا تم مده في الكويت وضواحيـه
يشبع ويا صل عيلته مـن حلالـه
مباركٍ فيه الولـي يـوم اهاليـه
كلٍ من المسكيـن ينقـل حمالـه
اليا جاهم اللي قاصرات مساعيـه
لبـى طلبـه الكـل لقـاه بـالـه
في ضف اميرٍ كل طيب يداريـه
ومقـدمٍ فـي كـل دار جمـالـه
قلبه يحب الشعب والشعب يغليـه
بالعـز جاعلهـم معـزة عيالـه
عسـاه بالدنيـا وليـه ينجـيـه
وبالآخره تحمـي جنابـه عمالـه
وصلاة ربي عـد ذاري ذواريـه
على الرسول اللي شريف مجالـه

[نــجــم]

((العيد الوطني))


اول بدى في مبتـداي ابتـدي بـه
ذكر الكريم اللي يربـع بالامحـال
اللي على خلقـه عيونـه رقيبـه
سبحان من يجعل دجى الليل ينجال
اللي نفع ذا النون وقـت المصيبـه
يومه لقمه الحوت في بطنهـا قـال
ناجاه في سـود الظـلام المريبـه
وانجاه يوم انه لطيـف بالاحـوال
وبعد الذكر مبدأ المعانـي نجيبـه
ياجب علينا دون ناهـي وعـذال
من خاطرٍ طيـبٍ ونفـس لبيبـه
واجب وطن ياجب على كل رجال
مبـارك عيـد الكويـت الحبيبـه
اللي لنا فـيَ والاسـلاف مدهـال
من يوم سيف الكويت خالٍ شعيبـه
واهله هله ما حل به كـل حـلال
يا ما جرى باطرافها من حريبـه
بين الرجال اللي على شهب الاذيال
يـومٍ جـروا والمهـار العريبـه
تقفل وتقبـل بالمشاكيـل تجتـال
كل ابلـجٍ مـا يصطبـي للغليبـه
راحت ضحايا الدار رجلي وخيال
حتى بحرها طاردوا فـي غبيبـه
من خور عبد الله اليا أرض التهيَال
صانوا حدود الدار طيب وغصيبه
يا رحمة المولى على ذيك الاجيال
عاشوا عليها بالسنيـن الصعيبـه
والشكر للي بدل الحـال بالحـال
واليوم كل الدار خضـره خصيبـه
من وين ما تنظر بساتين واشكـال
دار الضعيف من العرب تعتني به
وتساند المنكوب بالمـال والحـال
من حدته جـور السنيـن التعيبـه
يلجأ ويلقى عند الاجـواد منـزال
ما بعدوا ونـاسٍ ونـاسٍ غريبـه
يسايرون الشعب ماضيين الافعـال
في ظل حكمٍ سعد من يلتجـي بـه
حكمٍ على شعبه كما الغيث همـال
حكمٍ حكـم للشعـب حكـمٍ يثيبـه
دستور حكم مساير الشعب عـدال
كلَن علـى حقـه يطالـب طليبـه
ما فيه فرق مـن وزيـر وعمـال
واللي يخـاف الله بعنـز نصيبـه
يجعل لها منزال في روس الاجبال
واللي يغطي النور ربـي حسيبـه
يحاسبـه ربـه لياحـده الـجـال
من طاب طيب المودمي من حليبه
والا العقول ابهـا تكانـه وجهـال
كلـن يعرفونـه لميقـاف طيبـه
ويفضل الطيـب بمقعـد وفنجـال
جعل الكويت اعيادها تهتنـي بـه
في جاه من نزَل تبارك والانفـال
من شبتي لين الشعر كثـر شيبـه
داري عسى ما فيه نعتاض الابدال
وان غبت عنها سفرةٍ فـي مغيبـه
بس اتسمـع للأذاعـة والارسـال
احب داري حـب عـودٍ لصيبـه
يا شفتها كـل الهواجيـس تنجـال
والمبتدأ عند الختـام أنتهـى بـه
ذكر الله اللي خالـق دق وجـلال

[نــجــم]

(( الغزو الغاشم ))


الا يا الله يـا ربـي تعـودي
رجاك العبد يا خير امعبـودي
ترد الما الغديـر ابموقـعٍ لـه
تربينا عليـه امـن الجـدودي
اشيوخٍ طبعهم حسـن النوايـا
ولهم شعـبٍ بشوفتهـم ودودي
وتجزى راعي السـو ابشناتـه
ابفعلٍ مـا يسويـه اليهـودي
نسى تسع السنين الي مضاً له
مـن الارزاق منـا والنقـودي
وعاهدنـا ولا تـم ابعـهـوده
وهجد بالليل والعالـم رقـودي
وذبح مسلميـنٍ مـا دروا بـه
يحسب انه بهالماقف صمـودي
ترى ماقف رجاجيل الشهامـه
اعـلانٍ للسرايـا والجـرودي
على وضح النقى كـلٍ يشوفـه
رفع له بيرقٍ حـدره عمـودي
ولو هو ما يجي جو المعـارك
يدهويهم واهو عنهم صـدودي
يصير الطق في روس النشاما
ليا صادم فهـودٍ فـي فهـودي
ولو انه مسلمٍ يحضـى بدينـه
وقف يومه هجم عند الحدودي
وطالب له بحـقٍ يدعـي بـه
وشاف الي يجيه من الـردودي
يعلـه فـدوتٍ لخـوان نـوره
سندنا دايم الجيـش السعـودي
صديقٍ ما تجي منـه الخيانـه
مقر الجود ينبع منـه جـودي
ولاننسـى الخليفـه بالصداقـه
وابن ثاني عساهم فالوجـودي
ونعمٍ في فعول الشيـخ زايـد
والملك قابوس ترحيبه يـزودي
ومصر وسوريا الجيش المدرب
سراياً قدمهـا القايـد يقـودي
وملوك المغرب الي مـا تغبـم
وشعب العرب معنا ومحشودي
يعرفون الكويت ابماقـفٍ لـه
لها فعلٍ مشـرف وامحمـودي
وجميع المنتقص في كل ديـره
معونتها لهـا العالـم شهـودي
عسى عيني تشوف الشيخ جابر
على تخت الحكم لا واسعـودي
وولي العهد في صفـه وربعـه
عمى عين المنافق والحسـودي
ويجمعنا علـى خيـر ومعـزه
على ذيج الليالـي واوجـودي

[نــجــم]

(( الوطن ))

صعدت أمس برجٍ مثل عالي جبالهـا
تهايفت له يـوم أن عينـى زمانهـا
رتلت فـي عـال المبـادى مثايـلٍ
من خاطرٍ طـرب لهـا يـوم قالهـا
قدمت ما صمـم ضميـري وكونـه
هواجيس بالـي قدمـت طـرى لهـا
وانا هدف نفسي ورغبـة ضميرهـا
سترٍ من اهل العرف ياجـا مجالهـا
وندري بمرضى الناس يا ناس جايـد
ما كل ما يرضي ضميري رضالهـا
جلال لامير الدار والشعب والوطـن
وكل نفـسٍ تنعـرف مـن سؤالهـا
مـن دون مأمـورٍ وامـرٍ وداعـىٍ
رجلـى تعنـى للمحطـه الحالـهـا
خدمة وطن حـبٍ ورغبـه لديرتـي
الديـره اللـي مـا نـدور بدالـهـا
ما اقول في بلـدان الاجـواد قصـرةٍ
مير الكويـت النـا طويـلٍ ظلالهـا
بلادنا اللي عايشيـن علـى ارضهـا
واجدادنا في قبورهـم حـدر جالهـا
كلامٍ اليا افتش عـن اقصـاه ينوجـد
تثابيـت تاريـخ قلـيـلٍ زلالـهـا
يا الله يا اللي ترتجي الناس رحمتـك
يا اللي رجى رحمتـك كـلٍ يسالهـا
يا مظهر الغرقان مـن غبـة البحـر
ومحيي انفوسٍ ما نـوى الله زوالهـا
جعل الخريف وبارق الصيف والشتـا
يسقـي لنـا دارٍ كبـيـرٍ جلالـهـا
يصير فيها زاهـر العشـب يشبهـه
مثانـي بساتيـنٍ عدلهـا عدالـهـا
ويجني الزبيدي في صحاصح حزومها
دارٍ يا عـل الريـف والعـز فالهـا
دارٍ اليا جالها غريـبٍ مـن العـرب
من قل مـا ياجـد ابـداره لجالهـا
يلقـى بهـا منـزل وعـز وكرامـةٍ
ويوفي بعض مـن يطلبونـه حلالهـا
ما كان لاج بها يسمـى مـن اهلهـا
ام حنـونٍ مـا تشـتـت عيالـهـا
ليكنهـا عـذرٍ طمـوحٍ عـن المـلا
ما كـل مـن جاهـا يبيهـا ينالهـا
دار الكويت اللي على العـز سيسـت
فـي وقتهـا هـذا وماضـي ليالهـا
يـا علهـا بالفـوز والعـز تتصـل
في جاه من ينشى سحايـب خيالهـا
وختمت قولي في صلاة علـى النبـي
عد البحـور وعـد مافـي زلالهـا

[نــجــم]

((القنص ))


قبل امس في عالي المشاريف عديت
رجم زما ما بيـن حمـر الحمـادي
وامس الضحى من بين الافلاج مريت
طرقي ظهر من فرع وادي لـوادي
ساعه على ذيـك الطويلـه تعليـت
عينـت مخلـوق فريـغ الـفـؤادي
متـوازيٍ وانـا بهمـه تـوازيـت
معرفـةٍ ومضيـع الطيـر غــادي
يقـول تـل وفـز منـي وفـزيـت
هذه على فيضـه عـراق وكـدادي
واثريني بطلـع الربيـب استعزيـت
طلعـة خلـوجٍ فـي روابٍ ابعـادي
امجوعه يومين يـوم انـي اخطيـت
في حسبة الستيـن بقـران حـادي
عقبه على ضافي السراويـل غنيـت
الاشقر اللـي مـا لجنسـه مـلادي
لكن في صدره مـن الـودع خليـت
خطٍ لبعض النـاس فيـه اعتقـادي
راسه كما الفنجال والساق يا شيـت
جبرٍ قصير مثـل حـرش الهـوادي
من حين تكشف برقعه قلـت هديـت
من صفو وجهه بالعيـون الحـدادي
مـن قلـة التسنيـع للسبـع فكيـت
وقفا دقـاق الريـش جبـر الثنـادي
ساعة ضرب بالخـد كبـده تمنيـت
لا ماه مير افخـت طيـر الهـدادي
لوحـت بالملـواح ليننـي ازريـت
وانفدت من حمر القفـوش الجـدادي
عقبٍ على حـروة مهـده تمسيـت
شبيـت ضـوٍ للخـلاوي تـنـادي
فـي صـدةٍ منـي بغفلـه ولديـت
لا مير الـه رب المخاليـق هـادي
فزيت له مـن حـب لينـه وهليـت
ترحيب احلى مـن لذيـذ الرقـادي
هادت هواجيس الضميـر وتهنيـت
جاني طرب قلبـي ليـال البـرادي

[نــجــم]

(( وصف الطير ))


نواف فوق الوكر ما احلى معانيـه
مثل الشجاع اللي صموت سنافـي
قرمٍ اليا كبرت مشاكـل عوانيـه
يجعل حمول الثقل عنهـم خفافـي
محلى عيونه يوم بالنسـر يدعيـه
عساه يسلم مـا يجيـه الخلافـي
وليا نشر زين الموامـي مواميـه
يشدن من خوص الغروس الخوافي
غرسٍ على ايمن كفته الشط يسقيه
ما نش عنه الماء ليـال الهيافـي
سيـف الجنـاح مفهقاتـه تناديـه
منين ما درت النظر فيـه وافـي
ابيض عسى والي المقادير ينجيـه
صافي اليا قالوا هل الصنف صافي
حر اليا برقـت فالـراس ويديـه
يكفيك عن باق التواصيف كافـي
حر اليا حطه على الكف راعيـه
بأول دخول الوسم عقب الخرافـي
الله واعلم يتعـب اللـي يباريـه
يشوف شوف كايـدٍ مـا يشافـي
وجهه يعيش بدون عيشه مواريـه
ومقدم سراويله على الحجل ضافي
نواف فوق الوكر ما ازين معانيـه
مثل الشجاع اللي سموتٍ سنافـي

[نــجــم]

(( نقلة الطير ))

لا بلـه إلا قربـت نقلـة الطيـر
واهله من المربط بـدوا ينقلونـه
قاموا يشيلون الطيـور الصقاقيـر
وصفن ليـالٍ وقتهـن يرتجونـه
ايـام ينشـن المـزون المزابيـر
غرن بومـر الله تهشـم مزونـه
عساه في قـدرة ولـي المقاديـر
اليا تكاشف بارقـه فـي ركونـه
ينشي من المنشى وينوي المحادير
ويدهـج عـدودٍ بدونـا يدهلونـه
مدهال زينـات البكـار المغاتيـر
اللي فحلهـن واحـدٍ مـن نمونـه
تلفى لهن في الخد ورد ومصاديـر
خدٍ يبيـه البـوش واهلـه يبونـه
مضماه من خشم الوريبه ليا الصير
والايمـن شـوى مـا تجهلونـه
المحام في الديره ليال المخاضيـر
واليوم خشم طويق وسدير دونـه
من عاشر البدوان ماهوب في خير
عزى لمسكيـن تفـرق شطونـه
ليا شرف النايف يجي به حواشير
وان رد حارت دمعته في عيونـه
اكثر غرابيل المشـق المظاهيـر
يا شاف سلفانٍ تطـارخ ظعونـه
هذي طبوع البدو من دورق عمير
اللي من الراشـد تذكـر لحونـه

[نــجــم]

(( الطلع ))


محلى مطاليعه الياتـل منصـور
من كف صقاره على راس مبيان
طلعٍ بعيدٍ ماله اوقـار وحكـور
دونه حدبـةٍ مستطيلـه وجيـان
كن المواتر حدر منصور طابور
والعج قافيهم تقل وصف دخـان
قالوا بعضهم طلع هالطير مغرور
مهوب هذا طلع كـذب وبهتـان
يوم اتهموه وسهم اسهام بحـدور
لينه تخيش بأيمن الروض حفان
حرٍ على طلعه يجي فيه حاشور
ما يلتفت له لو يصيح ابن سعران
مثل الشجاع اللي تكانه وممرور
صقاره مسلم وهو طير سلمـان

[نــجــم]

(( ميعاد العمليه ))


لا تنشـده حـدد الميـعـاد
جاني من الصبـر مكفانـي
تسعين ليله طريـح اوسـاد
وهذا مـن الرابـع الثانـي
ماشفتنـي والعـرب رقـاد
نومي علـى روس كيعانـي
ماني على ضيقتـي معتـاد
يـاالله بعزمـك والايمانـي
متغـربٍ مـن بلـد لبـلاد
ارجي شفا عالـي الشانـي
ان كـان ربـك لعبـده راد
ترجع ليالي ابـو جمعانـي
وان كان وقف موسم الحصاد
اللي وطا النـاس ياطانـي

[نــجــم]

(( قصيدته في ابن اخيه ))


روحوا لجابر يا محمد وشوفـوه
وشلون حاله عقب ما غاب واليه
ان كان مرتـاح بدنيـاه خلـوه
عن دمعة امه ترتجي الله وترجيه
وان كان منضك من الوقت هاتوه
انا ذرى راسه عن الشمس عطنيه
ما عقب ابوه الناس غيري تولوه
يعوض في عم توفى ابـن اخيـه
دامٍ راسي حـي خلـوه وانسـوه
وعقبي ترى ما منكم احد نوصيه
دامه صغير السن باروه بـاروه
لين الولي عن منة الناس يغنيـه
واسمع ترى قطع بالارحام مكروه
توحيه في دستور الاسلام توحيـه
اقول قول قبلـي النـاس قالـوه
من لا يسرك حي لا عاد ترجيـه

[نــجــم]

(( كل طاروق ))

قالوا لي ان كان ترغب في سماعك كل طاروق
ترى الجماعه وعدهم من ورى صيهـد بيانـي
عزمت اكرس جهودي واتسمع كـل منطـوق
لا شك لا شك ما طاع اهل الشـف الزمانـي
لقيت لي ملعبٍ لعب اهله صافـق ومصفـوق
وكميت وارتحت عن بعض السوالف في مكاني
ان كان معني المثايل ما تشوق صاحب الشوق
لا خير لا خير في طعم الهليم مـع السمانـي
اللعب له عادةٍ في الملعبـه سابـق ومسبـوق
لـه معـدنٍ بالضمايـر والمفاتيـح اللسانـي

[نــجــم]

(( زين الاطباع ))


عيت عيوني مـن عناهـا تهملـج
يوم العرب هجاع يـا قـل نومـي
من العشا ليـن أول الفجـر ينبـج
وتغيب من مقـدم ضـواه النجومـي
امسـت تعاليـل الضمايـر توهـج
واصبحت اشرف في طويل الرجومي
وأعول كما تعول من الهجن مخلـج
جوديـةٍ قامـت تحـن وتعـومـي
شافت ولدهـا يـوم يذبـح ويهـدج
ومن دونها وقـف غـلامٍ بشومـي
تقاطعوه الكـل منهـم ضـرب فـج
وخلوا لها جلـده ونشـر الدمومـي
وقامت على تالـي البلايـل تدهـج
ومن حر ما تونس تطيـح وتقومـي
على عشيـرٍ دونـه الجـال حجـج
وعيـا مقـارب نجعهـم لا يدومـي
دونه سراب الجو الاقصى تمـروج
غيـر النبـي النايفـه والحزومـي
لا جيـت قلبـان عليهـن تـهـرج
مهو بـذاك اليـوم عنـدي بيومـي
اللـي اليـا قابـل جبينـه تبـلـج
تبلـج النشمـي بوجـه معـزومـي
عشـرٍ وبشـر بالحجـج يتخـرج
الا ولا عاشـر هـدوس الرخومـي
ولا قط عمره فـي حياتـه تسمـج
مثل الاصيل اللي جمـوحٍ عزومـي
ان كان عقبي زين الاطباع ماسـج
النفس عن عشرات غيـره تشومـي

[نــجــم]

(( قصيده في ابنه حمود ))


يا مل عينٍ من الهواجيس سهرانـه
والموق عيا يهاب السهـر ويعيفـه
من العشا لين بان الصبـح نيشانـه
وأنا حمـود اتهجـع فـي سواليفـه
ورعٍ خذاه الطبيب وصـك بيبانـه
موهوب في كيف ابوه ولاش في كيفه
يا الله يا اللي عظيـمٍ فوقنـا شانـه
تفرج المنهو مريض الحال وضعيفه
وتفرح حشى اللي محل ابكاه وتنانه
يجحد عباريه عـن بكيـة مواليفـه
أطول البال قـدم العـود واخوانـه
والا الحشا يطبخ الجاش وسراجيفـه
يا مل عينٍ من الهاجـوس سهرانـه
والموق عيا يهاب السهـر ويعيفـه

[نــجــم]

(( الرجال الطيبه ))


انا اشهد أن الرجال الطيبه تفـرق علـى الـلاش
قالوه ناسٍ وانـا مـن ضمنهـم شفـت النمونـه
ما تدرك المنصب العالي علـى راحتـك ببـلاش
خصن اليا صرت ما ترضـى لنفسـك بالمهونـه
من لا يكظَم على الناجذ براس الناب مـا عـاش
ويزاحم اللـي بدربـه فـي الطريـق يزاحمونـه
امـا بمـالٍ تبذلـه قـدم وجهـك بـذل وفـراش
أو مثـل يـومٍ ابـن جافـور مسلـبـةٍ متـونـه
صبره لجور التعب بالهير وان صاروا على الطاش
يا خـاف مـن زلـةٍ فيهـا العـرب يستنقدونـه

[نــجــم]

(( نصيحه ))


اول بدا ذكر من يفرق حلاله من حرامـه
سبحانه من كون العالم من الطين وكفلهـا
ياجب على كل شخصٍ فيه معروف وشهامه
نفسه تحافظ على ديرة مساقط رووس اهلها
يجعل علمها يمام العين يمشي في نظامـه
ويعاكس النفس لو نفسه تعرَم فـي زعلهـا
يا صار محفوظ حقه ما على العاجل ملامه
ينجح ويمدح وتذكر كل نفسٍ فـي عملهـا
ياجب علينا كبير السن نمشـي باحترامـه
ونفسٍ تضيَع حقوق كبار اهلها من جهلهـا

[نــجــم]

(( الرجم ))

اليوم عديت رجـم او كيـر
من ضيقـة الصـدر عديتـه
جيته من اقصى الشعيب مغير
لين الحصـى منـه شديتـه
من الضحى لين رحت عصير
أذانـي الـرجـم وأذيـتـه
ما شفت من شوف راسه خير
فيـه ازرق الدمـع هليـتـه
كلت عيونـي مـن التفكيـر
واصويحبـي مـا تحليـتـه
لـوا هنـي باهنـي الطيـر
اللـي يغـرد علـى بيـتـه

[نــجــم]

((غزل ))


بالله ياهل الركاب اللي من المطـراش ضمـار
شدوا لي رسان سمحات اللحي وقتٍ قصيـري
في مثل ما قال راعي السالفـه مقـدار مقـدار
يرتاح منه الفـؤاد وينجـرد فيهـا النظيـري
سلام للي عليه اشفق من الصايم اليـا صـار
ليصار في بارح الجوزاء وشاف الماء الغديري
في طاسةٍ باردٍ قـدام وجهـه حـل الافطـار
وهو على هفة القرطوع عطشـان الضميـري
شغله مع مقاولٍ والقيـظ كنـه واهـج النـار
من طلعت الشمس لين ان الفطر وقته يصيري
غريب دارٍ ولاله مـن يقـول عليـت وبحـار
وهو يبي لزيته فـي الشغـل محتـاج فقيـري
شارك ضميري ضميره عقب ما شدوا هل الدار
بالصاحب اللي صفالي وانكر الخـلان غيـري
وانا كذلك بعد عن عشرتـه مانيـب مختـار
دام النفس في يـذري والقـدم منـي يسيـري
ارجيه لو كان عنـي لـددوه النـاس بحيـار
والله ما انسى رفيق الطيب والصاير يصيـري
في مثل ما قال راعي السالفـه مقـدار مقـدار
يرتاح منـه الفـؤاد وينجـرد فيـه النظيـري

[نــجــم]

(( حفلت العيد ))


ياليتني في حفلة العيد مـا جيـت
جنبت عن نزلـة هذيـلا وذيـلاك
والا بعد ما فيـك بالعيـن لديـت
صديت عن يمة يمومك وممشـاك
وشفي ياسيـد الرعابيـب سويـت
الله لا منـي بالاحسـان يجـزاك
ماني بناسي وقفتك بايمـن البيـت
يوم انت ترفع لي سـلامٍ بيمنـاك
سـلام ياللـي مالغيـرك تمنيـت
مشهات قلبي مير وينـي وويـاك
يا اللي علشانك عن العرس عييت
ارجي جليل الملك واصبر برجواك
يا شفت زولك دون غيرك تغانيت
العيـن تعجبهـا مثايـل حلايـاك
زد به اليا جيت بجدم واستعديـت
وردت طراد الهوى حوض الادراك
يا وقف دوني ساقي الماء وذويـت
بالخير ياسيـد الرعابيـب منـاك
يا شفتني في النزل يا اقبلت واقفيت
مالي ترى حاجه وغرضان لولاك
انويك بالجيه واليا اقبلت صديـت
من خوفةٍ بعض المخاليق تشنـاك
وقتي حداني عنك ما عنك سجيـت
والا على وردك ظوامي و هـلاك
ياواقف دوني ساجي الماء دويـت
بالخير يا سيد الرعابيـب منـاك

[نــجــم]

(( الشكر لله ))


البارحه يـوم المخاليـق هجـاع
النـوم عافنـه عيونـي عيافـي
آصل إلى المكتب واعود بالاسراع
لين انسدحت من المسير متلافـي
الشكر لله ما شكيت من الاوجـاع
مير إن ما جاء بين الاضلاع كافي
على صديقٍ ناحروا عرق من ساع
والصبح ياما دونهم مـن سنافـي
ودي بهم ومعكرش الراس ماطاع
لا تم سامـي هالسبـوع متعافـي
راحوا لدارٍ علها وبـل الارجـاع
من المضامن والبحـر والطفافـي
دارٍ بهـا للجـد والجنـد مرتـاح
يعلهـا للسيـل وسـم وصيافـي
يازين شوف الزمل يا ساح وانتاع
وينكسه جـال الثمـان الرهافـي
البارحه يـوم المخاليـق هجـاع
النـوم عافنـه عيونـي عيافـي

[نــجــم]

(( يا بوك خذ من والدك علم ووصاه ))


يا بوك خذ من والدك علم ووصاه
وصاة من وصى سواتي جنينه
ترى الولد ما يظهره غير يمناه
عزم وجزم تصير كبده متينه
يا وفقه جزل العطايا ومشاه
نال العلي في همته من يمينه
والصدق بين الناس ماله ملاداه
ويكمل الرجال يا طاب دينه
تشوف كل اللي حواليه تدراه
حشمه وتقديرٍ وربه يعينه

[نــجــم]

(( تجل مني يارهيف الثنيه ))



تجل مني يارهيف الثنيه
تجل مني ياريش العين وانت أص
واليا هرجت البينه والخفيه
ان كان في خاطرك شي قل وخص
ولا حدٍ خلط مثلك نجيحه ونيه
من اكل بالثنتين يا صاحبي غص
ياعين فدعا بالهدد صير ميه
شيهانةٍ مع من نقلها اتقنص
ومن مس حبله لو بتوته قويه
خطرٍ عليه ليها تكرب من القص
قومك كثيرينٍ وقومي شويه
منعت قومي يا الحبيب على النص
تجل مني يارهيف الثنيه
تجل مني ياريش العين وانت أص

[نــجــم]

(( يا سعود انا في لذة النوم جاني ))



يا سعود انا في لذة النوم جاني
زولٍ غريب وجيته لي غريبه
ارتحت في شوفه وانا في مكاني
بالحلم ليت الحلم دايم يجيبه
واصبحت من دونه طويل البياني
وذيب يجر اعواه خالي شعيبه
انحاح طراد الهوى باللساني
والا على أهل العرف يا كثر غيبه
جا بيني وبينه امزوح ومعاني
قرّيت له بالغلب عين الربيبه
اللي ليا منه صفالك وزاني
يكفيك عن كل المخاليق طيبه
في خاطري من جور حبه حداني
لو هو على نفسي رضا بالغليبه
شبه الفتاه من النياق السماني
حايل ثلاث سنين ما شيف صيبه
وضحاً ليا ورد الدبش حندواني
ولا شرعت قدام قالوا مغيبه
ليا شافت الجويا وحسن الغواني
كمت على البريع وضحا حبيبه

[نــجــم]

(( على لطيف الروح ))


على لطيف الروح عرص بي الفال
قمت اتمنى ليتني كان ما جيت
يا حيس في ليت اريش العين ما قال
وإلا لقوله ليتني ما توحيت
يا شوق ويش علمك تغثبر علىالبال
في كلمةٍ لك قلتها يوم قفيت
حسيتني فيها وانا سالم الحسال
كان انت راعي تنَه ما تقاضيت
بالعون ما رجلي زلت من الجال
مير انت يا ضافي الدليقين زليت
من اولٍ يا شفت زولك بالأزوال
اقول لك من بد الأزوال حييت
واليوم زولٍ زال من عرض من زال
مع اوسط الازوال ما من تفاخيت
قلبٍ يحب من ابغضه كله هبال
واللي يعاد اللي مصافيه حلتيت

[نــجــم]

(( الكبر لله ))


الكبر لله يا الغضى معطي المال
ما عاد تعطي العلم كنك قريزي
ان كان شوفك بارقٍ له برجال
تراي ابلقى واحدٍ عنك ييزي
ما من طهامات ترى الحال بالحال
الفرق في جزل العطايا العزيزي
لا تحسبني يالغضي ضايق البال
نفسي تهقويني قوىٍ حزيزي
مير اشره عليك بكلمةٍ مثل من قال
كلمه تخلي الكل منا بريزي

[صعبة المنال]

نجم
أج ــمل وأرق باقات ورودى
لموضوعك الجميل وصح لسان الشاعر
وسلمت على النقل
كل الود والتقدير
دمت برضى من الرح ــمن
لك خالص احترامي وتقديري

[نــجــم]

يسعدني ويشرفني مرورك العطر

تقديري لكـ

[يارا العامرية]

صح لسسسـآنه ..
وسسلمت يمنـــآك النجم ع اختيـــــــــآرك ..

[نــجــم]

يسعدني ويشرفني مرورك العطر

تقديري لكـ

[سلطانة]

http://www.halauae.com/uploads/images/alsaher-3814931317.gif

[نــجــم]

يسعدني ويشرفني مرورك العطر

تقديري لكـ

[دانــه]

صح لسان الشاعر ولاهنت يانجم ع أيراد الديوان الرااائع
يعطيك العافيه .. . :m-49:

[منادي]

صح لسان الشاعر سالم بن تويم
اشكرك يانجم على الديوان الرائع
الله يعطيك 1000 عافيه
و
تحية اعجاب لمن يستحق الاعجاب
منادي

[نــجــم]

صح لسان الشاعر سالم بن تويم
اشكرك يانجم على الديوان الرائع
الله يعطيك 1000 عافيه
و
تحية اعجاب لمن يستحق الاعجاب
منادي
يسعدني ويشرفني مرورك العطر

تقديري لكـ

[نــجــم]

صح لسان الشاعر ولاهنت يانجم ع أيراد الديوان الرااائع

يعطيك العافيه .. . :m-49:

يسعدني ويشرفني مرورك العطر

تقديري لكـ