ديوان الشاعر راشد بن جعيثن

[نــجــم]

ديوان الشاعر راشد بن جعيثن


راشد بن محمد بن جعيثن ...

من مواليد المزاحمية 1372هـ وفيها تلقى تعليمه الأبتدائي ...

أكمل تعليمه المتوسط في ضرماء ...

ودرس في ثانوية المعلمين في الرياض ...

درس خمس سنوات بعدها أكمل تعليمه في كلية المعلمين المتوسطة بالرياض وذلك عام 1397هـ ...

وأكمل مشواره في التدريس بعد التخرج في ثانوية اليمامة مدرسا ثم رئيسا لقسم شئوؤن الطلبة ...

في عام 1415هـ انتقلت خدماته إلى وزارة الداخلية ليكون عمدة لأحياء غرب الرياض ولايزال ...

وأما مشواره الشعري فقد ابتدأ بكتابة الشعر وعمره 13 عاما وكان ذلك في عام 1385هـ ...

وهو أول من أوجد صحافة شعبية بالألتزام بالصدور من خلال مجلة اليمامة ليكون رئيسا لقسم الأدب الشعبي عام 1398هـ ولايزال إلى الأن ...

رشحه مؤسس نادي الهلال الشيخ عبدالرحمن بن سعيد ليكون شاعر الهلال وعضو شرف له ...

نال التكريم من جامعة الكويت عام 1406 هـ ونال وسام المتفوقين ...

كان ضمن لجنة الشعراء الشباب بدولة البحرين ...

عمل رئيسا للجنة الشعر الشعبي بمهرجان الجنادرية على مدار خمسة مواسم ...

عضوا ثابتا في جائزة الشيخ محمد بن راشد بن مكتوم منذ تأسيسها ...

حصل على ترخيص إصدار جريدة أسبوعية ومازال العمل جاريا لثدورها لتحمل اسم ( قوافي ) تهتم بالشعر والأدب والفن والرياضة ...

رشحه الأستاذ / محمد الشدي . رئيس مجلس جمعية الثقافة العربية السعودية للفنون رئيسا لتحرير مجلة التراث ...

صدر له من الكتب :صدى الأشواق / انثروبولوجيا ربابة عرب الجزيرة / الشجن معارضات قصائد الأمير خالد الفيصل
أشرف على : ديوان الأمير عبد الله الفيصل الشعبي / ديوان الأمير سعود بن بندر / ديوان الشاعر أبن شيحان السبيعي / ديوان الشاعر مطلق الثبيتي
له تحت الطبع : حكام الرياض/ الوجد والناقة / كتاب العمد / مفردات الإبل

[نــجــم]

يامـل قلـبٍ يفـك الهـم ويخـمـه ***

خمةعجوزٍولدهـا بيـن روحيـنـي


قـدام تزهـق حياتـه قـال يايـمـه ***




ثم اصفقت من عظيم الوجـد كفينـي


طاحت على صدره اللي وقفٍ دمـه ***




ويوم اذهنت جرت الونه بصوتينـي


وقامت تخمخم يديه وجـودت كمـه ***




تبيـه وأفخـت وزاد الهـم همينـي


وعلى النعش يوم قفوبه بنـي عمـه ***




طاحت وقامت وهامت وحالها شينـي


تدوي على ثوبـه المنطـول وتشمـه ***




وتسقي جفاف الشحوب بدمعت العيني


من حر فرقاه ماتمشي علـى اليمـه ***




ولاتميزالأحـد مـن يـوم الاثنينـي


وماترقد الليل من حزنه ومـن همـه ***




والقلـب كنـه يطَعـن بالسكاكينـي


كن المعزي يشـوف عيونهـا يمـه ***




إتغيب وتذهن ليا جوهـا المعزينـي


وجابو لها الل قرا بالمصحف وتمـه ***




يقرا عليهـا مـن القـرآن ياسينـي

[نــجــم]

محماستي ما هيب مثل المحاميـس *** لا متن، لا ثقل ، ولاهـي خفيفـه
حديدها كحلٍ فرش من قراطيـس *** أخيـر أسـام الشغدليـه منيـفـه
ما نجس الصانع بها الطرق تنجيس *** متقاديٍ من ثقـل كفـه رصيفـه
مثل المواطي في ظهور الطعاميس *** لخفاف زاهيـة الرسـن والسفيفـه
بالطرق مسسها على النار تمسيس *** شبرٍ سعتها مثـل بـدر النصيفـه
أهلال رابع راس يدهـا تهاجيـس *** أعنهـا عـن المهـار العسيـفـه
أرهي لها الحب اليماني على القيس *** حب نظيف وطينـة أمـه مريفـه
جفل النيا مالبّـس الحـب تلميـس *** مثل الزمـرد بالكفـوف النظيفـه
وإلا عيـون منكسيـن الكبابيـس *** يوم اسجعت من بين أمانٍ وخيفـه
ما غير ألمسّها على النار تلميـس *** لا عجل ،لا وني وضوي حفيفـه
أصهر نياها مثل صهر المقابيـس *** يوم انطلق من ما الذهب راس سيفه
وأكبها بمبـردٍ مـن لبـا خيـس *** ان كان ماهو من خشب من خصيفه
ونجرٍ إلى حرك غدا له هجاريـس *** ارفع يدي قـدام يقطـف قطيفـه
ويجي بجوفه مثل دق المراويـس *** يطرب له اللي ذاق فرقـا وليفـه
أدقها بـه مـن تعـن الهواجيـس *** ويونس الخاطـر تقافـي قصيفـه
تملا يده مقضب كفوف مخاميـس *** بين الثقل والخف يوجـف وجيفـه
ومن النجر في خمرة صنعها ريس *** من ماركة بغـداد ماهيـب شيفـه
مسلوبةٍ من كفلها سلـب نرجيـس *** تقطـع بفـوحٍ خنتـه راس كيفـه
والى صفت زليتها في المعاريـس *** زلـولٍ تقـدم للنشامـا طريـفـه
ونسوقها لأهل الفخر والنواميـس *** بيـضٍ شفايفهـا تشفـا بليـفـه
فنجالها يطفي لهيـب الحواسيـس *** ماهي لكم ياهل النفوس الضعيفـه
شربي لها أغلا من حكـم باريـس *** عندي وكلٍ رغبتـه روح طيفـه

[نــجــم]

طاوعت فيني كل عاذل ولـوام***وش دخل العذال بينـك وبينـي


الحاجز الوهمي على طول الايام***يكبر ويصغر حبنـا ياضنينـي


انسوك عشرتنا وهي توها العام***وصورة خيالك بين جفني وعيني


وحطمتني وانهيت امال وأحـلام***تقذف بها الامواج شك ويقينـي


حقي من معاشرك هجرانك النام***على الرجى حبك يضيع سنينـي


معك الوعد يامايس القـد قـدام***ان جادت اظروفي بتسديد دينـي

[نــجــم]

لا تسبق الاحـداث مافيـه داعـي***انـي معـك ابـدا حيـاة جديـدة
طويت من بحر الرجا بك شراعـي***النفس طابت وافعـل اللـي تريـدة
احبطت في حبك جميـع المساعـي***خايف اسى الماضي لنفسي تعيـدة
يوم اني احبك حكمـت بضياعـي***لقيـت فـي بعـدك حيـاة سعيـدة
وش لون تجرحني وعيني تراعـي***وان صحت جرحي من عذابك تزيدة
ما هـان حتـى يامقفـي وداعـي***دموع الشره من فوق خـدي بديـدة
في ما مضى خله يفيـدك خداعـي***جفاك فـي قلبـي تزايـد رصيـدة

[نــجــم]

ياوالله اللي ثقل همي وجضيـت***وأنا على الجضات مانيب ضاري
بلشِ بهم كل ما أصبحت وأمسيت***يخمني تسعه وتسعيـن طـاري
ومن صكة الأيام بينت ما أخفيت***واللي بقلبي ما حـدٍ عنـه داري
ولو قلت ما بي لون وإلا تدريت***ما يستر الرجال ثوب العـواري
في غير فزعة سيدي ما ترجيـت***لي خان بي خطوا الرفيق المباري
إلى طرى لي هاجسٍ فيه فزيـت***له فزعة فيها مع الناس أمـاري
ياما وياما فـي حياتـي تمنيـت***مير المنى كنه سراب الصحاري
لاقاضي حاجة ولا بانـيٍ بيـت***ولا هوب ربحٍ بين بايع وشاري
لا شفت لي شيٍ وأنا أبيه صديت***من قل ما تملك يدي من مصاري

[نــجــم]

انثري همي وهمك وأجمعيـه***فرقي شمل القصايد واجمعـي
والنشاز من القوافـي كفنيـه***واجزلي له في المآتم والنعـي
واحفري له قبر ميت وادفنيـه***واركزي فوقه نصايب واطلعي
وكل همٍ من همومك له شبيـه***حكمي فيه المعرفـه والوعـي
خايلي مطر السحابه واشربيـه***خلي البحر المزمجر للدعي !!
وكان لك هـمٍ نبيـلٍ ودعيـه***في مكان سافري له وارجعـي
بالقوافي كحلـي ذوق النبيـه***اجرحي قلب المعاني واوجعي
بيننا خيط من الخوف اقطعيـه***وشنفي مثل البلابـل مسمعـي

[نــجــم]

لا تشره علينا وأنت مالـك شـرَه***من عطا الحق يا صافي المحيا خذاه
مودمي وان عمر المودمي زهـره***وكل شي على حله يجي له طـراه
الخبل مـن يسّلـم سرّقلبـه مـره***ما تعقل الكلام ولا تحفظ الوصـاة
مثل من علق المزهب بفرع شجره***يوم روّح وعود مفلـسٍ مـا لقـاه
ومن كلا من طعامٍ يا عرب وانكره***لا تمرون بيتـه مـا يـذرّي ذراه
ومن يآمن رفيـقٍ رافقـه وغـدره***كنه ملحّق القـوم صمـط العبـاه

[نــجــم]

لا ترفعين يديك طار الشعر طار***هواء كفوفك طيره مـن مكانـه
الكف قلبي والصدر غاديٍ طـار***ارقص بعـودٍ كنـه الخيزرانـه
عليك عاجت روسها كل الأنظـار***وحولت فارس رغبتي من حصانه
وجيتك وانا كني حطب شعلة النار***والخل ما يرضـى لخلـه مهانـه
ارحم تراني مت وأشربني اعـذار***وعلى الرضا عطني دليل وضمانه
صدّر قرار العفو ليـاك تحتـار***أغلى هدايا اللـي كريـمٍ حنانـه
بيني وبينك قصة افراق واسـرار***سوالـف خليتهـا معـك أمانـه
شربت هم الحب من كف الأقـدار***وكم واحدٍ قبلي غدر بـه زمانـه

[نــجــم]

يا زيـن مـا حبيـت لاذا ولا ذاك***حبك سكن ما بين روحـي وبينـي
يا مرخص الغالين ما هوب يخفاك***مـا ياخـذ القلـب المشـا اثنينـي
حبـك مكفينـي عساهـم فدايـاك***أحبـابـي التالـيـن والأوليـنـي
ولولاي أحبك ما تولعت برضـاك***ما كنـك إلا مـن حـدا والدينـي
ما غير أدور وين أنا فيـه بلقـاك***مدري يسـار الـدرب ولا يمينـي
فيني تراها مـا تسّـوىَ سوايـاك***ضيقت صدري حيل واسهرت عيني
يافاتـن المفـتـون والله لــولاك***ما عشت أقاسي مقفيـات السنينـي

[نــجــم]

اقلط...بقهويك شعري فاحـت دلالـي***اقدع قصيده وخـذ فنجالهـا صـوره
صافح كفوف المعاني واقـف اقبالـي***قصيدتـي فيـك مختالـه ومغـروره
ما بيك ...تاقف وراي وتجرح اظلالي***اقف بعين بهـا صورتـك منثـوره
اشرب ظما هاجس ما جا على بالـي***يظهر خطيب القصيد ويعلـن الثـوره
كان الشعر فيك نار هاجسـي صالـي***افرش لي الجمر كان الارض ممطوره
ورد اول الهم لا تنسى علـى التالـي***الخيل من صيحـة الخيـال مذعـوره
وامر عيال العيـون السـود تقرالـي***سواد عيني لصبـح الكـف سبـوره
وانا اعتبرني حظيـظ وطيـب فالـي***لو كان لي رغبة من عـام مقهـوره
مال المواعيد هـو همـي وغربالـي***اكثر تقاليد وصـل اليـوم ممـروره
اطلقت سمع الشعر يمـي ولا جالـي***شاح يتعطف هواه وفاحت اعطـوره

[نــجــم]

لياك تتعبني وانا منـك تعبـان***يكفي تعبك العام ياروح روحـي
مرت سنة يامتلف الروح زعلان***وانا احسب انك بالمودة نصـوح
ماهوب حقي منك صد وهجران***يا مجدد في كل يـوم جروحـي
ابكي عليك من الضحى ليا مسيان***و الاعي الورقا حزيـن وانـوح
هذي سواة الغي خاسر وربحـان***ياخل يا للـي بالمـودة شحـوح

[نــجــم]

طلب مني أحد الأصدقاء الهجرة إلى بلد معين بعائلتي من أجل إصدار مجلة هناك وجسد دعوته بالإغراءات المادية..لأنه من أعز اصدقائي وقلت له تساومني على ( العارض) وضحك صديقي وبكيت وقلت /



لولا غلا سمر الخشـوم النوايـف***والله ان البي دعوتك يا أحمر العين
سمر الخشوم امزبنة كـل خايـف***على القسا ياشيخ والعسـر والليـن
وأشد عندك مـن مقـامٍ مهايـف***فيه أتزين بس ماشيف لـي زيـن
ياكاسب الطولات ويش أنت شايف***اطويق غالي والمعازيـب غاليـن
من خلقت الدنيـا وحنـا ولايـف***وحب الوطن ياشيخ قسمٍ من الديـن
وشوف الشميسي والقري والعطايف***وممشى بها ياشيخ يسوى ملاييـن

[نــجــم]

شفتك معه وأقفيت عنكم وصديت***أخاف أموت من القهر في مكاني
مبعد ولابك ياهوى البال ضنيت***إنك تعاشر بالهوى خـل ثانـي
وشفتك تناظرني وأنا عنك قفيت***مقهور راحت منك عشري ثماني
ياليتني ماجيت شفـقٍ ومريـت***وماشفت شوفٍ زاد منه أمتحاني
يامرخص الغالين بالحب ياليـت***أني عرفت نهايتك من زمانـي
وياليتني ماطعت نفسي وحبيـت***حبٍ علـى ذل الغـرام يحدانـي
واليوم لك بينت يا زين ما أخفيت***ومن كل قلبي لك رفعت التهاني

[نــجــم]

غديت مثل اللي زرع له زراعـه***في نقعة ما ربحت مـن زرعهـا
أحرص عليها من وديع الوداعـه***لاشاف له شوكـة كتـادة قلعهـا
يزل كل الليـل مـا نـام ساعـه***يروس ماه وفي عيونـه وجعهـا
والزرع في تالـي ليالـي وداعـه***ضعف السواني عن صدرها قطعها
لاشك مسّـاه الدبـا ثـم صاعـه***ولحق العروق الناشبه من قوعهـا
كله الذي سرو الحيا فـي نخاعـه***ما تجتمع كان الولي مـا جمعهـا
واصبح على ضوح السرابه بقاعه***لي فاضت العبـرة بحلقـه بلعهـا
مثل البعير اللي تسوبـع سباعـه***ينوض وكعوب الرجل ما رفعهـا
لحقت خسارة راس مال البضاعـه***يلعنـك يانفـس قتلهـا طمعـهـا
ماله على مكتوب ربـي شفاعـه***مصايـبٍ لاحطهـا الله رفعـهـا
عـزالله انـه زارع للطمـاعـه***كم طامعٍ نفسـه تطيـح بطمعهـا
المشكلـه لـو ان قلبـه رعاعـه***يبراك يانفـوسٍ تجاهـد ضلعهـا
ماهوب جضرٍ كل ما جاه راعـه***يصبر على بقعا وصكـت بقعهـا

[صعبة المنال]

نجم
أج ــمل وأرق باقات ورودى
لموضوعك الجميل
كل الود والتقدير
دمت برضى من الرح ــمن
لك خالص احترامي وتقديري

[نــجــم]

يسعدني ويشرفني مرورك العطر

تقديري لكـ

[يارا العامرية]

صح لسان شاعرها .. وصح اختيارك ..
الله يعطيك العافية ..
تقديري ,,
:m-49:

[نــجــم]

يسعدني ويشرفني مرورك العطر

تقديري لكـ