شاعر الغربه..سليمان المانع

[نــجــم]

..سنابلـ ..قمح

مادام ينبت سنابل قمح وجه أمي
.. مايوصل الجوع لوحاول لوجداني

واللي يبيهاحرام ان قلت ياعمي
.. لاضرب رصاصه بعيني واقطع لساني

ذا شعري اللي تشوفونه وذا دمي
.. من منهم اللي يشرب نكهة الثاني؟

تظلم وأغني بسرب أقمار من فمي
.. عاهدت أنا الناي والراعي وغنّاني

أحيان اسمي وبعض أحيان مااسمي
.. خاف الشياطين في عمري تبلاني

كم واحد لاك(قبل معاشري)ذمي
.. ولاني موصي على قاصي ولاداني

لي دربي الخاص لي فكري ولي همي
.. لي ذكرياتي لي أحلامي لي أحزاني

ومازال يشرب رياح عنادهم كمي
.. والله لاحلق واحلق وارسم الواني

ماقدامك غبار ياخيل أولي شمي
.. بور القصايد وغني لي عن الجاني

مانيب مسبوق لي سفني ولي يمي
.. والناس مثلي وانا مااقول وحداني

[نــجــم]

..كيفـ ..ـأصونكـ..؟

مو حقي أحلم وأرسم لغيري أحـلام
الا... بشعـرٍ مـا... يضلل. عيونك
لو تبحرين شوي مع حكـي الأقـلام
ماعاد عصفور الهوى في غصونـك
لا مانسيـت اغفاءتك بيـن الأنغـام
وياما سقت قيعان روحـي مزونـك

وضحكة تسافر بالتعب مبعـد العـام
ترقص فرح وتلـون الكـون لونـك
هاك الصراحة واتعس الدرب قـدام
ماخنت شاعر داخلي يـوم اخونـك
لاتعقدين حجاجـك الغـض وأنظـام
ماصنت نفسي من شقى كيف أصونك

[نــجــم]

..جرح ..ـالندم

أبيض من الدمعة برمش اغترابي
قلبي ولايحقد على انسان ياريـم
يمكن رجا النفس الطموحة سرابي
واجبرني امشي سكة كلهـا غيـم
أوطيب قلبي بالمشاكـل رمابـي
دفعت ناتج غلطتـي دون تحكيـم
ويمكن ظلمني مجتمـع مادرابـي
ياما بسجن الشك نـاسٍ مظاليـم
نعم.. نعـم تيـار بقعـا مشابـي
حزني غيوم ودمعتي هاطل الديـم
لكن أبد مهمـا تعمـق صوابـي
ما اقتنع واعلن للاقـدار تسليـم
إيماني أقوى من قـويّ اكتئابـي
وآمالي أكبـر بالليـال المقاديـم
ياجارح الكلمـة فديتـك شبابـي
هذا اعترافي دون سينٍ ولا جيـم
اسم الثقة عندي توفـى ولابـي
أطيـع شايـر لابحـلٍ وتحريـم
وسرٍ ربا بالروح بالجـرح ذابـي
الناس قالـوا كـل طقـة بتعليـم
قدمت لك سيـد الأدلـة جوابـي
فيه اعترافي واضحٍ دون تفهيـم
كان الخطا يبقـى مخلـد ذهابـي
جرح الندم له في جبيني تراسيـم
ما احدٍ بهالدنيا يقاسـي عذابـي
ادفع ثمن تدبير غيـري بتكتيـم
ياعاتـبٍ منّـك قبلـت العتابـي
وقدّر بأن مقابلك داسـه الظيـم

[نــجــم]

العالم المجهـول وش دخلـك فيـه = ردي ترى ماني للاشـواق تمثـال
دامي بقايا انسـان ليـه اشتريتيـه = ودامي طفل من علمك عشق الاطفال
لاتخجليني فـي كـلام المشاريـه= ولاتقتلينـي بالمواعـظ والامثـال
انـا الجنـون بروعتـه وبمباديـه = يشقيك درب معاندي كـل ماطـال
وانـا الـذي لوعذبـك مافهمتيـه = عشت اغتراب الحب شاعر ورحال
قولي خيالي ياخيالـي واقـول إيـه = طبعي قبل لاعرف طريقك ولازال
أما اهجري ليل الغـرام ومساريـه = والااقبليني مثل ماني بهـا الحـال
قلبي عذاب مصارع الوقت يكفيـه = وبعض الحكي من بيننا عيب ينقال

[نــجــم]

تضحك وينبت في كفوفي نواوير
تغضي وتسقيهن سوالف سفرها




انا انبهرت بجد لااسمع ولا اشير
ومن شاف ماشافت عيوني عذرها




ذا شي غير الناس ياهل الهوى غير
حسن الوحدة لوتعرت سترها




خلاص يادرب الهواوي معاذير
هذي هي اللي كنت يوم انتظرها




طشن بنات افكارها طشت اعاصير
وجتني ينثر ريح شعري شعرها




وقفت مثل ظبي سمع رمي ومذير
تجمع من كفوف المتاهة ذعرها




جنون والله ماتخيلته يصير
ينحر قهر كل الحواجز نحرها




فيها براءة فوق كل المعايير
الكون كله لو ماختصرها

[نــجــم]

احزآنـي


.
.


أنا وين ماسافر من احزاني تجد احزان
وأظل أركض مثل ضحكة غريب ودمعة مسافر



تعبت أهرب من الذكرى لها كل البشر عنوان
تجيني بالوجوه أهرب ولا اهرب دامها الناظر



واناديلك وانا بآخر ليالي بآخر الأوطان
أصارع غربتي بين الخفوق وعزة مكابر



لك الله ماشعرت إلا بعد فرقاك بالوجدان
شف غيابك عسف مهر العناد وروض النافر



ياوجه مالحقه انسان ولا يلحق أبد انسان
اغامر في مصالحنا وإذا زاعلتك مغامر



ياليتك لو تجي مرة ، تعيشني زمان كان
تدفي برد أحلامي وأذوب بصوتك الساحر


هلا منك لها لون يسولف تسكت الألوان
هلا منك لها طهر الصلاة ومبسمك كافر



هلا منك تخليني أحس أكثر ظما الفنان
هلا منك تعلمني أذوق بنظرة الشاعر



هلا منك تسفرني لوجه أمي وأشيب اشجان
هلا منك على عمدان تقوم حظي العاثر



هلا منك ولا أذكر شي بعدها من متى للآن
أهيم وماعرف ماشفت ولا سامع ولا خابر

دخيل اللوم بشفاهك بهمسة طرفك النعسان
بلا ونجت بهزة راست تغلي وأنتظر صابر



دخيل الصبح والنظرة تثاوب تنكسر ألحان
وليل ماجمعه الليل على وسادتك متناثر



دخيل أخطر وعد مهما شربته عدت لك عطشان
دخيل موادعك لا حل يعلقني بيد باكر



دخيل العشق لا عاتب حنايا العاشق الولهان
سترت الشوق بضلوعي إلين أعرج مشى الخاطر

دخيلك دربها وينه ياناسي بلدة النسيان
تعبت أبحث وأبيع سنين لا غايب ولا حاضر

[نــجــم]

http://tbn1.google.com/images?q=tbn:4-H5dBS0FY0arM:http://www.alapn.com/images/articles/2006_12/761/127097.jpg




وسع صدرك

.
.



يـستغفلك هـذا الـمغفل وبـرضاك ii"
" تـنسى عـبير الورد وتغازل iiالشوك

تـتجاهل القصة وتضحك من أقصاك ii"
" مـمـلوك مـملوكٍ حـكمله بـمملوك

يـا وسـع صـدرك يانزاهة نواياك ii"
" بـك فطرة الطيب وبك حدس iiصعلوك

غـنّيت حـزنك لين ما الحزن غنّاك ii"
" وكـان الـشعر جـوّك تجيبه iiلياجوك

تـرمي حـمامة كـل مـا طل شباك ii"
" مـن شـرفةٍ في عين بنتٍ من iiتبوك

تـحـكيلهم شـي تـشوفه بـالإدراك ii"
" عـن ضحكةٍ صفرا على شفاه iiمدروك

عن ناس ماهم..؟ عن بلادك وعن ماك "
" عـن حـبك لـناس وعن ناس iiحبّوك

يـا أخّ لـي متى ملك الطفوله محيّاك ii"
" إن أنـبّوا تـزعل وتـفرح إن iiحيّوك

نـهر الـجنون اللي تشكّل بك أظماك ii"
" لامـن جريت بوادي الصدق iiشربوك

خـلّك رجـل عـاقل وفـاطن لدنياك ii"
" كـم عـلمّوا بـك غـاليينك iiومـلوك

زهّـقتني ..عـجزت أعـدد سواياك ii"
" سـعيد سـولف لك وضحّكت iiمبروك

شـكواك تـرسلها وعـذرك وبـلواك "
" ولـيا وصـلت بـصالي النار iiصلّوك

يـا عـرض صدرك يا سذاجة نواياك ii"
" بـك ظلمة المبصر وشاعر iiوصعلوك




http://www.n7bkm.com/vb/n7bkm-saef3/buttons/reputation.gif (http://www.n7bkm.com/vb/reputation.php?p=726447) http://www.n7bkm.com/vb/n7bkm-saef3/buttons/report.gif (http://www.n7bkm.com/vb/report.php?p=726447)

[نــجــم]

طفوله

.
.

كانت طفوله محزنه .. كنت انا جن
كانت تعيسه بس كانت طفوله
العب ولكن ....لا اتراجع ولا iiاكن
ماجا على بالي لعبته واقوله
احكام لا هي لا باماكن ولا iiسن
طيش تحدا المرحله في iiنحوله
كان وفطن قلبي وانا كان بي iiظن
ان القرايه مثل iiمافسروله
طفل يتفرعن.. لا لفت وان غفت عن
والشمس كانت تستهيج بذبوله
ماكان له دوله سوى الحزن iiوالفن
ويظن نفسه يلعن الظن دوله ii!!
بقلوب حوله كان يكتب بلا من
واليوم وش يكتب ؟ ولا قلوب iiحوله
كان امس فيه اطول من الصبر والعن
الله يذاك الوقت يا زين طوله ii!
ياريح قولي للقصب ياقصب غن
دام الطبيعه بالحنين iiمغسوله
حزنه شمالي مدميٍ والولد iiحن
ضلوعه تبرا من بعضها iiجفوله
يعني اذا جضت ربابه ولا iiون
وتسابقن يمكن يموت iiبسهوله
مبطي الفرح مشلول لو يضحك iiالسن
ومبطي البكا يابس على الجفن iiزوله
ما َبن وجه بكفها ولا انقرا iiبُن
ومن يومها زل الكلام معسوله

[نــجــم]

شقاوة طفولة


.
.

أنا طفل ما للطفوله قوانين

خلوني ألعب بالشقى واتركوني

عن كحلها ياناس تستغني العين

رفضتكم ياليتكم ترفضوني

ياللي بعالمكم مع الشر لاهين

ماني كلام بكيفكم تكتبوني

لا أرض لا تاريخ لا دار لا وين ؟

أبي هوية موطني علموني

[نــجــم]

العالم المجهول وش دخلك فيه




ردي ترى ماني للأشواق تمثال




دامي بقايا إنسان ليه اشتريتيه




ودامي طفل من علمك عشق الاطفال




لاتخجليني في كلام المشاريه



ولاتقتليني بالمواعظ والأمثال




انا الجنون بروعته وبمباديه




يشقيك دربٍ معاندي كل ماطال




وانا الذي لو عذبك ما فهمتيه




عشت اغتراب الحب .. شاعر ورحال




قولي خيالي ياخيالي وأقول إيه




طبعي قبل لاأعرف طريقك .. ولا زال




اما اهجري ليل الغرام ومساريه




والا اقبليني مثل ماني بها الحال


قلبي عذاب مصارع الوقت يكفيه



وبعض الحكي من بيننا عيب ينقال

[نــجــم]

شاعر طبل
أنـا زمـيلي ضـمير ونبـل مـا يزرع الظلم بأدراجـه
لا مـنّ غيـره عصته السـبل حـكيم..لا غبـرّت واجـه
شعـور قبل الشعـر..لا..قبل وقبل الـورق روح وهّاجـه
لا هـو محابل..ولا هـو حبل كن الفـرح خلق بإحجاجـه

ولـد الأسـد لـو تسبـه شبل مثلك يوكـر على أوداجـه
والشخـص باللـي عليه وجبل والنـاس كـلٍ ومـنهاجـه
شاعر خيالي..و شـاعر خبل و شاعـر ولا شاعر بحاجه
و شاعر طبلكي..وشاعر طبل و شاعر حلاته هي إزعاجه
سليمان المانع

[يارا العامرية]

صح لسسانه ..
واشكرك ع ايرادك والله يعطيك العافية ..
تقديري ,,

[نــجــم]

شاكر لك مرورك الجميل ..

احترامي وتقديري ,,

[سلطانة]

http://www.halauae.com/uploads/images/alsaher-3814931317.gif

[نــجــم]

http://www.halauae.com/uploads/images/alsaher-3814931317.gif
شاكر لك مرورك الجميل ..

احترامي وتقديري ,,

[العنيــــدهـ]

صح لسان شاعرها
ولاهنت ع الاختيار الرائع
يعطيك العافيه
!..❥

[نــجــم]

شاكر لك مرورك الجميل ..

احترامي وتقديري ,,

[صعبة المنال]

نجم

تسلم ايدينك موضوع رائع بصراحه

تقديري

[نــجــم]

شاكر لك مرورك الجميل ..

احترامي وتقديري ,,