ديوان الشاعر الكبير مرشد البذال الرشيدي

[نــجــم]

ديوان الشاعر الكبير مرشد البذال الرشيدي


بسم الله الرحمن الرحيم




الـــمقـــدمـــه
الأدب الشعبي جزء مهم من التراث الشعبي , تبرز فيه عادات وتقاليد
الشعب , تلك العادات التي توارثها منذ عدة قرون .
فهو سجل صادق عن حياة الأمه , يصور افراحها ومسأسيها وعاداتها وتقاليدها يأجلي صورها.
وان خير ما يؤرخ لأمة من الامم هو ترئها الشعبي . والادب الشعبي جزء مهم منه
ولا يستغني الاديب عن الاطلاع على الادب الشعبي ودراسته دراسه
عميقه , وان صادفته بعض الصعوبات في بادئ الامر الا انه في النهايه
سيجد نفسه امام ادب مستقل بذاته له مناحيه واساسيه الخاصه, فأذا كان
القارئممن يجيدون قراءة هذا النوع , من الشعر , ويستطيعون فهم
معانيه و افاقه واوزانه , فانه بلا شك سيجيد المتعه واللذه في كل ما قرأ,
وان من بين الشعراء ((النبط )) شعراء لايقون عمن نعرفهم من شعراء
الللغه العربيه , سليقه وبديهة .
مرشد البذال :
هو مرشد بن سعد بن صالح بن منصور بن مطلق بن منصور بن سليمان .... بن بذال
بن شميسان بن سلمان بن مطيول الرشيدي و (( ال بذال )) لقب الاسرة, وتنتمي هذه الاسره
الي فخذ العجارمه من بني رشيد (((الرشايده))) والمعتقد انهم بقايا عبس التي امتدت
مساكنها من الباطن وملات وادي ذي الرمة حتي الحجاز , ونبغ منهم
شعراء المعلقات الاخرين ... وما زال لبني رشيد مساكن في هذه الانحاء .
وعاشت هذه القبيله في الباديه سابقا ثم تحضرت , وقد امتهن الان
قسم كبير منهم الاعمال المختلفه , بد تدهور مهنة الغوص على اللؤلؤ
التي كان لهم باع طويله فيها , وقد تبدلت حال اغلب القبيله فمالت الي الاستقرار والحضاره
وشاركت في الحياة العامه وغدا منها الاعضاء في المجالس والموظفون الكثيرون ومنهم
شاعرنا الذي انخرط في سلك موظفي الدوله منذ 1948 ويشغل الان وظيفته المشرف على ركن
الباديه في محطة الاذاعه الكويتيه لما له من خبره واطلاع في شؤون الباديه , وما تناقله شعرؤاها متواترا من جيل الي جيل.
شاعريته :
بعد ان حفظ القران والخط في اقرب مدرسة الي فريق الرشايده(( مدرسة ملا زكريا الانصاري )) كعادة ابناء الكويت
ولع بسماع الشعر وحفظ مايروي لشعراء ((النبط)) فتاثر منهم وخاصه صقر الانصافي
وسليمان بن شريم وعبدالله بن غصاب , وكان ذكيا فطينا فتكونت عنده ملكة شعريه الممتارسه,
ونضج شعره في الكبر وتوجه غزله الي الحكمه بسليقه متفتحه تصدر عن طبيعة اصيله فقال

يالربع تالي وقتنا وش علامه
مثل الكذوب اللي بعهده يخوني
ليته جعل مبداه كنه ختامه
حتي العرب بالحب ما يبتلوني
والا ان قلبي سابق(ن) له فطامه
مااحد(ن) تولع بي ولا ولعوني



وعندما اوغل الشباب تفتحت شاعريته وكثير شعره , الا انه لم يتهم بجمع شعره واعداده لاخراجه
في ديوان الا اواخر شبابه , وقد اتحفنا ببعض ما عيته الذاكره في ديوانه الاول , كما سجل
لنا ملامح لمجتمعنا ظهرت متتابعه في الديوان تفيد الباحثين في المستقبل في التعرف على
ملامح كثير من مجتمعنا الكويتي .
شعره عند عند الجمهور :
ولايستطيع ان افرض عليك رايي في شعر الشاعر مرشد الباذال
فالجمهور قد منحه لقب (( الشاعر الشعبي الكبير )) وشعره خير شاهد على
شاعريته وطول باعه , وشعره من الممتنع وتزداد طلاوته كلما تعمقت في معانيه وعرفت مناسبه . فهو يعيدك الي البيئه العربيه الاصيله بتشبيبها وفروسيتها وكرمها وذكر الماضي التليد,
وطابعه في ذالك طابع الشاعر الحكيم الذي لا يبخل بنصائحه على قومه , فقد قال:



صراع اليوم ماهو بالهنادي
الي ذبوا عن الخيل الاجله
ولا هو بالتسرع والغرور
غرور النفس حطم كل خله
ولا هو بالمهانه والجبانه
عمل ما كل واحد اعرف(ن) له
ولا حكم على غير العداله
يدوم ولا يدوم من استغله


وقال في المفاخر الوطنيه :



لاتحسبون ان الكويت مغفله
ما مرها شعف يهز اطنابها
كم من زعيم قد تحدي دارنا
لا شك فعل رجالها عيابها
لولا الحرايب ما كسبنا سمعه
ولا نشرنا بالمجال خطابها


وقال مذكرا بماضي الايام :



تسعة شهور بين لوح وغبه
تقول النسا يا الله عليك العقايل
بعضنا يدور الحول ما شاهد الوطن
ولايرجع الا كان اله طفل حايل
والبادية كل(ن) على فن والده
بين الرعايا والقنا والسلايل


بديهيته:
والشاعر مرشد سريع البديهة فهو من ابطال ((القلطه))والقلطه مساجلات شعرية يشترط
فيها الارتجال السريع والرد على المساجلين من الشعراء بمجلسهم ببيت او ابيات ذات غرض
واحد,من وزن وقافيع واحدة ممعاني مبتكرة .
وقد تطول المساجلة كما رأينا في الصفحات السابقه , وقد الكثير الشعراء ويزدحم عشاق الأدب
حولهم ,ولاتنتهي المساجلات بل يحكم الحكماء بينهم ويضعون على من قصر في الندوة
حقا يلزم به ئحو الجماعه وهو نوع من الاساليب المستملحه لاستمرار القلطات وتونع الجلسات
وذيوع ما قالوه من الشعر .ولكنه في هذا الديوان بينه وبين الشعراء

[نــجــم]

طبعـا كثير يعرفون الشاعر الكبير مرشد البذال الرشيدي رحمة الله عليه واسكنه فسيح جناته



لما فيها من أدب شعري ومثال على الشعر الجميل والرائع

وهاذي صورة للشاعر

http://www.alriyadh.com/2006/04/09/img/084622.jpg

[نــجــم]

اسمعــوا وافهمــوا رد الكــلام
يا سلامي على اللي يفهمـون أقـوال
من قـدم شريـف السـلام بلا جـزا
شاقه الولم واغرم يوم جانبه مطاليب حاجات الرفيق
مـن عنـا لك وجـب حقـه وصـار
مـا لنـا فـي تشعبــاث الكمــام
أنت يا من لكجـح بالرجـم زولٍ زال
واستدنـا سـلاح الشجاعـة واعتـزا
ثبت العلم وافكر لين تدرى
أنه طلب قوم وإلاَّ أنه صديق
لا تـسـرع بتنفيـــذ الـمغــار

[نــجــم]

وايضا لـه قصائد أجتماعية .. يقول مرشد

ترى بعض انهصـار النفـس رفعـه 000000 يتـوجـها مـن الرفعـة بتـاجـي
وأعـرب أن العـوارف لـم يزالـوا 000000 هـم النبـراس كـان الليـل داجـي
وترى كسـب الأديـب من الأديـب 000000 هـدايـا مـا تبيـع بـالحـراجـي
بـها كسـب المعـالـي و الفخـور 000000 إذا لك مـع هـل الفخـر اندماجـي
أنـا قـوله وأنـا ما حكـم بعرفـي 000000 أقـول أنى مع أهل العـرف لاجـي
وأن تغـزل شاعرنا ظننته شاباً صغيراً لعب الغرام بمهجته وكوته ناره كقوله
ألا يـا عشيـري ويـن أنـا وأنـت 000000 أشـوف الجفـا جـت لـه دلايـل
تبينـت لـي بـالحـرب و أعلنـت 000000 نسيــت المــودة و الجمـايــل
وأظنــك علـى مثلـي تمـدنـت 000000 قصـرت الشعـر والفـرق مـايـل
علامـك تقـص الـرأس لا هنـت 000000 حسـافـة علـى ذيـك الجـدايـل
كذلك فقد برع بقصائد المدح والوطنيات وأهازيج العرضة الحربية كقوله
لا بتــي مـا يفيــدن العـــذار 000000 حـزّت النفـع جـا مـاجـو بــها
استعينـوا بعــون الله جـهـــار 000000 والشجـاعـة تجـي بـدور بــها
الظفـر ما قصـر طـول العمــار 000000 مـا لـلأرواح عــن مكتـوبــها
أمنـا اللــي بـرايـرهـا كبــار 000000 كيـف نرضـى يمـزع ثـوبــها
كـم صبــيٍ بغـاهـا واستخــار 000000 يــوم أهــل دارنـا عيّـوبــها
يا بـو سالـم حمـاكـم مـا يـزار 000000 الأجـاويـد تـحمـى صـوبــها

[نــجــم]

ووصلت البلاغة بشاعرنا إلى حد يفوق الوصف فقد كان مرشد مبتكراً مجدداً بمعانية جديدة جيدة قليلة التكرار قوافيه كقوله من قصيدة

لا تقـول إن المـرض هـذا خطيـر 000000 كم مريـضٍ طـاب ومبـاريه مـات
الرجـال شطـار كان أنـك شطيـر 000000 كـان لـك دوره لهـم سبـع دورات
ولا تقول أسبق على العـدا الغديـر 000000 إن جهمـت ركاب غيـرك ساريـات
يظهـرون ثنيـن من رحـمٍ ستيـر 000000 صلب رجلٍ من عـذارات صايبـات
الإخـوان إخـوان ما فيـهم خشيـر 000000 ميـر بس أن الفعـل فيـه افتخـات

[نــجــم]

الشاعر الكبير المرحوم بأذن الله مرشد البدال
يرسل هذه المعلقه للامير / عبدالرحمن السديري
وكم فيها من الحكم والموعضه

1 قل لأبـو نـواف مافيهـا عـذار
إنتويـنـا بالسنـافـي للمسـيـر
2 كان أبو نايف تحصّـل لـه مـدار
دوره وإلا دفعنـا لــه بشـيـر
3 قل لأبن عون الوعد تالـي النهـار
بالمثلـث لايـسـج ولا يحـيـر
4 إعتجل يـوم الهـوا ذعـذع ودار
إترك الراضه وعذرن فيـه ميـر
5 كان عنـدك بالبنـاء تالـي جـدار
أجلـه والعيـد مافيـه إتعمـيـر
6 يم أبو سلطـان عـزم الفكـر دار
يـم غيـره لا تقـول ولا تشيـر
7 خلهن يمشـن مـن الديـره لـدار
المواتـر صافيـه والـدرب قيـر
8 مثل ابو سلطان لـه حـق يـزار
جيتـه بالعيـد مظهرهـا كبـيـر
9 سجتن عنـده تزيـد بهـا العمـار
يدله الخاطـر ويرتـاح الضميـر
10 في محل كـد جلسنـا بـه مـرار
مدهـل الحكـام والزاعـل عثيـر
11 مجلـس يؤخـذ بعيـن الأعتبـار
/ صاحبه ياعز منهو لـه عشيـر
12 دلـة فيهـا مـن الحبشـي بهـار
ومنسف يشبع ضيوفـه والقصيـر
13 نادر له نطحت الموجـب شعـار
فاهمـن بالمرجلـه درس غزيـر
14 ما لبس ثـوب الشهامـه مستعـار
وارث طيبه مـن الوجـه السفيـر
15 أحمد اللي لـه تواريخـن قـرار
بالكـرم وبسلـة السيـف الشقيـر
16 إنشـد التاريـخ يعطيـك إختبـار
عـن تواريـخ السديـري بتعبيـر
17 أقـر ديـوان الخليفـه كـان دار
شف مقاله عنـه بالخـط الأخيـر
18 شف مراكيضه على قـب المهـار
يوم سفك الدم غـادن لـه هديـر
19 كان أبو سلطـان همساتـه كبـار
تابعن عـود علـى دربـه يسيـر
20 والعلوم كبار وأحلاهـا القصـار
زبدة الموضوع وأحـلاه القصيـر
21 مابنيـت الملحمـه بيتـن جـدار
كود ناسبهـا علـى فعلـن شهيـر
22 كان للمعروف هالوقـت إشتهـار
السديري مع هل الجـودا خشيـر
23 ما بنى السمعه على ملس العـذار
ما بناهـا إلا علـى فعلـن ثميـر
24 أنشد اللي سمـع بفعـول الكبـار
نور الأول يقتبـس منـه الأخيـر
25 يوم وقتي عقب أبو زيـد إستـدار
إجتبرت بجابـر العظـم الكسيـر
26 شمت للي فيه خصلاتـن إخيـار
الذكى والدين والعـرض الستيـر
27 لـي بربعتهـم معـزه وإفتـخـار
ربعـة الطيـب تنسيـك الحقيـر
28 أفهم الطيب الخنيني مـن البخـار
يوم فاح المسـك شميـت العبيـر
29 قالها اللي له بعرف النـاس كـار
يفهم الشبر الطويل مـن القصيـر
30 الرجال طيور توصـف للحـرار
كل طيرن فـي جناحينـه يطيـر
31 وين طيـر يحتريلـه كـل جـار
وين طيـر مايصيـد إلا الشعيـر
32 لو تقـول إن الشجاعـه بالطيـار
كان فضلنـا القطـاه بمـا يصيـر
33 وين طير وإن هوّا شـق الستـار
وين طير يذعره صـوت الصفيـر
34 النداوي له علـى الصيـد إقتـدار
والحمامـه بالمـحـل وتستـديـر
35 وإن جهلت الزين والجنس الدمـار
إنشد اللي فـي معرفتهـن خبيـر
36 أخذ لك منـي كلامـن بإختصـار
فرق بين الصوف من سلك الحرير
37 فرق بين الحب وأنخـال الشـوار
أصلهن واحد لاشك الـذوق غيـر
38 ربعة الطيـب تزيـدك بإنتصـار
ترفعك رفع العمـد بيتـن نظيـر
39 والردي عرفه مثـل بيـر هيـار
تنقبـر فيهـا ويدفنـك الحفـيـر
40 حقة الطيـب تجيـك مـن الفقـار
والردي يعطيك كرسـوع البعيـر
41 لا ترابـع واحـدن بالعهـد بـار
وإن وفى له مـرة خيـره كثيـر
42 التجـارب خلهـا لـك مستشـار
لاتبي غير التجارب لـك شويـر
43 لاتجـي مدخـل يدينـه بالخبـار
مالقى صيده لقـى دابـن ضريـر
44 والرجال إبهم فهد وإبهـم حمـار
وأنت فكر بالفهـود مـن الحميـر
45 وانت في دورك عليك الـدور دار
لاتحسـب إنـك مخـلا يالفقيـر
46 وقر العالـم وتلقـى لـك وقـار
وإن حقر حقرت لوك إبـن أميـر
47 والشرف لايستـوي فيـه إنهيـار
الشرف هو مقضب السيف الشطير
48 والقناعة مرجلة والضعـف عـار
وأطلب النجدة من الوالـي القديـر
49 لاتجـي للنـاس طلباتـك إكثـار
كـل ديـوان تجـي يمـه مغيـر
50 ما خبرنـا بأهـل الشحـذه تجـار
غير فقره كـل نفـس لـه تعييـر
51 خل عـز النفـس للعـوره ستـار
لو فراشك في طرف بيتك حصير
52 وأنـت للعـوده مـن الله بإنتظـار
واحـدن مالـه وكيـل ولا مديـر
53 مـدة الله تمتلـي منهـا النـقـار
تجعـل الغـدران بالملـزم تحيـر
54 يجعل الوادي مريـف بالخضـار
عقب ماهو يابـس قشعـه هشيـر
55 الكريم معـان والفـارس مجـار
مدّي الواجـب ونطـاح الذخيـر
56 الغنـى بالـذل مذمـوم مــرار
والفقـر بالعـز لأمجـادك يثيـر
57 طربة الدنيـا مثـل لعـب القمـار
لو جمعت المال شفت تالي المصير
58 لو جمعت من الذهب حمل القطار
عند نزح الروح ما أنت بي له دبير
59 صار بين الوارثيـن بـلا مشـار
ينعزل حق الكبيـر مـن الصغيـر
60 وأنت حقك خامتـن عشريـن وار
ذيك هي حقـك ولا فيهـا خشيـر
61 فصلوا منها الكفن هـو والـوزار
إقرشوا بك يـم مثـواك الأخيـر
62 وإسدحوك بحفرة في وسط غـار
يطـردك منكـر وقدامـك نكيـر
63 واهني اللي مشـى طلـق شكـار
سالم من ظلم عمـر ومـن عميـر
64 لـوّه بالدنيـا بحلاّتـن إعـسـار
يرتجـي بالآخـره فرحـة نظيـر
65 مـن رحمـة الله وقبلـن العـذار
رحمة الله تغفر الذنـب الخطيـر
66 والأثيم من الصراط أقرش وعـار
وإن سلم من ويل طاح بزمهريـر
67 ياإلهـي كـان مـافـيّ إقـتـدار
ألتجي في رحمتك وأنت المجيـر
68 الشباب أقفى وأنـا بآخـر نهـار
وأرتجي فزعتـك يانعـم الشويـر

[نــجــم]

هذه قصيدة للشاعر المعروف : مرشد البذال - رحمه الله
وقصتها كان جيران للشاعر الكبير مرشد البذال فى الكويت شافهم يشغلون سياراتهم فى الصبح
فسألهم وين رايحين قالوا بنروح نسلم على الشيخ وامير قبيلة العجمان : راكان بن ضيدان ال حثلين فى ضيافة الشيخ : جابر العلى الصباح
حيث انه عازمه فى قصره فقال مرشد انا خويكم ابى اشوف الشيخ راكان واتعرف عليه حيث انه لكم وله مكانه كبيره عندى ولما راحوا وسلموا عليه اعجب فيه الشاعر مرشد البذال وقال هذه القصيده وابو ضيدان من الامراء الذين اشتهروا بالفطنة وبالطيب والجود خلال عصر السبيعنات والستنينات... :

اليوم انا مريت لى ربع عجمـان = مستانسيـن وبالخبـر مستهميـن
ربع لنا بالعون ماهـم بقشـران = وافين فى كل المعانـى وذربيـن
قلت الخبر قالوا نبى الشيخ راكان = اميرنا وابـن الفهـود المسميـن
مشيت معهم مستهـم وعجـلان = حق على زيارتى لابـن حثليـن
لقيت لى رجل من العقل مليـان = رجل من فهود الرجال الذكييـن
الرجل يأهل المعرفه قلب ولسان = وبشارة تبقى على العسر والليـن
وان كان فى راكان طابن الاظنان = ما هو كثير مسنع بيـن جديـن
هذى زيارة خير يا نسل ضيدان = اقولها مسرور من خاطر زيـن
اقولهـا ماهـوب زور وبهتـان = الرجل له عند اهل العرف تثمين
امير يام مهديـة كـل شيطـان = زينيين للصاحب وللقوم شينييـن
من فضل ربى كل ابونا بميـزان = الله يثبتنا علـى الحـق والديـن
فى فضل ابو سالم هلا يا قهيدان = اللى حمانا من جميع الشياطيـن
فى نعمة عشنا شبـاب وشيبـان = نشدى لزرع ناعم فـى بساتيـن
من قال له قول على غير وكدان = يفشل الى منه حكى فى الدواوين
وانا حكيت الحق والحق وجـدان = الشاهـد الله والمخاليـق داريـن

[نــجــم]

وهاذي نصيحة قدمها الشاعر مرشد البذالي لأحد أبناءه

يالله يارب الضعوف المساكيـــن =اللي لك المخلــــوق يحســـن صلاتـه
تستر على غوشن صغارن مكفين =أكبـــرهم العــارف دليله عصاتــه
لا يـــا عيالي كلبوكم حبيبيــــن =عندي وعنـــد الناس كلن وذاتــه
عندي غلاكم يدفن الزين والشين =وعند العـرب كلن تشاف اخملاتـه
يا عبيد أنا خابرك ورعن لهالحين =داوي بغبــــات الجهــل وظلماتـــه
لاشـــك علمي لـك محبه وتفطيــن =تسمــــع الوالــــد وثبــت وصاتــــه
وصــــاة مخلوقن يعرف القوانــين =مافـــاة عمـره بالجهل والهياتـــه
يا عبيد اناأوصيك مني بثنتين =ثنتيـن هن سؤ البشر وحسناتـــه
أوصيك لاتبحث سدود المغيبــين =ولاتجهــــــر اللي غارقن بغفلاتـــه
ترى النميمه تمحق الرزق والدين =والمنـزل العالي تهدم اطبقاتـــه
لاتحسبن أهل الظليمه بخيتـــــين =كلـــــن يوافق ما عمل في وفاتـــه
وانـذرك حق الضعيف المسيكين =اللي علـــى حقــــه يهـل اعبراتــــه
ترى الضعيف الليا غدى الليل ليلين =يدعـي وعند الله توافق ادعاتـــه
الظلم فان الظلم يفنى السلاطين =ياويــــل راعي الظلم من مقبلاتــه
وانذرك عن ربعة رخو من هياسين =اللي سوالفهــــم بــوده وهاتـــــــه
ويا عبيد الأقشر لوصفا لك نهارين =نهــــار ثالــث جاك يرفع عصاتـــه
والله عندي ربعة الناس الأقصين =ولا صديقـــا يبلشـك في حياتـــــه
ترى الرجال ابهم فهود وحياويــن =جاك الكـــلام اللي صحيحـا ثباتـــه
ان كان ما تدري ترى الناس دراين =الرجل مدحـــه بالمجــالس طراتــــه
رجلـن تعلــق به رجالــــن مسمين =عز الرفيـــق ولابتــــه والحماتـــــه
ورجلن تشوفه جسم وعيون ويدين =ولولا الشعـر ما تفرقه من خواتـــه
كم واحد بالبيت يضرب بسيفين =وأن جـاء حزم كلاب قبع عبادتـــه
والحلم عند الغيض يخزي الشياطين =يكفيك شر إبليس هو و دحراتـه

[نــجــم]

وهاذي إحدى قصائد مرشد البذال رحمة الله عليه



شف ماترى ياقلب واكتـم سـدودك
عن واحد ياخذ سـدودك ويشنـاك
خلك على الدنيا تعيـش بسعـودك
مالك غرض في عرف هذا وهذاك
على الخطايـا لاتقـوي جهـودك
العقل زين وسامـح اللـي تحـداك
ترى التسـرع بالخطـا مايـرودك
إلا بفعـل يخلفـك عـن نـوايـاك
لا تخلي الشيطـان دايـم يقـودك
ان طعت راي ابليس للشيـن وداك
خلك من الدنيـا نظيـف جـدودك
محد لسانـه فـي غيابـك تقفـاك
وليا مشيت الحق واجـد شهـودك
وليا هرجت الحـق كـل توحـاك
لا بد مـن يـوم تقضـي حـدودك
لا تخلفك دنيـاك والموعـد هنـاك
خلك ليا قضيـت تذكـر عهـودك
لا بد ما ترحـل وتقفـي مطايـاك
خل الذي ينصـى محلـك يـرودك
اليا شكى غيـرك تذكـر سجايـاك
خـل الفهامـه والعدالـه تسـودك
وليا حكمت الحق لا تظلـم إعـداك
بعض المصالح للمعاصـي تقـودك
وبعض المصالح يشهدن في خطاياك

[نــجــم]

وهاذي القصيدة كتبها إلى الأمير الراحل الشيخ جابر الأحمد الصباح


لا والله الا ذعذعن الصفاري....هب البراد وقربت نقلة الطير
ذكر الحباري له نخزر الحداري....اول عوانيها لقوها المداوير
كل اشقرٍ في تلة السبق ضاري....متكسر قلبه علي الطلعه تكسير
ذكرتهم مسري بهاك الغداري....مع جاير الأحمد طويل الأشابير
يابو مبارك ماطري لك طواري....تحيـي الرسوم الأوله بالظاهير
ياشيخ لاتنسي هذيك المساري....يومك تصلي الصبح فوقٍ من الصير
تشوف فيه من العواين مواري....تلقي جرايدهن بروس العثامير
كل ورا جابر بسيره يداري....اهل الطيور للشيخ جابر مناظير
مااحلا مغداهم بعشب وخباري.... باول طلوع النبت عشبه دواوير
وماحلا معاياهم بصوت جهاري....الشيخ نشمي والجماعه مناعير
هذي طراة العمر قبل العزاري....دنباك من غير الطرب مابها خير

[نــجــم]

ولا يعلم الكثير
إن الشيخ جابر رحمة الله عليه
رد على الشاعر مرشد البذالي من خلال هاذي الأبيات


قولك تراه اليوم صايـر وجـاري
الله يجزي ذيـك الايـام بالخيـر
ياما سرينـا يـم ذيـك الخبـاري
مجهامنا كل يوم مثـل النواطيـر
مانعرف التنتات هـي واللـواري
لهـن دويٍ يشبهـن الزنابـيـر
نمر بالريضـان خضـر قفـاري
العشب زاهي مع فياضٍ مزاهيـر
لامن طلع مختار عقب المسـاري
في موقع مافيـه جـرة مظاهيـر
اوهد صوب الروض وسط النهاري
غمر وصفف ياحسين التصاويـر
واليا نزل عينه تشعشـع بنـاري
نشوفهم جنب الـذواري مخاميـر
مثل الملك جالس وحوله جـواري
والله مااصخي به بخيشة دنانيـر
ماهمنـا بـرد ولا هــوب ذاري
يوم ان للمقناص بالنفـس تأثيـر
واليوم كل واحد يصيـد العفـاري
والناس صاروا كلبوهـم صقاقيـر
اصبر تشوف الطير فوق القواري
مطلعه راعيه مـع سكـة الجيـر

[نــجــم]

قصيدة قالها المرحوم مرشد البذال وهو على فراش المرض

يحول أشول الحق جتني طروشه = جتني مطاليبه وانا عنه منحاش
اليوم كن بداخل الصدر هوشه = مثل اختراش الريم في داخل الجاش
يالله عسى عطفك ولطفك نحوشه = يالله بحسن الخاتمه عند الاقراش
دنياك لو تعطيك زين المعوشه = تالي سوالفها تعود على ماش
ياما خذينا بأول العمر شوشه= وياما مشينا في مظاهير وأدباش
في خايعٍ وبل الثريا رشوشه = نجن الزبيدي في صحاصيح ودشاش
وياما جلسنا مع مرودع نقوشه = في سهلةٍ ماحدرنا زل وفراش
في وسط روضٍ مخضراتٍ خفوشه = نبته جديد ومبعدينٍ عن الطاش
نبنوب لا خبله ولا أهي مخروشه = عنق الفريد ان ذيره زول حشاش
قامت تخاطبني بنفسٍ هشوشه = بس الكلام وعرضه أبيض من الشاش
بسرار في وسط القلوب مخشوشه = بين الثنين ولا درى عنهن الواش
ربعة وفا ولا السلب ماننوشه = ماني لوجه معذب الحب خماش
واليوم مالي مع هل الصيد نوشه =عطيتها غيري بلاسوم ببلاش
عند الطبيب وصار عندي وحوشه =ومن الإقامة صابني خوف وخراش
ذالحين شفني جالسٍ عقب دوشه = أصلب عضاي وكن بالجسم هشهاش
خليت ديواني ومجلاس حوشه =عقب المعزة ساكنٍ دار الإنعاش
والنفس ضاقت عقب ماهي بشوشه =مثل المقيم اللي على نو مطراش

[نــجــم]

قصيدة الرجال طيور


الرجال طيور توصـف للحـرار=وكل طير فـي جناحينـه يطيـر
وين طير يحتري لـه كـل جـار=ووين طير يذعره صوت الصفيـر
وين طير لا نهض شـق الستـار=وين طيـر مايصيـد إلا الشريـر
لو تقـول إن الشجاعـة بالطيـار=كان فضلنا القطا عـن كـل طيـر
النداوي له علـى الفعـل اقتـدار=والحمامـة بالمحـارم تستـديـر
وإن جهلت الزين والجنس الدمـار=انشد اللي فـي معرفتهـن خبيـر
افتهـم منـي كـلام باختـصـار=فرق بين الصوف من سلك الحرير
وفرق بين الحب ونخال الشـوار=أصلهن واحد لاشك الـذوق غيـر
ربعة الطيـب تزيـدك بانتصـار=ترفعك رفع العمـد بيـت نظيـر
والردي عرفه مثـل بيـت هيـار=تنقبـر فيهـا ويدفنـك الحفـيـر
حقة الطيب تجيـك مـن الفقـار=والردي يعطيك كرسـوع البعيـر
لاترابـع واحـد بالعهـد بــار=وإن وفا مرة فهـو خيـر كثيـر
التجـارب خلهـا لـك مستشـار=لاتبي غير التجارب لـك شويـر
لاتجـي مدخـل يدينـه بالخبـار=مالقى صيـدة لقـى داب ضريـر
وانت في نفسك عليك الـدور دار=لاتحسـب إنـك مخلـى يافقيـر
وقر العالـم وتلقـى لـك وقـار=وإن حقرت حقرت لو إنك أميـر
والشرف لايستـوي فيـه انهيـار=الشرف هو مقضب السيف الشطير
والقناعة مرجلة والضعـف عـار=واطلب النجدة من الوالي القديـر
لاتجـي للنـاس طلباتـك كثـار=كـل ديـوان تجـي يمـه مغيـر
ماخبرنا في هـل الشحـذة تجـار=غير فقره كـل نفـسٍ لـه تعيـر
خل عز النفـس للعـورة ستـار=لو فراشك في طرف بيتك حصير
وانت للعـودة إلـى الله بانتظـار=واحـد مالـه وكيـل ولا مديـر
مـدة الله تمتلـي منهـا النـقـار=تجعل الغـدران بالملـزم تحيـر
تجعل الوادي مريـف بالخضـار=عقب ماهو يابـس قشعـة هشيـر
الكريم معـان والفـارس مجـار=مدي الواجـب ونطـاح الذخيـر
والغنـى بالـذل مافيـه اشتهـار=والفقـر بالعـز لأمجـادك يثيـر
منزلك بالذل فـوق أعلـى منـار=ينتفضل عنـه مسكـان الحجيـر
مرقدك بالعز فـي حـزم القـرار=ينتفضـل بالمعـزة عـن سريـر
الغنى بالنفـس ماهـو بالصـرار=كـم غنـي كـن ماعنـده دخيـر
كم فقير فـي ثقيـل الحمـل ثـار=وكم غني سمعتـه سمعـة فقيـر
لا تقول فـلان يملـك لـه عقـار=ليش أنا ما أدركت مثلـه وأصيـر
واحد معطي ماهـو فيـك غـار=لاتجي لأحـوال خلـق الله نظيـر
ولاتقول الوقت لايحنـي صطـار=ضربـة خلـت دماغـي يستديـر
غيـرك الدنيـا تلوحـه بالحجـار=لين صار الدم مـن خـده خريـر
ضامـت الدنيـا مدللـة البـكـار=نازلين القفـر لـو جاهـم نذيـر
وانكشف برق مثل لـون الشعـار=يذكر الغزاي به عشـب وغديـر
جلعوا لـه مالهـم غيـره مـزار=في جهـام كنـه الصيـد المذيـر
وإن مشورك بالسلف والنشر سار=زمة الحيـران زاهيهـا النشيـر
حاسبـيـن للجـهـاد وللمـغـار=والبنـادق ماتخـبـى بالجفـيـر
كان شاط الهوش شيطات العشـار=جتـك أواليـد تعـزوا بالفطيـر
موتة عن قولـة الخفـرات نـار=العـذارى ماتعشـق اللـي ينيـر
وينهـم هالحيـن مامنهـم سمـار=ماتشوف إلهـم ورود ولاصديـر
مالـت الدنيـا عليهـم بانكـسـار=عقب مايضهد دبشهـم كـل بيـر
عقب شرب الدر من سور الحوار=هاجروا بالمدن يشرون العصيـر
والدبور إليا طبـخ قـدره وفـار=ذوب اللي فيه من حامي السعيـر
لـذة الدنيـا مثـل لعـب القمـار=لو جمعت المال شف تالي المصير
لوجمعت من الذهب حمل القطـار=عند نزع الروح ما أنتب له دبيـر
صار بين الوارثيـن بـلا مشـار=انعزل حق الكبير مـن الصغيـر
وانت حقك خامـةٍ عشريـن وار=حقتـك هـذي ولا فيهـا خشيـر
فصلوا منهـا حزامـك والـوزار=وأقرشوا بك يم مثـواك الأخيـر
وانسدحت من الفضا في وسط غار=يطـردك منكـر وقدامـك نكيـر
واهني اللي مشى طلـق الشكـار=سالم من ظلم عمرو ومـن عميـر
لـوه بالدنيـا بحـالات خـطـار=يرتجي بالآخـرة فرحـة نظيـر
مـن رحمـه الله وقبلـن العـذار=رحمة الله تغفر الذنـب الخطيـر
والأثيم من الصراط أقرش وعـار=إن سلم من ويل طـاح بزمهريـر
يـا إلهـي كـان مالـي إقتـدار=ألتجي في رحمتك وأنت المجيـر
الشباب أقفى وأنـا بآخـر نهـار=وأرتجي فزعتك يانعـم النصيـر

[نــجــم]

الوجيه الفليحة


قالوا حكوا بك قلت وش هم يقولون
وش قيل فينـا يالوجيـه الفليحـه
شوفوا مردُ الهرج وش هم يطرون
حتى نعرف مزوره مـن صحيحـه
كان الكلام من المعادي على هـون
بعض المسبه بالمجالـس مديحـه
تجيـه عربـانٍ مـن الله يخافـون
عن الظليمـه ينصحونـه نصيحـه
لو كل خلق الله على الحق يمشون
كان القلوب من الخطـا مستريحـه
كم واحدٍ بعروض الأجواد مفتـون
وهو سلومـه يفضحنـه فضحيـه
وكم واحدٍ يطعن وهو فيه مطعـون
يذم ريح النـاس والشيـن ريحـه
بعض كلام الناس تهمات وضنـون
قـولٍ تنميـه الوجيـه الوقيـحـه
الظلم لو فازوا هله مـا يدومـون
راع الظليمـه لاتباطـى مطيـحـه
والناس هذا الناس من عصر ذالنون
وكلن على دربـه ركابـه مشيحـه
مقرود يامن بـدل اللـون باللـون
بعض الكلام يحرفه عـن صحيحـه
والصدق هو والكذب ماهو بمقرون
كان إنها تدرس بلهجـه فصيحـه
مايمدح الرجـال بالشكـل واللـون
إبحث معه لينك تعـرف القريحـه
تراك تعرف عنه وأنتـم تهرجـون
يبين لك من كـل جـودٍ نضيحـه
المستريح اللي من الشـك مامـون
مع كل خلـق الله علومـه مليحـه
كم واحدٍ حيٍ لـه النـاس يثنـون
وإلا توفـى قـالـوا الله يبيـحـه
وكم واحد لو هو باالألحاد مدفـون
ذكراه عند الناس بيضـا صفيحـه
وكم واحدٍ يجمع ملاييـن وخـزون
مـالٍ تنميـه اليديـن الشحيـحـه
لا تشكره رملـى ولا فـك مديـون
ولا حل مشكلة النطيـح ونطيحـه
ولا له على جاره من الفضل ماعون
لو إن جيرانـه تشـوف الذبيحـه
وكم واحدٍ جيران بيتـه يحمـدون
للجـار ريـف وللجماعـه منيحـه
وكم واحدٍ منه العـوادي يخافـون
زبن المخيف اللي كثيـرن فحيحـه
ربعه نهار الضيـق فيـه يتـذرون
لاجا نهـارٍ فيـه لجـه وصيحـه
وبعض الرجال بهم شريفين وعفون
كلن علـى ماقـال يرجـع لكيحـه
وبعض الرجال بضحكهم يستغلـون
يجيبها مـن نـوع زلقـه بطيحـه
هذاك بين له من الهـرج مدفـون
خلـه إلا شافـك يزيـن سميحـه
الهرج لـه نقـال والـرد للشـون
مزح الجزع يثـر بكبـدك جريحـه
هذا وأنا ماني من الناس ملسـون
لاشك أرفض مـن تزايـد جميحـه
قلته وكل الناس غيـري يقولـون
راع الظليمـه لا تباطـى مطيحـه

[نــجــم]

سر يا قلم

سر ياقلم واشرح على بيـض الأوراق
من ماتصور لـي معـانٍ لهـن ذوق
من هاجـسٍ بيـن المعاليـق دقـاق
يبدي له أنواع مـن أفـراح وغلـوق
خـل القلـم لملـون الحبـر دفــاق
يمضي نهاره بين الاصبـاع مخنـوق
يدرس مشاكل خاطرٍ كـل مـا ضـاق
كن النحر من ونـة الجـوف مفتـوق
انـا لشرهـات التماثـيـل عـشـاق
لوني علـى قفـر التماثيـل مسبـوق
الفكر يومه انـه لشـره المثـل تـاق
تراي وصيته عـن الهـزل والبـوق
معطيه وصـفٍ يتبعـه قطـر تفـاق
عن منهج القاضي ترى الطرق مطروق
لاخيـر فـي جيـلٍ يلفّـق تلـفّـاق
الجيل عنـوان اهلـه فيـه ملـزوق
والناس كـل لـه تعابيـر واشـواق
والهم على الطامع مشاريـه وحقـوق
وليا اشتبهنـا مصـدر الحـق فـراق
الحـق لـلأول بـلا شـك وارهـوق
الله علـى والعمـر مـا دام بـرفـاق
ما دام عـن دورات الايـام مرفـوق
شوف الغدير بحاجر الـروض لهـاق
والبيت توه باطراف النقـع مطقـوق
أنا هـوى بالـي طويـلات الاعنـاق
دلال رسـلانٍ لهـن وسـط وعنـوق
جيب الهشيم وشفت للنـار سـوراق
شفت السنا عن مسحب الجمر مفروق
اليا فاحت اللقمة ترى الهيـل لحّـاق
يازين كف الهيـل بالنجـر مصفـوق
أشـر بـدق الهيـل يامـال الاعنـاق
خلّ الشفاوي يسمـع الهيـل مدقـوق
ليا من راعي الكيف مـن مرقـده واق
ادعه على الفنجال والحـي مـرزوق
يوم الهدوس بسكـرة النـوم غـراق
يامحـلا صـوت الفناجيـل مسيـوق
بيـتٍ يزورونـه شريفيـن الأخـلاق
بيتٍ شريف وراعـي البيـت ماثـوق
ياحلو مجلسهم تحـت عفـر الاوراق
في خايع نبتـه شمـل كـل خنتـوق
وليامشي دواج في بعـض الاصفـاق
جاب الزبيدي من نشانيـش رقـروق
مدهال من يعبالهن صلـف الاطـلاق
واللي تشايـل ديدهـا تقـل جالـوق
صفرا إلـى حنـت عطيفـه تفهّـاق
جاها حويرها مـن الحبـس مطلـوق
وناسـة الخاطـر يزيلـن الأغــلاق
ودنيـاك مـا داوم طربهـا لفـاروق
صيـور زفـرات الهبايـب بـالأدواق
لابد مـن يـومٍ يصيـر الهـوا دوق
من حسب الدنيا علـى جبـر ودقـاق
ماطاب عيشه لويحوّق الذهب حـوق
ماضاع حرفّي علـى السفـن حـدّاق
ولادام من عد الذهـب وزن وعـروق
والبخـل مايغنـي ردييـن الأوفـاق
كثيرهم ثوبه علـى المتـن مشقـوق
لو تشنقه ما ادرك ثمن موس حـلاق
إن كان ما حدٍ خلصه مـات مشنـوق
والجود مايضعـف زكييـن الاعمـاق
اللي عن الزابن دفـع منهـم السـوق
مكرميـن الضيـف بكبـار الاشنـاق
جل الغنـم وإلا عـداوٍ مـن النـوق
وصحونهـم ماتنقـدر كـود بحـلاق
من كثر مافيها مـن الذبـح معلـوق
وقصيرهم في مبـركٍ دمـث ورقـاق
كنه عن العيلات فـي راس شاهـوق
يفداهم اللي لا شـرف السلـم هتـاق
اللي ولد جـاره مـن ابنـاه ملفـوق
وصلوا على المختـار مـالاح شعـاق
ما انزاح ليل وبزت الشمس بشـروق

[نــجــم]

زين المعاني

قال الـذي زيـن المعانـي قطفهـا
أمثال مبداهن عـن الشـك مفـرود
أمثال عنهن قاصـر العـرف يفهـا
من حيث درب العرف طلعات وصعود
لو كل مـن قـال المثايـل عسفهـا
ما صار نقـص بالمعانـي ولا زود
والبنـدق العوجـا تجنـب هدفهـا
الى صار منظرها عن القطر مصدود
وغاية جميع الخلـق محـد عرفهـا
رضا جميع الخلق ما هـو بموجـود
لا شك تـدي كـل نفـس نصفهـا
ترى كلام العدل يظهـر لـه شهـود
من رابع العاقـل لنفسـه صرفهـا
عن تيهة يشقى بها مـا بهـا فـود
اسمح عن الليل تيهته مـا عرفهـا
يمكن يرد اليالقـى الـدرب مسـدود
لومي على اللي تيهته قبـل شفهـا
ومن العيا كنه عن الرشـد مطـرود
نفسه على شين المماشـي حذفهـا
اصبح ذميم لوه من نسـل محمـود
لا يفتخـر بافعـال نـاس وصفهـا
لها الفخر كانه وقف ماقـف العـود
مـا كـل اجاويـد تبعهـا خلفهـا
لا بد ما يخلف حمد سيـرة حمـود
كم واحـد يمـت جـدوده نسفهـا
على الشمال ورد مـع دربـه ورود
ضرب دروب ما نشـد عـن كلفهـا
وكدر سماه وصار بالجهـل مزيـود
نفسه خطا غيره لعب فـي شرفهـا
اصبح بخيت لابـس ثـوب مقـرود
كـم واحـد ربعـه يعـدل عجفهـا
من نشوته صاروا مشاكيل وفهـود
عنهـم مهمـات الافاعـي كتفهـا
ماحد يجيهم بطش والحـق مريـود
لومـي علـى راع ممـاش حرفهـا
عن درب ابوه ودرب جده هل الجود
اقول لـه دنيـا بـلا مـدح عفهـا
ترى تلاي الجسـم للقـاع والـدود
انتـم بثـر نـاس تقـدم سلفـهـا
مرحانها تسفي خلايـا مـن الـرود
هـذي مبانيهـا وهـذي غرفـهـا
بقى العمار وبانـي القصـر مفقـود
وغيـره بيـوت للفـداوى رففهـا
مثل الجبال السمر وألوانهـا سـود
محلي حلاها عقب سيـرة صلفهـا
في خايع نبته لها ارقـاب عاصـود
كم فيضـة زيـن المبانـي كنفهـا
بيوتها للخيـل عـن مرتـع الـذود
قـب مطاليـب المقفـي نحفـهـا
ياما نضح منها العرق نضحة الجود
لا مـن كسـاب الزعيمـة خطفهـا
صاح الصياح وجاوبه حس بـارود
كل ركبها مـا نشـد عـن كلفهـا
جنك على الداعي مع الحزم جلعـود
كـم ابلـج عنـه الجبانـة كشفهـا
خلي بجيش القوم حـاوي ومـردود
وكم ابلـج نفسـه حياهـا قصفهـا
اصبح فؤاد امه من الحـزن ملهـود
هذي سلوم اللـي تقافـت صففهـا
يوم الهـوا عـدل لركابهـا القـود
واليوم ترحم حالهـا مـن ضعفهـا
ما كنهم شيفـوا بمربـاع وعـدود
مضما البكار اللي تنفـض شعفهـا
لو تاصله عينت به ربـق وهنـود
قلـي عـلام الوقـت هـذا صدفهـا
واقول لكل هذا اخر الوقت مشهـود
محد تصاريـف الزمـان اكتشفهـا
تغيرت سلم علـى الخلـق مقـدود
دنياك بالقفـلات يضـرب صلفهـا
لمحة بصر ما له سنا برق ورعـود
غـدارة لـو اضحكتـك بطرفـهـا
تراك عقب الضحك ببكاك مـا عـود
ان اقبلـت قامـت تمشـط زلفهـا
هنوف عرس طيبها المسك والعـود
وان ادبرت شفت الكدر من حرفهـا
تمسي تسيد وتصبح الصبح مسيـود

[نــجــم]

الهدايه

قال منهو حسـب رايـه يشيـر
بالهدايـه واجتنـاب المعصيـات
العباثه والجهل مـا فيـه خيـر
الهدايه نـور والجهـل اظلمـات
ما يصير ان العمي مثل البصيـر
اسمعوني يا القلـوب الواعيـات
العمي ما هـوب عيـان النظيـر
كم عما قلب اعيونـه صاحيـات
لو تشوفه شايـب وسنـه كبيـر
يمكن افهم منه ابو عشر سنوات
ون نشدته قال مدري وش يصير
مـا درا بالماضيـه والمجبـلات
والليالـي لـو تديـر وتسديـر
ما يثبت وين راحت ويـن جـات
والشرف ما ينحقر عنه الصغيـر
كم اصغار ينطحـون الموجبـات
كم صغير يجتـدي فيـه النشيـر
وكم كبير صار من عرض الخوات
لا تقـول ان المراجـل للنضيـر
ما يفيد النظر كان القلـب مـات
ولا تقول انـي غنـي ولا فقيـر
استعبري يا النفوس الموهبـات
ما لك الا ما كتب لك لـو تطيـر
الوهايـب بالجبيـن امقـيـدات
والرسول افتي لنا فيمـا يصيـر
بس ما يجزم علي خمس كلمـات
الاجل والرزق والرحـم الستيـر
وخبرت الساعه وقطر الناشيـات
علمهن مع واحدن مالـه وزيـر
رحمته تكسي العظـام العاريـات
قال مات افلان من طيحة ابعيـر
او رموه اعداه في بعض اطلقات
او سبايـب موتـه واقـع ابيـر
او غدي وصط البحور المضلمات
لا حشي هذا السبب والموت غير
مير مذكور السبب قبـل الوفـات
لا محب يحـي العمـر القصيـر
ولا عدو يكتـل اعمـار طايـلات
لو نواك ابسلت السيف الشطيـر
يمكن الله يمنعـه قبـل الهـوات
ينصرف ويـرد سيفـه بالجفيـر
ياخذ السايه ويعطيـك احسنـات
كل شي له مـن المولـي دبيـر
والحـوادث والسهـوم امدبـرات
لا تقول ان المرض هـذا خطيـر
كم مريض سلم ومباريـه مـات
والقدر وان حل ما يفيـد الغريـر
لو علي بابـك اقفـول امغلقـات
المنايا مـا طـرش لـك نذيـر
وغارت الدنيـا توجـه بغفـلات
مـا تعلـم ويـن نيتهـا تغيـر
عند ما تدرون هاك الفعـل فـات
ماذكـر ايحـول للدنيـا عشيـر
ولا صفت لاحد علي طول الحيات
واحد تعطيه مـن غيـر اتغديـر
واحدن تسلـب اثيابـه والعبـات
اللسان اهو اكبر الشـر الشريـر
كم كلام صـار شبـة مشكـلات
والحيا والمرجلـه درب عسيـر
وجتناب النفس عن كل اشهـوات
لا تطيع النفس وابليـس العثيـر
ارجم الشيطان في سبع احصوات
كان طعت ابليس خـدرك تخديـر
حط في عنقك اعقـود امبرمـات
خدرك بالنوم من فـوق السريـر
رايه ان النوم خير من الصـلات
اهجر الشيطان حيث انـه هجيـر
واكتسب بعض الامور المرشدات
الرجال اشطار كان انـك شطيـر
كان الك دوره لهم سبـع ادورات
لا تقول اسبق علي العد الغديـر
ان جهمت اركاب غيرك ساريـات
تم جيلـي وذكـر الله وستجيـر
عن خطا نفسي ودرب المعصيات

[نــجــم]

مسموووح

مسموح يا زول ن مشيت متعـدي
حط الذرى بينـي وبينـه عباتـه
دوبه بطرف العيـن يمـي يلـدي
يبـي يسمّـح خاطـري بالتفاتـه
قلبي يبي شوفـه وعينـي تلـدي
أخاف من هرج ن يطوله شماتـه
أخاف من فطنة خطـات متحـدي
اللي على الغـرات هـذي سواتـه
ما ودي إنه يكتشف غيـب سـدي
خله يروح وعبرتـه فـي لهاتـه
لابد من يـوم ن رخـاه متمـدي
يلحق به القلـب المولـع شفاتـه
يوم ن به الحسّيـد عنـا تصـدي
راع الحسد عنـا بعيـد ن مباتـه
جعله بدربـه ذالـفٍ مـا يـردي
احذف وراء الشيطان سبع حصواته
يانـاس بالله لاتصيـرون ضـدي
من لا هرج بالعدل يكفـي سكاتـه
ياناس مجروح الضميـر المـودي
خلوه يدلـه ساعـةٍ فـي حياتـه
يا صاحبـي ماهـو بـودك وودي
لـو ودّنـا كـل تخيّـر منـاتـه
من دون جمعانا سلـوم ن تلـدي
تمنع شفوق القلب دون شهواتـه
دونك عـدو ن للحسـد مستعـدي
طعون قلبـه بالحشـا موجعاتـه
وإلا فـلا غيـرك حبيـب يسـدي
تكفيك ضيقة خاطـري وانهتاتـه
حبك مقيم وحـب غيـرك يشـدي
هذا الكلام اللي صحيـح ن ثباتـه
سلطان حبك لـو سيوفـه تحـدي
جيته مطيـع لسايتـه واحسناتـه

[نــجــم]

ياعل عدٍ نزل خلـي علـى بيـره
يسقيه مـن مدلهـم النـو هتافـي
يا خذلـه أيـام سايلـهٍ عثاميـره
واللي يشوف المحاجر نقعها صافي
لينن عقب الحيـا تنعـم نواويـره
يصير مشتـا ومربـاعٍ ومصيافـي
اظن في قرب خلـي يامـلا خيـره
والا التفاريق منها القلـب يلافـي
اخاف من ساعه ٍ تقرش مظاهيـره
أن خايلوا من بروق الوسم كشافي
اروح في ديره والزين فـي ديـره
والرود من بيننا ماعـاد ينشافـي
لو اطمع انه يعزيني هـوى غيـره
ماكان حاتيت فرقا زين الوصافـي
دورت عذرى نباها كنهـا الشيـره
مانيب غادي وانا مع سبعه اسلافي
لا شك بيني وبين صويحبي سيـره
ليا أقفا خذ القلب مني نابي الاردافي
ثمن ركز في محل القلـب بنـدوره
كتب علـى نشرهاسلالـك الخافـي
خلا ضميري مثل عش ٍ نزع طيـره
لولا غروق الجبل حول به السافـي

[نــجــم]

يناجي بها احد ابنائه الصغار أثناء مرض أمه

الورع عيا لا يوافق علـى النـوم
قـام يتهشـم ويتزايـد عويـلـه
ادوج به وسط الدكاكيـن واحـوم
ادور اللي يشتهـي واشتـري لـه
واذا نشدته قـال ماعنـدي علـوم
يقول ابي امي والسوالـف قليلـه
مالي على شيله جـلاده وتعلـوم
مير الدهر خلانـي اليـوم اشيلـه
ياعبيد لو أمك بهـا قـوة عـزوم
الورع والله ماعترض في سبيلـه
انـك لتلقانـي مكفـي ومحشـوم
وهـي بشوفاتـه بصيـر دليلـه
ياعبيد انا يابوك ضايق ومهمـوم
أضحك وفي كبدي سوات المليلـه
أضحك واوسع خاطري وابعد الحوم
واطلب عسى تالي العواقب جميلـه
شكواي للي يفرض الحج والصـوم
والا البشر ياعبيد ماينشكـي لـه
ماجور ياللي بالطبيب أمس واليوم
الله يجيرك جعـل ماهـي طويلـه
ياصاحبي لوكان بالبيـع والسـوم
كان اشتريـك وتشتريـك القبيلـه
لاشك مادبر على العبـد مقسـوم
حيل الله أقوى ما باليديـن حيلـه
ياعبيد أنا يابـوك مانـي بمليـوم
الغبن غبـن منقضـات الجديلـه
بعض النسا ياعبيد تقنيهن القـوم
واللي كسبها قـال عنـدي حليلـه
لي صاحب في وقتنا اليوم معـدوم
اليا فقدته وين ابـا القـى مثيلـه
عذروب خلي شارةٍ فيـه مرسـوم
يتبع غضب نفسه ويرضي قبيلـه
والجار يبطي ماشكى منـه مثلـوم
ولاهي علـى رواد بيتـي بخيلـه
ولاهي من اللي تطرق النزل وتحوم
دايم على الفرقان يومـي شليلـه

[نــجــم]

يناجي بها احد ابنائه الصغار أثناء مرض أمه

الورع عيا لا يوافق علـى النـوم
قـام يتهشـم ويتزايـد عويـلـه
ادوج به وسط الدكاكيـن واحـوم
ادور اللي يشتهـي واشتـري لـه
واذا نشدته قـال ماعنـدي علـوم
يقول ابي امي والسوالـف قليلـه
مالي على شيله جـلاده وتعلـوم
مير الدهر خلانـي اليـوم اشيلـه
ياعبيد لو أمك بهـا قـوة عـزوم
الورع والله ماعترض في سبيلـه
انـك لتلقانـي مكفـي ومحشـوم
وهـي بشوفاتـه بصيـر دليلـه
ياعبيد انا يابوك ضايق ومهمـوم
أضحك وفي كبدي سوات المليلـه
أضحك واوسع خاطري وابعد الحوم
واطلب عسى تالي العواقب جميلـه
شكواي للي يفرض الحج والصـوم
والا البشر ياعبيد ماينشكـي لـه
ماجور ياللي بالطبيب أمس واليوم
الله يجيرك جعـل ماهـي طويلـه
ياصاحبي لوكان بالبيـع والسـوم
كان اشتريـك وتشتريـك القبيلـه
لاشك مادبر على العبـد مقسـوم
حيل الله أقوى ما باليديـن حيلـه
ياعبيد أنا يابـوك مانـي بمليـوم
الغبن غبـن منقضـات الجديلـه
بعض النسا ياعبيد تقنيهن القـوم
واللي كسبها قـال عنـدي حليلـه
لي صاحب في وقتنا اليوم معـدوم
اليا فقدته وين ابـا القـى مثيلـه
عذروب خلي شارةٍ فيـه مرسـوم
يتبع غضب نفسه ويرضي قبيلـه
والجار يبطي ماشكى منـه مثلـوم
ولاهي علـى رواد بيتـي بخيلـه
ولاهي من اللي تطرق النزل وتحوم
دايم على الفرقان يومـي شليلـه

قال الذي له باشرف الجيـل مقـدار
من رحمة الخالق على العدل مامور
جيل اليا منه مشـى بيـن الاخيـار
شفقوا عليه وقيل راعيـه مشكـور
مانيب بالمجلـس طفـوق وهـذار
ولانيب من ياخذ كثير اللغـى طـور
من لا نشدني ماسمع منـي اخبـار
وليا نشدني راح راغـب ومسـرور
عندي وعند الناس في كل محضـار
السالفـه بيـن الرجاجيـل بالـدور
واللي يجي بين الرجاجيـل ثرثـار
يخف وزنه بالمجالس علـى الفـور
هرجه زبد موج لغت فيـه الابحـار
والا دخـن نـار تقفـاه عـافـور
والعقل يا صف لك مطاليع الانـوار
يظهرك من لجـات الاظـلام للنـور
راعي الذكا والعقل وان صار ما صار
تسمع له الكلمه ويسمع له الشـور
واحفظ شرف نفسك عن الذل والعار
اتبع رجال الحق واترك هل الجـور
حنا بوقـت فيـه اجاويـد واشـرار
تالـي زمـان بالتواريـخ مذكـور
شفنا من العـادات تغييـر وانكـار
اخر زمـان وكـل نـاس لهـم دور
اليوم كسب الرجل في غض الانظار
ماله ومال الناس عـاري ومستـور
واحرص على لابعة شريفين الاخيار
ترى الشريف اليوم ماهوب مكثـور
اربح بنور تقتبـس منـه الانـوار
ما انتب على لجات الاظلام مجبـور
والحق در وياه من حيـث مـا دار
لا يستريسك بالجهـل كـل مغـرور
قوم حدود الدين خوف مـن النـار
لا تظلم الغافـل ولا تشهـد الـزور
واصبر بحكم الله وما جاء بالاقـدار
ترى قوي العـزم بالصبـر ماجـور
ولا تنشر الدعوى على كـل مـرار
ترى العدو يفرح ليا صرت مضـرور
واحرص على ربعه طويلين الاشبار
اللي لهم ذريات الاخـلاق دستـور
بالـك ترابـع واحـد بالعهـد بـار
حاذور عن ربعة هل المكر حـاذور
وان كنت في غرف الرجاجيل محتار
ترى التجارب تفرق الحصن والثـور

[نــجــم]

يا لقلب مالك في كثيـر الـدّوادي
كثر الحكايا سميّـت مـر الأكبـاد
لا تبتلش بامشاجرت كـل غـادي
عذلك لمن لا يفهم العلم مـا فـاد
ما تسمع الصقهان صوت المنـادي
اصقه ولا يسمع للأصوات وش عاد
الطيب لو هو ينشـري بالمـزادي
كلا شرى لينه من الطيـب يـزداد
الجهل يلعـب بالعمـار الجـدادي
والعقل ضد الجهل كان البخت جاد
متى على الجاهل يصير اعتمـادي
ليا صار توّه ما بلغ سن الإرشـاد
يالله يالمطلـوب يـا خيـرهـادي
ياللي لك العالـم ركـوع وسجـاد
يا أحمد ترى شفي وغايت مـرادي
شوفك مع العقال في كـل مقعـاد
متى على ظهرك نحـط الشـدادي
ارجيك تفعل بي مثل فعل الأجـواد
افهم كلامي وانتبـه يـا سنـادي
يرجيك عودي مقفـى مالـه أولاد
ارجيك رجوا مسنيـي بالحمـادي
شاف الخيال وسمع بالمزن رّعـاد
وإن كان تقنـع بالكـلام الوكـادي
طرق الجهاله مالها وقـر وعـداد
ارجيك من دوني بعمـرك تفـادي
وأشوف ركضك بالجهل طوّل الماد
خالك وعمك من رجـال البـوادي
مير الرجا بالله عسى حظنـا جـاد
الحر يفرق عـن طيـور الحنـادي
الحـر لا منـه طلـع للهدد صـاد
والتبع خلـه فـي ليـال الهـدادي
راعيه يرجع مثل ما راح مـا فـاد
هـذا كلامـي باخـره والمبـادي
قلته ولاني عن هل المكـر نشـاد
الهرج واجـد مـا لكثـره مـلادي
وإن الردى ماله على الطيب مـراد
ترى الردا صحراً شجرهـا كـدادي
والطيب روضي فيه عشب له أوراد
رجلي يسـاوي عشـرة بالعـدادي
ورجل خساره عنده الملح والـزاد

[نــجــم]

أنا يالربع ما ألقى لـي بديـل
بقلب مانسـى حـب الخليـل
ولو إنه بغـى تـرك الأمـور
رجاه بربعـة الغالـي طويـل
قديم الحـب مايمحـي غـلاه
إلى شفته لـه الخاطـر يميـل
تذكرنـا لـيـال ماضـيـات
بذكر يبعـث الجـرح الحيـول
ربيع القلب هرج مـع حبيـب
قديم الحـب والمنظـر جميـل
إلى من لجلجن خرس العيـون
بغمض يشبك الرمش الظليـل
عطا لفتـة حيـاوي شفـوق
وتبسم ضحكة ماهـي بحيـل
على ذاك المشاهـد يـا سـلام
حلاته تنعـش القلـب العليـل
انا شفـت المحبـه بالبدايـه
لها عند اهل العـرف تحليـل
طبيبيـن الهـوى مايجهلـون
مبـادى علـة القلـب العليـل
مبـادى حبهـم فـزة قلـوب
وضحكـات خفيفـة وتعزيـل
ولـو كـل كـم سـده حيـاه
لـزوم واحـد منهـم يعـيـل
يبين مـن الضمايـر ماكمنـه
طريح الحب ماعنـده حصيـل
إلى من شفت مجروح الفـؤاد
نصيحه لا تعرض لـه سبيـل
تحمـد ربـك اللـي مابـلاك
لا تشره علـى القلـب العليـل
يلومـه واحـد قلبـه سليـم
وعنـده كـل مجبـور هبيـل
يراقبهـم وهـو مالـه لـزوم
تقل هذا علـى العالـم وكيـل
يعـدل لـه عقـول كامـلات
وهو عقله يريـد لـه تعديـل
لو انه عاقل ما كـان يـزري
على راعي المحبـة مستحيـل
يا ليت من الهوى تخليص شان
ونوى عـن محلـه بالرحيـل
فلا حصلـت منـه الا العـذاب
هموم بالنهـار وسهـر ليـل

[نــجــم]

الله مـن قلـب بـدت فيـه الأنـواع
تاخذ به افكـاره هجـوس وتناويـع
دويـت بافكـار كبيـرات ووســاع
وآشـوف كـل روايـة جالهـا ريـع
مير ان راعي كلمـة الصـدق بتـاع
أهـل الصداقـه للتحـدي مفـاريـع
الصدق له مع سايـد الحـق مطـلاع
والكذب له مـع غيـر يمـه مطاليـع
كم واحد مغريـه رايـه ولـو ضـاع
في خاطره عنده لمن ضـاع تسنيـع
وكم واحـد للـي يشيـرون مطـواع
للي عطـاه الـراي ممنـون ومطيـع
قلبه ليا شاروا هـل العـرف سمـاع
أخذ مـن الأريـا ثمرهـا بـلا بيـع
وكثر التجارب درس والـدرس نفـاع
فيهـا لذربيـن الرجاجيـل ترفـيـع
احرص على ربعه شريفيـن الأطبـاع
لوهم مـن الأجنـاب فيهـم منافيـع
كم نـازح يشـرى والأقـراب تنبـاع
بيعة رجـا ماهيـب بيعـة تقاطيـع
لاتستوي بالغيـض صـارم وجـزاع
على رفيـق شفـت منـه التواجيـع
لاعاش من دايم على الربع صعصـاع
ومقطـع جيبـه يـديـن الفـراريـع
وان طعت راي اللي درس كل الأوضاع
الميز هو مصـراع كـل المصاريـع
رجل بلا ميز ولـو طـال لـه بـاع
يضيع افعالـه مـن الجهـل تضييـع
واحذر تصير لمن وثق فيـك خـداع
ترى أقشر الحـالات حـال الخداديـع
الخدع لـو راعيـه بالـزود طمـاع
تـراه مثـل زراعـة مالهـا ريــع
من طاب لك بالمد قـدم لـه الصـاع
ولاتفتخر كانـك تعـرف المواضيـع

[نــجــم]

أشهد أن دنياي ماجت في عدال
زودها النا كـل عـام ترذلـون
ذوقتنا الكدر من عقـب الـزلال
وعلقت رمحينها بيـن المتـون
خمسة أشهر ما قعدنا بالظـلال
كود ظل اللي به العاف مخزون
في تصاريف الحجر هي والحيال
وأن قضوا ذولا هذولا ينزلـون
قالوا أن الصبر تقنيه الجمـال
غرهم سنين الجلادا والمنـون
يا مصورة السوالـف بالعـدال
اثركم فيمـا حكيتـوا تكذبـون
أشهد أن الصبر تقنيـه العيـال
كل ما حطوا عليهـم ينقلـون
يردون الموت في كل الأحـوال
غير ذلك والسكارى يضحكـون
كل ما كمل هـلال جـا هـلال
من محاتاهن يشيبـن العيـون
أربعـة جـرد تكملهـن كمـال
لين يكمـل حتنهـم ويقفلـون
يالنشامـا ياكريميـن السبـال
كل كون غير كـون الله يهـون
بد من يوم وتشوفـون العـدال
عقب مارحتوا جنوب وتشملون

[نــجــم]

هنا الشاعر مرشد البذال يرثي ابنه سيف
وللمعلومية الشاعر مرشد قد فقد اثنين من ابنائه قبل موت ابنه سيف
والله العالم ان بدر المذكور في القصيدة هو بدر بن عبدالله بن مرشد البذال
وعبدالله هو احد ابناء مرشد المتوفيّن قبل سيف رحمهم الله
ورحم والدهم رحمةً واسعه


يابدر يـوم انـك تضاعفـت حالـي
الحال ماتنعـم علـى ضيقـة البـال
بـلاي فعـل الفجعتيـن التـوالـي
اللي سبايبهـن سلـب قـوة الحـال
يابدر يوم السبت يامـا جـرى لـي
من واهـجٍ خـلا المعاليـق تجتـال
وادعت يوم السبـت تالـي عيالـي
اتلى العهد به يـوم للقبـر ينشـال
وقفت عنـده موقـفٍ حسـن بالـي
والرمل فوقـه ينسفونـه بالاشبـال
صفقـت بالكـف اليميـن الشمالـي
ونّيت ونة مـن عليـة الدهـر مـال
مالي سوى رحمـة عزيـز الجلالـي
اللي خـذا منـي حبيبـي ولا سـال
عـز الله انـه بـات بالقبـر غالـي
وليـا تذكرتـة تـذكـرت رجــال
الله يبيحـك ياشـريـف المجـالـي
يا اللي قضى عمرك على طيب الافعال
إلى ذكرت مـراق لـه مضـى لـي
هلّت دموعي فوق الاوجـان همـال
بكيت مـن فقـده وكـلٍ بكـى لـي
كل عليك الدمع مـن محجـرة سـال
ياسيف لوما جـاك حكـم الزوالـي
تظهر لك اخبـارٍ شريفـات وافعـال
ياسيفي اللـي ذاخـره راس مالـي
ومعـدّي عنـي وحـم كـل عيـال
مرحـوم ياعـز الرفيـق المـوالـي
وسبع الخصيم اللي من الغيظ مشتال
مانيـب عقبـة للحيـاة متحـالـي
لو قلت ابا نسي سيف تفكير جهـال
لاشـك وقتـي بالطـرب ماصفالـي
والحمد للـي غيـر الحـال بالحـال
قبلـه ثنيـن مـن غوالـي حلالـي
راحوا وهاذي عـادة الوقـت ميّـال
راحـوا وخلونـي وحيـدٍ لحـالـي
من بيـن خفـراتٍ أيامـي وطفّـال
يالله كـان انّـي علـيـك اتكـالـي
وأنّي ضبطت النفس من سطوتك ذال
تعوضنـي فـي طيبـات العمـالـي
ولا البشـر لــو دام تالـيـه زوال
ليا شفت غيري هـان تكديـر بالـي
رضيت بالمقسوم من كـل الاشكـال

[نــجــم]

يوم الزمـان بطربتـه موجهلـي
كنـي مـدور حاجتـن وأذكرولـه
واليوم طاري الحب خلـه يولـي
قلبي على المطراش ريـح ذلولـه
من يوم بان الشيب في عارضن لي
والكبر بانت في عظامـي افعولـه
اليوم جزت مـن الجهالـه لعلـي
مثل الذي فـي توبتـه باركولـه
أيامي اللي من قديم أضحكن لـي
أقفت كما نشرن بعيـدن محولـه

[نــجــم]

سرى ليلي سرى ليلي وانا اخايل نجوم الليـل
عجب لله يا حلـو الكـرى وش طيـرك عنـي
غديت عيني لشراد النجـوم الساريـه دربيـل
اطالـع فـي مباديهـن واراقبهـن يغيبـنـي
وانا من فضل ربي ما لحقني من زمانـي ميـل
فـلا شـك الهواجيـس القديمـة مـا يخلنـي
ليا مني ذكرت اللي مضى لي يا قـوي الحيـل
زطرى وقت مضى وربوعي اللي غابيوا عنـي
الا يا ما ذكرنا من رفيـق مثـل نجـم سهيـل
سكن حدر الثرى يا الله علـى فقـده تعاونـي
رفيق ما تعوض بربعته ربعـة خبيـث الجيـل
رفيق ربعته تقضـي اللـزوم ولا بهـا منـي
ليا مني نشـدت وقلـت وينـه قالـوا العقيـل
بقـى ذكـره وفعلـه حـي والارواح راحنـي
صفقت بكفي اليمنى على اليسرى وزاد الويـل
هقيـت ان الليالـي اللـي يخوننـه يخوننـي
صحيح انه البشر ماهوب عن جور الزمان دخيل
ولا عقب البقا كود الفنا واخـذ الخبـر منـي

[نــجــم]

كثر الحسايف مابها راس مالـي
واللي من الله مالنا فيـه مدخـال
صبرٍ جميل الله يقـود الرجالـي
بالصبر والغفران في يوم الاهوال
في ساعةٍ ماغيـر ظلّـة ظلالـي
يجعل لنا عند اهل الخيـر منـزال
وإن كان وقتي مامشى في عدالي
يا من شكيت من الدهر مثلك امثال

[صعبة المنال]

مبــــدع ,, صح لســـآنه
وتسلم يمناك والله يعطيك العافية
تقديري

[يارا العامرية]

صح لسانه .. وصح اختيارك ..
الله يعطيك العــــــافية ..
تقديري ,,
:m-49:

[نــجــم]

صح لسانه .. وصح اختيارك ..

الله يعطيك العــــــافية ..
تقديري ,,
:m-49:



اسعدني حضورك ..

تقديري ..

[نــجــم]

مبــــدع ,, صح لســـآنه
وتسلم يمناك والله يعطيك العافية
تقديري
اسعدني حضورك ..

تقديري ..

[اساور وأغصان]

http://www.r-mbd3.com/vb/uploaded/3998_11194182334.gif (http://www.r77r.com/vb/ext.php?ref=http%3A%2F%2Fwww.libyanyouths.com%2Fvb %2Ft18404.html)
اشكرك لروعة الطرح القيم
لاتحرمنا مواضيعك جديدة

[نــجــم]

اسعدني حضورك ..

تقديري ..

[سلطانة]

http://www.halauae.com/uploads/images/alsaher-3814931317.gif

[العنيــــدهـ]

صح لسان شاعرها
ولاهنت ع الاختيار الرائع
يعطيك العافيه
!..❥

[نــجــم]

صح لسان شاعرها
ولاهنت ع الاختيار الرائع
يعطيك العافيه
!..❥
شاكر لك مرورك الجميل ..

احترامي وتقديري ,,

[نــجــم]

http://www.halauae.com/uploads/images/alsaher-3814931317.gif
شاكر لك مرورك الجميل ..

احترامي وتقديري ,,