ديوان الشاعر عيد بن مربح الرشيدي

[نــجــم]

السلام عليكم ورحمة الله وبركاته:
اقتطفة لكم من الشاعر المبدع واسطورة الشعر وهو من كبار كتاب الكلمه الشعبية ومدرسة المحاورة وهو الشاعر عيد بن عوض بن مربح الرشيدي واقتطفة بعضا من قصايده واتمنى اتنال اعجابكم واليكم بعضا من قصايده




بديت بآسم مكون الأنـس والجـان=بأسمه يعاهـد كـل جـنٍ مـرودي
وردٍ علـى ماقالـه فـلان وفـلان=ضعوف النفوس اللي تغث الكبـودي
تاريـخ متجـرد وتأليـف عميـان=كنه علـى ظلـم العبـاد محـدودي
أخص من سطر بالاحقـاد ديـوان=حقـود والمصـدر كتابـة حقـودي
اليا أنعدم مبدى العقيـده بالانسـان=يقـدر يسـوي مايسـوي اليهـودي
ولأهل الوفا والصدق شكراٍ وعرفان=وتحيـةٍ عـطـره وبـاقـة ورودي
نعم رشيدي من بني عبس غطفـان=من قيس ابن عيلان شجرة جـدودي
تحت مسمى عبس واشجع وذبيـان=تلقى عنا وينـي ومجـدي وجـودي
هرجٍ على صدق وحقايق وبرهـان=حقايـقٍ تدمـغ دمـاغ الجحـودي
حقايقٍ تروي معانـي خبـر كـان=بخطـوط كوفيـه بصـم الحيـودي
حصل المنافس والسبب سبة حصان=سبة فرس وحصان راحت فهـودي
وجانا بغا التركـي ودارن الاكـوان=دون الكرامـه والوطـن والعـدودي
ومر الجفاف وراحوا البـدو فرقـان=كل ٍ طوى بيتـه بظهـر القعـودي
وزاحوا لنا من غبر الايام فرسـان=احدٍ حـدر وأحـدٍ توجـه سنـودي
شالوا على فلك البحـر لأم درمـان=يبـون وديـانٍ سقتهـا الرعـودي
ثم استقـروا بيـن كسـلا وحلفـان=يتلـون شـف مطيـرات البـدودي
ونزلٍ نزح للسيف راضي وقنعـان=مـن البحـر للدبـدبـه للنـفـودي
قوم ٍ لهم في ساحـة المجـد ميـدان=يـوم ان كـلٍ دون حـده يـذودي
صالوا وجالـوا واستقـروا بهـدلان=دار الصبـاح اللـي تلـم الوفـودي
ونزلٍ تورث منزلـة عبـس بأبـان=ونزلٍ بوادي السر سوى السـدودي
وفي كل دار ألنا مـوارد وعربـان=وتاريخنا بارض العرب له وجـودي
وحنا بقينـا بالمنـازل والاوطـان=بأقسى الظروف مواصلين الصمودي
ترمز لنـا الكفـه هويـه وعنـوان=الناس تعـرف والعوانـي تـرودي
يوم الجزيره بين تسعيـن شيطـان=نطعن ونطعن دون هاك الحـدودي
من المدينـه حدنـا ضلـع حبـران=مايمرها الا مـن خضـع للقيـودي
ومن حرة الكوره لشرقـي مرغـان=بعد امرنا يردون ماهـا الـورودي
ومن ذاق ضرب سهونا راح ندمـان=يمـوت مافكـر بلـم الـجـرودي
اسلاحنـا قـو العزيمـه والايمـان=والا عددنـا بالحسـاب مـعـدودي
ودخيلنا ممن عن الضيم مـا يهـان=وسلامته نبـذل وراهـا الجهـودي
وخوينا مايكظـم الغيـض زعـلان=وقصيرنـا نعطيـه حـقـه وزودي
حنا هل المعروف ورجال الاحسـان=قومٍ نجود اليا أنعـدم كـل جـودي
وأمجادنا غصبٍ على كل مرضـان=شعاع ذري في عيـون الحسـودي
ويوم ارسل الله مسلما لـم الاخـوان=سرنا ورى صقر الجزيره جنـودي
من ضمن جيش الفيصلي نسل عدنان=والله يشهـد والخلايـق شـهـودي
وننعم بحكم محاسبـة كـل غلطـان=ولا عاش من يجرح كرامة سعودي

[نــجــم]

ترا الاخلاق خربانه


يالمور خذ نمرت الخامس من اليمنا=تحتر تبرد تـرا الاخـلاق خربانـه
والله لتنـدم وحـنـا ماتفاهمـنـا=مـادام ميقـوع ماعقبـت قلبانـه
ولاتشكي الظلم حنا الوقت ظالمنـا=دليل ظلمي تراك تشـوف برهانـه
البارحه مع ثلاث اوجـاب مانمنـا=مكينتك تشتغـل والعيـن سهرانـه
ان دبرت شدنـا يرخـى محازمنـا=نروى بدلون يضيّـع مـاه شقانـه
وان اقبلت خصمنا يقضي لوازمنـا=صداقتة تستحـل بيـوت عدوانـه
عـزالله انـا مـن الدنيـا تعلمنـا=درسن صعيبن على التلميذ نسيانه
الله يجيب الصديـق اللـي يعلمنـا=ابنشده عن غريب وحـال عربانـه
لولاه في بيـت جدانـه محطمنـا=ياوسع صدري عليه و بيت جدانـه
لو قصدنا البعـد مرينـا وسلمنـا=مير البلا شوفـت الديـان ديانـه

[نــجــم]

ياتل قلبي تلة الجمس بثنين

ياتـل قلبـي تلـة الجمـس بثنيـن=في يد عديم وشاحـن لـه زقايـر
وقف يشيل الحمل من بيـن حديـن=وقبل غروب الشمس والعج طايـر
بنشر مابين المركزييـن الغريريـن=وركب اسبيره كن ماهـوب ذايـر
وقامو عليه اللي على الموت جسرين=مسلحـيـن ومـدديّـن ذخـايـر
سبعة جموس موديل سبعه وسبعيـن=ومن فوقهن تقريب سبعـة حظايـر
قام وركب من فوق صافي البليتيـن=اللي حساسه مثـل حـس النذايـر
قال انتهض لعيون مريوشت العيـن=امـا طلعنـا بربـح والا خسايـر
عامين وانا اخـذ مقاضـي بالديـن=واليوم في تسديـدت الديـن حايـر
مع الوعـر ممشـاه ميـه وستيـن=ومع السهل طبلونه اللي انت خابـر

[نــجــم]

لقيت للقرحه

لقيت للقرحة علاجن iiطبيعي =فرقى ختوش الربع وأنذال iiالأصحاب
قلبي ليا مني نزرته iiيطيعي =يضغط على نفسي وترتاح iiالأعصاب
وأنا مع أهل العرف راسي iiرفيعي=يوالوقت عادي فيه حساد iiوأذناب
يابن خلف يانسل عود iiشجيعي =يالنادر اللي من هقى فيك iiماخاب
تعال أبيك وخل صدرك iiوسيعي =نبي نتناقش بالقضية iiوالأسباب
قضية عنها الدلايل iiتضيعي =يولاني غني عن رأي عكفان الأشناب
وإفهم عليٌه قدر iiماتستطيعي=وتراي ماسندت لك لولا iiالإعجاب
وعطني مرادك بالقطار iiالسريعي=وعساك تلقى لي عن الريع iiمجناب

[نــجــم]

ياعـــلاوي نـــجــــد


ياعلاوي نجـد عليـك مراديـم السحـاب=ديرةٍ فيهـا تربيـت يـوم انـي صغيـر
ياطبيب النفـس وشـو عـلاج الأكتئـاب=أعطني وصفة علاجه ترى وضعي خطيـر
عشت في غربة حقايق وفي وضع اغتراب=والتجارب عرفتنـي علـى الشـي الكثيـر
شفت ناسٍ ترسم الورده على صدر الغراب=والغراب أليا بغيت ألمـس الـورده يطيـر
أستفدت من الذيابـه ومـن نبـح الكـلاب=وأستفدت من الرغا وأستفدت مـن الهديـر
ولاكسبت إلا معرفـة عزيزيـن الجنـاب=ولاخسرت إلا معرفـة عديميـن الضميـر
أقترب لامقترب شيـن بعـض الأقتـراب=أبتعـد لامبتعـد شيـئ فـي حقـي كبيـر
ياسؤالي كل ماطرحـك ماألقالـك جـواب=مالي إلا الصبر وأهل الصبر توعد بخيـر
وصف خبلان الرخا مثل ضحضاح السراب=يفرح العطشان شوفه يحسـب انـه غديـر
للردي لو هو ولد عم لاتحسب لـه حسـاب=كم عزيـزٍ ذلـه الوقـت بضيافـة حقيـر
الـدروس أنـواع تطبيـق والا أنتـسـاب=بس أنا اللي طبـق الـدرس قـدام المديـر
يا (غريب )أن مت شلني اليا هاك الهضاب=حط قبري بين عنتر وأبـن عمـه زهيـر
حطني في مقبرة **(( عبس))** مروين الحراب=حطني بأعلى علم **(( عبس))** مروين الشطير
وان عسرك الوقت نطلع ونرجـع للتـراب=ويـارث الأرواح الألاه الأول والأخـيـر
اول الدنيا طـرب وأوسـط الدنيـا عـذاب=وأخرتها الموت والقبـر وحسـابٍ عسيـر
ياجزيـل الملـك ياكافـل رزق النـيـاب=ياإلاهي مـن عذابـك برحمتـك أستجيـر

[نــجــم]

هبت عواصيف

هبت عواصيف الظلوع الهدافي =وإخترت من وزن المعاني ثقيله
وأبدأ باسم ربي وأكمل مطافي=وأعوذبه وألوذبه وألتجيله
ياعالم الأسرار ماعنك خافي=لجيت لك ياعز من نلتجيله
أسئلك سترك والعفا والعوافي=أسئلك بأسماك الكبار الجليله
الصبح أبا اواجهك عريان حافي= دخيل وجهك يامنجي دخيله
في ليلة فيها فراشي لحافي=في منزل سقفه حمار النثيله
ياواحد فضلك على الكون ضافي=يارب وسع فيه ليلة نزيله
أسئلك تمن روعتي وإرتجافي=أسئلك ما سال اليدين البخيله

[نــجــم]

سر ياقلم

سر ياقلـم واكتـب بـذوق ولباقـه=ورحب وهـل وخـل للحبـر دوراق
رحـب بخـط مبرزيـن الصـداقـه=ماهي صداقت قوم ملحـق ولحـاق
لـوإن مالـك بالمشاكـل عـلاقـه=عيباً لياهش الخوي نهظـة السـاق
والبيت نفس البيت ستـره رواقـه=ودك يصير البيت مستـور بـرواق
وانا بلشـت بيـت صعـب الغماقـه=عجزت لاكشف مدخله باي الاشنـاق
ياليـت حامـد حـط للبيـت طاقـه=ان كان ريّح عيد من عشرة اطيـاق
لالا ماظنـة يعـتـرف بالعشـاقـه=لان المحبـة كلهـا هـم واقــلاق
قد درت في بكـرا سريعـن فواقـه=دقيقتـيـن وماتعـداهـن افــواق
الصبر جيش إعـداك يعـدم سباقـة=وبعد الظلام الشمس تبدا بالاشـراق
(يمكن عقيـد القـوم يلـغ اتفاقـه=ويرفع حضر منع التجول بالاسواق)
يقولة الـي صبـرت الوقـت ذاقـه=تطعّم الحلتيـت فـي مـر الاريـاق
تعلمـو فينـي أصدقـاي الحـلاقـه=مغرور غافل وانتبة عقـب مافـاق
اغتر فـي بعـض العلـوم الرقاقـه=لين راسـة صفـرة مـوس حـلاق
والله ما انسى من لحقنـي طراقـه=الله يلعن نـوب تحسيـن الاخـلاق
ابعـد ليـاأذاك الرفـيـق بنفـاقـه=وشلون لو ماالله خلق( بعد وفراق)

[نــجــم]

اهل الحنيك الملتوي

كانـك معـزم للسفرقلـي قبـل تمشـي بيـوم @ وكانك ماتكره خوتي يمكن تحصـل لـك خـوي
ياحبني للبـر والمجـلاس فـي عـال الرجـوم @ وان حدني وقتي صبرت وقلت حيـل الله قـوي
ياكثرماجمع نصيبي مـن رجـال ومـن رخـوم @ وماعندي الا طـب بدواشـب نـاري واكتـوي
صبري على نفسي الحالي تحت سرب من التجوم @ في لابةً طرماء والااسمـع غيرسرحـان يعـوي
اخير مـن هرجـة مقلبـت الحقائـق والعلـوم @ الحاسديـن الحاقديـن اهـل الحنيـك الملتـوي
لاعل نفسً عن كـلام الهـزل ماتقـدر تشـوم @ يـارب تكتمهـا كتـم يـارب تزويـهـا زوي
نفسي معودهاعلـى بـرد العقـارب والسمـوم @ مولود بالحـره مجـرب بـرد راس المقـروي
حرة غطفـان الحصينـه بالدفـاع وباالهجـوم @ يجـل الجـراد الياسمـع بركانهـا يـدوي دوي
لاطالت الشطه ترى قلبي على الفرجـه عـزوم @ اجنب الرس الـردي وارد علـى العـد الـروي
ومشي على حسب العقيده والمبـادي والسلـوم @ وارد على وضح النقاء وصل دلـوي ورتـوي
لاتحسبون نمت ياخصامـي تـرى مافـي نـوم @ لو تنظرونـي ملتحـف تـراي صـل منطـوي

[نــجــم]

الثـــار والـــفـــتـــنــــه


بسم الله الرحمـن سبحانـه عليـه الأتكـال @ عـلام ماتخفيـه نظـرات العيـون الخينـه
عزالله أني مابغيت الشرح لين الهـذر طـال @ وياجب علـي المنطمـس للمسلميـن أبينـه
يابن مناحـي ماتغيبنـي حـرام ومستحـال @ ارسل ندا عبسـي لـراع المشكلـه بمكينـه
عبس أبريا من هفوة الهافي وعذرالأحتيـال @ ان خاف ربه وأن دفن حظه بوسـط دفينـه
حطيت للجهل أحتمال وظفت للخبـث أحتمـال @ وطلع بريصيـن يطقطـق بالصفـا بلسينـه
البن يطلع له حثل والمجتمـع يفـرز أحثـال @ واللي يبي راس الجبـل ماينسـدح ببطينـه
مالي علاقه يأزرق النيـه بتحريـف التـلال @ نفس المسمـى دوره فـي ديرتـك وتعينـه
خلك معايه واقعي وأضرب على نفسك مثـال @ وأذا بغيـت البينـه بابـن الوسيـط البينـه
وأذا أنها خدشة نسب حنـا نسبنـا بالعـلال @ جيناتنا ماهـي علـى قلـة سنـع متجينـه
الثار والفتنه تطاردنـا علـى طـول الليـال @ وحنا جبل لـو الصواعـق تظربـه ماتلينـه
وأذا أنهـا سرقـة وطنيـه وتعقيـدة حبـال @ حنـا سعودييـن يـوم أن الزهـاب طحينـه
سبع بيارق كبرن يمشـن وخطاهـن ثقـال @ مـع الأمـام الفيصلـي والأمـه المتديـنـه
ياقلعة الأسلام هل ياجد بـك المسلـم ظـلال @ الكذب كيف نحاربه والصـدق ويـن نعينـه
رغم الظروف القاسيه نصبر مثل صبر الجمال @ نموت تحيـا المملكـه فـي تاجهـا متزينـه
بقيادة الحر الأبي رمـز العروبـه والنظـال @ كل المشاكل قدم أبو متعـب تصيـر هوينـه

[نــجــم]

هذي مداهيل صاحبي


هذي مداهل صاحبي هـاك الايـام
سلم علـى ضلعـه قـدم لاتعـداه
ياقد قلبـي قـد ذرعٍ مـن الخـام
في كف بيـاع ٍ يقـده لمـن جـاه
ياونتـي ونـة يتيـم ٍ ومنـضـام
في حالة قشرا على الشين تقصـاه
مرجوجة من ساس عوبـا ونمـام
من بغضها لامـه تجـره بعلبـاه
محروم من كل الصله جد واعمـام
وابـوه ثـور ٍ ماتفهـم لشـكـواه
اشاركـه نفـس المشاعـر والالام
اشاركه بالضبـط نفـس المعانـاه
على حبيبٍ شالتـه سـود الايـام
اقفـى وراح ولاتفاهمـت ويــاه
يزورني بالحلم تسعة عشـر عـام
حبٍ على وضح النقا كيف ابنسـاه
طيفه يقابلني على جسـر الاحـلام
وشاشة خيالي تلتقط بسمـة شفـاه
ادري المحبـه اوهـام بـاوهـام
نظرات عطف ٍ من سنا النار مسقاه
وبحر المحبه مااقطعه كـل عـوام
كم عاشق ٍ حصل بشاطيـه مثـواه
والله يالولا العيب ونصوص الاسلام
اني لاجهز عـدة الشـر وانصـاه
انصاه لو يحكـم عليّـه بالاعـدام
رب ٍ بلاني فيـه يدمـح خطايـاه
ياضلع انا سائلك بديـار الانسـام
حافظ على عهد ٍ بقربـك قضينـاه
سئلتك برب ٍ عالم ٍ غيب الارحـام
قدام يوم الحشر لاتجيـب طريـاه
والله ماتدري من قعد بك ومن قـام
اسرار غيرك في ركونـك مخبـاه
واحذر لاتاخذك الروابع والاوهـام
مايفضح العشـاق غيـر المبابـاه

[صعبة المنال]

الله يعطيك العااافيه على النقل المميز

تقديري لك ,,

[نــجــم]

اسعدني حضورك ..

تقديري ..

[سما الحمايل]

مراحب .. http://download.mrkzy.com/e/122011_md_12999345021.gif
شوكرا لك ..http://download.mrkzy.com/e/122011_md_12999346611.gif
سلمت اناملك ع هالموضوع ..http://download.mrkzy.com/e/122011_md_12999346613.gif

ودي ..
http://download.mrkzy.com/e/122011_md_12999346612.gif

[نــجــم]

اسعدني حضورك ..

تقديري ..

[يارا العامرية]

صح لســـآنه
وتسلم يمناك والله يعطيك العافية
تقديري

[نــجــم]

اسعدني حضورك ..

تقديري ..

[نجمة الصباح]

http://smiles.al-wed.com/smiles/13/flowers_221.gif


شكرا لك
والله يعطيك العافية
http://smiles.al-wed.com/smiles/13/flowers_221.gif

[نــجــم]

اسعدني حضورك ..

تقديري ..

[العنيــــدهـ]

صح لسان شاعرها
ولاهنت ع الإختيار الرائع
يعطيك العافيه
http://www.halauae.com//uploads/images/alsaher-4fef3e362c.gif (http://www.halauae.com//uploads/images/alsaher-4fef3e362c.gif)

[نــجــم]

اسعدني حضورك ..

تقديري ..

[اساور وأغصان]

http://www.r-mbd3.com/vb/uploaded/3998_11194182334.gif (http://www.r77r.com/vb/ext.php?ref=http%3A%2F%2Fwww.libyanyouths.com%2Fvb %2Ft18404.html)
اشكرك لروعة الطرح القيم
لاتحرمنا مواضيعك جديدة

[نــجــم]

اسعدني حضورك ..

تقديري ..

[سلطانة]

http://www.halauae.com/uploads/images/alsaher-3814931317.gif

[نــجــم]

شاكر لك مرورك الجميل ..

احترامي وتقديري ,,