ديوان الشاعر المرحوم مفـرح الظمنــي

[نــجــم]

فقدت الساحة الشعبية علم من اعلام الشعر الشعبي و هو الشاعر الكبير
والمعروف مفرح الظمني المطيري وقد كان يعاني من مرض الكبد وافاه
الأجل رحمه الله واسكنه فسيح جناته وقد وافته المنيه .. في تاريخ 16/ 6/ 2005
وقد كان من المميزين والمعروفين لدى عامة الناس من خلال دوره البارز
في خدمة الموروث الشعبي والفن الشعبي . وهو شاعر قلطه كبير ومعروف
في الكويت وله قصائده المميزة ومشهوره
و يقدم الكثير من البرامج الشعبية في الاذاعة والتلفزيون والتي حظيت باهتمام بالغ
لدى محبي الشعر وقد رسخ اسمه في أذهان متابعيه و لــه قاعدة جماهيرية من
خلال ما يقدمه ويختاره و له الفضل في توثق بعض الشعر ورفع مستوى الساحة
الشعبية بانتقاء كل جيد وابراز الشعراء وكان يحرص على اجتذاب وابراز كل شاعر
يرى قدراته وامكانياته الشعرية الجيدة. الشاعرمفرح الظمني يندر أن نجد مثيلا له
وذلك لـــ معايشتــه الشعر والشعراء ولشاعريته القوية التي عرف من خلالها لقد سخر وقته
لخدمة الموروث الشعبي وتنقل بين أرجاء المملكة لتوثيق الشعر وزيارة الشعراء في منازلهم
حتى ولو كانت نائية وينقل لنا شعرهم عبر ما يقدمه في برنامجه الشعبي الذي يتابع بلهفة
وشوق كل اسبوع ولقد أمضى خدمة طويلة جاهداً ومجاهدا في سبيل الرقي بالموروث الشعبي .
والان اتركم مع قصائدهـ ..

[نــجــم]

ربعي مطير

ربعي مطير مدللت حـم الاشعـاف
ترعى الخطر وسيوفهـم حاميتهـا

هادي صلفين سلاطيـن واشـراف
وفعولهـم كـل القبـايـل حكتـهـا

كم فارس من ظربهم شـاف ماعـاف
اقفـا ذليـل واسبقتـه ماعفتـهـا

وقت مضى تشهد لهم عوج الاسلاف
وبيـارق ترفـع علـى ناصيتـهـا

وان اجنوب يذكر لهم عشب وارياف
داسـو ربيعـه ماخشـو عاقبتـهـا

ولهم على شقراء ربيع ومصيـاف
ذيدانهـم عشبـت بصيـه رعتهـا

وان جا على الصمان نوا له ارداف
دهايـم كــل الـمـلازم ملتـهـا

نوا بروقه وسـط المـزن كشـاف
عيـن الشقـاوي للحيـا خايلتـهـا

ساقوا مظاهير ومـال لـه اطـراف
ترعى وحمـران النواظـر حمتهـا

الارض تحت اقدامهم ترجف ارجـاف
زلـزال روس الجـبـال انسفتـهـا

صوت الحوافر بين غـاره ومحـراف
خيل يشيب الـراس مـن عاصفتهـا

سجل لنا في قمـة المجـد ميقـاف
شهـاده كـل الرجـال شهدتـهـا

جهالنا في مركـز الطيـب عـراف
وشيابنـا روس المعـالـي رقتـهـا

والطيب مايشراء بدينار وانصـاف
الا بساعـات تـثـور إغبرتـهـا

ولاني على سب الاجاويد مزهـاف
والنفـس كلمـات الغلـط حرمتهـا

واهل الثناء والمجد بالفعل تنشـاف
قبـايـل ماضيـعـت لازمـتـهـا

ومدحي لربعي حق مايحسب إجحـاف
صحايـف بيـض اليديـن اكتبتهـا

ماقـل دل وزايـد الهجـر ينعـاف
وصلوا على المبعوث فـي خاتمتهـا

[نــجــم]

رايـــــــــــــات حبي

يابدر خلي بالهوي ..شاتنـي شـوت
شوتت لواعيب.. تشـاوت اكورهـا

ما عاد ينفعبه قصيدي..مع الصـوت
رايات حبي .. فـي يدينـه كسرهـا

غديت مثل اللي مع الـدرب مبهـوت
عينـه مـن الفرقا..تنثـر عبـرهـا

عليك يا غـرون وحذفنـي بتابـوت
حبـه معاليـق الضمايـر سعـرهـا

غر.. وكلامه قوت .. ومقابله قـوت
يطرد عن النفس المريضـة كدرهـا

يلعب بقلبي لعبـة الربـع ..بالكـوت
أحد ..ربح فيها ..والآخـر خسرهـا

وجدي لها.. ووجد العواجي على نوت
جته المنيه .. وما شبع مـن ثمرهـا

[نــجــم]

ياموتري

ياموتري شد عزمك دق الساعـه
خلي كذب بالوعد والـزام قافينـي

عزي لمن صاحبه عقب الغلا باعه
زاد الجفا واشترى ناس جديدنـي

الله يلوم الغضي وش غير اطباعه
وانا احسبنه على الدنيا يصافينـي

فيما مضالي يقول السمع والطاعه
واليوم صـد وتكبـر مايحاكينـي

يارجل منتي ورى المقفين تباعـه
عيب عللى اللي تبع ناس مقفيني

من لاعرف وين مدخاله ومطلاعه
يصبر على ماجرى بالعسر والليني

[نــجــم]

لاتعاتبني

بس لاتعاتبني ترى البال مشغـول
ماحمل عتابك والليالـي طويلـه

حل الهوى بيننـا حـل معقـول
اما تشيـل الحمـل والا نشيلـه

هذا نصيبي عندكم ويش اباقـول
ماعاد عندي ياريش العين حيلـه

هنيـت قلـب ماتولـع بمحمـول
ماولعنـه ناقـضـات الجديـلـه

لاسايل عنهن ولا هو بمسـوؤل
مايعـرف الا مصحفـه وتهليلـه

وانا ذبحني ناعس الطرف مكحول
سنه صغير والوصايـف جميلـه

يلوعني لوع الوحش لابرق الجول
بكر هـداده والمراعـي مسيلـه

ويفرني فـر اللواعيـب للقـول
خلا قليبـي كـورة لـه عميلـه

[نــجــم]

مبـدا كلامـي

مبـدا كلامـي سلامي..تحياتـي واحترامـي
عدد براق الظلامي وسـط المـزون الثقيلـه

ثاني كلامي نصيحه..لاهل الوجيـه السمحيـه
فيهـا فوايـد مليحـه للـي يمـيـز دليـلـه

تمسك يامودماني..واحسب حسـاب الزمانـي
واطلب من الله الغفراني محيي العظام الهزيلـه

الاولى كمل افروضك..ابذل جهدك مع ملحوضك
صلاتن لله تعوضـك عنـد المولـى فضيلـه

انا اوصيـك بالطاعه..تـرى دنيـاك قطاعـه
تبـدل ساعـه بساعـه لا تحسبنهـا طويلـه

بالك تغضب والدينـك..ولا تزمجرهـم بعينـك
اصبر وكتـف يدينـك لـو حطـوك بمليلـه

غذوك وكيف تنساهم..تخضع وتطلب رضاهـم
ولاتدعـي بفرقاهـم علـى حسـاب الحليلـه

بالك تقرض قفا الغافل..هراجن بالقفـى سافـل
خلك عن دربها جافـل حيـث النمـه رذيلـه

شرور الناس جنبها..ودروب الخير صاحبهـا
اسمـع وانشـد مجربهـا فوايدهـا جميـلـه

والراضه فيها السلامه..والسرعه منها الندامه
جنب دروب الملامه واسلـم مـن كـل ميلـه

وهـذا ماوصفنـا لك..ودبـر حالـك بحالـك
عسى درب الهدي فالـك والعبـد الله وكيلـه

[نــجــم]

هذهِ القصيده يرثي فيها الامير:نايف بن قطيم شيخ الصعبه
المتوفى سنة 1975 م يقول رحمه الله .

يوم الخميس اللي مضا صار ما صار
ياما اقشر الفجعات عقـب الوناسـه

قالوا توفا شيخكـم حـر الاحـرار
ابن قطيـم اللـي بعيـدن مراسـه

نايف اليا ركبو على قـب الامهـار
كم شيخ قومن بالتفق طـش راسـه

خيال شقحن ربعت عشـب الاقفـار
ترعا خضـاره ثـم ترعـا يباسـه

فكاكها مـن كـل غاصـب وغـدار
مـن هيبتـه ترعـا بليـا حراسـه

دايم على صوب العدا يشعـل النـار
والقفر لو هو بين الاجنـاب داسـه

واليا غزاهم غاريـن يطلـب الثـار
من حـر مايونـس بقلبـه نحاسـه

في ربع ساعه بـدل الـدار بديـار
من ظربهم بـاع الطمـع بالفلاسـه

راع البويضا يوم سوالدخـن ثـار
تجنبـوه عـداه مـن قـو باسـه

واليا انتخا بصعيب وصعيب جبـار
ياويلـكـم ياراكبـيـن الفـراسـه

هذي عوايد شيخنـا مابـه انكـار
شجاعتـه ماهـي شهـاده دراسـه

والعود عقب له حـرارن بالاوكـار
فيهم على ضرب المعـادي حماسـه

تراحيب جعله من طويلين الاعمـار
سمي خاله مانقـص عـن قياسـه

وادعو معي ياأجواد يانسل الابـرار
في جاه من شيد على الكون ساسـه

يالله عسـاه لجنـه الخـلـد زوار
في جنه الفردوس يضفـي لباسـه

تمت وصلي الله على خيـر مختـار
شفيع الامـه فـي نهـار التعاسـه

[نــجــم]

وجدي عليها

انا هـواي جويـدل دلهـا زيـن
تلعب وتضحك والمبيسم ذبوحـي

حبيتها حب الشـرف للشريفيـن
قلبي عليها مثـل ورع شفوحـي

ورع يذاود عبرته والدهر شيـن
البيت خالي والرعايـا سروحـي

وجدي عليها وجد من حده الديـن
قليل مـال ولا المديـن سموحـي

او وجد من جاروا عليه السلاطين
بالسجن مضيوم قليـل الشبوحـي

او وجد عود واصل عمر تسعيـن
ماتوا عياله والقريـب شحوحـي

او وجد عذرى زوجوها مسيكيـن
تبغى الفراق وكل يومن طموحـي

بليت بعفش مايعـرف القوانيـن
وجهه كريه وبالعطايـا شحوحـي

ياليت عمري ياعرب وقم عشرين
والحق هوى بالي واداوي جروحي

فيما مضى نمشي بروض وبساتين
يرقص لنا غصن الهوى بالمزوحي

واليوم في بيتي كسير الجناحيـن
عاجز وشيبي في الصوابر يلوحي

امسي بهم ويصبح الهـم هميـن
هـم يراودنـي وهـم يـروحـي

يالله ياغافـر ذنـوب المصلـيـن
ياواحدن تدري بحالـي وتوحـي

تغفر ذنوبي يوم عرض الموازين
وانت اللذي لذنوب عبدك دموحي

[نــجــم]

تعالوا ياهل

تعالوا ياهل الشيمات ياللـي تفهمونـي
توحوا للجواب اللي يناسبكـم صوابـه

انا قبل احسب ان المرجله طرق اللحوني
سوات اللي جمع له مال ماحسب حسابه

لقيت المرجله تمشي على تسعة ركوني
تنادي من يحب الخير في منزل كتابـه

الاوله بذلة المعـروف باللـي يبذلونـي
ترى من يبذل المعروف بالطيب لقابـه

واقول الثانيه من ضاع دينه طاح دوني
ومـات بملـة الكفـار والله مـادرابـه

واقول الثالثه والـدك والـدم الحنونـي
توقـع لاتقاصيهـم وتجعلهـم ذيـابـه

واقول الرابعه عن ضيفكـم لاتبخلونـي
اليا جاء في محل الجود قولوا مرحبابـه

لان الضيف ضيف الله وقدره مايهونـي
وبيت العـز يالاجـواد ماينصـك بابـه

واقول الخامسه للجار حـذرا تغلطونـي
ويلزمك احتمال الجار مع كثـر الحبابـه

واقول السادسه درب النمايم لاتجونـي
ترى راعي النمايم مايحوش الا الخيابه

واقول السابعه باللي ومن بك لاتخونـي
اليا خنت الامين يحطك الله في عذابـه

واقول الثامنه عن كل خايـب تبعدونـي
ردي المعرفه وسع جنابك عـن جنابـه

واقول التاسعه لطمة عـدوك بالعيونـي
اليا منه زما العايل ترى الذلـه عيابـه

نصيحه قلتها من قلب للـي يسمعونـي
على تسعة ركون وكل ركن قلت مابـه

[نــجــم]

كان الشاعر الكبير مفرح الظمني في زيارة لشيخ تركي بن عمر
بن ربيعان ، وأقام أبن ربيعان وليمة غداء ولكن شاعرنا لم يستطع المكوث
بسبب أن خوية اللي معه مستعجل وكتب هذه القصيده


يا شيخ يا بن الشيخ شيخ الرياجيل
يا عـز روق اليـا بلتهـم بليـه

يا بن عمر ريف اليتاما المراميـل
يا عون من يرجـى وراه العطيـه

ياللـي محلـك للنشامـا مداهيـل
غير الشحم والهيل فيـك الحميـه

لولاك تركي كان سميتـك سهيـل
عليه أبن حثليـن سـاق المطيـه

أسمح لنا يا بن الذي يتعب الخيـل
أنـا مقصـر والمطاريـش أذيـه

لزمت عزيمتكـم وحنـا معاجيـل
ولاني بمن يعصى مشورة خويـه

عن شوف ديوانك نحتنا المحاويل
من الرياض الى الكويـت الابيـه

لازن نعوضـك باليـال المقابيـل
وأن عدتها يا شيخ حقـك عليـه

وأسلم وسلم لي على كـل حلحيـل
نسل الفهود أهل النفـوس النقيـه

اللي بمجلسهـم تـدور الفناجيـل
ربعـن طربهـم صبـة الشاذليـه

أولاد روق نخضبيـن المصاقيـل
لاجنب الراعـي طريـق الرعيـه

لحقوا على اللي يبـردن المغاليـل
نسل الصويتي من بنـات العبيـه

مع ضف أبو تركي بعيد المصاويل
عوق الخصيم اليا تعدى أردعيـه

[نــجــم]

ردووا سلامـــي

ياراكـب اللـي يقطعـن المراخيـم
هجنن من الفرجه يجيهن خفايـف

فـج العضـود محجـلات القوايـم
وبطونهن مثل السبـاع المهاريـف

لاكـن خبـط خفوفهـن بالحمايـم
خبط الغشين اللي سحابـه مقانيـف

ارخصولهن حبل الرسـن بالهمايـم
واخذو عليهن يالنشامـا غطاريـف

تلفون ابـن ظمنـه قـوى العزايـم
سـواد خيـال البكـار المشاعيـف

عوق الخصيم وستر سـود اللثايـم
ليا حل في تالي المظاهير تجتعيـف

من قـو عزمـه مايهـاب العظايـم
يارد ولو قدمـه رماتـن نواتيـف

يشهـد بفعلـه لابسيـن العمـايـم
ويشهد له البارود والرمح والسيـف

واليا اعتزا بعشـواه والحـظ قايـم
يجمع مواليفـن ويفـرق مواليـف

ترعا به العشـوى نبـات الوسايـم
من وادي الباطن اليا اقصا المشاليف

له رفـة يفطـر بهـا كـل صايـم
تضفي حسانيها على الجار والضيف

ودلال صفرن فيهـن الهيـل عايـم
دايم على جمـر المنـاره مهاديـف

ونجرن ليا دنـه صحـا كـل نايـم
يطرب لصوته كل من يشرب الكيف

وصحون تعرض للوجيـه الحشايـم
يرمي بها حيلن شحمها شحم ريـف

ردو سلامـي يـم جـال اللـوايـم
ابو محمد لا حصل لـه صواديـف

واليـا نشدكـم علمـوا بالعـلايـم
قولوا ربوعك ما عليهـم تخاليـف

ومن بعدهـا حثـو لهـن بالولايـم
ثم اذكروه بخير ياهـل المواجيـف

[نــجــم]

نــور البــلاد

يقول من سوى المثايـل وجابهـا
يرصد معانيها ويحسـب حسابهـا

طالبك يا رحمان يـا قابـل الدعـا
يا ناثرٍ وبل الحيـا مـن سحابهـا

يا رب شافي أميرنا وعـز دارنـا
يرجع لدارٍ تطلبـه فـي رحابهـا

أبو مبارك هـو ذراهـا وعزهـا
نور البلاد ليـا تغطلـس ضبابهـا

شيخٍ يعز الجار والضيف والوطـن
والدار في روس المعالـي رقابهـا

ودرعٍ لها من كل غاصب ومعتدي
حامي مكاسبهـا وحامـي جنابهـا

هي أمنا اللي مـا نسينـا حنانهـا
نحيا ونموت ولا يدنـس ترابهـا

حكامها أهل الطيب كسابـة الثنـا
شيوخٍ على الناموس بيض ثيابهـا

آل الصباح اللي عريبـه جدودهـم
تشهد لهم شيابهـا مـع شبابهـا

من جا لهم بالطيب صاروا له اطيب
ومن جا لهم بالشر يجني عذابهـا

واحة خليج خيرها عيّـش العـرب
من صكته عوج الليالي التجى بهـا

عاشت بلاد الخير عاشت كويتنـا
وعاش الأمير اللي بخيره سعى بها

[نــجــم]

يوم جيـت البيـت

يوم جيـت البيـت ماشفـت رواد يـروده = مالقيـت الا العصافيـر وأشجـار النباتـي

قلت يالجيران هالبيت مـن ذيـر عنـوده = علمونـي بالخبـر والجـواري جارياتـي

قالوا الجيران سافـر ولا نعـرف وجـوده = هقوة أنه يطلـب العلـم بيـن الجامعاتـي

وأهله راحوا على موتر(ن) يطوي عمـوده = وأنتـووا مصيافهـم بالديـار البـارداتـي

قلت وين القاه قالوا من ورى الغربي حدوده = في ديار(ن) ماتعـرف البراقـع والعباتـي

أتصل بأنكلتـرا والمطـار أسـأل جنـوده = ياعسى تلقى الخبر مـع مديـر الطايراتـي

قلت يرجع بالسلامه ويوفـي لـي وعـوده = وأتمنـى لـه يجيـب الشهايـد عالياتـي

[نــجــم]

لجنة التثمين

لجنة التثمين صارت لي عقوبـه = فرقت شمـل المحبـه وراعيهـا

يوم جيت وشفت الابواب مسحوبه = والدركتـن كـل طوفـه يوطيهـا

قلت شيلوني ترى الرجل منهوبه = ما نريد المنطقه عقـب غاليهـا

ما اعرف وين اهل الزين ودوبه = والمناطق تتعب اللي مشى فيهـا

[نــجــم]

خـام خـام

ياليتنـي مهـري وابيـع النفانيـف = وادخل على الخفـرات مـا يمنعنـي

وأليا دخلت اشوف حلو التواصيـف = ارخـص لهـن فالبيـع ويعاملنـي

لأمشي واشيل الخام لو حالي اضعيف = ومن اتكلم ( خـام خـام) اسمعنـي

والله لأجيب لهن ثيابن على الكيـف = وابيعهـن برخيـص لـو خسرنـي

يلومنـي خبـلٍ دفوفـه مهـاديـف = مـا لوعنـه مثـل مـا لوعـنـي

بطنه كبير ولا جرا لـه صواديـف = ما هيّضه صـوت الغنـاء والمغنـي

[نــجــم]

طريـق الحويـه

يا غزالٍ نطحني مـع طريـق الحويـه = ناثرٍ فوق جسمه من جميـع الروايـح

خشف ريم ربى باحضان نجـد العذيـه = بين خضر الرابع والغصـون السبايـح

طلـع القذلـه الشقـرا وسلـم عليـه = قال لي يا صباح الخير وين انت رايـح

قلت انا التايه الللي ما عرف وش نويه = مثل طلاب رزقه مـن يديـن شحايـح

كان تقدر تساعدنـي وتعطـف عليـه = اصطحبني معك وارعرض علي النصايح

[نــجــم]

لولا الحيا

لولا الحيا لاصيح خمسين صيحة = صيحة يتيم ضايمينـه عمامـه

ابوه من بين النصايب طريحـه = وامه توفت قبـل يبلـغ فطامـه

والاكسير طاح وابطـا مطيحـه = بالمعركة راحت شظايا عظامـه

يبغا الحياة وشاف روحه ذبيحه = تذكـر الفرقـا وزاد انحطامـه

على عشير منه روحي جريحـه = جرح على ماقيل طالت اسقامـه

[هوى روحي]

صح السان الشاعر
شاكرة لك نقلك الراقي
ويعطيكـ العــآفيه لروعة الديوان
تحيتي وتقديري
هوى روحي

[نــجــم]

اسعدني حضورك ..

تقديري ..

[معقب بالرياض]

الله يرحمه



الله يعطيك العافيه ..................في غاية الروعه

[نــجــم]

اسعدني حضورك ..

تقديري ..

[العنيــــدهـ]

صح لسان شاعرها
ولاهنت ع الاختيار الرائع
يعطيك العافيه

[نــجــم]

صح لسان شاعرها
ولاهنت ع الاختيار الرائع
يعطيك العافيه
اسعدني حضورك ..

تقديري ..

[صعبة المنال]

الله يعطيك العااافيه على النقل المميز..

تقديري لك ,,

[نــجــم]

اسعدني حضورك ..

تقديري ..

[يارا العامرية]

صح لسان المرحوم مفرح الظمني
وتسلم يمناك ع الايراد والله يعطيك العافية
تقديري

[سما الحمايل]

http://store1.up-00.com/Mar11/afG42576.gif
انتظر بوح فكرك ونبض قلمك..http://store1.up-00.com/Mar11/fPP42576.gif
الله يعطيك الف الف عافيه..http://store1.up-00.com/Mar11/9sa42576.gif


كنت هنا..
سما الحمايل..
http://store1.up-00.com/Mar11/cjk42576.gif


http://www.t1111t.com/vb/images/smilies/m-64.gif

[نــجــم]

صح لسان المرحوم مفرح الظمني

وتسلم يمناك ع الايراد والله يعطيك العافية

تقديري

اسعدني حضورك ..

تقديري ..

[نــجــم]

http://store1.up-00.com/mar11/afg42576.gif

انتظر بوح فكرك ونبض قلمك..http://store1.up-00.com/mar11/fpp42576.gif
الله يعطيك الف الف عافيه..http://store1.up-00.com/mar11/9sa42576.gif


كنت هنا..
سما الحمايل..
http://store1.up-00.com/mar11/cjk42576.gif



:m-64:

اسعدني حضورك ..

تقديري ..

[نجمة الصباح]

http://smiles.al-wed.com/smiles/13/flowers_221.gif


شكرا لك
والله يعطيك العافية
http://smiles.al-wed.com/smiles/13/flowers_221.gif

[نــجــم]

اسعدني حضورك ..

تقديري ..

[اساور وأغصان]

http://www.r-mbd3.com/vb/uploaded/3998_11194182334.gif (http://www.r77r.com/vb/ext.php?ref=http%3A%2F%2Fwww.libyanyouths.com%2Fvb %2Ft18404.html)
اشكرك لروعة الطرح القيم
لاتحرمنا مواضيعك جديدة

[نــجــم]

اسعدني حضورك ..

تقديري ..

[بنت السعوديه]

الله يعطيك العااافيه على الطرح القيم ..

تقديري لك ,,

[نــجــم]

اسعدني حضورك ..

تقديري ..

[سلطانة]

http://www.halauae.com/uploads/images/alsaher-3814931317.gif

[نــجــم]

شاكر لك مرورك الجميل ..

احترامي وتقديري ,,