ديوان الشاعر/ سلطان بن وسام الهاجري

[فادي الشلاحي]

أقـــدم لكم ديــوان الشاعر الكبير / سلطان بن وســــام الهاجـري

وهو شاعر كبير ومعروف وله وجودهـ في ميدان المحاورة وفي شعر النظم ايضاً
شاعر مبدع في جميع مجالات واغراض الشعر
بإختصآر...سطان شاعر لا يحتاج إلى مقدمــــآت
جمعت لـه بعضاً من قصائـدهـ في هذا الديوان المتواضـع

،، أتـمـنـى أن أقـــدم ما يـنـال على إعـجـابـكـم ،،


http://www.albdoo.info/uploaded2008/3618/01223504672.jpg
سلطان الهاجري - شاعر الوزن الثقيل

[فادي الشلاحي]

الليالي مشاكلها عراض طوالي=للنفوس الشقيه والنفوس السعيده
غاره من يمين وغاره من شمالي=توهمك بالهدوء وعاصفتها شديده
ياوجودي علي الراحه وياوجد حالي=ليت مالي مع الشعار ولانشيده
هب ياهالزمان اللي غزاني لحالي=كل يوم علي الهاتف يجيني قصيده
ذي معاتب حبيب وذي مشاريه غالي=وذي تحفض من السكر وهاذي تزيده
والعرب علمهم بي يوم صدري شمالي=والليالي مقفت به لايمكن تعيده
روحت مع مهب الريح ياهملالي=ماحد جت له الدنيا علي مايريده
والتجارب عطتنا ميزه الاحتمالي=ودرستنا مشاوير الحياه البعيده
ان مابه حياه الا وراها زوالي=والبنادم بهالدنيا شبوحه بعيده
مير ماهيب لامكسب ولاراس مالي=كود من حط قوله والنعم في رصيده
وطاب عند البعيد وطاب عند الموالي=وله نصيب الاسد من الخصال الحميده
وان تثنت عزوم مشوربين العيالي=عزمه اقوي من ظروف الحياه العنيده
يرتكي بالمناكب للحمول الثقالي=والطفر في راسه المطنوخ والا وريده
خل فعل الجدود وخل فعل الخوالي=ندري انك ولدهم والعلاقه وطيده
وندري ان فعلهم يستر بنات الحلالي=حتي لو جدك اكحيلان وانته حفيده
اما حث القدم واطلع علي راس عالي=والا خلك كذا وان مت ما انت بفقيده

[فادي الشلاحي]

لاجل الغلا نطوي البيدا ونقطعها=مشاعر الحب لاعنت تعنييني
لاقلت لبيه من ثغرك وانا اسمعها=نسيت بعد المسافه بينك وبيني
ياعشقه الروح ياخيره مطامعها=شوفتك عن باقي الدنيا تكفيني
محبتك من ثلاث سنين زارعها=في شهرسبعه سنة خمسه وتسعيني
وداعه منك وانت اللي مودعها=تجري مع دم قلبي في شراييني
وانته وداعتك روحي لاتضيعها=ضياع ياسر عرفات لفلسطيني
تولعت والله اللي فيك ولعها=والقلب عاشقك قبل تشوفك العيني
النفس تامر وانا ماني بطايعها=الله عن النقد والمنقود يحميني
لو ان كبدي هجير الشوق لايعها=امر عطشان والشيمه تعديني
ام الدلع في ذرى شيخ مدلعها=زيزوم قوم علي الشدات قاسيني
شيخ ليا كبرت القاله يسنعها=ماهي بشيخة ختم والا ملاييني

[فادي الشلاحي]

عشقت غيدا سمحتني عن الغيد=أقول والا بس مانيب قايل
ميت ضما والعد صعب المواريد=وبذلت من شانه جميع الوسايل
والشربه اللي من حياض الأجاويد=تقطع ضما هدف الضلوع النحايل
يانووووف جيتك من ورا نازح البيد=بالراس مايحتاج رد الرسايل
وأن كان ماضمدتي الجرح تضميد=تحملي شرهة عيال الحمايل
أنا دخيل الصدر والثغر والجيد=أرخي علي شلال شقر الجدايل
هذي تكفيني من العيد للعيد=وأنا علي يانوووف رد الجمايل
أحظنك بأشواقي من الإيد للإيد=وشعرك على هاك المبيسم تمايل
ياقوم يامبسم نجاح المساعيد=أنتي مثل تضرب عليه المثايل
حبي وحبك حب عليا وأبو زيد=والا مثل حب الطنايا لحايل

[فادي الشلاحي]

انا يازماني في فوادي ثلاث اطعون=ولاهي بطعنه من سيوف اوسكاكيني
من افتح ياسمسم والايافلم ابو كرتون=امورن تغث اكبود حتى الوراعيني
وجمهوري الغالي يسوق الشره ويمون=ونا قد شرهات العتب من محبيني
يقولون ماشاركت وقول انت توحون=ابي كل واحد يفتح اذنه ويوحيني
لابالله ماشاركت في شاعرالمليون=لواني على المليون تومي شراييني
ولكن اناماني بخبل ولامجنون=اجي وقطع ارزاق العبادالمساكيني
الاياحمام الورق يااللي تجرلحون= تغانم زمانك بين خضر البساتيني
تراهالا ركبة كل جمره على غليون=وراد الله انه يصفل الما عن الطيني
مثل ماوطى هامان والاوطى فرعون=ثياب الشرف ماتستر الاالشريفيني
حشرنا الضبا بقرون ولا بدون اقرون=وراس الظبي يقرب من النار ويليني
والاجواد مدت للمواهب اكفوف العون=وهذي صفات من صفات الكريميني
والاقزام تهدم واهل المعرفه يبنون=صروح من الامجاد ماهي من الطيني
بنتها الكفوف اللي كرمها سحاب مزون=رموز العداله نصرة الحق والديني
غضبهم وانا سلطان يهتز منه الكون=وكرمهم تربع فيه حتى البعاريني
اصاله عربيه وتاريخها مصيون=عناوينها تفوق كل العناويني
جبال قممها فوق والها حجر وركون=قممها تشرفني ذراها يذريني
عسى الله يهونها على الناس لين اتهون=تزين القرايه فوق روس المجانيني
ضعاف العقول اللي تهبد على مالون =على كل ملواح تهز الجناحيني
ماتنضف يديهم لو تغسل من الصابون=كثر ماتمد يدينها في المواعيني
يدين عساها كرم الله من يوحون=والا تدري هذي حطها بين قوسيني
قبل لاتخيب ظنون والا تصيب ظنون=وذي عين تبكيلي وذي عين تبكيني
عزفنا وترى ماله علاقه بنجدي فون= نحاول نعدل مايلات الموازيني
رساله وباقي سرها في الثرى مدفون=سواة الامانه في وجيه المياميني
ابداع القصيد ابداع والاحتراف فنون=والابداع في كل المجالات يعنيني
وشعر الحداثه لامقفى ولا موزون= بلا مذهب بين ولا له قوانيني
وعندي النهايه لعنة الله على شارون=عسى الله من اسرائيل ينصف فلسطين

[نــجــم]

الله يعطيك العاااافيه على الايراااد ..

تقديري لك ..

[فادي الشلاحي]

مشكور على مرورك

[المزيون]

الله يعطيك العاااافيه على الايراااد ..

تقديري لك ..

[فادي الشلاحي]

مشكور على مرورك

[سلطان مطر]

صح لسانك يالنقل الثقيل

وبيض الله وجهك

الف شكر اخوي

[محمد المانع]

صح لسان الوزن الثقيل

لاهنت على النقل

مشكور

[فادي الشلاحي]

مشكورين على مروركم

[اساور وأغصان]

الله يعطيك العااافيه على الايراد

تقديري لك ,,

[فادي الشلاحي]

مشكوره على مرورك

[هوى روحي]

صح السان سلطان الهاجري
ويعطيكـ العــآفيه لروعة حضورك
تحيتي وتقديري
هوى روحي

[فادي الشلاحي]

مشكوره على مرورك وتشريفكً

[العنيــــدهـ]

صح لسان شاعرها
ولاهنت ع الاختيار الرائع
يعطيك العافيه

[فادي الشلاحي]

مشكوره على مرورك وتشريفكً

[صعبة المنال]

الله يعطيك العااافيه على النقل المميز..

تقديري لك ,,

[فادي الشلاحي]

مشكوره على مروركً وتشريفكٌٌ

[يارا العامرية]

صح لســـآنه
وتسلم يمناك والله يعطيك العافية
تقديري

[سما الحمايل]

http://store1.up-00.com/Mar11/afG42576.gif
انتظر بوح فكرك ونبض قلمك..http://store1.up-00.com/Mar11/fPP42576.gif
الله يعطيك الف الف عافيه..http://store1.up-00.com/Mar11/9sa42576.gif


كنت هنا..
سما الحمايل..
http://store1.up-00.com/Mar11/cjk42576.gif


http://www.t1111t.com/vb/images/smilies/m-64.gif

[فادي الشلاحي]

مشكوره على مروركً وتشريفكًَُ