أيام ..!
تمر بك أيام تسعد لكونها أصبحت ماضي ..
لاتكترث لفواتها ..
أو تكتفي .. بعبارة ..( تنذكر وماتنعاد) ..
كن متفائلاَ دائماً
إجعلها تذكار نفسي ..!
لتستلذ فعلياَ ..
بأنك بألف خير وعايش وأصبحت تتذكرها كـ( كابوس مزعج) ..
شكراً ياحزني..!
عندما تطوقنا الهموم ..
وتحتوينا مواجعنا ..
نكون بأمس الحاجه لكلمه طيبه ..
ومواساة صادقه ..
تُزال الغشاوة ونصبح نميز منهو الأقرب للقلب و(اللي فيه خير )..
سعاده لاتتنفس بإريحيه ..!
بالعاده يتهم الرجل بالضعف (لمن يبكي )
حقيقه أنا أعشق دمعة والدي ..
وأحب أمسحها .. أتقرب منه بكل شقاوة وأبوسه عليها
يبتسم وهو بقمة الضيق فعلاَ أشعر أنو أنا عامله إنجاز ..
وأني بسعاده من نوع آخر ..
سعاده مختنقه بحزنه ..
لها ألم ممزوج بلذه ..
إنكسار ..
تعطي بوقت إنت بأمس الحاجه لتُعطى ..
تبتسم ظاهرياَ بوقت تكون فيه ( ميت بكا ) داخلياَ
تعتذر بوقت تكون أنت أحق يعتذر منك ولك ..
تنهي تواجدك .. سعادتك .. ليعيشها غيرك ..
تفوت شيء مهم لك عشان شيء أهم لغيرك ..
تعطي لنفسك أمل ويخيبك أقرب ناسك ..
تبحث عن صديقك تلاقي عدوك واقف جنبك أكثر منه ..
أحلام ..
لمن ترسم لحلمك وتخطط له ..
تأكد أنو فقد روعته وجماله ..
بالعاده أفضل أنو الأحلام ماتأخذ حيّز فكري ..
من ناحيتي أحس لمن يكون الحلم له ثواني فكريه
راح يكون حلم خيالي ..!
لو صارت دقائق راح يفقد حلاوته
ولو صارت ساعات راح يصير أخف لذه ويصبح هاجس
أما لو صارت أيام راح يحبطنا ..!
الندم ..
كثير بشع الإحساس بالندم ..
والأبشع لمن يسيطر على التفكير ..
يوجع القلب والعقل والنفس و( التسبد) ..!
بالنسبه لي أشبهه .. بالضيف الثقيل ..
اللي مجبور تجامله لأنه في ضيافتك وإستحاله تقوم وتخليه ..
أنا منيب ( حاتميه ) مع الندم ..!