أنا بنت بدوي عز المنادي

الجوهره الحربي · 25-02-2020, 06:44 AM

بلاده عقب حبه لي بلادي
...... اعوف الكون كله و التجي له !!

عليه القلب لو روح ينادي
....... و غيره و الله ليبطي اجي له !

خفوقي قبل حبه كان غادي
....... يزم حمول من وقته ثقيله ..!

يعيش الوقت في لونن رمادي
...... تلاوعه الهموم و ترتكي له

ولا كان الهوى غاية مرادي
.... و لكن حبـنا صـدفه جميله

حكمني و احتكم عرش الفوادي
.... و حظه كان في قلبي بشيله !!

ما اقول اني اميره في البوادي !
...... و لا احلى بنت و اطولهم جديله

و لا شعري على الشعار زادي
...... و لا عندي من المعنى جزيله

و لكنـي و حيـده بانفـرادي
..... و عيني ليلها قصه طـويله

انا بنت بدوي عز المنادي
...... و شيخة قوم من روس القبيله

بياض القلب ما خالط سوادي
..... و لا رجلي خطت درب الرذيله

ما اشد من الزعل الا ( عنادي )
.. و لا اعذب من رضاي الا/ هميله

بتظلمني الى من قلت عادي
..... انا انثى و لكنـي ( اصيله )

جدا جدا جدا جدا راقت لي