هلا بك

هلابك يـــــــــا ربيع القلب يــــــــــا نشوة غلا مغليك
عليك الحـــــــــــــــــــــــب يجبر خافق الملتاع بغيابك
هلابك الف لــــــــــــــــــو تكفي حشا ماظنها تكفيك
عساك لخافقي طـــــــــــــب وعسى الخفاق يهنابك
تمنيتك قبل عرفك وانا اللـــــــــــــي بالهوى مشقيك
هلا بالحب لــــــــــــــــــــــو انك بتشقابي واشقابك
عليك ضلوعي الحدبا تراجف لـــــــــــــن طرى طاريك
تفز العوج واللي ساكنٍ فيها مـــــــــــــــــــن اسبابك
يقولون العـــــــــــــــرب لا شب شوقك خلفها يكويك
تمرك ساعة الذكــــــــــــــــــــــرى وتصلابه وتصلابك
وانا اقول الهيام اكبر حقوقه مَــــــــــــــــن تعلق فيك
يسوقه مــــــــــــــن ثرى حلّه ويرسي به على بابك
معي لك في خفوقي عشق لو يُصرف بموجب شيك
عليك الله بنوك الراجحي مـــــــــــــــــا قدّت حسابك
احبك بالله مـــــــــــــــــــن الله وحبي مابه التشكيك
تعــــــــــــــــــــال وافهق ضلوعٍ خلت والقلب بطنابك
تسابق غمضي احلامــــــــــي وكني بالكرى غافيك
واحاول اسدل جفوني علـــــــــــــى طاريك وأحيابك
تصدق مـــــع شروق الشمس اناظر مغربه وارجيك
واغزل للغسق فرحي هلا يـــــــا حيّ مـــــن جابك
شريتك يالغرام اول وتالي مـــــــــــــــــا بك التمليك
وخذيتك انت من دون البشر مــــــــن جملة احبابك
صدقت ان قلت انـــــــــــا ماهو غرام الفاتنه والبيك
وكذبت ان قلت انــــــا عشق المتيم والهوى شابك
يا هيه شلون اوصل لـــك غلاك بقلب مــــــن يغليك
ترى عشق البشر ماهـــــــــو كفو لسمك ولا ثابك
حبيبي بعشقك بأجر التصدُق يــــــــا عسى يُنجيك
وارفــــــــــــــــع منزلك فيها نهار العــرض وحسابك

__DEFINE_LIKE_SHARE__

الله ع القصيده الرائعه
صح لسانك ملايين يالخرابشه ع ما قدمته لنا
تقديري __DEFINE_LIKE_SHARE__

شاعرنا عبدالله
صح السانك ملاين ابدعت وابدع
لحن القصيد من بوحك سلمت
لروعتها
تحياتي __DEFINE_LIKE_SHARE__

قصيده رائعه..
صح لسااانك ياعبدالله __DEFINE_LIKE_SHARE__

ابدعت شاعرنا
و صح لسانك ملايين
أبيات في منتهى الجمال
كل الشكر والتقدير
وتسلم يمينك __DEFINE_LIKE_SHARE__

قصيده جزله ورائعه
صح لسانك __DEFINE_LIKE_SHARE__

في منتهى الروعه والجمال صح لسانك __DEFINE_LIKE_SHARE__