رفعت النظر

17-01-2016, 09:29 PM

تخيلت نفسـي لشــدايد قوى عـزوم
ومتني قـوي اليا ارتكى حمله يشيله

واثر هقوت الانسان مقياسها مرسوم
لهــا خط دونه يقصــــر الحيل والحيله

رفعت النظر قدام ما ابغا النظر مخدوم
رفعــته وكفـيـــته ولا فــاد تطــــــويله

لقــيت ان عمر الادمــي بين ليل ويوم
مصـخــر له الله كل ما راد تســــيهيله

مقـــدر له الاجال والعمر له مقســوم
وحبل الحياة الى انقطع صعب توصيله

ياربي لا تجعلـني من العافيه محــروم
وعمــري من الطاعه لاتردي محاصيله

تخيلت نفســي لصعـــيبه بطل زيزوم
وهــي دونها كم انعطـــافه وتحـــويله

طـــويت الحبال وقلت ماني بها ملزوم
وليش ابلش الخاطــر بشرحه وتحليله

وانا عارف ان الطير رزقه ماهـو بالحوم
يحــوم الفضا والـــرزق بالارض ويجيله

ومهما فعلت وقلت والا جفــيت النوم
ما غـير المقــــدر لي صعـبه مناويـله

،،
الغانم