إن عاش راسك لا تزوّد عنــاه

الراى · 20-12-2014, 03:08 AM

بسم الله الوالي

إن عاش راسك لا تزوّد عنــاه
بالك على نفسك بروحاً حنونه

ما كل من يعشق يحـصل مناه
في ارض بور الـورد ما يزرعونه

عــزاى لبسـتاناً و وافر جِناه
يعجبك طلعه والثمـر في غصونه

لكن غيــره وا حســافه جَناه
و راح زرعه يـوم تشهد عيونه

من صد يا عيني ولا عاد ترجاه
اللي يبيع قلبك ولا هو يصونه

و إذا نسى خلّه واختــار فرقاه
و زاد خـانه فيه خيّب ظنونه

انسي إذا الجافي رحل عز لقياه
و العــلم بايــن دون ما يعلنــونه

سافر و هاجر وابتـعد عن ثـراه
خليه و من اختار ساكن حصونـه

لا هنــت يا حراً و ما حــد دعـاه
ان شدوا الخلان و ما يـذكـرونه

ان عـز قلـبك ان تجــد له دواه
يشكي جفى أحبابه و ما يرحمونه

و إذا تقول البين انا صرت مقواه
تكفى عليك الغلب لا يفــرضونه

اذا أنهــدم شـيً فصـعباً بـنـاه
يا زين إذا مات الأمل يدفنونه

إن عاش راسـك لا تزوّد عـنـاه
بالك على نفسـك بروحاً حنونه

الراى
__DEFINE_LIKE_SHARE__